Bajamja ka dobi të shumëfishtë për shëndetin tonë, mirëpo thonë që është me rëndësi edhe se si e hamë

Bajamet (Prunus dulci), para konsumimit, duhet t’i njomim në ujë dhe t’i lëmë ashtu gjatë natës. Përse?

Për shkak se në atë mënyrë nga ai më së mirë “nxirret” gjithë ajo që na duhet: proteinat, fibrat, vitamina E, kalciumi, zinku, fosfori dhe magnezi.

Bajamet “e thata” kanë enzime dhe membrana të cilat i mbrojnë para mbirjes, por edhe rëndojnë organizmin tonë që nga ai të marrin përbërësit e rëndësishëm.

Kur qëndrojnë në ujë membrana zhduket, e cila di të ketë edhe shije të hidhur, prandaj kjo për ne është shumë e rëndësishme: nutrienet e shëndetshme na janë të qasshme, stomaku ynë më lehtë do t’i zbërthejë, por edhe për ne është më e thjeshtë t’i hamë, sepse pa membrana janë më të buta.

Është me rëndësi që bajamet t’i njomni në ujë. Mirëpo, a e dini që bademi është afrodiziak, transmeton Telegrafi.

Bajamja është fryti arror më alkalin, çka do të thotë që në trup nuk krijon reaksion acidik. Përveç kësaj, në të gjendet sistemi shumë i balancuar i materive ushqyese, dhe kështu është i njohur si fruti më i shëndetshëm arror, siç është për shembull molla në mes pemëve.

Rreth 52 për qind e peshës së tij bie në yndyra, nga të cilat 67 për qind janë të pangopura. Kombinimi shumë i mirë dhe i shëndetshëm i yndyrave esenciale, proteinave dhe fibrave mundëson efekt pozitiv të bademeve në nivelin e kolesterolit në gjak – shumë mjekë dhe ekspertë mjekësor u rekomandojnë njerëzve të hanë badem për të ulur nivelin e kolesterolit.

Përveç kësaj, bajamja është një nga burimet më të pasura të vitaminës E në natyrë. Kjo vitaminë është antioksidante, respektivisht vepron kundër radikaleve të lira.

Në bajame gjejmë edhe shumë vitaminash komplekse B, veçanërisht niacinëm, dhe mineralet, nga të cilat ndajmë kalciumin, me të cilin pikërisht bademi është më i pasur ndër frutat arrore.

Materiet e tij ushqyese, veçanërisht proteinat, në mënyrë ideale plotësojnë kombinimin me drithërat, prandaj është më e mira në kombinim me musli.

Bajamet mund t’i përdorim, edhe të përziera në mikser në formë të gjalpit ose nga ata mund të bëjmë edhe qumësht shumë të shijshëm. /Telegrafi/

The post Fryta më e shëndetshme arrore: Si hahet bajamja? appeared first on Telegrafi.

Femrat janë të çmendura pas trendit të ri seksual që e çon orgazmën në maksimum

Duke qenë se TikTok ka këshilla pothuajse për të gjithë, nuk na habit fakti që e ka kthyer në trend teknikën e shtypjes së barkut, e cila çon në maksimum orgazmën femërore

Mirëpo, as kjo nuk është pa arsye, sepse femrat janë çmendur për këtë teknikë dhe betohen në fuqinë e një presioni të vogël në stomak.

Tendenca e re seksuale në TikTok rrit kënaqësinë femërore. Presioni i barkut, sado jo tërheqës të tingëllojë, sigurisht që bën një punë të mirë, sepse femrat në rrjetet sociale tregojnë se janë të kënaqura.

Prej disa kohësh, audienca femërore e ka provuar këtë truk në dhomat e tyre të gjumit dhe më pas e ka ndarë përvojën në rrjetet sociale, duke nxjerrë në pah fuqinë e asaj shtytjeje të vogël në stomak.

Trendi bazohet në faktin se nëse shtypni pjesën e poshtme të barkut të një gruaje gjatë seksit, mund të ndihmoni në stimulimin e pikës G, transmeton Telegrafi.

Sigurisht, është e nevojshme të keni kujdes kur përdorni këtë metodë dhe do të ishte mirë të shmangni presionin në stomak pas një vakti ose për shembull, nëse fshikëza është e mbushur plot.

Në çdo rast, ekspertët dëshmojnë fuqinë e këtij truku të vogël. Sipas seksologes SarahMulindwa, teknika ka kuptim për sa kohë që presioni nuk është shumë i fortë. Shpjegimi bazohet në ekzistencën e indeve në rajonin e legenit, duke përfshirë vagjinën dhe klitorisin, dhe lidhja e tyre është e njohur.

“Shpesh ne jemi tepër të fokusuar në aspektin e depërtimit dhe harrojmë mundësitë e kënaqësisë që vijnë nga stimulimi i pjesëve të tjera të trupit. Presioni i jashtëm mund të jetë jashtëzakonisht efektiv në aktivizimin e pikës G, stimulimin e klitorisit dhe lehtësimin e arritjes së orgazmës”, shpjegon Mulindwa, duke theksuar se është shumë e rëndësishme të mos ushtroni shumë presion, pasi zona nuk është e fortë.

Thelbi qëndron në presionin e butë që nuk do të shkaktojë dhimbje, sepse askush nuk dëshiron të ndihet i pakëndshëm gjatë seksit.

Gjithashtu, Sarh shprehet se është shumë e rëndësishme të bisedoni me partnerin tuaj për të kuptuar se çfarë funksionon dhe çfarë jo. Kënaqësia e ndërsjellë është shumë e rëndësishme. /Telegrafi/

The post Pak presion në stomak bën mrekulli: Tendenca e re seksuale në TikTok rrit kënaqësinë femërore appeared first on Telegrafi.

Duhet të niseni në udhëtim me veturë vetëm me beben. Shumica e prindërve nga ky udhëtim u ngrihen flokët në kokë, sepse çfarë të bëjnë nëse bebja fillon të qajë vazhdimisht, ndërkaq ju, për shembull, jeni në autostradë

Ulja e bebes në ulësen e përparme duket si ide më e mirë, sepse shoferi, më së shpeshti, nëna, në atë rast mund të shohë se çfarë ndodh me bashkudhëtarin e vogël.

Dhe me ligj lejohet që në ulësen e bashkudhëtarit të ulen udhëtarët më të vegjël në të ashtuquajturën ulëse “vezë”, e cila përdoret në drejtimin e kundërt të vozitjes.

Nëse vendosni që në këtë mënyrë të niseni në rrugë, patjetër duhet ta shkyçni jastëkun ajror para bashkudhëtarit. Mirëpo, kjo ide ka edhe anët e këqija, transmeton Telegrafi.

Si shkyçet jastëku ajror para bashkudhëtarit?

Deaktivizimi është shumë i thjeshtë. Shumica e veturave posedojnë sustën e cila gjendet në hapësirën para bashkudhëtarit me dy pozita – kyçur dhe shkyçur. Shkyçja bëhet me çelësin e kontaktit.

Modelet më të reja kanë opsionin on/off dhe në menynë e sistemit info-argëtues. Pas deaktivizimit ndizet llamba e vogël e cila tregon qartë që ai jastëk ajror është jashtë funksionit.

Para së gjithash, bebja pranë shoferit di të tërheqë vëmendjen nga rruga, gjë që udhëtimin e bën të pasigurt.

Nga ana tjetër, ai vend i bashkudhëtarit është edhe më i rrezikuari sepse kur ballafaqohemi ne ndonjë situatë të rrezikshme gjithsecili nga ne reagon instinktivisht duke sjellë timonin në anën e majtë dhe duke e ekspozuar anën e djathtë të veturës ndaj rrezikut të përplasjes.

Këto janë pjesëza sekonde, në situata të tilla nuk keni kohë të mendoni, ato janë reagime instinktive të secilit shofer.

Pra, këshilla jonë është që fëmijët në të ashtuquajturën ulëse “vezë” të jenë prapa. Më ideale është mesi i ulëses së pasme. Natyrisht, me kusht që të mund të montoni mirë ulësen dhe ta forconi me rrip.

Këtë po e theksojmë sepse pozita e mesme e ulëses së pasme në disa modele ose nuk ka rrip ose ai është tepër i shkurtër.

Nëse ekzistojnë kushtet për montim të sigurt të ulëses së bebes në mes, atëherë mund ta vendosni pas shoferit apo bashkudhëtarit.

Parimisht është krejt njësoj dhe gjithsesi më mirë sesa bebja të vendoset në karrigen e parë. /Telegrafi/

The post Këto janë pozitat më të sigurta për beben në veturë. A është më e sigurt afër shoferit? appeared first on Telegrafi.

Të sinqertë, besnikë dhe plot dashuri – a janë pronarët e qeneve partnerë idealë?

Tashmë të gjithë e dinë se si qeni është miku më i mirë i njeriut. Jeta me të adhuruarin shtëpiak i ndryshon shprehitë dhe i vendos ndryshe prioritetet.

Çfarë e bën pronarin e të adhuruarve shtëpiakë më ndryshe se të tjerët?

Nuk frikësohen nga devotshmëria

Kush ka qen, nuk është i mësuar me vetminë dhe me atë rast ka mësuar që egon e vet ta lërë në plan të dytë. Të kesh qen nuk është vetëm argëtim, sepse kërkon edhe përgjegjësi.

Janë aktivë

Pronarët e qenve shpesh e kalojnë kohën duke shëtitur në natyrë. Përgjithësisht janë të hapur ndaj aventurave dhe aktiviteteve të cilat përfshijnë edhe qëndrimin jashtë shtëpisë.

Janë plot dashuri

Të gjitha qenieve të gjalla u nevojitet kujdesi. Përkëdhelje me orë të tëra, shëtitje e përbashkët dhe momente intime plot dashuri. Pronarët e qenve dinë të dashurojnë me butësi, transmeton Telegrafi.

Janë besnikë

Janë të mësuar të kujdesen për të adhuruarit e tyre dhe posaçërisht e vlerësojnë besnikërinë e tyre. Prandaj është më se e sigurt që pikërisht këtë karakteristikë më së shumti e vlerësojnë në lidhjet me partnerin.

Praktikisht tashmë kanë familje të vogël…

…gjë që do të thotë se nuk kanë frikë të hapin zemrën e tyre. Qentë kërkojnë përkushtim, i cili nevojitet edhe për lidhje të suksesshme.

Koha e argëtimeve të çmendura është e kaluar e tyre

Të kalosh natën nëpër klube dhe të flesh tërë ditën nuk është e zakonshme për pronarët e qenve. Ajo fazë shpesh për ta ka përfunduar. Janë të kujdesshëm ndaj obligimeve siç janë: shëtitja herët në mëngjes, ushqimi i rregullt dhe kujdesi i plotë.

Forcë qëndrueshmërie

Çdokush që ndonjëherë ka rritur këlyshë, e di se sa është e mundimshme. Pra, nëse ndonjëherë keni njohur ndonjë pronar qensh, i cili të adhuruarin e vet e ka nën kontroll, mund të supozohet që ai person është i qëndrueshëm, i durueshëm dhe plot energji, të cilat janë karakteristika shumë të rëndësishme në një marrëdhënie. /Telegrafi/

The post Përse pronarët e qenve janë partnerë potencialë më të mirë? appeared first on Telegrafi.

Vëllezërit dhe motrat më së shpeshti ndajnë të njëjtën hapësirë, andaj po ju propozojmë se si ta rregulloni hapësirën për të qenë të gjithë të kënaqur

Në banesën ideale, secili fëmijë ka këndin e vet.

Krevatet me kate janë opsioni më praktik për dhoma të vogla, ndërkaq rekomandohen edhe tapetat me motive qielli dhe reshë, të cilat do të ofrojnë ndjenjë e hapësirës vizuale më të gjerë.

Ngjyra rozë është e preferuara për vajzat, prandaj nëse keni dy vajza, do t’u pëlqejë që dhomën ta ngjyrosni me këtë ngjyrë.

Për djemtë nuk është e detyrueshme të zgjidhni të kaltrën tradicionale, sepse e duan edhe të verdhën, të gjelbrën dhe të portokalltën.

Djalit dhe vajzës ndani vizualisht hapësirën, kështu që ata vetë të zgjedhin ngjyrat dhe dekorimet e anës së tyre. Kjo do të duket shumë interesante, transmeton Telegrafi.

Është me rëndësi që dhoma të rrezatojë ndjenjë të hareshme. Për shembull, nëse kërkesa kryesore është mali, vendosni tapeta muri me foto mali, mbulesën me lule, ndërkaq jastëkët në figura kafshësh.

Nëse e dëshironi xhunglën, bëjeni tepihun me vija zebre dhe në tapeta me figura gjirafe.

Parajsa tropikale do të krijohet nëse e hidhni litarin dhe e lidhni në një kënd, në mënyrë që vogëlushët të mund të ngjiten në të. Motivet nga përrallat janë të preferueshme, si edhe superheronjtë dhe heronjtë nga vizatimorët.

Për fëmijët më të rritur vendosni perde apo paravane përreth krevatit në mënyrë që të mund t’i tërheqin kur t’u duhet privatësia.

Pos kësaj, pjesërisht bllokojnë dritën, andaj janë zgjedhje e mirë për fëmijët të cilët nuk flenë gjumë në të njëjtën kohë. /Telegrafi/

The post Rregullimi i dhomës për dy fëmijë appeared first on Telegrafi.

Je në një dhomë plot me njerëz, zhurma dhe bisedat vazhdojnë, por ti ndihesh larg?

Kjo ndjesi është më e zakonshme nga sa mendohet dhe shpesh nuk lidhet me mungesën e pranisë fizike të njerëzve, por me mungesën e lidhjeve të thella emocionale.

Vetmia emocionale : Vetmia fizike

Vetmia nuk vjen gjithmonë nga të qenit vetëm fizikisht. Shumë njerëz janë të rrethuar nga miq dhe familjarë, por sërish ndihen të vetmuar. Kjo ndodh kur mungojnë lidhjet kuptimplota emocionale. Mungesa e një personi me të cilin mund të ndash mendimet dhe ndjenjat më të thella është një nga arsyet kryesore që shkakton këtë ndjesi.

Rrjetet sociale, shkak i vetmisë?

Pavarësisht se jemi të lidhur virtualisht, rrjetet sociale shpesh krijojnë lidhje sipërfaqësore, që nuk mbushin boshllëkun emocional. Ndërveprimet si pëlqimet dhe komentet nuk zëvendësojnë bisedat e sinqerta. Kjo krijon një ndjenjë izolimi, pasi shumë prej nesh përfundojnë duke krahasuar jetën e tyre me atë që shohin online, ndonëse është një imazh i kuruar dhe jo i vërtetë.

Frika nga intimiteti emocional

Shumë njerëz kanë frikë të ndajnë ndjenjat e tyre të thella, për shkak të frikës nga gjykimi ose refuzimi. Kjo mungesë e sinqeritetit emocional çon në lidhje sipërfaqësore, që thellojnë më tej vetminë.

Si ta luftosh vetminë moderne?

Shpreh ndjesitë e tua – Tregoji emocionet që ndjen me njerëz të cilëve u beson. Kjo të ndihmon të krijosh lidhje të vërteta.

Krijo kohë për biseda kuptimplota – Kalo më shumë kohë me njerëzit që kanë rëndësi për ty dhe zhvillo biseda të sinqerta.

Mos ki frikë të ndash mendimet – Ndaji mendimet e tua. Kjo do të krijojë lidhje më të thella.

Investo në marrëdhënie cilësore – Kur vjen fjala te miqësitë, cilësia e mposht sasinë. Më mirë pak miq cilësorë sesa shumë miq “sipërfaqësorë”. /Telegrafi/

The post Vetmia moderne: Pse mund të ndihesh vetëm edhe kur ke rreth vetes shumë njerëz? appeared first on Telegrafi.

Një çekuilibër i mikrobiomës së zorrëve dhe gjenetikës janë vetëm disa nga faktorët që mund të shkaktojnë disa sëmundje të zemrës për shkak të zbrazjeve të parregullta të zorrëve

Kapsllëku mund të rrisë rrezikun e zhvillimit të problemeve të zemrës, veçanërisht te njerëzit me presion të lartë të gjakut, kanë treguar rezultatet e hulumtimit të shkencëtarëve nga Universiteti Monash.

Hulumtimet ekzistuese kanë lidhur kapsllëkun me mpiksjen e gjakut dhe sëmundjet e zemrës, dhe ndryshimet në stilin e jetës, të tilla si dieta e pasur me fibra dhe ushtrimet e rregullta, mund të përmirësojnë problemin e kapsllëkut.

Kapsllëku është i pakëndshëm në vetvete, shkakton fryrje, por edhe e vë në rrezik zemrën

Sipas një studimi të ri nga shkencëtarët nga Universiteti Monash në Australi, kapsllëku jo vetëm që shkakton siklet dhe fryrje, por gjithashtu mund të rrisë rrezikun e problemeve me zemrën. Njerëzit që kanë kapsllëk dhe presion të lartë të gjakut kanë një shans 34 për qind më të lartë për probleme të zemrës si sulmi në zemër, goditje në tru dhe dështim i zemrës, krahasuar me njerëzit me presion të lartë të gjakut, por pa probleme me kapsllëkun, ka treguar hulumtimi.

Këto gjetje janë vetëm një shtesë tjetër në numrin në rritje të provave që lidhin kapsllëkun dhe problemet e zemrës. Një studim i vitit 2020 gjeti një lidhje të fortë midis kapsllëkut dhe mpiksjes së gjakut në vena, ndërsa një studim i vitit 2016 lidhi lëvizjet e rralla të zorrëve me një rrezik më të lartë të vdekjes nga sëmundjet e zemrës, transmeton Telegrafi.

Kapsllëku dhe sëmundjet e zemrës kanë faktorë të ngjashëm rreziku

– Miliona njerëz vdesin nga sëmundjet e zemrës çdo vit, kështu që gjetja e faktorëve shtesë të rrezikut për të synuar është gjithmonë e rëndësishme. Është e vështirë të thuhet nëse kapsllëku shkakton drejtpërdrejt sëmundje të zemrës, sepse shumë gjëra që mund të shkaktojnë kapsllëk shihen në sëmundjet e zemrës, thotë Dr. Spencer D. Liu, kardiolog intervenues në Spitalin Universitar Northwell Staten Island, por ai thotë se nevojiten më shumë kërkime nëse ka një lidhje shkakësore midis kapsllëkut dhe sëmundjeve të zemrës.

Disa teori thonë se çekuilibri i mikrobiomës së zorrëve – që shpesh lidhet me kapsllëkun – mund të prishë barrierën e mukozës së zorrëve dhe të shkaktojë një reaksion inflamator, i cili kontribuon në sëmundjet e zemrës, kujtojnë gastroenterologët.

Një teori tjetër sugjeron se gjenetika është në lojë. Njerëzit që janë gjenetikisht të predispozuar ndaj kapsllëkut mund të kenë një rrezik më të lartë të fibrilacionit atrial.

Disa teori thonë se çekuilibri i mikrobiomës së zorrëve – që shpesh lidhet me kapsllëkun – mund të prishë barrierën e mukozës së zorrëve dhe të shkaktojë një reaksion inflamator, i cili kontribuon në sëmundjet e zemrës, kujtojnë gastroenterologët.

– Faktorë të tjerë rreziku të zakonshëm, si mungesa e fibrave në dietën tonë, mund të kontribuojnë në zhvillimin e këtyre sëmundjeve – thotë Dr. Francine Marques, një nga autorët e studimit të ri, profesor i gjenetikës dhe drejtuese e Hypertension Research Laboratory në Universitetin Monash.

Ndryshimet e stilit të jetesës mund të përmirësojnë kapsllëkun dhe shëndetin e zemrës

Disa faktorë rreziku, si plakja dhe gjenetika, janë jashtë kontrollit tuaj. Megjithatë, kontrolli i faktorëve të stilit të jetesës mund të përmirësojë lëvizjet e zorrëve dhe rezultatet kardiovaskulare.

– Kapsllëku mund të parandalohet me një dietë të shëndetshme të pasur me fibra, stërvitje, gjumë të mirë dhe mbajtjen nën kontroll të stresit. Në disa raste të kapsllëkut, është e nevojshme të kontrolloni me mjekun të gjitha barnat që merr individi në mënyrë që të identifikohen shkaqet e mundshme që mund të ndihmojnë në zbutjen e simptomave – thotë Dr. Christopher Damman, profesor i gastroenterologjisë në University of Washington School of Medicine.

Ekspertët na kujtojnë se konsumimi i 20 deri në 35 gram fibra në ditë nga frutat, perimet, fasulet dhe drithërat ndihmon në parandalimin e kapsllëkut. Fibrat janë gjithashtu të rëndësishme për kontrollin e peshës dhe uljen e kolesterolit, gjë që mund të zvogëlojë rrezikun e sëmundjeve të zemrës. /Telegrafi/

The post Kapsllëku mund të ndikojë në zhvillimin e problemeve të zemrës: Në çfarë rreziku janë njerëzit me tension të lartë appeared first on Telegrafi.

Këto shenja tregojnë se duhet t’i japësh përparësi shëndetit tënd mendor

Nëse diçka thjesht ju vjen keq, mos e injoroni atë ndjenjë. Kur nuk ndiheni si vetvetja për një periudhë të gjatë kohore – le të themi tre javë – kjo është një shenjë e mirë që duhet të ripërcaktoni shëndetin tuaj mendor.

Nëse nuk i kushtojmë vëmendje shenjave që trupi dhe mendja na japin, mund të përballemi me pasoja të rënda.

Më poshtë janë gjashtë shenja që tregojnë se është koha të kthesh vëmendjen tek vetja.

1. Ndihesh vazhdimisht i/e lodhur, edhe pas gjumit

Edhe nëse fle mirë, nëse ndihesh i/e lodhur dhe pa energji, mos harro që edhe shëndeti yt mendor ndikohet nga kjo mungesë energjie. Stresi dhe ankthi shpesh shfaqen përmes lodhjes së tepërt.

2. E ke të vështirë të përqendrohesh në detyrat e përditshme

Kur mendja është e mbingarkuar me shqetësime dhe mendime të tepërta, aftësia për t’u përqendruar bie ndjeshëm.

Nëse vëren se nuk mund të qëndrosh i/e përqendruar, mund të jetë koha të marrësh një pushim dhe të rimendosh prioritetet.

3. Je më i/e ndjeshëm/e dhe emocionalisht i/e paqëndrueshëm/e

Nëse përjeton ndryshime të shpeshta në humor, shpërthime të papritura ose ndihesh më i/e ndjeshëm/e se zakonisht, kjo është një shenjë e qartë që diçka nuk shkon me mirëqenien tënde mendore.

4. Izolohesh nga të tjerët

Nëse ke filluar të distancohesh nga miqtë, familja apo aktivitetet që më parë të jepnin kënaqësi, mund të jetë një tregues që diçka në shëndetin tënd mendor ka nevojë për përkujdesje.

5. Ke humbur interesin për gjërat që dikur të pëlqenin

Nëse aktivitetet që dikur të sillnin gëzim tashmë të duken pa kuptim, është koha të reflektosh dhe të marrësh masa për të përmirësuar gjendjen tënde mendore.

Është e rëndësishme të njohim këto shenja dhe të mos i injorojmë. Kujdesi për shëndetin mendor është çelësi për një jetë të balancuar dhe të lumtur.

6. Energji e ulët

Ndjenjat e lodhjes dhe letargjisë janë gjithashtu të zakonshme tek njerëzit që janë duke luftuar me shëndetin e tyre mendor. Të ndihesh i plogët mendërisht ose fizikisht mund ta bëjë më të vështirë përqendrimin, ndjekjen e bisedave ose të menduarit shpejt.

Nëse keni energji të ulët deri në pikën ku është e vështirë të gjeni motivimin për t’u ngritur nga shtrati, merrni parasysh të flisni me mjekun tuaj. /Telegrafi/

The post Gjashtë shenja që tregojnë se duhet të shqetësoheni për shëndetin tuaj mendor appeared first on Telegrafi.

Teksa Kendall Jenner duket e dashuruar me nuancat e biondes mjaltë apo çokollatës së theksuar, ajo nuk harron që t’i rikthehet gjithmonë flokëve në të zezë, sidomos gjatë fushatave të marketingut

Kendall i ka habitur jo pak njerëzit me ndryshimin e fundit, ku në një postim në Instagram ajo shfaqet në një video për Calvin Klein me flokët në versionin pixie dhe me balluke.

Me pjesën fundore të theksuar me shkallëzim dhe fijet që bien në fytyrë, ky model flokësh shkurt e bën modelen të duket njësoj si nëna e saj Kris.

Prerja shkurt, balluket dhe shkallëzimi janë të gjitha detaje që e bëjnë Kendall të duket si një vajzë e lezetshme franceze që pozon për veshjet sportive të markës së njohur të modës.

Në video, Jenner shfaqet në plazh, e veshur me pantallona dhe sutjena, ndërsa në një video tjetër duket me xhaketë të zezë dhe çizme ushtarake.

 

View this post on Instagram

 

A post shared by Kendall (@kendalljenner)

Nuk dihet qartë nëse modeli i ri i flokëve të Kendall është një paruke apo prerje e vërtetë, por kjo nuk është hera e parë që motrat Jenner rikrijojnë një prej modeleve ikonë të flokëve të nënës së tyre.

 

View this post on Instagram

 

A post shared by Calvin Klein (@calvinklein)

Disa muaj më parë, ka qenë Kylie Jenner që publikoi në Instagram një foto me flokë të prera shkurt me mbishkrimin: “Kriss Jenner po dridhet!”

Koha do ta tregojë nëse supermodelja do e mbajë këtë prerje flokësh gjatë gjithë vjeshtës, por një gjë është e sigurt: ky ndryshim mund të jetë frymëzim për shumë femra!

The post Shtatori i ndryshimeve: Kendall preu flokët dhe duket njësoj si nëna e saj! appeared first on Telegrafi.

Ndryshimet në enët e gjakut janë shkaku kryesor i një ataku kardiak dhe ato mund të jenë njëlloj të pranishme te të dyja gjinitë dhe në mosha të ndryshme

Sëmundjet kardiovaskulare janë shkaku kryesor i vdekjeve në botë dhe njohja e simptomave do t’ju ndihmojë t’i parandaloni këto sëmundje. Nga stresi apo gëzimit i tepërt, është e mundur të përjetoni një sulm në zemër, por nuk mund të themi se janë shkaktari kryesor i kësaj gjendjeje.

Megjithatë, duhet të mendoni përpara se të bëni disa nga aktivitetet e mëposhtme nëse jeni në grupin e rrezikut:

Ngritja nga shtrati në mëngjes

Sulmet në zemër ndodhin më shpesh në mëngjes. Kjo është për shkak se truri juaj mbush trupin me hormone për t’ju ndihmuar të zgjoheni, por kjo e ngarkon zemrën tuaj. Ajo që mund të shkaktojë atak në zemër gjatë zgjimit është dehidrimi, por edhe ngritja e shpejtë nga shtrati.

Mungesa e gjumit

Gjumi i rregullt dhe cilësor është i domosdoshëm për organizmin e njeriut dhe nëse nuk flini mjaftueshëm, mund ta rritni rrezikun e një ataku kardiak. Mungesa e gjumit mund ta rritë presionin e gjakut, por edhe të çojë në inflamacion. Gjumi duhet të zgjasë të paktën gjashtë deri në tetë orë çdo natë, në mënyrë që ta reduktoni rrezikun e sëmundjeve të ndryshme.

Ngrënia e tepërt

Është e qartë se një vakt i bollshëm nuk mund të shkaktojë atak në zemër, veçanërisht nëse jeni një person që nuk rrezikohet nga sëmundjet kardiovaskulare. Megjithatë, nëse jeni në grupin e rrezikut, një vakt i madh dhe i rëndë mund ta rritë nivelin e hormoneve dhe ritmin e zemrës, duke shkaktuar kështu një sulm në zemër.

Stërvitje e menjëhershme ose intensive

Të qenit në formë do ta mbrojë zemrën tuaj në planin afatgjatë, por stërvitja e tepërt mund të jetë e rrezikshme. Rreth gjashtë për qind e sulmeve në zemër shkaktohen nga sforcimet ekstreme fizike.

Seksi

Ashtu si shumë forma të ushtrimeve, aktiviteti seksual lidhet me një rrezik të shtuar të sulmit në zemër. Megjithatë, ky aktivitet nuk është i rrezikshëm nëse jeni fizikisht aktiv dhe i shëndetshëm.

The post Kujdes kur bëni këto aktivitete, mund të pësoni atak në zemër appeared first on Telegrafi.

Nëse për shumëkënd ideja e përfshirjes në një bisedë të rastësishme është një qasje e pranueshme, për shumë të tjerë rikthimi në një debat është gjithçka që ata duan

Nuk ka rëndësi nëse flasin për motin, për një film apo për punën, për disa syresh pavarësisht argumenteve, të pasurit të drejtë është një mision jete.

Ja cilat janë tri shenja të horoskopit që duan të kenë gjithmonë të drejtë!

Luani

Si një shenjë Zjarri, Luanët janë natyrshëm të mbushur me një ndjenjë të palëkundur besimi. Vetëbesimi i tyre mund të shihet kudo, por sidomos kur përfshihen në një debat. Edhe nëse e kanë të qartë që janë gabim në qëndrimin e tyre, ata këmbëngulin me krenari në versionin e tyre të historisë sepse ata thjesht nuk tërhiqen.

Luanët jetojnë për emocionin e një bisede të zjarrtë dhe kënaqen me lavdinë e të qenit në fokus të bisedës dhe të të gjithëve, sidomos nëse argumentet e tyre fitojnë.

Virgjëresha

Virgjëreshat njihen për prakticitetin e tyre, vëmendjen ndaj detajeve dhe nevojën e vazhdueshme për përsosmëri. Të lindurit e kësaj shenje nuk tërhiqen kurrë nga një mosmarrëveshje apo debat me prindërit, madje ata kurrë nuk e lënë një mik/mikeshë që të fitojë me argumente në një debat.

Si shenjë Toke, Virgjëreshat janë një “minierë” njohurish shpesh të padobishme, e datave të rëndësishme dhe jo vetëm. Kjo i bën ata njohës të mirë të çdo situate, ndaj dhe fakti që kanë respekt për bindjet dhe opinionet e tyre nuk i lejon që t’u hapin rrugë të tjerëve në një debat.

Ujori

Ujorët duken shpesh si të shkëputur nga realiteti dhe jeta e përditshme, por kur vjen puna te mbyllja e një debati, ata dinë si ta bëjnë këtë në momentin e duhur.

Të lindurit e kësaj shenje bëhen tepër llafazanë kur vjen puna te ndarja e informacioneve, madje ata janë të parët që shqetësohen kur dikush keqinformohet. Si një shenjë fikse, Ujorët dinë si të mbrojnë me mjeshtëri pozicionin e tyre në një diskutim apo debat, me të gjithë argumentet e mundshme. Sepse ata dinë si të fitojnë, gjithmonë! /Telegrafi/

The post Këto tri shenja të horoskopit duan të kenë gjithmonë të drejtë appeared first on Telegrafi.

Ngjyrat që ju rrethojnë kanë një ndikim të fuqishëm në emocionet dhe performancën tuaj. Ato ndikojnë në mënyrën se si ndiheni dhe si e përballoni ditën tuaj

Zgjedhja e ngjyrave të duhura për ambientet ku kaloni kohën tuaj mund të ndihmojë në përmirësimin e mirëqenies dhe efikasitetit tuaj.

Ja si ndihmojnë ngjyrat në përmirësimin e humorit dhe produktivitetit:

Ngjyrat e ftohta dhe qetësia

Ngjyrat e ftohta, si bluja dhe e gjelbra, janë të njohura për efektet qetësuese që ofrojnë. Këto ngjyra ndihmojnë në uljen e niveleve të stresit dhe krijojnë një ambient çlodhës. Ato janë të përshtatshme për ambiente pune dhe zona relaksi, ku qetësia dhe përqendrimi janë të rëndësishme.

Ngjyrat e ngrohta dhe energjia

Ngjyrat e ngrohta, si e kuqja dhe portokallia, janë të lidhura me energjinë dhe aktivitetin. Këto ngjyra stimulojnë energjinë dhe mund të rrisin motivimin dhe produktivitetin. Janë të përshtatshme për ambiente që kërkojnë aktivitet fizik dhe një ndjenjë të lartë energjie.

Efekti i ngjyrave në humor

Ngjyrat gjithashtu luajnë një rol të rëndësishëm në ndjenjat tona. Për shembull, ngjyra e verdhë është e lidhur me lumturinë dhe optimizmin. Ajo ndihmon në rritjen e ndjenjës së kënaqësisë dhe përmirëson humorin.

Ngjyrat në ambientet e punës

Në ambientet e punës, zgjedhja e ngjyrave mund të ndikojë në atmosferën e përgjithshme dhe në produktivitetin e punonjësve. Ngjyra blu është më e preferuara për zyra dhe hapësira pune, pasi ndihmon në përmirësimin e përqendrimit dhe zvogëlimin e stresit. Ndërsa ngjyra e kuqe mund të jetë më e përshtatshme për hapësira që kërkojnë aktivitet dhe nivel të lartë energjie.

Përshtatja e ngjyrave për nevojat individuale

Një aspekt i rëndësishëm është se ndikimi i ngjyrave mund të ndryshojë nga personi në person. Disa individë mund të ndihen më të qetë në ambiente me ngjyra të ngrohta, ndërsa të tjerë mund të preferojnë ngjyra të ftohta. Pra, është e rëndësishme të merrni parasysh preferencat personale kur krijoni ambientet e jetës dhe të punës. /Telegrafi/

The post Si ndikojnë ngjyrat e ambientit në humorin dhe produktivitetin tuaj? appeared first on Telegrafi.

Kur një grua e sigurt në vetvete vendos të ndjekë ambiciet e saj, nuk është gjithmonë e mirëpritur me duartrokitje nga të gjithë

Ndërsa shumë njerëz e admirojnë dhe e inkurajojnë suksesin e saj, ka edhe burra që mund të ndihen të kërcënuar ose të frikësuar nga ambiciet e larta të grave. Por, pse ndodh kjo?

Ja cilat janë disa nga arsyet kryesore:

1. Frika nga konkurrenca

Një nga arsyet kryesore që disa burra ndihen të kërcënuar nga gratë ambicioze është frika nga konkurrenca në këndvështrimin e suksesit dhe karrierës.

Tradicionalisht, burrat janë parë si “kontribuuesit” kryesorë të familjes dhe një grua që sfidon këtë rol, duke pasur një karrierë të suksesshme, mund të krijojë pasiguri dhe ankth. Kjo ndjenjë në vend që të frymëzojë mbështetje, shpesh shkakton tensione dhe keqkuptime në marrëdhënie.

2. Ndryshimi i roleve tradicionale në marrëdhënie

Kur një grua tejkalon rolet tradicionale familjare dhe ndjek ambicie të larta profesionale, disa burra mund ta shohin këtë si një kërcënim për balancën tradicionale të pushtetit në marrëdhënie. Duke sfiduar këto norma tradicionale, gratë ambicioze, jo vetëm që i japin formë një të ardhmeje të re për veten, por edhe sfidojnë pritshmëritë e rrënjosura thellë në kulturë.

Ky ndryshim mund të jetë vështirë për t’u pranuar për disa burra, duke çuar në tensione të reja në dinamikën e marrëdhënies.

3. Presioni shoqëror për superioritetin e burrave

Shoqëria shpesh ushtron një formë presioni mbi burrat, që të jenë më të suksesshëm se gratë e tyre. Ky presion mund t’i bëjë ata të ndihen të pavlefshëm dhe të frikësuar nga gratë që arrijnë nivele të larta suksesi, duke çuar në debate të brendshme.

Kjo ndjesi vjen nga një kulturë ku burrat janë mësuar të jenë dominues dhe çdo ndryshim në këtë dinamikë mund të perceptohet si një humbje e pushtetit dhe kontrollit.

4. Pasiguria personale dhe ndikimi në marrëdhënie

Pasiguria personale e një burri për vlerën e tij mund të rritet kur përballet me një grua që është e sigurt në vetvete dhe ambicioze.

Një burrë që nuk është i sigurt për arritjet e tij mund të ndihet i kërcënuar nga suksesi i partneres së tij. Kjo pasiguri mund të krijojë një ndjenjë kërcënimi dhe të ndikojë negativisht në dinamikën e marrëdhënies, duke çuar në distancë emocionale.

5. Frika nga pavarësia e grave ambicioze

Gratë ambicioze shpesh janë të pavarura dhe të afta për të marrë vendime për jetën e tyre. Kjo pavarësi mund të shkaktojë frikë dhe ndjenjën e padobishmërisë te disa burra, duke krijuar tensione dhe konflikte në marrëdhënie. Një grua që nuk ka nevojë për mbrojtjen apo ndihmën e një burri mund ta bëjë atë të ndiejë se roli i tij tradicional po zbehet, gjë që mund të krijojë pasiguri dhe mosmarrëveshje.

Pra, gratë ambicioze nuk janë vetëm një frymëzim për shoqërinë, por edhe një sfidë për normat tradicionale të marrëdhënieve. Për të ndërtuar marrëdhënie të shëndetshme dhe të balancuara, është e nevojshme që burrat të pranojnë dhe mbështesin ambiciet e grave, duke lënë mënjanë frikën dhe pasigurinë. Vetëm atëherë do të mund të krijohen lidhje të forta, të bazuara në respekt dhe mbështetje të ndërsjellë. /Telegrafi/

The post Pse disa burra “tremben” nga gratë ambicioze? appeared first on Telegrafi.

Jennifer Lopez përdori këto truke për të krijuar harmoni në një pjesë të shtëpisë së saj

Sipas ekspertëve, banja konsiderohet të ketë rrjedhën më të ulët të energjisë nga të gjitha dhomat në shtëpinë tonë për shkak të natyrës së saj historikisht johigjienike.

Edhe J.Lo nuk u rezistoi këshillave se si të përmirësonte jetën e saj në çdo kuptim, e për rrjedhojë hapësirën e saj të jetesës, ndaj nuk duhet të jetë çudi të mësosh se banja e saj është bërë pikërisht në atë stil.

Këngëtarja përmirësoi energjinë në hapësirën e saj me një element kyç: hapësirën e saj të magazinimit.

Siç shpjegojnë ekspertët, marrëdhënia midis banjës sonë dhe Feng Shui-t është çuditërisht me ndikim – dhe, megjithëse në dukje e thjeshtë, zgjedhja e dollapëve të gjatë vertikal (të ngjashme me atë që shihet në hapësirën e Jennifer-it) ka një ndikim të rëndësishëm, transmeton Telegrafi.

 

View this post on Instagram

 

A post shared by Jennifer Lopez (@jlo)

Këngëtarja zgjodhi dollapë të gjatë dhe të hollë gri që përdorin çdo centimetër të hapësirës në dispozicion. Ata nxjerrin në pah hapësirën dhe i japin vetes një qëllim shumë më të madh sesa magazinimi.

Krijimi i një mjedisi pa rrëmujë është një nga gjërat më të rëndësishme që mund të bëjmë për të promovuar Feng Shui pozitive në banjë, thotë ekspertja e dizajnit të brendshëm, Ruth Foster. Ajo na fton të zgjedhim rafte të larta si ato që ka JLo.

– Për të përmirësuar rrjedhën e Chi, është e nevojshme të ruhet një ndjenjë e hapjes dhe rrjedhshmërisë në banjë. Kjo mund të arrihet duke e mbajtur hapësirën të rregullt dhe duke siguruar që ka një rrugë të qartë për lëvizjen e lirë të energjisë. Një banjo pa rrëmujë jo vetëm që duket më tërheqëse, por gjithashtu lejon një rrjedhje më të mirë të energjisë, thotë Foster për Homes and Gardens.

Minimizimi i rrëmujës promovon rrjedhje më të mirë të energjisë, duke krijuar një mjedis të qetë dhe të qetë që është perfekt për t’u çlodhur gjatë banjës, dushit ose përgatitjes për shtrat.

– Drita natyrale dhe ajrimi i mirë janë komponentët kryesorë të Feng Shui, pasi ato ndihmojnë në freskimin e energjisë dhe mbajnë hapësirën të gjallë dhe të ajrosur. Është e rëndësishme ta merrni parasysh këtë kur dizajnoni banjën tuaj, thotë ajo.

Ajo rekomandon instalimin e dritareve ose dritave të mëdha ku është e mundur dhe përdorimin e perdeve të lehta dhe të tejdukshme për të maksimizuar dritën natyrale. Nëse drita natyrale është e kufizuar, merrni parasysh përdorimin strategjik të pasqyrave (një teknikë që shihet edhe në JLo) për të reflektuar dritën dhe për të krijuar një atmosferë më të ndritshme. /Telegrafi/

The post Dy gjëra që JLo përdori për të rregulluar banjën sipas Feng Shui-t appeared first on Telegrafi.

Studime të shumta kanë vërtetuar se nënprodukti i hedhur më parë i prodhimit të vajit të ullirit përmban veti të shumta të dobishme për shëndetin

Vaji i ullirit – i përshkruar si ‘ari i lëngshëm’ në ‘Iliadën’ e Homerit – është i njohur për përfitimet e tij shëndetësore.

Jo vetëm që është i shijshëm, por është edhe anti-inflamator, i mirë për zorrët, i dobishëm për zemrën dhe mund të na ndihmojë të ndihemi më të lumtur dhe të jetojmë më gjatë, shkruan Guardian, përcjell Telegrafi.

Megjithatë, shkencëtarët tani po e kthejnë vëmendjen e tyre te nënprodukti i turbullt, ngjyrë kafe dhe i hedhur më parë i prodhimit të tij – ujërat e hedhura nga mullinjtë e ullirit – dhe kanë zbuluar se mund të jetë një superushqim edhe më i fuqishëm.

Ujërat e hedhura, mbetjet ujore, mbeten pasi ullinjtë janë bluar dhe vaji i tyre është ndarë.

Hulumtimet kanë treguar se ato mund të ndihmojnë në rikuperimin pas stërvitjes, përmirësojnë metabolizmin dhe kanë potencialin për të ndihmuar me disa gjendje kardiovaskulare dhe neurologjike.

Pasi dëgjuan reagimet e kultivuesve të ullirit që filluan të pinin ujëra të zeza për arsye shëndetësore, shkencëtarët u intriguan dhe filluan kërkimet.

Sipas tyre, ky lëng i errët, i hidhur dhe i turbullt është po aq – dhe ndoshta më shumë – ushqyes se vaji që rezulton.

Lëng mbeturinash plot me komponime të shëndetshme bimore dhe fitokimikale

Ujërat e mbetura nga prodhimi i vajit të ullirit mendohet se përmbajnë të paktën 10 herë më shumë fitokemikale sesa vaji i ullirit ekstra i virgjër, i cili konsiderohet burimi i tyre i pasur.

Shkencëtarja italiane Adriana Albini, e para italiane që u zgjodh në bordin e drejtorëve të Shoqatës Amerikane të Kancerit, e ka studiuar këtë në 10 vitet e fundit.

Ajo dhe ekipi i saj kryen studime të shumta mbi ekstraktin e ullirit dhe zbuluan se ai mund të jetë i dobishëm në parandalimin dhe trajtimin e disa llojeve të kancerit, duke përfshirë kancerin e mushkërive, prostatës, zorrës së trashë dhe gjirit.

“Bimët nuk mund të vrapojnë. Mbrojtja e tyre e vetme është prodhimi i metabolitëve dytësorë ose terciar, të cilët mbrojnë nga parazitët. Shumë prej këtyre metabolitëve janë helme dhe ne e dimë se në përqendrime të caktuara helmet mund të jenë terapeutike.

Arseniku, për shembull, mund të jetë i dobishëm në trajtimin e leucemisë. Ideja është që këta metabolitë mund të na ndihmojnë të mbrohemi kundër kancerit. Atë që bimët përdorin për shëndetin e tyre, ne mund ta bëjmë për tonën”, përfundon shkencëtari.

Ngrënia e ushqimeve të pasura me këto kimikate të dobishme me bazë bimore, të tilla si ato që gjenden në dietën mesdhetare, shoqërohet me një rrezik të reduktuar të zhvillimit të sëmundjes.

Gjetur në ullinj dhe vaj ulliri, hidroksitirozoli, sipas hulumtimeve, mund të ndihmojë shëndetin e trurit dhe zemrës, si dhe të zvogëlojë inflamacionin, gjë që është e mirë për shëndetin e përgjithshëm.

Kjo është ajo që e bëri më të interesuar Albinin për studimin e ujërave të ndotura të prodhuara në prodhimin e vajit të ullirit, si dhe konsistencën e tyre. /Telegrafi/

The post Ujërat e mbetura nga prodhimi i vajit të ullirit janë shpallur një superushqim i ri appeared first on Telegrafi.

Vjeshta është një periudhë e ndryshimeve, e cila ndikon jo vetëm në natyrën që na rrethon, por edhe në jetën tonë personale

Ndërsa përfundon vera dhe nis një sezon i ri, periudha e Hënës së Re më 2 Shtator sjell ndikime të rëndësishme për tri shenjat e zodiakut.

Kjo Hënë e Re, e cila bie në shenjën e Virgjëreshës, ka një ndikim të thellë dhe afatgjatë, duke hapur mundësi për ndryshime dhe rifillime në jetën e këtyre shenjave.

Kjo Hënë e Re sjell mundësi për të rifilluar dhe për të bërë ndryshime të rëndësishme në jetën tonë personale dhe profesionale, veçanërisht për Virgjëreshën, Shigjetarin dhe Peshqit.

Merrni kohë për të reflektuar dhe për të bërë zgjedhje që do t’ju ndihmojnë të arrini qëllimet tuaja dhe të krijoni një balancë më të mirë në jetën tuaj.

Virgjëresha

Për ata që janë nën shenjën e Virgjëreshës, kjo periudhë është shumë e rëndësishme. Me Hënën e Re që ndodhet në shenjën tuaj, do të ndiheni të stimuluar të shqyrtoni imazhin tuaj dhe të bëni ndryshime që do t’ju ndihmojnë të përmirësoni perspektivat tuaja në karrierë.

Ky është momenti ideal për të reflektuar mbi atë se çfarë do të donit të ndryshoni dhe si mund të realizoni qëllimet tuaja. Ndryshimet radikale vijnë përmes një kuptimi të thellë të vetes dhe qëndrimit tuaj në marrëdhënie me të tjerët.

Shigjetari

Për Shigjetarët, kjo periudhë e Hënës së Re është një mundësi për të forcuar karrierën tuaj dhe për të nisur projekte të reja. Ky është një moment i shkëlqyer për të mbledhur forcën dhe për të përmirësuar planet tuaja. Nëse karriera juaj ka pasur disa turbulenca, është koha të organizoheni më mirë dhe të përcaktoni qartë qëllimet tuaja afatgjata.

Hëna e Re ju nxit të bëni ndryshime të nevojshme për të ecur përpara dhe për të arritur potencialin tuaj të plotë.

Peshqit

Për ata që janë në shenjën e Peshqve, kjo periudhë e Hënës së Re është e favorshme për të reflektuar mbi marrëdhëniet tuaja të ngushta dhe për të bërë disa ndryshime. Shikoni marrëdhëniet tuaja nga një këndvështrim i ri dhe identifikoni elementët që mund të jenë problematikë.

Ky është një moment i mirë për të adresuar çështjet që mund të dëmtojnë marrëdhëniet tuaja dhe për të krijuar dinamikë më të shëndetshme me ata që janë përreth jush. /Telegrafi/

The post Vjeshta vjen me ndryshime! Hëna e Re sjell mundësi të reja te këto tri shenja të horoskopit appeared first on Telegrafi.

Disa zakone që ne mendojmë se janë të padëmshme, në fakt përfundojnë duke na shkatërruar jetën. Megjithatë, ne i përsërisim ato çdo ditë dhe menjëherë pendohemi. Jetoni jetën tuaj në maksimum duke hequr qafe këto zakone të këqija

Shtatori thuhet shpesh se është si janari, pra fillimi i vitit! Kthimi në shkollë për fëmijët, kthimi në punë pas pushimeve apo në të gjitha angazhimet personale, bëjnë që njerëzit të kenë një sy kritik ndaj vetes

Por, përtej qasjes personale, ka disa zakone negative që duket se ju pengojnë në jetën e përditshme dhe për pasojë edhe në lumturinë tuaj.

Ekspertët japin shpjegimet e tyre!

1. Mendimet e vazhdueshme negative

Momente negative shpesh rikthehen, gjatë një bisede me të tjerët apo me veten dhe njerëzit duhet ta dinë se kjo situatë thjesht i bën ata më fiksuar. Rezultati? Ju jetoni me të kaluarën dhe nuk shijoni kënaqësitë e së tashmes. Sipas pedagoges Susan Nolen-Hoeksema, shumica e të rinjve përfshihen në grupe yoga apo meditimi, vetëm për të larguar mendimet negative nga koka, shkruan Grazia.

2. Ndjesia e perfeksionit toksik

Nën maskën e një kërkese të vazhdueshme për lumturinë, perfeksioni ndikon shumë në jetën tonë. “Ne jemi të zhytur në një kulturë të ‘lumturisë së detyrueshme’ që na nxit të jemi të përsosur në të gjitha fushat,” shpjegon psikologu Frédéric Fanget. Për të shmangur këtë zakon të keq, ai sugjeron që të vendosni prioritete dhe t’i jepni vetes leje të jeni të papërsosur.

3. Injorimi i ritmit biologjik

Të kuptuarit orës së brendshme ndihmon në rregullimin e aspekteve të tilla si hormonet, gjumi dhe nivelet e energjisë. Psikiatria Marine Colombel thotë se: “Pak funksione fiziologjike i shpëtojnë kontrollit të orës sonë të brendshme dhe duke shkuar kundër kësaj, ju prishni një pjesë të mënyrës së funksionimit të trupit tuaj.”

4. Pranimi i marrëdhënieve toksike

Si mund të përqendroheni në një mënyrë jetese të shëndetshme nëse mbani marrëdhënie toksike? Një mjedis toksik kushtëzon gjithë jetën tonë të përditshme. Ju mund ta lini veten të “helmoheni” dhe të zhvilloni zakone të këqija në lidhje dashurie, por këto sa më shumë zgjaten, më shumë ju shtypin.

5. Të qenit një kontrollues kronik

Mes kaosit të botës jashtë dhe përditshmërisë, e vetmja gjë që ne shpesh ndiejmë në kontroll është vetvetja. Përpjekja për të menaxhuar gjithçka, kthehet në një zakon të keq, gati frenues për funksionimin dhe lumturinë tuaj.

6. Nuk vendosni kufij

Frika e humbjes së një lidhjeje apo punës janë të gjitha pjesë e frikërave me të cilat njerëzit jetojnë çdo ditë. Por, nëse keni këtë lloj qasjeje që çon në më shumë shqetësim, stres apo zhgënjim, të gjitha këto janë argumente që të vendosni kufij dhe të pajtoheni me veten dhe mënyrën tuaj të të bërit të gjërave.

7. Mungesa e guximit

Nuk e kemi fjalën për guximin e tepruar për sjellje apo mendime të gabuara, por për një lloj guximi për të përballuar mendimet dhe përditshmërinë me shumë vendosmëri. Ndaj, guximi nuk duhet të mungojë në familje, në punë, në shoqëri dhe kudo, nëse doni që të jeni të lumtur. /Telegrafi/

The post Marrëdhëniet toksike, perfeksionizmi, përsiatjet… Shtatë zakone që pengojnë lumturinë tuaj appeared first on Telegrafi.

Intuita, shpesh e përshkruar si ndjesia e brendshme apo zëri që na udhëheq, është një ndjenjë që të gjithë e përjetojmë

Edhe pse shpesh nuk i kushtojmë vëmendjen e duhur, intuita është një pjesë e rëndësishme e mënyrës se si marrim vendime në jetën e përditshme.

Ja pse nuk duhet ta injoroni “zërin tuaj të brendshëm”:

1. Intuita është rezultat i përvojës dhe njohurive

Kur përballeni me një situatë të re, intuita juaj bazohet në përvojat e kaluara dhe njohuritë që keni fituar gjatë jetës. Ajo ju ndihmon të bëni lidhje të shpejta mes informacionit të ri dhe përvojave të mëparshme, duke ju ofruar një zgjidhje të shpejtë dhe të efektshme.

2. Intuita punon më shpejt se mendimi racional

Në situatat ku koha është e kufizuar dhe vendimi duhet të merret shpejt, intuita mund të jetë një mjet i fuqishëm. Ajo vepron në nënvetëdije, duke kaluar filtrin e mendimit të vetëdijshëm dhe duke ju dhënë një përgjigje pothuajse të menjëhershme.

3. Intuita është pjesë e mbrojtjes suaj natyrore

Në situata të rrezikshme, intuita mund të luajë një rol të rëndësishëm në mbrojtjen tuaj. Një ndjesi e papritur që diçka nuk shkon, mund të jetë sinjali që trupi dhe mendja juaj ju japin për të qëndruar të sigurt, duke ju ndihmuar të shmangni rreziqet.

4. Intuita mund të plotësojë mendimin racional

Edhe pse intuita nuk duhet të jetë burimi i vetëm i vendimmarrjes, ajo mund të plotësojë mendimin racional. Kombinimi i analizës logjike me atë që ndjeni në mënyrë intuitive mund të çojë në vendime më të mira dhe më të balancuara.

5. Intuita ndihmon në ndërtimin e vetëbesimit

Duke ndjekur intuitën tuaj dhe duke parë se ajo ju çon drejt rezultateve pozitive, ju ndërtoni vetëbesim. Me kalimin e kohës, ky vetëbesim mund të rrisë aftësinë tuaj për të marrë vendime më të shpejta dhe më të sakta. /Telegrafi/

The post Pesë arsye pse nuk duhet ta nënvlerësoni forcën e intuitës appeared first on Telegrafi.

Ozempic është një ilaç, qëllimi i të cilit në fakt është të trajtojë diabetin e tipit 2, por që shumë njerëz abuzojnë me të për të humbur peshë shpejt

Hulumtimet e reja tregojnë se ky ilaç mund të ngadalësojë procesin e plakjes dhe gjithashtu të jetë i dobishëm për dështimin e zemrës, artritin dhe sëmundjen e Alzheimerit.

Semaglutide, i njohur zakonisht si ozempic, “ka përfitime shumë më të mëdha nga sa menduam fillimisht”, tha Prof Harlan Krumholz, profesor në Yale School of Medicine, pas publikimit të disa studimeve të reja.

Hulumtimet kanë zbuluar se ilaçi mund të përdoret në trajtimin e një game të gjerë sëmundjesh që lidhen me dështimin e zemrës, artritin, sëmundjen e Alzheimerit dhe madje edhe disa lloje të kancerit.

“Nuk do të më befasonte nëse përmirësimi i shëndetit të njerëzve në këtë mënyrë ngadalëson procesin e plakjes”, tha profesori Krumholz në Konferencën e Shoqatës Evropiane të Kardiologjisë 2024, ku u prezantuan studimet.

Të dhënat e reja u botuan në një numër revistash mjekësore, duke përfshirë i Journal of the American College of Cardiology, redaktuar nga profesor Krumholz, transmeton Telegrafi.

“Këto barna inovative janë gati të revolucionarizojnë kujdesin kardiovaskular dhe mund të bëjnë një përmirësim dramatik,” theksoi profesori Krumholz.

Më shumë se 17,600 njerëz të moshës 45 vjeç e lart u monitoruan gjatë studimit. Subjektet morën ose 2.4 mg semaglutide ose një placebo gjatë një periudhe prej më shumë se tre vjetësh.

Pjesëmarrësit ishin mbipeshë (indeksi i masës trupore 25-30) ose obezë (BMI më i madh se 30) dhe kishin sëmundje kardiovaskulare, por jo diabet.

Ata që morën ilaçin kishin një rrezik më të ulët të vdekjes nga të gjitha shkaqet, përfshirë problemet kardiovaskulare dhe Covid-19, zbuluan studiuesit.

Subjektet që përdornin ilaçin për humbjen e peshës kishin njëlloj të ngjarë të merrnin Covid, por ata kishin më pak gjasa të vdisnin prej tij – kishte 2.6 për qind vdekje midis atyre që merrnin semaglutide krahasuar me 3.1 për qind të atyre që merrnin një placebo.

Gratë kishin më pak reaksione të mëdha negative kardiovaskulare, ilaçi “reduktoi vazhdimisht rrezikun” e rezultateve të pafavorshme kardiovaskulare pavarësisht nga gjinia.

Kishte gjithashtu më pak simptoma të dështimit të zemrës dhe nivele më të ulëta të inflamacionit në trup, pavarësisht nëse njerëzit humbën peshë apo jo.

Dr. Benjamin Skirika, autori kryesor i një prej studimeve dhe profesor i mjekësisë kardiovaskulare në Shkollën Mjekësore të Harvardit, tha se gjetjet “konfirmojnë se mbipesha dhe obeziteti rrisin rrezikun e vdekjes nga shkaqe të ndryshme”.

Megjithatë, theksoi ai, kjo mund të modifikohet me terapi të fuqishme të bazuara në inkretin, siç është semaglutide.

Ozempik nuk duhet të merret pa mbikëqyrje mjekësore

Është një ilaç me recetë që shtyp oreksin dhe shitet me emrat e markës Wegovy, i cili përdoret për trajtimin e obezitetit dhe ozempik, për diabetin. Ai vjen në formë injeksioni dhe imiton hormonin GLP-1, duke i bërë njerëzit të ndihen më të ngopur dhe më pak të uritur.

Të inkurajuar nga postimet e të famshmëve në rrjetet sociale, shumë filluan ta perceptojnë ilaçin Ozempik si një zgjidhje të shprehur për peshën e tepërt. Kërkimi i një figure perfekte ka shkaktuar vazhdimisht mungesa të barnave Ozempic dhe Wegovy, duke rrezikuar kështu pacientët për të cilët është menduar ky medikament.

Ekspertët kanë paralajmëruar vazhdimisht se ky medikament nuk është një zgjidhje e shpejtë apo zëvendësim i ushqimit të mirë dhe ushtrimeve fizike dhe se duhet të futet në terapi vetëm nën mbikëqyrjen mjekësore.

Si çdo ilaç, semaglutidi ka efekte anësore dhe përdorimi i tij mbart rreziqe të caktuara. Efektet anësore më të zakonshme janë të përzierat, shqetësimet e stomakut, fryrjet dhe gazrat.

Një seri e re kërkimesh pritet të konfirmojë efektivitetin e ilaçit në kushtet dhe sëmundjet e përmendura nga autorët e studimeve të përshkruara. /Telegrafi/

The post Ozempic mund të vonojë plakjen, tregojnë studimet appeared first on Telegrafi.

Ndihmoni vogëlushit tuaj që të zotërojë ekuilibrin dhe koordinimin e lëvizjeve

Një ndër kthesat e mëdha në zhvillimin e bebes është momenti kur fillon të qëndrojë ulur. Kjo më së shpeshti ndodh midis muajit të shtatë dhe të nëntë.

Edhe pse bebet shpejt zotërojnë shkathtësinë e qëndrimit ulur, më të vështirë e kanë të mbajnë ekuilibrin dhe koordinimin e lëvizjeve, për shkak se është më mirë që t’i ndihmojnë babai dhe nëna.

Është me rëndësi që gjatë ushtrimit bebes t’i siguroni hapësirë të sigurt, transmeton Telegrafi.

 

View this post on Instagram

 

A post shared by the mom brand (@themombrand.co)

Qëllimi i këtij ushtrimi është që t’i mundësoni fëmijës që sa më parë të zotërojë shkathtësinë qëndrimit në pozicionin ulur – në mënyrë që të mos rrotullohet dhe të rrëzohet, aq më parë nëse ulet në një mobilie të lartë (kanape, krevat etj.).

Kjo do të jetë shumë e rëndësishme për fëmijën në përparimin dhe zhvillimin e mëtejshëm, si dhe do të ofrojë siguri dhe siguri më të madhe gjatë periudhës kur ai është ende duke ushtruar ulur. /Telegrafi/

The post Ushtrim i shkëlqyeshëm për bebet të cilat fillojnë të qëndrojnë ulur appeared first on Telegrafi.