Shkencëtarët që studiojnë llojin e ri të lisë së majmunëve, i cili është përhapur përtej Republikës Demokratike të Kongos, thonë se virusi po ndryshon më shpejt se sa pritej dhe shpesh në zona ku ekspertët nuk kanë fonde ose pajisje për ta gjurmuar atë në mënyrë efektive.

Kjo do të thotë se ka shumë të panjohura për vetë virusin, ashpërsinë e sëmundjes që shkakton dhe mënyrën se si transmetohet, duke e komplikuar përgjigjen, thanë për Reuters gjashtë shkencëtarë në Afrikë, Europë dhe Shtetet e Bashkuara.

Mpox, i njohur më parë si lija e majmunëve, ka qenë një problem i shëndetit publik në pjesë të Afrikës që nga vitet 1970, por nuk kishte marrë vëmendjen ndërkombëtare derisa u shfaq globalisht në 2022, duke bërë që Organizata Botërore e Shëndetësisë ta shpallte një emergjencë të shëndetit public.

Një lloj i ri i virusit, i njohur si clade 1b , po tërheq sërish vëmendjen globale pasi Organizata Botërore e Shëndetësisë shpalli një emergjencë të re shëndetësore.

Ky lloj është një version i mutuar, një formë mpox që transmetohet përmes kontaktit me kafshët e infektuara dhe ishte endemike në Kongo për dekada të tëra. Mpox shkakton simptoma të ngjashme me gripin dhe skuqje të lëkurës, dhe mund të jetë fatale.

Sipas OBSH-së, Kongo ka pasur më shumë se 18,000 raste të dyshuara mpox clade 1 dhe clade 1b dhe 615 viktima këtë vit.

Pati gjithashtu 222 raste të konfirmuara të llojit clade 1b muajin e kaluar në katër vende afrikane, plus një në Suedi dhe Tajlandë, te njerëzit që kishin udhëtuar në Afrikë

The post Lija e majmunit/Shkencëtarët ngrenë alarmin: Virusi po ndryshon më shpejt seç pritej appeared first on Albeu.com.

Ministria e Shëndetësisë përmes një postimi të publikuar në rrjetet sociale, ka kërkuar nga qytetarët të kenë kujdes dhe të mbrohen nga ‘Lija e Majmunëve’.

MSH bën thirrje që qytetarët të lajmërohen të mjeku nëse kanë simptoma.

“E dini si të mbroheni nga Lija e Majmunëve? Ja disa këshilla: Nëse keni simptoma, izolohuni dhe kërkoni kujdes mjekësor. Informoni kontaktet e ngushta dhe shmangni kontaktin me kafshët e egra. Praktikoni higjienë të mirë, shmangni kontaktin e ngushtë dhe merrni vaksinën nëse ju ofrohet. Qëndroni të sigurt dhe të informuar”, thuhet në njoftim.

Ndryshe, të paktën dy vende jashtë Afrikës kanë raportuar raste me mpox (lija e majmunit) pasi – pak ditë më parë – Organizata Botërore e Shëndetësisë (OBSH) deklaroi se virusi ishte bërë një “urgjencë e shëndetit publik”.

Mpox prek kryesisht njerëzit dhe kafshët. Ai shkakton simptoma të lehta, si ethe, të dridhura dhe dhimbje trupi. Megjithatë, mund të shkaktojë sëmundje të rënda, dhe madje edhe vdekje në disa raste.

Virusi hyn në trupin e njeriut përmes lëkurës ose nëpërmjet rrugëve të frymëmarrjes. Më pas përhapet përmes gjakut duke bërë që një person të përjetojë simptoma të ngjashme me gripin dhe të zhvillojë lezione në lëkurë.

The post Kosovë/ Lija e majmunëve, MSH: Nëse keni simptoma, izolohuni dhe kërkoni kujdes mjekësor appeared first on Albeu.com.