Komuna e Pejës ka organizuar edicionin e VII-të të Ditës së Tolerancës Ndërfetare, një iniciativë e përbashkët me OSCE-në dhe prijësit fetarë të qytetit, për të promovuar vlerat e tolerancës, bashkëjetesës dhe dialogut ndërfetar në Pejë.

Në këtë edicion, tema qendrore e diskutimeve ishte “Edukimi, Arti dhe Kultura”, në përputhje me frymën e harmonisë ndërfetare që karakterizon komunitetin e Pejës.

Kryetari i Komunës së Pejës, Gazmend Muhaxheri, përmes një postimi në Facebook nënvizoi rëndësinë e bashkëpunimit të vazhdueshëm ndërmjet prijësve fetarë, komunës dhe organizatave ndërkombëtare si OSCE-ja, për të mbështetur dialogun ndërfetar dhe për të forcuar ndjenjën e unitetit mes qytetarëve.

“Kryetari Muhaxheri e theksoi iniciativën e përbashkët në mes të prijësve të komuniteteve fetare, komunës dhe OSCE-së dhe i uroj të gjithë qytetarët në këtë ditë të tolerancës fetare. Po ashtu, Kryetari Muhaxheri falënderoj OSCE-në për mbështetjen e vazhdueshme, që ka dhënë në sferën e dialogut ndërfetar duke përfshirë edhe shënimin e kësaj dite të veçantë për Komunën e Pejës”, ka shkruar ndër të tjera Muhaxheri, transmeton Telegrafi.

Ndërsa nga ana tjetër, prijësit fetarë përçuan mesazhe të qarta për rëndësinë e tolerancës dhe bashkëjetesës mes komuniteteve. /Telegrafi/

The post Peja feston Ditën e Tolerancës Ndërfetare: Bashkëjetesë dhe dialog për paqe appeared first on Telegrafi.

Për shkak të kushteve të pafavorshme të motit, KRU “Hidrodrini” ka njoftuar se punimet e planifikuara për sot në fshatrat e Istogut do të ndërpriten dhe do të shtyhen për nesër.

Ekipet e KRU “Hidrodrini” në Istog kanë bërë të ditur se për të kryer punimet e nevojshme në gypin DN315AC që lidh Istogun me Gurrakocin dhe për të realizuar kalimin nga gypi i asbestit në gyp polietilen, nesër do të ndalojë furnizimi me ujë për konsumatorët e fshatrave Muzhevinë, Tomoc, Gurrakoc dhe pjesërisht Prekallë.

KRU “Hidrodrini” përmes rrjetit social Facebook kanë njoftuar për ndërprerjen e punimeve duke informuar se ato do të vazhdojnë nesër.

“Për shkak të kushteve të pafavorshme të motit, reduktimi dhe ndërhyrja e paraparë për sot, shtyhet për nesër”, kanë shkruar KRU “Hidrodrini”.

Ndërprerja e ujit sipas KRU “Hidrodrini”, do të nisë nga ora 09:00 dhe do të zgjasë deri në ora 15:00.

Ata gjithashtu kanë kërkuar mirëkuptimin e banorëve për këtë ndërprerje të përkohshme dhe se do të bëjnë gjithçka për të minimizuar çdo pengesë sa më shumë.

The post KRU “Hidrodrini” ndërpret punimet në fshatrat e Istogut, shkak kushtet atmosferike appeared first on Telegrafi.