Një ngjarje e rëndë kriminale është parandaluar në fshatin Akërni në Vlorë.  Sipas informacioneve, mësohet se një 48-vjeçar, ka kanosur me armë zjarri bashkëshorten e tij dhe ka rrezikuar jetën e qytetarëve të tjerë.

Si pasojë, policia ka bërë të mundur arrestimin e tij në kohë.

Sakaq, ka gjetur në stanin e tij një sasi lënde narkotike kanabis dhe municione luftarake.

Njoftimi i Policisë:

Ndërhyrja e menjëhershme e Policisë parandalon një ngjarje të mundshme kriminale në një familje.

Kanosi me armë zjarri kallashnikov bashkëshorten e tij dhe vuri në rrezik edhe banorët e fshatit duke qëlluar me armën në ajër, vihet në pranga 48-vjeçari.

Në momentit që 48-vjeçari vuri re shërbimet e Policisë tentoi të largohej me automjet, por u bllokua dhe u vu në pranga nga shërbimet e Forcës së Posaçme “Shqiponja”.

Sekuestrohen arma e zjarrit kallashnikov dhe automjeti me të cilin tentoi të largohej, së bashku me një sasi lënde narkotike cannabis dhe fishekë luftarakë, të cilat u gjetën të fshehura në stanin e 48-vjeçarit.

Pas marrjes së njoftimit në orët e mëngjesit se një shtetas po kërcënonte për jetën bashkëshorten e tij duke qëlluar me armë zjarri në ajër, në fshatin Akërni, shërbimet e Komisariatit të Policisë Vlorë dhe ato të Forcës së Posaçme “Shqiponja” organizuan menjëherë punën për parandalimin e ngjarjes së mundshme kriminale dhe arrestimin e autorit.

Si rezultat i veprimeve të shpejta të Policisë, u finalizua operacioni policor “Strike 22”, si rezultat i të cilit u kap në flagrancë, në tentativë për t’u larguar me automjetin e tij, shtetasi 48 vjeç, banues në fshatin Akërni, Vlorë.

Gjatë kontrollit në automjet, shërbimet e Policisë gjetën dhe sekuestruan armën e zjarrit kallashnikov me të cilën ai kishte kërcënuar bashkëshorten e tij.

Në vijim të kontrollit në stanin e tij, u gjetën dhe u sekuestruan gjithashtu një sasi lënde narkotike cannabis dhe municion luftarak.

Materialet iu referuan Prokurorisë për veprime të mëtejshme.

The post Vlorë/ Parandalohet ngjarja e rëndë kriminale, 48-vjeçari kërcënoi me armë zjarri gruan appeared first on Albeu.com.

Ditën e djeshme, 31-vjeçarja Melisa Trëndafili, e cila u dogj me benzinë nga ish-bashkëshorti i saj Bledar Trëndafili në Korçë, vijon të mbahet nën monitorim intensiv nga mjekët e repartit te djegie plastikës në QSUT.

Momentalisht, mësohet se gjendja e 31-vjeçares është Stabël. E reja sipas asaj çfarë thonë mjekët e QSUT, ka pësuar djegie në 35% të trupit, në fytyrë, qafë dhe gjymtyrë.

Sipas mjekëve të QSUT ndërhyrja e shpejtë e kolegëve të tyre fillimisht në spitalin e Korçës, ka qenë vendimtare për jetën e 31-vjeçares.

Pasditen e të shtunës, shtetasi Bledar Trëndafili, i vuri flakën gruas, dyshohet për motive xhelozie.

Bledar Trëndafili, i ka telefonuar Melisës dhe pasi ka dalë tek porta e banesës ku ajo po qëndronte, e ka spërkatur bashkëshorten e tij me benzinë dhe i ka vënë dhe flakën.

Ka qenë një e moshuar banore e zonës, e cila ka ndihmuar në shuarjen e flakëve në rrobat e trupit të 31-vjeçares.

The post Ish-bashkëshorti e dogji me benzinë, mjekët tregojnë gjendjen e 31-vjeçares appeared first on Albeu.com.

Ditën e djeshme, një ngjarje e rëndë u regjistrua në Korçë, ku shtetasi Bledar Trëndafili, tentoi të digjte bashkëshorten e tij me benzinë.

Burime të siguruara pranë grupit të hetimit thanë se Bledar Trëndafili, i ka telefonuar bashkëshortes së tij duke i kërkuar të dalë nga banesa për të sqaruar diçka, madje shumë metra poshtë banesës që Melisa Trëndafili kishte marrë me qira dhe jetonte me fëmijët e saj.

Mësohet se pasi janë takuar janë ulur në shkallët e një banese private, ku ndodhi dhe ngjarja.

Krejt papritur Bledar Trëndafili, e ka spërkatur bashkëshorten e tij me benzinë dhe po aq shpejt i ka vënë dhe flakën.

Duke qenë fare pranë një ndërtese private Melisa Trëndafili, ka trokitur në portën e kësaj shtëpie aty ku në ndihmë i ka ardhur një grua 65-vjeçare, e cila jo vetem ka arritur t’i heqë rrobat që kishte veshur, por dhe ka mjekuar me barna  rrethanore shtëpie.

Më pas, e ka veshur me rroba të tjera ka lajmëruar ambulancën dhe policinë

Burime thanë se Bledar Trëndafili, dyshohet se ka qenë në gjendje të dehur, ndërkohë që policia ende nuk ka mundur ta arrestojë atë.

Të njëjtat burime thanë se Bledar Trëndafili, e ka takuar dhe 3 herë të tjera bashkëshorten e tij aty ku ajo jetonte me qira, për t’i kërkuar të heqë dorë nga divorci.

The post I vuri flakën bashkëshortes me të cilën ishte në proces divorci, zbardhen detaje nga ngjarja në Korçë appeared first on Albeu.com.