Raiffeisen Bank, një nga institucionet financiare kryesore në Shqipëri, festoi 20-vjetorin e saj në një mbrëmje gala më 25 shtator me prezencën e klientëve, miqve dhe të ftuarve të tjerë, duke shënuar dy dekada shërbimi të përkushtuar, inovacioni dhe mbështetje për rritjen financiare të vendit.

Në këtë mbrëmje gala nderuan me pjesëmarrjen e tyre znj. Marie-Valerie Brunner, Anëtare e Bordit Drejtues për Marrëdhëniet me Klientët Korporatë dhe Institucionet Financiare në Raiffeisen Bank International dhe Kryetare e Këshillit Drejtues të Raiffeisen Bank Shqipëri; z. Christian Canacaris, Drejtori i Përgjithshëm i Raiffeisen Bank në Shqipëri; z. Gent Sejko, Guvernator i Bankës së Shqipërisë, si dhe personalitete të tjera të institucioneve publike dhe financiare në vend, sipërmarrës të ndryshëm në Shqipëri, përfaqësues të mediave, etj.

Që nga themelimi i saj në vitin 2004, Raiffeisen Bank ka luajtur një rol të rëndësishëm në formësimin e peizazhit bankar në Shqipëri, duke u shërbyer individëve, bizneseve dhe komunitetit në të gjithë vendin.

Kryetarja e Këshillit Drejtues të Raiffeisen Bank Shqipëri, znj. Brunner, në fjalën e saj përshëndetëse vlerësoi 20 vitet e suksesshme të Raiffeisen Bank në Shqipëri. “Jam shumë krenare që jam pjesë e rrugëtimit të Shqipërisë, një vend që rriti me sukses PBB-në dhe turizmin e tij gjatë pandemisë dhe mbajti një sistem shëndetësor të denjë. Raiffeisen Bank Shqipëri ka arritur një pjesë të konsiderueshme të tregut prej 16% dhe është një nga shtytësit e inovacionit digjital. Ne, në RBI, e vlerësojmë këtë frymë novatore që po shfaq vendi. Raiffeisen Bank ka prezantuar standarde të larta evropiane në Shqipëri, duke mbështetur zhvillimin ekonomik të vendit,” theksoi znj. Brunner.

Ndërsa sektori bankar ka evoluar, Raiffeisen Bank ka qëndruar në pararojë, duke prezantuar shërbime të reja dhe platforma digjitale që ofrojnë më shumë komoditet me disa aplikacione dhe shërbime në hap me kohën si Raiffeisen On, RaiPay, RaiPos, Kuik, Scan & Go, etj. Banka vazhdimisht është angazhuar të përmirësojë përvojën e klientëve, të forcojë përfshirjen financiare dhe të mbështesë ekonominë më gjerë.

Drejtori i Përgjithshëm i Raiffeisen Bank në Shqipëri, z. Christian Canacaris, shprehu vlerësimin dhe mirënjohjen për të gjithë klientët dhe partnerët e biznesit për bashkëpunimin dhe mbështetjen e tyre dhe siguroi edhe një herë që Raiffeisen Bank do të vazhdojë të japë kontributin e saj në zhvillimin e mëtejshëm të tregut bankar shqiptar përmes investimeve të vazhdueshme në risitë më të fundit teknologjike, duke lehtësuar përvojën bankare të të gjithë klientëve të saj. Gjithashtu, z. Canacaris shprehu mirënjohjen e tij për të gjithë stafin e Raiffeisen Bank për përkushtimin dhe kontributin e tyre, si çelësi i suksesit të bankës në këto 20 vite.

Guvernatori i Bankës së Shqipërisë, z. Gent Sejko, në fjalën e tij theksoi: “20 vite për grupin Raiffeisen mund të përfaqësojnë vetëm një fraksion të historisë së tij mbi 130-vjeçare, por në vendin tonë, këto 20 vite kanë njohur një dinamikë jo të lehtë ndryshimesh dhe transformimesh dhe janë vite të rëndësishme të formësimit të tregut financiar në vend.”

Një tjetër veçanti e mbrëmjes ishte angazhimi i bankës në bashkëpunim me Mastercard për mbështetjen e tre kauzave sociale: për fëmijët në nevojë, mbrojtjen e mjedisit dhe mbështetjen e artit, përmes mbledhjes së donacioneve gjatë mbrëmjes nga banka dhe të ftuarit. Përtej këtyre dy dekadave, Raiffeisen Bank është e përkushtuar të ndërmarrë një seri iniciativash të ardhshme që sjellin vlerë për klientët. Misioni ynë është të transformojmë inovacionin e vazhdueshëm në përvojë superiore të klientit, duke punuar drejt vizionit tonë për të qenë grupi më i rekomanduar bankar.

The post Raiffeisen Bank feston 20 vite rrugëtim suksesi dhe novacioni në Shqipëri appeared first on Euronews Albania.

Dënimi i deputetit Ervin Salianji e ka zanafillën në vitin 2018, kur nxori një audiopërgjim, me të cilin godiste vëllain e ministrit Fatmir Xhafaj, si trafikant droge. Por, ky kallëzim, rezultoi të ishte një farsë, për të cilin deputeti dhe 4 emrat e tjerë që u përfshinë, morën dënime nga gjykata.

Pranverën e vitit 2018, Partia Demokratike botoi 2 audioregjistrime, në të cilat dëgjohej se vëllai i ministrit të Brendshëm, Fatmir Xhafaj, Agroni ishte i përfshirë në trafikimin e lëndëve narkotike. Çështja u emërua “Babalja”, pasi dëshmitari X i Partisë Demokratike, i cili ishte i përfshirë në audioregjistrime, thirrej në to me pseudonimin “Babale”.

Në përgjimet e publikuara, por edhe në të tjera që Prokuroria dispononte, ishte Fredi Alizoti komunikonte me asokohe shefin e Polisisë së Fierit, Albert Nushin për shpërblime që duhet të merrte, e gjithashtu flitej edhe për një “shef të madh”.

Ekspertët e huaj vlerësuan se zëri në përgjime ishte i ngjashëm me atë të Geron Xhafës, por ekspertiza nuk mund ta thoshte me siguri për shkak të cilësisë së audio-regjistrimit.

Në këtë histori, deputeti Ervin Salianji ka dalë me pretendime, akuza dhe kallëzime për të faktuar një aktivitet kriminal që kryhej nga vëllai i një ministri.

Deputeti demokrat u dënua në 2019-tën nga Shkalla e Parë në lidhje për audio përgjimin, i cili rezultoi të ishte një inskenim e bashkë më të u shpallën fajtorë edhe Fredi Alizoti që inskenoi zërin e Geron Xhafës, Albert Veliu i njohur ndryshe si Babalja dhe gazetëri Jetmir Olldashi, që punoi për realizimin e materialeve.

Ndonëse u dënua me burg, Salianji nuk shkoi ne qeli, pasi u hetua dhe gjykua pa mase sigurie, ndërsa mëkatin e një skenari që e përndoqi për 6 vjet, tashmë do ta shlyejë përfundimisht me 1 vit burg, duke nisur nga dita kur imunteti i tij të bjerë në këshillin e mandateve.

The post Procesi që çoi në burg Salianjin, kallëzimi dhe beteja e humbur në dosjen “Babale”   appeared first on Euronews Albania.

Partia Demokratike ka dënuar ashpër dënimin e deputetit Ervin Salianji, duke e quajtur një akt hakmarrjeje të verbër dhe një goditje të rëndë për demokracinë në vend.

Në deklaratën e saj, Partia Demokratike akuzon kryeministrin Edi Rama, për orkestrimin e këtij dënimi si pjesë e një sulmi të qëllimshëm kundër opozitës.

PD bën thirrje për mosbindje civile, duke e cilësuar këtë akt si një sulm ndaj pluralizmit politik dhe opozitës në tërësi.

DEKLARATA E PARTISË DEMOKRATIKE E DHËNË NGA LUÇIANO BOÇI:

Sot në luftën e shpallur ndaj opozitës, Edvin Kristaq Rama dënoi me burgim politik deputetin e opozitës Ervin Salianji për betejën e tij guximtare kundër Edi Ramës dhe narko-shtetit të tij.

Sot Ervin Salianji u dënua nga Edi Rama, Geron dhe Fatzi Xhafa në një akt hakmarrje të verbër politike për faktin e vetëm se deputeti Salianji vërtetoi lidhjen dhe veprimtarinë kriminale të narko-trafikantit ndërkombëtar vëllait të Fatmir Xhafës, ministër trafikant, dhe Edi Ramës kreu i narko-shtetit shqiptar. Dënimi i sotëm i Ervin Salianjit dëshmon se në këtë vend droga dhe krimi i lidhur me qeverinë janë vendim-marrësit kryesorë në narko-shtetin shqiptar.

Partia Demokratike dënon me forcën më të madhe këtë akt politik të shëmtuar të Edi Ramës dhe narko-shtetit të tij kundër Partisë Demokratike, opozitës dhe pluralizmit plitik në Shqipëri si dëshmi e terrorit të egër ndaj opozitës për Partinë Demokratike, për çdo demokrate dhe demokrat, për çdo opozitare dhe opozitar, ky akt është një kushtrim, është një SOS të ngrihemi në mosbindje civile: “O sot, o kurrë” kundër Edi Ramës dhe narko-diktaturës së tij.

LEXONI GJITHASHTU:

• Apeli e dënoi me burg, Ervin Salianji: Betejën do e vazhdoj nga qelia
• Dënimi me burg i Salianjit, PD bën lëvizjen urgjente: Mblidhen në seli deputetët

The post Dënimi i Salianjit| Partia Demokratike thirrje për mosbindje civile: O sot o kurrë! appeared first on Euronews Albania.

Futbollisti i Kombëtares së Kosovës Edon Zhegrova ka folur për herë të parë në lidhje me përjashtimin e tij nga grumbullimi me Kosovës para ndeshjes me Qipron.

Në një konferencë për media të skuadrës së Lillë, Zhegrova pranoi se ishte vonuar në një takim të skuadrës, por ka thënë se kjo nuk e bënë atë lojtar jo profesional dhe se është trajneri i Kosovës, Fonseca ai i cili po e ndihmon të rikuperohet nga kjo situatë.

“Me trajnerin kam marrëdhënie shumë të mira, ai flet me mua çdo ditë, po provon të më ndihmoj, gjë e cila është shumë e rëndësishme për mua. Jo vetëm ai, po i gjithë stafi i trajnerëve. Ai më njeh mua, e di që unë jam profesional dhe nuk bëjë gjëra të tilla. Mund të ndodh diçka, sikur të vonohesh në një takim, por kjo nuk do të thotë që ju jeni jo profesional. Pra, unë kam shumë marrëdhënie të mira me trajnerin dhe jam i lumtur për këtë”, ka thënë Zhegrova.

LEXONI GJITHASHTU:

• Zhegrova te Reali? Kostoja 25 milionë euro, detajet…
• Futbolli në zi! Ndahet nga jeta ylli i Kupës së Botës të Italisë

The post U përjashtua nga përfaqësuesja e Kosovës, Zhegrova thyen heshtjen appeared first on Euronews Albania.

Presidenti i Këshillit Evropian, Charles Michel ka bërë thirrje për reformimin e Këshillit të Sigurimit të OKB-së. Ai ka paralajmëruar se dështimi në ndëshkimin e krimeve kundër njerëzimit rrezikon të lejojë që këto krime të kthehen në diçka normale.

“Një vend i përhershëm në Këshillin e Sigurimit nuk është privilegj. Është përgjegjësi, një përgjegjësi e madhe që e gëzojnë vetëm 5 vende që duhet të jenë gardianë të paqes. Sot, disa nga këto vende nuk po e ushtrojnë këtë përgjegjësi. Ndaj, Këshilli i Sigurimit duhet të reformohet për të qenë më gjithëpërfshirës, më legjitim dhe më efikas”, deklaroi Michel.

Edhe presidenti francez Emmanuel Macron ndau të njëjtin opinion.

“Për sa kohë kemi një Këshill Sigurimi të bllokuar, në mënyrë reciproke nga interesat e disa vendeve dhe disa të tjerave, do të jetë e vështirë të bëjmë progres. / Ndaj, ne duhet t’i bëjmë Kombet e Bashkuara më efikase, duke i bërë vendet anëtare më të përfaqësuara. Për këtë arsye Franca, dhe këtë e përsëris, mbështet zgjerimin e Këshillit të Sigurimit. Gjermania, Japonia, India dhe Brazili duhet të bëhen vende të përhershme, bashkë me dy vende nga Afrika që duhet të përfaqësojnë kontinentin”, deklaroi Macron.

Duke folur për luftën në Gaza, Macron bëri thirrje për një armëpushim të menjëhershëm dhe mbështeti zgjidhjen me 2 shtete.

Ai shtoi se të gjitha palët duhet të përmbushin detyrimet dhe se në Liban lufta nuk mund dhe nuk duhet të materializohet.

LEXONI GJITHASHTU:

• Macron miraton qeverinë e re të Francës, tre muaj pas zgjedhjeve të parakohshme
• Franca gati për qeverinë e re, ekipi do miratohet nga Macron

The post Macron kërkon reformimin e OKB-së: Të zgjerohet Këshilli i Sigurimit appeared first on Euronews Albania.

Gjykata e Apelit e Juridiksionit të Përgjithshëm ka lënë në fuqi vendimin që e dënon me 1 vit burg deputetin e Partisë Demokraike, Ervin Salianji.

Tashmë vendimi është i formës së prerë dhe është i ekzekutueshëm. Në momentin që prokurori i Apelit të bëjë ekzekutimin e vendimit forcat e rendit duhet të bëjnë shoqërimin e deputetit në qeli.

Ndërkohë që në fuqi është lënë vendimi dhe për gazetarin Jetmir Olldashi i cili është dënuar me shërbim prove.

Ervin Salianji u shpall fajtor nga gjykata e shkallës së parë në vitin 2019 me akuzën e “Kallëzimit të rremë”.

Dënimi i tij lidhet me çështjen e njohur si “Babale”, një rast që përfshinte akuza për inskenimin e një videoje të pretenduar ku një person fliste në emër të vëllait të ish-ministrit të Brendshëm, Fatmir Xhafaj, duke aluduar për përfshirjen e tij në aktivitete të paligjshme.

Në këtë rast, Ervin Salianji u akuzua për “kallëzim të rremë”, me pretendimin se videoja dhe akuzat që ai dhe të tjerë ngritën publikisht ishin të fabrikuara për të dëmtuar figurën e Xhafajt dhe për të krijuar një skandal politik. Gjykata vendosi se provat nuk ishin të mjaftueshme për të mbështetur pretendimet e tij se nuk ishte i përfshirë në këtë ngjarje.

The post Apeli lë në fuqi vendimin me 1 vit burg për deputetin Ervin Salianji appeared first on Euronews Albania.

Plani për fitoren i Volodymyr Zelenskyt nuk e ka bindur administratën amerikane. Kështu shrkuan e përditshmja “Wall Street Journal”, që citon burime nga Shtëpia e Bardhë.

Sipas gazetës prestigjioze, administrata Biden është e shqetësuar se planit të liderit ukrainas i mungon një strategji globale dhe nuk është gjë tjetër veçse një kërkesë për më shumë armatime dhe heqjen e kufizimeve për përdorimin e raketave me rreze të gjatë veprimi.

“Nuk kam mbetur i impresionuar. Ky plan nuk ka asgjë të re”, ka deklaruar një funksionar i lartë i administratës amerikane.

Zelensky pritet t’ia prezantojë planin personalisht presidentit Joe Biden, si dhe kandidatëve presidencialë Kamala Harris dhe Donald Trump.

Por me ish-presidentin, lideri ukrainas pritet të mos e ketë të lehtë. Së pari, burime të afërta me Trump kanë deklaruar se ai mund të mos e presë në takim Zelenskyn.

Së dyti, në një miting të mbajtur në Karolinën e Veriut, vetë Trump ka vlerësuar lidershipin e presidentit rus Vladimir Putin, duke thënë se është një mik i ngushtë i tij.

Gjithashtu, Trump nuk e ka fshehur kurrë antipatinë e tij për Zelenskyn për marrjen e fondeve amerikane, por edhe ndaj Evropës, të cilën e akuzon se nuk bën sa duhet për zgjidhjen e konfliktit.

“Zelensky është përfituesi më i madh në histori. Sa herë që vjen këtu largohet me 60 miliardë dollarë në xhep”, ka deklaruar ish-presidenti, duke shtuar se, për më tepër, presidenti ukrainas preferon fitoren e Harris në zgjedhjet e nëntorit.

LEXONI GJITHASHTU:

• Zelensky për fundin e luftës me Rusinë: Jemi më afër paqes nga sa mendojmë
• Zelensky në SHBA, pritet të paraqesë “planin e fitores” për Biden, Trump dhe Harris

The post Plani i fitores së Zelenskyt nuk bind SHBA, administrata amerikane: I dështuar appeared first on Euronews Albania.

Një efektiv policie në Kukës ka përplasur me automjetin e tij një fëmijë të moshës 11-vjeçe.

Ngjarja ndodhi mëngjesin e kësaj të enjteje në aksin rrugor “Bucaj-Kukës”, teksa efektivi 25-vjeçar ishte jashtë shërbimit.

11-vjeçari është dërguar me urgjencë në spital ku po merr kujdesin e nevojshëm mjekësor, ndërkohë që Agjencia e Mbikqyrjes policore bën me dije se ka nisur hetimet në lidhje me rastin.

“Paraditen e sotme, në aksin rrugor “Bucaj-Kukës”, shtetasi K. C., 26 vjeç, (punonjës policie në Komisariatin e Policisë Kukës, jashtë orarit të shërbimit), duke drejtuar automjetin e tij, ka kapur me pasqyrën e automjetit, një 11-vjeçar, i cili po merr mjekim në spital dhe është jashtë rrezikut për jetën. Veprimet procedurale po kryhen nga Drejtoria Rajonale e Agjencisë së Mbikëqyrjes Policore Kukës-Dibër dhe Prokuroria, për sqarimin e rrethanave të aksidentit”, njofton policia.

LEXONI GJITHASHTU:

• Aksident me një të plagosur në aksin Korçë-Maliq
• Aksident me vdekje në Durrës, humb jetën 64-vjeçari

The post Efektivi i policisë përplas 11-vjeçarin, AMP nis hetimet appeared first on Euronews Albania.

Vetëm 71 deputetë kanë marrë pjesë në votimin e marrëveshjes së financimit, për programin e parë për “Financimin e politikave zhvillimore për efektivitetin fiskal, konkurrueshmërinë dhe rritjen e gjelbër”, në mes të Republikës së Kosovës e përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim.

Kuorum nuk pati as për marrëveshjen për anëtarësimin e Republikës së Kosovës në Fondin Monetar Ndërkombëtar dhe organizatat e grupit të Bankës Botërore.

Në mungesë kuorumi ka dështuar edhe ratifikimi i marrëveshjes së kredisë mes të Republikës së Kosovës dhe Bankës Evropiane për Investime për Projektin Energjia diellore fotovoltaike në KEK – Porta Globale.

LEXONI GJITHASHTU:

• KFOR rrit patrullimet në veri të Kosovës
• 300 ushtarë shtohen në veri të Kosovës, KFOR: Dislokimi, pjesë e rutinës stërvitore

The post Kuvendi i Kosovës dështon të votojë tri marrëveshjet ndërkombëtare appeared first on Euronews Albania.

9 përballje të tjera të Europa League zhvillohen këtë të enjte, ku do të mbyllet dhe java e parë e kompeticionit, ndërsa në fushë zbresin emra të mëdhenj të futbollit evropian si Roma, Tottenham apo Ajax. Me një trajner të ri, italianët do të provojnë ta nisin mirë garën e tyre, por kundërshtari i radhës nuk duhet nënvlerësuar, pasi bëhet fjalë për Athletic Bilbao. Roma vjen pas fitores në kampionat 3-0 ndaj Udinese, ndërsa Bilbao fitoi ndaj Celtës në shifrat 3-1.

Kjo mund të cilësohet padyshim kryendeshja e Europa League, por pa nënvlerësuar dhe Ajax-Besiktas e Tottenham-Qarabag. Londinezët me shumë kualitete në vetvete përballen me skuadrën azere, pjesë e së cilës është dhe sulmuesi shqiptar Redon Xhixha. Favoritë padiskutim mbeten Spursat.

Në orën 18:45 është radha e Fenerbahces së Mourinho për të provuar veten ndaj Royal Union, teksa paralelisht zhvillohet dhe Malmo-Rangers. Kampionët e Conference League, Olympiacos synojnë të përsërisin suksesin e vjetshëm, por këtë herë një nivel më lart. Ndeshja e parë është ndaj Lyon, që po kalon një formë aspak pozitive. Braga-Maccabi Tel Aviv, Frankfurt-Plzen dhe Steao Bukuresht-Riga plotësojnë 9 përballjet e së enjtes.

The post 9 duelet e radhës në Europa League, zbresin në fushë Roma e Tottenham appeared first on Euronews Albania.

Prokuroria e Posçme ka kërkuar zgjatjen me tre muaj të hetimeve për grupin e Laert Haxhiut, në mënyrë që të plotësohen mangësitë që ka dosja, kërkesë e cila u pranua pjesërisht nga GJKKO.

Trupa gjykuese i dha kohë vetëm 45 ditë prokurorit Behar Dibra për të përfunduar plotësisht hetimet.

Në këtë dosje, janë marrë të pandehur Erisiano Abedini, Bujar Abedini, Lulzim Spahija, Ligor Romaçka, Idriz Manej, Maringlen Topuzi, Bledar Berberi, Enriko Xhahysa dhe Fatjon Veliu.

Arrestimi i Artan Tafanit, pas një grabitje në një pikë të këmbimit valutor në zonën e Astirit në Tiranë, çoi në goditjen e grupit të Laert Haxhiut.

Tafani u bë i penduar i drejtësisë dhe rrëfeu disa ngjarje kriminale që kanë tronditur vendin përgjatë viteve 2021-2023, duke nisur nga vrasjet, atentatet e deri te vjedhjet me dhunë.

Banda kriminale u godit në fund të muajit shtator të vitit 2023, pas një operacioni të gjërë policor që u shtri në të gjithë vendin.

The post SPAK kërkon shtyrjen e hetimeve për grupin e Laert Haxhisë: Dosja ka mangësi appeared first on Euronews Albania.

Arjanit Maloku dhe Jurgen Kaçurri, do të dalin para Gjykatës së Durrësit për t’u njohur me masën e sigurisë arrest në burg caktuar nga drejtësia italiane, e cila firmosi 61 urdhër-arreste nga të cilët 17 janë shqiptar, ndërsa u ekzekutuan 21 nga totali. Ndonëse SPAK është përfshirë në operacion, çështja do ndiqet sa iu takon vendimit mbi ekstradimin ose jo, nga gjykatat e rretheve. Në rastin konkret nga Gjykata e Durrësit e cila ka juridiksion mbi zonën e Manzës, ku kanë ndodhur dhe arrestimet. Maloku e Kaçurri pritet të dalin pra togave të zeza për t’u njohur me masën e sigurisë, e më tej procedurat e ekstradimit drejt vendit fqinj.

Të martën në mbrëmje dhe të mërkurën në mëngjes në Shqipëri janë janë kryer 21 kontrolle banesash dhe ambjente të tjera, ku në kuadër të këtij operacioni u prangosën dy shtetasit e mësipërm, pjesëtarë të grupit kriminal, që operonte në trafikimin e kokainës nga Amerika Latine në Europë. Operacioni u shtri në Shqipëri, Itali, Poloni e Zvicër. Në vendin tonë janë sekuestruar në cilësinë e provës materiale 30 mijë euro, 6 mijë Paud, 2 automjete, 1 armë, 4 ora të markës Rolex, 26 aparate celulare, dokumente, sende të tjera me vlerë, si dhe prova të tjera materiale

Sipa Europol Shqipëria shërbente si një bazë e rëndësishme e organizimit të trafikut të kokainës. Grupi kriminal kryente pastrimin e parave përmes një rrjeti të panumërt kompanish, të drejtuara nga një organizatë italo-kineze, e krijuar për këtë qëllim, e cila furnizonte fatura false për rreth 375 milionë euro.

Nga hetimi në tërësi janë sekuestruar 360 kg lëndë narkotike të llojit kokainë, armë dhe sende të tjera me vlerë,  të përllogaritura në vlerën prej 60 milionë euro.

Anëtarët e organizatës kriminale akuzohen për “Trafikimi i narkotikëve”, “Pastrimi i produkteve të veprës penale apo veprimtarisë kriminale” dhe “Mashtrimi në investime në shuma të mëdha”.

LEXONI GJITHASHTU:

• SPAK mega-operacion në Manzë, goditet “selia” e organizatës së trafikut të kokainës
• Drogë dhe fisha karikimi me dron, çfarë u zbulua në burgun e Peqinit

The post Kapja e 360 kg kokainë në Itali, dalin përpara gjykatës të arrestuarit në Manëz appeared first on Euronews Albania.

Apeli i Posaçëm ka lënë të pandryshuar masën e arrestit me burg për Julian Meçajn, i akuzuar për atentatin ndaj ish-prokurorit Arjan Ndoja dhe mikut të tij, Pëllumb Muharremi, i njohur si “Rrumi i Shijakut”.

Ai akuzohet gjithashtu nga SPAK se, me kërkesë të Plaurent Dervishajt, në bashkëpunim me persona të tjerë, në disa raste ka tentuar të kryejë atentate të tjera ndaj Arjan Ndojës, Pëllumb Muharremit, si dhe ndaj personave të tjerë.

Meçaj u deportua në gusht të këtij viti nga Dubai, së bashku me Plaurent Dervishajn.

Atentati ndaj ish-prokurorit Arjan Ndoja ndodhi më 1 nëntor 2019, në autostradën Durrës-Tiranë. Gjatë këtij atentati, Ndoja po udhëtonte me automjetin e tij, së bashku me shoferin Andi Maloku dhe mikun e tij Pëllumb Muharremi, i njohur ndryshe edhe me pseudonimin “Rrumi.” Automjeti i tyre u qëllua me breshëri automatike, ku për pasojë shoferi Andi Maloku mbeti i plagosur rëndë dhe ndërroi jetë disa ditë më vonë në spital. Arjan Ndoja dhe Pëllumb Muharremi mbetën të plagosur, por arritën të mbijetonin.

LEXONI GJITHASHTU:

• “Gjatë një ndeshje boksi…”-Artan Hoxha: Pse u deportua Plarent Dervishaj nga Dubai
• U ekstradua nga Dubai, GJKKO lë në burg Plarent Dervishajn

The post Planifikuan atentatin ndaj ish-prokurorit, lihet në burg krahu i djathtë i Dervishaj appeared first on Euronews Albania.

“Djajtë e kuq” e kanë nisur me zhgënjim rrugëtimin në Europa League, ku kanë barazuar me Twenten.

Në Old Traffordin e tejmbushur, Manchester United nuk ia doli të marrë 3 pikët e para në këtë rrugëtim të ri edhe pse arriti të kalonte i pari në avantazh. Eriksen zhbllokoi shifrat në fraksionin e parë, por miqtë dhanë shkëndija gjithashtu.

Në pjesën e dytë ishte Lammers që riktheu ekuilibrat, ndërsa shifrat mbetën të pandryshuara deri në fund. Nga 1 pikë për secilën skuadër.

Paralelisht luanin dhe Galatasaray me Paokun e Lazio me Dinamon e Kievit. Italianët e patën të lehtë të merrnin fitoren, ku triumfuan në shifrat 0-3, ndërsa ekipi turk pas një pjese të parë pa gola, ia doli të bënte mirë në fraksionin tjetër. Fitore 3-1 që i ngjit mes ekipeve të kreut në tabelën e klasifikimit.

Sa i përket dueleve të tjera, 3 pikë morën dhe Slavia Pragës, Anderlecht, Alkmaar dhe Bodo Glimt. Midtjylland-Hoffenheim dhe Nice-Real Sociedad u mbyll në shifrat 1-1.

The post Rezultatet e Europa league: Man Utd ndalet nga Twente, Lazio fiton lehtësisht appeared first on Euronews Albania.

Kryeministri sllovak Robert Fico ka marrë një tjetër kërcënim me vdekje pas përpjekjes për ta eliminuar fizikisht në muajin maj.

Mediat e huaja shkruajnë se në adresë të kryeministrit sllovak ka mbërritur një zarf me një plumb brenda.

Policia vendase vijon punën për të bërë të mundur identifikimin e personave që kanë dërguar mesazhin kërcënues në drejtim të kryeministrit.

Kërcënimi vjen pas atentatit ndaj Ficos, që tronditi Sllovakinë dhe Evropën. Autori i sulmit, një 71-vjeçar i quajtur Juraj Cintula, pretendoi se veprimi i tij erdhi si pasojë e kundërshtisë që ai kishte me politikat e qeverisë aktuale. Fico pësoi lëndime serioze dhe iu nënshtrua disa operacioneve për të shpëtuar jetën e tij.

Pas atentatit, Fico fajësoi opozitën për ngjarjen, ndërsa sulmi nxori në pah përçarjet e thella në shoqërinë sllovake. Autori i atentatit, Cintula, është arrestuar dhe përballet me akuza për terrorizëm, për të cilat rrezikon dënim deri në burgim të përjetshëm.

LEXONI GJITHASHTU:

• Kryeministri sllovak lë spitalin, Fico transferohet me helikopter në banesën e tij
• Shefi i NATO-s: Shpreson që Ukraina do t’i bashkohet aleancës brenda 10 vjetëve

The post Pas atentatit, tjetër kërcënim për kryeministrin sllovak: I dërgojnë një plumb appeared first on Euronews Albania.

Të paktën 6 persona u vranë dhe 22 të tjerë u plagosën në Liban, pasi ushtria izraelite kreu një tjetër valë sulmesh të mërkurën në jug të vendit.

Më herët gjatë ditës ishte Hezbollahu që qëlloi një dyzinë raketash ndaj shtetit hebre, përfshirë një me rreze të gjatë që aktivizoi sirenat e alarmit në Tel Aviv.

Autoritetet izraelite deklaruan se e kishin interceptuar në ajër raketën dhe se ajo nuk kishte shkaktuar viktima apo dëme materiale.

Ndërkohë, gjatë natës mes së martës dhe së mërkurës, ushtria izraelite deklaroi se kishte goditur baza të shumta të Hezbollahut, përfshirë depozita armatimesh.

Shteti hebre saktësoi gjithashtu se kishte identifikuar, goditur dhe shkatërruar një ndërtesë në jug të Libanit, prej nga ishte lëshuar një raketë ndaj Izraelit.

Të martën u vra një komandant i lartë i lëvizjes islamike, në kuadër të fushatës së bombardimeve, që lanë mbi 560 të vdekur dhe disa mijëra të zhvendosur nga jugu i Libanit.

Familjet që u larguan u vendosën në qytetet Beirut dhe Sidon, duke fjetur në makina, shkolla dhe parkingje të kthyera në streha, si dhe përgjatë plazhit.

LEXONI GJITHASHTU:

• Kryeministri izraelit zotohet të vazhdojë goditjen e Hezbollahut
• Gjashtë të vrarë në një sulm izraelit në Bejrut

The post Valë e re sulmesh në Liban, Izraeli vijon ‘fushatën e zgjeruar’ ushtarake appeared first on Euronews Albania.

Ndeshja ndaj Alaves ishte e një rëndësie të veçantë për Realin e Madridit edhe pse kundërshtari nuk ishte i një niveli të lartë, për “Los Blancos” 3 pikët ishin edhe më domethënëse. Kjo për faktin se skuadra e Ancelottit nuk humbet në kampionatin spanjoll që prej 24 shtatorit 2023, pra në 12 muaj numëron vetën fitore e barazime në ligë, duke vendosur kështu një rekord personal në Spanjë. 39 ndeshje të cilat kanë zhvilluar “Los Blanco”s duke nisur që nga java e gjashtë e edicionit të shkuar të La Ligas e deri në javën e 7-të të këtij sezoni janë 28 fitore dhe 11 barazime, duke mos humbur asnjë përballje.

Një performancë fantastike e madrilenëve të cilët synojnë që ta vijojnë rrugëtimin e tyre pozitiv dhe në Ligën e Kampionëve dhe kupën e Spanjës. Ndaj Alaves mbrëmjen e së martës, Reali i Madridit fitoi në shifrat 3-2, teksa ky ishte dueli i 300-të për Carlo Ancelotti si trajner me 216 fitore, 45 barazime dhe vetëm 39 humbje.

LEXONI GJITHASHTU:

• Drejtuesit të pakënaqur me rezultatet, Roma shkarkon trajnerin De Rossi
• Mbyllet java e parë e Champions: Mposhtet Barcelona, ngec Arsenali! Tabela e pikëve

The post Real Madrid vendos rekord, “Los Blancos” 1 vit pa humbje në kampionat appeared first on Euronews Albania.

Sot tatimi është 15% dhe rëndon buxhetin e qytetarëve në shitblerjen e një prone, dhe ulja e normës pritet të zyrtarizohet në pjesën e parë të tetorit.

Rivlerësimi është një proces, ku qytetari përfiton, pasi rrit vlerën e pronës, paguan një taksë më të ulët nëse dëshiron ta shesë, krijon lehtësi në marrjen e kredisë dhe mban larg zyrat përmbarimore.

Me një shembull të thjeshtë, nëse pas viteve 90’ keni blerë në Tiranë një pronë 20 000 euro dhe do e shisni sot 120.000 euro, matematikisht do të fitoni 100.000 euro. Por, nga ky transaksion shteti do t’u mbajë tatim 15 mijë euro, ndërsa me rivlerësimin që do të hyjë në fuqi, do të paguani 10 mijë euro më pak.

Nga publikimi i nismës së mazhorancës për të ofruar rivlersim pronash me një tatim të reduktuar që nga fillimi i vitit, tregu ka pësuar stanjacion pasi qytetarët dhe bizneset kanë frenuar shitjet.

Me miratimin e tatimit të ri, në procedurë, ka dy rrugë rivlerësimin e pasurive të luajtshme; me ekspertë të Agjencisë së Kadastrës ose me ekspert privatë të licencuar.

Nisma për rivlerësimin u propozua në pranverë, por nuk u miratua pasi mungonte një hartë e plotë dhe e përditësuar me çmimet referencë, si për Tiranën, ashtu edhe për bregedetin, të cilat mbajnë peshën më të madhe të transaksioneve.

LEXONI GJITHASHTU:

• Çmimet e apartamenteve në rritje, emigrantët dhe familjet e reja, blerësit kryesorë
• Rritet çmimi i banesave në Shqipëri, kryeson Tirana me 23.5%

The post Ulet tatimi, sa pritet të mbajë shteti gjatë shit-blerjes së një prone appeared first on Euronews Albania.

‘Nuk jam shërbëtor i Rusisë dhe as i SHBA-ve kështu u shpreh presidenti i Serbisë, Aleksandar Vuçiç ne fjalimin e tij ne Organizatën e Kombeve të Bashkuara. Ndërkohë në takimet e veçanta të tij në OKB, Kosova ishte çështja kryesore e bisedave  me diplomatet nga Kina dhe Irani.

Gjatë fjalimit në Asamblenë e Përgjithshme të OKB, Presidenti i Serbisë, Aleksandar Vuçic, u shpreh se shteti i tij ka politikat dhe interesat e veta dhe nuk është shërbëtor “as i Rusisë, e as i Shteteve të Bashkuara”.

Ai shtoi  se shteti i tij respekton Kartën e OKB-së dhe integritetin territorial të Ukrainës, teksa tha se shtetet nuk respektojnë rezolutën 1244 dhe “integritetin territorial të Serbisë”.

Ai përsëriti akuzat ndaj Perëndimit se ka shpërfillur Kartën e OKB-së, kur ish-Jugosllavia e atëhershme u bombardua nga NATO-ja, bombardime që çuan në çlirimin e Kosovës.

Autoritetet në Kosovë kanë akuzuar Serbinë se është “dorë e zgjatur e Rusisë” dhe Moska po tenton ta destabilizojë Kosovën përmes Serbisë.

Serbia ka raporte të mira me Rusinë dhe është ndër vendet e pakta në Evropë që nuk i është bashkuar sanksioneve të BE-së ndaj Moskës, për nisjen e pushtimit të Ukrainës më 2022.

Gjatë qendrimit në SHBA Vuçiç u takua edhe me presidentin e dhe, siç ka theksuar ai, tema e veçantë e bisedës ishte situata në Kosovë.

Vuçiç ka shkruar në Instagram se e falënderoi Iranin për “qëndrimin e tij të palëkundur dhe të vendosur lidhur me integritetin territorial dhe sovranitetin e Serbisë”.

Kosova ishte një nga temat e bisedës së Vuçiqit edhe me kreun e diplomacisë kineze, Wang Yi. Vuçic ka theksuar gjithashtu se Serbia është mirënjohëse ndaj Kinës pasi në maj të këtij viti votoi kundër Rezolutës për gjenocidin në Srebrenicë në Asamblenë e Përgjithshme të Kombeve të Bashkuara.

The post “Nuk jam shërbëtor i SHBA”- Deklaratat dhe takimet e Vuçiç në OKB appeared first on Euronews Albania.

Zyrtaret e fushatës se Donald Trump pretendojnë se Irani po përpiqet te vrasë kandidatin republikan për president!

Donald Trump është informuar nga inteligjenca amerikane se Irani është duke e kërcënuar për ta vrarë. Të Paktën kështu bën me dije ekipi i tij i fushatës.

‘’Kandidati republikan presidencial u informua “në lidhje me kërcënimet reale dhe specifike nga Irani për ta vrarë atë në një përpjekje për të destabilizuar dhe shkaktuar kaos në Shtetet e Bashkuara”,  u tha në deklaratën për media.

Në njoftimin për media  nuk u dha detaje mbi pretendimet dhe nuk ishte e qartë nëse kërcënimet të cilave iu referua ekipi i Trump  ishin të reja apo ishin raportuar më parë.

‘’Zyrtarët e inteligjencës kanë identifikuar se këto sulme të vazhdueshme dhe të koordinuara janë shtuar në muajt e fundit”, tha në deklaratë drejtori i komunikimit të fushatës së Trump.

Një deklaratë e tillë vjen pasi Trump i mbijetoi një atentati gjatë një tubimi në Pensilvani. Nuk dihet asnjë motiv për këtë ngjarje e cila vijon të jetë nën hetim.

Muajin e kaluar, zyrtarët e fushatës së Trump thanë se disa nga komunikimet tyre të brendshme ishin hakuar dhe pretenduan se ishin në shënjestër nga hakerat iranianë.

Qeveria iraniane nuk  ka reaguar për asnjë koment, por Teherani ka mohuar më parë pretendimet e SHBA për ndërhyrje në çështjet e brendshme amerikane.

The post Paralajmërohet Donald Trump, Irani kërkon të vrasë ish-presidentin appeared first on Euronews Albania.