Anëtari i kryesisë së PDK-së, Enver Hoxhaj, është shprehur i sigurt se qeverinë e ardhshme do ta udhëheqë Partia Demokratike, teksa e konfirmoi se ai personalisht do të jetë në listë për deputet.

Ai foli edhe për mundësinë e bashkëpunimit me Lëvizjen Vetëvendosje, ku tha se PDK-ja dhe VV-ja janë në dy dimensione që asnjëherë nuk takohen.

“Nëse unë them se zgjedhjet e ardhshme janë referendum, dhe referendumin e mendoj që ta largojmë Vetëvendosjen nga qeveria, jo pse ia kemi inati kësaj partie por edhe Kurtit, por për dëmet që i ka bërë, mendoj që kjo e bën të qartë se ne dhe Vetëvendosje jemi në dy dimensione që asnjëherë nuk takohemi”.

“Nuk e them këtë që të bëjë lajm, nuk e them kundër Kurtit apo Vetëvendosjes, por nëse ne duam që ta rikthejmë vendin në binarë, dhe nëse vendi mendon se zgjedhjet e 9 shkurtit janë zgjedhje për një riorientim atlantik të vendit, unë nuk shoh ura të bashkëpunimit mes PDK-së dhe VV-së për shkak të politikave që i kemi, orientimeve dhe qasjes. Jo për shkak të së kaluarës, jo për shkak të ndonjë dallimi tjetër, por për shkak se jemi dy binarë që s’takohen asnjëherë”, tha Hoxhaj në “DPT te Fidani”.

Tutje, ai tha se si deputet, do ta ngrit dorën dhe do ta votojë vetëm një qeveri, atë qeveri të cilën tha se do ta udhëheqë Bedri Hamza.

“Nuk mundemi të bëjmë asgjë me Albin Kurtin si partner qeverisës. Unë e jap qëndrimin tim, ky është qëndrimi im”, tha ai.

The post Mundësia e koalicionit LVV – PDK, flet Enver Hoxhaj appeared first on Telegrafi.

Kuvendi i Republikës së Kosovës ka vendosur të anulojë logon e re të përzgjedhur, pas reagimeve për ngjashmërinë e saj me një logo tjetër.

Kryesia e Kuvendit trajtoi çështjen gjatë mbledhjes së saj më 23 shtator 2024 dhe konstatoi se logoja, megjithëse nuk ishte identike me logon me të cilën u krahasua, kishte ngjashmëri të mjaftueshme për të kërkuar ndryshime.

Kjo situatë pasoi një vendim paraprak të Kryesisë së Kuvendit, më 12 shkurt 2024, për zhvillimin e procedurave të prokurimit lidhur me logon e re, në përputhje me Ligjin për Prokurimin Publik.

Juria profesionale përzgjodhi propozimin e operatorit ekonomik “Wave Partners” nga Prishtina, duke vlerësuar se kishte përmbushur të gjitha kriteret e nevojshme.

Megjithatë, pas konsultimeve me operatorin ekonomik, u pranua se logoja kishte ngjashmëri me një tjetër dizajn dhe palët ranë dakord që Kuvendi i Kosovës të ketë një logo unike, pa asnjë ngjashmëri të mundshme.

“Wave Partners” u pajtua të kthejë mjetet financiare të marra dhe të rimarrë të drejtën e autorit mbi logon e propozuar.

Në vijim, Kuvendi i Kosovës do të zhvillojë një konkurs të ri për përzgjedhjen e logos së tij, duke siguruar që procesi të jetë i plotë dhe pa kontestime./Telegrafi/

The post Pas kritikave për ngjashmëri, anulohet logoja e re e Kuvendit, do të ketë konkurs të ri appeared first on Telegrafi.

Kongresisti Ritchie Torres, njëherësh bashkëkryesues i Grupit për Çështjet Shqiptare në Kongresin amerikan, ka folur për rastin e Banjskës.

Në një shkrim në Twitter, Torres kërkoi që autorët e sulmit të mbajnë përgjegjësi.

“Sot janë bërë një vit nga sulmi terrorist në Banjska të Kosovës. E nderojmë sakrificën e policit Afrim Bunjaku në mbrojtjen e popullit gjatë këtij sulmi dhe kërkojmë që autorët të mbajnë përgjegjësi për veprimet e tyre brenda Kosovës”, shkroi Torres.

Më herët gjatë ditës pati edhe reagime të tjera.

Ambasadori amerikan në Prishtinë, Jeffrey Hovenier, bëri homazhe te varri i Bunjakut në Vushtrri më 24 shtator.

“Sot iu bashkova Qeverisë së Kosovës dhe kolegëve të mi diplomatikë për ta nderuar kujtimin e oficerit të Policisë së Kosovës, Afrim Bunjaku, i cili u vra në detyrë në sulmin e Banjskës, një vit më parë. Shtetet e Bashkuara përsërisin thirrjet dhe presin që kryerësit dhe të gjithë të përfshirët në këtë krim të tmerrshëm të mbahen përgjegjës”, shkroi Hovenier në X.

Ndërkaq, BE-ja tha se pret nga Serbia të ndërmarrë hapa të nevojshëm për t’u siguruar që të dyshuarit për kryerjen e sulmit vdekjeprurës në Banjskë të japin llogari.

Kosova e ka cilësuar sulmin si terrorist dhe e akuzon shtetin e Serbisë se ka gisht në të. Serbia i ka mohuar akuzat.

Në fillim të këtij muaji, Prokuroria Speciale e Kosovës ngriti aktakuzë kundër 45 personave për këtë sulm./Telegrafi/

Today marks one year since the terrorist attack in Banjska, Kosovo.

May we honor the sacrifice of police officer Afrim Bunjak in protecting the public during this attack, and demand that the perpetrators are held accountable for their actions within Kosovo.

— Rep. Ritchie Torres (@RepRitchie) September 24, 2024

The post Kongresisti Torres për Banjskën: Kërkojmë që autorët të mbajnë përgjegjësi për veprimet e tyre brenda Kosovës appeared first on Telegrafi.

Tre persona kanë mbetur të lënduar në një aksident trafiku të ndodhur mbrëmjen e së martës në rrugën Komoran-Drenas.

Rastin e ka konfirmuar zëdhënësja e Policisë për rajonin e Prishtinës, Flora Ahmeti.

“Sot, rreth orës 21:00, kemi pranuar informatën për një aksident në rrugën Komoran-Drenas. Në aksident janë përfshirë tri automjete, dhe si pasojë, tre persona kanë pësuar lëndime trupore,” deklaroi Ahmeti.

Njësiti i trafikut rrugor po heton shkaqet e aksidentit./Telegrafi/

The post Aksident në rrugën Komoran-Drenas, lëndohen tre persona appeared first on Telegrafi.

Ish-zëvendëskryeministri i Kosovës, Hajredin Kuçi, ka folur mbi rrugën e popullit të Kosovës drejt lirisë dhe pavarësisë.

Kuçi tha liria u arrit kur u bënë bashkë reagimi i madh qytetar, kohezioni nacional dhe partneritetit ndërkombëtar.

“Asnjëherë nuk ka pasur mobilizim më të lartë qytetar sesa në vitet e 90-ta, respektivisht 98-99, që ta fitojmë lirinë, ne kemi pasur trima dhe njerëz të angazhuar jashtëzakonisht shumë qoftë për luftime, qoftë për çështje politike, njerëz të mençur shumë, njerëz të dijshëm, por shkalla e reagimit qytetar, kohezioni nacional dhe partneriteti ndërkombëtar nuk ka qenë kurrë më i lartë dhe këto kur u bënë bashkë arriti ajo që e quaj mrekulli për ne dhe për vendin tonë”, tha Kuçi në Rubikon të Klan Kosovës.

Ai theksoi se lëvizja paqësore e LDK-së me në krye Ibrahim Rugovën kishte rol të rëndësishëm në këtë rrugëtim të Kosovës, pasi Rugova i lexonte drejt vlerat e perëndimit dhe kohezionit nacional.

“Nuk fiton vetëm ai që ka të drejtë por edhe ai që është në anën e drejtë dhe unë mendoj se vitet e 90-ta, lëvizja paqësore me zotërinë Rugova mendoj ne i ka bërë dy gjëra jashtëzakonisht pozitive, populli i Kosovës në tërësi, orientimi pro-perëndimor dhe kohezioni nacional, dhe unë mendoj se ka qenë lexues i drejtë i vlerave të perëndimit dhe kohezionit nacional, asnjëra pa tjetrën nuk do kishte ndodhur, të drejtën e shqiptarëve për pavarësi, për liri, për bashkim kombëtar ka qenë e drejta jonë më e fortë në vitin 1912, por ajo nuk është realizuar pa kohezion nacional dhe pa përkrahje perëndimore dhe mendoj se ky është një mësim jo vetëm për ne, por edhe për popujt e okupuar”, tha Kuçi.

Ish-zëvendëskryeministri shtoi se lëvizja paqësore e LDK-së dhe lufta e UÇK-së për çlirimin e vendit e kanë plotësuar njëra-tjetrën.

“Pas marrëveshjes së Deytonit ishte një sinjal i qartë se populli i Kosovës duhet të mendoj ndryshe, orientimi pro-perëndimor dhe politika paqësore, unë e kam thënë në Kuvend me bindje të plotë në ato debatet tona PDK dhe LDK dhe kam thënë mos u ndjeni keq ta zëmë se LDK-ja, lëvizja paqësore ka ndikuar që populli i Kosovës, bota demokratike ta kuptojë më drejtë pse po luftojmë ne, se kemi thënë po e provojmë çështjen paqësore po e shohim që s’po dhezë, po provojmë diçka tjetër, pra me fjalë të tjera, këto janë komplementare”, tha Kuçi.

The post Kuçi: Lëvizja paqësore e LDK-së në krye me Ibrahim Rugovën dhe lufta e UÇK-së ishin komplementare appeared first on Telegrafi.

Deputetja britanike, Alicia Kearns, ka kujtuar njëvjetorin e vrasjes së Afrim Bunjakut nga sulmi terrorist në Banjskë të Zveçanit.

Në një postim të saj të fundit në platformën sociale ‘X’, ka kërkuar që Milan Radojçiq dhe përgjegjësit e tjerë të sulmit në veri të ballafaqohen me drejtësinë.

Sipas saj drejtësia është e nevojshme për paqen dhe pajtimin në Ballkan.

“Një vit nga sulmi i Banjskës. Një vit nga vrasja e Afrim Bunjakut. Milan Radojçiq dhe përgjegjësit duhet të përballen me drejtësinë. Drejtësia është e nevojshme për pajtimin dhe paqen në Ballkan”, ka shkruar deputetja britanike.

Po ashtu, Shtetet e Bashkuara dhe Bashkimi Evropian kanë kërkuar që të gjithë të përfshirët në sulmin e armatosur ndaj Policisë së Kosovës në Banjskë të Zveçanit një vit më parë të mbahen përgjegjës.

Ambasadori amerikan në Prishtinë, Jeffrey Hovenier, bëri homazhe te varri i Bunjakut në Vushtrri më 24 shtator.

“Sot iu bashkova Qeverisë së Kosovës dhe kolegëve të mi diplomatikë për ta nderuar kujtimin e oficerit të Policisë së Kosovës, Afrim Bunjaku, i cili u vra në detyrë në sulmin e Banjskës, një vit më parë. Shtetet e Bashkuara përsërisin thirrjet dhe presin që kryerësit dhe të gjithë të përfshirët në këtë krim të tmerrshëm të mbahen përgjegjës”, shkroi Hovenier në X.

Ndërkaq, BE-ja tha se pret nga Serbia të ndërmarrë hapa të nevojshëm për t’u siguruar që të dyshuarit për kryerjen e sulmit vdekjeprurës në Banjskë të japin llogari.

Kosova e ka cilësuar sulmin si terrorist dhe e akuzon shtetin e Serbisë se ka gisht në të. Serbia i ka mohuar akuzat.

Në fillim të këtij muaji, Prokuroria Speciale e Kosovës ngriti aktakuzë kundër 45 personave për këtë sulm./Telegrafi/

One year since the Banjska attack.

One year since the murder of Afrim Bunjaku.

Milan Radoičić and those responsible must face justice.

Justice is requisite for reconciliation and peace in the Balkans. pic.twitter.com/wgBorS4sXH

— Alicia Kearns MP (@aliciakearns) September 24, 2024

The post Kearns: Radoiçiq dhe përgjegjësit e sulmit në Banjskë të përballen me drejtësinë appeared first on Telegrafi.

Presidentja Vjosa Osmani, ka takuar kryeshefen ekzekutive të Korporatës së Sfidave të Mijëvjeçarit (MCC), Alice Albright.

Në një postim në Facebook, Osmani falënderoi për mbështetjen e vazhdueshme ndaj Kosovës në sektorin e energjisë.

“Gjithnjë kënaqësi ta takoj kryeshefen ekzekutive të Korporatës së Sfidave të Mijëvjeçarit (MCC), Alice Albright”.

“Në New York, e falënderova për mbështetjen e vazhdueshme të MCC-së për sektorin e energjisë në Kosovë, përmes marrëveshjes historike në vlerë prej 236.7 milionë dollarësh, e e cila po kontribuon në zhvillimin e qëndrueshëm ekonomik të vendit tonë”, shkroi Osmani.

Janë bërë dy vite që nga nënshkrimi i marrëveshjes mes institucioneve të Kosovës dhe Korporatës së Sfidës së Mijëvjeçarit (MCC).

Përmes kësaj marrëveshjeje Kosova do të fitojë një grant në vlerë prej 202 milionë dollarësh.

Shuma totale e marrëveshjes kap shifrën e 236 milionë dollarëve, ku pjesën tjetër të kësaj shume do ta paguajë Qeveria e Kosovës.

Ende nuk dihet nëse institucionet e Kosovës kanë nisur procedurat teknike për blerjen e instalimin e baterive, për ruajtjen e energjisë elektrike.

Investimi në bateri është paraparë në kuadër të marrëveshjes milionëshe me Korporatën e Sfidës së Mijëvjeçarit (MCC) të nënshkruar gjatë 2022-ës por edhe në Strategjinë për Energjinë për vitin 2022-2031. /Telegrafi/

The post Osmani takon kryeshefen e MCC-së, e falënderon për mbështetjen milionëshe në energjisë appeared first on Telegrafi.

Duke filluar nga viti i ardhshëm, çmimet e sigurimit të detyrueshëm të mjeteve nuk do të jenë të njëjta për të gjithë.

Tarifat e reja do të jenë të diferencuara, bazuar në një listë faktorësh që ndikojnë në rrezikun për të shkaktuar dëme nga drejtuesit e mjeteve.

Sigurimi i makinës nuk do të kushtojë njëlloj për të gjithë.

Nga viti i ardhshëm, drejtuesit do të paguajnë çmim të diferencuar, i cili do të përcaktohet nga disa faktorë.

Rregullat e reja janë caktuar nga Autoriteti i Mbikëqyrjes Financiare, si pjesë e një projekti të diskutuar disa vite më parë, por kompanitë e sigurimeve nuk ishin gati ta zbatonin.

Mosha e mjetit, fuqia motorike, qarku ku është regjistruar makina, lloji i makinës (elektrike apo me lëndë djegëse), mosha e zotëruesit të mjetit, përvoja në timon dhe historiku i aksidenteve do të regjistrohen në sistemin që përcakton çmimin vjetor.

Po ashtu, edhe sjellja në rrugë do të ndikojë në çmim, ku ata që kanë bërë aksident do të paguajnë më shumë.

Vitet e fundit, një policë sigurimi ka kushtuar 16 mijë deri në 18 mijë lekë, por këto pagesa fikse nuk kanë qenë efikase për tregun, edhe pse sigurimi i makinës është i detyrueshëm.

Vetëm vitin e kaluar, kompanitë mblodhën 141 mln euro nga sigurimi motorik, ndërsa paguan për dëmet e makinave 49 milionë euro.

The post Ndryshojnë tarifat e sigurimit të automjeteve në Shqipëri – nuk do të jenë njësoj për të gjithë appeared first on Telegrafi.

Ambasadori britanik në Kosovë, Jonathan Hargreaves, ka bërë thirrje që Serbia të marrë masa për të sjellë para drejtësisë autorët e sulmit në Banjskë më 24 shtator 2023, të udhëhequr nga Milan Radoiçiq.

Në një postim në platformën “X”, Hargreaves ka theksuar rëndësinë e vendosjes së drejtësisë për rreshterin e Policisë së Kosovës, Afrim Bunjaku, i cili humbi jetën gjatë këtij sulmi terrorist.

“Sot bëhet një vit nga vrasja e policit Afrim Bunjaku dhe ngjarjet tronditëse që ndodhën në Banjskë,” ka shkruar ambasadori, duke përgëzuar profesionalizmin e Policisë së Kosovës për veprimet e tyre në rivendosjen e rendit atë ditë.

Ai gjithashtu ka vlerësuar punën e prokurorëve kosovarë për ngritjen e aktakuzave lidhur me rastin.

“I bëj nder profesionalizmit dhe trimërisë së Policisë së Kosovës për veprimin e tyre për të rivendosur rendin më 24 shtator 2023 dhe prokurorëve të Kosovës për punën e tyre duke ngritur aktakuzë”, ka shtuar Hargreaves.

Ambasadori britanik ka theksuar se Mbretëria e Bashkuar është e vendosur në kërkesën e saj që autorët e sulmit, përfshirë Milan Radoiçiqin, të përballen me drejtësinë.

“Britania e Madhe vazhdon të kërkojë që autorët e këtij sulmi, përfshirë Milan Radoiçiq, të kapen dhe të sillen para drejtësisë,” ka theksuar ai, duke bërë thirrje Serbisë që të ndërmarrë masat e nevojshme për të siguruar që drejtësia të vihet në vend sa më shpejt të jetë e mundur./Telegrafi/

Today marks a year since the killing of police officer Afrim Bunjaku and the shocking events that took place at Banjska.

I pay tribute to the professionalism and bravery of the Kosovo Police for their action to restore order on 24 September 2023, and to prosecutors
1/2 pic.twitter.com/1owK6OSGPq

— Jonathan Hargreaves (@jonhargreaves67) September 24, 2024

The post Hargreaves: Serbia të marrë masa që Radoiçiqi e të tjerët të sillen para drejtësisë appeared first on Telegrafi.

Anëtari i Kryesisë së Aleancës për Ardhmërinë e Kosovës, Daut Haradinaj ka publikuar disa fotografi të terroristëve serbë të vrarë në Bansjkë, gjatë vitit të kaluar.

Në platformën Facebook, Haradonaj ka thënë se “kjo i pret në Kosovë ata që tentojnë me e prek një pëllëmbë të këtij vendi”.

“Si popull s’ja dojmë të keqen askujt, por kjo i pret gjithmonë në Kosovë ata që tentojnë me e prek një pëllëmbë të këtij vendi”.

“Krenar me djemtë e vajzat tona!”, shkruan Haradinaj.

The post Haradinaj publikon foto të serbëve të vrarë në Banjskë: Kjo i pret ata që tentojnë me prekë Kosovën appeared first on Telegrafi.

Qeveria e Kosovës ka marrë vendim për të emërtuar rrugën rajonale R-217, segmenti Ballaban – Banjskë, me emrin e heroit të Kosovës, Afrim Bunjaku.

Ky vendim vjen në përvjetorin e parë të sulmit terrorist në Banjskë, ku mbeti i vrarë rreshteri i Policisë së Kosovës, Afrim Bunjaku.

“Kjo është një shenjë e nderimit për sakrificën e rreshterit Afrim Bunjaku dhe përkujtimi i tij do të jetë gjithmonë i gjallë përmes këtij emërtimi”.

Vendimi për emërtimin e rrugës u mor gjatë një mbledhjeje elektronike të Qeverisë, ku u diskutuan dhe u miratuan një sërë vendimesh të tjera.

Gëzim Paci u emërua si kryesues i bordit të Postës së Kosovës, ndërsa Genc Metaj u emërua drejtor ekzekutiv në Agjencinë për Menaxhim të Emergjencave.

Në këtë mbledhje, Qeveria ndau gjithashtu një fond prej 219 mijë eurosh për organizimin e Forumit Ekonomik në Paris, me fokus në promovimin e teknologjisë së informacionit dhe tërheqjen e investimeve.

Ndër të tjera, u miratuan disa rregullore të reja për vlerësimin e rezultateve në punë, si dhe për procedurat e konkurrimit dhe përfundimin e marrëdhënieve të punës në shërbimin civil./Telegrafi/

The post Një rruge rajonale për në Banjskë i vihet emri i heroit Afrim Bunjaku appeared first on Telegrafi.

Presidenti i Serbisë, Aleksandar Vuçiq, po vazhdon fushatën e tij të propagandës për të paraqitur Qeverinë e Kosovës si një fuqi agresive që synon luftë dhe po kryen spastrim etnik të serbëve në veri të Kosovës.

Në një fjalim që do të mbajë të martën në Asamblenë e Përgjithshme të Kombeve të Bashkuara, Vuçiq pritet të përdorë retorikën e paqes, por në të vërtetë fjalimi i tij pritet të jetë i mbushur me kërcënime.

Ai ka theksuar se, sipas Rezolutës 1244, Prishtina nuk ka të drejtë të krijojë një forcë të armatosur dhe ka akuzuar Kosovën për krijimin e një ushtrie të paligjshme, duke shkelur marrëveshjet ndërkombëtare.

Vuçiq njoftoi gjithashtu se do të takohet me zyrtarë të lartë amerikanë dhe mbi 60 liderë shtetesh për të prezantuar një plan me 7 pika kundër Kosovës.

Gjatë deklaratës së tij, ai theksoi se Kosova ka forca të trajnuara nga amerikanët, anglezët dhe turqit, këto nuk paraqesin kërcënim për ushtrinë serbe.

“Mos u shqetësoni, po i trajnojnë amerikanët, anglezët dhe turqit, kanë personel të mirë dhe të trajnuar, nuk është diçka që mund të kërcënojë ushtrinë serbe, por nuk ka dyshim se mund të kërcënojë mbijetesën e serbëve në Kosovë”, pretendon Vuçiq./Telegrafi/

The post Vuçiq për ushtrinë e Kosovës: E dimë që janë të trajnuar mirë nga amerikanët, anglezët dhe turqit appeared first on Telegrafi.

Kryeministri i Shqipërisë, Edi Rama, ka ngritur në Asamblenë e Kombeve të Bashkuara shqetësimin për sulmet kibernetike që kanë prekur vendin, duke theksuar se Shqipëria ka qenë viktimë e një sulmi të ashpër nga Irani.

Rama deklaroi se sulmi tregoi qartë sa e rrezikshme mund të jetë teknologjia e avancuar nëse përdoret për qëllime të këqija.

“Shqipëria ka qenë viktimë e një sulmi të egër kibernetik nga Irani. Ne e provuam në realitet se sa shumë kjo botë e re e bazuar në teknologji mund të sjellë dëme për vendet dhe për qytetarët,” u shpreh Rama.

Ai theksoi se është thelbësore që komuniteti ndërkombëtar të ndërtojë një sistem ku përfitimet e teknologjisë digjitale të maksimizohen, ndërsa ndikimet negative të përdorimit të saj dashakeq të frenohen.

Më tej, kreu i qeverisë shqiptare theksoi përparimet teknologjike të vendit, duke nënvizuar se Shqipëria po përdor Inteligjencën Artificiale për të përshpejtuar procesin e integrimit në Bashkimin Evropian.

Ai vuri në dukje se 95% e shërbimeve publike në Shqipëri ofrohen online, duke eliminuar nevojën për radhët e gjata në sportele.

“Ne po shfrytëzojmë përparësitë e Inteligjencës Artificiale për të çuar përpara negociatat për anëtarësim në Bashkimin Evropian,” tha Rama, duke shtuar se vendi po shqyrton ndërtimin e një modeli të ri për prokurimet publike, ku 95% e procesit do të bazohet në Inteligjencën Artificiale, duke garantuar transparencë të plotë./Telegrafi/

The post Rama në OKB: Shqipëria ishte viktimë e sulmeve kibernetike nga Irani appeared first on Telegrafi.

Me rastin e 1-vjetorit të agresionit serb në Banjskë të Zveçanit, në Serbi është shfaqur një pankartë me sloganin: “Të kujtojmë! Lavdi heronjve”.

Avokati serb, Çedomir Stojkoviq, ka akuzuar autoritetet serbe për nxitje të urrejtjes dhe festimin e veprimeve terroriste, duke e cilësuar këtë si një përpjekje për të glorifikuar sulmin terrorist.

Ai gjithashtu ka krahasuar këtë veprim me mënyrën se si disa udhëheqës palestinezë festojnë aktet e grupit Hamas, duke sugjeruar se mesazhi është i qartë: nxitja e urrejtjes dhe përgatitja për konflikte të mëtejshme.

“Në përvjetorin e sulmit terrorist në Kosovë/Banjskë të organizuar nga Aleksandar Vuçiq, në Serbi ai sulm festohet si akt heroik, organizuar nga partia në pushtet: ‘Të kujtojmë! Lavdi heronjve nga Banjska’. Qëllimi është i njëjtë me atë kur udhëheqja palestineze feston terrorizmin e Hamasit: të ruajë urrejtjen për konfliktet e ardhshme,” ka shkruar Stojkoviq në postimin e tij në rrjetin social X.

Milan Radoiçiq, i cili ka marrë përgjegjësinë për sulmin, ende nuk është kapur nga autoritetet, pavarësisht se kërkohet nga Interpol.

Ndërkaq, dy javë më parë Prokuroria Speciale e Republikës së Kosovës ka ngritur aktakuzë kundër Milan Radoiçiqit dhe 44 personave.

Të akuzuarit janë ngarkuar se përmes përdorimit të dhunës dhe armatimit të rëndë tentuan të shkëpusin pjesën veriore të Kosovës dhe ta bashkojnë me Republikën e Serbisë./Telegrafi/

Na dan godišnjice terorističkog napada na Kosovu/Banjska koju je organizovao Aleksandar Vučić, u Srbiji se taj napad slavi kao herojski čin, u organizaciji vladajuće partije: “Pamtimo! Slava herojima iz Banjske”.

Cilj je isti kao kada palestinsko rukovodstvo slavi terorizam… https://t.co/HWIVsDf7eg pic.twitter.com/ZjZn4JvFqG

— Advokat Čedomir STOJKOVIĆ (@FIGHT_4_RIGHT_S) September 23, 2024

The post ​Serbia glorifikon sulmin në Banjskë si akt heroik, Stojkoviq: Nxitje për konflikte të ardhshme appeared first on Telegrafi.

Gjatë periudhës janar-shtator të vitit 2023, janë regjistruar 38 sulme ndaj gazetarëve, duke e bërë këtë vit më të dhunshmin në historinë e mediave në Kosovë, me gjithsej 74 incidente të tilla deri më tani.

Ky trend shqetësues u bë i ditur gjatë prezantimit të raportit vjetor “Treguesit e nivelit të lirisë së mediave dhe sigurisë së gazetarëve dhe Indeksi i Sigurisë së Gazetarëve në Ballkanin Perëndimor”.

Drejtoresha ekzekutive e Asociacionit të Gazetarëve të Kosovës (AGK), Getoarbë Mulliqi, vuri në dukje një rritje të konsiderueshme të sulmeve ndaj gazetarëve krahasuar me vitin e kaluar.

“Krahasuar me vitin 2022, ku janë raportuar gjithsej 33 raste, numri i sulmeve ndaj gazetarëve është rritur për 41%. Kjo e bën vitin 2023 vitin me numrin më të lartë të shkeljeve të lirisë së medias dhe sulmeve ndaj gazetarëve,” theksoi Mulliqi.

Ajo shtoi se gazetarët që raportojnë nga komunat veriore të Kosovës janë veçanërisht të rrezikuar, duke u përballur me kërcënime për jetën, sulme verbale dhe fizike, si dhe dëmtime të pronave personale dhe profesionale.

Mulliqi gjithashtu vuri në dukje problemet e brendshme në media, duke përfshirë ngacmimet seksuale të shpeshta dhe ndërhyrjet politike.

“Një nga sfidat më të mëdha gjatë vitit 2023 kanë qenë ngacmimet e shpeshta seksuale,” tha ajo.

Eksperti ligjor, Ylli Zekaj, theksoi se mbrojtja e gazetarëve është vështirësuar nga mungesa e ndarjes së lëndëve sipas profesionit në sistemin gjyqësor.

Ai theksoi nevojën për përmirësimin e mbrojtjes juridike për gazetarët përmes ndarjes më të qartë të rasteve që përfshijnë sulme dhe kërcënime ndaj tyre.

Nga ana tjetër, hetuesja Leonita Morina foli për rritjen e rasteve të padive strategjike kundër gazetarëve, të njohura si SLAPP.

“Këto padi kanë për qëllim frikësimin e gazetarëve dhe në data bazën e AGK-së janë regjistruar mbi 35 raste të tilla,” tha Morina.

Përveç kërcënimeve dhe sulmeve fizike, gazetarët po përballen gjithashtu me kontrata të paqëndrueshme dhe paga të ulëta, duke krijuar një mjedis të vështirë për ushtrimin e profesionit të tyre.

The post AGK publikon raportin: Rritet numri i sulmeve ndaj gazetarëve në Kosovë gjatë vitit 2023 appeared first on Telegrafi.

Kryetarja e DHSK-së Trendafilova ka caktuar Panelin e Gjykatës Supreme për të vendosur mbi kërkesën e Haxhi Shalës për rishqyrtimin e vendimit të mëparshëm të Gjykatës Supreme më 9 shtator 2024.

Paneli i Gjykatës Supreme do të vendosë mbi kërkesën e Haxhi Shalës lidhur me mbajtjen e tij në objektet e paraburgimit.

Në njoftimin e publikuar në faqen e Dhomave të Specializuara, theksohet se “me vendimin e mëparshëm ishte hedhur poshtë kërkesa e të akuzuarit për mbrojtjen e ligjshmërisë lidhur me mbajtjen e tij në paraburgim. Paneli i njëjtë, i përbërë nga gjykatësit Ekaterina Trendafilova (kryesuese), Kristinë van den Vijngart dhe Daniel Fransen, do të vendosë lidhur me kërkesën më të fundit”.

Zyra e Prokurorit të Specializuar (ZPS) kishte dorëzuar më 12 janar aktakuzën e përbashkët për çështjen gjyqësore të Sabit Januzit dhe Ismet Bahtijarit dhe atë të Haxhi Shalës.

Ndërkaq, në aktakuzën e 12 dhjetorit 2023, kryeprokurorja e Specializuar, Kimberly West akuzon Shalën për frikësim të dëshmitarëve, tentativë me anë të kërcënimit të rëndë për të penguar personat zyrtarë në kryerjen e detyrave zyrtare individualisht dhe me pjesëmarrje në grup./Telegrafi/

The post Caktohet paneli i gjyqtarëve mbi kërkesën e Haxhi Shalës në Hagë appeared first on Telegrafi.

Agjencia e Ushqimit dhe Veterinarisë (AUV) ka bërë të ditur se ka asgjësuar 21 tonë peshk të kontaminuar me parazitë të llojit ‘Anisakis’.

Sipas njoftimit, ekipet inspektuese të mjekësisë veterinare të AUV-së, gjatë kontrolleve fizike dhe organoleptike, kanë zbuluar shenja të pranisë së parazitëve në peshk të ngrirë.

Në bazë të Ligjit për Veterinarinë dhe Ligjit për Ushqimin, peshku u largua menjëherë nga tregu dhe u bllokua për analiza të mëtejshme laboratorike.

Pas konfirmimit të prezencës së parazitëve, AUV vendosi që peshku i kontaminuar duhet të kthehet në vendin e origjinës ose të asgjësohet.

“Për shkak të pamundësisë së kthimit, u asgjësuan 21,380 kg peshk i llojit merluc, i cili nuk përmbushte standardet e nevojshme për konsum publik”, thuhet në njoftim.

Procesi i asgjësimit u krye nën mbikëqyrjen e inspektorëve të AUV-së, ndërsa agjencia ka deklaruar se do të vazhdojë të mbrojë sigurinë e konsumatorëve duke mos lejuar produkte të papërshtatshme për tregun./Telegrafi/

The post Në Kosovë asgjësohen 21 tonë peshk të kontaminuar me parazitë appeared first on Telegrafi.

Deputetja Duda Balje, kryetare e Komisionit për të Drejtat e Njeriut dhe Barazi Gjinore, ka thënë se termi ‘Prindi 1’ dhe ‘Prindi 2’, e përdorur në një dokument të unifikuar dhe i shpërndarë për prindërit nga shkolla “Elena Gjika” në Prishtinë është shkelje e ligjit të familjes.

Ajo ka thënë se familja në Kosovë është e rregulluar me ligj dhe se askush s’ka të drejtë të bëjë definimin e saj.

“Shkelje e ligjit sepse na kemi ligj për familjen, kod për familjen dhe nuk e besoj se askush prej nivelit lokal aq më pak menaxhmenti i shkollës ka pas të drejtë këtë me bë”, ka thënë Balje në Tëvë 1.

Balje ka thënë se nga biseda që ka zhvilluar me drejtoreshën e kësaj shkolle ka kuptuar se një dokument i tillë është shpërndarë nga Drejtoria e Arsimit në Prishtinë edhe në shkollat tjera.
“Ata kanë thënë se është unifikim i dokumentit dhe është shpërndarë nga DKA e Prishtinës në të gjitha shkollat. Askush në Kosovë nuk ka të drejtë me definu familjen, sepse ajo është e definuar me ligj”, tha ajo.

Balje ka përmendur edhe një shembull se nëse një çift shkon dhe e regjistron fëmijën në shkollë, kush duhet të jetë prindi 1 dhe kush 2 dhe pse.

“Nuk po dua me u identiku me numër, unë jam nëna”, tha ajo.

Për këtë dokument i cili ngjalli reagime ka reaguar edhe shkolla “Elena Gjika”.

“Kjo draft-marrëveshje është hartuar nga grupe punuese të shkollave gjatë vitit 2023 dhe është në harmoni me praktikat evropiane për nënshkrim nga dy prindërit. Është vërejtur se disa prindër e kanë ndërlidhur me procese të tjera, për çka shkolla nuk ka pasur këtë qëllim. Për shkollën është e rëndësishme që dy prindërit të jenë pjesë e shkollimit dhe garantues i bashkëpunimit e ndarjes së përgjegjësisë në të mirë të fëmijëve. Ne ndajmë keqardhje për çdo shqetësim të mundshëm që kjo situatë mund të ketë shkaktuar”, u tha në një postim nga drejtoria e kësaj shkolle.

Edhe nga Drejtoria e Arsimit në komunën e Prishtinës e kanë quajtur një emërtim të tillë si keqkuptim.

“Ka pasur keqkuptime, ku disa prindër e kanë ndërlidhur këtë marrëveshje me procese të tjera, të cilat nuk janë objekt i këtij dokumenti. Për DKA, është thelbësore që të dy prindërit të jenë të angazhuar dhe të kontribuojnë në mënyrë të barabartë në procesin arsimor”, thuhet nga DKA.

The post Duda Balje: Termi ‘Prindi 1’ dhe ‘Prindi 2’, shkelje e Ligjit të Familjes appeared first on Telegrafi.

Lajmi tronditës i ndarjes nga jeta të ish-deputetit të Partisë Demokratike, Gerti Bogdani, në moshën vetëm 44-vjeçare, ka tronditur familjarët, miqtë dhe kolegët e tij.

Bogdani ndërroi jetë të mërkurën paradite si pasojë e një arresti kardiak.

Bashkëshortja e tij, Edlira Çepani, reagoi me fjalë prekëse në rrjetet sociale, duke i dedikuar atij një mesazh të ndjerë:

“Ti e dije që jeta ime s’ka kuptim pa ty! Ti ishe jo vetëm gjysma ime më e mirë, por jeta ime e tërë. Ti ishe shoku, dashuria, familja dhe skuadra ime! Nuk di si të jetoj pa ty… Zoti merr pranë vetes më të mirët, por ty nuk duhej të të kishte marrë. Unë, Ajra dhe Reinarti kemi nevojë për ty”, shkruan ajo.

Homazhet dhe ceremonia e lamtumirës do të mbahen të enjten, më 19 Shtator 2024, në Sallën e Seancave Plenare të Parlamentit të Shqipërisë, nga ora 10:00 deri në 12:00.

Më pas, varrimi do të bëhet në varrezat e Sharrës.

Bogdani u gjet pa ndjenja në tualetin e një hoteli në Tiranë, pasi kishte ndjerë vështirësi në frymëmarrje ndërsa ishte duke pirë kafe me miq. Edhe pse u dërgua me urgjencë në spital, mjekët nuk arritën ta shpëtonin./Telegrafi/

The post “Ti e di që unë s’jetoj dot pa ty”, rrëqeth me fjalët gruaja e të ndjerit Gerti Bogdani appeared first on Telegrafi.

Analisti politik Lutfi Dervishi ka reaguar pas lajmit tronditës të ndarjes së papritur nga jeta të Gerti Bogdanit, i cili ndërroi jetë pas një arresti kardiak.

Dervishi theksoi pa përsosmërinë dhe përkohshmërinë e jetës, duke nënvizuar se vdekja e Bogdanit është një kujtesë e qartë për të gjithë, duke e cilësuar: “Sot je, sot s’je.”

Një ditë më parë, Bogdani ishte parë në një studio televizive, ndërsa në mëngjesin e ndarjes së tij, ai ishte në një kafe me shokët e tij.

Vetëm një ditë më vonë, miqtë dhe të afërmit e tij do t’i japin lamtumirën e fundit.

Ai ishte vetëm 44 vjeç.

“Figura politike dhe njerëz nga të gjitha sferat e jetës, miq e kundërshtarë, shprehën keqardhjen për këtë humbje të papritur. Bogdani, një personalitet publik i angazhuar që nga mosha e re, kishte arritur suksese të rëndësishme në politikë, përfshirë postin si deputet dhe drejtues i Forumit Rinor të PD”.

Dervishi, duke reflektuar mbi vdekjen e tij, tha se ndarja e parakohshme e Bogdanit na kujton sa të pasigurt jemi për kohën që kemi në këtë botë.

Ai citoi fjalët e urta hebraike: “Nëse do ta bësh Zotin të qeshë, tregoji se çfarë planesh ke për të ardhmen.”

Më tej, Dervishi iu referua shkrimeve të shenjta, duke nënvizuar se kuptimi i vërtetë i jetës qëndron përtej suksesit dhe objektivave materiale.

Ai citoi edhe nga Kurani: “Pasha kohën! Me të vërtetë njeriu është në humbje, përveç atyre që besojnë dhe bëjnë vepra të mira” (Kurani, 103:1-3), si dhe nga Bibla: “Gjithçka ka kohën e vet… ka kohë për të lindur dhe kohë për të vdekur” (Predikuesi 3:1-2).

Në përfundim, Dervishi nënvizoi se Bogdani do të mbahet mend për mirësinë dhe fjalët e mira që la pas. “Një frymë larg e ka njeriu vdekjen, por harron,” përfundoi ai./Telegrafi/

The post Dervishi: Vdekja e papritur e Gerti Bogdanit na kujton papërsosmërinë dhe përkohshmërinë e jetës appeared first on Telegrafi.