17 persona janë vrarë nga të shtëna masive në Afrikë të Jugut. Sipas BBC, policia po punon për gjetjen e autorëve.

Dy shtëpi në qytetin e Lusikisiki në Kepin Lindor u shënjestruan, tha policia, për pasojë 12 gra dhe një burrë të vrarë në një nga banesat. Viktimat e tjera tre gra dhe një burrë mbetën të vrarë në banesën tjetër.

Një viktimë e 18-të është në gjendje kritike në spital, tha Shërbimi Policor i Afrikës së Jugut.

LEXONI GJITHASHTU:

• OBSH: Evropa mund të kontrollojë linë e majmunëve, Afrika ka nevojë për ndihmë 
• Rasti i parë i lisë së majmunit jashtë Afrikës, vendi evropian ku është raportuar

The post 17 të vrarë nga të shtënat masive në Afrikën e Jugut appeared first on Euronews Albania.

Vetëm tre muaj pas vdekjes së kolosit të letrave shqipe Ismail Kadare është botuar dhe libri i parë për të, i titulluar “Kadare, identiteti i keqkuptuar”.

Kjo vepër e Ylir Yzeirit vjen si një përpjekje për të hedhur dritë për jetën e shkrimtarit të madh por dhe për veprat e tij.

Autori parashtron dhe shpjegon identitetin e keqkuptuar të Kadaresë ku në një pjesë të librit është dhe bashkëbisedimi i vetë Yzeirit me shkrimtarin.

“Kur doja të shkruaja librin, e takova Kadarenë, duhet të ketë qenë para dy vjetësh, e takova në kafanetë ku ai ulej. Mendova se ai do të ishte këtu me ne por që ja jeta ka sfidat e saj”

Autori tha se libri që po i paraqet lexuesit, vjen pas një periudhe relativisht të gjatë.

“Unë jam rritur me Kadarenë, brezi im që jetoi dy epoka. Letërisa e Kadaresë nuk ishte thjesht letërsi, te Kadareja gjenim atë që na mungonte. Pasioni dhe dëshira për t’u marrë dhe për ta rivlerësuar Kadarenë nuk gjente gjithmonë terren.  Ishte shumë e vështirë të flisje për Kadarenë. Unë jam nisur nga një princip, që shkrimtari më I madh I të gjithë kohërave lindi në diktaturë, pse, si ka mundësi. Si do ta shpjegojmë këtë paradoks. Ajo që vlen për Kadarenë, është këtu se jemi përballe një talenti të jashtzakonshëm.  Kam vënë re se frëngjishtja e ka shpëtuar Kadarenë, ndaj kam provokuar dhe në libër”,-tha shkrimtari Ilir Yzeiri.

Studiuesi Ermir Nika vuri në dukje në dukje disa nga meritat e librit duke e vënë theksin sidomos te vlera e tij për studimet kadareane.

“Iliri ka një fat të madh, sepse ka qenë mik i afërt i Kadaresë, e ka studiuar si njeri por dhe si krijues. Vepra e tij është e përkryer. Unë do e lexoj dhe njëherë librin, sepse në njëfarë mënyre do të rikthehemi në atë epokë e cila e fragmentizuar përbën të plotën”,-tha ai.

Autori në këtë vepër është kujdesur që të ndaj mikun me studiuesin, edhe pse në libri zbret në rrafshin konfidencial.

LEXONI GJITHASHTU:

• “Edhe shkrimet flasin, çelet ekspozita e përbashkët në muzeun historik Fier
• Sulmi masiv i Izraelit në Bejrut, reagon lideri suprem i Iranit Ayatollah Khamenei

The post “Kadare, identiteti i keqkuptuar”, Ilir Yzeiri boton librin e parë për shkrimtarin appeared first on Euronews Albania.

Edhe Shkrimet “Flasin”, ishte ekspozita që u hap të premten në Muzeun Historik Fier, një bashkëpunim i këtij institucioni kulturor dhe Parkut Arkeologjik Kombëtar të Apolonisë.

Historianët shprehen se qëllimi i kësaj ekspozite që vjen në kuadër të  ditës së trashëgimisë kulturore është afrimi i publikut me pasuritë historike të vendit.

“Mendoj se është një qasje e re për të sjellë publikun në muze”,-tha Ilirjan Gjika, historian.

Të ruajtura dhe të arkivuara me kujdes që prej viteve ‘70 të shekullit të kaluar, në ekspozitë u shfaqën disa nga shënimet autentike të lëna prej disa nga emrat më të spikatur të kulturës shqiptare dhe më gjerë.

Midis tyre bien në sy emrat e Dritëro Agollit, Fatos Arapit, Moikom Zeqos, Visar Zhitit.

Një tjetër risi ne këtë aktivitet ishte edhe miniekspozita kushtuar 100 vjetorit të gërmimeve arkeologjike në Apoloni.

LEXONI GJITHASHTU:

• “Muaji i Monumenteve të Kulturës”- Çelet ekspozitë në Muzeun Etnografik të Elbasanit
• “Fije” në tablo pikture, ekspozita me 19 punime të Andi Hilës hapet në galerinë FAB

The post “Edhe shkrimet flasin, çelet ekspozita e përbashkët në muzeun historik Fier appeared first on Euronews Albania.

Kryetari i Partisë Demokratike Sali Berisha tha në një konferencë shtypi të mbajtur këtë të shtunë se edhe pse do vuajë dënimin në burg, Ervin Salianji do vazhdojë të jetë drejtues politik për qarkun e Elbasanit.

Ai tha se guximi i Salianjit për të mbrojtur të vërtetat dhe interesin publik do vlerësohet me mirënjohje nga qytetarët

“I deleguari i nderit në qarkun e Elbasanit, do të jetë Ervin Salianji. Unë kam bindjen se ky akt dhe guximi i Ervin Salianjit, për të mbrojtur të vërtetat dhe interesin publik të qytetarëve shqiptarë ka mirënjohjen më të thellë të qytetarëve të Elbasanit”,-tha Sali Berisha.

The post Berisha: Salianji do jetë drejtues politik për Elbasanin, qytetarët janë mirënjohës appeared first on Euronews Albania.

Një person me emrin Rabi Rexhepi është arrestuar këtë të shtunë në saj të operacionit “Lugina” në fshatin Shesh.

Gjatë kontrolleve në banesën e tij policia gjeti dhe sekuestroi bimë të dyshuara narkotike kanabis, sasi lënde plasëse e dyshuar tritol me fitil përcjellës dhe kapsollë, 6 ndezës unifikues granatash, 1 kapsollë detonatore, 1 armë gjahu, 2 qyta arme, 3 krëhëra automatiku, municion luftarak dhe 1 bajonetë metalike.

Gjithashtu policia ka proceduar në gjendje të lirë Agim Lamin i cili akuzohet për shpërdorim detyre.

Njoftimi i policisë:

Pas një pune të mirefilltë hetimore dhe profesionale, bazuar në inteligjencën informative është bërë identifikimi dhe arrestimi i shtetasit R. R., 28 vjeç, banues në Pezë Helmës, i dyshuar për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi, mbajtja, blerja apo shitja pa leje e armëve të ftohta”, “Prodhimi dhe mbajtja pa leje e armëve të gjuetisë dhe sportive”, dhe “Kultivimi i bimëve narkotike”, parashikuar nga nenet 278/4, 279, 280 dhe 284 të Kodit Penal.

Gjithashtu u procedua në gjendje të lirë shtetasi A. L., ndërlidhës me komunitetin në fshatin Shesh, për veprën penale “Shpërdorimi i detyrës”, parashikuar nga neni 248 i Kodit Penal.

Në vijim të veprimeve hetimore, gjatë kontrollit të banesës së shtetasit R. R., shërbimet e Policisë, gjetën dhe sekuestruan, në cilësinë e provës materiale sasi lënde plasëse e dyshuar tritol me fitil përcjellës dhe kapsollë, 6 ndezës unifikues granatash, 1 kapsollë detonatore, 1 armë gjahu pa lejen e organeve kompetente, 2 qyta arme, 3 krëhëra automatiku, municion luftarak dhe 1 bajonetë metalike.

LEXONI GJTHASHTU:

• Sulmi masiv i Izraelit në Bejrut, reagon lideri suprem i Iranit Ayatollah Khamenei
• Sulmet izraelite në Liban shkaktojnë 11 të vdekur nga stafi mjekësor

The post I gjetën drogë armë dhe municione në banesë, policia arreston 28-vjeçarin (Emri) appeared first on Euronews Albania.

Obeziteti është kthyer në një epidemi në vendet mesdhetare përfshirë edhe Shqipërinë. Të dhënat tregojnë se 1 në 5 adoleshentë në vendin tonë janë obez.  Një studim i kryer nga Ekspertët e ISHP ka marrë në analizë faktorët e riskut dhe kanë zbuluar se obeziteti ndikohet nga shtatzënia, kohëzgjatja e saj dhe pesha e lindjes.

Sipas të dhënave, prevalenca e obezitetit është 11.2% tek fëmijët e lindur përpara javës së  37 të shtatzënisë, për të shkuar 13.8% tek lindjet në kohë dhe 25.3% tek foshnjat që lindin pas javës së 42 të shtatëzanisë.

“Në studimin që ne kemi bërë tek fëmijët obez është parë se fëmijët që kanë lindur mbi 4 kg dhe që kanë lindur pasi ka kaluar kohëzgjatja e shtatëzanisë normale, të gjithë këta fëmijë kanë një prevalencë më të madhe të obezitetit sesa fëmijët e lindur me peshë normale”, Jolanda Hyska specialiste ISHP

Një tjetër gjetje e studimit është se Obesiteti prek 20% të fëmijëve që nuk janë ushqyer kurrë me gji dhe vetëm 14% të atyre që  janë ushqyer me gji më shumë se 6 muaj.

 “Nënat që nuk i kanë ushqyer fëmijët fare me gji, sot fëmijët e tyre kanë shumë më tepër obezitet se sa fëmijët që janë ushqyer me gji të paktën 6 muaj, themi me bindje që ushqyerja me ekskluzive me gji dhe vazhdimi i ushqyerjes  me gji si në të  gjitha evidencat ndërkombëtare dhe në studimin tonë është një nga faktorët mbrojtës për të luftuar dhe për të mos lejuar vendosjen e obezitetit”, Jolanda Hyska specialiste ISHP.

Ekspertët kanë dalë në përfundimin se mbipesha dhe obeziteti fëminor janë sfidat kryesore të shëndetit publik, dhe që kanë një ndikim të menjëhershëm në shëndetin, fizik dhe mendor, arritjet mësimore dhe cilësinë e jetës së fëmijës. Këto janë arsyet që ata sugjerojnë parandalimin e rrisqeve që cojnë fëmijët drejt obeziteti.

LEXONI GJITHASHTU:

• A do të zëvendësojë Salianjin si drejtues politik në Elbasan? Flet Jorida Tabaku
• Turizmi, tranzicioni dhe roli i grave në shoqëri, Linda Rama flet për Soon Magazine

The post Studimi i ISHP: 1 në 5 adoleshentë në Shqipëri janë obezë appeared first on Euronews Albania.

Shumica e partive politike në Austri kanë mbajtur tubimet e fundit elektorale në prag të zgjedhjeve parlamentare të së dielës.

Sondazhet tregojnë se Partia e Lirisë, nga ekstremi i djathtë, e udhëhequr nga Herbert Kikl, pritet të marrë mbi 28 për qind të votave në atë që mund të jetë fitorja e saj e parë.

Ata kanë bërë fushatë me platformën “Austria e para”, por nëse partia nuk siguron shumicën e duhur, gjetja e partnerëve të koalicionit mund të rezultojë e vështirë.

E dyta në sondazhe renditet Partia Popullore Austriake, e tipit konservator, e udhëhequr nga kancelari në detyrë Karl Nehamer.

Gjatë fushatës, ai e përjashtoi mundësinë e një koalicioni me Partinë e Lirisë dhe u kërkoi qytetarëve votën për të penguar që ekstremistët të vijnë në pushtet.

Partia Social-Demokrate, e drejtuar nga Andreas Babler, renditet e treta dhe pritet të marrë 20 për qind të votave. Lista e 5 partive që synojnë të jenë më të votuarat mbyllet me liberalët e partisë NEOS dhe të Gjelbrit.

LEXONI GJITHASHTU:

• Çfarë deklaroi Berisha pas zgjedhjeve të 2021 që përgjysmoi pjesëmarrësit në Foltore
• Fitoi zgjedhjet me shumicë dërmuese, presidenti i majtë merr detyrën në Sri Lanka

The post Austria në zgjedhje, ekstremistët e djathtë pritet të sigurojnë fitore historike appeared first on Euronews Albania.

Vendimi i qeverisë për rritjen e pensioneve që pritet të hyjë në fuqi muajin e ardhshëm cilësohet si një rritje e papërfillshme nga vetë pensionistët.

Në një kohë kur çmimet kanë pësuar rritje në të gjitha artikujt, shtresa më në vështirësi mbeten pensionistët, të cilët kanë dhe nivelin më të ulët të të ardhurave.

Euronews Albania bisedoi me ta në Shkodër, ndërsa ata e cilësojnë rritjen e fundit qesharake.

“Sa ka qenë vlera që të është rrit pensioni? E zeza jonë, po çfarë është rritur pensioni u fol me 8.6% e shkoj 4 . Po çfarë pensionesh janë këta. Ça me është rrite mua, 4-5 mijë lekë. Çdo ushqim është rritur ekonomia është përtokë. Çfarë rritje është kjo?!”-tha i moshuari.

“Ca rritje pensioni 1 mijë lek a? E din vete ai se sa më duhet, sa u duhet deputetëve e mësuesve ashtu më duhet edhe mua edhe unë ha si deputeti e si mësuesi”,-tha një pensioniste.

“E shkëlqyeshme , ku ka ma mirë se kjo . Kjo është tallje prej shtetit”,-tha pensionisti tjetër.

Rritja e pensioneve në raport me çmimet e produkteve të shportës është e papërfillshme theksojnë ata.

“Imagjinojë një tufë majdanoz 50 lekë, a turpi ma i madh dy fije majdanoz. Bishtaja 4 mijë lekë, ku është në gjendje pensionisti me ti përballojë?

Pensionistët shpresojnë që minimalisht pensioni i tyre të arrijë në 30 mijë lek në muaj, ndërsa shpresat me shumë i kanë tek fëmijët për përballimin e ilaçeve dhe jetesën e përditshme.

LEXONI GJITHASHTU:

• Gjendet i pajetë brenda banesës 60-vjeçari në Gjirokastër, dyshimet e para
• “Burgosja e Salianjit, moment i vështirë për PD”, Tabaku: Si do vazhdojë protesta

The post Çmimet zhvlerësojnë rritjen e pensioneve, të moshuarit në Shkodër: Po tallen me ne appeared first on Euronews Albania.

Shtatë persona janë arrestuar në Tiranë për vepra penale të ndryshme, njëri prej të cilëve është arrestuar për dhunë në familje.

28 vjeçari me inicialet R.S. dyshohet se ka ushtruar dhunë ndaj babait të tij.

Njoftimi i policisë:

Specialistët e Seksionit për Hetimin e Krimit Ekonomik dhe Financiar ndaluan shtetasen J. S., 37 vjeçe, banuese në Tiranë, për veprën penale “Vjedhja e kryer duke shpërdoruar detyrën”, parashikuar nga neni 135 i Kodit Penal. Kjo shtetase dyshohet se ka vjedhur shuma parash, në një market ku ishte e punësuar si arkëtare.

Specialistët për Hetimin e Krimeve në Komisariatin e Policisë Nr. 3 arrestuan shtetasit:

– Xh. F., 33 vjeç, banues në Tiranë, pasi gjatë kontrollit fizik shërbimet e Policisë i gjetën dhe sekuesruan, në cilësinë e provës materiale, sasi lënde të dyshuar narkotike kanabis;

– R. S., 28 vjeç, banues në Tiranë, pasi dyshohet se ka ushtruar dhunë ndaj babait të tij.

Specialistët e Komisariatit të Policisë Rrugore Tiranë arrestuan shtetasit:

– F. P., 39 vjeç, banues në Tiranë, pasi ditën e djeshme, rreth orës 11:00, në rrugën “Muhamet Gjollesha”, duke drejtuar mjetin tip “Ford”, ka aksidentuar këmbësoren, shtetasen B. Z., 69 vjeçe. Si pasojë 69-vjeçarja është dëmtuar dhe ndodhet në spital, në kujdesin e mjekëve;

– R. L., 20 vjeç, banues në Tiranë, pasi u kap duke drejtuar motomjetin pa leje drejtimi;

– G. H., 38 vjeç, banues në Tiranë, pasi ditën e djeshme, rreth orës 13:00, në rrugën “Pjetër Budi”, duke drejtuar në gjendje të dehur mjetin tip “Ford”, ka aksidentuar këmbësorin, shtetasin R. G., 67 vjeç, i cili pas kontrollit mjekësor në spital, kaloi për në banesë;

– B. H., 44 vjeç, banues në Tiranë, pasi ditën e djeshme, rreth orës 13:20, në Yrshek, duke drejtuar në gjendje të dehur mjetin tip “Benz”, është përplasur me motomjetin me drejtues shtetasin A. H., 59 vjeç. Si pasojë është dëmtuar drejtuesi i motomjetit dhe ndodhet në spital, në kujdesin e mjekëve.

The post Ushtroi dhunë ndaj babait, arrestohet 28 vjeçari në Tiranë appeared first on Euronews Albania.

11 mjekë, infermierë dhe ndihmës mjekë u vranë ndërsa 10 të tjerë u plagosën në sulmet e ushtrisë izraelite në qendrat e mbrojtjes civile dhe një klinikë mjekësore.

Këto sulme u kryen në qytetet Taybeh dhe Deir Siriane, afër kufirit izraelit.

Sipas Al Jazeera sulmet e Izraelit në Liban kanë vrarë më shumë se 700 njerëz që nga e hëna.

Ndërkohë sulmet izraelite vijojnë edhe në Gaza ku numri i viktimave tashmë ka arritur mbi 41,586, ndërsa 96,210 janë plagosur.

The post Sulmet izraelite në Liban shkaktojnë 11 të vdekur nga stafi mjekësor appeared first on Euronews Albania.

Deputetja e Partisë Demokratike, Jorida Tabaku ishte këtë të shtunë e ftuar në Euronews Albania ku tha se dënimi me një vit burg për deputetin Ervin Salianji është një dënim që vjen vetëm e vetëm sepse ai denoncoi.

Sipas Tabakut ai është një figurë shumë e rëndësishme dhe e zëshme në Partinë Demokratike, që do mungojë në zgjedhjet e 2025.

E pyetur se si do vazhdojë protesta në Partinë Demokratike, Tabaku tha:

“Kjo protestë kishte kohë që diskutohej, por çdo ditë shtohen gjëra të tjera. Sepse protesta qytetare lidhet edhe me situatën ekonomike dhe sociale, por ndërkohë ndodhi burgosja e Ervin Salianjit, moszbatimi i vendimit të Gjykatës Kushtetuese, për deputeten Xhaçka, pra ndodhën faktorë të tjerë që në një moment ku ndodhet Shqipëria shpresoj të shkaktojë atë mbështetje popullore që është e nevojshme. Ka pasur shumë kohë që strukturat e PD kërkonin organizimin e një protestë dhe mendoj se është momenti për ta bërë.

Ajo tha se është një grup organizativ që po punon për protestën, ndërsa shtoi se është e rëndësishme që të punohet me qytetarët, për të ngritur frymën në terren.

E pyetur nëse do ketë ngujim të PD-së, Tabaku shpjegoi:

“Ditën e djeshme trupa politike e PD i propozoi zotit Salianji që si një rezultat i atij vendimi që u mor për të grupi parlamentar të kishte një ngujim, por zoti Salianji nuk e pranoi këtë, ai zgjodhi të mos kishte mbrojtje politike”, -tha Tabaku duke shtuar se çështja e ngujimit është ezauruar.

LEXONI GJITHASHTU:

• Avokati: Salianji e ka pranuar të bëjë 1 vit burg, nuk ka ankimuar
• Ervin Salianji niset drejt burgut të Fierit, gazetarja sjell detajet

The post “Burgosja e Salianjit, moment i vështirë për PD”, Tabaku: Si do vazhdojë protesta appeared first on Euronews Albania.

Ushtria izraelite ka thënë se lideri i Hezbollahut, Hassan Nasrallah është vrarë.

“Hassan Nasrallah nuk do e shqetësojë më botën”, shkruan ushtria izraelite në platformën X.

Forcat e ajrore izraelite goditën mbrëmjen e djeshme selinë qendrore të Hezbollahut, për të cilën IDF tha se ndodhej nën tokë nën një ndërtesë banimi në një periferi jugore të Bejrutit, shkruan Sky News.

IDF ka thënë gjithashtu se i vrarë nga sulmet ka mbetut edhe Ali Karaki, komandanti e frontit jugor të Hezbollahut.

Nasrallahu e ka udhëhequr Hezbollahun për më shumë se tri dekada. Hezbollahu nuk e ka komentuar ende lajmin për vdekjen e tij.

Izraeli i vazhdoi sulmet ajrore kundër Hezbollahut edhe të shtunën, teksa grupi militant shkrepi dhjetëra raketa drejt Izraelit.

Hezbollahu është grup militant dhe parti politike njëkohësisht, i cili e kontrollon pjesën më të madhe të Libanit jugor.

Hezbollahu është shpallur organizatë terroriste nga Shtetet e Bashkuara, ndërsa Bashkimi Evropian e ka vendosur në listën e zezë krahun e tij të armatosur, por jo edhe partinë e tij politike. Partia politike e Hezbollahut ka ulëse në Parlamentin libanez.

Mediat izraelite raportuan të shtunën në mëngjes se vajza e Nasrallahut, Zainab Nasrallah, është vrarë. Hezbollahu nuk e ka konfirmuar as këtë lajm. Ndërkohë që djali i Nasrallahut, Hadi, u vra gjatë luftimeve kundër trupave izraelite më 1997.

LEXONI GJITHASHTU:

• Shpërthime të shumta në Bejrut, Izraeli vijon sulmet ndaj objektivave të Hezbollahut
• Libani raporton 1,247 vdekje nga sulmet ajrore izraelite që nga tetori i kaluar

The post IDF: Lideri i Hezbollahut Hassan Nasrallah është vrarë appeared first on Euronews Albania.

Një ngjarje e rëndë ka ndodhur rreth orës 5:00 të mëngjesit në zonën e Yzberishtit në Tiranë, një punonjës i policisë së burgjeve është dhunuar.

Dhunuesit e kanë goditur 36-vjeçarin Arbër Labi me sende të forta, më pas i kanë marrë armën e shërbimit dhe janë larguar. Sipas infromacionit të ardhur nga policia dhunuesit kanë qenë tre persona.

Aktualisht punonjësi i policisë ndodhet në spitalin e Traumës jashtë rrezikut për jetën.

Policia ende nuk ka persona të identifikuar. Grupi hetimor po punon për të zbardhur dinamikën e kësaj ngjarje dhe shkakun e dhunës. Janë sekuestruar kamerat e sigurisë në zonë.

Njoftimi i policisë:

Më datë 28.09.2024, rreth orës 05:00, në rrugën “Tre Dëshmorët”, Yzberisht, shtetasi A. L., 36 vjeç, banues në Yzberisht, (punonjës pranë burgut 313) sapo ka dalë nga banesa është goditur dyshohet me sende të forta nga tre persona ende të paidentifikuar, të cilët i kanë marrë armën e shërbimit dhe më pas janë larguar.

Aktualisht 36-vjeçari ndodhet në spital në kujdesin e mjekëve, jashtë rrezikut për jetën.

Grupi hetimor po punon për kapjen e autorëve të dyshuar dhe sqarimin e rrethanave të ngjarjes.

LEXONI GJITHASHTU:

• Merret peng dhe dhunohet nga 3 persona i riu në Tiranë
• “Më thyen gotën në fytyrë”- Dhunohet rëndë 24-vjeçarja në Tiranë nga 2 vajza (Emrat)

The post Dhunohet punonjësi i policisë së burgjeve në Tiranë (Emri) appeared first on Euronews Albania.

Ministria e shëndetësisë e Libanit ka urdhëruar spitalet në Bejrut dhe zonën përreth tij që të përgatiten për të evakuuar spitalet e periferisë dhe për të pritur pacientët e tyre.

Në një deklaratë të lëshuar nga ministria këtë mëngjes, thuhet se kryeqyteti, Mali i Libanit dhe zonat “të paprekura nga agresioni izraelit” duhet të ndalojnë marrjen e “rasteve të ftohta jo emergjente” deri në fund të javës së ardhshme.

Ajo vjen pasi izraelitët vazhduan të godasin rajonin të shtunën në mëngjes.

Ministria po ashtu u bën thirrje spitaleve që të përgatiten për pacientët që janë zhvendosur gjatë natës.

LEXONI GJITHASHTU:

• SHBA ofron 20 mln $ për informacione mbi iranianin që donte të vrizte zyrtarin
• “Lëreni Libanin tani”, Starmer thirrje britanikëve të largohen pas sulmeve izraelite

The post Izraeli sulmon Bejrutin, spitalet përgatiten të evakuohen appeared first on Euronews Albania.

Uragani Helene ka shkaktuar dëme të mëdha në mbarë Floridën dhe juglindjen e Shteteve të Bashkuara, duke lënë të vdekur të paktën 43 persona në katër shtete amerikane, teksa ekipet e shpëtimit po vazhdojnë operacionet për shpëtimin e njerëzve nga vërshimet.

Guvernatori i Xhorxhias, Brian Kemp, tha se dhjetëra persona janë të bllokuar në ndërtesat e shkatërruara nga uragani i kategorisë 4.

Stuhia arriti erëra maksimale prej 225 kilometrash në orë, kur goditi rajonin e Floridës të enjten në mbrëmje. Por, stuhia shkaktoi dëme edhe më në veri, teksa edhe Karolina e Veriut po përballet me vërshime. Disa spitale në jug të Xhorxhias mbetën pa energji elektrike, ndërkaq një spital në Tenesi u mbyll.

Shkatërrimet nga uragani Helene vijnë pasi ndryshimet klimatike po mundësojnë që stuhi të tilla të kenë fuqi më të madhe, dhe kur ato kalojnë përmes ujërave të nxehta po shndërrohen në uragane të fuqishme e tajfun, shpesh brenda disa orësh.

Në Floridë janë regjistruar pesë viktima. Viktima janë raportuar edhe në Xhorxhia dhe në dy Kalorinat.

Guvernatori i Floridës, Ron DeSantis tha se dëmi i shkaktuar nga uragani Helene, duket se është më i madh sesa dëmi i shkaktuar nga uragani Idalia dhe Debby marrë së bashku. Këto dy uragane kishin goditur SHBA-në në gusht.

Agjencia Federale për Menaxhimin e Emergjencave ka dislokuar edhe 1.500 punëtorë shtesë në mëngjes dhe më vonë gjatë ditës ka dërguar në zonat e prekura edhe 400 shpëtimtarë.

Për shkak të stuhisë, mbi 4 milionë shtëpi dhe biznese mbetën pa rrymë mëngjesin e së premtes në Floridë, Xhorxhia dhe Karolinë të Jugut.

Edhe Atlanta është prekur nga vërshimet, si pasojë e uraganit.

LEXONI GJITHASHTU:

• Duke kënduar “Mora Fjalë”|Uragani kuqezi “pushton” Dortmundin, nisen drejt stadiumit
• Duke kënduar “Mora Fjalë”|Uragani kuqezi “pushton” Dortmundin, nisen drejt stadiumit

The post Të paktën 43 të vdekur nga uragani Helene në SHBA appeared first on Euronews Albania.

Duke folur për gazetarët në Asamblenë e Përgjithshme të OKB-së, Josep Borrell tha se kryeministri Netanyahu e kishte bërë të qartë se Izraeli nuk do të “ndalet derisa Hezbollahu të shkatërrohet”.

“Nëse interpretimi i të qenit i shkatërruar është i njëjtë si me Hamasin, atëherë ne do të shkojmë për një luftë të gjatë”, u ankua Borrell.

“Ajo që ne bëjmë është të ushtrojmë të gjithë presionin diplomatik për një armëpushim, por askush nuk duket se është në gjendje ta ndalojë Netanyahun, as në Gaza dhe as në Bregun Perëndimor”, tha ai.

Borrell tha se ai mbështeti një propozim armëpushimi të udhëhequr nga SHBA dhe Franca për një armëpushim 21-ditor në Liban, të cilin Izraeli e ka injoruar deri më tani ndërsa kryen një fushatë bombardimesh vdekjeprurëse që ka vrarë më shumë se 700 njerëz që nga e hëna.

LEXONI GJITHASHTU:

• “Medalje në karrierën time politike”- Salianji bën reagimin e parë nga burgu
• Grenell: Unë i them Vuçiçit se e ardhmja është me SHBA-në, jo me Rusinë dhe Kinën

The post Josep Borrell: Askush nuk po mundet ta ndalojë Netanyahun, lufta do jetë e gjatë appeared first on Euronews Albania.

Departamenti amerikan i Shtetit ofroi një shpërblim prej 20 milionë dollarësh të enjten për informacione që çojnë në arrestimin e një iraniani që pretendohet se qëndron pas planit për të bërë atentat ndaj ish zyrtarit të Shtëpisë së Bardhë, John Bolton.

Zyrtarët amerikanë njoftuan në gusht të vitit 2022 se zbuluan një plan të përpiluar nga Shahram Poursafi, pjesëtar i Rojës Revolucionare Islamike të Iranit, për të vrarë zotin Bolton, i cili shërbeu si këshilltar për sigurinë kombëtare në administratën e ish Presidentit Donald Trump.

Programi i Departamentit të Shtetit ‘Shpërblim për Drejtësi’ “po ofron një shpërblim deri në 20 milionë dollarë për informacione që çojnë në arrestimin apo shpalljen fajtor” të Shahram Poursafit, thuhet në njoftimin e publikuar të enjten.

Ky veprim erdhi pasi zoti Trump, i cili është kandidat për president në zgjedhjet e sivjetme, tha se ka “kërcënime të mëdha” ndaj tij nga Irani.

Zoti Bolton, i cili konsiderohet se ka qëndrime të rrepta në politikën e jashtme, është kritik i ashpër i Iranit dhe në anën e zyrtarëve që e këshilluan zotin Trump të tërhiqej në mënyrë të njëanshme nga marrëveshja bërthamore me Iranin në vitin 2018.

Sharham Poursafi pretendohet se i ofroi një personi të paidentifikuar në Shtetet e Bashkuara një shumë prej 300,000 dollarësh për të vrarë zotin Bolton në Uashington.

Plani duket se është aktivizuar pas vrasjes nga Shtetet e Bashkuara të komandantit të Rojës Revolucionare Islamike të Iranit Qassem Soleimani në Irak, në janar të vitit 2020, njoftoi në atë kohë Departamenti amerikan i Drejtësisë.

Por ky plan nuk u realizua pasi vrasësi i pretenduar u bë informator i Agjencisë Federale të Hetimeve, FBI.

Autoritetet iraniane i kanë hedhur poshtë pretendimet si “trillime”.

Shtetet e Bashkuara e kanë shpallur Rojën Revolucionare Islamike të Iranit “organizatë të huaj terroriste” në vitin 2019. Fillimisht, krahu për operacione jashtë vendit i kësaj organizate , ‘Forca Kuds’, ishte shpallur organizatë terroriste nga autoritetet amerikane.

LEXONI GJITHASHTU:

• Grenell: Unë i them Vuçiçit se e ardhmja është me SHBA-në, jo me Rusinë dhe Kinën
• SHBA-ja akuzon 3 iranianë për hakimin e fushatës së Trumpit

The post SHBA ofron 20 mln $ për informacione mbi iranianin që donte të vriste zyrtarin appeared first on Euronews Albania.

Deputeti Ervin Salianji mbajti këtë të premte një konferencë për mediat lidhur me vendimin e  marrë një ditë më herët nga Gjykata e Apelit e cila la në fuqi vendimin “arrest me burg për 1 vit” për kallëzim të rremë lidhur me çështjen “Babale”.

Ditën e djeshme deputeti demokrat tha se betejën ligjore por edhe fushatën elektorale ai do e vazhdojë nga burgu. I pyetur nga gazetarët se si do e bëjë këtë, Salianji u përgjigj:

“Do u them mediave hajdeni te dritarja e burgut. Përtej shakave unë mendoj se ka mjete komunikimi. Lejohen letrat nga burgu, pra do shkruaj do gjej forma komunikimi. Pavarësisht se izolimin tim e kanë bërë edhe për arsye tjetër.

Nuk është kjo forma ime e parapëlqyer e komunikimit, nëpërmjet rrjeteve, letrave apo televizionit. Në fushata unë preferoj të takoj qytetarët dhe të jem kudo, në çdo moment me orë të gjata duke i kufizuar në 2-3 orë periudhën e gjumit. Nuk është e njëjta situatë tani, por ky dënim politik, ka motivuar shumë më shumë njerëz këtë e shikoj nga reagimet dhe dua ti shpreh mirënjohjen mijërave qytetarë që më kanë shkruar. Ata do motivohen nga kjo dhe do ketë një tjetër reagim. Ju e dini se regjimet totaliare kur janë në fundin e tyre bëjnë veprime të pa imagjinueshme njësoj si ky”,-tha deputeti demokrat.

The post “Do ju dërgoj letra nga burgu”, Salianji: Ja si do e drejtoj fushatën nën regjim appeared first on Euronews Albania.

Ndërkohë që pritet të ekzekutohet vendimi i marrë nga Gjyakata e Apelit për arrestimin e deputetit Ervin Salianji, i dënuar me 1 vit burg, ai ka mbajtur një konferencë për mediat.

Ai tha se është një i dënuar politik me urdhër të kryeministrit Edi Rama dhe të Fatmir Xhafaj. Salianji tha se me denoncimin e tij me fakte ai i ka ndërprerë karrierën politike Fatmir Xhafajt dhe dhe i dëmtoi reputacionin trafikantit ndërkombëtar të drogës.

“Në çdo deklarim e proces gjyqësor Edi Rama ka thënë që nuk i komenton vendimet e Gjykatave. Çfarë e detyroi Edi Ramën dje të thoshte se Gjykata është me të? Çfarë e shqetësone në këtë vendim? të vënë përballë provave të pakundërshtueshme të një përgjimi të bashkëpunëtorëve të tij dhe presionit të opozitës dhe puiblikut, Geron Xhafaj, nga i pafajshëm u vetëdorëzua në prokurori dhe u kthye në Itali për të vazhduar dënimin.

Edhe këtu u shkel ligji, pasi nuk iku si i burgosur nga Shqipëria,vetëm që Fatmir dhe Geron Xhafaj ti shpëtonin hetimit dhe ndjekies penmale për trafik ndërkombëtar droge njëri dhe tjetri bashkëpunim në kuadër të grupit strukturuar kriminal në këtë vend. Fatmir Xhafaj u betua që nuk do ma falte. Denoncimi im me fakte që u quajt kallëzim i rremë nga avokatët e tyre, i ndërpreu karrierën politike Fatmir Xhafajt dhe i dëmtoi reputacionin trafikantit ndërkombëtar të drogës. Se për këtë ëhstë dënimi”,-tha Salianji.

LEXONI GJITHASHTU:

• Salianji u dënua me burg, Luçiano Boçi: PD nuk e njeh vendimin, ja ç’do ndodh
• PD përgatit padinë për Fatmir Xhafaj, i kërkon SPAK të nisë hetimin pasuror

The post Salianji konferencë para arrestimit: Dënim politik, Fatmir Xhafaj u betua që… appeared first on Euronews Albania.

Nënkryetari i Partisë Demokratike Luçiano Boçi ishte këtë  të premte i ftuar në Euronews Albania ku tha se Partia Demokratike nuk e njeh vendimin e Gjykatës së Apelit, e cila një ditë më parë dënoi me vendim të formës së prere më një vit burg, deputetin Ervin Salianji.

Boçi tha se do ketë mosbindje ndaj ekzekutimit të vendimit, ndërsa shtoi se do ketë aksione opozitare dhe mosbindje civile, pasi sipas tij, vendimi i marrë kundër Salianjit nuk i shërben drejtësisë, por padrejtësisë.

“Mosbindje ndaj ekzekutimit të vendimit, mosbindje civile. Ne nuk njohim vendimin e gjykatave politike, sepse ndërkohë që në retorikë ne e themi mosbindje civile dhe të pretendosh të njohësh vendimet e gjykatave me dënime të tilla politike atëherë ky është dorëzim. Grupi Parlamentar është pjesa politike më e pjekur e një partia dhe di të bëjë shumë mirë interpretimin e vendimeve dhe të mbajë qëndrimet e tyre.

Qëndrimet e tyre nuk janë militante, janë mendime të pjekura që janë të konsultuara dhe konsiderojnë qëndrimet e gjithë grupit parlamentar, në raport të të qenurit të tyre deputet dhe të qenurit në afërsi shumë të madhe me ligjin me njohjen e tij dhe me mënyrën se si duhet të ekzekutohet ligji.

Ky është një vendim politik dhe jo zbatim i ligjit. Është padrejtësi dhe kundër padrejtësisë duhet të ketë patjetër reagim. Do ketë aksione, mosbindja civile është kërkuar, ajo është bërë edhe herë të tjera nga qytetarët, ne duam mirëkuptimin e qytetarëve, sepse kjo duhet të bëhet në emër të një sakrifice më të madhe për të mos lejuar instalimin e një regjimi që vret, pushkaton fjalën e lirë dhe burgos kundërshtarët e tij politik”,-tha Luçiano Boçi.

LEXONI GJITHASHTU:

• Salianji u dënua me burg, Luçiano Boçi: PD nuk e njeh vendimin, ja ç’do ndodh
• PD përgatit padinë për Fatmir Xhafaj, i kërkon SPAK të nisë hetimin pasuror

The post Salianji u dënua me burg, Luçiano Boçi: PD nuk e njeh vendimin, ja ç’do ndodh appeared first on Euronews Albania.