Qeveria shqiptare po propozon një projektligj mbi riorganizimin e sistemit shkencor, ku institucionet vlerësuese të veprimtarisë shkencore do të jenë një Ministri e re dhe Akademia e Shkencave.Në dokument planifikohet lindja e një Ministrie të posaçme, përgjegjëse për shkencën dhe kërkimin shkencor. Si dhe krijimi i një organi këshillimor pranë kryeministrit në emrin Këshilli Kombëtar për shkencën dhe kërkimin shkencor, i cili synon përmirësimin e veprimtarisë kërkimore në vend. Në përbërje, ky këshill do të ketë 7 ministra të fushave të ndryshme, por edhe 4 përfaqësues nga institucione të arsimit të lartë, teksa do të jenë pjesëmarrës edhe kryetari i Akademisë së Shkencave dhe 3 anëtarë të Akademisë, si dhe përfaqësues të Agjencive të Inovacionit.

Ministri i shkencës do të ketë për detyrë hartimin e strategjisë në këtë sektor si dhe të përcaktojë fushat prioritare të kërkimit shkencor; teksa në ndihmë të tij do të jetë këshilli me 19 anëtarë i drejtuar nga kryeministri, me bashkëpunimin edhe të ministrit të bujqësisë, shëndetësisë, mbrojtjes, energjisë, mjedisit, inovacionit. Teksa për përzgjedhjen e anëtarëve të universiteteve në këtë bord, është vendosur kusht që të jenë personalitete të njohur akademikë. Mirëpo kompetencat e tyre do të ndryshojnë në krahasim me ligjin për arsimin e lartë, ku gëzonin autonomi universitare në veprimtarinë shkencore.

“Fushat, drejtimet, vëllimi i punës dhe afatet e veprimtarisë kërkimore-shkencore përcaktohen nga vetë institucionet e arsimit të lartë”, thotë ligji i arsimit të lartë, ndërsa me projektligjin e ri parashikohet që përgjegjësia t’i kalojë ministrisë, Akademisë se Shkencave dhe këshillit shkencor. Pra, pritet të ndryshojnë kompetencat për drejtuesit e fakulteteve, pedagogët, senatet e universiteteve publike dhe private, të cilat do të jenë nën monitorimin e institucioneve politikbërëse.

Nëse do të ketë kërkesë për krijimin e institucioneve të veçanta për kërkimin shkencor veç universiteteve, Akademisë së Shkencave, parqeve teknologjike apo qendrat e transferimit të teknologjive bujqësore, vendimin e merr ministri përgjegjës i cili jep lejen përkatëse. Ministri për shkencën do të ketë fuqi edhe për pezullimin apo mbylljen e tyre, kur vihen re nga monitorimi mospërmbushje të kritereve e ka vlerësim negativ. Ndër të tjera, do të krijohet edhe regjistri kombëtar i institucioneve dhe kërkuesve shkencorë, brenda dy viteve nga miratimi i ligjit.

The post Rama shton një ministri të re appeared first on Lapsi.al.

Gjykata ka lënë në burg pa afat 45-vjeçarin, Bledar Trëndafili i cili akuzohet vrasje me dashje për shkak të marrëdhënieve familjare, ndërkohë që çifti i bashkëshortëve kanë qenë në proces divorci për shkal të dhunës së ushtruar nga 45-vjeçari ndaj bashkëshortes së tij, e cila kohët e fundit jetonte me dy fëmijët e saj të mitur në një banesë me qira në lagjen 1 të Korçës.

Mësohet se Trëndafili ka shprehur pendesë para trupit gjykues madje ka shpërthyer në lot.

“Jam penduar për atë që kam bërë, por nuk jam në gjendje të them përse shkova në atë akt.”

45-vjeçari është shprehur trupit gjykues se ka dyshime të forta për tradhti të bashkëshortes së tij, ndërkohë që për asnjë moment Melisa Trëndafili nuk e ka lejuar të takonte fëmijët, thotë ai.

“Të gjitha këto e kanë rënduar gjendjen time psikologjike madje dhe ditën që ka ndodhur ngjarja kam shkuar për t’i kërkuar të me lejonte të takoja fëmijët”, tha ai.

Ditën e ngjarjes Bledar Trëndafili ka shkuar për ta ritakuar për të disatën herë bashkëshorten që ta bindte që të hiqte dorë nga procesi gjyqësor për zgjidhjen e martesës.

Gjatë bisedës pranë banesës së gruas Melisës, krejt papritur Bledari e ka spërkatur me benzinë duke i vënë edhe flakën, për ditë të tëra gruaja qëndroi në spitalin e traumës për ndihmë të specializuar dhe tani ndodhet në banesën e saj, në kushte më të mira shëndetësore.

Policia vetëm 2 ditë më parë prangosi Bledar Trëndafilin, të cilin e akuzon për vrasje me dashje për shkak të marrëdhënieve familjare.

The post Dogji me benzinë bashkëshorten, burri nga Korça shfaqet i penduar në gjyq appeared first on Lapsi.al.

Lulzim Basha ka zhvilluar një takim Lezhë për përgatitjen e ekipit të kandidatëve dhe shpalosjen e programit me grupet e interesit.

Në një postim në facebook, Basha shkruan se politika është shërbim ndaj qytetarëve, që dëgjon hallet e tyre dhe ofron vizionin për t’i kapërcyer ato, jo si vetëshërbim për një grusht politikanësh që kanë varfëruar vendin dhe kanë larguar rininë.

Sipas tij, kjo do të jetë dhe kontrata e demokratëve euroatlantikë me shqiptarët për një alternativë që lufton korrupsionin dhe siguron mirëqeverisjen

Postimi i Bashës:

Shqipëria meriton më shumë! Në Lezhë, me drejtues të Demokratëve Euroatlantikë, për përgatitjen e ekipit tonë të kandidatëve dhe shpalosjen e programit me grupet e interesit.

Ne besojmë te politika si shërbim ndaj qytetarëve, që dëgjon hallet e tyre dhe ofron vizionin për t’i kapërcyer ato, jo si vetëshërbim për një grusht politikanësh që kanë varfëruar vendin dhe kanë larguar rininë.

Me këtë bindje do lidhim kontratën tonë me shqiptarët, për një alternativë që lufton korrupsionin dhe siguron mirëqeverisjen!

The post Nuk ka ende parti, por nis fushatën, Basha shfaqet në Lezhë appeared first on Lapsi.al.

Një grua në Prishtinë është plagosur me armë zjarri. Policia e Kosovës njofton se një zyrtar policor nga pakujdesia ka plagosur nënën e tij.

Sipas policisë, viktima është duke u trajtuar në Qendrën Klinike Univeristare të Kosovës(QKUK), ndërsa i dyshuari ndodhet në stacionin policor për procedura të mëtutjeshme.

“Prishtinë 04.10.2024-12:17. Është raportuar se i dyshuari mashkull kosovar, zyrtar policor, nga pakujdesia ka plagosur me armë viktimën femër kosovare-nënën e tij.

Viktima është dërguar për tretman mjekësor në QKUK, Prishtinë, ndërsa i dyshuari ndodhet në stacionin policor për procedura të mëtutjeshme”, thuhet në raportin 24 orësh të Policisë së Kosovës.

The post E rëndë në Prishtinë/ Polici qëllon me armë nga pakujdesia nënën e tij appeared first on Lapsi.al.

Kryetari i bashkisë së Vlorës Ermal Dredha flet për situatën. Gjatë inspektimit në terren ka konfirmuar që situata mbetet problematike në disa zona, është duke u monitoruar situata për të llogaritur dhe dëmet e shkaktuara.

“Ne jemi të gjithë në terren. Prezenca e të gjitha strukturave ka qenë prezentë kudo munden. Ka zona ku mund të ketë ankesa nga qytetarët për mosreagim, por reagimi ka qenë maksimal nga të gjitha strukturat. Është edhe numri i mjeteve që na kufizon, por i kemi marrë me prioritete. Tek “Albano dhe Romina” është rast që përsëritet sa herë ka reshje. Dje ka rënë 180 mm shi. Këto prurje reshje për vetëm 3 orë”, u shpreh Dredha.

55 persona janë evakuuar dhe po shikohet mundësia menjëherë pas normalizimin e situatës për mbështetje financiare për familjet e dëmtuara me bashkëpunim me shtabin e emergjencave, shkruan A2.

“Janë 55 banorë që janë evakuuar në të dy konviktet e shkollës mjekësore. Janë asistuar me veshmbathje dhe ushqime, por kjo nuk mjafton, sepse po bëjmë një database të qartë me informacionet që kemi për të marrë masat. Më pas për suportin dhe kompensimin e dëmeve”, theksoi Dredha.

Bizneset nuk janë pjesë e paketës, tha Dredha, por po punohet për heqjen e ujit.

Sipas tij “hidrovori është në kapacitet të plotë janë investime të vjetra, por duhet parë mundësia e zëvendësimit të pompave”.

The post Përmbytjet, kryetari i Vlorës: Do ketë kompensim për dëmet appeared first on Lapsi.al.

Izraeli nuk i ka dhënë garancitë e kërkuara administratës Biden, se nuk do të godasë zonat bërthamore në Iran, në raprezaljen e paralajmëruar për sulmin raketor të pak ditëve më parë. Këte e tha një zyrtar i Departamentit Amerikan të Shtetit për CNN.

Sipas tij, është vështirë të thuhet nëse Netanjahu do të përdorë 1 vjetorin e sulmeve të Hamas kundër Izraelit, më 7 tetor, për tu hakmarrë.

Shtetet e Bashkuara janë shprehur pro kundërpërgjigjes së Izraelit ndaj breshërisë së raketave të lëshuara nga Teherani më herët gjatë javës, por presidenti Biden, ka thanë se nuk do të mbështetësin shënjestrimin e zonave bërthamore.

Ndërsa bota mban frymën pezull në pritje të një përshkallëzimi të konfliktit me Iranin, Izraeli vijon pa u ndalur ofensivën në Liban.

Për herë të parë një sulm goditi qytetin verior të Tripolit të shtunën, kryeqyteti Bejrut është kthyer në një zonë lufte me bombardime të vazhdueshme, ndërsa trupat izraelite vijojnë inkursionin tokësor në jug të vendit.

Një burim i cituar nga Reuters tha se një zyrtar i Hamasit, bashkë me gruan dhe 2 fëmijët ishte vrarë gjatë sulmit në një kamp refugjatësh palestinezë në Tripoli, qytetarët e Bejrutit u paralajmëruan 3herë të evakuoheshin nga periferitë jugore gjatë natës, kur Izraeli bombardoi infrastrukturë të Hezbollahut, siç u shpreh.

Qeveria Libaneze thotë se mbi 2 mijë persona janë vrarë gjatë vitit të fundit si pasojë e sulmeve izraelite, shumica e të cilëve dy javët e fundit. Në shënjestër janë vënë edhe ekipe e struktura mjekësore, përfshirë Kryqin e Kuq Libanez e spitale publike. Sipas autoritete mbi 1.2 milionë libanez janë detyruar të shpërngulen nga shtëpitë e tyre. OKB e cilëson të papranueshëm, bilancin tragjik mes civilëve në këtë vend.

The post Bejruti kthehet në zonë lufte, Izraeli mund të sulmojë zonat bërthamore në Iran appeared first on Lapsi.al.

Pas situatës problematike të krijuar një ditë me parë për shkak të reshjeve intensive të shiut, në disa rrugë të qytetit të Vlorës ka ende prezencë të ujit.

Ujë nëpër rrugë ka në lagjen Rilindja dhe 28 Nëntori. Ndërkohë, 33 familje janë evakuuar dhe janë vendosur në konviktin e Qytezës Studenti dhe atë të shkollës Industriale Pavarësia.

Në disa lagje, energjia elektrike vijon të mbetet e stakuar për të mos krijuar probleme, pasi në disa kabina ka prezencë uji. Në ujë vazhdojnë të jetë shumë familje dhe biznese të qytetit.

The post Përmbytjet, ende në ujë disa lagje të Vlorës appeared first on Lapsi.al.

Dhjetëra njerëz, përfshirë tre foshnja, u vranë në një sulm bandash në qendër të Haitit, sikurse tha në një deklaratë Zyra e Kombeve të Bashkuara për të Drejtat e Njeriut.

Anëtarët e bandës Gran Grif përdorën pushkë automatike për të vrarë të paktën 70 persona të enjten, duke përfshirë 10 gra dhe tre foshnja.

Sulmi ndodhi në qytetin Pont Sondé, rreth 50 milje në veri të Port-au-Prince, ku dhuna e bandave ka vazhduar të përhapet, sipas OKB-së. Të paktën 16 persona u plagosën rëndë në sulm, duke përfshirë dy anëtarë të bandës të goditur gjatë një shkëmbimi zjarri me policinë Haitiane, tha OKB. Anëtarët e bandës i vunë flakën gjithashtu të paktën 45 shtëpive dhe 34 automjeteve, duke detyruar disa banorë të largohen.

Ministria e Shëndetësisë e Haitit, përmes një deklarate u shpreh se u mobilizua për t’iu përgjigjur incidentit, por u përball me sfida për të hyrë në vend për shkak të situatës së tensionuar. “Megjithësë në kushte jashtëzakonisht të vështira sigurie, viktimat e këtij sulmi po kujdesen nga institucionet vendore”, tha ministria.

Kryeministri i Haitit Garry Conille ofroi ngushëllimet e tij për të prekurit nga sulmi. “Ky krim i urryer, i kryer kundër grave, burrave dhe fëmijëve të pambrojtur, nuk është vetëm një sulm ndaj këtyre viktimave, por ndaj gjithë kombit Haitian”, tha ai.

Gran Grif është banda më e fuqishme në Artibonite, sipas OKB-së . Muajin e kaluar, Luckson Elan, lideri i supozuar i bandës, u sanksionua nga Shtetet e Bashkuara për “shkelje serioze të të drejtave të njeriut duke përfshirë rrëmbimin, vrasjen, rrahjen dhe përdhunimin e grave dhe fëmijëve”.

Dhuna e bandave në Haiti është përhapur në vitet e fundit, me sulmet që janë bërë më të dhunshme. OKB raporton se të paktën 3.661 njerëz janë vrarë që nga janari i këtij viti.

Në qershor, forcat e huaja të sigurisë mbërritën në Haiti si pjesë e misionit Mbështetja e Sigurisë Shumëkombëshe (MSS), i projektuar për të ofruar siguri dhe për të rivendosur ligjin dhe rendin për kombin e Karaibeve.

Pas sulmit të së enjtes, OKB-ja bëri thirrje për ndihmë shtesë financiare dhe logjistike për MSS dhe kërkoi një “hetim të shpejtë dhe të plotë” mbi sulmin dhe “dëmshpërblime për viktimat dhe familjet e tyre”.

The post Masakër në Haiti, banda vret 70 persona, me tyre gra dhe fëmijë appeared first on Lapsi.al.

Një në 50 shqiptarë që ndodhen në Britaninë e Madhe janë në burg. Sipas një analize nga The Telegraph të të dhënave zyrtare, më shumë se 1,200 nga 53,000 shqiptarë që jetojnë në Britaninë e Madhe, të cilët nuk kanë shtetësi britanike, janë pas hekurave.

Shqiptarët kryesojnë një tabelë me më shumë se 130 kombësi të renditura në numrin e të burgosurve, ndërsa pasohen nga shqiptarët e Kosovës, vietnamezët, algjerianët, xhamajkanët, eritreasit, irakianët dhe somalezët.

Analiza e medias britanike sugjeron se shkalla e përgjithshme e burgimit të shtetasve të huaj është 27 për qind më e lartë se për qytetarët britanikë. Ai tregon 18.2 të burgosur për 10,000 migrantë krahasuar me 14 në 10,000 në Mbretërinë e Bashkuar. Shtetasit gjermanë, italianë, indianë, grekë, amerikanë, Sri Lanka, francezë dhe kinezë kanë më pak gjasa për t’u burgosur.

Deputetët e lartë konservatorë kanë kërkuar nga qeveritë konservatore dhe ato laburiste të publikojnë të dhëna si Danimarka dhe disa shtete të SHBA-së që do të mundësonin hartimin e tabelave të nivelit të krimit të emigrantëve të çdo kombi.

Ndërsa të dhënat për kombësitë në mesin e popullatës së burgosur zbulojnë shkallën e krimeve të rënda të kryera nga shtetas jo të Mbretërisë së Bashkuar, informacioni për veprat penale të kryera nga migrantët për të cilat ata nuk janë të burgosur nuk publikohen.

Një amendament i mbështetur në projektligjin e dënimit të Rishi Sunak do t’i kërkonte Qeverisë që çdo vit të paraqiste një raport në Parlament që detajonte kombësinë, vizën dhe statusin e azilit të çdo shkelësi të dënuar në gjykatat angleze dhe të Uellsit në 12 muajt e mëparshëm. Projektligji u hodh poshtë për shkak të zgjedhjeve.

Mbështetësit, duke përfshirë pretendentin për udhëheqje konservatore, Robert Jenrick dhe ish-ministrin Neil O’Brien, argumentojnë se të dhëna të tilla do t’i mundësonin Ministrisë së Brendshme të ashpërsonte politikat e vizave dhe dëbimit për kombësitë që lidhen me shkallë më të lartë të krimit në MB.

Analiza e “The Telegraph” ka të ngjarë të ketë nënvlerësuar madhësinë e popullsisë shqiptare pasi nuk merr parasysh emigrantët e paligjshëm duke përfshirë më shumë se 12,000 të cilët arritën në Mbretërinë e Bashkuar me varka të vogla përgjatë Kanalit në vitin 2022.

Në kohën kur u krye regjistrimi në vitin 2021, kishte 300 shqiptarë më shumë në burg se sa janë tani, që do të thotë se proporcioni do të ishte edhe më i lartë se vlerësimet aktuale.

Shqiptarët pasohen nga shqiptarët e Kosovës me 150.23 për 10.000, vietnamezët (148.88), algjerianët (124.41), xhamajkanët (110.77), eritreanët (110.7), irakianët (104.43) dhe somalezët (100.3). Të gjithë kanë më shumë se një në 100 të popullatës së tyre përkatëse në burg.

The post The Telegraph: Një në 50 shqiptarë në Britaninë e Madhe ndodhet pas hekurave appeared first on Lapsi.al.

Drejtoria e Forcës së Posaçme Operacionale në Departamentin e Policisë Kriminale ka finalizuar operacionin policor të koduar “Operacionalja 18”, duke arrestuar një shtetas shqiptar të shpallur në kërkim ndërkombëtar.

Në vijim të operacioneve për kapjen e personave të kërkuar, policia ka zbardhur informacionet e siguruara nga inteligjenca dhe ka bashkëpunuar me autoritetet italiane. Gjatë operacionit, u arrestua Ermal Luku, 41 vjeç, banues në Manzë, Durrës, i cili ishte nën hetim për lidhje me një organizatë kriminale të përfshirë në trafikimin e lëndëve narkotike.

Ai ishte shpallur në kërkim ndërkombëtar me një urdhër arresti të lëshuar nga Gjykata e Brescias në Itali më 29 Shtator 2024. 41-vjeçari akuzohet për kryerjen e veprës penale “Trafikimi i lëndëve narkotike” dhe dyshohet se ka qenë pjesë e një rrjeti të organizuar kriminal.
Drejtoria e Forcës së Posaçme Operacionale njofton se vazhdon bashkëpunimin e ngushtë me Interpol Tiranën dhe Interpol Romën për të siguruar ekstradimin e këtij shtetasi në Itali.

The post Ishte në kërkim ndërkombëtar për drogë, Operacionalja arreston 41-vjeçarin appeared first on Lapsi.al.

Gjatë fundjavës, vendi ynë do të ndikohet nga kushte atmosferike relativisht të paqëndrueshme për shkak të masave ajrore relativisht të lagështa me origjinë veriperëndimore.

Në këtë mënyrë, moti parashikohet me vranësira mesatare deri të dendura por përgjatë ditës nuk do të mungojnë edhe alternimet e kthjellimeve kryesisht në orët e mesditës dhe pasdites.

Sipas Shërbimit Meteorologjik Ushtarak, vranësirat do të shoqërohen me reshje shiu të herëpashershme me intensitet të ulët dhe lokalisht deri dhe mesatar në formën e shtrëngatave.

Era do të fryjë kryesisht e lehtë me drejtim kryesor nga kuadrati i veriut dhe shpejtësi mesatare 1-5m/s por, përgjatë vijës bregdetare dhe zonat luginore era fiton shpejtësi 6-10m/s.

The post Fundjava me mot të paqëndrueshëm, vranësira dhe reshje shiu appeared first on Lapsi.al.

Reshjet e dendura të shiut kanë përfshirë të gjithë vendin tonë këtë të premte.

Në disa qytete ka pasur përmbytje të rrugëve duke shkaktuar trafik të rënduar. Ndërsa më problematike situata paraqitet në qytetin e Vlorës ku, uji ka vërshuar nëpër rrugë duke krijuar mjaft probleme.

Kryetari i Bashkisë së Vlorës në një prononcim për mediet bëri të ditur se, janë evakuar 22 familje, ndërsa 3 personave u është dhënë ndihmë pasi kishin mbetur të bllokuar.

“Jemi në koordinim të plotë me institucionet e qendrore, me Ministrinë e Mbrojtjes, me Drejtorinë e Përgjithshme të Emergjencave Civile, pasi realisht është diçka përtej angazhimit tonë si Bashki. Këto prurje shiu është e pamundur të menaxhohen në kohë. Kemi evakuar 22 familje deri më tani. Do të vendosim në dispozicionin konviktet tek ish-shkolla mjekësore. Të gjithë të evakuarit do t’i dërgojmë atje. Për çdo problematikë kontaktoni numrat e emergjencës”, tha Dredha.

Moti i keq pritet të vazhdojë deri në mesnatë, ndërsa të shtunën do të ketë një përmirësim të lehtë. Të dielën pritet të rinisin reshjet e shiut.

Numrat dhe kontaktet për çdo problematikë:
Emergjenca 128
Policia bashkiake: 033 404 404
Policia e shtetit 129
Ambulanca:127
FACEBOOK: Ujësjellës Kanalizime Vlore
INSTAGRAM: uk_rajoni_vlore
INSTAGRAM: uk_rajoni_vlore

The post Vlora nën ujë, kryetari i bashkisë: Janë evakuar 22 familje appeared first on Lapsi.al.

Reagimi i Ministrit të Brendshëm Pirro Vengu

Moti i keq i shoqëruar me intensitet reshjesh të pazakontë në disa zona të vendit ka shkaktuar problematika të ndryshme.

Në Vlorë, situata u rëndua si pasojë e prurjeve të mëdha, ndërsa problematika janë regjistruar në stacionet e pompimit.

Në këto kushte, Agjencia e Kombëtare e Mbrojtjes Civile dhe Forcat e Armatosura, pas thirrjes për mbështetje nga pushteti vendor, dhanë mbështetjen me 2 moto varka, 2 ekipe të pajisur me 2 motopompa, 8 mjete të kalueshmërisë së lartë dhe 30 forca ushtarake.

Gjithashtu, për t’i ardhur në ndihmë komunitetit pranë Bashkisë Vlorë, Agjencia Kombëtare e Mbrojtjes Civile po koordinon dhe organizon strukturat operacionale ne nivel vendor dhe qendror, ku nga Forcat e Armatosura janë nisur edhe 6 forca e 2 mjete nga Reparti i Këmbësorisë së Jugut. Mbetemi në monitorim të situatës gjatë orëve në vazhdim.

The post Përmbytjet në jug, reagon Pirro Vëngu: Kemi çuar në Vlorë dy moto varka appeared first on Lapsi.al.

Kryetari i Partisë Demokratike, Sali Berisha ka reaguar në lidhje me përmbytjet nga reshjet e shiut në qytetin e Vlorës, duke bërë përgjegjës qeverinë pasi ka dhënë tendera pa asnjë studim por vetëm kanë hedhur beton.

Nga pamjet e publikuara në rrjetet sociale nga kryedemokrati, dallohet se si është bllokuar nga uji një pjesë e lungomares, ku makinat kanë ndaluar pasi rruga është e pakalueshme, si dhe në një tjetër lagje uji vërshon furishëm duke marrë me vete edhe koshat e plehrave.

‘Lungomare e Betonit në Vlorë!! Punime pa asnjë studim, thjesht i japin tenderat bandave dhe më pas është ky rezultati’, shkruan Berisha në Facebook.

The post Lungomare e Vlorës nën ujë, Berisha: Ky është rezultati kur i japin tendera bandave appeared first on Lapsi.al.

Moti i keq ka përfshirë edhe Tiranë, ku për pasojë një pemë e madhe është rrëzuar në mes të rrugës.

Ngjarja ka ndodhur në rrugën “Sami Frashëri” në kryeqytet, pranë shkollës “Edit Durham”.

Siç shihet edhe nga pamjet pema ka rënë në një moment kur ka pasur edhe shumë kalimtarë, por për fat të mirë nuk raportohet për persona të lënduar.

Ndërkohë po punohet për largimine pemës dhe pastrimin e rrugës.

The post Rrëzohet pema në zonën e ish-Bllokut nga moti i keq, bllokohet rruga appeared first on Lapsi.al.

Policia e Kosovës përmes një njoftimi për media ka shpallur në kërkim tre shtetas të Shqipërisë.

Këta persona kërkohen nën dyshimin për përfshirje në veprat penale ‘Kultivimi i bimës së hashashit, shkurres së kokainës ose bimëve të kanabisit’ dhe ‘Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’.

Policia ka kërkuar nga të gjithë qytetarët që posedojnë informata lidhur me vendndodhjen e këtyre personave të njoftojnë stacionin policor më të afërt ose përmes numrave kontaktues.

The post Policia e Kosovës shpall në kërkim 3 shtetas nga Shqipëria appeared first on Lapsi.al.

Dita e sotme e ka gjetur Shqipërinë, ashtu si edhe rajoni, nën pushtetin e ujit. Në Tiranë, Durrë, Vlorë dhe në Fier ka pasur reshje të dendura shiu duke shkaktuar përmbytje në banesa dhe biznese.

Vlora dhe Fieri nën ujë, përmbyten rrugë dhe biznese

Në disa akse rrugore ka prezencë të ujit duke vështirësuar qarkullimin e automjeteve.

Në Vlorë rruga “Hasan Kushta”, rruga “Gjergj Araniti” aksi pranë Kishës Ortodokse dhe bibliotekës publike si dhe pjesë të bulevardit “Ismail Qemali” janë përmbytur nga ujërat e shumtë ndërsa kanë sjellë probleme në lëvizjen e mjeteve.

Vlora dhe Fieri nën ujë, përmbyten rrugë dhe biznese

Edhe Rruga lidhëse e e autostradës Vlorë-Fier me Transballkaniken është përmbytur nga uji.

The post Moti i keq, Vlora dhe Fieri nën ujë appeared first on Lapsi.al.

Ish-kryeministri britanik, Boris Johnson në librin e tij “Unleashed” që pritet të botohet më 10 tetor ka treguar se një pajisje përgjimi u gjet në banjën personale të tij në Ministrinë e Jashtme pasi ishte përdorur nga kryeministri izraelit Benjamin Netanyahu.

Kur u pyet gjatë një interviste nëse ai mund të jepte më shumë detaje mbi atë që ndodhi, Johnson tha: “Unë mendoj se gjithçka që duhet të dini për atë episod është në libër.” Nuk është e qartë nëse Izraeli u mor në pyetje apo u qortua për incidentin, shkruan The Telegraph.

Rreth asaj kohe, Izraeli u akuzua për vendosjen e pajisjeve dëgjimi në Shtëpinë e Bardhë. Sipas zyrtarëve amerikanë, Uashingtoni arriti në përfundimin se Izraeli ka të ngjarë të qëndronte pas vendosjes së pajisjeve të përgjimit të telefonave celularë që u gjetën pranë Shtëpisë së Bardhë dhe vende të tjera të ndjeshme rreth kryeqytetit.

Ndonëse nuk ka punuar kurrë në Mossad, agjencinë e spiunazhit të Izraelit, Netanyahu dihet se ka punuar ngushtë me ta, shkruan media britanike. Si agjencia e dytë më e madhe e spiunazhit në botën perëndimore pas CIA-s, ajo fokusohet në mbledhjen e inteligjencës së huaj dhe operacionet e fshehta.

The post Boris Johnson: Ekipi i sigurisë gjeti një pajisje përgjimi në tualetin e zyrës pas një vizite të Netanyahut appeared first on Lapsi.al.

Kreu i Grupit Parlamentar të Partisë Demokratike, Gazment Bardhi ka publikuar spotin e protestës kombëtare të opozitës që do të zhvillohet më 7 tetor, në orën 18:00.

POSTIMI I BARDHIT:

Kurrë Shqipëria nuk ka rrezikuar kaq shumë të humbas gjithçka ka fituar me betejë të pashembullt 34 vjet më parë. Demokracia është në rrezik. Shteti personal i Edi Ramës shtyp të pamundurit dhe mbron kriminelët dhe të korruptuarit.

Të gjithë bashkë, më 7 Tetor 2024, ora 18:00, marshojmë drejt Tiranës, për ti treguar kujtdo se atë që kemi fituar me aq mund, nuk mund ta dorëzojmë lehtë!

The post Spoti i protestës së PD: Shteti personal i Edi Ramës mbron kriminelët dhe të korruptuarit (VIDEO) appeared first on Lapsi.al.

Për shkak të përkeqësimit të motit, Autoriteti Portual i Durrësit ka njoftuar për anulimin e disa udhëtimeve detare.

Konkretisht, janë anuluar lundrimet e mbrëmjes së sotme të trageteve nga Porti i Durrësit drejt Portit të Barit të Italisë.

Tragetet do të nisen drejt Barit mëngjesin e ditës së nesërme.

“Referuar parashikimeve të Autoriteteve detare për përkeqësim të kushteve të motit, mbrëmjen e sotme (dt.03.10.2024) nuk do të ketë lundrime të trageteve nga Porti i Durrësit drejt Portit të Barit.

Tragetet do të nisen drejt Barit(Itali) mëngjesin e ditës së nesërme(04.10.2024).

Për çdo sqarim të nevojshëm, ju lutemi drejtohuni pranë agjencive të trageteve ose na ndiqni në adresën zyrtare www.durresport.al”, thuhet në njoftimin e Autoritetit Portual të Durrësit.

Kujtojmë se për shkak të motit të keq, edhe dje pati anulim të lëvizjeve të mjeteve të vogla lundruese apo mjeteve të peshkimit.

The post Moti i keq, anulohen lundrimet e trageteve nga Porti i Durrësit appeared first on Lapsi.al.