Të premten më 27 shtator do të nisë java e 7-të e kampionatit “Abissnet Superiore“. Egnatia – Partizani është takimi i parë i kësaj jave, që do të luhet në stadiumin “Egnatia Arena” në orën 16:00.

Të shtunën do të zhvillohen dy ndeshjet e tjera të javës së 7-të. Laçi – Teuta është dueli i parë, që do të luhet në stadiumin e Laçit në orën 16:00. Në mbrëmje, në orën 19:00 në stadiumin “Elbasan Arena”, Dinamo City do të përballet me Vllazninë.

Java e 7-të e kampionatit “Abissnet Superiore” do të mbyllet të dielën. Bylis – AF Elbasani do të luhet në stadiumin “Adush Muça” në orën 16:00. Tirana do të presë në stadiumin “Air Albania” Skënderbeun, në orën 19:00. /FSHF

Me ardhjen e teknikut Ilir Daja në krye të stolit të tyre, duke se ka ndryshuar totalisht atmosfera te Dinamo, me “Nëndetëset”, që kanë siguruar një fitore e dy barazime në tre sfidat e para me strategun e njohur.

Mirëpo, diçka mund të ndryshojë në këtë javë të Superiores, me “Blutë” e Dinamo City që përballë tyre do të kenë “Kuqeblutë” e Vllaznië, në një sfidë tejet të vështirë, të shtunën në “Elbasan Arena”.

Shqetësim i madh për tekniku Ilir Daja mbetet mungesa në mbrojtje e “shtatlartit” Bruno Dita, me pikën kyçe të prapvijës “dinamovite” që kaë pësuar një dëmtim në këmbe në fitoren ndaj Teutës dhe nuk dihet ende se sa kohë do t’i duhet për t’u rikuperuar. /i.m /abcnews.al