Ishte padyshim një fitore që “shijoi” shumë, sidomos pasi arritën të rikuperonin disavantazhin e dyfishtë, të minutës së 21’-të.

“Verdhezinjtë” e Borussia Dortmund kanë shkëlqyer mbrëmjen e kësaj të premtje, teksa në “Signal Iduna Park” mundën me rezultatin e thellë, 4-2, skuadrën e Bochum, pavarësisht se këta të fundit shënuan dy gola të shpejtë me Beri e De Wit, në minutat 16’ e 21’.

Protagonistët absolut të “përmbysjes” ishin “bomberi” Serhou Guirassy dhe “ylli” i krahut të majtë, Karim Adeyemi, me “yllin” afrikan që shënoi golin e parë dhe të tretë, ndërsa Adeyemi asistoi një prej golave të Guirassy dhe golin e katërt të shënuar nga Nmecha.

Emrin në tabelën e golashënuesve e shënoi edhe Emre Can, me “shkatërruesin” gjerman, që barazoi përkohësisht shifrat në minutën e 62’-të.

Falë kësaj fitoreje, “Verdhezinjtë” e Borussia Dortmund ngjiten në kuotën e 10 pikëve, teksa qëndrojnë dy pikë pas “Bavarezëve” të Bayern Munich kryesur dhe një pikë para kampionëve të Leverkusen, me këta dy fundit që do të përballen të shtunën në “Allianz Arena”. /i.m /abcnews.al

Borussia Dortmund harron disfatën 5-1 në Shtutgart dhe kthehet te fitorja, duke mposhtur 4-2 Bochum, në ndeshjen e parë të javës së pestë të Bundesligës. Sukses që ka ardhur me përmbysje: verdhezinjtë, në disavantazh 2-0 në minutën e 21′ pas golave të Bero dhe de Wit, kthyen gjithçja në pjesën e dytë: Guirassy shënon dygolësh (44′ dhe 75′), pastaj Emre Can me penallti (62′), dhe Nmecha (81′). Sahin kalon përkohësisht në -2 nga Bayern.

Dortmund largon fantazmat e humbjes së shëmtuar të Shtutgartit dhe, pas një fillimi për t’u harruar, mundi Bochum 4-2 me përmbysje. Fillimi i verdhezinjve ishte një makth: në minutën e 21′, në fakt, vendasit ishin nën dy gola. Në minutën e 16′ Bero kombinoi me Hofmann, duke mposhtur Kobel në shtyllën e parë me të majtën. Kaluan vetëm pesë minuta dhe erdhi goli i dytë: portieri i Borussia e mbajti topin shumë dhe u dorëzua nën presionin e Boadu, i cili i dhuroi de Wit një top vetëm për ta shtyrë në rrjetë. Megjithatë, para pushimit skuadra e Sahin arriti të ngushtonte diferencën: në minutën e 44′ krosimi i Brandt u depozitua në rrjetë nga Guirassy, i cili nuk gaboi me kokë.

Lexo më tej: Dortmund në kaos mes sherreve e përjashtimeve: plas ‘lufta’ mes drejtuesve

Në pjesën e dytë, Dortmund arriti të barazojë me penalltinë e Emre Can, i cili e bëri rezultatin 2-2 në minutën e 62′. Përmbysja u kompletua në minutën e 75′ me Guirassy dhe Nmecha në minutën e 81′ që përfitoi nga një gafë tragjikomike e Drewes. Me 4-2 Dortmund ngjitet në 10 pikë dhe harron humbjen e rëndë ndaj Stuttgart, duke kaluar përkohësisht në vendin e dytë -2 pas Bayern. Bochum, ndërkohë, mbetet i fundit me vetëm një pikë.

The post Video/ Rikuperimi i çmendur i Dortmund: nga 0-2 në 4-2 kundër Bochum appeared first on Lapsi.al.