Inkursioni ukrainas në territorin rus të Kurskut po vazhdon, ku trupat e Volodymyr Zelenskyt po vazhdojnë të avancojnë.

Një video e publikuar së fundmi shfaq momentin kur trupat ukrainase arrijnë të shkatërrojnë tankun rus, transmeton Telegrafi.

Bëhet fjalë për modelin T-90M, që konsiderohet si një prej më modernëve që ka në pronësi ushtria ruse.

Ata kishin përdorur tankun me qëllim që të zmbrapsin trupat ukrainase, por se llogaritë nuk u dolën siç i kishin menduar.

Ukrainasit arritën ta hedhin në erë tankun e ushtrisë së Vladimir Putinit në Kursk, ku prej javësh po zhvillohen beteja të ashpra. /Telegrafi/

На Курському напрямку русня намагалась застосувати свій новітній “аналоговнєтний” Т-90М. Але їхній “Прорив” трошки порвався по дорозі #14uasRegiment #14окремийПолкБпАК pic.twitter.com/6Y4kc07LgH

— 14th UAS Regiment (@14reg_army) September 29, 2024

The post Ukrainasit shkatërrojnë tankun rus T-90M në Kursk appeared first on Telegrafi.

Kryeministri serb Millosh Vuçeviq tha sot se Banjska nuk duhej të ndodhte, por se Serbia nuk duhet të pranojë narrativën se Banjska përcaktohet nga mënyra se si e sheh Prishtina atë ngjarje.

Vuçeviq tha se Banjska nuk ndodhi vetvetiu, por ishte një reagim ndaj një sërë lëvizjesh të qeverisë së Kosovës, nga ‘arrestimet deri te plagosja dhe rrahja e serbëve’, transmeton Telegrafi.

“Nuk ishte koha kur në Kosovë lulëzon demokracia dhe të drejtat e njeriut dhe të pakicave, kështu që dikush reagoi dhe bëri atë që ndodhi” në Banjska, tha kryeministri për TV Prva.

Ai pretendon se autoritetet në Prishtinë nuk po i lejojnë që familjet e serbëve të vrarë në Banjkë të shënojnë vendin ku janë vrarë.

“Duket se na vjen turp të themi se aty janë vrarë tre serbë. Duhet të kërkojmë falje për Banjskën, por ata vranë tre serbë. Dhe duke e bërë këtë, më parë plagosën, arrestuan dhe rrahën dhjetëra serbë”, tha kryeministri i Serbisë. /Telegrafi/

The post Vuçeviq: Serbia nuk duhet të pranojë që Banjska të përkufizohet sipas asaj se si e sheh Prishtina ngjarjen appeared first on Telegrafi.

Ushtria izraelite thotë se ka kryer një sulm tjetër ajror në Bejrut të Libanit.

Shpërthime të fuqishme janë dëgjuar si dhe re tymi të zi janë ngritur në qiellin e qytetit jugor, raporton Reuters.

Izraeli thotë se sulmi ishte “preciz” dhe se kishte shënjestruar rajonin e Danieh, transmeton Telegrafi.

Bëhet fjalë për rajonin e njëjtë të qytetit kur izraelitët vranë liderin e Hezbollahut, Hassan Nasrallah gjatë të premtes.

E burime të Reuters bëjnë të ditur se në sulmet izraelit në Luginën Bekka të Libanit është vrarë Mohammad Dahrouj, lider i lartë i grupit islamist Jama’a Islamiya.

Ky grup islamist politik Sunni u themelua në vitet e 60-ta si degë libaneze e Vëllazërisë Myslimane.

Ky grup shkrepi raketa mbi Izraelin gjatë viteve të fundit, kurse Izraeli më herët kishte kryer sulme duke shënjestruar figura tjera të këtij grupi. /Telegraffi/

The post Ushtria izraelite kryen sulm tjetër ajror në Bejrut, vret liderin e lartë të grupit islamik Jama’a Islamya appeared first on Telegrafi.

Austriakët po votojnë sot për një parlament të ri me Partinë e Lirisë së ekstremit të djathtë (FPO) që synon të sigurojë fitoren e saj të parë në zgjedhjet e përgjithshme, e cila mund të çojë në një mosmarrëveshje brenda Bashkimit Evropian për luftën në Ukrainë.

FPO ka udhëhequr sondazhet e opinionit për muaj të tërë, por epërsia e saj ndaj Partisë Popullore Austriake (OVP) konservatore të kancelarit Karl Nehammer, pothuajse është zhdukur në një fushatë të dominuar nga shqetësimet e votuesve mbi ekonominë dhe emigracionin.

Kushdo që fiton nuk do të ketë një shumicë absolute, tregojnë sondazhet, por do të pretendojë të drejtën për të udhëhequr një qeveri koalicioni, transmeton Telegrafi.

Qendrat e votimit u hapën menjëherë pas agimit dhe parashikimet do të priten disa minuta pas mbylljes së qendrave të votimit në orën 17:00.

“Ajo që është në rrezik është nëse FPO do të emërojë kancelarin apo jo”, Kathrin Stainer-Haemmerle, profesoreshë e shkencave politike në Universitetin e Shkencave të Aplikuara në Carinthia.

“Nëse kjo ndodh, atëherë duhet të them se roli i Austrisë në Bashkimin Evropian do të ishte dukshëm i ndryshëm. Kickl ka thënë shpesh se (kryeministri hungarez) Viktor Orban është një model për të dhe ai do të qëndrojë pranë tij”, shtoi Kathrin.

Nehammer e paraqet veten si një burrështetas dhe e përshkruan rivalin e tij, udhëheqësin e FPO-së, Herbert Kickl, si një kërcënim toksik. Kickl e ka quajtur veten si një mbrojtës i neutralitetit austriak, i cili do të pastrojë vendin pas viteve të dështimeve të themelimit.

Një fitore e FPO-së do ta bënte Austrinë vendin e fundit të BE-së që regjistroi mbështetjen në rritje të së djathtës ekstreme, pas arritjeve në vende duke përfshirë Holandën, Francën dhe Gjermaninë. /Telegrafi/

The post Austria voton në zgjedhje, me ofertën e djathtë ekstreme për fitore historike appeared first on Telegrafi.

Përmbytjet e mëdha dhe rrëshqitjet e dheut në Nepal kanë marrë jetën e të paktën 120 njerëzve në të gjithë vendin, kanë raportuar zyrtarët.

Dhjetra të tjerë u zhdukën të dielën pas dy ditësh reshjesh intensive, të cilat kanë përmbytur luginën rreth kryeqytetit Katmandu, transmeton Telegrafi.

Njerëzit kanë mbetur të bllokuar në çati derisa ekipet e shpëtimit kanë dalw në terren me gomone. Mijëra shtëpi pranë lumenjve janë përmbytur dhe shumë autostrada janë bllokuar.

Pavarësisht parashikimit të reshjeve që do të vazhdojnë edhe të martën, të sot ka pasur shenja lehtësimi. Deri më tani, më shumë se 3,000 njerëz janë shpëtuar sipas një zëdhënësi të qeverisë.

Por përmbytjet e shpejta, së bashku me rrëshqitjet e dheut, kanë shkaktuar shumë vdekje. Pesë persona, përfshirë një grua shtatzënë dhe një vajzë   katërvjeçare, vdiqën kur një shtëpi u shemb nga një rrëshqitje dheu në qytetin Bhaktapur, në lindje të Katmandu, raportojnë mediat shtetërore.

Dy trupa u hoqën nga një autobus i ‘varrosur’ nga rrëshqitja e dheut në Dhading, në perëndim të Katmandu. Dymbëdhjetë persona, përfshirë shoferin, thuhet se ishin në autobus.

Gjashtë futbollistë humbën jetën gjithashtu nga një rrëshqitje dheu në një qendër stërvitore të operuar nga Shoqata e Futbollit të gjithë Nepalit në Makwanpur, në jugperëndim të kryeqytetit. /Telegrafi/

The post Nga përmbytjet dhe rrëshqitja e dheut në Nepal, humbin jetën të paktën 120 persona appeared first on Telegrafi.

Automjetet ushtarake ruse u përfshin nga zjarri dhe u hodhën në erë pas një sulmi të ushtarëve të Kievit, kurse pamjet janë publikuar nga ushtria ukrainase që tregon betejën e ashpër.

Forcat ajrore ukrainase postuan në Facebook videot që ushtarët e saj arritën të zmbrapsin kolonën prej 50 autoblindave, kamionëve dhe tankeve ruse që ia kishin mësyrë pozicioneve të tyre, transmeton Telegrafi.

Instituti amerikan për Studimin e Luftës (ISW) njoftoi të premten se forcat ukrainase kanë parandaluar një sulm rus – duke ua shkatërruar makineritë luftarake në drejtim të Kupianskut.

Videoja dyminutëshe shfaq pamjet nga ajri ku shihen autoblindat ruse të përfshira nga zjarri – derisa në disa tjera dilte tym i zi që ngritej në qiell.

Në njoftimin e ushtrisë ukrainase thuhet se dy tanke, dy autoblinda dhe shumë mjete tjera janë shkatërruar plotësisht, derisa tjerat pjesërisht derisa u tërhoqën. /Telegrafi/

Videos from Ukraine’s 77th Airmobile Brigade (and National Guard’s Bureviy Brigade) and 92nd Assault Brigade’s Achilles Battalion showing strikes on large-scale Russian armored assaults on the Kupiansk front.https://t.co/hksRiZU9nLhttps://t.co/2KDs4EgO43 pic.twitter.com/usvVKfJuVz

— Rob Lee (@RALee85) September 27, 2024

The post Me 50 makineri të ndryshme luftarake ia kishin mësyrë pozicioneve ukrainase, rusët pendohen rëndë – shumë prej tyre përfundojnë të shkatërruara appeared first on Telegrafi.

Shtatëmbëdhjetë persona janë vrarë nga të shtënat masive në një qytet të largët të Afrikës së Jugut, ku po punohet për gjetjen e autorëve, thotë policia.

Dy shtëpi në qytetin e Lusikisiki në Kepin Lindor u shënjestruan, tha policia, me 12 gra dhe një burrë të vrarë në një vend, dhe tre gra dhe një burrë në një vendndodhje të dytë.

Viktima e 18-të është në gjendje kritike në spital, tha njoftoi  policia e Afrikës së Jugut. Ministri i Brendshëm, Senzo Mchunu, pritet të vizitojë zonën ku ndodhi sulmi, transmeton Telegrafi.

Mediat e Afrikës së Jugut po raportojnë se viktimat ishin të afërm dhe fqinjë në fshatin Nyathi, Ngobozana në Lusikisiki.

Ata thanë se grupi ishte mbledhur në shtëpi për t’u përgatitur për të marrë pjesë në një ceremoni tradicionale zie për një nënë dhe vajzë, që u vranë një vit më parë.

Sipas raportimeve të mediave, viktimat kishin paketuar mallra dhe dhurata, përfshirë mobile, për ngjarjen kur ndodhi sulmi të premten në mbrëmje. /Telegrafi/

The post Shtatëmbëdhjetë të vrarë nga të shtënat masive në Afrikën e Jugut, policia në kërkim të autorëve appeared first on Telegrafi.

Të paktën 45 persona kanë vdekur dhe miliona kanë mbetur pa energji elektrike pasi uragani Helene u përhap në juglindje të SHBA.

Zyrtarët vazhduan shpëtimin me varka, helikopterë dhe automjete të mëdha për të ndihmuar të bllokuarit në ujërat e përmbytjeve – duke përfshirë rreth 50 punëtorë dhe pacientë që u grumbulluan në çatinë e një spitali të përmbytur në Tenesi.

Ishte stuhia më e fuqishme në rekord që goditi Big Bend të Floridës dhe u zhvendos në veri në Gjeorgji dhe Karolina pasi arriti në tokë gjatë natës të së enjtes.

Siguruesit dhe institucionet financiare thonë se dëmi i shkaktuar nga stuhia mund të arrijë në miliarda dollarë, transmeton Telegrafi.

Rrugët dhe shtëpitë u përmbytën të premten, me një familje që përshkruante për BBC News se si duhej të dilnin me not nga shtëpia e tyre për të mbetur gjallë.

Edhe pse Helene është dobësuar ndjeshëm, sinoptikanët paralajmërojnë se erërat e forta, përmbytjet dhe kërcënimi i tornadove mund të vazhdojnë.

Helene, e cila kishte qenë një stuhi e kategorisë katër, doli në breg të enjten mbrëma dhe mbeti një uragan për gjashtë orë pasi arriti në tokë, sipas Agjencisë Federale të Menaxhimit të Emergjencave (FEMA).

Qendra Kombëtare e Uraganeve (NHC) tha se një stuhi – rritja e nivelit të ujit të shkaktuar kryesisht nga erërat e forta që fryjnë ujë drejt bregut – arriti më shumë se 4.5 metra mbi nivelin e tokës nëpër pjesë të bregut të Floridës.

NHC tha se rritja duhet të ulet përpara fundjavës, por kërcënimi nga erërat e forta dhe përmbytjet do të vazhdojë, duke përfshirë rrëshqitje të mundshme dheu. /Telegrafi/

The post Të paktën 45 të vdekur nga uragani Helene që goditi pjesën juglindore të SHBA appeared first on Telegrafi.

Lideri suprem i Iranit, Ayatollah Ali Khamenei ka thënë se Libani do ta bëjë Izraelin “të pendohet për veprimet e saj”.

“Fati i këtij rajoni do të përcaktohet nga forcat e rezistencës – me Hezbollahun në krye të saj”, shtoi ai, transmeton Telegrafi.

“Forcat e rezistencës” me gjasë ai i referohet Rezistencës së Axisit, një koalicion me grupet e mbështetura nga Irani, përfshirë Hamasin, Hezbollahun dhe Houthi e Jemenit.

“Banda terroriste që sundon regjimin sionist nuk mësoi nga lufta e tyre kriminale njëvjeçare në Gaza dhe nuk arriti të kuptonte se vrasja masive e grave, fëmijëve dhe civilëve nuk mund të ndikojë në ndërtimin e fortë të organizatës së rezistencës dhe ta shkatërrojë atë”, shtoi ai.

“Tani ata po provojnë të njëjtën politikë marrëzie në Liban”, theksoi lideri iranian

Ai tha se Izraeli ishte “shumë i vogël” për t’i shkaktuar dëme të konsiderueshme Hezbollahut, pavarësisht se Izraeli pretendonte se kishte vrarë liderin e grupit.

“Të gjitha forcat e rezistencës të rajonit janë me Hezbollahun dhe e mbështesin atë”, tha për fund Khamenei. /Telegrafi/

The post Kërcënon lideri iranian: Izraeli do të pendohet që sulmoi Libanin appeared first on Telegrafi.

Ushtria izraelite thotë se lideri i Hezbollahut, Hassan Nasrallah është vrarë. Forcat e saj ajrore goditën dje selinë qendrore të Hezbollahut, për të cilën IDF tha se ndodhej nën tokë nën një ndërtesë banimi në një periferi jugore të Bejrutit.

IDF shtoi se vrau gjithashtu Ali Karaki, komandantin e frontit jugor të Hezbollahut, transmeton Telegrafi.

Sekretari i Përgjithshëm konsiderohet nga shumë njerëz si individi i vetëm më i fuqishëm në Liban, me rreth 100,000 luftëtarë në dispozicion.

Anëtarët e fraksionit politik dhe ushtarak shiit janë gjithashtu deputetë në parlament.

Ju sjellim një vështrim të Hassan Nasrallah dhe se si ai erdhi për të udhëhequr grupin.

Nasrallah lindi në Bejrut në vitin 1960 në një familje të varfër shiite në periferinë e varfër të Bejrutit, Sharshabouk.

Pasi u zhvendos në Libanin jugor, ai studioi teologji, i përshkruar si një student i devotshëm dhe i motivuar i Islamit.

Ai iu bashkua Hezbollahut në vitin 1982, vitin kur u formua, pas përfshirjes së tij në lëvizjen Amal, një organizatë politike dhe paraushtarake.

Pasi u ngrit në radhët e saj, 64-vjeçari udhëhoqi Hezbollahun në konfliktet me Izraelin dhe mori pjesë në konfliktin në Sirinë fqinje.

Nën udhëheqjen e tij, grupi u shndërrua në një fuqi rajonale ushtarake dhe politike.

Nasrallah e çimentoi Hezbollahun si një armik të madh të Izraelit, duke kërkuar aleanca më të thella me udhëheqësit fetarë shiitë në Iran dhe grupet militante palestineze si Hamasi.

Ai mban titullin Sayyed, një nderim që synon të nënkuptojë prejardhjen e klerikut shiit që daton nga profeti Muhamed.

Nasrallah ka pasues të panumërt në të gjithë botën arabe dhe islame, por ai shihet si një ekstremist në pjesën më të madhe të Perëndimit. /Telegrafi/

The post Ushtria izraelite thotë se ka vrarë liderin e Hezbollahut, por kush është Hassan Nasrallah? appeared first on Telegrafi.

Forcat  ruse kanë kryer një sulm ajrore mbi një spital në qytetin Sumy të Ukrainës, duke përdorur edhe dronët iranian Shahed.

Sipas administratës ushtarake të rajonit Summy dhe forcave ukrainase ajrore e ministrit të Brendshëm Ihor Klymenko, rusët goditën spitalin jo një herë – por dy.

Trupat e Putinit shënjestruan edhe zonat e banuara me civilë – duke mos kursyer askënd, transmeton Telegrafi.

Si pasojë e këtij sulmi të dyfishtë kanë humbur jetën gjashtë persona, kurse dëmet materiale mbi spital dhe zonën përreth janë shumë të mëdha.

Kjo nuk është hera e parë që ushtarët rusë godasin spitalet ukrainase, që kryesisht trajton civilët e plagosur nga bombat e trupave të Vladimir Putinit. /Telegrafi/

The post Forcat ruse godasin dy herë me dronë spitalin në Sumy, humbin jetën gjashtë persona appeared first on Telegrafi.

Një prezantues i motit i televizionit amerikan Fox ndërpreu raportimin e tij të drejtpërdrejtë për uraganin Helene, për të shpëtuar një grua që kishte mbetur e bllokuar brenda veturës së saj që ishte mbushur me ujë nga përmbytjet.

Meteorologu i Fox Weather, Bob Van Dielln u filmuar duke e bartur në shpinë gruan që po bërtiste për ndihmë, pasi kishte ngecur me veturë në ujë në Peachtree Creek të Atlanta, Georgia, transmeton Telegrafi.

Ai dëgjohet duke tentuar ta qetësojë shoferen e kapluar nga paniku dhe më pas ndërpret raportimin direkt, duke thënë se “do të shkoj të shoh nëse mund ta ndihmojë paksa këtë grua”.

Pasi rikthehet me të duke e bartur në shpinë, ai i drejtohet sërish kamerës – duke ia bërë me dije kolegëve në studio se është rikthyer.

Ky veprim i tij u duartrokit nga të gjithë kolegët e tij e në veçanti nga bashkëshorti i gruas që më pas i afrohet për ta falënderuar. /Telegrafi/

The post Prezantuesi i Fox News ndërpret transmetimin e drejtpërdrejtë, për ta shpëtuar gruan që kishte ngecur brenda veturës për shkak të përmbytjeve appeared first on Telegrafi.

Finlanda do të vendosë një bazë kyçe të NATO-s më pak se 200 kilometra nga kufiri i saj me Rusinë, “duke i dërguar një mesazh” fqinjit të saj lindor, tha të premten ministria e Mbrojtjes.

Finlanda u bë anëtare e NATO-s vitin e kaluar, duke hequr dorë nga mos-angazhimi ushtarak për dekada pas pushtimit rus të Ukrainës në shkurt 2022, transmeton  Telegrafi.

Ministri i Mbrojtjes, Antti Hakkanen tha se selia e re e NATO-s për njësinë e komandës tokësore të Evropës Veriore do të jetë në Mikkeli, një nga qytetet më të afërta me kufirin 1,340 kilometra të Finlandës me Rusinë.

“Finlanda po i dërgon një mesazh Rusisë se ne jemi një anëtare e plotë e NATO-s dhe se NATO ka një rol shumë të fortë edhe në mbrojtjen e Finlandës”, tha Hakkanen në një konferencë për shtyp.

Komanda e ushtrisë së forcave finlandeze të mbrojtjes është tashmë e vendosur në vendin e bazës së ardhshme.

“Duke kombinuar vendndodhjet, ne arrijmë sinergjinë më të mirë të mundshme midis menaxhimit të mbrojtjes kombëtare dhe menaxhimit të mbrojtjes së NATO-s”, tha Hakkanen.

Komanda e Komponentit Tokësor të Multi Korpusit të aleancës ushtarake do të operojë nën komandën e Norfolk të NATO-s në Shtetet e Bashkuara, e cila mbikëqyr rajonet e Atlantikut dhe Arktikut.

Hakkanen tha se selia do të përbëhet nga disa dhjetëra njerëz nga vende të ndryshme të NATO-s.

Në qershor, ministrat e Mbrojtjes të NATO-s i dhanë dritën e gjelbër Finlandës që të presë Komandën e Komponentit Tokësor të Multi Korpusit si dhe Forcat Tokësore (FLF). /Telegrafi/

The post Finlanda do të vendosë bazën e NATO-s pranë kufirit me Rusinë appeared first on Telegrafi.

Kryetari i bashkisë së qytetit të New Yorkut, Eric Adams, do të paditet në një gjykatë federale sot për t’u përballur me pesë akuza për vepra penale, duke përfshirë ryshfet dhe kërkimin e donacioneve të paligjshme të fushatës.

Një aktakuzë e zbuluar të enjten pretendon se Adams ka kërkuar dhe pranuar fonde të paligjshme të fushatës dhe mbi 100,000 dollarë në përfitime udhëtimesh luksoze nga biznesmenët turq dhe një zyrtar që kërkon të fitojë ndikimin e tij.

64 vjeçari, është një ish-oficer policie, i cili u zgjodh për të udhëhequr qytetin më të populluar amerikan gati tre vjet më parë, me një premtim se do të ishte i ashpër ndaj krimit.

Kryetari i bashkisë ka mohuar çdo keqbërje dhe ka hedhur poshtë thirrjet në rritje për dorëheqjen e tij, transmeton Telegrafi.

Gjykimi i Adams, në të cilin ai do të informohet zyrtarisht për akuzat dhe do t’i kërkohet të pranojë fajësinë, do të bëhet sot përpara gjykatëses Katherine Parker.

“U kërkoj njujorkezëve të presin të dëgjojnë mbrojtjen tonë përpara se të bëjnë ndonjë gjykim”, tha Adams në një konferencë për shtyp të enjten.

“Unë ndjek rregullat, unë ndjek ligjin federal, nuk bëj asgjë që do të marrë pjesë në aktivitete të paligjshme të fushatës”, shtoi ai.

Konferenca për shtyp ndërpritej rregullisht nga banorët e Nju Jorkut, të cilët e quanin Adams një “turp” për qytetin dhe kërkuan “drejtësi”.

Nëse shpallet fajtor, kryebashkiaku mund të përballet me 45 vjet burg. /Telegrafi/

The post Kryebashkiaku i New Yorkut akuzohet për marrje ryshfeti dhe fonde të paligjshme për fushatën appeared first on Telegrafi.

Forcat ukrainase raportohet se kanë filluar me përdorimin e dronëve Vampire, që bëjnë transportimin e qenve robotë në vijën e parë të frontit.

Pamje të ndryshme që qarkullojnë në rrjetet sociale, pretendohet se shfaqin dronët si dhe qentë robotë që përdoren në vijën e parë të frontit, transmeton Telegrafi.

Kyiv Post nuk ka mundur në mënyrë të pavarur të verifikojë pamjet, ku shihet droni duke zbritur në tokë qenin rob – të cilin më pas e ngrit sërish në ajër.

Duke folur në mënyrë anonime për Kyiv Post, një epror ukrainas tha se dronët janë dizajnuar për transportim të armëve në fushëbetejë që mund të ndjejnë mungesën e municionit dhe armëve.

“Dronët hedhin robotët drejt në istikam që mund t’i përdorin forcat tona”, shtoi eprori ukrainas, që theksoi se teknologjia e demonstruar në video mund të revolucionarizojë zbritjet në tokë të mjeteve të ndryshme nga ajri.

Dronët janë të pajisur me kamera dhe motor që nuk bëjnë pothuajse aspak zhurmë – kurse qentë robotë transmetojnë video dhe audio të ndryshme në kohë reale.

Raportohet se këta robotë kanë alarmuar ushtarët rusë që në disa raste i kanë hasur në fushëbetejë.

Yevhen Alkhimov nga zyra për informim e Brigadës së 28-të e ushtrisë ukrainase, tha se qentë robotë nuk bëjnë zhurmë gjatë punës, humbin sinjalin kur futen nën tokë.

Por ata mund të dërgohen nëpër istikame dhe bodrume – ku nga distanca aktivizohet më pas eksplozivi që bartë. /Telegrafi/

Somewhere in Ukraine: Delivery of a robotic dog to the front lines by a heavy “Vampire” drone.

Source: ukrbavovna via Telegram. pic.twitter.com/3br0xN1Brd

— UNITED24 Media (@United24media) September 23, 2024

The post Si po i përdorin ukrainasit dronët Vampire për të transportuar qentë robotë në vijën e frontit? appeared first on Telegrafi.

Kryeministri sllovak Robert Fico ka pranuar një zarf që përmbante një plumb.

“Mund të konfirmojnë se zarfi përmbante një plumb, që është dërguar në adresën e kryeministrit të Sllovakisë”, u tha nga zyra për informim e kryeministrit sllovak, transmeton Telegrafi.

Zarfi aktualisht po ekzaminohet nga stafi i zyrës sllovake për mbrojtjen e zyrtarëve publikë dhe misioneve diplomatike.

Në maj, Fico ishte qëlluar në qytetin Handlova, pasi një takimi që pati me zyrtarë të kabinetit të tij.

Dëshmitarët në vendin e ngjarjes thanë se Ficos iu afruan disa persona që e përshëndesnin – dhe ishte ai momenti kur disa të shtëna armësh u dëgjuan. Kryeministri përfundoi i rrëzuar në tokë.

Ai ishte plagosur në gjoks dhe abdomen, kurse gjendja e tij shëndetësore ishte e rëndë për javë të tëra.

Tentimvrasja ishte kryer nga 71-vjeçari Juraj Cintula që mund të ketë lidhje me grupin paramilitar pro-rus Slovenski Branci. /Telegrafi/

The post Pas tentimvrasjes në maj, kryeministri sllovak tani merr një zarf me plumb brenda appeared first on Telegrafi.

Forcat Ajrore të Ukrainës kanë kryer stërvitjet që përfshinin sistemin e mbrojtjes kundërajrore Skynex, që u është dhënë ukrainasve nga Gjermania.

Stërvitjet përfshin objektiva të ndryshme, kurse në videon e publikuar më poshtë shihet sistemi duke u mbushur, shënjesteruar dhe gjuajtur në drejtim të objektivit, transmeton Telegrafi.

Sistemi i mbrojtjes kundërajrore Skynex është zhvilluar nga kompania gjermane Rheinmetall, që u prezantua për herë të parë në vitin 2021.

Sistemi ka katër mitraloza 35 mm, qendrën komanduese, sistemin e radarit që detekton dhe shënjestron objektivat në ajër.

Në fund të majit të këtij viti, qeveria gjermane njoftoi dërgimin e një ndihme tjetër ushtarake në Ukrainë.

Në këtë paketë përfshihej sistemi i mbrojtjes kundërajrore Skynex, që po konsiderohet si armë e fuqishme për dronë dhe aeroplanët rusë që vazhdimisht sulmojnë qytetet ukrainase. /Telegrafi/

The post Forcat Ajrore të Ukrainës me video të sistemit të mbrojtjes kundërajrore Skynex që iu dha nga Gjermania appeared first on Telegrafi.