66 kilogramë marijuanë janë sekuestruar nga Policia Kufitare e Malit të Zi në fshatin Sukobin të Ulqinit.

Dy persona ishin duke transportuar lëndën narkotike nga Shqipëria drejt Malit të Zi.

Sapo kanë vën re shërbimet e policisë kanë braktisur çantat e mbushura me marijuanë.

Dy personat ende të paidentifikuar kanë arritur t’i shpëtojnë policisë duke u rikthyer në territorin shqiptar.

Pas informacionit se në këtë fshat të Ulqinit në afërsi të kufirit po trafikohej drogë menjëherë uniformat blu kanë ndërhyrë.

Gjatë kontrollit të ushtruar në zonë shërbimet e policisë kanë gjetur 3 çanta me 119 pako me marijuanë me peshë rreth 66 kg.

Autoritetet policore të Shqipërisë janë në kërkim të dy trafikantëve të cilët arritën të arratiseshin.

LEXONI GJITHASHTU:

• Kapet 1 ton lëndë narkotike në Kosovë, aksioni më i madh antidrogë që nga paslufta
• Cilat janë zonat e Tiranës ku shitet më shumë drogë

The post Kapen 66 kg marijuanë në Malin e Zi, droga transportohej nga Shqipëria appeared first on Euronews Albania.