Aktori Keanu Reeves bëri debutimin e tij profesional dje në ‘Indianapolis Motor Speedëay’ në Indiana, por për shkak të pakujdesisë në një moment humbi kontrollin e mjetit.

Siç shkruan Mirror.uk, gjatë vozitjes, aktori ka rënë nga pista në bar dhe mezi ka shmangur një përplasje me një shofer tjetër.

Kjo ndodhi në xhiron e nëntë të garës dhe aktori 60-vjeçar arriti të rikthehej në pistë pas kësaj.

Keanu Reeves spins out, nearly crashes during pro auto racing debut at Indianapolis Motor Speedway https://t.co/GpfdfN4kAE pic.twitter.com/Hr39hqI1HS

— Page Six (@PageSix) October 5, 2024

Në gjysmë të garës dramatike të së shtunës, Reeves e gjeti veten në një moment pikëllues, por arriti ta përfundonte garën i padëmtuar. Pasi rifitoi kontrollin pas aksidentit, ai u kthye në aksion.

“Mendoj se të jesh kaq afër, thjesht të shohësh shpejtësinë dhe mënyrën se si makinat hyjnë dhe dalin nga kthesat është e mahnitshme”, tregoi Reeves pas garës.

Ai zuri vendin e 31-të dhe më pas tregoi shpirtin e tij konkurrues dhe përfundoi në vendin e 25-të. Edhe pse ka pësuar një aksident, ai nuk do të dorëzohet pasi aktualisht po përgatitet për një tjetër garë.

Rastësisht, së fundmi tërhoqi vëmendjen duke u paraqitur në eventin e ‘MotoGP Liqui Moly Motorrad Grand Prix’ në Gjermani ku ishte me të dashurën e tij Alexandra Grant, dhe më parë është parë në kualifikimet e Formula 1 në Britaninë e Madhe.

Ylli i famshëm është adhurues i mjeteve me adrenalinë, madje ka kompaninë e tij të prodhimit të motoçikletave të quajtur ARCH. /Telegrafi/

The post Keanu Reeves humbi kontrollin e automjetit në një garë profesionale në Indiana appeared first on Telegrafi.