“Partia e Lirisë” e ekstremit të djathtë në Austrisë po shkon drejt një fitoreje të paprecedentë në zgjedhjet e përgjithshme nën udhëheqësin Herbert Kickl. Projeksionet, bazuar në rezultatet fillestare, i japin partisë së Kickl 29.2%, pothuajse 3 pikë më shumë se Partia Popullore konservatore me 26.3%, por ende shumë larg shumicës për krijimin e qeverisë.

“Partia e Lirisë” (FPÖ) ka qenë në koalicion më parë, por Partia Popullore konservatore e vendit të dytë ka refuzuar të marrë pjesë në një qeveri të udhëhequr nga ata. Rivali kryesor i Kickl, kancelari aktual Karl Nehammer i Partisë Popullore (ÖVP), ka thënë se është “e pamundur të formohet një qeveri me dikë që adhuron teoritë e konspiracionit”.

Rreth 6.3 milionë austriakë kishin të drejtë të votonin në një garë të dominuar nga çështjet e migrimit dhe azilit si dhe nga inflacioni dhe lufta në Ukrainë. Sekretari i përgjithshëm i Partisë së Lirisë, Michael Schnedlitz u shpreh i kënaqur me parashikimet fillestare, duke deklaruar se “burrat dhe gratë e Austrisë kanë bërë histori sot”.

Ai refuzoi të thoshte se çfarë lloj koalicioni do të përpiqej të ndërtonte partia e tij. Ata janë në rrugën e duhur për të siguruar rreth 57 vende në parlamentin me 183 vende, me konservatorët në 51 ulëse dhe socialdemokratët me 40 mandate.

Lideri i zjarrtë i Partisë së Lirisë, Herbert Kickl, u ka premtuar austriakëve se do të ndërtojnë “Fortesën e Austrisë”, për të rivendosur sigurinë, prosperitetin dhe paqen e tyre. Ai ka folur gjithashtu për t’u bërë Volkskanzler (kancelar i popullit) që për disa austriakë mbart jehonën e termit për të përshkruar Adolf Hitlerin në Gjermaninë naziste.

Formimi i një koalicioni ka të ngjarë të jetë i ndërlikuar për Herbert Kickl, i cili është një figurë përçarëse. Social Demokratët, Të Gjelbrit dhe Neos kanë përjashtuar të gjithë një partneritet me të djathtën ekstreme. I vetmi koalicion i mundshëm që partia e Kickl mund të krijojë është me konservatorët, megjithëse Partia e Lirisë do të duhet të gjejë një zgjidhje për refuzimin e Partisë Popullore për të pasur Kickl si kancelar.

Kur Partia e Lirisë e Geert Wilders fitoi zgjedhjet në Holandë nëntorin e kaluar, ai hoqi dorë nga dëshira e tij për t’u bërë kryeministër në mënyrë që tre parti të tjera të binin dakord për të formuar një koalicion. Megjithatë, Kickl dëshiron të bëhet kancelar, duke u premtuar austriakëve se do të veprojë si “shërbëtor dhe mbrojtës” i tyre.

Analisti politik Thomas Hofer tha për BBC se nuk ishte aspak e qartë se presidenti austriak Alexander Van der Bellen, i cili mbikëqyr formimin e qeverisë, do t’i jepte Kickl një “mandat të drejtpërdrejtë për të formuar një koalicion”. Van der Bellen ka shprehur rezerva në të kaluarën për FPÖ për shkak të kritikave të saj ndaj BE-së dhe refuzimit të saj për të dënuar pushtimin e Rusisë në Ukrainë. Kjo parti kundërshton sanksionet e BE-së ndaj Moskës, duke përmendur neutralitetin e Austrisë.

Fitorja e Kickl është suksesi i radhës për partitë radikale të krahut të djathtë në Evropë. Giorgia Meloni e Italisë kryeson një koalicion të krahut të djathtë ndërsa AfD e Gjermanisë kryesoi sondazhet në shtetin lindor të Turingisë muajin e kaluar. Ndryshe nga Kickl, kryeministrja e Italisë i ka dhënë mbështetjen e saj të plotë për mbrojtjen e Ukrainës përballë pushtimit në shkallë të plotë të Rusisë.

Kickl gjithashtu ka shfrytëzuar frikën për imigracionin në Austri dhe zemërimin për trajtimin e pandemisë së Covid nga qeveria, duke përqafuar teoritë e konspiracionit rreth trajtimeve të paqarta për virusin. ©LAPSI.al

LEXO EDHE: Profil në “The Guardian”: Kush është fytyra e vërtetë e Giorgia Meloni

The post Ku po shkon Europa? E djathta ekstreme, drejt fitores së zgjedhjeve në Austri appeared first on Lapsi.al.

Austriakët po votojnë të dielën për një parlament të ri, ku Partia e Lirisë e ekstremit të djathtë (FPO) po synon të sigurojë fitoren e saj të parë në zgjedhjet e përgjithshme, gjë që do të shkaktonte mosmarrëveshje brenda Bashkimit Evropian për luftën në Ukrainë.

FPO ka kryesuar sondazhet për muaj të tërë, por epërsia e saj ndaj Partisë Popullore Austriake (OVP) konservatore të kancelarit Karl Nehammer, pothuajse është zhdukur në një fushatë ku kanë mbizotëruar shqetësimet e votuesve mbi ekonominë dhe emigracionin.

Cilado forcë politike që të fitojë nuk do të ketë një shumicë absolute, sipas sondazheve, por do të kërkojë të drejtën për të drejtuar një qeveri koalicioni.

Qendrat e votimit u hapën në mëngjes dhe parashikimet e para për fituesin priten disa minuta pas mbylljes së qendrave të votimit në orën 17:00.

“Gjëja më e rëndësishme është nëse do të jetë FPO-ja që do të ketë të drejtën të emërojë kancelarin apo jo. Nëse ndodh një gjë e tillë, atëherë duhet të them se roli i Austrisë në Bashkimin Evropian do të ndryshojë thellësisht. (Kreu i FPO-së Herbert) Kickl ka thënë shpesh se (kryeministri hungarez) Viktor Orban është model për të”, thotë Kathrin Stainer-Haemmerle, profesore e shkencave politike në Universitetin e Shkencave të Aplikuara në Carinthia.

Kancelari Nehammer e ka paraqitur veten si një burrë shteti dhe e përshkruan rivalin e tij, udhëheqësin e FPO-së, Herbert Kickl, si një kërcënim toksik.

Zoti Kickl e ka quajtur veten një mbrojtës të neutralitetit austriak dhe ka thënë se do të pastrojë vendin pas viteve të dështimeve në qeverisje.

Një fitore e FPO-së do ta bënte Austrinë vendin më të fundit të BE-së që shënon mbështetje në rritje të së djathtës ekstreme, pas forcimit të kësaj prirjeje në vende si Holanda, Franca dhe Gjermania.

FPO euroskeptike, e cila është kritike ndaj fesë Islame dhe ka premtuar rregulla më të ashpra për azilkërkuesit, fitoi një votë kombëtare për herë të parë në qershor, kur mundi OVP-në me më pak se një për qind në zgjedhjet evropiane.

OVP, e cila ashtu si FPO mbështet rregulla më të ashpra të imigracionit dhe ulje taksash, është e vetmja parti e hapur për të formuar një koalicion me partinë e ekstremit të djathtë. Megjithatë Kancelari Nehammer thotë se partia e tij nuk do të formojë një qeveri me FPO-në nëse zoti Kickl është pjesë e saj.

 

LEXONI GJITHASHTU:

• Austria në zgjedhje, ekstremistët e djathtë pritet të sigurojnë fitore historike
• Austria përgatitet për reshje të mëdha e rrëshqitje dheu

The post Austri, e djathta ekstreme synon fitoren në zgjedhjet parlamentare appeared first on Euronews Albania.

Partia e Lirisë së ekstremit të djathtë të Austrisë po shkon drejt një fitoreje të paprecedentë në zgjedhjet e përgjithshme nën udhëheqësin Herbert Kickl, thonë parashikimet. Projeksionet, bazuar në rezultatet fillestare, i japin partisë së Kickl 29.1%, pothuajse tre pikë përpara Partisë Popullore konservatore me 26.2%, por shumë larg shumicës. Partia e Lirisë (FPÖ) ka