Hetuesit kanë kontrolluar Gracie Mansion, rezidencën zyrtare të kryebashkiakut të Nju Jorkut, Eric Adams, disa orë përpara se prokurorët të priten të zbulojnë detajet e aktakuzës.

Adams, i zgjedhur tre vjet më parë, dhe një varg zyrtarësh të lartë rreth tij janë përballur me një kontroll në rritje si pjesë e hetimeve të shumta federale të korrupsionit, duke përfshirë nëse fushata e tij ka marrë donacione të huaja të paligjshme nga Turqia.

Kryebashkiaku, i cili është zotuar se do të luftojë akuzat dhe do të qëndrojë në detyrë, do të dalë gjithashtu në gjykatë së shpejti.

Avokati i Adams, Alex Spiro i tha BBC këtë mëngjes se agjentët federalë kontrolluan rezidencën e tij zyrtare në Gracie Mansion dhe sekuestruan telefonin e tij.

Spiro tha se një duzinë agjentësh erdhën për të marrë telefonin.

Adams “nuk është arrestuar dhe mezi pret ditën e daljes së tij në gjykatë”, shtoi ai.

Eric Adams u bë kryetari i bashkisë së qytetit të Nju Jorkut pas zgjedhjeve në vitin 2021.

Para se të bëhej zyrtari më i lartë lokal në qytetin më të populluar të Amerikës, ai kaloi mbi dy dekada duke punuar për Departamentin e Policisë së qytetit të Nju Jorkut.

LEXONI GJITHASHTU:

• VIDEO| Kryebashkiaku i Nju Jorkut uron Pavarësinë e Shqipërisë: Gëzuar shqiptarë
• Paditet kryebashkiaku i New York, akuzohet për lidhje të dyshimta me biznesmenë turq

The post FBI bastis shtëpinë e kryebashkiakut të New Yorkut, Eric Adams appeared first on Euronews Albania.