Në Përrenjas është organizuar për të dytin vit radhazi panairi “Agroturistik-Kulturor nga toka në tryezë”, ku u bënë bashkë blegtorë, fermerë e artizanë për të promovuar prodhimet bio, por edhe punimet e dorës ku kostumet e Rrajcës përbënin kryefjalën.

Fermerët e blegtorët theksuan se prodhimet janë bio dhe kjo i bën qytetarët tepër të interesuar.

“Ne kemi produktin e mjaltit, propolisin dhe qumështin e bletës. Këtë lloj kullote e kemi në malin e Dardhës në Skënderbej lart në katund, është një kullotë që ka një llojshmëri lulesh dhe është mjalt bio. Këtu pëlqehet shumë mjalti që kam unë në kullotat e mia e kam të shitur”, tha një fermer.

Risia e këtij viti ishte pjesëmarrja e nxënësve me punime të ndryshme. Synimi është që ky panair të kthehet në traditë.

“Për sa i përket artit ne kemi një brez që e vlerësojnë e krijojnë dhe e duan artin, pra veprat e tyre flasin vetë, pra kanë përdorur kolorite”, shprehet një grua.

Një ndër arsyet e këtij organizimi është edhe promovimi i vlerave dhe traditave kulturore të bashkisë Përrenjas, me potenciale dhe pasuri të shumta.

LEXONI GJITHASHTU:

• Panairi i ëmbëlsirave në Maliq, qëllimi është ruajtja e traditës së produkteve bio
• Panairi kombëtar i artizanëve, mblidhen në Gjirokastër mjeshtërit e traditës

The post “Nga toka në tryezë”, panairi agroturistik-kulturor në Përrenjas me produkte bio appeared first on Euronews Albania.

Gratë kosovare po tregojnë sukses edhe në fushën e biznesit.

Në një panair që po mbahet në Prishtinë, e që do të zgjasë jo më pak se 11 ditë, po marrin pjesë gra nga Kosova, ndërkaq panairi është i organizuar nga Unioni i Bizneseve, bashkë me organizatën CDF.

E për panairin në fjalë, mënyrën e realizimit, çka do të përmbajë e cili është qëllimi kryesor ka folur edhe kryetari i kësaj shoqate për degën në Kosovë, Shkelzen Jusaj.

The post Gra të jashtëzakonshme edhe në biznes – Panairi i zhvilluar në Prishtinë, i organizuar nga Unioni i Bizneseve dhe CDF appeared first on Telegrafi.