image26071976342839.jpg

Gjobat politike, falen 4069 masanga 1 marsi deri 31 gusht 2013

image36582305193990.jpg TIRANË – Qeveria është e vendosur t’i përmbahet premtimit të saj elektoral duke falur 4069 gjoba të vendosura gjatë periudhës 1 mars -31 gusht 2013, nga Administrata Tatimore. Për këtë projektligj dy ministri të linjës, ajo e Financave dhe e Zhvillimit Ekonomik, kanë çuar në komisionet kuvendore dhe kanë mbrojtur propozimin, i cili synon faljen pa dallim të gjobave ndaj bizneseve gjatë periudhës elektorale. Sipas Zv.ministrit të Financave, Ervin Mete, shifra e gjobave që falen kap vlerën e 3.3 mld lekëve, ndërsa do të rimbursohen edhe 500 milionë lekë gjoba të parapaguara nga bizneset. Ndërsa zv/ministrja e Zhvillimit Ekonomik, Brunilda Paskali, e cilësoi këtë si përpjekje për të përmirësuar klimën ndaj biznesit. Por opozita e ka cilësuar si demagogji përpjekjen e qeverisë për faljen e gjobave, duke theksuar se për këtë veprim nuk ka një studim të qartë. Në fund Komisioni i Ekonomisë e ka votuar nen për nen pr/ligjin vetëm me votat e maxhorancës, pas largimit të opozitës. Pr/ligji u bë publik nga kryeministri Edi Rama disa javë më pare, gjatë një bashkëbisedimi me biznesin dhe u miratua në mbledhjen e qeverisë në fillim të këtij muaji. Redaksia online (e.s/ac/shqiptarja.com) TAG: ervin mete ministria e financave gjobat tatimore

image31099592465677.jpg

BB: Në vitet 2005-2010 shqiptarëtjanë varfëruar edhe më shumë

Ndërsa ish-kryeministri Sali Berisha trumbeton me të madhe se gjatë kohës që ai ishte në pushtet shqiptarët kanë qënë më të pasur dhe ekonomia shqiptare ishte e qëndrueshme, raporti i fundit i Bankës Botërore e hedh poshtë.

BB-ja thotë se përgjatë periudhës 2005-2010 shqiptarët janë varfëruar edhe më shumë. Sipas Bankës familjet shqiptare, ato që përbëjnë pjesën më të varfër të vendit, nuk kanë përfituar nga rritja ekonomike, por përkundrazi prej një kohe të gjatë janë përballur më rënien e të ardhurave.

Shifrat e publikuara nga BB-ja e renditin Shqipërinë si një nga vendet e pakta në Europë dhe Azi, ku shtresa më e varfër e popullsisë, gati gjysma e saj, po bëhet edhe më e varfër, ndërsa pjesa tjetër vazhdon të rrisë mirëqenien.  Banka Botërore thotë se gjatë kësaj periudhe ka qënë shumë e vështirë për të gjetur një vend pune. Sipas raportit, numri i të rinjve, që kryejnë arsimin e lartë, me prejardhje nga 40 përqindëshi i familjeve më të varfra është 2,5 herë më i ulët, se sa ai i 60 përqindëshit tjetër.

Banka Botërore thotë se pas krizës ekonomike, pabarazia dhe përqëndrimi i mirëqenies janë shndërruar në problemet më të mëdha edhe tek ekonomitë më të zhvilluara të globit.

Redaksia online
(ar.sh/shqiptarja.com)
Marrë nga Shekulli

TAG:

raporti

banka boterore

image38529365723443.jpg

Loboi në Kosovë, firma Bechtelpunëson ish-diplomatin e SHBA

TIRANE- Christopher Dell, një diplomat karriere, i emëruar nga Barack Obama për të përfaqësuar SHBA në Prishtinë, është punësuar nga kompania Bechtel Corporation, të cilën e ndihmoi që të fitonte një kontratë për ndërtuar autostradën që lidh Kosovën me Shqipërinë. Dell tani do jetë menaxheri për Afrikën në këtë kompani, disa muaj pasi i dha fund karrierës prej tre dekadash në Departamentin e Shtetit.

Por punësimi i tij në firmën më të madhe të ndërtimeve në Amerikë, do të nxisë një debat në lidhje me projektin e shumëdebatuar, të quajtur edhe Rruga e Kombit. Pieter Feith, një diplomat i lartë i BE në kohën kur u nënshkrua kontrata, e pati kritikuar mënyrën se si diplomati amerikan loboi për të. Madje ai pati bërë thirrje për një hetim. Ai e akuzonte Dell se kishte fshehur informacionet për kontratën me Bechtel, duke theksuar se ka lobuar që Kosova të pranojë një marrëveshje jo të arsyeshme, e cila e vendos në një presion të madh buxhetin e vendit të ri.

Sipas BIRN, është e zakonshme që ambasadorët perëndimorë të lobojnë për interesat e biznesit të kompanive nga vendet e tyre, por është e pazakontë për një diplomat që të marrë një post të rëndësishme në kompani të mëdha pasi ka siguruar për to kontrata fitimprurëse.
Feith, që kishte punuar për vite me radhë bashkë me Dell, thotë se kishte shqetësime të mëdha për kontratën. Por kur ai kërkoi informacion për kontratën, kjo iu refuzua. “Informacioni nuk u dha dhe krejt papritur ne ishim para faktit të kryer që kontrata ishte mbyllur,” tha ai për Guardian. Feith shprehet se këto para duhej të shkonin për të luftuar papunësinë në Kosovë, e cila ishte në nivelin prej 40 përqind.

Andrea Capussela, që në atë kohë ishte kreu i departamentit ekonomik nën varësinë e Feith, thotë se punësimi i Dell në këtë kompani ngre pikëpyetje serioze mbi të gjithë projektin. “Kjo kontratë ishte irracionale për Kosovën dhe ka shkaktuar dëme të konsiderueshme. Departamenti i Shtetit do bënte mirë që të hetonte,” tha ai.
Feith nuk pranoi që të komentonte punësimin e Dell, por tha se është e nevojshme që të ketë një hetim për këtë kontratë, edhe pse nuk e specifikoi se kush duhet ta bëjë këtë hetim. Edhe në Kosovë ndodhi si në Shqipëri.

Oferta fillestare për autostradën ishte 400 milionë euro. Më pas çmimi u rrit në 660 milionë euro për 102 kilometër rrugë. Në fund, i gjithë projektoi kushtoi 820 milionë euro për vetëm 77 kilometër. Sa për krahasim, buxheti i Kosovës në vitin 2012 ishte 1.5 milairdë euro. Autostrada përfundoi vitin që shkoi, ndërkohë që një burim ka konfirmuar se EULEX ka nisur hetimet për marrëveshjen për ndërtimin e saj.
Javën e shkuar, raporton BIRN, edhe qeveria shqiptare deklaroi se do të nisë një hetim për financimin e kësaj rruge. Ish- ministri i Transporteve në Tiranë, Lulzim Basha, ishte liruar nga akuzat për abuzim me detyrën kur çështja u bllokua nga Gjykata e Lartë për arsye teknike. Ai i mohon akuzat.

Marrëveshja me Kosovën u nënshkrua në prill të vitit 2010. Në ceremoni ishte edhe Dell.
Marrëveshja u nënshkrua nga ministri i Transporteve, Fatmir Limaj, që është aktualisht nën hetim për korrupsion. Feith u përplas me Dell edhe për Limajn, pasi ai u vu nën hetim nga zyrtarët e BE në Kosovë. Dell, që kishte pak besim tek hetimi i BE, tentoi që ta hiqte Limajn nga detyra në Kosovë për ta caktuar në një post diplomatik në Nju Jork apo Uashington.

Një zëdhënëse e kompanisë Bechtel tha për BIRN se njohuritë dhe eksperienca e Dell në Afrikë janë një mundësi e mirë për kompaninë. “Siç e dini, një nga detyrat e ambasadorëve amerikanë është që të promovojnë interesat e biznesit amerikan. Chris ka kaluar 30 vite në detyrë si nëpunës publik dhe çdo sugjerim se ai ka vepruar në mënyrë të parregullt është i pandershëm dhe fyes,” tha ajo.

Më herët këtë vit, qeveria e Kosovës i tha Bechtel edhe një tjetër kontratë me vlerë 600 milionë euro për të ndërtuar rrugën me Maqedoninë. Kompania thotë se Dell nuk ka luajtur rol në sigurimin e kësaj kontrate. 

Shkrimi u publikua sot (15.04.2014) në gazetën Shqiptarja.com (print)

Redaksia Online
(d.a/shqiptarja.com) 

TAG:

christopher dell

barack obama

firma bechtel

image28810813075720.jpg

Leskaj kërkon më shumë kompetencaBrace:JO  do të auditosh privatët

Të tjera rreth shkrimit
VIDEO/ Debati per pr/igjin e KLSH-se

TIRANE – Ligji i ri për Kontrollin e Lartë të Shtetit ka sjellë debate dhe polemika në Komisionin Parlamentar të Ekonomisë, në lidhje me kompetencat e shtuara audituese që kërkohen nga ky institucion. Debatet mes kryetarit të Komisionit, deputetit Erjon Braçe dhe kreut të KLSH-së, Bujar Leskaj, kishin në thelb mostejkalimin e kompetencave audituese mbi institucionet shtetërore, jashtë asaj çka parashikon kushtetuta.

Por kreu i KLSH-së, Leskaj, i mbronte propozimet e tij me pretendimin se, këto kompetenca janë te institucionet e vendeve perëndimore ku ekziston Gjykata e Llogarive.

“Në rast se ne kemi 70% zbatimin e masave për drejtuesit e lartë në administratën shtetërore atëherë ky tregues është shumë i ulët. Padyshim që brenda dy viteve do vijë koha që unë do vij tek ju me një projekt për ta kaluar KLSH-në në Gjykatë llogarie.” është shprehur kreu i KLSH-së Bujar Leskaj.

"Ti ke të drejtë të audiosh por në përputhje me ligjin për dokumentat e klasifikuar, në përputhje me ligjin për të drejtën e mbrojtjes së të dhënave personale, me ligjin për procedurat tatimore për Republikën e Shqipërisë, sepse kjo që keni sjëllë ju që kërkoni të shkoni deri tek personat fizikë, subjekte private nuk mund të miratohet." tha deputeti i PS, Braçe.

"Unë nuk kërkoj dhe nuk kam kërkuar asnjëherë të shkoj të auditor tek subjektet private." shtoi Leskaj.

Debatet janë ndalur specifikisht për auditimet mbi procedurat tatimore dhe mbi koncesionet tek privatët, ku për këtë të fundit Komisioni e hodhi poshtë propozimin e Leskajt.
 
"Unë kërkoj të auditoj vlerësimin tatimor që asnjë drejtor i përgjithshëm i tatimeve, asnjë ministër i tatimeve, nuk mund të pengojë KLSH të auditojë procesin e të ardhurave publike. Urdhëro çfarë përgjigje ti them kryetarit të një dege tatimore, drejtori rajonal i vënë tani nga rilindja, dhe ata më përpara njësoj kanë qenë. Në programin e paraqitur, më drejtohet mua si kryetar i KLSH-së, auditim juaj bie në kundërshtim me ligjin: dejtoria rajonale tatimore nuk jep informacione që kanë të bëjnë me tatimpaguesin." tha më tej Leskaj.
 
"Në qoftë se ne do të bëjmë shtetin që të varet thjesht dhe vetëm nga vullneti jot në raport me vartësit e tua, këtu kemi dyshime shumë të mëdha. Se nuk mund të mbetet etika e një institucioni të tërë vetëm tek një njeri." ka replikuar deputeti Braçe.

Prej dy javësh komisionet parlamentar kanë marrë në shqyrtim projektligjin e ri për KLSH-në, ku sipas propozimeve të këtij institucioni kërkohen kompetenca më të zgjeruara për auditimet e institucioneve shtetërore.

Redaksia Online
(e.c/shqiptarja.com)

TAG:

bujar leskaj

debate

klsh

komisioni parlamentar i ekonomise