Mediat izraelite kanë raportuar se Netanyahu po përgatitet të shkarkojë Yoav Gallant nga posti i ministrit të mbrojtjes dhe ta zëvendësojë atë me kryetarin e partisë së Unitetit Kombëtar, Gideon Sa’ar.

Sipas mediave të vendit Netanyahu dhe Gallant besohet se kanë qenë në mosmarrëveshje, ndër të tjera, për një ofensivë në Liban. Gallant është kundër një pushtimi të madh të Libanit për momentin, sipas mediave izraelite.

Zyra e Netanyahut tha se raportet për një zëvendësim janë “të pasakta”, por nuk e përmendën në mënyrë specifike Gallantin. Sa’ar ka hedhur poshtë më parë spekulimet se ai po pranon një marrëveshje për ta rikthyer atë në koalicionin e udhëhequr nga Netanyahu.

Ben-Gvir shkroi në një postim në X se prej muajsh kërkon shkarkimin e Gallantit dhe ka ardhur koha që ta bëjë atë “menjëherë”.

LEXONI GJITHASHTU:

• Irani paralajmëron se do t’i kundërpërgjigjet Izraelit nëse sulmon Libanin
• Izraeli zotohet se do t’i përgjigjet sulmit të rebelëve Huthi

The post Kundërshtoi pushtimin e Libanit, Netanjahu do të shkarkojë ministrin e Mbrojtjes appeared first on Euronews Albania.

Gazetari Lavdrim Lita, ishte këtë të hënë i ftuar në Euronews Albania ku ka folur për zhvillimet e fundit në politikën në vend. Ndër të tjerat ai ka folur edhe për mandatin e Olta Xhaçës, për të cilin socialistët kanë kërkuar konsultim nga Komisioni i Venecias.

Lita tha se nuk është e nevojshme dërgimi i çështjes në Komisionin e Venecias, por sipas tij kjo çështje po tentohet të shtyhet në kohë deri sa të harrohet. Ai tha se socialistët po tentojnë të shmangin “këtë derë” pasi sipas tij ka edhe deputetë të tjerë të cilët ushtrojnë biznesin e tyre ndonëse ligji nuk i lejon, e ata sipas gazetarit  tashmë kanë filluar të kërcënojnë njëri-tjetrin me dërgim në Gjykatën Kushtetuese.

“Olta Xhaçka është maja e ajsbergut të deputetëve të kuvendit të Shqipërisë në konflikt interesi. Ka dhjetëra deputet të PS dhe të PD-së që zhvillojnë aktivitetin e tyre të biznesit, pavarësisht se ligji nuk e lejon. Unë kam verifikuar dhjetëra prej tyre.

Peleshi dhe të tjerë po mundohen me artifica për të mos e hapur atë derë sepse kjo do të bënte një luftë civile brenda kuvendit, ku deputetët çojnë në Gjykatë Kushtetuese çdo deputet që ata kanë informacione se po kryejnë aktivitete biznesi. Janë disa deputetë që shantazhojnë njëri-tjetrin se do i çojnë në Kushtetuese. PS, po tenton ta vështirësojë këtë rrugë, deri sa të shkohet në fushatë zgjedhore e kjo gjë të harrohet”,-tha Lita.

LEXONI GJITHASHTU:

• Mbahet mbledhja e parë e Grupit të PS për sesionin e ri, drejtohet nga Niko Peleshi
• Skandali me mbetjet| Ministrja Kumbaro: Po hetohet, nuk ka pasur autorizim

The post “Mandati i Xhaçkës, maja e ajsbergut”- Lita: Deputetët po shantazhojnë njëri-tjetrin appeared first on Euronews Albania.

Pesëmbëdhjetë minuta, kaq është koha e vënë në dispozicion për  TikTok këtë javë për të bindur një gjykatë federale të apelit që të refuzojë një ndalim të mundshëm të aplikacionit në SHBA.  Fati i aplikacionit  me 170 milionë amerikanë përdorues do të vuloset në ato 15 minuta.

Ato 15 minuta mund të jenë më të rëndësishmet e ekzistencës së TikTok në SHBA. Kompania po lufton për mbijetesë përballë një ligji, të nënshkruar nga presidenti Joe Biden , dispozitat kryesore të të cilit mund të hyjnë në fuqi që në janar.

Ligji i nënshkruar nga Biden synon të ndalojë TikTok në pajisjet personale të amerikanëve, përveç nëse kompania e saj mëmë kineze, ByteDance, ia shet shpejt TikTok dikujt tjetër – gjë që mund ta përfundojë në mënyrë efektive aplikacionin siç e njohim aktualisht.

Me afrimin e afatit për një ndalim të mundshëm, TikTok dhe ByteDance kanë shkuar në gjykatë duke kërkuar që ligji të bllokohet dhe të shpallet jokushtetues për arsye të Amendamentit të Parë. TikTok nuk do të ketë luksin e një prove të plotë për të argumentuar ekzistencën e tij të vazhdueshme në formën e tij aktuale.

Të hënën në orën 9:30 të mëngjesit ET, kompanitë do të paraqesin argumentin e tyre. TikTok do të ketë vetëm disa minuta për të ndikuar. Por nuk do të jetë vetëm: Një grup krijuesish të TikTok që paditin gjithashtu administratën e Bidenit do të shkojnë më pas, me 10 minuta për të folur. Dhe administrata Biden do ta mbyllë atë me prezantimin e saj 25-minutësh.

Me çdo anë të debatit të caktuar përafërsisht gjysmë ore, TikTok dhe aleatët e tij do të përpiqen të shpjegojnë pse gjykata duhet ta refuzojë ligjin dhe të parandalojë zbatimin e tij. Avokatët e DD-së do të shpjegojnë pse një ndalim i mundshëm ose shitje e detyruar e TikTok – ose siç do ta thonë ata, një “shpërndarje e kualifikuar” – është e vetmja mënyrë për t’i mbajtur përdoruesit amerikanë të sigurt.

LEXONI GJITHASHTU:

• “TiK Tok nuk do shitet në SHBA”- Kompania kineze ankimon vendimin e senatit amerikan
• Varësia e të miturve nga Tik Tok, BE mund të ndalojë platformën ‘Tik Tok Lite’

The post “15 minuta luftë për mbijetesë”, TikTok pritet të dalë para Gjykatës këtë javë appeared first on Euronews Albania.

Forcat ajrore të Ukrainës thanë se kanë rrëzuar 53 nga 56 dronët rusë, natën mes 15 dhe 16 shtatorit, duke shtuar se “shënjestër kryesore” e tyre ishte kryeqyteti Kiev.

Kreu i administratës ushtarake rajonale të Kievit, Ruslan Kravchenko, tha se një grua është shtruar në spital, pasi është plagosur nga copat e një droni të rrëzuar.

Shefi i administratës ushtarake të qytetit, Serhiy Popko, tha se Kievi ishte nën sulm për më shumë se tri orë gjatë natës, ndërsa mbrojtja ajrore “i rrëzoi pothuajse të gjithë dronët e armikut”.

Radio Evropa e Lirë, megjithatë, nuk mund t’i vërtetojë në mënyrë të pavarur pretendimet e asnjërës palë për zhvillimet në fushëbetejë.

Rusia ka bombarduar Ukrainën me dronë dhe lloje të ndryshme raketash gjatë kohës më të madhe të pushtimit, që ka nisur qysh në shkurt të vitit 2022.

Shumë nga sulmet e fundit kanë goditur infrastrukturën e energjisë, por bomba shpesh kanë rënë edhe në spitale, shkolla dhe ndërtesa banimi.

Moska, në anën tjetër, këmbëngul se nuk i sulmon zonat e civilëve. Instituti për Studime të Luftës, me bazë në SHBA, tha më 15 shtator se Rusia “po përpiqet të arrijë një fitore vendimtare në Ukrainë deri në vitin 2026 – përpara se kufizimet e mundshme ekonomike të fillojnë t’i degradojnë ndjeshëm kapacitetet e Rusisë” për të luftuar në Ukrainë.

Presidenti i Ukrainës, Volodymyr Zelensky, i tha CNN-it se do t’i paraqesë presidentit amerikan, Joe Biden, një plan me katër pika për fitimin e luftës, kur të takohet me të gjatë këtij muaji.

LEXONI GJITHASHTU:

• Biden takohet me Stramer, fokusi i bisedës Ukraina dhe “vija e kuqe” e Putinit
• SHBA: Ukraina mund të përdorë raketat perëndimore për të goditur brenda Rusisë

The post Ukraina: Kemi rrëzuar 53 dronë rus në Kiev appeared first on Euronews Albania.

Ministrja e Turizmit dhe Mjedisit, Mirela Kumbaro ishte këtë të hënë e ftuar në një intervistë për Euronews Albania ku tha se çështja e mbetjeve toksike është ende në proces.

Ajo tha se i gjithë ekipi i inspektimit është duke punuar në terren. Kumbaro shtoi se duhen bërë analiza kimike të materialeve në kontejnerë, ndaj çdo konkluzion pa dalë këto analiza do të ishte i nxituar

“Është një çështje në proces. Gjithë ekipi i inspektimit është duke kontrolluar në terren, jo vetëm subjektet e përmendura në çështjen në fjalë, por edhe të gjitha subjektet e tjera. Jemi në komunikim të ngushtë edhe me organet ligj zbatuese, si prokuroria e Durrësit. Duhen dokumentime dhe analiza kimike të materialeve në kontejnerë, ndaj çdo konkluzion tjetër do të ishte shumë i nxituar”,-tha Kumbaro.

Ajo tha gjithashtu se të gjitha industritë të cilat eksportojnë mbetje duhet të kenë të dokumentuar llojin e mbetjeve që eksportojnë e gjithashtu duhet të pajisen me autorizim nga Ministria e Mjedisit dhe Turizmit.

“Shumë kompani apo industri që veprojnë në territor, patjetër janë industri që krijojnë edhe mbetje, njësoj si një hotel apo supermarket. Në ligjin për mbetjet janë të parashikuara se si kontrollohen. Të gjitha industritë duhet të jenë të pajisura me leje mjedisi sa i përket mënyrës se si i menaxhojnë mbetjet e tyre, mbetje të cilat klasifikohen në të rrezikshme dhe të parrezikshme.

Mbetjet e rrezikshme duhen dokumentuar. Edhe transporti i tyre është i kontrolluar. Një subjekt që transporton mbetje, duhet të jetë i pajisur me licencë, me një kod unik, e nëse bëhet fjalë për eksportin e mbetjeve kanë domosdoshmërish nevojë për autorizimin e Ministrisë së Mjedisit, ku përcaktohet çdo element, vendi ku do dalin, ku do kalojnë e ku do mbërrijnë”,-tha Mirela Kumbaro.

Për rastin në fjalë ajo tha se subjekti nuk ka deklaruar eksport të mbetjeve, por e ka deklaruar si mall, ndaj edhe ministria nuk ka lëshuar një autorizim, për eksportin e mbetjeve.

LEXONI GJITHASHTU:

• Manjani për mbetjet toksike: Nëse përmbajnë plumb, vendi kthehet në ‘Onkologjik’
• Skandali me mbetjet toksike, më 12 shtator mbahet interpelanca e kërkuar nga PD

The post Skandali me mbetjet| Ministrja Kumbaro: Po hetohet, nuk ka pasur autorizim appeared first on Euronews Albania.

Kryeministri hungarez Viktor Orban mbështeti sot ish-presidentin amerikan dhe kandidatin republikan Donald Trump pas një incidenti sigurie që po hetohet si një atentat i mundshëm ndaj Trump.

“Është e qartë se jeta e Presidentit Trump është në rrezik, deri në fitoren e tij. Ne lutemi për ju zoti President”, ka shkruar Orban në rrjetin X.

Orban vizitoi Trumpin në Florida dy herë këtë vit, pasi mbështeti kandidaturën e tij presidenciale.

Agjentët e Shërbimit Sekret Amerikan hapën zjarr ndaj një personi të armatosur me një pushkë gjysmë automatike, i cili drejtoi armën në klubin e golfit të ish-presidentit Donald Trump në West Palm Beach, Florida, ndërsa ai po luante golf.

FBI tha se Trump ishte subjekt i një “atentati të dukshëm” në klubin e tij të golfit në Florida. Të shtënat vijnë rreth dy muaj pasi Thomas Matthew Crooks vrau Trumpin në një tubim në Butler, Pensilvani më 13 korrik, kur Trump pësoi një dëmtim në vesh.

The post Orban: Është e qartë se jeta e Trump është në rrezik deri në fitoren e tij appeared first on Euronews Albania.

Autoritetet në Republikën Çeke konfirmuan viktimën e parë nga përmbytjet që përfshinë këtë vend të Evropës Qendrore. Shefi i policisë, Martin Vondrashek, tha se individi u mbyt në lumin Krasova, në rajonin Moravskosllezski.

Së paku shtatë persona të tjerë figurojnë të zhdukur në Çeki, përfshirë edhe tre, të cilët besohet se ishin bllokuar në një makinë, kur ajo u mor nga një lumë pranë qytetit Jesenik.

Deri më tani nuk ka asnjë gjurmë të automjetit. Rreth 250.000 familje vazhdojnë të mbeten pa energji elektrike, ndërsa në kryeqytetin Pragë, autoritetet ndërmorën masa për të parandaluar përmbytjet rreth lumit Volltava.

Kryeministri çek, Petr Fiala, tha se përmbytjet e tilla “ndodhin një herë në shekull”. Shirat e furishëm nisën qysh në fund të javës së kaluar dhe pritet të vazhdojnë edhe gjatë ditës së hënë.

Të goditura rëndë nga përmbytjet janë edhe disa zona në Rumani, ku gjatë fundjavës vdiqën gjashtë persona dhe një u zhduk. Si pasojë e përmbytjeve, një person u mbyt edhe në Poloni dhe një tjetër në Austri.

The post Përmbytjet në Çeki, konfirmohet viktima e parë appeared first on Euronews Albania.

Kreu i grupit parlamentar të Partisë Socialiste, Niko Peleshi tha para gazetarëve se ka pasur një paqartësi lidhur me mandatin e Olta Xhaçkës. Ai tha se për këtë arsye e cilëson si vendimin më të drejtë vendimin për ta çuar çështjen për konsultim në Komisionin e Venecias.

Peleshi tha gjithashtu se në asnjë moment nuk është shkelur vendimi i Gjykatës Kushtetuese, pasi çështja është trajtuar sipas tij menjëherë në Kuvend.

“E vlerësoj si vendimin e duhur e më të mençur të mundshëm për ta çuar në komisionin e Venecias për të kërkuar një vlerësim. Ky konsultim do të na vlejë jo vetëm për rastin në fjalë, por për të gjithë vendimet e Gjykatës Kushtetuese që kalojnë përmes votimit në seancë. Ne vendimin e Gjykatës Kushtetuese e kemi trajtuar menjëherë në Këshillin e Legjislacionit dhe pa hezituar ashtu si e kërkonte ky vendim e kaluam në seancë.

Vendimi thotë që Kuvendi duhet të sjellë mocionin, Kuvendi është bashkësi deputetësh dhe këtë e çon përmes votimit në seancë. Në këtë rast nuk kishte një vendim politik, nuk ishte një vendim grupi. Ne votojmë në grup, kjo është disiplina normale e çdo grupi parlamentar”,-tha Peleshi.

LEXONI GJITHASHTU:

• Deputeti që duam| Peleshi ‘zbërthen’ platformën: Kush është zgjedhur nga kjo nismë
• “Refuzove të firmosje për ca prona të ushtrisë prandaj të hoqi Rama?”, flet Peleshi

The post Mandati i Xhaçkës, Peleshi: Nuk e kundërshtuam vendimin e Kushtetueses, ka paqartësi appeared first on Euronews Albania.

Andi Hoxhaj, pedagog i drejtësisë në Mbretërinë e Bashkuar ishte këtë të hënë i ftuar në një intervistë për Euronews Albania ku tha se nëse do të ketë një marrëveshje mes Shqipërisë dhe Britanisë së madhe për emigrantët, ajo duhet të ketë edhe disa përfitime për shqiptarët.

Hoxhaj tha se është shumë e rëndësishme që diskutimet për këtë marrëveshje të jenë transparente ndërsa shtoi se do të duhet që të kishte diskutime për përfitimet që mund të sjellë kjo marrëveshje për shqiptarët që tashmë jetojnë në Angli.

“Nëse do të flasim në detaje a do sjelli Anglia emigrantë në Shqipëri apo jo, kjo mbetet për tu parë nëse do ketë një propozim konkret. Nëse do ketë një propozim, është shumë e rëndësishme të jetë transparent.

Nëse do bëhet një propozim i tillë është një mundësi e artë që Shqipëria të adresojë disa probleme që ka me komunitetet shqiptare në Britaninë e madhe dhe nëse do ketë një marrëveshje të tillë të bëhet transparente dhe të jetë një marrëveshje që të zgjidhë disa probleme.

Në Britaninë e madhe ne kemi mbi 93% të shqiptarëve që nuk janë me identitetin e tyre të saktë. Ata janë qytetar britanik, por janë me identitet nga Kosova. Nëse do ketë një marrëveshje, duhet të ketë një amnisti për këta shqiptar, është shumë e rëndësishme të adresohen disa probleme që ne kemi. A do kemi lehtësim në viza me Britaninë e Madhe? A do ketë investime në edukim? E kështu me radhë. Kur të mbahet diskutimi në Tiranë besoj se do flitet gjerësisht për këtë”,-tha Hoxhaj.

LEXONI GJITHASHTU:

• Starmer i hapur për dërgimin e azilkërkuesve në Shqipëri sipas skemës Meloni
• Meloni “rifillon” lidhjet me Kinën: Është vendi që do të menaxhojë tensionet globale

The post Anglia do sjellë emigrantë në Shqipëri? Hoxhaj: Të jetë marrëveshje me përfitime appeared first on Euronews Albania.

Një shpërthim dëmtoi një ndërtesë në qendër të qytetit perëndimor të Gjermanisë, Këln.

Sipas Radio Europa e Lirë, një zëdhënëse e policisë tha se një zonë e gjerë e Hohenzollernringut – një lagje e madhe me kafene, bare dhe restorante – është rrethuar dhe se një numër i madh i policëve është në vendngjarje.

Ajo nuk dha asnjë informacion për të plagosur të mundshëm apo për shkakun e shpërthimit.

Radio Këlni raportoi herët në mëngjes se një person është plagosur lehtë.

Policia u kërkoi qytetarëve që ta shmangin zonën përreth vendit të shpërthimit.

Lajm në përditësim…

The post Shpërthim në një ndërtesë në Gjermani, numër i madh policësh në vendngjarje appeared first on Euronews Albania.

Autoritetet lokale të Selanikut kanë ngritur alarmin për një vajzë 23-vjeçare të zhdukur nga zona e Harilaou. 23-vjeçarja u zhduk pasditen e 11 shtatorit dhe mund të ketë arsye që e vënë në rrezik jetën e saj.

Më në detaje në njoftimin e saj Buzëqeshja e Fëmijës shprehet:

Më datë 09.11.2024, pasdite, u zhduk nga zona e Harilaou, Artiola Mesi, me origjinë shqiptare, 23 vjeçe. “Buzëqeshja e Fëmijës” u njoftua për zhdukjen e saj sot më 16.09.2024 dhe ka vazhduar me publikimin e detajeve të të rritures, me kërkesë të familjes së saj, pasi mund të ketë arsye që e vënë në rrezik jetën e saj.

Artiola Mesi është 1.60 m e gjatë, peshë normale, ka flokë të zinj dhe sy të gjelbër. Ajo kishte veshur një bluzë rozë dhe pantallona të shkurtra xhins. Ajo ka një tatuazh në krahun e majtë, një flutur.

Kushdo që ka ndonjë informacion është i lutur të kontaktojë “Buzëqeshja e Fëmijës” në telefon 24 orë në ditë, në “Linjën Kombëtare për të Rriturit e Humbur – 1017”, në të gjitha Drejtoritë e Policisë në vend si dhe përmes aplikacionit Missing Alert ku ka informacione të drejtpërdrejta për zhdukjen

The post Greqi| Zhduket pa gjurmë 23-vjecarja shqiptare (Emri) appeared first on Euronews Albania.

Emisari i Gjermanisë për Ballkanin Perëndimor, Manuel Sarrazin ka tronditur jo me pak me deklaratën e tij se Ballkani I Hapur u krijua për të anashkaluar Kosovën. Në një interviste për RTK  Sarrazin  ka shprehur shqetësim se nëse Samiti i Berlinit që do të mbahet më 14 tetor dështon të sigurojë një treg të përbashkët rajonal, mund të riaktualizohet ideja e “Ballkanit të Hapur”.

“Nëse ky samit nuk mbahet, nëse nuk sigurohet tregu i përbashkët rajonal dhe plani i madh i komisionit evropian që të ketë sukses dhe një gurthemel i kësaj do të jetë samiti më 14 tetor në Berlin, sigurisht që menjëherë vjen Ballkani i Hapur. Pra, Ballkani i Hapur është krijuar për ta anashkaluar Kosovën. Ne, kemi filluar të punojmë ashtu që Kosova të jetë në të njëjtën tryezë, me të njëjtat të drejta, me të njëjtin nivel si të tjerët. Duhet të ecim përpara, nuk mund ta lëmë gjithë rajonin që të presë për këtë bashkëpunim. Nuk mund të rrezikojmë tregun e përbashkët rajonal dhe nuk mund të ketë sukses Procesi i Berlinit. Pra nuk është në interes të Kosovës, por as tonin”, është shprehur Sarrazin për RTK.

Sarrazin ka theksuar se nëse Kosova refuzon të heqë ndalesat e mallrave, mund të përballet me pasoja të rënda, duke përfshirë mundësinë e përjashtimit nga mekanizmat e ardhshëm dhe ndikimet negative në integrimin në BE.

Nisma “Open Balkan-Ballkani i Hapur” është një bashkëpunim mes, Shqipërisë, Maqedonisë së Veriut dhe Serbisë, që synon të zbatojë sa më shpejt të jetë e mundur në rajon, katër liritë e BE-së; lëvizjen e njerëzve, mallrave, shërbimeve dhe kapitalit.

Nisma, që fillimisht u quajt Mini–Shengen, nisi më 10 tetor 2019, në Novi Sad të Serbisë, dhe u firmos nga presidenti i Serbisë, Aleksandar Vuçiç, kryeministri i Shqipërisë, Edi Rama, dhe kryeministri i atëhershëm i Maqedonisë së Veriut, Zoran Zaev.

LEXONI GJITHASHTU:

• Atentati ndaj Trump, zbulohet profili i sulmuesit: Ishte përkrahës i Ukrainës
• “U angazhova se ishte trend”-Roy Bashaj shpalos arsyet se përse është bashkuar me PS

The post Diplomati gjerman: “Ballkani i Hapur” u krijua për të anashkaluar Kosovën appeared first on Euronews Albania.

Banorët dhe autoritetet në Evropën Qendrore vazhdojnë të luftojnë me reshje të dendura shiu dhe përmbytje.

Në Rumani, zyrtarët thanë se së paku gjashtë persona kanë humbur jetën dhe dy të tjerë janë zhdukur.

Në Austri, një zjarrfikës vdiq gjatë një operacioni të shpëtimit.

Në Poloni u raportua, po ashtu, një viktimë nga mbytja, ndërsa në Republikën Çeke katër persona janë të zhdukur.

The post Evropa Qendrore vazhdon të luftojë me shira e përmbytje appeared first on Euronews Albania.

Janë arrestuar në flagrancë në kuadër të operacionit “Joker” 9 persona që u kapën duke organizuar lojëra fati në kundërshtim me ligjin, në një lokal në Sharrë.

Sipas njoftimit të policisë, gjatë kontrolleve janë sekuestruar 1 tavolinë pokeri me çipsa, aparate celulare dhe një pajisje DVR.

 Njoftimi i policisë

Shërbimet e Komisariatit të Policisë Nr. 6 në vijim të punës për goditjen e veprimtarisë së paligjshme të lojërave të fatit, bazuar në informacionet e siguruara nga inteligjenca informative për një rast të ushtrimit të kësaj veprimtarie, kanë organizuar dhe finalizuar operacionin policor të koduar “Joker”.

Në kuadër të këtij operacioni u arrestuan shtetasit:

– D. Xh., 29 vjeç, banues në Tiranë, për veprat penale “Organizimi ose ushtrimi i veprimtarive të lojërave të fatit në kundërshtim me ligjin”, dhe “Vënia në dispozicion e lokaleve për lojëra të palejuara”, parashikuar nga nenet 197 dhe 198 të Kodit Penal;

– O. M., 35 vjeç, E. H., 23 vjeç, A. Xh., 30 vjeç, L. Q., 22 vjeç, E. Gj. 33 vjeç, E. H., 24 vjeç, E. K., 33 vjeç, dhe J. Ç., 39 vjeç, për veprën penale “Organizimi ose ushtrimi i veprimtarive të lojërave të fatit në kundërshtim me ligjin”, parashikuar nga neni 197 i Kodit Penal.

Gjatë kontrolleve të ushtruara, shërbimet e Policisë kanë kapur në flagrancë duke luajtur lojëra fati në kundërshtim me ligjin, 9 shtetasit e arrestuar, në një lokal në administrim nga shtetasi D. Xh., në rrugën “Llambi Zeçishti”, në Sharrë.

Në cilësinë e provës materiale u sekuestruan 1 tavolinë pokeri me çipsa, aparate celulare dhe një pajisje DVR.

Materialet i kaluan Prokurorisë, për veprime të mëtejshme.

LEXONI GJITHASHTU:

• VIDEO| Një grua tenton të rrëmbejë vajzën 2-vjeçare në një supermarket në Tiranë
• U dogj me benzinë nga ish-i dashuri, ndërron jetë atletja e Lojërave Olimpike

The post Organizonin lojëra fati në kundërshtim me ligjin, arrestohen 9 persona appeared first on Euronews Albania.

Të shtënat pranë fushave të golfit ku ndodhej ish presidenti i SHBA-ve Donald Trump, sipas FBI-së kanë qenë një atentat ndaj tij. Sipas informacioneve të punlikuara nga CBS News emri i të dyshuarit është Ryan Wesley Routh, 58 vjeç.

Në konferencën për shtyp, sherifi i qarkut tha se sulmuesi ishte vendosur në shkurre në buzë të fushës së golfit pranë vrimave pesë, gjashtë dhe shtatë.

Zyrtarët thanë gjithashtu se Trump ishte rreth 274-557 m larg nga sulmuesi dhe agjentët e shërbimit sekret ishin një ose dy vrimë përpara ish-presidentit kur panë të dyshuarin.

Sulmuesi iku në një makinë pasi u pikas, sipas zyrtarëve, dhe më vonë u ndalua dhe u arrestua në autostradën I-95 jo shumë larg fushës së golfit.

Por kush është Ryan Wesley Routh?

BBC Verify ka gjetur profile të mediave sociale që përputhen me atë emër, ato tregojnë se ai u bëri thirrje luftëtarëve të huaj të shkonin në Ukrainë për të luftuar kundër forcave ruse.

Routh, i cili nuk kishte përvojë ushtarake, i tha Neë York Times në vitin 2023 se kishte udhëtuar në Ukrainë menjëherë pas pushtimit të Rusisë në vitin 2022 për të gjetur rekrutë ushtarakë mes ushtarëve afganë që kishin ikur nga talebanët.

“Ushtarë, ju lutem mos më telefononi. Ne jemi ende duke u përpjekur që Ukraina të pranojë ushtarë afganë dhe shpresojmë të kemi disa përgjigje në muajt e ardhshëm… ju lutem keni durim,” shkroi ai në Facebook në korrik.

Raportet e hershme sugjerojnë se Routh kishte një precedent penal dhe, sipas burimeve të CBS, ai u akuzua dhe u dënua për vepra të shumta penale duke përfshirë mbajtjen e një arme të fshehur .

Duke folur për mediat amerikane, djali i Routh, Oran, e përshkroi atë si një “baba të dashur dhe të kujdesshëm”.

The post Atentati ndaj Trump, zbulohet profili i sulmuesit: Ishte përkrahës i Ukrainës appeared first on Euronews Albania.

FBI tha se Donald Trump “duket se ishte objekt i një përpjekjeje për atentat” në klubin e tij të golfit në West Palm Beach të Floridës të dielën, vetëm nëntë javë pasi kandidati republikan për president i mbijetoi një tjetër atentati ndaj tij. Ish-presidenti tha se është mirë dhe jashtë rrezikut.

Sherifi i Qarkut Palm Beach, Ric Bradshaw tha se agjentët e Shërbimit Sekret të SHBA-së qëlluan në drejtim të një personi që kishte drejtuar një pushkë të stilit AK drejt klubit, ndërsa zoti Trump ishte duke luajtur golf.

Zoti Bradshaw tha se personi i armatosur kishte gjithashtu dy çanta shpine të varura në një gardh dhe një kamerë GoPro dhe se ai ishte rreth deri në 500 metra larg nga zoti Trump dhe i fshehur mes shkurreve, ndërsa ish-presidenti luante golf. Personi hodhi armën dhe iku me një fuoristradë dhe më pas u arrestua në një distrikt aty pranë.

Disa media amerikane e identifikuan të dyshuarin si Ryan Wesley Routh, 58 vjeç, nga Havai, duke cituar zyrtarë të paidentifikuar të organeve të zbatimit të ligjit.

Zyrtarët që identifikuan të dyshuarin folën në kushte anonimiteti sepse nuk ishin të autorizuar të diskutonin hetimin aktiv. FBI nuk pranoi të komentonte mbi identitetin e të dyshuarit dhe agjencitë e tjera të zbatimit të ligjit nuk iu përgjigjën kërkesave për koment.

Incidenti është zhvillimi i fundit tronditës në një vit fushate të shoqëruar me ngjarje të pashmebullta dhe ndodh pothuajse dy muaj pasi zoti Trump u qëllua gjatë një atentati në një tubim në Pensilvani dhe një plumb e plagosi në vesh. Vetëm një javë më pas presidenti Joe Biden u tërhoq nga gara.

The post FBI: Trump ishte objekt i një përpjekjeje për atentat në Florida appeared first on Euronews Albania.

Një grua ka tentuar të rrëmbejë një vajzë 2-vjeçare në një supermarket në Tiranë. Videot janë bërë publike nga policia e cila po vijon punën për identifikimin e të dyshuarës.

Ka qenë babai i vajzës ai që ka bërë denoncimin në polici, pasi teksa ishte me vajzën e tij në supermarket, gruaja e mori të miturën në krah dhe tentoi të largohej. Ajo e ka marr vajzën e mitur në krah ka dalë nga dera e marketit dhe më pas është rikthyer sërish.

Njoftimi i policisë:

Në lidhje me një video të publikuar në një portal në të cilën shfaqet një shtetase në ambientet e një marketi, e cila merr në krahë një fëmijë të mitur, del nga marketi dhe më pas kthehet sërish, ju informojmë se:

Më datë 14.09.2024, është paraqitur në Polici shtetasi E. D., 34 vjeç, i cili ka kallëzuar se në Rrugën e Barrikadave, në një market, një shtetase ende e paidentifikuar, ka marrë në krahë vajzën e tij të mitur 2 vjeçe, ka dalë nga dera e marketit dhe më pas është rikthyer sërish.

Shërbimet e Policisë menjëherë kanë shkruar në vendngjarje ku kanë administruar pamjet filmike si dhe kanë pyetur punonjësit e marketit të cilët kanë pohuar se shtetasja në fjalë, gjatë komunikimit ka shfaqur probleme dyshohet të shëndetit mendor.

Vijon puna për identifikimin e saj dhe sqarimin e rrethanave të ngjarjes.

LEXONI GJITHASHTU:

• Të shtëna me armë afër Donald Trump, dëshmitari: 20 makina policie fluturuan…
• Të paktën 100 persona humbën jetën në Myanmar nga tajfuni Yagi

The post VIDEO| Një grua tenton të rrëmbejë vajzën 2-vjeçare në një supermarket në Tiranë appeared first on Euronews Albania.

Të shtëna me armë zjarri janë raportuar se kanë ndodhur pranë fushës së golfit të ish-presidentit Donald Trump.

Një dëshmitar thotë se ai thotë se ka parë “20 ose më shumë makina policie që fluturonin nga rrugët e afërta” ndërsa ai përshkroi përgjigjen e urgjencës jashtë fushës së golfit të Donald Trump në Florida.

“Nga ajo që pashë, pesë SUV të zeza të pashënuara u bllokuan në një Mercedes gri përpara fushës së golfit,” tha Max Egusquiza, nga Palm Beach, për agjencinë e lajmeve AP.

“Kishte rreth 20 ose më shumë makina policie që fluturonin nga rrugët aty pranë,” tha ai.

Shërbimi Sekret tha se Trump është i sigurt dhe se agjencia po heton.

Zyra e Sherifit të Qarkut Palm Beach do të mbajë një konferencë për incidentin së shpejti.

The post Të shtëna me armë afër Donald Trump, dëshmitari: 20 makina policie fluturuan… appeared first on Euronews Albania.

Gazetari Flavio Qarri ishte këtë të diel i ftuar në “Review” në Euronews Albania ku tha se nisma e ndërmarrë nga Partia Socialiste “Deputeti që duam” është një fasadë e re e Partisë Socialiste.

Qarri tha se ka dyshime te vërtetësia e garës, pasi sipas tij të gjithë kandidatët duket sikur thonë të njëjtën gjë, e nuk kanë asnjë kundërshti brezash me politikanët e vjetër të kampit rozë.

“Kam pak dyshime te vërtetësia e garës apo te vërtetësia e këtyre njerëzve. Unë e shikoj me keqardhje që në vend që Partia Socialsite dhe gjitha partitë e tjera, të kenë përplasje brezash, PS po rrëshket në një spiropalizim dhe e vetmja gjë që mungon është që çdo fytyrë e re e Partisë Socialiste ta filloj videon me “Skënderbeu e përfundoi Shqipërinë, ne të tjerët duhet ta ujisim”,-tha Flavio Qarri.

Ai tha gjithashtu se videot e realizuara nga kandidatët që kanë aplikuar në “Deputeti që duam” duket të jenë bërë në mënyrë profesionale duke ngritur dyshimet se videot janë punuar në një zyrë qendrore.

“Po flas si gazetar televiziv. Ato videot nuk janë të tyret. Dora e montazhit është dora e një zyre qendrore. Është e pamundur që dikush të ketë aftësi montazhi të kësaj shkalle. Tani ju nuk mund të më thoni se pamjet me dron secili nga ata i kanë bërë vetë. Bazuar në 20 vitet e fundit që punoj në televizion, ajo është dorë profesionale”,-tha Flavio Qarri.

LEXONI GJITHASHTU:

• “Fytyra e re e PS”, Helena Kaçe: Nuk kam njohje me politikanë, ja si u përzgjodha
• “U angazhova se ishte trend”-Roy Bashaj shpalos arsyet se përse është bashkuar me PS

The post “Deputeti që duam”, Flavio: Kam dyshime te vërtetësia, videot janë me regji qendrore appeared first on Euronews Albania.

Helena Kaçe vajza e cila u prezantua në kongresin e Partisë Socialiste nga kryeministri Edi Rama si fytyra “që mund të drejtojë partinë” në të ardhmen ishte këtë të diel e ftuar në “Review” në Euronews Albania ku tha arsyet se përse iu bashkua socialisteve.

Kace tha se ajo ende nuk pretendon të bëhet politikane pasi më me rëndësi për të është përfundimi i studimeve, ndërsa theksoi se do vijojë të jetë e angazhuar në Partin Socialiste, pasi bindjet e saj janë të majta dhe e shikon këtë parti si mundësinë më të mirë për të rinjtë.

“Unë u përzgjodha në akademinë politike. Nuk kam asnjë njohje me politikan të shquar. Nuk kam as ndonjë familje që të jetë e njohur në shoqërinë shqiptare, unë aplikova, u përzgjodha në akademinë politike dhe u bëra pjesë. Pse zgjodha Partinë Socialiste? E zgjodha për të vetmen arsye pasi mendoj se është alternativa më e mirë për të rinjtë.

Mendoj se është shumë e rëndësishme të angazhohemi. Është një far cikli ku ne të rinjtë do vijmë në pozicione të ndryshme. Unë ende nuk e kam synimin të bëhem politikane. Unë dua të përfundoj studimet shumë mirë dhe angazhimi do të vazhdojë paralelisht. Bindjet e mia janë të majta, jam pro barazisë, por politikave sociale, ndaj jam atashuar pranë Partisë Socialiste”,-tha Helena Kaçe.

The post “Fytyra e re e PS”, Helena Kaçe: Nuk kam njohje me politikanë, ja si u përzgjodha appeared first on Euronews Albania.