Liverpooli e ka nisur mjaftë mirë sezonin e ri në Angli, ku po kryeson kampionatin Ligën Premier.

Pas shtatë xhirove të para, The Reds kanë marrë gjashtë fitore dhe kanë një disfatë duke e nisur furishëm sezonin e ri.

Megjithatë një problem në kampin e Liverpoolit është edhe rinovimi i kontratave me yjet kryesorë të skuadrës.

Sipas Paul Joyce i The Times, Liverpool po negocion kontrata të reja me futbollistët e skuadrës së tyre.

Jarell Quansah dhe Ibrahima Konate janë në bisedime paraprake, ndërsa nuk ka asnjë përditësim pozitiv në lidhje me treshen e madhe si Mohamed Salah, Trent Alexander-Arnold dhe Virgil Van Dijk.

Joyce e kupton se Liverpool kontaktoi agjentët e tyre në lidhje me një zgjatje, por nuk mundi të gjente një gjuhë të përbashkët.

Si rezultat, tani ka një ngërç mes dy palëve. Koha po mbaron edhe pse të tre lojtarët nuk do të jenë më pjesë e Liverpool verën e ardhshme. /Telegrafi/

The post Liverpooli po has në vështirësi për kontratat e reja me treshen e madhe appeared first on Telegrafi.

Komuna e Pejës, ka bërë të ditur se janë duke vazhduar aktivitetet në kuadër të fushatës sensibilizuese kundër kancerit të gjirit.

Kjo fushatë synon të rrisë ndërgjegjësimin për rëndësinë e zbulimit të hershëm të kancerit të gjirit dhe të edukojë komunitetin mbi hapat që mund të ndërmerren për parandalimin dhe trajtimin e tij.

Komuna e Pejës, përkatësisht Drejtoria e Administratës – Zyra për Barazi Gjinore, nëpërmjet rrjetit social Facebook kanë njoftuar se kanë vazhduar me aktivitetete për sensibilizimin e kancerit të gjirit.

Këto aktivitete kanë për qëllim rritjen e ndërgjegjësimit për rëndësinë e zbulimit të hershëm të këtij kanceri dhe edukimin e komunitetit për hapat që mund të ndërmerren për parandalimin dhe trajtimin e tij.

Zyrtarja për Barazi Gjinore në Komunën e Pejës, Samka Drançolli, theksoi se ky është aktiviteti i dytë që e ndërrmarrin së bashku me Gratë Asamblistë.

“Në kuadër të fushatës sensibilizuese kundër kancerit të gjirit sot e kemi aktivitetin e dytë, ku së bashku me Gratë Asambliste të Kuvendit Komunal të Pejës kemi vizituar Qendrën Kryesore të Mjekësisë Familjare në Pejë”, ka thënë Draçnolli. /Telegrafi/

 

The post Vazhdojnë aktivitetet sensibilizuese kundër kancerit të gjirit në Pejë appeared first on Telegrafi.

Aplikacioni mobil IP Petrol e bën jetën tuaj më të lehtë dhe plot avantazhe.

Tani, me vetëm disa klikime, ju mund të menaxhoni të gjitha shërbimet dhe përfitimet tuaja në mënyrë të shpejtë dhe të thjeshtë. 

Aplikacioni i IP Petrol është dizajnuar që të jetë “user friendly” i thjeshtë për tu përdorur nga të gjitha grup-moshat. Njëkohësisht, ka funksione shumë të përshtateshme dhe për qëllim kanë që ta lehtësojnë maksimalisht furnizimin me derivate të qytetarëve të Kosovës, dhe krejt kjo duke përfituar zbritje të madhe (apo duke kursyer).

Çfarë ju ofron aplikacioni IP Petrol?

– Zbritje në çdo litër: Përdoruesit e aplikacionit kanë zbritje ekskluzive në çdo litër për çdo furnizim.  

– Loja shpërblyese me Spin: Pasi që të keni arritur targetin e caktuar të blerjes së derivateve ju fitoni të drejtën për të luajur me Spin dhe për të fituar artikuj të ndryshëm nga marketet e IP Petrol.

– Vetëshërbimi: Fito zbritje EKSKLUSIVE përmes vetëshërbimit, ku përmes aplikacionit do keni mundësi të vetëshërbeheni në të gjitha pikat shitëse të IP Petrol . 

– Përcjellja e transaksioneve në aplikacion: Klientët mund ti përcjellin transaksionet qe i kanë bërë, duke përfshirë specifikat me të dhënat si totali i litrave, shuma që keni shpenzuar, shuma që keni kursyer, pika e shitjes ku jeni furnizuar, loji i derivatit, etj. 

– Ofertat: Përcjellni ofertat e fundit në lidhje me derivatet dhe produktet në market. 

– Gjetja e stacionit më të afërt: Me hartën e integruar në aplikacion, gjeni shpejt dhe lehtë stacionet më të afërta të karburantit IP Petrol kudo që ndodheni.

– Pagesa të shpejta dhe të sigurta: Me opsionin për të bërë pagesa të shpejta dhe të sigurta për shërbimet tona, ju mund të kurseni kohë dhe të shmangni pritjet.

– Njoftime të personalizuara: Merrni njoftime për ofertat e reja, promocionet dhe shërbimet e reja të IP Petrol , të gjitha drejtpërdrejt në telefonin tuaj.

Si të shkarkoni aplikacionin?

– Për iPhone: Shkarkoni aplikacionin nga App Store 

– Për Android: Shkarkoni aplikacionin nga Google Play 

Shkarkimi është falas dhe i thjeshtë për të gjithë përdoruesit!

IP Petrol – Për një përvojë më të lehtë, më të shpejtë dhe më të përfshirë në çdo hap të rrugës!

The post Shkarkoni aplikacionin mobil të IP Petrol dhe përfitoni ofertat ekskluzive! appeared first on Telegrafi.

Në kuadër të përpjekjeve për thellimin e bashkëpunimit kulturor ndërmjet Bullgarisë dhe Kosovës, gjatë fundjavës në amfiteatrin e Universitetit “Ukshin Hoti” në Prizren është mbajtur koncerti folklorik me pjesëmarrjen e grupeve nga Bullgaria, Kosova, Shqipëria, Maqedonia e Veriut, Turqia dhe Mali i Zi.

Ky aktivitet kulturor është realizuar në saje të bashkëpunimit të ambasadës së Bullgarisë në Kosovë me Komunën e Prizrenit, raporton Telegrafi.

Sipas komunikatës, ambasadori i Bullgarisë në Kosovë, Hristo Gudjev ka vlerësuar bashkëpunimin e deritanishëm me Komunën e Prizrenit, duke shtuar se edhe ky aktivitet synon shtimin e shkëmbimit të përvojave në fushën e kulturës mes dy vendeve mike.

Ndërkohë edhe kryesuesja e Kuvendit të Komunës së Prizrenit, Antigona Berisha Bytyqi ka vlerësuar bashkëpunimin e deritanishëm me ambasadën e Bullgarisë dhe njëherësh ka uruar mirëseardhje për të gjithë pjesëmarrësit nga vendet e ndryshme të rajonit.

Në anën tjetër, artisti bullgar Iliya Lukov ka theksuar se vitin e shkuar një koncert i ngjashëm është mbajtur në Shqipëri, dhe se kësaj here festa folklorike e ritmeve ballkanike është bartur në Kosovë për të shijuar bukuritë e muzikave popullore dhe për të komunikuar me zemra të hapura. /Telegrafi/

 

The post Koncert folklorik për thellimin e bashkëpunimit kulturor ndërmjet Bullgarisë dhe Kosovës appeared first on Telegrafi.

Sot në qytetin e Tetovës, gjegjësisht në rrugën për në banjën e qytetin është bërë përurimi i muralit, që ishte projekt i Komunës së Tetovës dhe UNDP-së.

Kryetari i Komunës së Tetovës tha se ky projekt është rezultat i bashkëpunimit të mirë mes komunës dhe UNDP-së, duke shtuar se kanë edhe projekte tjera për të realizuar.

“Qytetarët sot nuk janë vetëm më të sigurt, por kanë edhe pamje të bukur falë UNDP. Edhe nxënësit kanë bërë një punë të mrekullueshme, që mos të shohim dheun që rrëshqet, por të shohim këtë pamje. Me UNDP kemi projekte për Tetovën, për mbrojtje nga vërshimet dhe shumë projekte tjera”, tha Kasami.

Ndërsa ambasadori i UNDP-së në RMV-së Armani Gregorian, tha se këtë vit në shënimin e Ditës ndërkombëtare të fatkeqësive natyrore fokusi kanë qenë të rinjtë, të cilët edhe e kanë realizuar muralin në murin e rrugës së banjës së qytetit./Telegrafi/

 

The post Përurohet murali në rrugën e Banjës së Tetovës appeared first on Telegrafi.

Helen Flanagan ka zbuluar se dëshiron të lidhë kurorë me të dashurin Robbie Talbot.

Aktorja 33-vjeçare ka nëntë muaj që është në lidhje me ish-futbollistin 43-vjeçar, por tashmë ata po bëjnë plane të mëdha për të ardhmen.

Duke folur në intervistën e tyre të parë të përbashkët, Helen – e cila më parë ishte e fejuar me Scott Sinclair për katër vjet – tha për revistën “OK!”: “Unë ende ëndërroj për një martesë të madhe”, shkruan DailyMail.

“Dua fustanin, ditën e madhe, të gjitha. Unë patjetër dua të martohem.”

Ndërkohë, Robbie – i cili ka qenë i martuar më parë dhe ka dy fëmijë – zbuloi se ishte ‘i hapur’ ndaj idesë për t’u martuar përsëri dhe për të pasur më shumë fëmijë.

“Ka një diferencë moshe 10-vjeçare mes nesh, por nuk do ta përjashtoja”, shpjegoi Robbie. “Jo tani, ndoshta në të ardhmen.”

Helen ka edhe fëmijët e saj, Matildën, nëntë vjeç, Delilah, gjashtë vjeç dhe djalin Charlie, tre vjeç, të cilët i ndan me ish-futbollistin Scott.

Ish- ylli i Coronation Street u prit me reagime kur rrëfeu se kishte tashmë një të dashur sekret, Robbie, jashtë spektaklit. /Telegrafi/

The post Helen Flanagan zbulon se dëshiron të martohet me të dashurin Robbie Talbot, pas nëntë muajsh lidhje appeared first on Telegrafi.

Ambasada e SHBA-së në Tiranë ka publikuar një mesazh adresuar qytetarëve amerikanë pak orë para protestës së opozitës.

Ambasada amerikane udhëzon shtetasit e saj që të monitorojnë mediat lokale dhe të ndjekin udhëzimet e autoriteteve lokale të zbatimit të ligjit për informacionin më të fundit.

“Një demonstratë është planifikuar të mbahet të hënën, më 7 tetor. Protestuesit planifikojnë të mblidhen në Kryeministri në orën 18:00. Pritet prania e shtuar e policisë, mbyllja e rrugëve dhe ndërprerja e qarkullimit. Policia e Shtetit Shqiptar ka këshilluar se protestuesit mund të bllokojnë kryqëzimet në pjesë të ndryshme të qytetit të Tiranës. Personeli i Ambasadës Amerikane është këshilluar që të shmangë demonstratën. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit”. /Telegrafi/

 

The post Protesta e opozitës, ambasada e SHBA në Tiranë mesazh qytetarëve amerikanë: Shmangni demonstratën appeared first on Telegrafi.

Dy të rinj që janë konstatuar nga efektivët e policisë Rrugore duke bërë gara me makina në qendër të Tiranës, kanë përfunduar pas hekurave.

Mësohet se pas ndalimit nga policia, të rinjtë janë konstatuar se i drejtonin mjetet në gjendje të dehur, shkruan A2.

Ata po ashtu nuk i janë bindur urdhrit të punonjësit të policisë, gjatë kryerjes së veprimeve për ndalimin e tyre, raporton A2.

“D. D., 22 vjeç dhe B. U., 24 vjeç, të dy banues në Tiranë, pasi në rrugën “Abdi Toptani”, janë konstatuar duke bërë gara shpejtësie me automjete që i drejtonin në gjendje të dehur dhe pa leje drejtimi”, sqarojnë autoritetet.

The post Gara me makina në qendër të Tiranës, pranga dy të rinjve appeared first on Telegrafi.

Politika e transferimeve të Real Madridit gjatë viteve të fundit ka bërë që ata të kenë objektiv lojtarë më të rinj në moshë.

Emra si Jude Bellingham, Eduardo Camavinga dhe Vinicius Junior që të gjithë u transferuan për shuma të mëdha parash, por që të gjithë të rinj në moshë dhe duke u përmirësuar vazhdimisht në ‘Santiago Bernabeu’.

Real Madridi është i gatshëm që të shpenzojë shumë kur është e nevojshme dhe për dikë si Cole Palmer i cili mund të jetë një objektiv në vitin 2025 në rast largimi të Rodrygos.

Sidoqoftë, legjenda e Liverpoolit, Graeme Souness ka pranuar se ai mund ta shoh gjigantin spanjoll duke bërë një ofertë për yllin e Chelseat.

“Jam i sigurt se ka lojtarë të tjerë tek të cilët do të shpenzonin. Chelsea pagoi 40 milionë për Palmer, por nëse Real Madridi troket në derë verën e ardhshme dhe ai është ende në nivelin që po e shfaq, nuk do të isha i befasuar nëse marrin një ofertë prej 150 milionë eurosh për të”, ka thënë Souness.

Nuk ka asnjë dyshim se Palmer do ta përmirësonte ekipin e Real Madridit, por do të jetë e vështirë t’ i shohim ata duke bërë një ofertë për nënshkrimin e tij në një të ardhme të afërt.

Kjo pasi edhe në rast largimi eventual të Rodrygos, ata tashmë kanë në radhët e tyre Arda Guler që mund ta zëvendësojë pa problem brazilianin./Telegrafi/

The post Legjenda e Liverpoolit pret që Real Madridi të ofrojë 150 milionë euro për yllin e Chelseat appeared first on Telegrafi.

BDI ka reaguar sot në lidhje me vdekjen e foshnjës 14-muajshe dhe kërkojnë zbardhjen e rastit.

Nga atje poashtu kanë kërkuar edhe dorëheqjen e Ministritë të Shëndetësisë, Arben Tarvari.

“Që nga fillimi me punë i kësaj Qeverie, ne si BDI kemi shprehur vërejtjet dhe shqetësimet e tona lidhur me planin e funksionimit të sistemit shëndetësor në vend nga ana e Ministrit të Shëndetësisë, Arben Taravarit.

Foshnja 14 muajshe vdiq sepse nuk mori trajtimin e duhur nga institucioni kompetent, respektivisht në Klinikën e Fëmijëve në Shkup, drejtor i së cilës është Rexhep Memedi i cili ka akomofuat edhe kushëririn e vet Alajdin Memedi bashkë me të cilin akuzohen për korrupsion.

Ditët po kalojnë dhe Drejtori Mehmedi vazhdon të mos ketë sy e vesh për një skandal të të radhës të institucionit ku ai është drejtor, e që për pasojë humbi jetën një fëmijë 14 muajsh, ndërsa më herët rriheshin fëmijët nga punonjësit dhe ju ndaloheshte të flasin shqip.

Sigurisht është i zënë duke punuar maksimalisht për ti punësuar familjarët e tij, kushëririn e tij dhe njëherit edhe për t’ia mbuluar skandalet për abuzim financiar po në këtë klinikë të njëjtit.

Gjithashtu, edhe Ministri Taravari i cili është i hutuar krejtësisht duke u shëtitur nëpër lagje e qytete në tentim për tia vjedhur partinë dhe vulat e ASH-së ish kryetarit të tij Zijadin Sela, aspak nuk ndjen obligim moral dhe motivacion moral për të vepruar si njeri në këtë situatë”, thuhet në kumtesën e BDI-së.

Përkundrazi, shtojnë nga atje, ai tenton të relativizoj gjithë këtë situatë, e cila në një vend normal do të kishte rezultuar jo vetëm me dorëheqjen e tij dhe drejtorit te paafte Memedi.

Nga atje kërkojnë që Arben Taravari të largohet nga posti i Ministritë të Shëndetësisë./Telegrafi/

The post Vdekja e foshnjës 14 muajshe, BDI: Arben Taravari të jap dorëheqje appeared first on Telegrafi.

Jennifer Lopez bëri paraqitjen e saj të parë të madhe publike që kur paraqiti kërkesën për divorc nga Ben Affleck, teksa u shfaq në një pjesë të pararegjistruar të dielën në Specialen e Përvjetorit të 50-të të Çmimeve të Muzikës Amerikane.

Aktorja-këngëtarja, 55-vjeçare, tha në këtë video se kishte kujtime të fëmijërisë duke parë shfaqjen e çmimeve, duke e frymëzuar atë në rrugën e saj drejt superyjeve ndërkombëtarë.

“Është goxha e pabesueshme, apo jo?” tha ylli shumëvjeçar. “Pesëdhjetë vjet nga “American Music Awards”. Mbaj mend që i shikoja në shtëpi kur isha e vogël”, shkruan DailyMail.

Artistja e “Love Don’t Cost a Thing” vuri në dukje se si ajo bëri debutimin e saj në “American Music Awards” në 2001, duke kujtuar: “Ishte shumë kohë më parë – por energjia në dhomë ishte shumë elektrike”.

Këngëtarja paraqiti kërkesën për divorc nga Ben Affleck më 20 gusht – dy vjetorin e martesës së tyre pas ceremonisë së tyre luksoze në Gjeorgji në 2022.

Ajo ishte veshur me një bluzë rozë. Lopez reflektoi për një fitore të vitit 2011 në kategorinë ‘Artistja e preferuar Latine’, duke thënë se ishte “thjesht një përvojë përulëse”.

Ajo shtoi: “Fitimi i një çmimi të votuar nga fansat është jashtëzakonisht i veçantë sepse është drejtpërdrejt nga njerëzit për të cilët ju bëni muzikën”.

Artistja e “If You Had My Love” tha se kishte qenë një nder i madh të priste punimet në vitin 2015 dhe u shfaq në stile të shumta teksa kishte një sërë ansamblesh në ceremoni.

“Vendosa që do të ndryshoja çdo herë që do të dilja atje”, tha Lopez. “Ne bëmë këtë përzierje kërcimi me të gjitha këto këngë të mrekullueshme të atij viti dhe doja që të gjithë ta ndjenin atë dashuri dhe energji.”

Aktorja e “Hustlers” shtoi: “Ndoshta do ta bëj sërish një ditë. Kush e di?”. /Telegrafi/

 

The post Jennifer Lopez bën paraqitjen e saj të parë në “AMA”, që nga paraqitja e divorcit të Ben Affleck appeared first on Telegrafi.

Oficerët e policisë që arrestuan një pastor me ngjyrë ndërsa ujiste lulet e fqinjit të tij mund të paditen, ka vendosur një gjykatë federale e apelit, duke anuluar vendimin e një gjyqtari të gjykatës më të ulët që kishte hedhur poshtë padinë e pastorit.

Një panel prej tre gjyqtarësh të Gjykatës së Apelit të SHBA vendosi njëzëri se tre oficerëve që arrestuan Michael Jennings në Childersburg, Alabama, në maj 2022 u mungonte shkaku i mundshëm për arrestimin dhe për këtë arsye nuk janë të mbrojtur nga imuniteti i kualifikuar, transmeton Telegrafi.

Imuniteti i kualifikuar mbron zyrtarët nga përgjegjësia civile gjatë kryerjes së detyrave të tyre, për sa kohë që veprimet e tyre nuk cenojnë ligjin e përcaktuar qartë ose të drejtat kushtetuese për të cilat ata duhet të kishin ditur.

Jennings u arrestua pasi një fqinj i bardhë e raportoi atë në polici, teksa po ujiste kopshtin e mikut të tij ndërsa ata ishin jashtë qytetit.

Policët morën një denoncim për një njeri të çuditshëm dhe një automjet në pronë. Oficerët që u përgjigjën thanë se ata arrestuan Jennings sepse refuzoi të jepte letërnjoftimin.

Pamjet e kamerave tregojnë se burri në mënyrë të përsëritur u tha oficerëve se ishte ‘Pastori Jennings’ dhe se jetonte matanë rrugës.

Jennings, e cila u pa në video duke ujitur lulet, sapo ishte kthyer nga shërbimi i së dielës. Ai i tha policisë se fqinji i tij i kërkoi të kujdesej për lulet e tij ndërsa ishte jashtë qytetit.

Por pavarësisht qëllimeve të tij të mira dhe banorëve të tjerë që garantuan për të – duke përfshirë një fqinj të bardhë – Jennings u dërgua në burg dhe më vonë u akuzua për pengim të detyrës dhe u detyrua të paguante garanci prej 500 dollarësh për të dalë. /Telegrafi/

The post Ujiti lulet e fqinjit që ishte në pushime, policia në Alabama arreston pastorin appeared first on Telegrafi.

Ministri i Shëndetësisë Arben Taravari sot deklaroi se inspektorët e Inspektoratit Shtetëror Shëndetësor dhe Sanitar në mëngjes kanë kryer kontrolle në Spitalin Kozle dhe Klinikën e Fëmijëve në Shkup, pas vdekjes së fëmijës 14 muajsh pardje, ndërsa më herët prindërit e tij kanë kërkuar që ai të shtrohet në spital.

Ai ka theksuar se mëngjesin e sotëm ka pasur një takim me drejtorin e Inspektoratit Shtetëror Shëndetësor dhe Sanitar.

“Takimi i parë mëngjesin e sotëm ishte me drejtorin, tashmë ekipi është në terren. Komisioni tashmë është formuar dhe është në punë, në terren për të shqyrtuar të gjitha faktet dhe argumentet”, tha Taravari.

Ai ka konfirmuar se inspektorët e ISHS-së dhe Komisionit të formuar prej tij kanë qenë në dy spitalet në Shkup që nga ora 9:00.

Taravari konfirmoi dje se fëmijës së vdekur në Klinikën e Fëmijëve i ishte refuzuar më parë shtrimi në spital dhe theksoi se “dikush duhet të mbajë përgjegjësi kur ka raste të tilla tragjike në sistemin shëndetësor”./Telegrafi/

The post Taravari: Po hetohet vdekja e foshnjës 14-muajshe appeared first on Telegrafi.

Ish-ministrja e Financave, Hykmete Bajrami ka reaguar pas vendimit tw Qeverisw sw Kosovws pwr rritje tw pensioneve.

Deputetja e LDK-se, Bajrami thekson se rritja e pagave, pensioneve dhe shpërndarja taksave të qytetarëve në çfarëdo forme, në kohë fushate elektorale, është tentativë siç ka shkruar ajo me ble vota, ‘është skemë e korrupsionit publik’.

“Nëse Albini Kurti e Hekuran Murati do të brengoseshin për qytetarë, ata pensionet dhe pagat do t’i indeksonin për normën e inflacionit që në vitin 2022, por kjo nuk ndodhi sepse atëherë nuk kishte zgjedhje.

Rritja e pensioneve sot 20%, nuk është e mjaftueshëm sepse vetëm norma e inflacoionit që ka ndodhë gjatë qeverisë Kurti është 22%”, ka shkruar Bajrami. /Telegrafi/

The post Reagon Bajrami pas rritjes së pensioneve: Tentativë me ble vota appeared first on Telegrafi.

Presidenti amerikan ka lëshuar një deklaratë për të shënuar përvjetorin e parë të sulmeve të 7 tetorit të Hamasit ndaj Izraelit.

Joe Biden tha se grupi militant filloi “brutalitet të papërshkrueshëm” në vend dhe SHBA-ja mbetet “plotësisht e përkushtuar” për të garantuar sigurinë e Izraelit.

“Sulmi i 7 tetorit solli në sipërfaqe kujtime të dhimbshme të mbetura nga mijëra vjet urrejtje dhe dhunë kundër popullit hebre”, tha Biden, shkruan skynews.

“Atëherë ia bëra të qartë popullit të Izraelit: ju nuk jeni vetëm”, shtoi ai.

Lideri amerikan vazhdoi: “Një vit më vonë, zëvendëspresidentja Harris dhe unë mbetemi plotësisht të përkushtuar ndaj sigurisë së popullit hebre, sigurisë së Izraelit dhe të drejtës së tij për të ekzistuar”.

Ai thekson se SHBA-ja “nuk do të ndalojë së punuari” për të arritur një marrëveshje armëpushimi që parashikon kthimin e pengjeve në Izrael, një rritje të ndihmës për njerëzit në Gaza dhe një fund të luftës.

“Izraelitët dhe palestinezët njësoj meritojnë të jetojnë në siguri, dinjitet dhe paqe”, përfundoi presidenti amerikan. /Telegrafi/

The post Presidenti amerikan me deklaratë për njëvjetorin e luftës në Gaza appeared first on Telegrafi.

Institucioni i Avokatit të Popullit do të ndjekë nga afër protestën e sotme të opozitës me pesë grupe të shpërndara në terren.

Në një njoftim për mediat, Avokati i Popullit, bën të ditur se një grup tjetër do të monitorojë raportimet online dhe live të mediave, me qëllim të vlerësimit të saktë të ecurisë së ngjarjeve në kohë reale, ndërsa 4 grupe monitorimi do të mbikëqyrin komisariatet e policisë pas protestës.

“Do të qëndrojnë në terren pesë grupe monitorimi, të cilat do të ndjekin nga afër zhvillimet në zonat ku do të realizohet protesta. Një grup tjetër monitorimi është ngarkuar për të ndjekur raportimet online dhe live të mediave, me qëllim të vlerësimit të saktë të ecurisë së ngjarjeve në kohë reale. Gjithashtu, katër grupe monitorimi, pas protestës, do të jenë prezent në komisariatet e policisë për të siguruar mbikëqyrjen e respektimit të të drejtave të qytetarëve që mund të ndalohen apo shoqërohen gjatë protestës”.

Institucioni i Avokatit të Popullit rithekson rëndësinë e respektimit të së drejtës për protestë paqësore dhe bën thirrje për mirëkuptim dhe bashkëpunim mes të gjithë aktorëve për të siguruar një protestë paqësore, ku të drejtat dhe liritë e qytetarëve të respektohen plotësisht.

“Institucioni i Avokatit të Popullit i bën thirrje Policisë së Shtetit dhe autoriteteve përkatëse që të veprojnë me përgjegjësi, duke respektuar standardet e ndërhyrjes së nevojshme për të garantuar rendin dhe sigurinë, pa cenuar të drejtat e qytetarëve. Gjithashtu, u bëjmë thirrje protestuesve që të demonstrojnë paqësisht, duke respektuar jo vetëm të drejtat e tyre, por edhe ato të qytetarëve të tjerë. E drejta për protestë duhet të bashkëjetojë me detyrimin për të respektuar rendin dhe sigurinë publike. Monitorimi i Avokatit të Popullit do të jetë i pandërprerë deri në përfundimin e plotë të protestës”. /Telegrafi/

The post Protesta e opozitës, Avokati i Popullit në terren me pesë grupe monitorimi, apel policisë dhe protestuesve appeared first on Telegrafi.

Qeveria e Kosovës ka marrë vendim për rritjen e pensioneve prej 20 për qind. Kjo u bë e ditur në një konferencë të mbajtur të hënën nga kryeministri Albin Kurti dhe ministri i Financave, Hekuran Murati.

Ky ndryshim prek të gjitha kategoritë e skemave pensionale të moshës, duke përfshirë pensionet bazike dhe ato kontributpaguese.

Sipas të dhënave të prezantuara në konferencë, pensioni bazik i moshës do të rritet nga 100 në 120 euro.

Pensioni për kategorinë e kontributpaguesve I do të rritet nga 182 në 218.40 euro, ndërsa për kategorinë kontributpagues II, nga 198 në 237.60 euro.

Kategoritë tjera si kontributpagues III dhe IV do të përfitojnë gjithashtu rritje përkatësisht nga 214 në 256.80 euro dhe nga 265 në 318 euro.

Murati theksoi rëndësinë e kësaj rritjeje për përmirësimin e mirëqenies së pensionistëve, duke shtuar se impakti buxhetor i kësaj rritjeje është rreth 100 milionë euro, ndërsa përfshirja e skemave të luftës do të zbatohet nga janari i vitit 2025.

“Ky ndryshim prek 304,016 përfitues dhe është rezultat i politikave të mirëmenaxhuara dhe rritjes së të hyrave,” tha Murati.

Rritja vlen për të gjithë pensionmarrësit e kategorive si: pensionet bazike të moshës, kontributpagues të plotë dhe parcial, pensionet për fëmijët dhe të rriturit me aftësi të kufizuara, si dhe pensionet e punëtorëve të Trepçës.

Kategoritë e luftës, përfshirë familjet e dëshmorëve, invalidët e luftës dhe veteranët, do të përfitojnë nga kjo rritje prej janarit të vitit të ardhshëm. /Telegrafi/

 

The post Pensioni bazik rritet në 120 euro, i kontributpaguesve deri në 318 euro – ja nga sa do të marrin pensionistët pas rritjes prej 20 për qind appeared first on Telegrafi.

Ka përfunduar xhiro e tetë në Albi Mall Superligën e Kosovës, ku dy ndeshje derbi u zhvilluan.

Vëmendja ishte në derbin e qytetit të Gjilanit, ku Drita dhe Gjilani luajtën baras të shtunën 1-1, derisa të dielën në derbin tjetër Llapi dhe Ballkani gjithashtu barazuan 0-0.

Ferizaj u rikthye te fitoret pasi mposhti Dukagjinin me rezultat 2-1, derisa fitore komode mori Prishtina pasi mposhti Feronikelin ’74 me rezultat 2-0.

Malisheva ka marrë një fitore spektakolare pasi triumfoi me rikthim në udhëtim te Suhareka 1-3.

Telegrafi Sport si gjithmonë ka zgjedhur më të mirët e xhiros, ku kësaj radhe dominohet nga futbollistët malishevas.

Portieri:

Në portë është Vokli Laroshi, i cili ka vazhduar shkëlqimin me fanellën e Llapit. Portieri nga Shqipëria ka katër ndeshje pa pranuar gol dhe në derbi ndaj Ballkanit bëri disa pritje fantastike duke mbajtur portën e paprekur në barazimin e Llapit 0-0.

Mbrojtja:

Kësaj radhe vije me tre qendër mbrojtës, të cilët kanë qenë vendimtar në sukseset e skuadrave të tyre.

Ermin Imamovic i ka siguruar fitoren Ferizajt, jo me gol ose asistim, por me një ndërhyrje vendimtare në minutën e 89-të duke shpëtuar gol të sigurt. Qendërmbrojtësi boshnjak gjatë gjithë ndeshjes ishte fantastik për Ferizajn që u rikthye te fitoret pasi mposhti Dukagjinin 2-1.

Fantastik këtë javë ka qenë edhe Arbër Prekazi në mbrojtje përballë Suharekës. Malisheva triumfoi me rikthim 1-3 derisa Prekazi ishte i pakalueshëm në qendër të mbrojtjes.

Arago Jamal ka zhvilluar ndeshjen më të mirë të sezonit me fanellën e Gjilanit. Qendërmbrojtësi nga Liberia ka larguar thuajse çdo top nga zona e Gjilanit dhe ishte ndër futbollistët më meritorë që bardhekuqtë nuk u mposhtën në derbi nga Drita.

Mesfusha:

Këtë javë vije një mesfushë më e ngjeshur me dy anësorë që luajnë edhe në mbrojtje si Armend Thaqi dhe Arlind Veliu.

Thaqi ishte vendimtar në barazimin e Gjilanit në derbi ndaj Dritës 1-1. Përveç që ishte i pakalueshëm në mbrojtje, anësori realizoi edhe golin nga penalltia.

Lindon Emërllahu vazhdon me paraqitje shumë të mira me fanellën e Ballkanit. Talenti suharekas edhe në derbi ndaj Llapit shkëlqeu duke dominuar në mesfushë.

Fantastik ka qenë këtë xhiro edhe talenti prishtinas Rigon Llugiqi. Mesfushori i talentuar shkëlqeu në fitoren e Prishtinës 2-0 ndaj Feronikeli ’74, duke shënuar edhe një gol shumë të bukur.

Në krahun e majtë të mesfushës vije Arlind Veliu që ishte i pandalshëm për Malishevën. Anësori shënoi dy herë ndaj Suharekës në fitoren 1-3, edhe pse njëri gol iu anulua për pozitë jashtë loje. Gjithsesi ai ishte më meritori për suksesin e Malishevës në Suharekë.

Si mesfushor ofensivë vije Etnik Brruti që pati paraqitje të jashtëzakonshme në fitoren e Malishevës 1-3 në udhëtim te Suhareka. Brruti dominoi në mesfushën e dy skuadrave, derisa krijoi disa raste të mira shënimi për bashkëlojtarët e tij.

Sulmuesit:

Dy sulmues vendimtar për skuadrat e tyre, njëri për fitore dhe tjetri për barazim dhanë kontribut të madh. Abden Abdul shkëlqeu ndaj Dukagjinit në fanellën e Ferizajt me një gol dhe një asistim në këtë sfidë.

Fantastik ka qenë në derbi edhe Arb Manaj, që shënoi golin e vetëm për Dritën. Manaj kishte shumë duele të fituara, derisa me golin e shënuar tregoi instiktin e një sulmuesi ‘vrastar’. Klinasi ngadalë po rikthehet në formën e tij më të mirë.

Trajneri i javës: 

Ky epitet shkon padyshim për Bekim Isufin. Trajneri gjilanas e pa vetën në disavantazh nga Suhareka 1-0, derisa në fund arriti një fitore spektakolare me rikthim 1-3. Isufi motivoi futbollistët e tij për një rikthim të madh, por edhe zëvendësuesit ishin fantastik në këtë sfidë.

 

The post Nga Laroshi te Jamal, Llugiqi e Manaj – formacioni i xhiros së tetë në Albi Mall Superligë appeared first on Telegrafi.

“Deri në fund të mandatit do t’u mundësohen kushte për mësim në një ndërrim dhe gjithëditor për të gjithë nxënësit deri në klasën e pestë” – ky është plani i ministres së Arsimit dhe Shkencës Vesna Janevska. Ajo tha se nxënësit do të qëndrojnë në shkolla deri në orën 16:30 dhe për aktivitetet e tyre shtesë jashtë orarit të rregullt do të punësohen mësues të tepërt, të cilët tani punojnë vetëm me pak nxënës në shkollat ​​rajonale.

Në një konferencë për media me rastin e 100 ditëve të qeverisjes, ministrja Janevska tha se janë rreth 3000 mësimdhënës që nuk do të mbeten pa punë duke riorganizuar punën e tyre dhe duke optimizuar shkollat.

Në raportin për njëqind ditë të funksionimit të Qeverisë, ministrja bëri me dije se në 140 shkolla “është vendosur mësimi me një ndërrim që është cilësor, ekonomik dhe efektiv dhe së shpejti numri do të rritet me 50”.

“Nuk ka kapacitet në vend për të nisur menjëherë mësimin një ndërrim dhe gjithëditor në këtë moment. Por plani është aty ku është, që procesi të fillojë, dhe pothuajse kudo në brendësi të vendit, problem është Shkupi dhe disa shkolla të tjera në disa qytete më të mëdha”, tha Janevska.

Ajo theksoi se për këtë qëllim është duke u bërë një analizë me Bankën Botërore në të cilën shkollat ​​mund të fillojnë mësimin me një turn me shtimin e një deri në 15 klasa dhe në disa komuna si Çairi dhe Aerodromi do të duhet të ndërtohet një shkollë./Telegrafi/

The post Janevska: Deri në fund të mandatit do të mundësojmë kushte për mësim në një ndërrim appeared first on Telegrafi.

Gjatë viteve të fundit, Izraeli ka eliminuar një nga një lidershipin e Hamasit – me kreun e këtij grupi të armatosur të “mundur” dje.

Por kryesori prej tyre – mbetet në arrati, “truri” i sulmit të 7 tetorit  – Yahya Sinwar, transmeton Telegrafi.

Kreu i këtij grupi vazhdon të fshihet pas një viti luftë të ashpër – e një video e publikuar së fundmi shfaqet në një tunel ku po mbaheshin pengjet.

Fotografia bardhezi, e zbuluar nga trupat e IDF-së gjatë një bastisjeje, shfaq burrin që besohet të jetë Sinwar duke kaluar nëpër tunel së bashku me gruan dhe tre fëmijët e tyre – dhe ajo çfarë bie në sy është një valixhe e madhe që e mbante në dorë.

“Në atë valixhe kishte rreth24 kilogramë dinamit. Rreth tij gjendeshin të paktën 20 pengje”, ka thënë Kobi Michael, ish-eprori i Shin Bet që kishte marrë në pyetje Sinwarin.

“Kemi pasur disa raste ta vrasim, por nëse e bëjmë, ai do të vret të gjithë pengjet rreth tij”, shtoi Michael. /Telegrafi/

The post Lideri i Hamasit filmohet duke bartur valixhen me 25 kilogramë dinamit derisa kalon në tunel me gruan dhe tre fëmijët appeared first on Telegrafi.