Ekspertët e pyjeve dhe studiuesit e natyrës thonë se zjarret masive të këtij viti në Shqipëri pritet të rrisin rrezikun e përmbytjeve gjatë stinës së dimrit.

Zjarret që konsiderohen si më të mëdhatë e dekadës së fundit kanë djegur në shumë zona mbulesën bimore duke përshpejtuar erozionin dhe vërshimin e ujrave.

Sipas ekspertëve qeveritë vendore po tregojnë mangësi të mëdha si në mbrojtjen nga zjarri, në menaxhimin e pyjeve dhe përballimin e emergjencave.

Pamjet me dron në shumë zona të Shqipërisë tregojnë situatën që kanë lënë pas në pyje dhe kullota zjarret masive të këtij viti.

Sipas të dhënave të përditësuara nga Sistemi Europian i Informacionit për Zjarret në Pyje, Shqipëria është përshkuar nga fillimi i këtij viti nga rreth 160 zjarre masive që kanë djegur rreth 46 mijë hektarë me pyje.

Dëmet nga zjarret e këtij viti janë më të mëdhatë e dekadës së fundit, thotë inxhinieri i pyjeve Abdulla Diku.

“Viti 2024 rezulton me numrin më të madh të zjarreve dhe po ashtu me sipërfaqen më të madhe të djegur në Shqipëri, një vit i cili e ka kaluar gati me 3mijë hektarë vitin 2017 që mbahej si viti rekord i zjarreve. Pasoja e parë me të cilën Shqipëria pritet të përballet gjatë këtij viti nga kjo djegie masive e pyjeve është rreziku i përmbytjeve”, thotë zoti Diku.

”Elementi i parë më negativ me të cilin ne përballemi aktualisht është shpyllëzimi i shpateve të pjerrëta. Rezultat i kësaj është degradimi i menjëhershëm i tokës, zhveshja e sipërfaqes së tokës nga bimësia pyjore. Këto janë pasojat të cilat ndihen në pjesën e Ultësirës Perëndimore të Shqipërisë me përmbytje dhe erozion masiv të tokës bujqësore.”

Studiuesi i shkencave të natyrës Lulëzim Shuka flet për zjarret masive të këtij viti të ndikuara jo vetëm nga ndryshimet globale klimatike, por edhe nga kushtet e veçanta të Shqipërisë.

“Mbulesa bimore është shumë e ulët aq më tepër që mbulesa pyjore është akoma edhe më e ulët, për pasojë toka nuk ruan lagështi, avullimi është shumë herë më i madh dhe sigurisht periudha e verës është tejet e nxehtë. Kjo bëhet shkak për zjarre edhe për shkak të një mbulese bimore të mbledhur në vite si pasojë e mungesës së kullotjes së bagëtive në shumë zona të vendit.”

Rreziku i përmbytjeve rritet në disa rajone të vendit, si pasojë e dëmtimit të mbulesës bimore nga zjarret, thotë më tej zoti Shuka.

“Mungesa e mbulesës bimore nga zjarret bën që ujrat të mbërrijnë më shpejt në lumenj dhe për pasojë në det gjë që shkakton përmbytje të mëdha. Kjo e favorizuar edhe nga zhvillimi i pakontrolluar urban. Ne kemi zënë grykat e lumenjve me ndërtime. Gjirokastra, përshembull jo më kot ishte në shpatet e malit për shkak të këtyre përmbytjeve.”

Si studiuesi i natyrës Shuka edhe inxhinieri i pyjeve Diku flasin për nevojën e menjëhershme, sipas tyre, të ndryshimit të situates nga qeveritë vendore që menaxhojnë pyjet.

“Kërkohet një sjellje tjetër menaxhuese ndaj natyrës dhe ekosistemeve natyrore. Për këtë duhet të planifikohen mbjellje fidanësh. Është dicka specifike që ndodh në Shqipëri: në shumë zona të vendit kemi ecjen lart të disa llojeve halore që mund të shfrytëzohen në kushtet e e klimës së sotme për mbjelljet e reja. Po ashtu qeveritë vendore duhet të mendojnë për shuarjen e zjarreve duke forcuar kapacitetet me mjete dhe burime njerëzore,” thotë zoti Shuka.

“Për fatin e keq nuk është se ka mungesë kapacitetesh, ka mungesë organizimi më shumë. Dua të kujtoj që dhjetë vitet e fundit administrata e bashkive është shtuar me 10 mijë punonjes që do të thotë që duhet të kishim më shumë njerëz në terren për të menaxhuar, për të parandaluar, për të ulur ndikimin negative të zjarreve, por kjo nuk po ndodh”, thotë zoti Diku.

Sipas tij pajisjet teknologjike që janë të nevojshme për zbulimin e zjarreve në kohë mungojnë. Gjithashtu, mjetet për luftimin e zjarreve që nga pompat e thjeshta deri tek mjetet e motorizuara mungojnë. Vëmendje e shtuar, thonë ekspertët, duhet kushtuar edhe trajnimit të stafit që duhet të aganzhohet në terren për shuarjen e zjarreve.

“Mbi të gjitha dua të kujtoj që në shërbimin pyjor shqiptar 75% e të punësuarve nuk janë specialistë pyjesh”, thotë zoti Diku.

Ministria shqiptare e Mjedisit e shpalli vitin 2024 si viti i pyjeve në 101 vjetorin e shërbimit pyjor shqiptar me një program ku përfshihet edhe rritja e sipërfaqeve të mbjella me fidanë pyjorë.

Por ritmet e mbjelljes janë tejet të ulta, në raport me mijëra hektarë që dëmtohen cdo vit . Sipas ekspertëve ato nuk kalojnë as 100 hektarë mbjlleje të reja fidanësh pyjorë në vit.

Një vit më parë një zjarr masiv përshkoi me ditë të tëra rreth 820 hektarë në Zonën e Mbrojtur të Pishë Poro në Fier ku rreth 365 hektarë ishin me pisha të cilat u dogjën plotësisht./VOA

“Unë njoh 15 vende që së bashku kanë aq tanke sa ka ushtria jonë”. Këtë fjali përdori Presidenti Aleksandër Vuçiç për të glorifikuar forcën e ushtrisë së Serbisë, teksa i drejtohej të pranishmëve që ndoqën stërvitjen e quajtur “Flamuri 2024”, e cila po zhvillohet në Batajnicë me rastin e Ditës së Bashkimit, Lirisë dhe Flamurit Kombëtar.

“Dua të falënderoj të gjithë të ftuarit dhe të them se jam krenar për ushtrinë dhe gjithçka që kemi bërë. Edhe pse jam dikush që kritikon gjithmonë, është normale që të krenohem për shumë gjëra. Para dhjetë vitesh rroga e një ushtari ishte 330 euro, ndërsa sot është katër herë më e lartë. Sot kemi 4 herë e gjysmë më shumë dronë të shfaqur se herën e kaluar”, tha Vuçiç.

Nga aeroporti ushtarak “Milenko Pavloviç”, ku u ekspozuan armatime dhe pajisje të shumta moderne ushtarake, Vuçiç gjeti momentin të mburrej për numrin e tankeve, duke thënë “jemi të parët ose të dytët në Evropë”.

“Unë njoh 15 vende që së bashku kanë aq tanke sa ne. Unë isha këtu në vitin 2013 dhe as që mund ta ëndërronim këtë. Askush nuk e tregoi HQ-17, kemi radarë të rinj… 50% e prodhimit është në Serbi, dhe kjo na bën një nga ushtritë më të armatosura në Evropë në raport me popullsinë”, deklaroi Vuçiç.

Ndër të tjera në Batajnicë parakaluan pjesëtarë të Brigadës së 72-të të Operacioneve Speciale, Brigada 63 e Parashutistëve, departamenti ‘Cobra’, e po ashtu helikopterë luftarakë Mi-35, të njohur edhe si “tanket fluturuese”, por edhe avionët “MIG 29”.

Serbia është burim destabilizimi, dhe po kërkon krijimin e korridoreve etnike në Kosovë. Kështu thotë, nënkryetari i Lidhjes Demokratike të Kosovës, Lutfi Haziri, i cili në një intervistë për A2 CNN, analizon zhvillimet e fundit në vend.

Sipas tij, fajin për dështimin e procesit të dialogut nuk e kanë partnerët, por kryeministri Kurti, i cili sipas tij e ka strategji moskoordinimin.

“Roli i Serbisë nuk ndryshon, mund të sjellë përshtypje në procese e faza politike, por Serbia mbetet faktor i destabilizimit në parimin gjithçka pas pavarësisë së Kosovës. Ky është postulati që ata kanë 15 vite se e kanë rishikuar politikën pas shpalljes së pavarësisë së Kosovës dhe të gjithë udhëheqësit serbë e ruajnë këtë strategji në kuptimin e organizimit të brendshëm politik. Serbia vijon të jetë burim destabilizimi në kolaret diplomatike e nivele të tjera vazhdon me plasu luftën hibride, duke pasur kujdes forcimin e saj në veçanti pas krizave rajonale, sepse Serbia mbetet një nga furnizuesit kryesorë me municione në Ukrainë. Marr e kushtëzuar më SHBA, BE e NATO ka 35 vjet. Serbia ka funksionuar në këtë raport të kushtëzuar se kanë patur marrëdhënie të kushtëzuar. Tani këto po përkthehen në bashkëpunim dhe ky bashkëpunim avancon në partneritet. Nuk po dështon Republika e Kosovës, por qeveria Kurti”, tha ai.

Reagime të ndryshme ka shkaktuar në SHBA një deklaratë e kandidates së Partisë Demokratike për presidente, Kamala Harris, ku tregoi në mënyrë origjinale se ajo është pro ligjit që lejon përdorimin e armëve.

Me Donald Trump që e akuzon se ajo “do të marrë nën kontroll armët e botës”, Harris teksa ishte e ftuar tek Oprah Winfrey, deklaroi se do të mbrohej duke qëlluar me armë, në rast se dikush do të hynte në shtëpinë e saj.

“Nëse dikush hyn në shtëpinë time, do ta qëlloj”, tha zv/Presidentja amerikane duke lënë disi të tronditur të pranishmit në sallë.

Në vijim, gjithë siklet Harris qeshi dhe shtoi: “Me siguri nuk duhet ta kisha thënë këtë, por stafi im do të merret më vonë me këtë.”

Harris, megjithë marrëdhënien e saj të diskutueshme me armët, e ka bërë të qartë synimin e saj për të zbatuar një ndalim të pjesshëm të armëve që amerikanët mund të përdorin, duke hequr nga tregu ato sulmuese me precizion të lartë, të cilat ajo i ka përshkruar si “mjete lufte”.

Pavarësisht se kërkon ligje më të rrepta për armët, ajo ka theksuar në vazhdimësi se është një mbështetëse e Amendamentit të Dytë, i cili mbron të drejtën për t’i mbajtur ato.

“Ne nuk do t’i marrim armët askujt. Walsh dhe unë jemi të dy pronarë armësh”, deklaroi më tej Harris si për të hedhur poshtë akuzat e rivalit të saj.

Harris kishte folur edhe më parë për zotërimin e armëve, teksa në vitin 2019 gjatë fushatës së saj të parë presidenciale shprehej: “Unë jam pronare e një arme të cilën e mbaj për të njëjtën arsye që e bëjnë shumë njerëz – për sigurinë personale.”

“If somebody breaks in my house they’re getting shot” ~ Kamala Harris on Oprah Winfrey #GunBan #Hypocrite #GunControl
“Guns for me but not for thee.” pic.twitter.com/9YLJnFBUF5

— We The People Vancouver (@MadC0NSERVATIVE) September 20, 2024

Nga Ruben Avxhiu

E kanë thënë shumë vetë këto ditë, të tronditjes kombëtare për vdekjen e parakohshme të Gerti Bogdanit dhe paradës përshkruese të virtyteve personale të këtij djali të ri:

“Kur paska qenë kaq i mirë,

Pse nuk e ka përdorur pak më shumë e më mirë shoqëria shqiptare?

Pse nuk i është dhënë më shumë mundësi, më shumë dukshmëri, më shumë rol?

Pse nuk janë njerëzit si ai fytyra e opozitës shqiptare, fytyra e shtetit shqiptar, e institucioneve publike shqiptare?”

Vërtet që politika dhe shoqëria shqiptare u bashkuan në një kor në vlerësimin e këtij njeriu, të provokuar sigurisht nga ikja e pakuptueshme dhe e parakohshme e një djali të ri. Nga që na kujtoi të gjithëve se sa të brishtë jemi. Se sa lehtësisht të thyeshëm e të largueshëm nga kjo jetë.

Do të kishim qenë të gjithë më të qetë po të ishte mbipeshë, apo i tharë nga uria, pijanec abuziv, I çthurrrur në mos i mplakur, me probleme shëndetësore e shenja paralajmëruese. Por, Gerti nuk kishte asnjë nga këto, duke na futur frikën ne të pathyeshmëve e të pamposhturve, neve që e dimë se vdekja është për të tjerët, ata që e meritojnë për mënyrën si jetojnë e si sillen.

Kishte edhe arsye të qarta pse të majtë e të djathtë u bashkuan për ta kujtuar e përcjellë me dhimbje. Nuk ishte më politikan aktiv. Kur kishte qenë nuk e kishte prishur gojën. Nuk ishte treguar harbut. Kur e kishin larguar nuk kishte bërë zhurmë, nuk kishte gjuajtur me gurë miqtë e aleatët. E kishte pranuar mënjanimin me dinjitet. Me qetësinë e atij që ka pasur dhe ende kishte rrugë të tjera në jetë për të kontribuar. Njerëz të tillë mënjanohen e hidhen lehtë. Nuk të vrasin. Nuk marrin hak. Janë të cunguar nga edukata dhe gjerësia e mendjes dhe shpirtit.

Problem është kur i ke miq e të afërm, aleat dhe prijës, se nuk bëjnë favore të pamerituara. Edhe kur i meriton e ka vështirë t’i bëjë se duhet t’u imponohet strukturave, duhet të përleshet me zorzopët dhe servilët, me bullizuesit dhe hakërryesit, me gojëprishurit e barbarët që popullojnë jetën politike në Shqipëri.

Ky lavdërimi “çun i mirë” ka pasur historikisht në Shqipëri edhe ofendimin brenda, madje edhe përbuzjen. Ashtu të nënkuptuar. I atillë nuk është vetëm njeriu i virtytshëm dhe i edukuar, i urtë dhe i kujdesshëm. Është edhe ai, i skartueshmi, i dhunueshmi, i harrueshmi. Ai për të cilin njerëzit me fjalë ia mbajnë anën por jo me vepra. Ai që në fund të gjithë e lënë pas nëse kërcënohen nga “djemtë e këqinj” të çdo kohe.

Në fund, vlera e një shoqërie matet pikërisht nga kapaciteti dhe gatishmëria për t’u bërë vend djemve dhe vajzave të një edukate dhe karakteri si ky që duket se simbolizonte edhe Gerti Bogdani.

Mbase politika nuk është ende fusha ku njerëzit si Bogdani duhet të drejtojnë potencialin e tyre. Por nga ana tjetër, a ka fushë profesionale në Shqipëri, që nuk është vënë në diktatin e panevojshëm dhe grykës të politikës? Nga skenat e koncerteve, te sallat shkencore, politika vigjëlon, shpërblen, dhe ndëshkon. Çuna e goca të mira, të gjithë të mirëseardhur, sa kohë që ulen në cepin që u caktojnë dhe zbukurojnë fasadën, vërtetojnë narrativën, dhe mbeten të përthyeshëm, të zëvendësueshëm, të spostuesshëm. Rinia që po ikën? Truri që po rrjedh jashtë? Janë të gjitha shqetësime të zbrazëta. Ikja e rinisë siguron mungesën e ndryshimit. Për tru, nëse ka një vend ku i dinë të gjitha e nuk kanë nevojë për sqarime është Shqipëria. Përkundrazi, nëse dikush nuk është i qartë për ndonjë temë, pavarësisht se në çfarë fushe, le të shkojë në Shqipëri. Je kudo i rrethuar nga ekspertë.

Është ironi e dhimbshme, por fakt, që vdekja mizore vërtet që ia shkurtoi udhëtimin, ia shkretoi familjen dhe e mori përgjithmonë, mirëpo, për një moment, në sytë e gjithë vendit, ndriçoi mbi Gerti Bogdanin, ashtu si jeta nuk kishte mundur ta bënte në 44 vitet e saj. Tani ceremonitë mbaruan. Do të kthehemi te e përditshmja jonë, ku mijëra të rinj si Gerti çojnë dëm potencialin e tyre në një shoqëri që nuk di çfarë të bëjë me ta. Të cilën ata vetë nuk gjejnë dot si ta ndihmojnë, si ta nxjerrin nga llumi i padrejtësisë dhe akoma më keq nga llumi i banalitetit.

Ish-drejtori i SHISH, Visho Ajazi Lika ka shpjeguar në emisionin Balkan Talks në Euronews Albania qëllimin që ka në thelb politika ruse në raport me Ballkanin.

Sipas tij, zanafilla e kësaj marrëdhënie që ka krijuar Rusia me Ballkanin vjen jo vetëm për shkak të historisë, por edhe faktit që Rusia e ka “shfrytëzuar” Ballkanin sepse ka shërbyer gjithmonë si një urëlidhëse mes Lindjes dhe Perëndimit.

“Fillon historia qysh me perandorinë ruse. Rusia ka pasur gjithmonë një vëmdnej të veçantë për Ballkanin. Arsyeja e parë është se popullsia e këtij vendi është sllavo-folëse dhe gjithashtu e besimit ortodoks. Ballkani ka qenë një urë lidhëse mes perëndimit dhe lindjes, për këtë arsye janë përplasur gjithmonë interesat e fuqive të mëdha. Unë do të thosha që është trajtuar si oborri i mbrapëm i perandorisë ruse,” –u shpreh ish-drejtori i SHISH.

Sipas këndvështrimit të tij, nuk është qëllim vetëm sabotimi NATO-s dhe Perëndimit, por ndikon edhe fakti që Rusia kërkon të mbajë aleancat me vendet e që më parë ka pasur lidhje, në mënyrë që këto vende të mos kalojnë nën influencën e mirëfilltë perëndimore.

Ylber Ramadani nuk është vetëm futbollisti që ka bërë më shumë kilometra në Euro 2024 në Kombëtaren Shqiptare, por është edhe ndër më të mirët në këtë turne.

Mesfushori i kuqezinjve ka përshkuar mesatarisht 12.51 kilometra për ndeshje sipas raporti teknik të UEFA-s. Ramadani i cili është një pikë e rëndësishme e Shqipërisë së Sylvinhos ka lënë pas në këtë renditje Granit Xhakën e Zvicrës, Declan Ricen e Anglisë apo Joshua Kimmich të Gjermanisë.

Mesataren më të lartë të kilometrave të përshkuara e ka portugezi Bernado Silva, 13.92. UEFA ka përfshirë futbollistë, të cilët kanë luajtur të paktën 3 ndeshje. Shqipëria është e 11 për mestaren e kilometrave të përshkuara si ekip 115.8.

Këshilli i Sigurimit i OKB-së po mban një takim urgjent lidhur me shpërthimet e pagerëve në Liban.

Mediat shtetërore dhe zyrtarët e grupit militant thanë se telekomandat shpërthyen në Bejrut dhe pjesë të tjera të Libanit të mërkurën në një valë të dytë sulmesh që synonin pajisjet një ditë pasi pajierët e përdorur nga Hezbollahu u hodhën në erë, shkruan Sky News.

Të paktën 20 njerëz u vranë dhe më shumë se 450 u plagosën në valën e dytë, tha Ministria e Shëndetësisë.

Sulmet – të cilat besohej gjerësisht se ishin kryer nga Izraeli duke synuar Hezbollahun, por gjithashtu kanë vrarë civilë – kanë ngritur frikën se konflikti i zier i të dy palëve mund të përshkallëzohet në luftë gjithëpërfshirëse.

Nënkryetari i grupit parlamentar të PS, Toni Gogu, i zgjedhur edhe anëtar i kryesisë së PS, beson se partia në pushtet do ta fuqizojë pozicionin e saj elektoral në zgjedhjet e ardhshme.

Dikur, një nga bashkëpunëtorët e afërt të kryebashkiakut Veliaj, zoti Gogu e ka ruajtur vlerësimin maksimal për të, pavarësisht hetimeve të SPAK-ut në bashki për çështjen e incineratorëve dhe të kompanisë 5D.

“Kryetari Veliaj është një politikan, që mbrojtjen më të mirë ka punën e tij.”– tha zoti Gogu gjatë intervistës për emisionin “Pa Censurë”.

Ai rrëzoi si të pavërtetë zërat për një dobësim të pozitave të kryebashkiakut Veliaj në parti, pasi funksioni i drejtuesit të PS për qarkun e Tiranës u nda mes tij, Ogerta Manastirliut dhe Elisa Spiropalit.

“Nuk besoj në këtë thashethem. Unë besoj se puna është pasaporta më e mirë e çdo politikani dhe pasaporta e zotit Veliaj, përsa i përket punës, do të këtë mbërritur faqen e fundit, ose ka nisir pasaportë të re, aq shumë faqe pune ka zoti Veliaj. PS, me të njëjtin ritëm pune dhe me të njëjtin solidaritet partiak, do të shkojë përballë votuesit dhe rezultati do të shihet në pranverën e ardhshme. Aktualisht, PS ka 74 mandate, por në zgjedhjet e ardhshme, PS ka objektiv më ambicioz. Të konsolidojmë qeverisjen që na anëtarëson më BE. Nëse sot jemi 74, ne do të donim të kishim atë shumicë që na jep atë forcë parlamentare për të çuar përpara reformat për Shqipërinë 2030”.– u shpreh Toni Gogu në RTSH.

/a.r

Khaby Lame, italiani i njohur në rrjetin TikToker për gjestet e tij të shoqëruara me shprehjet korrespondente të fytyrës, njofton së fundmi se ëndërron një të ardhme në kinema.

“Shpresoj që kjo të jetë puna ime e përhershme sepse kam ëndërruar që i vogël të bëja filma”, thotë Khaby në Milano duke treguar për punët që ka bërë më parë si pastrues dritaresh apo ndihmës-kuzhinier, ndërsa tani nga personazh i TikTok aspiron për aktor filmi.

24-vjeçari italian me origjinë senegaleze mban vendin e parë në aplikacionin TikTok me 162.8 milionë ndjekës. Ai është bërë i njohur me videot e tij të heshtura ku jepen këshilla për gjëra të përditshme me mënyrën e tij të veçantë.

“Përse duhet ta bëjnë më të komplikuar”, komenton ai në video, me gjestin e kthimit të duarve nga qielli dhe ‘buzëqeshjes së dinakërisë.’

“Shenja e parë që më tregoi se po bëhesha i famshëm ishte kur njerë të famshëm në botë si lojtari i Real Madrid, Vinicius Junior po bënte gjestet e mia”, thotë i riu me ngjyrë. Ai nuk heziton të ndalojë për foto me fansat që e njohin në sheshin para katedrales Duomo në Milano.

Lame thotë tashme se do të nisë debutimin në Hollywood me një film të titulluar “00Khaby” – për të cilin thotë se do të xhirohet në Brazil, Indi e në SHBA. Personazhi i Lame do të jetë një shpërndarës ushqimi që rekrutohet nga shërbimet sekrete amerikane.

“Por do të vazhdoj të bëj video në TikTok!” i premton ai ndjekësve.

Kandidati republikan për president, Donald Trump kritikoi hebrenjtë amerikanë që nuk votuan për të gjatë një fjalimi kundër antisemitizmit të tij të enjten në Uashington.

Trump deklaroi se nëse ai nuk zgjidhet president, Izraeli do të “fshihet nga Toka”.

“Nëse nuk i fitoj këto zgjedhje, populli hebre do të jetë shumë përgjegjës për rezultatin. Me gjithçka që kam bërë për Izraelin, kam marrë vetëm 24 për qind të votave të hebrenjve. Duhet të mendoni me kujdes për kë do të votoni, sepse do të përballeni me një luftë të pafundme, të përgjakshme për të eliminuar shtetin hebre dhe për të dëbuar hebrenjtë nga Toka e Shenjtë”, tha Trump.

Ndër të tjera, Trump tha se Izraeli do të përballet me “asgjësimin total” nëse fiton zgjedhjet e nëntorit nënpresidentja Kamala Harris.

Partia Socialiste nuk do të dërgojë në Gjykatën Kushtetuese asnjë mocion për vlefshmërinë e mandatit të deputetëve derisa Komisioni i Venecias të sjellë opinionin e ekspertëve të tij mbi këtë çështje.

Nënkryetari i grupit parlamentar të PS, Toni Gogu, bëri të qartë pozicionin e shumicës gjatë një interviste për emisionin “Pa Censurë”.

“Ne do të presim derisa të jemi të qartë nga përgjigja për të cilën kemi pyetur Komisionin e Venecias”- tha zoti Gogu, duke iu referuar konkretisht edhe rastit të deputetes Olta Xhaçka, edhe të deputetit Vullnet Sinaj.

PS thotë se Gjykata Kushtetuese nuk mund të detyrojë deputetët sesi të votojnë, siç ka bërë gjykata në vendimin e dytë të saj për çështjen Xhaçka, pasi socialistët refuzuan dy herë t’ia dërgojnë për shqyrtim Kushtetueses.

“Kemi një ndërhyrje në pushtetin legjislativ. Është vendimi i parë i Gjykatës Kushtetuese, duke na thënë “do të votoni në këtë mënyrë, pra na ka përcaktuar vendimarrjen. Kjo cënon parimin e ndarjes së pushteteve dhe diskrecionin tonë si deputetë për të vendosur.”- u shpreh zoti Gogu.

Ai u rezervua të bëjë komente për reagimin kritik të SHBA dhe BE, sipas të cilëve, vendimi i PS nuk ishte në drejtimin e duhur, por zoti Gogu ka një mesazh për partnerët.

“Ne i dëgjojmë shumë mirë partnerët dhe jemi në komunikim të vazhdueshëm. Në këtë rast u themi “le të durojmë sa të marrim dhe një mendim të specializuar dhe do të marrim vendimarrjen që na ngarkon Kushtetuta”- u shpreh Toni Gogu për emisionin “Pa Censurë”, ku u diskutua edhe rasti i precedentit të deputetit Koço Kokëdhima, një rast i ngjashëm në vendimarrje me atë të deputetes Olta Xhaçka.

Në vitin 2015, PS refuzoi të dërgojë në Gjykatën Kushtetuese mandatin e deputetit Koço Kokëdhima, por në shkurt 2016, Gjykata Kushtetuese vendosi me një gjuhë të ngjashme si kjo e tanishmja.

Në atë kohë PS e pranoi pa debat këtë vendim ku thuhej se “Kuvendi duhet të vendosë dërgimin e çështjes në Gjykatën Kushtetuese, e cila është organi i vetëm që ka kompetencën të shqyrtojë në themel çështjen dhe të vendosë mbi papajtueshmërinë e mandatit të deputetit.”

Në fund, Gjykata vendosi për shkeljen e Kushtetutës nga zoti Kokëdhima dhe ia hoqi mandatin e deputetit.

Sipas masave të reja të Ministrisë së Arsimit për shkrirjen e klasave në shkolla me maksimun 25 nxënës, Drejtoria e Arsimit lokal ka vendosur të përjashtojë nga shkolla 10-vjeçaren në fshatin Simantra të Halkidhikisë për të mos krijuar një klasë të dytë paralele me klasën e 5-të të shkollës fillore.

Tashmë nxënësja në fjalë duhet të ndjekë mësimet në një shkollë në fshatin fqinj, konkretisht në Portaria, që ndodhet 8 km larg dhe familja nuk mund ta dërgojë atje.

Babai i vogëlushes, Altin Tocila, dëshmon se një ditë pas ceremonisë së nisjes së vitit shkollor , drejtoresha i ka njoftuar vendimin e përjashtimit të Drejtorisë së Arsimit, pasi klasa e 5-të ka 26 fëmijë dhe nuk mund të ketë edhe një nxënës tjetër.

Pasi prindërit e vajzës kanë kundërshtuar drejtoresha ka lajmëruar policinë për të nxjerrë fëmijën nga ambientet e shkollës. Dhjetëvjeçarja madje u tremb dhe ka filluar të qajë ndaj babai e ka marrë me vete në punën e tij gjatë gjithë ditës.

Familja në fjalë ka edhe një fëmijë tjetër më të madh që shkon në gjimnazin e Mudhaniasë, 9 km larg dhe nuk mund të përballojë transportin e dy fëmijëve dhe as ta lërë një 10 vjeçare të shkojë në shkollën e fshatit fqinj vetëm me autobusin e linjës.

Familja Tocila u detyrua të shpërngulej nga Imathia në Halkidiki, në kërkim të të ardhurave më të qëndrueshme dhe kushteve më të mira të jetesës. Pasi janë vendosur në Simantra të Halkidikisë ,kryefamiljari ka gjetur punë në një fabrikë të përpunimit të ullirit kurse gruaja e tij është e papunë.

Duke denoncuar këtë ngjarje shoqata e Mësuesve të Arsimit Fillor të rajonit shpalli ndalesë pune dhe protestë dje në mesditë para Drejtorisë Arsimore në Polygyros të Halkidhikisë.

Nga ana e tyre organet vendore të arsimit,pas publikimit të ngjarjes dhe reagimeve, kanë deklaruar se po përpiqen të gjejnë një zgjidhje duke bërë një përjashtim për numrin e nxënësve në rastin në fjalë.

“Po vijon me ritme të shpejta puna për ndërtimin e kampit në zonën e Gjadrit në Lezhë. Punimet konsistojnë në ndërtimin e murit rrethues, kanalizimeve, por edhe ndriçimit. Ndërsa autoritetet përkatëse ende nuk kanë një datë se kur pritet që të vijnë refugjatët”, raporton gazetari i Tv Klan, Martin Marku.

Zona brenda kampit është marrë në administrim nga karabinierët italian ndërsa zona e jashtme përreth pritet të ngrihet një strukturë e posaçme nga Policia e Shtetit.

Këta të fundit do të bëjnë edhe mbikëqyrjen e territorit të jashtëm të kampit.

Punëtorë dhe mjete po punojnë përgjatë 24 orëve, por ka ende edhe pak punë për përfundimin e kësaj strukture brenda bazës ushtarake të Gjadrit.

Filmimet brenda ambienteve të kampit janë të ndaluara, por siç duket edhe nga pamjet e siguruara nga Tv Klan pjesa më e madhe e dy strukturave kanë përfunduar dhe aktualisht po punohet për rrethimin, sistemimin e ambienteve të brendshme dhe lidhjen e energjisë elektrike dhe sistemit të kanalizimeve.

Ndërkohë e njëjta gjë nuk mund të thuhet për qendrën e pritëse të refugjatëve në zonën e Shëngjinit, pasi në të punimet kanë përfunduar.

Modelja Gigi Hadid festoi ditëlindjen e katërt të vajzës së saj Khai të enjten, më 19 shtator në një mënyrë shumë të ëmbël. Modelja postoi një video në instagram ku shfaqet Khai shfaqet e lumtur.

“4 vite TI, Gëzuar ditëlindjen engjëllit të mamit!”, shkruan Hadid.

Më pas Hadid ndau edhe foto të tortës së ditëlindjes shumëngjyrëshe të vajzës së saj. Tani 4-vjeçarja Khai është fryt i lidhjes së Hadid me ish-partnerin e saj, Zayn Malik. Gjatë verës, Hadid tashmë u dha fansave të saj një paraqitje të shkurtër të jetës si nënë, duke postuar foto të ëmbla të saj dhe Khai.

Nga fotot e vogëlushes duke luajtur në ujë, duke u relaksuar në krahët e mamasë së saj, tek veshja e një manteli rozë të personalizuar Versace, Hadid nuk e fsheh për asnjë sekondë se sa krenare është për vajzën e saj.

“Vajza jonë sot mbush 4 vjeç dhe kemi festuar gjithë javën! Ajo i do kafshët (dhe ato të imagjinatës së saj), muzikën, babu-Yoda, gjithçka natyrën dhe insektet, pasardhësit, çdo gjë të butë ose të vogël, dhe nëse është e mundur do të jenë në ujë nga mëngjesi në mbrëmje. Ajo është kurioze, aventureske, e dashur dhe kaq e zgjuar. Khai, është gëzimi dhe krenaria më e madhe e jetës sime të jem nëna jote! Faleminderit për katër vitet më të mira të jetës sime më kujtoni të jetoj çdo ditë në maksimum, në mënyrat më të thjeshta dhe më të bukura. Mundësitë e tua janë të pafundme, dashuria ime e ëmbël!”, ka shkruar Gigi Hadid në postimin e ditëlindjes së vajzës së saj.

Por përveç jetës së saj në qytet, Khai gjithashtu mund të kalojë kohë në fermën e babait të saj Zayn Malik në Filadelfia. Këngëtari së fundmi zbuloi se Khai e ndihmon atë t’i emërtojë kafshët e tyre, ndërsa atij i pëlqen veçanërisht të jetojë në natyrë. Me një jetë që balancon modën dhe familjen, Gigi Hadid na tregon sesi arrin të ndërthurë karrierën e saj me mëmësinë, duke i dhuruar momente gëzimi dhe dashurie vogëlushes Khai.

Shërbimet e inteligjencës së Bosnje dhe Hercegovinës kanë planifikuar eliminimin fizik të kreut të Republikës Srpska, Milorad Dodik dhe Presidentit të Serbisë, Aleksandar Vuçiç. Akuza erdhi nga vetë Dodik në një prononcim për mediat në Sarajevë.

Dodik tha se shërbimet e inteligjencës së Bosnjës dhe ish-drejtori i agjencisë Osman Mehmedagiç kishin përgatitur një plan operativ për likuidimin e tij dhe Vuçiç dhe po ashtu personave të tjerë që ndërhyjnë tek interesat boshnjake.

Edhe Sanja Vuliç, kryetare e klubit të deputetëve të SNSD-së në Dhomën e Përfaqësuesve të Asamblesë Parlamentare të Bosnjë-Hercegovinës, tha në fillim të vitit se kishte “informacion të caktuara” nga ambasada amerikane se vrasja e Presidentit të Republikës Srpska, Milorad Dodik, po planifikohej.

Një ngjarje e rëndë ka ndodhur pasditen e sotme në Durrës, pasi një 40-vjeçar është gjetur i pajetë në banesën e tij.

Sipas policisë, nga këqyrja paraprake e trupit të 40-vjeçarit nuk janë konstatuar shenja dhune.

Paraprakisht dyshohet se 40-vjeçari me iniciale A. V., ka ndërruar jetë për shkaqe natyrale.

Durrës/ Informacion paraprak

Rreth orës 19:30, njofton Urgjenca e Spitalit të Durrësit se në lagjen nr. 8 Durrës, në banesën e tij, është gjetur i pajetë shtetasi A. V., 40 vjeç.

Nga këqyrja paraprake e trupit të 40 vjeçarit nuk janë konstatuar shenja dhune dhe paraprakisht dyshohet se ka ndërruar jetë për shkaqe natyrale.

Grupi hetimor nën drejtimin e Prokurorisë po punon për përcaktimin e saktë të shkakut të humbjes së jetës së 40 vjeçarit.

Zëvendës ministri i Bujqësisë, Arjan Jaupllari shpjegoi në emisionin “Sheshi i Dollarit” skemën mbështetëse të qeverisë për fermerët për vitin 2024. Ai tha se skema kombëtare e këtij viti është në fazën përfundimtare ndërsa shtoi se do të përfitojnë edhe fermerë të prekur nga ndryshimet klimatike.

“Skema kombëtare e këtij viti është në fazën përfundimtare për t’u dhënë paratë të gjithë fermerëve edhe pse një pjesë e buxhetit nuk është rialokuar akoma. Skema e re e mbështetjes me grante është një mbështetje tjetër që qeveria i bën bujqësisë, por në këtë rast, janë të përcaktuara saktë se kush dhe çfarë duhet të mbështetet dhe jemi fokusuar në 5 drejtime kryesore, prioritare për zhvillimin e bujqësisë. E para mbështetja me sera, do të mbështeten perimet, rrushi i tavolinës dhe luleshtrydhet.
Mbështetja do të jetë jo më pak se 0.2 hektarë dhe jo më shumë se dy hektarë. Masa e mbulimit është 50 përqind e vlerës totale të faturave tatimore që një fermer do të shpenzojë për ndërtimin e një sere, do t’i përfitojë grant nga kjo skemë. E ndarë për çdo kategori, për perimet do të jetë 15 milionë lekë për hektarë, për rrushin 18 milionë lekë dhe luleshtrydhet 14 milionë lekë për hektarë sipas përllogaritjeve që janë bërë se sa shkojnë shpenzimet për të ndërtuar një lloj kategorie të këtyre serave.
Në Shqipëri kemi edhe dëmtime të mëdha si pasojë e kushteve klimatike, të cilat kanë bërë dëme sidomos në Korçë dhe jug te pemët frutore, te mollët, mandarinat dhe vreshtat prandaj rrjetëzimi ka qenë një nga objektivat e qeverisë. Me rrjetëzimin do të mbështesim fermerët dhe masa e mbulimit do të jetë 50 përqind, jo më pak se një hektarë dhe jo më shumë se 5 hektarë. Për çdo hektar, vlera do të jetë 1.5 milionë.”, u shpreh Jaupllari.

Ndërkohë, Gjok Vuksani nga departamenti i Bujqësisë në PD tha se buxheti i shtetit për ministrinë e Bujqësisë është ulur. Duke u ndalur te skema kombëtare për fermerët, ai ngriti disa pikëpyetje. Sipas tij, duhet që së pari të ishte bërë një studim për të përcaktuar problemet kryesore të bujqësisë.

Sa i përket fermerëve të prekur nga ndryshimet klimatike, ai tha se duhet aplikuar siguracione.

“Mendoj se duhet të sqarojmë shifrat. Akti normativ i qeverisë së fumdi nuk ka shtuar fondin për bujqësinë. Nga 141 milion euro është reduktuar në 139 mln euro sipas tabelës së buxhetit të shtetit të miratuar në parlament. Kemi ulje rreth 2 përqind të buxhetit për ministrinë e Bujqësisë. Më e rëndë është se janë prekur programi i sigurisë ushqimore, që është reduktuar me 134 milionë lekë, është prekur zhvillimi rural dhe menaxhimi i tokës dhe vetëmështë rritur programi për menaxhimin e infrastrukturës së kullimit dhe ujitjes. I thashë këto shifra, për të thënë se premtimi që ka dhënë ministrja nuk ka ndodhur. Nuk është rritur por është ulur me 2.5 milionë euro.

Skema e mbështetjes është një shumë prej 5 milionë eurosh, është brenda buxhetit që ka ministria e bujqësisë. Nuk është shtesë. Këtu ka disa pikëpyetje, momenti i parë a është bërë një studim paraprak për të përcaktuar se cilat janë problemet kryesore të bujqësisë. A është problem kryesor blerja e koshave të peshkut apo tonit, të disa personave që në një farë mase po i u ecën bizneset. E dyta, është që këto studime që janë bërë a kanë parashikuar se sa do të jetë fondi dhe impakti që këto para do të kenë në bujqësinë shqiptare. Tjetra është se gjithë bota po flet për ndryshimet klimatike, për masat për rrjetet që mos është e pjesshme. Duhet të vendosim siguracione në bujqësi, të cilat do të sigurojnë edhe nga breshëri dhe nga përmbytja apo zjarri.”, tha Vuksani.

Statistikat zyrtare konfirmojnë se ky sezon veror ka shënuar një rritje të konsiderueshme të numrit të vizitorëve, në krahasim me vitin e kaluar. Instituti i Statistikave publikoi raportin për strukturat akomoduese gjatë muajit korrik, sipas të cilit, numri i vizitorëve është rritur me 35,9 % në krahasim me të njëjtën periudhë të vitit të kaluar. Sipas të dhënave të INSTAT, numri i vizitorëve rezident është rritur me 8,9%, ndërsa vizitorët jo-rezident kanë shënuar një rritje me 53,1%.

Sipas Institutit të Statistikave, gjatë muajit korrik norma e shfrytëzimit të dhomave të “Hoteleve dhe akomodimeve të ngjashme” është 49,3 %, kundrejt 44,8 % që ishte në muajin Korrik 2023.

Ajo që bie në sy gjatë këtij sezoni veror është kohëzgjatja e pushimeve. Numri i netqendrimeve është rritur me 16,1% në krahasim me vitin 2023. Turistët e huaj kanë qëndruar më gjatë kryesisht në zonat bregdetare.

Një rritje të konsiderueshme ka pësuar edhe numri i vizitorëve jorezidentë nga Kosova. Në krahasim me vitin e kaluar ata kanë shënuar një rritje me 14,3%. Numër të lartë vizitorësh gjatë muajit korrik ka patur nga Italia, Polonia, Gjermania dhe Maqedonia e Veriut.

Kryeministri Edi Rama i shoqëruar nga ministri i Ekonomisë, Kulturës dhe Inovacionit, Blendi Gonxhe dhe ministri i Shtetit për Pushtetin Vendor, Arbjan Mazniku në Elbasan, janë në Shkollën Profesionale të qytetit ku studiojnë 1400 nxënës, me +8% më shumë regjistrime në klasë të 10-të se viti i kaluar.

Rama veç mesazheve të dhëna, bëri batuta edhe me një nga studentët e kësaj shkolle që i serviri kafenë.

“Si të më bëjë mirë? Çfarë jam unë këtu, diversant që të pi kafe vetëm? Nuk ka nevojë për ëmbëlsira, na bëj ndonjë kafe. Nga Gjirokastra jeni ju? Shumë të shtrënguar e paske dorën”, tha ai.