Partnerja e Cristiano Ronaldos, Georgina Rodriguez po korr sukses me dokumentarët e saj në Netflix.

Pas publikimit të sezonit të tretë të “I am Georgina”, raportimet thonë se Rodriguez po fiton afro nëntë milionë euro në sezon, duke forcuar ndjeshëm portofolin e saj financiar.

Ndërsa shifrat e sakta nga Netflix mbeten të paverifikuara, media të ndryshme spanjolle dhe latino-amerikane spekulojnë se të ardhurat e saj mund të ishin rritur me edicionin e radhës.

Sezoni i tretë i serialit dokumentar u publikua më 18 shtator dhe deri më tani ka fituar vlerësime të mira.

‘Reality show’ i Rodriguez-it në Netflix, i cili ofron një paraqitje të shkurtër të stilit të jetës së saj luksoze dhe marrëdhënies me një nga futbollistët më të pasur në botë, Ronaldon, ka tërhequr shikueshmëri të konsiderueshme.

Përveç kontratës fitimprurëse me Netflix, modelja 30-vjeçare dhe influencuesja spanjolle bashkë-menaxhon një klinikë të suksesshme të transplantimit të flokëve me Ronaldon, e cila thuhet se gjeneron rreth dhjetë milionë euro në vit.

Kjo sipërmarrje i shton një shtresë tjetër suksesit të saj financiar.

The post Shuma marramendëse! Ja sa fiton Georgina Rodriguez për një sezon nga seritë e saj appeared first on iconstyle.al.

Dokumentari i ri i Elizabeth Taylor, i cili do të shfaqet premierë në ekranin e vogël pas pak ditësh, hedh dritë mbi aspekte të jetës së saj legjendare që nuk kufizohen vetëm në skandalet e shumëpërfolura, tetë martesat dhe…diamantet.

“Elizabeth Taylor: Rebel Superstar” nxjerr në pah aspektet më njerëzore dhe më të vërteta të saj përmes betejave të saj personale, punës bamirëse, kontributit në luftën kundër SIDA-s dhe forcës së saj të karakterit pas shkëlqimit.

Përfshirja e Kim Kardashian thuhet se do të sjellë një frymë të freskët në narrativë pasi ajo ndan ndikimin që Taylor ka pasur në jetën e saj.

Dokumentari me tre pjesë do të shfaqet premierë të premten më 27 shtator në BBC2. Kontribuesit kryesorë përfshijnë mbesën e saj, Naomi Wilding, e cila beson se rishikimi është vonuar me vite, raporton Guardian.

“Kam hezituar të marr pjesë, por shfaqja tregon historinë e gjyshes sime nga një këndvështrim më njerëzor”, tha ajo. “Po kalojmë një periudhë llogarie. Ngjarjet e viteve të fundit tregojnë se ne jemi gati t’i shohim të famshmit nga një këndvështrim tjetër. Ata mund të kenë para dhe fuqi, por janë akoma qenie njerëzore që janë të brishtë dhe kanë ndjenja”.

“She knew her power, and she used it to help other people” – Kim Kardashian, Sharon Stone & Dame Joan Collins reflect on the legacy of Elizabeth Taylor

Watch Elizabeth Taylor: Rebel Superstar on @BBCiPlayer & @BBCTwo, 27 September, 9pm

Read more https://t.co/XguxldPmly pic.twitter.com/FHgQqXlMxt

— BBC Press Office (@bbcpress) September 23, 2024

Ajo gjithashtu beson se gjyshja e saj ishte një pararendëse e yjeve të realitetit të sotëm.

Dokumentari përfshin regjistrime dhe dëshmi të padëgjuara më parë nga rrethi i saj i ngushtë, duke përfshirë bijën e saj, Paris Jackson, vajzën e Michael. Gjithashtu flasin Joan Collins, Sharon Stone, Margaret O’Brien dhe Dr. Anthony Fauci.

The post Kim Kardashian merr pjesë në dokumentarin për Elizabeth Taylor, çfarë roli ka appeared first on iconstyle.al.

Donna Kelsey zbuloi për Page Six pse mendon se Taylor Swift është zgjedhja perfekte për djalin e saj Travis Kelsey. Në premierën e “Grotesquerie” në Nju Jork, ku luan yllin e Kansas City Chiefs, të hënën, Tonya tha se e sheh marrëdhënien djalit të saj me yllin e popit ”disi interesante“.

”Ai është një djalë i mirë. Është me të vërtetë. Ai është i sjellshëm. Ai është bujar. Dhe me sa kuptoj unë, po ashtu edhe ajo.”

Tona ka shtuar për çiftin: “Shpresoj të kalojnë mirë”

Nëna e dy fëmijëve ka parë filmin e koncerteve të këngëtares fituese të Grammy-it, Taylor Swift: The Eras Tour dhe “ishte krejtësisht e magjepsur” me aftësinë e Swift për të “lidhur me njerëzit”.

“E pashë dhe më pëlqeu. Ishte fantastike,” shtoi ajo, duke zbuluar më parë për People se nuk ishte një Swiftie para romancës së djalit të saj me këngëtarin.

The post Nëna e Travis Kelce për marrëdhënien e të birit me Taylor Swift:Djali im është bujar appeared first on iconstyle.al.

Policia në Spanjë ka arrestuar pesë persona të cilët, duke pretenduar se janë ylli i Hollivudit, Brad Pitt në profile të rreme të krijuara në internet, mashtruan dy gra dhe u morën 325 mijë euro.

“Të arrestuarit kontaktuan gratë nga një faqe e fansave të aktorit fitues të çmimit Oscar dhe i bënë të besonin se kishin një marrëdhënie emocionale me të”, tha në një deklaratë Garda Civile spanjolle.

Duke u paraqitur si Pitt, anëtarët e bandës më pas dyshohet se i inkurajuan gratë të investonin në projekte të ndryshme që nuk ekzistonin. Një gruaje, nga rajoni jugor i Andaluzisë iu morën 175,000 euro, ndërsa tjetra, nga shteti verior i Baskëve humbi 150,000 euro.

Kujtojmë një nga rastet më të rënda për Brad Pitt: pak muaj më parë doli lajmi se ai kishte një lidhje me një grua nga Granada, së cilës i detyrohej 170 mijë euro. Si ka mundesi? Epo, është shumë e thjeshtë: Brad Pitt nuk e kishte idenë për këtë. Zonja ra në grackën e një mashtruesi që hiqej si aktori i famshëm dhe që përfundoi duke i marrë shuma të mëdha parash.

Gruaja ka denoncuar Brad Pitt fallco me të cilin kishte një lidhje serioze për një mashtrim prej më shumë se 170 mijë eurosh. Historia nisi pasi ndoqi një klub fansash të aktorit përmes Facebook. Që atëherë filloi të kontaktonte me shumë njerëz dhe nga një gjë në tjetrën… Filloi të fliste direkt me Brad Pitt.

Performanca ishte aq e mirë sa fitoi besimin, miqësinë dhe më pas dashurinë e pakushtëzuar të gruas nga Granada. Me sa duket, mashtruesi i dërgoi asaj foto nga ngjarjet e tij në tapetin e kuq dhe inskenoi mesazhe që i shkonin drejtpërdrejt asaj. Marrëdhënia ishte aq intensive sa Brad Pitt i premtoi asaj se do të vinte në Spanjë për ta parë.

Por kjo nuk është e gjitha! Ai do të shkonte në Spanjë për të regjistruar një film së bashku. Kush nuk e ka fantazuar ndonjëherë të luajë në një film romantik me vetë Brad Pitt? Epo, ai pothuajse e përmbushi atë, por në ëndrrat e tij, sigurisht. Rezulton se ai filloi t’i kërkonte para për të paguar udhëtimin dhe përfundoi duke marrë prej tij 170 mijë euro përmes transfertave bankare.

Duke parë se premtimet që ai bënte nuk po mbaheshin, gruaja më në fund vendosi të bënte denoncim.

The post Hiqeshin si Brad Pitt për t’iu marrë grave mijëra euro, arrestohen 5 persona appeared first on iconstyle.al.

Nuk mund të ndalemi së foluri për Sean Diddy Combs dhe gjithçka që po nxjerr në dritë arrestimi i tij. Dihet se njerëz të famshëm si Kardashians dhe Princi Harry morën pjesë në festat e tyre ( të dyshimta), por ka më shumë pasi flitet edhe për abuzim seksual të Justin Bieber kur ai ishte i mitur. Tani po del një tjetër thashetheme lidhur me divorcin e Ben Affleck dhe Jennifer Lopez, ish e dashura e reperit në vitet 2000.

E gjithë kjo teori është bërë publike falë ish-ekzekutivit të rekordeve Suge Knight, i cili është në burg, por ka një podcast. Me sa duket, sipas Suge, arrestimi i Diddy-t ka qenë pika e fundit në divorcin e Ben dhe JLo, pasi do dalin në dritë disa kaseta seksuale komprometuese. Ky material grafik është konfiskuar nga FBI gjatë kontrollit në pallatet e ndryshme të Diddy dhe ka imazhe shumë komprometuese për këngëtaren.

Por, nuk është se JLo thjesht po bënte disa gjëra me të dashurin e saj në atë kohë, por këto imazhe e lidhin atë me aktivitete të ndryshme të paligjshme për të cilat do të akuzohej reperi.

Ish-drejtuesi i diskografisë është i sigurt se Ben Affleck, pasi mësoi për përfshirjen e JLo në këto kaseta, vendosi të ndahej përgjithmonë.

“Kur ai sheh gjërat që ajo dhe Diddy po bënin dhe me kë po e bënin, jam i sigurt që ia dhanë ato kaseta shtysën për ndarje. Dhe jam i sigurt se ai nuk do të mund ta shikojë më në të njëjtën mënyrë. “- tha Knight.

Situata e Diddy pas skandalit

Sot, Sean Combs përballet me një situatë delikate. Që nga shtatori i vitit 2024, reperi ndodhet në burg në Qendrën e Paraburgimit Metropolitan në Brooklyn, pasi akuzohet për trafik seksual dhe shoqërim kriminal. Kërkesa e tij për lirim me kusht është refuzuar disa herë dhe ai është në pritje të gjykimit. Akuzat lidhen me festa private dhe praktika të paligjshme, disa prej të cilave kanë krijuar polemika në industrinë e argëtimit. Akuzat kanë ndikuar në trashëgiminë e tij në botën e repit dhe bizneset e tij, përfshirë ato që lidhen me modën.

The post Çfarëëë? Arrestimi i Diddy-t mund të ketë lidhje me divorcin e JLo dhe Ben Affleck appeared first on iconstyle.al.

Këngëtari i njohur shqiptar Yll Limani feston sot ditëlindjen dhe mbush plot 30-vjeç.

Ai ka arritur të jetë ndër emrat me të dashur për publikun shqiptar, falë talentit dhe personalitetit që ka. Me rastin e ditëlindjes, Ylli ka marrë urime të shumta, nga familja, miqtë dhe ndjekësit e tij, që duhet pranuar se janë të shumtë në numër.

Yll Limani lindi më 24 shtator 1994. Babai i tij, Mufail Limani, ishte anëtar i grupit shqiptar Minatori. Debutimi publik i këngëtarit në këndim ishte në sezonin e parë të The Voice of Albania në 2011, e ndjekur nga një paraqitje në edicionin e 9-të të konkursit muzikor shqiptar Top Fest në 2012. Pas një ndërprerjeje prej tre vitesh, kënga e parë e Limanit si një artist kryesor, “Single” me reperin kosovar-shqiptar Gent Fatali, u publikua në janar 2015.

Këngëtari bëri paraqitjen e tij të parë në top 100 listën e Shqipërisë me “Pritëm se po vi” në korrik 2016, i cili debutoi dhe arriti kulmin brenda tre të parave.

Në korrik 2019, ai shënoi këngën e tij të dytë numër një me publikimin e “Nuk po kalojka”, një bashkëpunim me kompozitorët Aida Baraku, Kevin Field, Armend Rexhepagiqi së bashku me producentin maqedonas Darko Dimitrov. Sunny Hill Festival në Prishtinë iu afrua Limanit një muaj më vonë dhe vazhdoi të performojë në skenën e përbashkët të festivalit me artistë të tjerë të mirënjohur, si Miley Cyrus , Calvin Harris dhe Dua Lipa.

Limani u shfaq në këngët e Cricket “Ndoshta” dhe “Pray” në shkurt 2021, ku i pari u ngjit në numrin një dhe i dyti u bë një nga 30 këngët më të mira në Shqipëri. Ai publikoi “A ki me rrejt”, këngën e tij të parë si artist kryesor në më shumë se gjashtë muaj pas “Leje”, në prill 2021 dhe arriti numrin dy.

Çdo këngë e tij kthehet në hit, duke e bërë Yllin një nga artistët më të dashur për publikun.

The post Yll Limani feston sot ditëlindjen, ja sa vjeç mbush artisti appeared first on iconstyle.al.

Prokuroria italiane ka kthyer pas ekspertizën mjekoligjore të vdekjes së 3 vjeçarit Brian Spahiu, i cili një vit më parë kreu ndërhyrje në klinikën dentare të Roland Xhaxhos.

Kthimi është bërë, për shkak të mungesës së dokumentacionit, pasi organi i akuzës shqiptare ka dërguar në letërporosi vetëm letrat dhe jo mostrat e plota.

Kjo letërdërgesë është dërguar nga Prokuroria e Tiranës drejt Italisë disa muaj më parë, për të kryer një ekspertizë mjekoligjore, një mënyrë që të përcaktohet shkaku i vdekjes së 3 vjeçarit, Brian Spahiu. Nga ana tjetër, familjarët e të miturit kanë kundërshtuar që ekspertiza mjekoligjore të ribëhet në Itali.

Ekspertiza mjekoligjore që u bë nga IML rezultoi se shkak për vdekjen fatale të 3 vjeçarit u bë anestezia, e vendosur në klinikën dentare të mjekut Roland Xhaxho. Por prokuroria e Tiranës kërkoi të bëhej ekspertiza mjekoligjore në Itali, pasi sipas organit të akuzës akti i parë i ekspertizës ishte i paplotë , konkluzioni ishte i pasaktë dhe se mungonin ekspertët e fushës për të dhënë përgjigje për të gjitha pyetjet.

Prokoruria e Tiranës ka marrë në pyetje vetëm një mjek në QSUT, ndërsa të tjerët që kanë qenë kurim nuk janë marrë në pyetje kur 3-vjeçari ishte i shtruar te pediatria e QSUT, pasi kishte bërë ndërhyrje në dhëmbë te klinika e Roland Xhaxhos.

Brian Spahiu është djali 3 vjeçar i cili humbi jetën më 1 tetor 2023, pas ndërhyrjes kirurgjikale që iu nënshtruar në një klinikë private dentare të mjekut Roland Xhaxho. Rasti i tij bëri bujë të madhe në vend, e madje u shoqërua edhe nga protesta kundër mjekut.

The post Vdekja e Brian Spahiut, për këtë arsye Italia kthen ekspertizën mjekoligjore appeared first on iconstyle.al.

Kërkoni kënaqësi, bukuri dhe dashuri? Mos shikoni më larg, por vetëm shenjën e shtatë të Zodiakut, Peshoren.

Të sunduar nga planeti Venus, të lindurit gjatë sezonit të Peshores mishërojnë të gjitha ato karakteristika. Ata janë romantikë karizmatikë, intelektualë. Dhe ashtu si simboli i tyre, peshoren, edhe Peshoret përpiqen vazhdimisht për ekuilibër.

Sezoni i Peshores shtrihet nga 23 shtatori deri në rreth 23 tetor.

Tiparet e një shenje të zodiakut diktohen nga planeti që e sundon atë, shpjegon astrologja Narayana Montúfar

Meqenëse Peshorja drejtohet nga Venusi – planeti i kënaqësisë, bukurisë dhe dashurisë – personaliteti i saj anon shumë në këto karakteristika. Peshorja është shpesh shoqërore, simpatike dhe artistike.

Montúfar përshkruan shumë Peshore si individë fizikisht tërheqës dhe të dashur. Ata kanë një prirje për harmoni dhe janë të sjellshëm, shpesh duke marrë rolin e paqebërësit.

“Ata vërtet kanë nevojë të ndiejnë atë ndjenjën e paqes,” shpjegon Montúfar. Kjo i bën Peshoret negociatorë të qetë. Dashuria e tyre për harmoninë megjithatë mund të dështojë, ndonjëherë duke i bërë njerëzit të kënaqen.

“Ata kanë frikë të thonë diçka që do të zhgënjejë atmosferën,” shton ajo.

Peshoret janë gjithashtu shumë klas dhe ecin nëpër jetë në një mënyrë të sofistikuar, thotë Montúfar.

Karriera

Peshoret janë shpesh në krye të fushës së tyre, thotë Montúfar. Miqësia dhe aftësia e shenjës për të qenë pranë njerëzve për periudha të gjata i bën ata të zotërojnë rrjete.

“Ata janë shumë të mirë në marrëdhëniet me njerëzit,” shton ajo. “Rrjetëzimi është diçka e tyre.” Në vendin e punës, ata janë tipi që kanë lidhje të panumërta në LinkedIn, bën shaka Montúfar.

Peshoret gjithashtu bëhen menaxherë të mirë pasi janë të matur dhe mund të qëndrojnë të niveluar.

Peshoret priren të angazhohen për marrëdhënie afatgjata, thotë Montúfar. Shenja rregullon partneritetet dhe ata me diell të Peshores funksionojnë më mirë kur janë me dikë .

Është e rrallë të shohësh një Peshore beqare, thotë Montúfar. Peshoret zakonisht kanë nevojë për dikë që t’i pasqyrojë ata ndërsa kuptojnë ndjenjën e tyre të individualitetit.

Peshorja shkon shumë me shenjat e tjera të ajrit : Binjakët dhe Ujori.

Pikat e forta

Peshorja është edhe optimiste edhe idealiste, thotë Montúfar.

Meqenëse puna e Venusit është të sjellë kënaqësi, dashuri dhe bukuri, shenjat e sunduara nga planeti kanë më shumë gjasa të duken në anën e mirë, shton ajo.

Peshoret janë gjithashtu më të prirur nga ana estetike. Ata janë të shkëlqyer me dizajnin e faqes në internet ose këshillat për dekorimin e brendshëm. Shtëpitë e tyre shpesh janë të dizajnuara me mjeshtëri dhe kanë tipare artistike.

Peshoret priren të jenë intelektualë dhe empatikë. Dashuria e tyre për harmoninë i bën ata dëgjues të drejtë, të butë dhe të mirë.

Dobësitë

Megjithatë, dëshira e Peshores për ekuilibër nuk është gjithmonë ideale. Mund ta bëjë shenjën të pavendosur dhe tepër qetësuese. Nevoja e Peshores për të dëgjuar të dyja anët e historisë i shtyn ata drejt asaj që Montúfar e quan “paralizë analize”, duke rezultuar në një paaftësi për të marrë një vendim.

Nëse një Peshore nuk është në këtë gjendje ekuilibri, gjërat bëhen të vështira dhe pikat e forta mund të shndërrohen në pika dobësie.

The post Sezoni i Peshores! Njihuni me paqebërësin e zodiakut appeared first on iconstyle.al.

Ben Affleck u pa në një qendër rehabilitimi në Westlake Village, Kaliforni.

Aktori dhe regjisori 52-vjeçar kishte veshur një bluzë të verdhë të Corvette Stingray Racing Team, e shoqëruar me xhinse dhe këpucë të bardha. Ai shtoi një xhaketë kadifeje me syze dielli aviatori, ndërsa mbante një çantë të bardhë.

Kjo vizitë vjen menjëherë pasi Affleck u ribashkua me gruan e tij, Jennifer Lopez, për shkak të fëmijëve.

Çifti ishte parë së bashku vetëm disa ditë pas një drekë të tensionuar në Beverly Hills. Lopez ndan binjakët 16-vjeçarë, Max dhe Emme, me ish-burrin e saj, Marc Anthony, ndërsa Affleck ka tre fëmijë, Violet, 18, Fin, 15 dhe Samuel, 12 – me ish-bashkëshorten Jennifer Garner.

Gjatë ngjarjes së shkollës, ndjekësit vunë re se Lopez dhe Affleck dukeshin miqësorë dhe të relaksuar ndërsa bashkëvepronin me prindërit e tjerë. Një burim i brendshëm komentoi se ata dukeshin “plotësisht të ftohtë me njëri-tjetrin”. Megjithatë, raportet tregojnë se pavarësisht pamjes së tyre miqësore, të dy yjet janë të përkushtuar të vazhdojnë me divorcin e tyre, të cilin Lopez e dorëzoi në përvjetorin e dytë të martesës së tyre në gusht 2022.

Marrëdhënia e Affleck dhe Lopez ka një histori të gjatë, pasi u takuan për herë të parë në xhirimet e filmit Gigli të vitit 2001. Pas një fejese të shkurtër në fillim të viteve 2000, ata u ndanë vetëm disa ditë para dasmës së tyre të planifikuar në 2004. Të dy u martuan me persona të tjerë, por rindezën romancën e tyre në vitin 2021. Ata u martuan në një kishëz në Las Vegas në korrik 2022, e ndjekur nga një festë më e madhe në Pasuria e Affleck në Gjeorgji.

The post Pas ndarjes së tensionuar me JLo, Ben Affleck shihet në një qendër rehabilitimi appeared first on iconstyle.al.

Një ditë më parë startoi sezoni i gjashtë i ‘Përputhen’ dhe moderatorja është sërish Megi Pojani.

Kjo e fundit përballet me tepër me kritika në lidhje me publikimet që ajo bën në rrjetet sociale. Ajo është tepër aktive dhe i pëlqen që të postojë shumë foto të saja. Ditën e djeshme, ajo zgjodhi për debutimin e parë, një fustan të kuq me lule 3D.

Fusani është i firmës Giuseppe di Morabito dhe kushton 1650 euro, ndërsa takat e firmës Alexandre Vauthier kushtonin 990 euro.

The post Sezoni i ri i “Përputhen”, e gjeni dot sa kushtoi veshja e Megi Pojanit? appeared first on iconstyle.al.

Aktori shqiptar Arben Dervishi prej 12 vitesh është shpërngulur bashkë me familjen në SHBA. Mirëpo, shfaqja “Karnavalet e Korçës” e riktheu atë  në teatrin e qytetit krah partneres së tij në skenë, Zamira Kitës.

Teksa ishte i ftuar ditën e djeshme në emisionin ‘Rudina’ ai tregoi se shkoi në SHBA, në vitin 2003. Tej misterit e magjisë së SHBA-ve që premton mundësi, aktorin shqiptar e pritën edhe punë të zakonshme. Për 16 vite, Arben Dervishi zbuloi se ka punuar si shofer kamioni.

Biseda në studio:

Rudina Magjistari: The që ke bërë edhe punë të vështira, të rëndomta i quajte ti më herët që unë them çdo punë është dinjitet në fund fare, por ndoshta s’kanë qenë punë artistike.

Arben Dervishi: Unë largohem nga Korça pasi bëj një recital me Zamirën si shfaqje përmbledhëse, “Sa ka parë Korça si këto”, dhe ishin 23 shfaqje të dhëna rresh në Korçë me një sallë me 500 se ishte shumë e madhe dhe ti shkon e përplasesh atje që do të bësh punë të ndryshme. Kam bërë pastrime, pastrim lokalesh, ndërtesash, pastaj kur u ktheva herën e dytë unë fillova të punoja shofer mauneje sepse nuk mundje ta mbaje veten me rroga kaq të vogla ndërsa shoferi i maunes ishte një rrogë shumë e mirë. Rrugë shumë të gjata, me një gjuhë copë-copë, pësoje stres, si do të më presin, çfarë do të më thonë kur të shkoj atje, si do ta gjej rrugën, ku do të shkoj unë i ziu, si do të më shkojë kjo makina, ishte një stres i tmerrshëm. Madje kur kam ardhur te “Puthja”, te një komedi që më ka thirrur Korça, po të them që nuk mbaja mend tekst, e kisha të tmerrshme ngaqë kisha përjetuar rrugën e gjatë, më hidhërohej goja kur udhëtoja, isha shumë i stresuar, një profesion që ti s’e ke pasur, rrugë që s’i njeh, njerëz që të presin që ti s’di gjuhën. Ishte e tmerrshme. E vazhdova pastaj se u lehtësua dhe ajo punë, e vazhdova 16 vjet.

The post Nga punët e pastrimit tek shofer kamioni! Aktori shqiptar rrëfen jetën në SHBA appeared first on iconstyle.al.

Një lajm i bujshëm vjen nga ‘La Liga’.

Portieri i Kombëtares Shqiptare, Etrit Berisha mund të vishet blaugran. Pas dëmtimit të rëndë që pësoi portieri gjerman Andre ter Stegen, i cili do ta lërë jashtë fushave për 8 muaj, Barcelona është hedhur menjëherë në sulm në kërkim të një zëvendësuesi.

Mes shumë emrave që përmenden është edhe ai i gardianit kuqezi Etrit Berisha.

“Berisha ka një karrierë të gjatë në Serie A dhe një vend të padiskutueshëm në kombëtaren shqiptare”, shkruan Mundo Deportivo.

Gjithashtu në sondazhin e hapur nga portali, gardiani kuqezi deri tani ka marrë 192 vota, duke u renditur në vendin e 8-të nga 10 portierët e sugjeruar, teksa vendi i parë mbahet nga Keylor Navas.

The post E bujshme nga Spanja, Etrit Berisha mund të transferohet te Barcelona appeared first on iconstyle.al.

Sjellja e një këngëtari dhe influencuesi që kërceu teksa një gazetare po raportonte për një aksident trafiku me tre të vdekur në Brazil ka sjellë reagime të shumta. Siç shihet në video, MC Livinho, këngëtari ka ndërhyrë në lidhjen live pavarësisht se pas tij dukeshin pamjet e aksidentit automobilistik ku tre sportistë kishin humbur jetën pak orë më parë.

Aksidenti ndodhi ditën e shtunë kur një autobus me 43 pasagjerë u përmbys në një autostradë, duke lënë të vdekur tre lojtarë të ekipit amerikan të futbollit, Curitiba Crocodiles.

“A po kërcen ndërsa të tjerët vajtojnë? Do të bësh gjithçka për t’u parë, apo jo?,”

“Të gjitha për vëmendje, e papranueshme. Kur sheh gazetarë dhe ambulanca ka ndodhur diçka”, ishin disa nga komentet kundër këngëtarit braziliane.

#RockInRio Enquanto jornalista noticiava que um ônibus capotou e várias pessoas morreram, o Mc Livinho, que estava a caminho do Rock in Rio, invadiu a transmissão para fazer dancinhas pic.twitter.com/mEiSjF7qcs

— Como Tanka o Bostil? (@Como_Tanka) September 21, 2024

Pavarësisht reagimit të ashpër të MC Livinho në një deklaratë, megjithëse shprehu ngushëllimet e tij, ai këmbënguli se lëvizja e tij nuk ishte e gabuar.

“Të gjithë thonë se ka ndodhur një aksident dhe ne kemi mbetur në trafik. Nuk ishim në dijeni se kishte ndodhur një aksident. Dua të shpreh ngushëllimet e mia për humbjet. Tani e shoh se ishte një aksident. Ata që e njohin Livinhon e dinë se nuk do të ndalem kurrë së dhuruari gëzim”, tha ai në deklaratën e tij.

The post Gazetarja po raportonte viktimat nga aksidenti,influenceri kërcen pas shpinës së saj appeared first on iconstyle.al.

Agonia e Kate Middleton nëse ishte apo jo një ide e mirë të divorcohej nga Princi William pas lajmeve për lidhjen e tij, sapo është ekspozuar nga një person i brendshëm.

Një pasqyrë e gjithë kësaj është nxjerrë në dritë nga një burimi.

Sipas tyre, “gjatë trajtimeve të saj, Kate mundi të fokusohej vetëm në shëndetin dhe mbrojtjen e fëmijëve të saj duke i siguruar ata se do t’ia dilte”.

“Ajo ishte mirënjohëse për mbështetjen e William gjatë momenteve më të vështira dhe vendosi gjithçka tjetër që po ndodhte mes tyre në anën e pasme.”

Sidoqoftë, për momentin “Kate po trajton të gjitha çështjet kryesore të marrëdhënieve që kishin para diagnozës së saj, veçanërisht ato të shkaktuara nga skandali i lidhjes së tij”.

Kjo për faktin se “janarin e kaluar, ajo ishte në agoni nëse duhej të divorcohej nga ai dhe këto ndjenja nuk u larguan”.

Sipas të njëjtit burim, Kate ndihet sikur “është ende e përhumbur nga titujt rreth mashtrimit të William”, me Rose Hanbury.

Burimi i brendshëm mendon se “çdo grua do të shkatërrohej kur dëgjonte thashethemet të përsëriten vazhdimisht”.

The post Ç’ndodhi mes tyre? Kate Middleton në dilemë: Të divorcohet apo jo nga Princi William appeared first on iconstyle.al.

Dashi
Sot do kenë një ditë të zakonshme nëse nuk do dini të lexoni siç duhet mesazhet e yjeve. Puna e pavlerësuar mund të shkaktojë pakënaqësi dhe me të drejtë. Mos lejoni që për shkak të tjerëve, t’ju nënvlerësojnë. Kërkoni të drejtën tuaj dhe tregojini vendin atyre që po ju pengojnë. Pika e dobët është plogështia, çelësi i suksesit; mjeshtëria për të komunikuar edhe me të panjohurit.

Demi
Ruani humorin e hollë dhe mos lini shteg për keqinterpretime për miqtë tuaj. Sot do të mësoni shumë vetëm duke dëgjuar bisedat e atyre që keni pranë. Mund të jeni me mendimin se informacione që merrni në këtë mënyrë nuk janë frytdhënëse, por e keni gabim. Ky do të jetë mësimi për sot. Pika e dobët është dorëzimi para thashethemeve, çelësi i suksesit; sportiviteti për të kaluar problemet.

Binjakët
Ditë të bukura po vijnë për ju. Nëse pyesni dikë për këshillë ka shumë gjasa të merrni një të gabuar, ndaj bëni mirë të mos i dëgjoni. Jepini vetes pak kohë dhe do të shihni se i keni të gjitha përgjigjet. Pika e dobët është familja, çelësi i suksesit; dëshira për të udhëtuar në fantazi.

Gaforrja
Fati është me ju sot. Dikush që keni pranë do të ketë një humor disi të luhatur sot, por nuk do të keni kohë të zbuloni përse. Mos u merrni me të dhe ecni përpara me ditën tuaj. Shumë punë ju presin përpara dhe shumë çështje kërkojnë zgjidhjen tuaj. Pika e dobët është luhatja e humorit, çelësi I suksesit; mundësia për të bërë dhurata.

Luani
Ato që I quanit “shpenzime të tepërta” sot do kuptoni se sat ë rëndësishme e të dobishme janë. Duket sikur duhet të bëni gjithçka vetë në këtë moment, por nuk është kështu. Keni mjaft miq të mirë që do t’ju ndihmonin me kënaqësi dhe do të bënin edhe punë të mirë. Nëse limiti i kohës po përfundon, kujtohuni që herë tjetër t’i planifikoni gjërat më parë. Pika e dobët është mania për të futur hundët aty ku nuk ju takon, çelësi i suksesit është harmonia me veten.

Virgjëresha
Hej virgjëresha, e gjithë vëmendja është tek ju! Nëse dikush do të përpiqet t’ju japë këshillë sot, me gjasë do të pendohet. Nuk jeni në humor për të dëgjuar të tjerët që ju thonë se çfarë duhet të bëni, e aq më pak që t’ju thonë se e keni gabim. Pika e dobët është qetësia e tepruar, çelësi i suksesit; ngrohtësia në familje.

Peshorja
Dita e sotme nuk do të jetë më e mira. Puna dhe angazhimet e tjera do t’ju marrin pjesën më të madhe të kohës e në fund të ditës nuk do të keni dëshirë për të bërë asgjë. Nëse në mbrëmje zgjidhni të qëndroni në shtëpi, ai do të jetë momenti më shplodhës. Pika e dobët sot është përtacia, çelësi i suksesit; kapërcimi I situatave të vështira me mirësjellje.

Akrepi
Akrepë të dashur qartësoni mendimet tuaja. Padyshim që duhet të vini në mëdyshje gjërat që ju thonë, por nuk ka nevojë të shkoni në ekstreme dhe të mendoni se të gjithë do t’ju zhgënjejnë. Nëse dikush ju ofron ndihmë, mos e refuzoni. Pika e dobët është situata financiare, çelësi i suksesit; guximi për t’i thënë gjërat hapur.

Shigjetari
Kurajo! Mos e humbisni perspektivën sot. Ndonëse mund t’ju duket sikur nuk keni informacion të mjaftueshëm për një detyrë që keni marrë përsipër, minimalisht këndvështrimi juaj unik do të japë rezultate të kënaqshme. Nuk keni përse bini dakord me idetë e të tjerëve, vetëm sepse nuk ndiheni të sigurt. Pika e dobët është ndrojtja, çelësi i suksesit; butësia.

Bricjapi
Bëni mirë që po ndiqni këshillat e personave me përvojë. Shumë gjëra kanë ndodhur kohët e fundit dhe ndoshta nuk i keni dhënë vetes kohën e duhur për t’i përpunuar. Bëni durim dhe përpiquni të gjeni një mënyrë për t’u përshtatur. Gjërat do të qetësohen me kalimin e ditëve. Pika e dobët vullneti dobët, çelësi i suksesit; vitaliteti.

Ujori
Erdhi më në fund dita për të shijuar gjithë investimet tuaja. Jeta sentimentale ka hyrë në një periudhë tepër interesante. Nëse keni patur mosmarrëveshje me partnerin, gjërat do të ndryshojnë duke marrë një kthesë tepër pozitive. Pika e dobët sot është rutina, çelësi i suksesit; gjallëria dhe fryma e mirë në grup.

Peshqit
Peshq të këndshëm, ju po ecni me symbyllur drejt një lumturie të pamatë. Bëni çfarë keni në dorë për të tërhequr vëmendjen e të tjerëve sot. Bërtisni nëse është e nevojshme. Një moment që do të keni vëmendjen e njerëzve do të jetë shumë më e lehtë për t’i bindur që t’ju ndjekin. Pika e dobët, lodhja e panevojshme, çelësi i suksesit; aftësia e të qenurit pak servilë.

The post Horoskopi ditor, 24 shtator 2024 appeared first on iconstyle.al.

Ndeshja mes Atalantës dhe Comos, e cila do të mbyllë javën e pestë të Seria A, është shtyrë për të martën në orën 20:45.

Takimi i Serie A, i programuar për këtë të hënë nuk do të mund të zhvillohet, për shkak të reshjeve të shiut.

Fillimisht takimi u shty vetëm për një orë por duke parë që situata nuk po stabilizohej, orari u zhvendos me 24 orë.

Vendimi u mor nga Liga Italiane, në pamundësi të zhvillimit normal të një ndeshje. Takimi në fjalë vlen për javën e pestë./REFORMA

The post Merret vendimi final për duelin Atalanta-Como appeared first on iconstyle.al.

Emocioni i zemërimit është një nga më sfiduesit dhe më drobitësit për shpirtin dhe organizmin. Zemërimi shpesh është burimi i zgjedhjeve të gabuara, marrëdhënieve të prishura dhe akteve të dhunës.

Por trauma më e madhe që shkakton zemërimi është pikërisht në organizëm.
Zemërimi dobëson trurin, sistemin imunitar, tretjen dhe zemrën.

Çfarë pasojash ka zemërimi tek zemra?
Hormonet e stresit siç janë adrenalina dhe kortizoli lëshohen me vrull në gjak gjë që shkakton skuqjen e lëkurës, ndjesinë sikur zemra të del nga kraharori dhe rritjen e tensionit të gjakut.

Këto simptoma i bëjnë njerëzit e prekur nga zemërimi kronik më të predispozuar të vuajnë nga sëmundjet kardiovaskulare.
Rreziku i të përjetuarit një atak në zemër besohet të jetë pesëfish më i lartë në dy orët e para pas një episodi zemërimi.

Nga ana tjetër, rreziku i goditjes nga ishemia është katër herë më i lartë pas çdo episodi zemërimi, thonë ekspertët.
Kjo nuk do të thotë se nëse zemëroheni në këtë moment do të pësoni një atak në zemër apo ishemi.

Megjithatë, rreziku i sëmundjeve koronare si pasojë e zemërimit të shprehur ose jo është tepër i lartë. Vetërpërmbajta dhe mos shprehja e zemërimit ka gjithashtu një ndikim të fortë tek zemra thonë mjekët.

Një qasje më e shëndetshme ndaj zemërimit është identifikimi i arsyeve dhe ndjenjave përpara se të humbisni kontrollin.
Zemërimi konstruktiv i cili ka të bëjë me shprehjen e ndjenjave në komunikim të drejtpërdrejtë me personin që ka nxitur këtë emocion, është një veprim i shëndetshëm që nuk shkakton probleme me zemrën.

Emocionet e tjera negative dhe shëndeti i zemrës.

Zemërimi nuk është i vetmi emocion që ka një ndikim kaq të fortë tek shëndeti i zemrës.
Stresi, ankthi, frika dhe depresioni të gjitha lënë nga një gjurmë të painjorueshme në shëndetin e zemrës. Emocionet e vazhdueshme negative kanë lidhje të fortë me rrezikun e bllokimit të enëve të gjakut dhe sëmundjeve kardiovaskulare.

Këto emocione rrisin ndjeshëm nivelet e kimikateve që shkaktojnë inflamacion në trup
Humori i mirë, qetësimi dhe meditimi ulin rrezikun e sëmundjeve të zemrës
Shkencëtarët thonë se shëndeti i zemrës nuk varet plotësisht tek ushqimi, aktiviteti fizik apo mospirja e duhanit. Emocionet pozitive, e qeshura, humori, meditimi dhe marrëdhëniet sociale ndikojnë në uljen e rrezikut të sëmundjeve të zemrës.

The post Mësoni ndikimin e zemërimit në shëndetin e zemrës appeared first on iconstyle.al.

Barazimi në supersfidën përballë Arsenalit nuk ishte lajmi më i keq i mundshëm për Mançester Sitin. Por ai që ka marrë sot rreth mesfushorit Rodri, padyshim që po. Futbollisti spanjoll u dëmtua në minutën e 20 të ndeshjes dhe menjëherë vendosi dorën në gjurin e tij të djathtë. Veprimet e tij duke treguar dhimbje, lanë të kuptohet se bëhej fjalë për një dëmtim të rëndë. Dhe testet e kryera sot kanë vërtetuar për fatin e keq të tij dhe të “qytetarëve” se është një dëmtim i tillë.

Mjekët kanë konstatuar këputje të ligamentit kroçiat të gjurit të djathtë dhe për këtë arsye, lojtari duhet ta cilësojë që tani të mbyllur këtë sezon, me shpresën për t’u kthyer në fushat e lojës në atë pasardhës. Lojtari do të udhëtojë drejt Madridit për të bërë kontrolle të tjera në një klinikë të specializuar e më pas të vendosë për mënyrën se si do të trajtojë këtë dëmtim.

Rodri ka qenë një nga lojtarët më të pranishëm në fushë te Mançester Sitit që kur firmosi me këtë klub në vitin 2019. Ai ka kaluar 50 ndeshjet në sezon me “qytetarët” në çdo edicion përveç atij 2021-2022 ku luajti “vetëm” 46 ndeshje./REFORMA

The post Lajme të këqija për Man. Cityn, Rodri mbyll sezonin appeared first on iconstyle.al.

Ende nuk kemi gjurmë të dy motrave Berisha të cilat disa javë më parë dhunuan në mënyrë brutale Klea Prengën. Nëpërmjet një reagimi të bërë prej të dhunuarës mbrëmjen e sotme, janë zbuluar ofendimet që e ëma e motrave Berisha i ka drejtuar Kleas në momentin që ajo publikoi pamjet e plagëve në rrjete sociale.

Ky veprim i Kleas ka ardhur pas një reagimi që e ëma e motrave Berisha ka bërë në llogarinë e saj personale të Instagram-it. Donika Marashi (e ëma e motrave Berisha) rrëfehet se ka denoncuar të gjitha adresat që kanë përdorur imazhin e saj dhe të Antonelës dhe Marielës, duke theksuar se as për mbështetje dhe as për të denigruar nuk pranon të hapen adresa për to. Pra lë të nënkuptohet se po distancohet prej adresave të cilat shajnë të dhunuarën, Klea Prengën.

Mirëpo nga ana tjetër Klea shprehet se Donika Marashi ka qenë ajo që e ka ofenduar e para me fjalë të cilat i keni të paraqitura në imazhin e mëposhtëm:

“Po i rikujtoj zonjës komentin e saj dhe fjalorin e përdorur”, shprehet ndër të tjera Klea teksa pretendon se ai koment është bërë në momentin e postimit të plagëve dhe është fshirë në mënyrë të menjëhershme prej Donikës.

The post E shkruajti dhe e fshiu/ Ja fjalët që e ëma e motrave Berisha drejtoi ndaj Kleas appeared first on iconstyle.al.

Aktorja e njohur Margot Robbie, 34 vjeçe, u pa së fundmi teksa tregonte barkun e saj në rritje gjatë një daljeje në Santa Monica, Kaliforni, pasi siç e dimë ajo është në pritje të fëmijës së saj të parë.

Ky moment është veçanërisht emocionues për Margot dhe bashkëshortin e saj Tom Ackerley, 34 vjeç, me të cilin u martua në 2016.

Çifti është në pritje të lindjes së fëmijës së tyre të parë, dhe kjo periudhë është mbushur me gëzim dhe pritshmëri. Robbie ka treguar gjithmonë dashurinë e saj për familjen dhe tani, si një nënë në pritje, ajo po e përjeton këtë kapitull të ri në jetën e saj me shumë entuziazëm

The post Me barkun e rrumbullakosur, aktorja e njohur shkëlqen në rrugët e Kalifornisë appeared first on iconstyle.al.