Real Madrid ka konfirmuar lëndimin e Kylian Mbappe. Sulmuesi pritet të jetë jashtë për të paktën tre javë, me “Galaktikët” që të dielën luajnë kundër Atl. Madrid në derbin e qytetit.

Fitorja 3-2 kundër Alaves nuk ka qenë pa pasojë për ekipin e Ancelottit, që pa Mbappe me një dëmtim në kofshën e këmbës së majtë.

Sipas The Athletic, testet për shqetësimin e muskujve kanë zbuluar një dëmtim që ishte më i rëndë nga sa mendohej. Ai pritet të mungojë rreth tre javë. Sulmuesi humbi dje dhjetë minutat e fundit në fitoren kundër Alaves, teksa gjeti edhe rrugën e rrjetës.

Carlo Ancelotti kishte thënë se priste që Mbappe të ishte i aftë për derbin, por testet e sotme kanë zbuluar një problem më të madh.

Është është një goditje e madhe për ‘Los Blancos’, të cilët janë ende në pritje të rikuperimit të Eduardo Camavinga për derbin. Ata do të jenë pa Mbappe, David Alaba, Brahim Diaz dhe Dani Ceballos.

The post Dëmtohet Kylian Mbappe, mbetet tre javë jashtë fushës së gjelbërt appeared first on iconstyle.al.

Aktori i njohur i Hollywood, Leonardo DiCaprio ka mohuar se ka qenë në festat e producentit P Diddy, pas publikimit të fotove duke festuar me reperin e arrestuar për trafik seksual dhe abuzimeve me vajza minorene.

Një zëdhënës i aktorit 49 vjeçar tha për rrjetin Daily Mail se “ai prej vitesh nuk ka pasur lidhje me Diddy”. Zhvillimi vjen pas publikimit të fotove të festave ku Leonardo shihet me Diddy në një event të vitit 1998 në vilën e këtij të fundit në New York, ku të gjithë janë të veshur me të bardha.

Asokohe 24-vjeçari DiCaprio shihet bashkë me reperin famëkeq të rrethuar nga të tjerë miq të veshur gjithashtu me të bardha.

MailOnline shkruante se: “Diddy Combs e kishte aktorin e Titanikut si të ftuarin numër një në listën e tij, teksa në festa ishin ftuar gjithashtu emra si Paris Hilton, Mariah Carey e Kim Kardashian.”

Por megjithë pjesëmarrjen e DiCaprio, përfaqsuesit thonë se ai nuk ka pasur kontakte prej vitesh me Sean Combs.
Burimet thonin për mediat: “Leonardo DiCaprio nuk ka të bëjë fare me abuzimet. Ai ka qenë në festat e tij në vitet 2000, siç bënin të gjithë, por aty nuk kishte abuzime”.

“Kjo ishte në fillim të karrierës së tij dhe më pas u largua prej tyre. Nuk duhet supozuar se ai është pjesë e trafikut njerëzor apo abuzimeve vetëm prej disa fotove të zbehta kur ishte 20 vjeç”.

Por Leonardo është fotografuar gjithashtu përkrah Diddy në konventën e partisë demokrate amerikane në 2004 dhe më pas përsëri në ditëlindjen e 50-të të Diddy në 2019, shkruan Daily Star.

The post Leonardo DiCaprio mohon lidhjet me skandalin e Diddy: S’kam qenë në ‘festa seksi’ appeared first on iconstyle.al.

Këngëtarja Shkurte Gashi ka dhënë një intervistë për Prive, aty ku u shfaq me burrin e saj, Albert Limanin si dhe fëmijët. Ajo rrëfeu mbi të qenit nënë, marrëdhënien me Albertin, shoqërinë me Shyhrete Behlulin, dhe jo vetëm.

Gashi zbuloi edhe një keqkuptim që i ka ndodhur me Flori Mumajesin, e që i kishte shkaktuar hatërmbetje prej anës së artistit.

“Ai njeri le që më po më mungon mu, po besoj po i mungon krejt Shqiptarisë. Besoj se ai është lodh dhe ka nevojë me pushu, uroj shumë shpejt rikthimin e tij. Pse jo të vazhdojmë aty ku e kemi lënë, unë kam shumë projekte te Flori.

Nuk kam pas kontakt prej ditëlindjes së Brunos, nuk jemi taku më, nuk ka ndonjë arsye të madhe. Unë nuk jam lajmëru për një rast familje që ai ka pas, unë nuk e kom ditë dhe të betohem që nuk e kam ditë. Unë nuk e kam telefonu, ka pasur hatërmbetje nga ana e tij.

Uroj që me qenë mirë, na mungon ai, muzika e tij. Ka lënë gjurmë shumë të mëdha në skenën shqiptare”

The post “Ka pasur hatërmbetje nga ana e tij”/ Shkurte Gashi zbulon zënkën me Flori Mumajesin appeared first on iconstyle.al.

Sikur të mos mjaftonte skandali i publikuar muaj më parë për mjekët e Onkologjikut, një detaj tronditës ka dalë në dritë. Gazetari Osman Stafa ka publikuar një tjetër episod me komunikime mes mjekëve mes mjekëve të Onkologjikut, ku theksohet mungesa e dozave të ilaçeve dhe problemet e tjera që hasnin me pacientët.

Në një rast flasin për një paciente nga Lushnja, e cila shkon në Tiranë për të marrë kurën, e cila i jep alergji.

Mjekët me njëri-tjetrin sugjerojnë që të ndiqet në spitalin e Fierit. Arsyeja? Sepse ka “varrezat me afër”. Por nuk mbaron me kaq. Flasin edhe për mungesën e ilaçeve dhe sërish duke qeshur me njëri-tjetrin shkruajnë se nga 10 pacientë, 9 do i çojnë në varreza dhe vetëm njëri do të marrë medikamentin. Përgjigjet e kolegëve për këtë humor të zi janë “me lot” dhe plot me të qeshura, çka tregon shumë për mënyrën sesi i trajtojnë pacientët.

Bisedat mes mjekëve:

[27.2.23, 4:02:22 PM] AP(mjek onkolog): Nuk e di si e mendoni. Pacientja nga lushnja dr Arjana. Per te disaten here ben reaksion ( bronkospazem) me ulje te saturimit ne fund te oksaliplatinit. Fillon mjekimin ne 14.30 min… nuk do zeme ndonjehere mend ne.. apo te na marre historia..

[27.2.23, 4:03:05 PM] A.P(mjek onkolog): Docetaxel qe fillojne premedikimin ne 14.45.. etj etj

[27.2.23, 4:05:29 PM] AD(mjek onkolog): Pacientja 1 dite para kt eshte trajtuar me kortizonike pluse difenilhydramine ok. Jane bere dhe shenimet ne korteke sa per fillimin e kt nuk menaxhaj une hotelerine e pac receta eshte bere sh shpejte

[27.2.23, 4:06:58 PM] AP(mjek onkolog): Pavaresisht. Eshte nga lushnja. Duhet te filloje me pare. Edhe kortizoniku 8 ore para ka sens jo 24 ore para. Spo ju drejtohem ju

[27.2.23, 4:07:33 PM] AD(mjek onkolog): Dhe para fillimit te kt

[27.2.23, 4:07:36 PM] EC(mjek onkolog): Grupi i platineve jep reaksione edhe vdekje kur jane te perseritura . Nese vendoset te vazhdoje duhet te behet qe ne mengjes kur jemi te gjithe

[27.2.23, 4:07:47 PM] AP(mjek onkolog): Nje rast reaksioni duhet pare me precendence per sistemim.

[27.2.23, 4:08:01 PM] SS(mjek onkolog): Se si rregull nuk duhet ta bej fare

[27.2.23, 4:08:53 PM] AP(mjek onkolog): Sa do shkruaja. Reaksioni nga platinet mund te jete edhe fatal. Une deri ne 5 jam. Pas 5 le ta ndjeke i plotfuqishmi

[27.2.23, 4:09:37 PM] AD(mjek onkolog): Mjeku i rojes si cdo radhe…. Pas 5.
AP(mjek onkolog): Ose zoti

[27.2.23, 4:14:33 PM] BK(mjek onkolog, pergjegjes njesie): me duket se per kete paciente kam folur me arjanen qe te mos vazhdohet ky trajtim por nuk jam i sigurt .E kam pasur edhe nje te hene me kete problem

[27.2.23, 4:15:41 PM] AD(mjek onkolog): Jo dr Bledi nuk eshte tasti ne fjale

[27.2.23, 4:16:48 PM] AD(mjek onkolog): Sapo fola me Afrimin pac ka perfunduar shendoshe e mier oxalin eshte ne shperlarje

[27.2.23, 4:16:55 PM] BK(mjek onkolog, pergjegjes njesie): ok .nuk duhet te vazhdoje .Do te ndyshojme trajtimin

[27.2.23, 4:17:32 PM] AD(mjek onkolog): Eshte menaxhiar sh mier dhe ka perfundur

[27.2.23, 4:17:33 PM] AP(mjek onkolog): Te shohim edhe sot se ajo vazhdon mjekimin ende.ngadale.

[27.2.23, 4:17:51 PM] AD(mjek onkolog): Jo ka mbaruar pa asnje problem. Sapo falo me Afrimin

[27.2.23, 4:18:10 PM] EC(mjek onkolog): Ia vazhdova prape?!!

[27.2.23, 4:18:17 PM] AP(mjek onkolog): Nuk eshte taxane Arjana. Ka tjeter mekanizem. Nejse pasdite nuk behen numra

[27.2.23, 4:18:24 PM] EC(mjek onkolog): vazhduat?

[27.2.23, 4:18:28 PM] AP(mjek onkolog): Jam une aty. Do dhe 10min

[27.2.23, 4:18:39 PM] AP(mjek onkolog): Do rrije ne observim. E i thashe te vishet mire kur te levize. Sot sberi probleme

[27.2.23, 4:19:24 PM] EC(mjek onkolog): Aha ok

[27.2.23, 4:21:09 PM] BK(mjek onkolog, pergjegjes njesie): meqe është nga lushnja dhe trajtimi fillohet vone ,po e dergojme ne Fier heren tjeter .Afërsia me shtepine mund ta ndihmoje .

[27.2.23, 4:24:29 PM] AP(mjek onkolog): Edhe kjo. Reaksioni ne Fier do jete me i lehte pasi eksperienca eshte e gjate

[27.2.23, 4:25:52 PM] EC(mjek onkolog): Fiks

[27.2.23, 4:31:23 PM] SS(mjek onkolog): Aty ka varrezat me afer

[27.2.23, 4:36:37 PM] AR(kryeinfermier): Pacientje ka marre mjekimin dhe eshte shendosh e mire, sa per oraret dhe nr e pacienteve se ndryshojme dot,ka raste qe mund te nisin dhe me vone se ne 14:45 per shkak te ngarkeses por qe jsne raste shume te rralla, prandaj eshte turni 2 i stafit infermieror edhe deri ne oren 20:00 nese nuk mbarojne,ka dhe mjek roje! Kshu qe nuk perjashtohen kto lloje fenomenesh me 19 poltrona.

[20.1.23, 6:26:36 PM] SS(mjek onkolog): Bajrami, avokat nga Kukesi, kishte 12 femije dhe jetonte me qera ne Tirane. Qiradhenesi i kerkon te liroje banesen sepse do tja jepte nje tjetri me qira me larte. Bajrami fillon te kerkoje shtepi por me 12 femije si jepte njeri sepse kishin frike mos i shkaterronin shtepine. Po keshtu Bajrami smund te genjente per numrin e femijeve. Nje dite, pasi gjeti nje shtepi qe i plotesonte kushtet, dergon gruan dhe 11 femijet te rrine ne varreza per dy ore. Me pas, merr femijen e fundit dhe shkon e takon qiradhenesin. Ai e pyet. Sa femije ke? Kete qe kam ne krah, thote Bajrami, ndersa nena e tij e 11 te tjeret jane ne varreza. Bajrami e mori shtepine. Morali per jursitet: nuk eshte e nevojshme te genjesh por te zgjedhesh fjalet e duhura.

[20.1.23, 7:38:08 PM] BK(mjek onkolog, pergjegjes njesie): Bukur Raqi. Cfarë fjalë të zgjedhim kur kemi 10 burra dhe vetëm një gosereline.?

[20.1.23, 7:39:35 PM] LD(infermiere): Ti coni 9 ne varreza dhe njeri i fundit ta mari.hahaha

[20.1.23, 7:40:41 PM] AP(mjek onkolog): *QESH

[20.1.23, 7:40:47 PM] BK(mjek onkolog, pergjegjes njesie): Joo. Të gjithë shokët e tu qe e kane marre, janë në varreza tashmë

[20.1.23, 7:41:51 PM] SS(mjek onkolog): U gjet zgjidhja

[20.1.23, 8:15:31 PM] RB(mjek onkolog): Haaaaaaa. Lina zgjidhja me e zgjuar. Me lot.

The post Biseda tronditëse/Mjekët e Onkologjikut: Pacienten e çojmë në Fier, ka afër varrezat appeared first on iconstyle.al.

Gruaja që akuzoi P. Diddy për përdhunim në 2001, kujtoi përvojën e saj traumatike në një konferencë shtypi në Los Angeles. Thalia Graves ka treguar se u takua me reperin kur ishte 25 vjeçe.

“Është një dhimbje që pret në thelbin e asaj që jeni. Unë ende ndjej turp dhe faj, nuk mund të funksionoj normalisht”, tha Thalia mes lotësh, raporton Page Six.

Ajo tha se shpesh fajësonte veten dhe ndihej përgjegjëse për atë që dyshohet se i kishte ndodhur. Ajo pretendon se Diddy dhe shefi i tij i atëhershëm i sigurisë, Joseph Sherman e kanë sulmuar seksualisht në studion e reperit në New York. Avokatja e saj Gloria Allred u tha gazetarëve se Diddy dhe Joseph filmuan sulmin e tyre të supozuar ndaj Thalia-s pa pëlqimin e saj dhe më pas shitën videon.

“Unë nuk e di se sa e vetëdijshme ishte ajo për atë që po ndodhte, por ajo kurrë nuk do të kishte pranuar të filmohej”, shtoi Allred.

Thalia pretendon në padi se Diddy me siguri i ka dhënë drogë, gjë që pretendon se e ka shkaktuar humbjen e vetëdijes për një kohë të shkurtër. Më pasa, ajo përshkroi ndikimin që kishte incidenti në jetën e saj.

“Një numër marrëdhëniesh u bënë agresive dhe të dhunshme, gjë që më bëri të ndihesha edhe më e vetmuar gjatë luftës sime. Kaloj momente të të qenit e largët dhe e tërhequr. Është e vështirë për mua të largohem nga shtëpia. Kjo traumë ka ndikuar në shëndetin tim mendor”.

The post Paditi Diddyn për abuzim seksual, flet gruaja: Ndodhi në studio, ai nuk ishte vetëm appeared first on iconstyle.al.

Nënat në TikTok po marrin pjesë në sfidën #shedeservedthepurse frymëzuar nga video virale e Denaesha Gonzalez. Gratë po blejnë karta dhuratash dhe po vendosin para në sende për fëmijë në dyqanet Target dhe Walmart.

Nënat në të gjithë Shtetet e Bashkuara po blejnë në mënyrë anonime karta dhuratash ose po lënë para në sende për fëmijë në dyqanet Target dhe Walmart – të gjitha sepse Denaesha Gonzalez pa një çantë në sektorin e fëmijëve.

Denaesha ishte me djalin e saj 2-vjeçar në Target kur vuri re një çantë dore që shitet për 20 dollarë amerikanë, e vendosur gabimisht në raftin e korridorit të foshnjës. Për 28-vjeçaren, kjo nënkuptonte diçka më të thellë: një nënë me një fëmijë të vogël sakrifikoi diçka që donte, për të blerë diçka për fëmijën e saj.

@denaeshagonzalez To the Mother who chose themselves last, you deserve the world tonight and always. #motherhood #motherhoodunplugged #parenting #parentsoftiktok ♬ original sound – 𝙅𝙖𝙘𝙤𝙗

“E kam gjetur veten disa herë duke uruar që të mund të merrja diçka, por nuk mundesha. Kam kaluar nëpër sezone mungesash ku ne mund të përballonim vetëm gjërat thelbësore,” tha Denaesha për Washington Post.

Ajo postoi një video 17 sekondash me tekstin, “Ajo e meritonte çantën” nën tingullin e një gruaje që nxjerr frymë, me shpresën se do të rezononte te nënat. Video e saj që atëherë është bërë virale me më shumë se 20 milionë shikime. Gjithashtu ka frymëzuar njerëzit që të fshehin para në kuti pelenash dhe kontejnerë formule për të lejuar një mama që po përpiqet, të blejë diçka për veten e saj.

“Unë nuk i kam bërë flokët prej vitesh. Thonjtë e mi nuk janë bërë në vite. Rrobat e mia vijnë nga Walmart. Nuk mund të përballojmë kujdesin ndaj fëmijëve”, ka shkruar një nënë nën videon e Denaeshës. “Por foshnjat e mia kanë atë që kanë nevojë. Një ditë, do ta kem çantën, jo sot.”

The post Trendi në TikTok! Pse nënat po lënë karta dhuratash dhe para në kutitë e pelenave? appeared first on iconstyle.al.

Ish-banorët e “Big Brother Vip” shpesh dëgjohen të thonë se çfarë ndodh brenda shtëpisë, qëndron aty. E duket se kështu ka ndodhur edhe me Françeska Muratin dhe Egla Cenon.

Thënë kjo, teksa ishte e ftuar ditën e sotme në “Wake Up”, Françeska tregoi se ka një marrëdhënie ndryshe me Egla Cenon, edhe pse në format patën përplasje të forta. Tani kanë një miqësi të mirë mes tyre, madje Egla konsumon edhe kafe me nënën e saj.

“Unë nuk është se kam dalë nga shtëpia dhe nuk kam shoqëri me njeri. Unë jam zënë, jam shplarë, jam larë me Eglën, më ka shtyrë për në pishinë, jemi bërë nuk e di dhe tani jemi shoqe, del e pi kafe me nënën time sepse në fund të ditës kemi ditur të dallojmë faktin që çfarë ka ndodhur aty brenda mbetet aty brenda. Ishin situatat në Big, jemi në jetën reale dhe ajo në jetën reale nuk është ashtu me mua. Në jetën reale është tjetër Egla dhe unë mbase jam tjetër Françeska. Ka ardhur te ditëlindja e Charlie, jemi kënaqur, është shumë e sjellshme. Nuk kam asnjë hatërmbetje me njerëzit nga Big, mbase kanë ata me mua se kanë ngelur aty brenda, le të rrinë. Në momentin që dola nga shtëpia, dola edhe mendërisht”

The post Përplasje të forta në ‘BBV’, do habiteni nga raporti që kanë sot Françeska dhe Egla appeared first on iconstyle.al.

Tragjedi në zonën e Nuoro në Itali.

Sipas mediave italiane, një burrë vrau gruan dhe vajzën e tij, plagosi dy fëmijë të tjerë të vegjël dhe një fqinjë dhe më pas qëlloi me plumb në kokë veten. Deri tani bilanci nga tragjedia është tre të vdekur dhe katër të plagosur.

Masakra filloi në banesën ku burri jetonte me familjen e tij, në Gonario Pinna, pas një debati. Pasi vrau gruan dhe vajzën me të shtëna me armë zjarri dhe plagosi dy fëmijët dhe fqinjin e tij, ai shkoi në shtëpinë e nënës së tij të moshuar në Via Ichnusa, duke e plagosur në kokë dhe duke u vetëvrarë menjëherë më pas.

Të plagosurit u transportuan të gjithë me ambulancë në spitalin San Francesco në Nuoro, teksa njëri është në gjendje kritike për jetën. Policët e Komandës Provinciale të Karabinierëve dhe Shtabit të Policisë Nuoro po rindërtojnë dinamikën e asaj që ndodhi.

The post Itali/ Burri vret gruan dhe vajzën, plagos nënën, 2 fëmijë dhe fqinjin, vret veten appeared first on iconstyle.al.

Largimi nga jeta e aktorit Zef Deda, ishte një lajm i trishtë për të gjithë shqiptarët, familjen dhe miqtë e tij.

Një nga komentet që tërhoqi më shumë vëmendje në momentin e ndarjes nga jeta të Zefit, ishte ajo e ish-mikut të tij Sandër Ruçi, i cili me anë të një postimi në rrjetet sociale zbuloi se kishte vite që nuk flisnin bashkë. Teksa ishte i ftuar në “Quo Vadis”, aktori Sandër Ruçi, zbuloi pengun e tij më të madh, atë që nuk ishte pranë Zefit në momentet e fundit të jetës.

Biseda në studio:

Pranvera Borakaj: Çfarë ndodhi me Zefin që u keqinterpretove?

Sandër Ruçi: “Është një histori e gjatë. Jam duke bërë një roman dhe në kuadrin e kësaj Zefin e kam pasur si vëlla. Edhe sot e dua si atëherë. Jam duke bërë një roman me titull “Udhëtim në Parajsën e Ferrit artistik”. Kopjen e parë të romanit kur të botohet do ta kesh ti”.

Pranvera Borakaj: Çfarë ndodhi që u prishët më pas dhe Zefi të kërkoi në ditët e fundit?

Sandër Ruçi: “Nuk e di a më ka kërkuar apo jo. Nuk jam i sigurt sespe nëse do më kishte kërkuar do të shkoja barkas”.

Pranvera Borakaj: Nuk e dije, nuk të njoftuan?

Sandër Ruçi: “Për kokën e fëmijëve, jo”!

The post Nuk foli 20 vite me Zef Dedën, aktori Sandër Ruçi: Ta kisha ditur që më kërkoi… appeared first on iconstyle.al.

Françeska Murati u vendos në shënjestër të një të riu karikaturist që e vizatoi si një shtrigë. Në emisionin “Pa filtra”, opinionistja reagoi e indinjuar ndaj djalit duke e pyetur “çfarë të kam bërë unë ty?”.

E ftuar këtë mëngjes në “Wake Up” në Top Channel, Françeska u shpreh se nuk ishte aspak një ngjarje e stisur. Ajo sqaron se më së shumti u prek nga reagimi i të pranishmëve sesa nga veprimi i djalit.

Biseda në studio:

Françeska Murati: Shumë njerëz kanë menduar se ishte diçka e stisur dhe unë e dija, të gjithë e dinin dhe ishte bërë për show ajo. Asnjë s’e dinte çfarë do të ndodhte, fare, nuk kishte skenar.

-Si quhej djali?

Françeska Murati: As nuk ia mbaj mend emrin. Më shumë sesa jam prekur nga djali sepse në fund të ditës mund të ketë shumë njerëz që më mendojnë shtrigë, mund të ketë shumë njerëz që më mendojnë engjëll, nuk ka njeri që ka shpëtuar pa njerëz që e urrejnë ose s’e pëlqejnë. Të gjithë në këtë tavolinë kemi njerëz që s’na duan në jetë dhe është në rregull, nuk jam aq egoiste që të pretendoj që të gjithë të më duan. Mua më preku reagimi i të tjerëve në studio. Pra një Erjolë që thoshte “ua shtriga e Salemit” dhe qeshte! E tha dhe unë ngela e pastaj Ronaldo që thoshte “hë se karikaturë” është, s’është ndonjë gjë.

Ish-banorja e BBV3 shtoi se nuk mendon që është një sajesë e produksionit.

Nuk mendoj që nga produksioni është diçka e sajuar sepse nëse do të ishte, do të ishte shumë e shëmtuar totalisht dhe nuk mendoj që do të shkonin në atë lloj niveli ta bënin këtë gjë. Jam e mërzitur sepse kur unë u bëra pjesë e formatit, jam bërë pjesë sepse më është thënë që ne do të promovojmë njerëzit sepse 30 sekonda janë të mjaftueshme për të ndryshuar jetën e dikujt.

Por a do ta shohim sërish Françeskën në “Pa Filtra”?

Françeska Murati: Jam mërzitur shumë. Nuk do të jap një përgjigje për këtë momentalisht sepse nuk më lejohet, do ta shihni të dielën. Jam mërzitur realisht shumë. Kam bërë diskutime shumë…

-Me kë i ke bërë diskutimet?

Françeska Murati: Me Ronaldon kam diskutuar gjatë, me produksionin. Kam shprehur pakënaqësitë e mia, mërzitjet e mia sepse unë kam shkuar aty për të bërë gjëra të bukura, nuk dua sherre.

The post Karikatura e shtrigës, a do të jetë ende pjesë e “Pa Filtra” Françeska Murati? appeared first on iconstyle.al.

Prej kohësh përflitet për një lidhje romantike mes Adrola Dushit dhe Capital T. Asnjëri prej tyre nuk ka mohuar dhe pohuar asgjë por shenjat janë që dyshja janë prej kohësh me njëri-tjetrin.

Mbrëmjen e kaluar, Adrola ka publikuar një moment teksa shihet nën shoqërinë e reperit duke i mbajtur dhe dorën.

Çifti, të cilët prej kohësh kanë qenë të kujdesshëm në ruajtjen e privatësisë, kanë ndarë me ndjekësit foto nga pushimet e tyre në Siçili, duke treguar vendndodhjen e tyre ndryshe nga çdo herë kur janë munduar të jenë hermetikë dhe mos të zbulojnë që janë bashkë.

E si për ta përforcuar më shumë aludimet për lidhje, reperi në një intervistë ishte shprehur se femra me e bukur shqiptare është Adrola Dushi. Pak javë më parë, edhe Adrola publikoi një foto nga një koncert i Capital T në Tiranë, duke e përshkruar si një përvojë që “nuk zhgënjen asnjëherë”.

Ende mbetet për t’u parë nëse do të ketë një konfirmim zyrtar.

The post Të kapur dorë për dore, Adrola poston video me Capital T appeared first on iconstyle.al.

Einxhel Shkira ka kohë që qëndron larg ekranit televiziv dhe iu ka përkushtuar familjes dhe rritjes së djalit, Trev. Ajo pati një aventurë të paharruar në “Big Brother VIP Albania” dhe që prej atij momenti duket se vendosi të qëndrojë larg kamerës.

Por cila të jetë arsyeja?

Një ndjekës i ka shkruar Einxhelit në mesazhet e Instagramit, duke i kërkuar të prezantojë Festivalin e Këngës në RTSH.

“Të lutem prezanto këtë vit Festivalin e RTSH-së”, ka qenë mesazhi që mori Einxhel.

Një kërkesë të tillë Einxhel s’e kishte marrë ndonjëherë, por arsyen përse nuk mund të ndodhë një gjë e tillë e tregon vetë ajo, sigurisht, duke përdorur edhe ironinë.

“Mirë e ke ti, bukur do ishte, por s’të le radhë njeri. Se ne jemi bërë 5 moderatorë për metër katror” shkroi Einxhel.

The post Po qëndron larg televizionit, ironizon Einxhel Shkira: S’të le radhë njeri appeared first on iconstyle.al.

Meriton Mjekiqi ka bërë të ditur se është takuar me të birin, i cili jeton në Austri. Momentin emocionues e ka ndarë me fansat në Instagram.

Këtë vit Meritoni  ka qenë një nga emrat më të komentuar në media e shtypin rozë për shkak të pjesëmarrjes në Big Brother VIP Albania 3.

Ai gjatë qëndrimit brenda rrëfeu për publikun gjëra të ndryshme nga jeta dhe karriera profesionale.

Mes të tjerash, prezantuesi nga Kosova shpesh ka folur edhe për djalin e tij të vetëm, Loarin dhe për raportet me ish-partneren. Në një nga spektaklet, ai u shpreh se kishte vite pa e parë duke hedhur akuza për ish-të dashurën.

The post Meriton Mjekiqi publikon momentin emocionues kur takohet me djalin e tij appeared first on iconstyle.al.

Dashi

Në dashuri nëse e gjeni veten të dyjëzuar prej situatave, do të thotë se nuk është ende momenti për të marrë një vendim. Do të jetë një shenjë e fatit ajo që do ju udhëzojë. Në raportin në çift, do të gjeni dëshirën e përbashkët për të hedhur bazat solide për të ardhmen.

Demi

Ndikimi i Hënës në shenjën tuaj, do ju dhurojë aftësinë që të kuptoni në momentin e duhur, nëse jeni në drejtim të gabuar. Mbushuni thellë me frymë, dhe mundohuni të mbani nën kontroll xhelozinë. Një lëvizje e gabuar, mund të shkaktojë dëme të parikuperueshme.

Binjakët

Gatishmëria dhe reflekset do të jenë dy detaje të cilët do ju nxjerrin në dritë nga një situatë në punë e cila ju sheh të përhumbur, duke ju përballur me mundësi të reja. Do të keni dëshirë për tu njohur me gjëra të reja në sferën profesionale. Një projekt të cilin e keni përzemër do të marrë formë.

Gaforrja

Hëna në harmoni me Neptunin, do ju çlirojnë nga çdo tension. Kjo e mërkurë parashikohet mjaft premtuese dhe me një synim që mund të realizohet fare lehtësisht. Do të keni disa ide konstruktive të cilat do të sjellin zhvillime të rëndësishme lidhur me familjen.

Luani

Parashikohet që të keni luhatje humori! Në vendin e punës nuk duhet të hidhni hapa të gabuar, sidomos me bashkëpunëtorët dhe ortakët, pasi humbja është e sigurtë. Raportet në familje do të jenë të tensionuara, ndonëse raporti në çift do të jetë më pozitiv.

Virgjëresha

Në aktivitetin tuaj do të provoni vendosmëri, besueshmëri dhe qëndrueshmëri. Dhuntitë tuaja do ju nxjerrin në pah. Në familje shfaqeni mendimin tuaj me qetësi dhe pa imponim, në mënyrë që të mos cenoni askënd.

Peshorja

Investimet dhe huatë, janë temat më të preferuara të ditës. Paratë nuk bien nga qielli, ndaj duhet të punoni më shumë. Mos e promovoni vlerën tuaj më shumë nga sa e keni. Po ashtu mos lejoni që t’iu gjykojnë për aq sa keni.

Akrepi

Në raportin në çift do të ndiheni në delir mes ëndrrave romantike dhe pritshmërive të cilat nuk do ju zhgënjejnë. Por ndoshta po kërkoni shumë… Një udhëtim i shkurtër mund ngrohë edhe më shumë shpirtin tuaj.

Shigjetari

Kjo e mërkurë do të jetë disi monotone, ku do të përfshiheni në çështje praktike të rutinës. Mund të përballeni me disa situata dëshpëruese dhe pakënaqësi. Duhet të mundoheni që të bëni ndryshime.

Bricjapi

Dita do të jetë e mbushur me një sërë surprizash. Çështjet e zemrës do të jenë mjaft të favorshme dhe parashikohen zhvillime të reja. Një mbrëmje me familjen apo njerëzit tuaj të zemrës do ju bëjë që të ndiheni mirë.

Ujori

Ndikimi transitor i Venusit parashikon një shpenzim të paprogramuar apo një çështje profesionale, e cila ju mban me frymën pezull. Mes jush dhe partnerit/es do të ketë një përballje të vërtetë, ku do ju duhet të dorëzoheni.

Peshqit

Ruajtja e harmonisë kërkon sforco nga ana juaj, ndaj duhet të përkushtoheni më shumë, për të ruajtur situatën që dëshironi. Do të ketë ndryshim idesh por edhe raportesh, ndaj të cilave duhet të tregoheni më të hapur dhe të vendosur.

The post Horoskopi ditor 25 shtator 2024 appeared first on iconstyle.al.

Partnerja e Cristiano Ronaldos, Georgina Rodriguez po korr sukses me dokumentarët e saj në Netflix.

Pas publikimit të sezonit të tretë të “I am Georgina”, raportimet thonë se Rodriguez po fiton afro nëntë milionë euro në sezon, duke forcuar ndjeshëm portofolin e saj financiar.

Ndërsa shifrat e sakta nga Netflix mbeten të paverifikuara, media të ndryshme spanjolle dhe latino-amerikane spekulojnë se të ardhurat e saj mund të ishin rritur me edicionin e radhës.

Sezoni i tretë i serialit dokumentar u publikua më 18 shtator dhe deri më tani ka fituar vlerësime të mira.

‘Reality show’ i Rodriguez-it në Netflix, i cili ofron një paraqitje të shkurtër të stilit të jetës së saj luksoze dhe marrëdhënies me një nga futbollistët më të pasur në botë, Ronaldon, ka tërhequr shikueshmëri të konsiderueshme.

Përveç kontratës fitimprurëse me Netflix, modelja 30-vjeçare dhe influencuesja spanjolle bashkë-menaxhon një klinikë të suksesshme të transplantimit të flokëve me Ronaldon, e cila thuhet se gjeneron rreth dhjetë milionë euro në vit.

Kjo sipërmarrje i shton një shtresë tjetër suksesit të saj financiar.

The post Shuma marramendëse! Ja sa fiton Georgina Rodriguez për një sezon nga seritë e saj appeared first on iconstyle.al.

Dokumentari i ri i Elizabeth Taylor, i cili do të shfaqet premierë në ekranin e vogël pas pak ditësh, hedh dritë mbi aspekte të jetës së saj legjendare që nuk kufizohen vetëm në skandalet e shumëpërfolura, tetë martesat dhe…diamantet.

“Elizabeth Taylor: Rebel Superstar” nxjerr në pah aspektet më njerëzore dhe më të vërteta të saj përmes betejave të saj personale, punës bamirëse, kontributit në luftën kundër SIDA-s dhe forcës së saj të karakterit pas shkëlqimit.

Përfshirja e Kim Kardashian thuhet se do të sjellë një frymë të freskët në narrativë pasi ajo ndan ndikimin që Taylor ka pasur në jetën e saj.

Dokumentari me tre pjesë do të shfaqet premierë të premten më 27 shtator në BBC2. Kontribuesit kryesorë përfshijnë mbesën e saj, Naomi Wilding, e cila beson se rishikimi është vonuar me vite, raporton Guardian.

“Kam hezituar të marr pjesë, por shfaqja tregon historinë e gjyshes sime nga një këndvështrim më njerëzor”, tha ajo. “Po kalojmë një periudhë llogarie. Ngjarjet e viteve të fundit tregojnë se ne jemi gati t’i shohim të famshmit nga një këndvështrim tjetër. Ata mund të kenë para dhe fuqi, por janë akoma qenie njerëzore që janë të brishtë dhe kanë ndjenja”.

“She knew her power, and she used it to help other people” – Kim Kardashian, Sharon Stone & Dame Joan Collins reflect on the legacy of Elizabeth Taylor

Watch Elizabeth Taylor: Rebel Superstar on @BBCiPlayer & @BBCTwo, 27 September, 9pm

Read more https://t.co/XguxldPmly pic.twitter.com/FHgQqXlMxt

— BBC Press Office (@bbcpress) September 23, 2024

Ajo gjithashtu beson se gjyshja e saj ishte një pararendëse e yjeve të realitetit të sotëm.

Dokumentari përfshin regjistrime dhe dëshmi të padëgjuara më parë nga rrethi i saj i ngushtë, duke përfshirë bijën e saj, Paris Jackson, vajzën e Michael. Gjithashtu flasin Joan Collins, Sharon Stone, Margaret O’Brien dhe Dr. Anthony Fauci.

The post Kim Kardashian merr pjesë në dokumentarin për Elizabeth Taylor, çfarë roli ka appeared first on iconstyle.al.

Donna Kelsey zbuloi për Page Six pse mendon se Taylor Swift është zgjedhja perfekte për djalin e saj Travis Kelsey. Në premierën e “Grotesquerie” në Nju Jork, ku luan yllin e Kansas City Chiefs, të hënën, Tonya tha se e sheh marrëdhënien djalit të saj me yllin e popit ”disi interesante“.

”Ai është një djalë i mirë. Është me të vërtetë. Ai është i sjellshëm. Ai është bujar. Dhe me sa kuptoj unë, po ashtu edhe ajo.”

Tona ka shtuar për çiftin: “Shpresoj të kalojnë mirë”

Nëna e dy fëmijëve ka parë filmin e koncerteve të këngëtares fituese të Grammy-it, Taylor Swift: The Eras Tour dhe “ishte krejtësisht e magjepsur” me aftësinë e Swift për të “lidhur me njerëzit”.

“E pashë dhe më pëlqeu. Ishte fantastike,” shtoi ajo, duke zbuluar më parë për People se nuk ishte një Swiftie para romancës së djalit të saj me këngëtarin.

The post Nëna e Travis Kelce për marrëdhënien e të birit me Taylor Swift:Djali im është bujar appeared first on iconstyle.al.

Policia në Spanjë ka arrestuar pesë persona të cilët, duke pretenduar se janë ylli i Hollivudit, Brad Pitt në profile të rreme të krijuara në internet, mashtruan dy gra dhe u morën 325 mijë euro.

“Të arrestuarit kontaktuan gratë nga një faqe e fansave të aktorit fitues të çmimit Oscar dhe i bënë të besonin se kishin një marrëdhënie emocionale me të”, tha në një deklaratë Garda Civile spanjolle.

Duke u paraqitur si Pitt, anëtarët e bandës më pas dyshohet se i inkurajuan gratë të investonin në projekte të ndryshme që nuk ekzistonin. Një gruaje, nga rajoni jugor i Andaluzisë iu morën 175,000 euro, ndërsa tjetra, nga shteti verior i Baskëve humbi 150,000 euro.

Kujtojmë një nga rastet më të rënda për Brad Pitt: pak muaj më parë doli lajmi se ai kishte një lidhje me një grua nga Granada, së cilës i detyrohej 170 mijë euro. Si ka mundesi? Epo, është shumë e thjeshtë: Brad Pitt nuk e kishte idenë për këtë. Zonja ra në grackën e një mashtruesi që hiqej si aktori i famshëm dhe që përfundoi duke i marrë shuma të mëdha parash.

Gruaja ka denoncuar Brad Pitt fallco me të cilin kishte një lidhje serioze për një mashtrim prej më shumë se 170 mijë eurosh. Historia nisi pasi ndoqi një klub fansash të aktorit përmes Facebook. Që atëherë filloi të kontaktonte me shumë njerëz dhe nga një gjë në tjetrën… Filloi të fliste direkt me Brad Pitt.

Performanca ishte aq e mirë sa fitoi besimin, miqësinë dhe më pas dashurinë e pakushtëzuar të gruas nga Granada. Me sa duket, mashtruesi i dërgoi asaj foto nga ngjarjet e tij në tapetin e kuq dhe inskenoi mesazhe që i shkonin drejtpërdrejt asaj. Marrëdhënia ishte aq intensive sa Brad Pitt i premtoi asaj se do të vinte në Spanjë për ta parë.

Por kjo nuk është e gjitha! Ai do të shkonte në Spanjë për të regjistruar një film së bashku. Kush nuk e ka fantazuar ndonjëherë të luajë në një film romantik me vetë Brad Pitt? Epo, ai pothuajse e përmbushi atë, por në ëndrrat e tij, sigurisht. Rezulton se ai filloi t’i kërkonte para për të paguar udhëtimin dhe përfundoi duke marrë prej tij 170 mijë euro përmes transfertave bankare.

Duke parë se premtimet që ai bënte nuk po mbaheshin, gruaja më në fund vendosi të bënte denoncim.

The post Hiqeshin si Brad Pitt për t’iu marrë grave mijëra euro, arrestohen 5 persona appeared first on iconstyle.al.

Nuk mund të ndalemi së foluri për Sean Diddy Combs dhe gjithçka që po nxjerr në dritë arrestimi i tij. Dihet se njerëz të famshëm si Kardashians dhe Princi Harry morën pjesë në festat e tyre ( të dyshimta), por ka më shumë pasi flitet edhe për abuzim seksual të Justin Bieber kur ai ishte i mitur. Tani po del një tjetër thashetheme lidhur me divorcin e Ben Affleck dhe Jennifer Lopez, ish e dashura e reperit në vitet 2000.

E gjithë kjo teori është bërë publike falë ish-ekzekutivit të rekordeve Suge Knight, i cili është në burg, por ka një podcast. Me sa duket, sipas Suge, arrestimi i Diddy-t ka qenë pika e fundit në divorcin e Ben dhe JLo, pasi do dalin në dritë disa kaseta seksuale komprometuese. Ky material grafik është konfiskuar nga FBI gjatë kontrollit në pallatet e ndryshme të Diddy dhe ka imazhe shumë komprometuese për këngëtaren.

Por, nuk është se JLo thjesht po bënte disa gjëra me të dashurin e saj në atë kohë, por këto imazhe e lidhin atë me aktivitete të ndryshme të paligjshme për të cilat do të akuzohej reperi.

Ish-drejtuesi i diskografisë është i sigurt se Ben Affleck, pasi mësoi për përfshirjen e JLo në këto kaseta, vendosi të ndahej përgjithmonë.

“Kur ai sheh gjërat që ajo dhe Diddy po bënin dhe me kë po e bënin, jam i sigurt që ia dhanë ato kaseta shtysën për ndarje. Dhe jam i sigurt se ai nuk do të mund ta shikojë më në të njëjtën mënyrë. “- tha Knight.

Situata e Diddy pas skandalit

Sot, Sean Combs përballet me një situatë delikate. Që nga shtatori i vitit 2024, reperi ndodhet në burg në Qendrën e Paraburgimit Metropolitan në Brooklyn, pasi akuzohet për trafik seksual dhe shoqërim kriminal. Kërkesa e tij për lirim me kusht është refuzuar disa herë dhe ai është në pritje të gjykimit. Akuzat lidhen me festa private dhe praktika të paligjshme, disa prej të cilave kanë krijuar polemika në industrinë e argëtimit. Akuzat kanë ndikuar në trashëgiminë e tij në botën e repit dhe bizneset e tij, përfshirë ato që lidhen me modën.

The post Çfarëëë? Arrestimi i Diddy-t mund të ketë lidhje me divorcin e JLo dhe Ben Affleck appeared first on iconstyle.al.

Këngëtari i njohur shqiptar Yll Limani feston sot ditëlindjen dhe mbush plot 30-vjeç.

Ai ka arritur të jetë ndër emrat me të dashur për publikun shqiptar, falë talentit dhe personalitetit që ka. Me rastin e ditëlindjes, Ylli ka marrë urime të shumta, nga familja, miqtë dhe ndjekësit e tij, që duhet pranuar se janë të shumtë në numër.

Yll Limani lindi më 24 shtator 1994. Babai i tij, Mufail Limani, ishte anëtar i grupit shqiptar Minatori. Debutimi publik i këngëtarit në këndim ishte në sezonin e parë të The Voice of Albania në 2011, e ndjekur nga një paraqitje në edicionin e 9-të të konkursit muzikor shqiptar Top Fest në 2012. Pas një ndërprerjeje prej tre vitesh, kënga e parë e Limanit si një artist kryesor, “Single” me reperin kosovar-shqiptar Gent Fatali, u publikua në janar 2015.

Këngëtari bëri paraqitjen e tij të parë në top 100 listën e Shqipërisë me “Pritëm se po vi” në korrik 2016, i cili debutoi dhe arriti kulmin brenda tre të parave.

Në korrik 2019, ai shënoi këngën e tij të dytë numër një me publikimin e “Nuk po kalojka”, një bashkëpunim me kompozitorët Aida Baraku, Kevin Field, Armend Rexhepagiqi së bashku me producentin maqedonas Darko Dimitrov. Sunny Hill Festival në Prishtinë iu afrua Limanit një muaj më vonë dhe vazhdoi të performojë në skenën e përbashkët të festivalit me artistë të tjerë të mirënjohur, si Miley Cyrus , Calvin Harris dhe Dua Lipa.

Limani u shfaq në këngët e Cricket “Ndoshta” dhe “Pray” në shkurt 2021, ku i pari u ngjit në numrin një dhe i dyti u bë një nga 30 këngët më të mira në Shqipëri. Ai publikoi “A ki me rrejt”, këngën e tij të parë si artist kryesor në më shumë se gjashtë muaj pas “Leje”, në prill 2021 dhe arriti numrin dy.

Çdo këngë e tij kthehet në hit, duke e bërë Yllin një nga artistët më të dashur për publikun.

The post Yll Limani feston sot ditëlindjen, ja sa vjeç mbush artisti appeared first on iconstyle.al.