Është konfirmuar sezoni i pestë i serialit të njohur të Netflix, “Emily in Paris” dhe detaje shumë të vogla janë bërë të ditur për pjesën tjetër të serisë.

Krijuesi i hitit të Netflix, Darren Star, ka ndarë disa informacione për personazhin e Camille në sezonin e ardhshëm.

Star u pyet se cili do të jetë roli i saj në sezonin e pestë dhe sa do të jetë e përfshirë në këtë pjesë.

“Nuk e di. Unë mendoj se kjo është një pyetje”, tha ai. “Personazhet mund të hyjnë dhe dalin nga një seri, por nuk duhet domosdoshmërisht t’i shihni ata. Ne mund t’i shohim ose jo. Nuk e di se sa nga roli i Camille do të shohim sezonin e ardhshëm. Por sërish, ajo është pjesë e botës së serialit. Nuk jam i sigurt se sa shpesh do ta shohim, por nuk do të thotë, përsëri, se nuk do ta shohim atë”, deklaroi ai.

“Unë mendoj se ajo do të jetë gjithmonë pjesë e serialit – ajo është pjesë e botës së tyre dhe nuk do ta përjashtoja kurrë faktin që do ta shohim përsëri. Historia e saj do të vazhdojë”, tha krijuesi i Emily in Paris.

Ndonëse skenari i saktë mbetet i paqartë, sezoni i pestë i Emily në Paris, i cili u konfirmua më 16 shtator 2024, do të fokusohet në marrëdhënien e Emily me Marcello, për të cilën Lily Collins, foli në një intervistë për këtë kur u konfirmuar sezoni i pestë. /Telegrafi/

The post A do të jetë e përfshirë Camille në sezonin e ardhshëm të Emily in Paris? appeared first on Telegrafi.

Ndonëse mund të duket e qartë për shumicën, disa njerëz vetëm tani mund ta kenë kuptuar origjinën e emrit të reperit Eminem.

Reperi, emri i vërtetë i të cilit është Marshall Mathers (ose Marshall Bruce Mathers III nëse duam të shkojmë në bazë të emrit të plotë), u bë i njohur në fund të viteve 90-ta me publikimin e albumit të tij debutues të njohur gjerësisht The Slim Shady LP.

Që atëherë, ai i ka kaluar 30 vjetët e fundit të karrierës së tij duke sfiduar dhe shpërfillur pritshmëritë e vendosura kundër tij.

Megjithatë, një përdorues i Reddit shtroi një dilemë që kishte të bënte me emrin skenik të reperit Eminem.

“Vetëm sa e kuptova që emri i Eminemit nuk është krejtësisht i rëndomtë”, shkroi një përdorues në Reddit.

“Emri i tij është Marshall Mathers. Inicialet MM. M and M. Eminem”, shkroi përdoruesi.

Me të kuptuar këtë, pati reagime të shumta nga të tjerët, të cilët nuk e kishin kuptuar këtë fakt më herët.

Megjithatë pati edhe të atillë, të cilët thanë se kjo tashmë dihet botërisht.

“Ai donte ta bënte emrin M&M, por e ndryshoi Eminem për shkak të arsyeve ligjore”, duke iu referuar brendit të çokollatës. /Telegrafi/

The post Njerëzit vetëm tani po e mësojnë kuptimin e emrit skenik të Eminemit appeared first on Telegrafi.

Peshorja shquhet për natyrën e tyre diplomatike, dashurinë për ekuilibrin dhe drejtësinë. Si një shenjë e ajrit, ata shpesh përpiqen të arrijnë harmoninë në marrëdhëniet dhe mjedisin e tyre.

Peshorja është një nga shenjat më sociale të zodiakut, por shpesh kanë probleme në marrjen e vendimeve. Ndërsa për disa njerëz pavendosmëria e tyre nuk është problem, të tjerët nuk mund ta durojnë atë.

Më poshtë po ju paraqesim tre shenja të horoskopit që i shkojnë mirë Peshores dhe tre që duhen shmangur.

Binjakët

Binjakët dhe Peshorja ndajnë një lidhje intelektuale dhe një dashuri për komunikimin. Këto dy shenja të ajrit plotësojnë njëra-tjetrën në mënyrë perfekte, sepse janë të shoqërueshëm dhe kureshtarë. Marrëdhënia e tyre shpesh është e mbushur me biseda për një gamë të gjerë temash dhe interesash të përbashkëta.

Peshorja vlerëson sharmin dhe përshtatshmërinë e Binjakëve, ndërsa Binjakët gëzojnë aftësinë e Peshores për të krijuar harmoni në situatat e përditshme. Marrëdhënia e tyre është argëtuese dhe vazhdimisht në zhvillim, sepse të dyja shenjat i duan ndryshimet dhe sfidat.

Ujori

Ujori dhe Peshorja kanë një pikëpamje të ngjashme për botën dhe ndajnë një dashuri për drejtësinë dhe ekuilibrin shoqëror.

Të dyja shenjat janë të pavarura, por në të njëjtën kohë vlerësojnë bashkësinë, prandaj lidhja e tyre shpesh ka një themel të qëndrueshëm. Ujori vlerëson natyrën e shoqërueshme të Peshores, ndërsa Peshorja adhuron inovacionin e Ujorit. Vizioni i tyre i përbashkët për një botë më të mirë dhe lidhjet e thella intelektuale shpesh i çojnë ata drejt marrëdhënieve të gjata dhe të suksesshme.

Luani

Edhe pse në pamje të parë janë të ndryshëm, Luani dhe Peshorja mund të krijojnë një marrëdhënie shumë të suksesshme falë tërheqjes dhe sharmit të tyre të ndërsjellë. Luanit i pëlqen të jetë në qendër të vëmendjes, dhe Peshorja vlerëson energjinë dhe karizmën e Luanit.

Marrëdhënia e tyre shpesh bazohet në admirimin e ndërsjellë dhe dëshirën për t’i bërë përshtypje njëri-tjetrit. Entuziazmi i Luanit dhe shpirti diplomatik i Peshores mundësojnë harmoninë në marrëdhënie, ku Luani ndihet i vlerësuar dhe Peshorja gëzon një marrëdhënie harmonike. Së bashku ata krijojnë një çift dinamik që gëzojnë ngjarje shoqërore dhe qëllime të përbashkëta. /Telegrafi/

The post Tre shenja që shkojnë mirë me Peshoren appeared first on Telegrafi.

Mijëra jetë mund të shpëtohen në mbarë botën pasi shkencëtarët e Shërbimit Shëndetësor Kombëtar (NHS) të Mbretërisë së Bashkuar zbuluan një sistem të ri grupi gjaku – duke zgjidhur një mister 50-vjeçar.

Ekipi hulumtues, i udhëhequr nga shkencëtarët e NHS Blood and Transplant (NHSBT) në South Gloucestershire dhe i mbështetur nga Universiteti i Bristolit, gjeti një grup gjaku të quajtur MAL, shkruan BBC.

Ata identifikuan sfondin gjenetik të antigjenit të njohur më parë të grupit të gjakut AnWj, i cili u zbulua në vitin 1972, por i panjohur deri më tani pasi u zhvillua ky test i parë në botë.

Shkencëtarja e lartë kërkimore në NHSBT, Louise Tilley tha se zbulimi do të thotë se mund të ofrohet kujdes më i mirë për pacientët e rrallë.

Tilley, e cila ka punuar në projekt për 20 vjet, tha për BBC se është “shumë e vështirë të vendosësh një numër” se sa njerëz do të përfitojnë nga testi. Megjithatë, NHSBT është mjeti i fundit për rreth 400 pacientë në mbarë botën çdo vit.

Të gjithë kanë proteina jashtë qelizave të kuqe të gjakut të njohura si antigjene, por një numri të vogël mund t’i mungojnë ato.

Duke përdorur testimin gjenetik, Laboratori Ndërkombëtar i Referencës së Grupeve të Gjakut NHSBT në Filton ka zhvilluar për herë të parë një test që do të identifikojë pacientët që u mungon ky antigjen.

Testi mund të jetë shpëtimtar për ata që mund t’iu ketë reaguar trupi kundër një transfuzioni gjaku dhe do ta bëjë më të lehtë gjetjen e zhvilluesve të mundshëm të gjakut për këtë grup të rrallë gjaku. /Telegrafi/

The post Shkencëtarët kanë zbuluar një grup të ri gjaku, zgjidhet misteri 50-vjeçar appeared first on Telegrafi.

Një grua ka ndarë një metodë ideale për t’i bërë flokët kaçurrela, pa i djegur ose pa i dëmtuar.

Sipas kësaj metode, ju nuk do të keni nevojë të përdorni pajisje të nxehta.

Çfarë ju duhet është vetëm një krehës i flokëve dhe çorape.

E njohur si @erinrider3, gruaja publikoi një video në TikTok prej secilës na tregon metodën si t’i bëjmë flokët dredha pa i djegur.

@erinrider3 how to do the sock curls overnight blowout #heatlesscurls #sockcurls #overnightcurls #hairtok ♬ original sound – Lindsey Buckingham

Krejt çfarë duhet të bëni është të ndani flokët në dy pjesë dhe të merrni dy çorape. Në njërën anë, mbështillni rreth e rrotull pjesën e flokëve rreth çorapes dhe krejt në fund, fusni flokët brenda në çorape.

Ngjashëm bëjeni edhe me pjesën e mbetur të flokëve.

Pasi të keni përfunduar këtë metodë, mbajini kështu gjatë gjithë natës. Gruaja thotë se preferon ta bëjë këtë me flokë të terur.

Nëse doni dredha më të theksuara atëherë ju mund të t’i ndani flokët në më shumë se dy pjesë. /Telegrafi/

The post Metoda me çorape për flokë kaçurrela, truku efikas nëse po i shmangni pajisjet e nxehtësisë appeared first on Telegrafi.

Nga fillimi i vjeshtës njerëzit mund të ballafaqohen me Çrregullim Emocional Sezonal (SAD), me simptoma që përfshijnë ndjenjat e dëshpërimit dhe ankthit.

Por, stërvitja e rregullt është parë se zvogëlon rrezikun e zhvillimit të depresionit deri në 30 për qind, sipas Fondacionit të Shëndetit Mendor. Ushtrimi mund të jetë aq i thjeshtë sa një ecje e shkurtër 10-minutëshe.

Gavin Cowper, ekspert i ushtrimeve ka ndarë disa ushtrime të thjeshta 30-minutëshe përgjatë javës për t’ju ndihmuar në lehtësimin e simptomave të depresionit sezonal.

“Shumë njerëz janë të emocionuar për vjeshtën, por derisa ditët shkurtohen dhe netët rriten, ata me Çrregullime Emocionale Sezonale mund të kenë vështirësi në shëndetin e tyre mendor”, pohoi Cowper.

“Fatmirësisht, ushtrimet e thjeshta 30-minutëshe mund të ndihmojnë në zbutjen e simptomave të SAD. Qëndrimi aktiv jo vetëm që përmirëson disponimin tuaj, por gjithashtu rrit vetëvlerësimin tuaj, gjë që mund të ketë një efekt pozitiv në mirëqenien tuaj të përgjithshme”.

Ai ka ndarë disa ushtrime që do t’ju ndihmojnë në këtë aspekt të cilat janë si më poshtë:

Ecja: “Ushtrimi i thjeshtë me ndikim të ulët, si ecja, rrit prodhimin natyral të endorfinës në trup, gjë që ju ndihmon të relaksoheni dhe të përmirësoni disponimin tuaj. Ecja gjithashtu ndihmon në përmirësimin e rrjedhjes së gjakut në tru, duke përmirësuar funksionin njohës dhe duke ju lejuar të mendoni qartë. Për të marrë përfitimet e plota, synoni të ecni 30 minuta çdo ditë. Qëndrimi i qëndrueshëm me këtë ushtrim do të përmirësojë cilësinë e gjumit dhe do të mbështesë humbjen graduale të peshës, duke rritur mirëqenien tuaj të përgjithshme”.

Joga: “Si një nga ushtrimet më relaksuese, joga është zbuluar se redukton hormonet e stresit në trup ndërsa rrit endorfinën për të nxitur relaksimin dhe reduktimin e ankthit. Praktikimi i jogës forcon lidhjet në trurin tuaj, duke përmirësuar funksionin tuaj njohës, si dhe kohën e reagimit dhe mprehtësinë e përgjithshme mendore. Joga e rregullt mund të nxisë vëmendjen. Mundohuni të bëni 30 minuta joga çdo të dytën ditë, veçanërisht pas një dite stresuese duke u fokusuar në poza të buta ose restauruese për të nxitur relaksimin”.

Pilates: “Praktikimi i pilates mund të përmirësojë disponimin tuaj duke nxitur endorfinë dhe serotonin për të promovuar mirëqenien, si dhe për të rritur nivelet e energjisë dhe për të përmirësuar modelet tuaja të gjumit, duke e bërë më të lehtë menaxhimin e përgjegjësive të përditshme. Pilates fokusohet në lëvizjet e kontrolluara dhe frymëmarrjen e thellë, e cila qetëson sistemin nervor, veçanërisht për ata me çrregullim SAD. Për të marrë rezultatet më të mira, përfshini pilates në rutinën tuaj të stërvitjes 2-3 herë në javë për 30 minuta, veçanërisht para gjumit.

Noti: “Noti redukton stresin duke çliruar endorfinë dhe përmirëson qarkullimin e gjakut në tru, gjë që ndihmon në ruajtjen e shëndetit të trurit dhe rritjen e funksionit njohës. Në veçanti, noti në ujë të ftohtë mund të ndihmojë në zbutjen e simptomave të depresionit pasi reagimi i trupit ndaj të ftohtit ju ndihmon të përshtateni dhe menaxhoni stresin. Për rezultatet më të mira, bëni 10 deri në 20 xhiro – që zgjasin rreth 30 minuta – 2 deri në 3 herë në javë”. /Telegrafi/

The post Çrregullimi Emocional Sezonal gjatë vjeshtës, si ta përballoni me disa ushtrime appeared first on Telegrafi.

Moderatorja e njohur shqiptare, Eva Murati është rikthyer për sezonin e ri të Ligës së Kampionëve për të qenë pjesë në ekranet e juaja në emisionin sportiv në Tring TV.

Eva ka fituar një popullaritet të madh duke fituar zemrat e tifozëve të futbollit përreth Evropës, shkruan The Sun.

Moderatorja joshëse, sipas The Sun po konsiderohet nga fansat edhe si “Mbretëresha e Ligës së Kampionëve”.

Njohuritë e saj elitare të futbollist dhe paraqitja e saj glamuroze kanë bërë që ta krahasojnë me gazetaren e njohur sportive, Laura Woods.

Eva u rikthye sërish në ekran këtë javë për të përcjellë me ju garën evropiane.

Nuk është hera e parë që e përditshmja britanike The Sun, shkruan për gazetaren shqiptare. /Telegrafi/

The post “Mbretëresha e Ligës së Kampionëve” – The Sun shkruan për moderatoren shqiptare, Eva Murati appeared first on Telegrafi.

Eva Mendes ndau disa përditësime për të ardhmen e saj në Hollivud.

Pasi u largua nga aktrimi 10 vjet më parë për t’u fokusuar në rritjen e dy fëmijëve të saj dhe Ryan Gosling, ylli 50-vjeçar dha në një intervistë në “Good Morning America” dhe u pyet se kur do ta mendonte si opsion për t’u rikthyer në ekranin e madh.

“Nuk e di. Nëse ka role interesante”, deklaroi ajo derisa promovoi librin e saj për fëmijë “Desi, Mami, and the Never-Ending Worries”.

“Unë u largova diku 10 vjet më parë, e ndjeva sikur e arrita. Unë kam punuar me Ryan Gosling që është më i miri. Dhe ishte kulmi i karrierës time të punoja me të dhe atë që krijuam së bashku. Por, si dihet”, potencoi ajo mes tjerash.

Mendes është e njohur për rolet në filmat sikurse “Training Day”, “Fast and Furious”,  “We Own the Night”, “Ghost Rider” dhe në filma të tjerë. /Telegrafi/

The post U largua nga bota filmike 10 vjet më parë, Eva Mendes tregon nëse do t’i rikthehet aktrimit appeared first on Telegrafi.

Titani i teknologjisë, Mark Zuckerberg zbuloi së fundmi se çfarë i tha vajzës së tij kur e njëjta pohoi se donte të bëhej një ditë e famshme si Taylor Swift.

“E dërguam në një koncert të Taylor Swift dhe më tha: ‘E di çfarë babi, unë dua të jem diçka si Taylor Swift kur të rritem’”, ndau Zuckerberg për publikun, derisa shpjegoi edhe se çfarë e këshilloi se çfarë duhet të bënte.

“Unë i thashë vajzës time, por nuk mundesh. Kjo nuk është e disponueshme për ju”, i tha Zuckerberg vajzës së tij.

 

View this post on Instagram

 

A post shared by Mark Zuckerberg (@zuck)

Ai më pas potencoi se gjatë bisedës së tyre, ajo përfundimisht ndryshoi mendje dhe tha se donte të ishte vetvetja: “Në rregull, kur të rritem, dua që njerëzit të duan të jenë si August Chan Zuckerberg”, citoi shefi i Meta-s fjalët e vajzës së tij.

Zuckerberg është një fans i Taylor Swift prej disa kohësh tashmë.

Ai madje shoqëroi tre vajzat e tij, Maxima-n, (tetë vjeçe), August dhe Aurelia-n (17-muajshe) në koncertin Eras Tour në Kaliforni, korrikun e kaluar. /Telegrafi/

The post I tha se dëshironte të bëhej si “Taylor Swift”, Zuckerberg i shuan ëndrrën vajzës së tij appeared first on Telegrafi.

Xhirimet kanë filluar zyrtarisht për filmin që do të bazohet nga vepra e Shekspirit, King Lear.

Pjesë e këtij filmi do të jenë disa prej emrave më të mëdhenj të Hollivudit, por mund të mos e njihni njërin prej tyre në shikim të parë.

Produksioni që është shkruar dhe drejtuar nga Bernard Rose, po xhirohet në Los Angeles këtë javë dhe njëri prej aktoreve nuk u njoh për shkak të kostumit dhe grimit nga sheshi i xhirimeve.

Bëhet fjalë për aktorin e njohur Peter Dinklage i cili portretizoi rolin e Tyrion Lannister në serialin e famshëm Game of Thrones.

Aktori Dinklage nuk njihej fare nga transformimi që iu ishte bërë për rolin e tij në këtë film të ri. /Telegrafi/

The post Aktori i Game of Thrones nuk njihet nga xhirimet e filmit të ri appeared first on Telegrafi.

Ed Sheeran i këndoi një këngë një qytetareje që kishte dalë për vrap përgjatë një kanali në Londër.

Krijuesi i hitit “Shape of You” ishte duke lëvizur me një varkë përgjatë lumit derisa kishte marrë edhe kitarën me vete.

Në një moment, kaloi një atypari një vajzë e cila kishte dalë për vrap.

 

View this post on Instagram

 

A post shared by Ed Sheeran (@teddysphotos)

Ed Sheeran më pas e pyeti nëse kishte ndonjë dëshirë muzikore.

Vajza më pas i kërkoi të këndonte hitin “Tenerife Sea”, gjë që artisti e bëri pa u menduar.

Videoja u publikua nga vetë Ed Sheeran në llogarinë e tij zyrtare në Instagram. /Telegrafi/

The post E pa rastësisht, Ed Sheeran e pyet vajzën: “Ke ndonjë kërkesë muzikore?” appeared first on Telegrafi.

Shakira mbeti e habitur gjatë performancës së saj në një klub nate në Miami, kur kapi një burrë duke u përpjekur ta incizonte poshtë fustanit të saj.

Burri u kap në një video që u bë menjëherë virale në rrjetet sociale, duke shkaktuar bujë, pasi këngëtarja u largua e indinjuar nga skena kur pa se çfarë po ndodhte.

Fillimisht, përdoruesit në rrjetet sociale spekuluan se personi ishte në fjalë një fans i këngëtares.

Megjithatë, tani po raportohet se burri në fakt thuhet të ketë qenë një anëtar i stafit të Shakira-s, raporton Marca.

Këngëtarja ishte duke performuar këngën e saj të re “Soltera” kur ndodhi kjo.

Kur e vuri re, ajo bëri menjëherë një gjest me duar duke kërkuar që të ndalonte incizimin dhe, pasi vuri re se burri ishte ende duke e bërë atë, ajo ndaloi performancën e saj dhe zbriti nga skena. /Telegrafi/

The post Identifikohet personi që xhiroi Shakira-n poshtë fustanit gjatë koncertit në Miami appeared first on Telegrafi.

Një producent nga Afrika e Jugut, i njohur si The Kiffness, krijoi një këngë nga citati viral i ish presidentit amerikan Donald Trump gjatë debatit presidencial të javës së kaluar.

Për një moment i Trumpit dhe ajo çfarë tha gjatë këtij debati, ka bërë xhiron në rrjetet sociale.

Trumpi deklaroi gjatë debatit që migrantët e Haitit në Sprinfield, Ohio, po vjedhin kafshë shtëpiake dhe po i hanë ato.

“Në Springfield, ata po i hanë qentë [njerëzit që erdhën] – Ata po hanë macet”, deklaroi Trump.

Ishte pikërisht nga kjo deklaratë ku producenti The Kiffness krijoi një këngë, duke përfshirë edhe deklaratën e Trumpit.

Fansat e producentit, ia dërguan citatin viral dhe i kërkuan të bëjë një remix.

Kënga deri më tani ka marrë 5.6 milionë shikime në YouTube. /Telegrafi/

The post “Po i hanë macet e qentë”, producenti krijon këngë nga citati viral i Trumpit në debatin e famshëm appeared first on Telegrafi.