Komuniteti shqiptaro-amerikan në New York ka protestuar ndaj pjesëmarrjes së presidentit serb Aleksandar Vuçiq në Asamblenë e Përgjithshme të OKB-së.

Harry Bajraktari, një aktivist i njohur i komunitetit shqiptar, në një postim në “X” ka publikuar një video ku shihet një kamion me një ekran gjigand ku shfaqte mesazhe kundër Vuçiqit dhe fakte nga lufta në Kosovë.

“Serbia ka gjak në duart e saja, ndaloni së mbrojturi kriminelët”, “Drejtësi për vëllezërit Bytyqi”, Vuçiq=Millosheviqi 2.0”, ishin disa prej këtyre mesazheve që u shfaqën kohë pas kohe në ekran.

Bajraktari e ka quajtur Vuçiqin “kriminel lufte dhe mbrojtës të përdhunuesve”.

Ai ka theksuar se komuniteti shqiptaro-amerikan e ka mirëpritur Vuçiqin me një mesazh të qartë: “Përdhunimi i përdorur si armë lufte.”

Bajraktari ka kërkuar drejtësi për viktimat e luftës në Kosovë dhe ka denoncuar vonesën në ndëshkimin e krimeve të luftës. /Telegrafi/

Yesterday, the Albanian-American community welcomed the war criminal & rapist protector Serbian President Aleksandar Vucic at the UN General Assembly in NYC with a clear message
*“Rape used as a weapon of war#JusticeforKosova #Justicedelayedisjusticedenied pic.twitter.com/fJt5oHi7Us

— Harry Bajraktari (@HarryBajraktari) September 25, 2024

The post “Kriminel lufte dhe mbrojtës i përdhunuesve”, komuniteti shqiptaro-amerikan kundërshton pjesëmarrjen e Vuçiqit në OKB appeared first on Telegrafi.

Deputeti i Lëvizjes Vetëvendosje, Visar Korenica në seancën e Kuvendit të Kosovës ka folur për çështjen e largimit nga shkolla të nxënëses A.D nga Peja, për shkak të bartjes së shamisë.

Korenica tha se ka katër javë që nxënësja në fjalë nuk po vijon procesin mësimorë.

“Ka katër javë që një vajzë nuk po vijon procesin mësimorë në Pejë, është e moshës madhore i ka 18 vjet. Çdo të dytën ditë paraqitet në shkollë dhe përjashtohet nga drejtori Musa Nikçi, dhe nuk e kuptoj se sa e drejtë është që ne të qëndrojmë këtu si deputet dhe ju si kryetar në krye të Kuvendit dhe vetë ministrja e Arsimit dhe të mos merret me rastin dhe mi jep të drejtën vajzës me shku në shkollë”, tha Korenica.

Deputeti shtoi se është përgjegjësi e tyre kolektive që si të zgjedhur nga populli të merrem ne këtë rast.

“Ne e kemi përgjegjësi kolektive si deputet edhe ju si kryetar i Kuvendit, dhe nuk ka kuptim me vazhdu me procesin e votimit dhe mos me trajtu këtë rast dhe me i jep të drejtën sikurse e kanë të gjithë fëmijët e tjerë për shkollim e arsimim”, tha Korenica.

Ai pati edhe një mesazh për ministren e Arsimit, Arbërie Nagavci.

“I dërgoj mesazh të drejtpërdrejtë ministres së Arsimit të merret me rastin dhe mos të lejojë të na paraqiten të njëjtat probleme çdo vit për një faj që ne e kemi trashëguar nga dikush tjetër që e ka vendos në fuqi një udhëzim administrativ diskriminues”, tha Korenica.

E pas këtij deklarimi reagoi kryetari i Kuvendit, Glauk Konjufca. Konjufca ia tërhoqi vërejtjen deputetit Korenica se ishte jashtë rendit të ditës.

“Unë si kryetar i Kuvendit pasi po kërkon me qenë profesional më duhet ta tërheq vërejtjen se ishe jashtë rendit ditës. Fushata fillon nga 6-7 janari dhe e keni gjithë kohën e mjaftueshme mi ngrit gjitha problemet”, tha Konjufca.

Nxënësja A.D e gjimnazit “Bedri Pejani” në Pejë, është pezulluar së fundmi nga vijimi i mësimit për shkak se njëjta ka vendosur që të bartë shaminë.

Drejtori i gjimnazit, Musa Nikçi në një prononcim për Telegrafin ditë më parë ka thënë se nxënësja nuk është përjashtuar por pezulluar.

“Nuk është përjashtuar, është largu derisa te largon shaminë nëse don me ardh si nxënëse e rregullt për shkak të ligjeve dhe udhëzimit që ka shkolla në fuqi”, tha Nikçi.

Lidhur me këtë rast Prokuroria Themelore e Pejës ka filluar hetimet. Kështu ka bërë të ditur për zëdhënësi i kësaj prokurorie, Shkodran Nikçi.

“Pasi kemi pranuar informatat përmes email-it zyrtar për rastin në fjalë, çështja i është ndarë një prokurorit të shtetit , i cili do ta trajtoj rastin se a ka elemente të veprës penale “Shkelja e statusit të barabartë të shtetasve dhe banorëve të Republikës së Kosovës”, nga neni 190 të Kodit Penal të Republikës së Kosovës”, ka thënë Nikçi. /Telegrafi/

The post “Nuk mund të heshtim për këtë çështje”, “Fushata nis nga 6-7 janari” – pezullimi nga shkolla i nxënëses me shami në Pejë, përplas deputetin e VV-së me Konjufcën appeared first on Telegrafi.

Ministri i Financave dhe Transfereve, Hekuran Murati ka përmendur masat e marra nga Qeveria e Kosovës për të përballuar rritjen e kostos së jetesës dhe inflacionin global.

Sipas tij, këto masa përbëjnë pakon më të madhe mbështetëse në rajon, një fakt i konfirmuar nga institucionet financiare ndërkombëtare.

“Masat që kemi ndërmarrë si qeveri përbëjnë pakon më të madhe mbështetëse në rajon krahasuar me Bruto Prodhimin Vendor, gjë kjo e konfirmuar edhe nga raportet e institucioneve financiare ndërkombëtare”, ka shkruar Murati.

Murati përmendi disa nga masat kyçe, duke përfshirë subvencionimin e faturave të energjisë për mbi 200 mijë familje, rritjen e pagës minimale në 350 euro, subvencionimin e bujqësisë, mbështetjen për pensionistët, studentët dhe fëmijët, si dhe miratimin e Ligjit të Pagave në sektorin publik.

Ai gjithashtu përmendi sfidat e përballura nga qeveria, përfshirë bllokadat nga opozita në miratimin e Ligjit për Çmimet Tavan, që synonte të kufizonte rritjen e çmimeve në treg.

“Nuk ka asnjë qeveri në rajon që ka ndërmarrë kaq shumë masa për mbështetjen e qytetarëve dhe bizneseve për përballjen me inflacionin,” theksoi Murati. /Telegrafi/

The post Murati flet për përballjen e inflacionit: Kosova me pakon më të madhe mbështetëse për qytetarët në rajon appeared first on Telegrafi.

Sot në Gjykatën e Apelit është mbajtur seanca përfundimtare lidhur me rastin e vrasjes së të riut 18 vjeçar nga Podujeva, Lulzim Fejzhullahu.

Axha i të ndjerit, Rrahim Fejzullahu tha se ata si familjar kërkojnë  vetëm drejtësi.

“Prej 14 janarit më nuk jam mirë as psiqikisht e as fizikisht. Dhimbje tepërta nuk po mundem ti përballoj. Duam vetëm drejtësi reale jo selektive, po nëse s’ka drejtësi kom me thirr protestë gjithë popullore”, tha axha i të ndjerit.

Ai bëri të ditur se ka pasur kontakt me familjen e njërit prej të miturve që dyshohet se kanë kryer veprën penale.

“Me familjen Kadriu kemi pasur ndërmjetësim përmes hoxhallarëve dy herë nga një muaj besë, më kurrë. Me familjen Abdullahu jo. Le ta dinë të gjithë se borxh më kanë sa të kanë ymër”, tha Fejzullahu.

Ndërkaq avokati Tomë Gashi tha se familjarët e Lulzimit i besojnë drejtësisë dhe kërkojnë vetëm atë.

“Ndoshta është koha që Ministria e Drejtësisë të ndryshoj ligjin për të miturit sepse mund të jetë diçka ligjore por nuk është e drejtë. Sepse imagjinoni se nëse dikush vepron në formë të tillë dhe ka pak ditë, pak javë apo muaj më pak se personi që ja merr jetën ai ka shanse edhe për një jetë tjetër ndërsa viktima më nuk kthehet”, tha Gashi. /Telegrafi/

The post Axha i Lulzim Fejzullahut: Duam drejtësi reale, e jo selektive appeared first on Telegrafi.

Është shtyrë për 9 tetor seanca fillestare ndaj tre të akuzuarve të arrestuar për sulmin terrorist në Banjskë të Zveçanit një vit më parë.

Shtyrja u vendos pasi avokatët e të akuzuarve Dushan Maksimoviq, Vladimir Toliq dhe Blagoje Spasojeviq kërkuan më shumë kohë për të lexuar shkresën e lëndës dhe provat e Prokurorisë.

E pas përfundimit të seancës, Arianit Koci, avokati i familjes së policit të ndjerë Afrim Bunjaku, tha se ky është një gjykim kompleks me pasoja të rënda për vetë palët e dëmtuara.

Ai tha se kanë interes që sa më shpejt të kryhet ky proces.

“Jam përfaqësues i familjes së policit të ndjerë Afrim Bunjaku. Ne kemi interes që sa më shpejt të kryhet ky proces, për shkak se drejtësia e vonuar është drejtësi e mohuar, por nuk guxojmë të bëjmë asnjë gabim procedural në mënyrë që Gjykata e Apelit mos ta kthen në rigjykim pra”, tha Koci.

Ai shtoi se sulmi që ka ndodhur në Banjskë, ka mundur të ketë pasoja të rënda për vetë rendin kushtetues të Kosovës.

“I kemi 42 persona që janë në arrati, lajmi i mirë është që janë në “Red Notice” të INTERPOL-it dhe asnjëri prej tyre nuk mund ta lëshoj Serbinë sepse mund të arrestohet menjëherë”, tha Koci.

Avokati tutje shtoi se mbrojtja e të akuzuarve i pati disa kërkesa rreth printimit të dokumenteve.

“Besoj që Prokuroria nuk ka bërë asnjë gabim në këtë rast. E ftoj Prokurorinë që sa më pak të deklarohet për këtë rast”, tha ai.

Sa i përket propozimit që të merret mendim nga Gjykata Supreme për gjykim në mungesë, Koci tha se presin që Supremja të jap një mendim pozitiv, por pavarësisht çfarëdo vendimi do ta respektojnë. /Telegrafi/

The post Koci: 42 të arratisurit për sulmin në Banjskë janë në “Red Notice” të INTERPOL-it appeared first on Telegrafi.

Ministri i Punëve të Brendshme të Kosovës, Xhelal Sveçla, ka mbajtur një fjalim në ceremoninë hapëse të Konferencës Ndërkombëtare për Administratë Publike, “KosovaPAR2024”, ku theksoi përparimet e bëra në reformimin e administratës publike dhe rëndësinë e këtyre reformave për rrugën drejt integrimit në Bashkimin Evropian.

Sveçla nënvizoi progresin në fushën e sundimit të ligjit, të drejtave politike dhe civile, luftës kundër korrupsionit, si dhe lirisë së shtypit.

Ai vuri në pah përmirësimet e dukshme në administratën publike, veçanërisht në rritjen e numrit të shërbimeve digjitale të ofruara për qytetarët përmes platformës e-Kosova, që nga 120 shërbime në vitin e kaluar në mbi 180 shërbime këtë vit.

“Një përparim i rëndësishëm është bërë në përfshirjen e grave në administratë, ku 63.3% e zyrtarëve të rekrutuar këtë vit janë gra,” tha Sveçla, duke theksuar angazhimin për barazinë gjinore dhe krijimin e mundësive të barabarta.

Ai gjithashtu përmendi sfidat që mbeten, duke përfshirë menaxhimin e burimeve njerëzore, dhe njoftoi planet për krijimin e Shkollës Kombëtare të Administratës Publike në bashkëpunim me bordin këshillues për administratë publike.

Sveçla theksoi se kjo shkollë do të shërbejë si model për rajonin.

Në përfundim, ministri falënderoi pjesëmarrësit dhe shprehu përkushtimin e institucioneve për vazhdimin e reformave në administratë publike.

Fjalimi i tij i plotë:

Mirëserdhët në Konferencën e dytë ndërkombëtare për Administratë publike KosovaPAR2024. Prania juaj për të dytën herë brenda një viti, tregon përkushtimin tuaj për suksesin e konferencës.

Ju falënderoj të gjithëve për ardhjen tuaj dhe pjesëmarrjen aktive në diskutimet rreth transformimit dhe modernizimit të administratës publike.

Në vitin e kaluar, konferenca trajtoi temën “Reformat në administratën publike për qeverisje fleksibile dhe të qëndrueshme”. Këtë vit, kemi zgjeruar temën për të shqyrtuar nëse përpjekjet për reforma burojnë nga nevoja për të kapur hapin e humbur apo për të avancuar më tutje. Për mendimin tim, të dyja këto qëndrojnë. Jo vetëm që gjendja në administratë është përmirësuar dhe është në drejtimin e duhur, por gjendja në përgjithësi në Kosovë, qoftë në aspektin ekonomik, shtet ligjor e demokraci është dukshëm më premtuese.

Republika e Kosovës renditet e para në Ballkanin Perëndimor për përmirësimin e sundimit të ligjit nga Projekti Botëror i Drejtësisë; për përmirësimin e të drejtave politike dhe lirive civile nga Freedom House; për avancimin në luftën kundër korrupsionit nga Transparency International; dhe për lirinë e shtypit nga Reporterët pa Kufij e shumë procese të tjera.

Pavarësisht sfidave edhe në fushën e administratës publike, kemi arritur një progres të rëndësishëm. Është shënuar përparim në implementimin e ligjit të pagave dhe të zyrtarëve publik, duke shtyrë përpara procesin e reformave të nevojshme në administratë, me synimin e modernizimit, profesionalizimit si dhe ofrimit të shërbimeve cilësore dhe të shpejta në administratën publike. Të gjitha këto në shërbim të përkushtimit tonë drejt integrimit në BE.

Gjithashtu, është shënuar progres dhe në ristrukturimi i ministrive dhe agjencive e me theks të veçantë në fushën e digjitalizimit të procedurave administrative dhe shërbimeve publike.
Në krahasim me gjendjen e vitit të kaluar kur ofroheshin rreth 120 shërbime publike, sot platforma digjitale e-Kosova i ofron mundësinë qytetarëve qasje në mbi 180 shërbime, apo rritje prej 50% në ofrimin e shërbimeve digjitale.

Një tjetër aspekt pozitiv në trendin e përgjithshëm është padyshim zvogëlimi i hendekut në administratë mes përfshirjes së grave dhe burrave. Gjatë vitit 2023 kanë qenë 48.3% gra të punësuara në administratë publike, ndërsa këtë vit, 63.3% e zyrtarëve të rekrutuar në administratë publike janë gra. Padyshim se kjo rritje është edhe si rrjedhojë e ligjit të ri për zyrtarët publik që ka krijuar mundësi të barabarta për të gjithë dhe hapjen e administratës, për një brez të ri që sjellin energji dhe njohuri të reja në administratë publike. Ky është një tregues i përparimeve që kemi bërë për barazinë gjinore dhe krijimin e mundësive të barabarta për të gjithë.

Megjithatë sfidat mbeten andaj takimet si këto përveç se na mundësojnë diskutimet rreth tyre, ndihmojnë dhe në ofrimin e rekomandimeve konkrete dhe profesionale në rrugën përpara.
Padyshim se dhe për një kohë, sfida më e madhe do të mbetet kryesisht në menaxhimin e burimeve njerëzore. Andaj, po punojmë të jetësojmë krijimin e një Shkolle Kombëtare të Administratës Publike, në bashkëpunim të ngushtë me bordin këshillues për administratë publike. Kjo shkollë, e cila do të tejkalojë kapacitetet e Institutit të Administratës Publike (IKAP) do të shërbejë si model për rajonin.

Të nderuar pjesëmarrës,

Kosova ka bërë përparime të rëndësishme falë përkushtimit të institucioneve tona dhe mbështetjes së partnerëve ndërkombëtarë dhe shumë miqve dhe profesionistëve. Andaj, duke qenë të vetëdijshëm se reformat në administratën publike janë një element kyç për përmirësimin e jetës së qytetarëve tanë dhe për ndërtimin e një demokracie të qëndrueshme, angazhimi ynë do të jetë maksimal.

Ju falënderoj për pjesëmarrjen tuaj dhe ju uroj punime të suksesshme në këtë konferencë! /Telegrafi/

The post Sveçla: Reformimi i administratës publike, kyç për rrugën e Kosovës drejt BE-së appeared first on Telegrafi.

Regjimenti Mbretëror Yorkshire i Mbretërisë së Bashkuar ka vazhduar dislokimin e tij të përkohshëm në Kosovë, si forcë rezervë e caktuar në mbështetje të misionit të udhëhequr nga NATO, KFOR.

Personeli dhe automjetet kanë zbarkuar në Durrës, Shqipëri, dhe do të udhëtojnë në Kosovë me rrugë tokësore.

“Siç është njoftuar më herët, Regjimenti Mbretëror Yorkshire do të punojë së bashku me njësitë e tjera të KFOR-it, në një stërvitje rutinë të quajtur ‘Operational Rehearsal Training’, deri në fund të muajit tetor,” thuhet në njoftimin e KFOR-it.

Qëllimi i kësaj stërvitjeje është testimi i procedurave ekzistuese për dislokimin e shpejtë të trupave shtesë dhe integrimin e tyre në misionin e KFOR-it.

“Stërvitja mbështet gatishmërinë e KFOR-it për të reaguar ndaj zhvillimeve të rëndësishme të sigurisë, për të siguruar zbatimin e vazhdueshëm dhe efektiv të mandatit tonë nga Kombet e Bashkuara – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një ambient të sigurt për të gjithë njerëzit dhe komunitetet që jetojnë në Kosovë dhe për lirinë e lëvizjes, në çdo kohë dhe në mënyrë të paanshme,” thuhet më tej në njoftim.

Në përfundim të stërvitjes, kontingjenti do të tërhiqet dhe do të kthehet në Mbretërinë e Bashkuar.

“KFOR do të marrë të gjitha masat e nevojshme për të zbutur efektet në trafikun rrugor, që mund të shkaktohen si rezultat i lëvizjes së personelit dhe automjeteve ushtarake në mbështetje të kësaj stërvitjeje”, thuhet në njoftim. /Telegrafi/

The post Forcat rezervë të NATO-s vazhdojnë dislokimin për stërvitje me KFOR-in në Kosovë appeared first on Telegrafi.

Posta e Kosovës ka lëshuar një njoftim të rëndësishëm për publikun, duke paralajmëruar qytetarët që të mos bien pre e një mashtrimi që po qarkullon përmes SMS-ve.

Sipas Postës së Kosovës, palë të panjohura po dërgojnë mesazhe telefonike, duke u paraqitur në emër të institucionit, me qëllim përfitimi të paligjshëm.

“Menjëherë pasi kemi marrë informata për këtë mashtrim, kemi njoftuar organet kompetente dhe po bashkëpunojmë ngushtë me to për të ndaluar këtë aktivitet të paligjshëm,” thuhet në njoftimin e Postës së Kosovës.

Institucioni thekson se komunikimi i tij zyrtar bëhet vetëm përmes kanaleve të verifikuara, duke përfshirë web-faqen zyrtare dhe platformat në rrjetet sociale si Facebook, Instagram dhe LinkedIn.

Numrat e kontaktit gjithashtu janë të publikuar zyrtarisht.

“Ju lutemi mos klikoni në asnjë link që mund të merrni përmes këtyre mesazheve dhe mos bashkëpunoni me numra të paidentifikuar që nuk janë zyrtarë të Postës së Kosovës. Në asnjë rast nuk do t’ju kërkojmë të dhëna personale apo numra të kartelave bankare,” paralajmëron Posta.

Posta e Kosovës ka theksuar përkushtimin e saj për të mbrojtur qytetarët dhe ka njoftuar se po bashkëpunon me autoritetet përkatëse për të ndjekur keqbërësit pas këtij incidenti.

Institucioni gjithashtu bëri të ditur se posta të tjera në rajon janë përballur me sulme të ngjashme nga mashtrues të panjohur. /Telegrafi/

The post Posta e Kosovës paralajmëron qytetarët për mashtrime me SMS: Mos ndani të dhëna personale appeared first on Telegrafi.

Me ftesë të Presidentes së Komisionit Evropian, Ursula von der Leyen, kryeministri i Kosovës, Albin Kurti udhëtoi sot për në Bruksel, ku mori pjesë në drekën e punës bashkë edhe me liderë të shteteve të Ballkanit Perëndimor.

Sipas njoftimit për media Kurti fillimisht uroi Von der Leyen për rizgjedhjen e saj si Presidente e Komisionit Evropian dhe u shpreh i gatshëm për ta vazhduar bashkëpunimin e afërt me qëllim avancimin e marrëdhënieve bilaterale ndërmjet Kosovës dhe Bashkimit Evropian dhe integrimin evropian të Kosovës.

“Theksoi se zgjerimi i Bashkimit Evropian, sidomos pas agresionit ushtarak rus në Ukrainë, është përgjigjja më e mirë për të gjithë ata që kërcënojnë paqen dhe unitetin e Evropës. Në këtë kontekst, kryeministri Kurti bëri thirrje që të trajtohet aplikimi i Kosovës në Bashkimin Evropian dhe Kosovës t’i jepet pyetësori dhe statusi i vendit kandidat për anëtarësim. Në të njëjtën kohë, kërkoi që masat restriktive mbi Kosovën, të cilat i quajti të padrejta dhe jo fer, të hiqen”, thuhet në njoftim.

Sa i përket Planit të Rritjes, Kurti u shpreh se Kosova ka qenë një ndër vendet e para që ka dorëzuar Agjendën e Reformave, duke treguar kështu përkushtimin e saj për Planin e Rritjes.

“Në prag të 10-vjetorit të Procesit të Berlinit, ai i konfirmoi mbështetjen për këtë proces, teksa shprehu angazhimin e tij dhe të Qeverisë së Republikës së Kosovës për marrëveshje të reja, dhe në të njëjtën kohë theksoi rëndësinë e zbatimit të plotë të katër marrëveshjeve të mobilitetet të nënshkruara në vitin 2022 në Berlin”, thuhet tutje në njoftim.

Çështje të tjera që u adresuan nga kryeministri gjatë drekës ishin edhe Programi i Transportit dhe Lehtësimit, tregu unik digjital, Zona e Përbashkët Evropiane e Pagesave (SEPA), Tregu i Përbashkët Rajonal dhe bashkëpunimi e siguria rajonale. /Telegrafi/

The post Kurti takon Von der Leyen, kërkon statusin e vendit kandidat për Kosovën dhe heqjen e masave restriktive appeared first on Telegrafi.

Në kuadër të përgatitjeve për pjesëmarrje në garën “Cambrian Patrol 2024”, skuadra e Forcës së Sigurisë së Kosovës dhe një skuadër nga Forcat e Armatosura të Republikës së Shqipërisë në koordinim me Ambasadën e Mbretërisë së Bashkuar dhe me qëllim vlerësimin e skuadrave pjesëmarrëse në garë, kanë realizuar ushtrimin fushor “ Camprep24”.

Skuadrat sipas FSK-së u testuan dhe kaluan sfidat e ngjashme që do të jenë gjatë realizimit të garës.

“Skuadrat treguan disiplinë, motiv e përkushtim të lartë, duke bërë më të mirën për të përfaqësuar vendet tona në garën më të madhe të ushtrive të botës siç është gara ‘Cambrian Patrol’, që realizohet çdo vit në Mbretërinë e Bashkuar dhe me pjesëmarrjen e një numri të madhe nga të gjitha vendet e botës”, thuhet në njoftimin e FSK-së. /Telegrafi/

The post ​FSK e gatshme për garën “Cambrian Patrol 2024” appeared first on Telegrafi.

Të mërkur në fshatin Izvor, Zveçan, njësia policore ndaloi një shtetas polak.

I njëjti dyshohet se kishte hyrë ilegalisht nga Serbia në Republikën e Kosovës.

Pas ndalimit, prokurori kujdestar urdhëroi që i dyshuari të lirohet, ndërsa rasti do të vazhdojë në procedurë të rregullt. /Telegrafi/

The post Shtetasi polak ndalohet në Zveçan për kalim ilegal të kufirit appeared first on Telegrafi.