Ekonomia shqiptare vijon rritjen për të dytin tremujor me radhë. Gjatë muajve prill, maj dhe qershor ekonomia është rritur me 4.06% krahasuar me të njëjtën periudhë të një viti më parë.

Në krahasim me 6 mujorin e parë të vitit 2023, INSTAT përllogarit një rritje prej 3.94% në gjashtë muajt e parë të vitit 2024.

Ndërtimi dhe turizmi janë dy sektorët që i kanë dhënë ndikimin kryesor rritjes ekonomike sipas të dhënave të Institutit të Statistikave. Aktiviteti ndërtues në këtë periudhë është shtuar me 10.10% më shumë se tremujori i dytë i 2023-shit. Ndërsa turizmi, përtej bumit të vizitorëve, renditet në vend të gjashtë me rritje prej 6,48% krahasuar me vjet.

Kontribut pozitiv kanë dhënë degët tregti, transport, akomodim dhe shërbim ushqimor me +1.12%, ndërtimi me +1.12 %, administrata publike, arsimi dhe shëndetësia, me +0.86 %, aktivitete profesionale dhe shërbim administrative me 0.62%, bujqësi pyje dhe peshkim me +0.17%, aktivitete të pasurive të paluajtshme me 0.13%, aktivitete financiare dhe të sigurimit me 0.13 %; arte, argëtim dhe çlodhje me 0.06%. Taksat neto mbi produktet kontribuuan pozitivisht me 0.92%”. Negativisht ka kontribuuar grupi industri, energji dhe ujë me 0.96%, informacioni dhe komunikacioni me 0.11%.

INSTAT vëren gjithashtu se ndonëse ndërtimi është rritur, kanë ngecur shitjet e pasurive të paluajtshme duke ndikuar me një rritje minimale prej 0,13 përqind.

Deputeti i Partisë Demokratike, Agron Gjekmarkaj thotë se reagimi i kësaj force politike për burgosjen e Ervin Salianjit, duke djegur karriget e Kuvendit, ishte simbolik dhe spontant.

Në emisionin “Real Story”, Gjekmarkaj u shpreh se këto veprime nuk ishin të organizuara, teksa shtoi se nuk ka qenë qëllimi i deputetëve për të djegur institucionet.

Ndërsa analisti Skënder Minxhozi iu drejtua Gjekmarkajt, se djegia e karrigeve, është edhe djegie e votave të demokratëve.

Agron Gjekmarkaj: Vendimin e gjykatës, ai që e pësoi në kurriz, unë nuk e di pse është dënuar Ervin Salianji. Për një çështje interpetmi fjale, kallëzim publik i rremë. Ai e ka pranuar vendimin, shkoi. Ndërsa reagimi politik i PD, është reagim simbolik, nuk ka rrezukuar parlamentin. Nuk ka pasur rrezik në Parlament. Nuk ka pasur asnjë qëllim për t’i vënë flakën parlamentin. Ka qenë diçka spontante dhe e paorganizuar. Nuk më duket se shënjestra ishte zonja Spiropali, për të goditur kokën e saj. Ato që gjuajti zoti Bardhi ishin në qoshe të sallës, jo për të lënduar ndonjë koleg. Nuk kam djegur asnjë karrige. Nuk kemi djegur institucionet, ka qenë reagim spontant.

Skënder Minxhozi: Ky vend e ka filluar pluralizmin politik në ditën 1, virtualisht, duke futur në burg kryetarin e opozitës. Jo një zyrtar të opozitës, jo një zëdhënës të tij, por kryetarin e opozitës. Në momentin që kryetari i opozitës u dënua me 4 vite burg, dhe jo në shtëpi, por në malet e Tepelenës, ai ishte fitues politikisht në Shqiëri. Mund të kishte marrë turmat, të kishte djegur të gjithë karriget e parlamentit, popullata ishte më e ndezur. Shkoi dhe bëri burgun, e quajti burg politik. Kur doli në 1997, ka marrë pafajësi për dënimin. Gjykata ishte ajo që kishte parashikuar presidenti i shtetit në atë kohë, Sali Berisha. Duhet t’u rrimë letrave Agron. Kur gjykata flet, të tjerët heshtin. Në 2024, ju nuk e keni këtë kriter. Unë pyes vetëm kaq, një proces me dy shkallë, me 50 seanca gjyqësore, ku dy shkallë të gjyqësorit, kanë konkluduar në këto dënime, pse me deputetin duhet ta çosh 1 vit në burg? Jo të djegim karriget dhe institucionet. Keni djegur votat tuaja, çdo karrige simbolizon vota.

Televizioni shtetëror iranian ka pohuar se 80% e rreth 200 raketave të lëshuara në Izrael goditën objektivat e tyre sonte.

Megjithatë, Forcat e Mbrojtjes izraelite kanë thënë se “nuk janë në dijeni” për ndonjë lëndim nga sulmi, i cili u nis në orët e fundit.

Për më tepër, një zëdhënës i Magen David Adom – shërbimi i reagimit emergjent të Izraelit – tha se nuk kishte “raportime për të lënduar nga sulmi në drejtim të Izraelit”.

Kjo me përjashtim të “dy lëndimeve të lehta në zonën e Tel Avivit dhe disa lëndimeve të lehta në mbarë vendin gjatë lëvizjes në hapësira të sigurta, si dhe rastet e ankthit”.

Mbrojtja ajrore izraelite – e ashtuquajtura “Iron Dome” – raportohet se ka ndaluar një numër të raketave balistike.

Burime nga ushtria siriane kanë thënë se mbrojtja ajrore izraelite ka rrëzuar gjithashtu dhjetëra raketa që fluturuan mbi Sirinë jugore.

Java e 30 shtatorit – 6 tetor sjell disa ndryshime goxha të mëdha në marrëdhëniet e disa shenjave për shkak të eklipsit të dytë që ndodh vetëm një ditë para Mërkurit, i cili do të jetë në Peshore.

Këto ngjarje astrologjike ju ndihmojnë të mirëpritni një fillim të ri në jetën dhe marrëdhënien tuaj. Hëna e Re në Peshore dhe Eklipsi Diellor do të ndodhin të mërkurën, më 2 tetor dhe do të përfaqësojnë një fazë të re në jetën tuaj, por pjesë e këtij procesi është edhe të kuptuarit se disa ngjarje janë jashtë kontrollit tuaj.

Dashi

Ju keni kaluar një proces intensiv transformimi në marrëdhënien tuaj të dashurisë, i cili ose ju ndihmoi të shkoni drejt një lidhjeje të re ose ju dha konfirmimin se jeni vërtet me personin e duhur. Por pa marrë parasysh se ku të çon ai udhëtim, është e rëndësishme të mbani mend se pavarësisht sfidave, ju jeni tani më mirë për shkak të asaj që keni kaluar Kini shpresë për të ardhmen dhe kuptoni se jeni gati të shfrytëzoni sërish një shans për dashurinë. Ndërkohë që duhet të jeni të kujdesshëm për atë që shfaqet në marrëdhënien tuaj romantike gjatë eklipsit, efektet e së cilës mund të zgjasin gjatë gjithë kësaj jave, duhet gjithashtu ta lini veten të ndiqni zemrën tuaj.

Gaforrja

Durimi është gjithashtu një virtyt personal, pasi ngjarjet priren të zhvillohen jo domosdoshmërisht siç i kemi planifikuar. Një pjesë e shërimit që keni përjetuar në të kaluarën ka qenë të mësoni ndryshimin midis mbajtjes së mendjes së hapur dhe mosmbajtjes së partnerit përgjegjës për atë që ju nevojitet në një marrëdhënie. Pavarësisht sfidave, ju do të shihni se durimi juaj do të shpërblehet. Ju e meritoni ndryshimin pozitiv në jetën tuaj që do të jetë jo vetëm një fillim i ri për ju, por edhe për ju dhe partnerin tuaj. Të jesh në gjendje ta pranosh këtë ndryshim është një moment i rëndësishëm rritjeje pasi mirëpret paqen, bollëkun dhe dashurinë edhe më të madhe. Nëse çështjet e lëvizjes apo edhe blerjes së një shtëpie kanë qenë në mendjen tuaj, por nuk keni ndërmarrë domosdoshmërisht masa deri më tani, atëherë duhet të jeni më proaktiv dhe t’ia komunikoni dëshirat partnerit tuaj, pasi universi nuk e bën thjesht. mbështet ndryshimet pozitive në jetën tuaj – por do që ju t’i filloni ato vetë.

Peshqit

Eklipsi diellor dhe hëna e re në Peshorja të mërkurën, 2 tetor është një nxitje hyjnore për zhvillimin e jetës suaj romantike. Kjo është një energji ndryshimi që është krijuar që nga tetori i kaluar dhe tani, pas një viti plot mësime, ju jeni gati t’i thoni po dashurisë. Energjia e Peshores nuk ka të bëjë vetëm me transformimin, por gjithashtu sjell me vete potencialin për të krijuar një lidhje më të thellë dhe romantike me partnerin tuaj. Ky është shansi juaj për të bërë hapa në mënyrën se si i qaseni një marrëdhënieje dhe t’i lejoni vetes të bëni edhe përpjekje për të ndjekur dashurinë që dëshironi. Qëndroni të fokusuar në këtë proces duke zhvilluar biseda të qeta dhe të shëndetshme me partnerin tuaj.

Analisti Skënder Minxhozi, i ftuar në emisionin “Real Story”, komentoi sulmin me raketa të Iranit ndaj Izraelit mbrëmjen e së martës. Ai thotë se kjo krizë e ka zanafillën me 7 tetor, kur Hamasi sulmoi Izraelin dhe vrau mbi 1 mijë persona.

Megjithatë, sipas tij, kundërpërgjigjia e Izraelit ishte brutale pasi sot flitet për mbi 40 mijë të vrarë në Gaza.

“Daton më herët, zanafilla e kësaj krize është 7 tetori. Izraeli i ka dhënë mjaft forcë këtij fakti se u sulmuan në mënyrë të pabesë nga terroristët dhe kamikazë që vranë gra fëmijë, hynë në jetën civile të një shteti në mënyrë të pabesë dhe dëmi mbi civilët ishte i konsiderueshëm. Edhe kundërpërgjigjia ishte mbi 40 mijë të vrarë, totalisht shproporcionale. Po të shohësh se sa punonjës agjencish ndërkombëtare, sa gazetarë janë vrarë në Gaza, kjo flet për një kundërpërgjigje brutale nga Izraeli. Fakti që sot kryeministri izraelit kërkohet nga GJND si i pandehur…është pak a shumë si vendimi për Putin, mund të shkojë këtu…SHBA dënuan shpalljen e tij si person të pandehur dhe kjo mjafton për t’i dhënë një forcë më të madhe ati me drejtësinë.”, u shpreh ai./abcnews.al

Në orën 19:15, një aksident i rëndë ndodhi në autostradën Vlorë-Fier, ku shtetasja e identifikuar si Lejdi Dajana Xhaferaj, duke drejtuar automjetin “Peugeot”, humbi kontrollin dhe doli nga rruga, duke përfunduar në një kanal.

Dy zjarrefikës dhe një autoambulancë u angazhuan për të ndihmuar në nxjerrjen e të plagosurës nga automjeti.

Ajo është dërguar në spital për kontroll, por fatmirësisht nuk ka rrezik për jetën e saj.

Sakaq, autoritetet po hetojnë shkaqet e aksidentit.

Ushtria izraelite njoftoi mbylljen e hapësirës ajrore të Izraelit pas sulmit me raketa nga Irani. Autoriteti i aeroporteve të Izraelit thotë se nuk ka nisje apo mbërritje në të gjitha aeroportet izraelite.

Nga ana tjetër, Jordania pezulloi përkohësisht trafikun ajror, njoftoi agjencia shtetërore e lajmeve. dhe ministri i Transportit të Libanit njoftoi mbylljen e hapësirës ajrore për dy orë.

Gjithashtu edhe Iraku njoftoi mbylljen e hapësirës ajrore. Ministria e Transportit të vendit tha se mbyllja ishte “për të ruajtur sigurinë e navigimit ajror”, ndërsa urdhëroi një “ndalim të përkohshëm të trafikut ajror në të gjitha aeroportet e Irakut”.

Të gjithë sytë e botës janë kthyer nga Izraeli, i cili u sulmua me qindra raketa nga Irani.

Ekipi i CNN në kryeqytetin libanez të Bejrutit raporton për të shtëna festive dhe fishekzjarre, ndërsa u përhap lajmi për sulmin e madh raketor të Iranit ndaj Izraelit.

Ndërkohë, në frontin tjetër të Izraelit, videot e filmuara nga një personazh i CNN-it në Gaza arriti të fiksopjë brohoritje të dëgjueshme ndërsa raketat iraniane fluturonin në qiell, rrugës për në Izrael.

Përfundon sulmi raketor i Iranit ndaj Izraelit. Izraelitët në të gjithë vendin tani janë në gjendje të lënë strehimoret dhe hapësirat e tyre të mbrojtura pas një vlerësimi të situatës, ka thënë IDF.

Zëdhënësi ushtarak, kundëradmirali Daniel Hagari, tha në një deklaratë për kombin se “në këtë fazë”, ata “nuk identifikojnë ndonjë kërcënim shtesë ajrore nga Irani”.

“Ka pasur disa goditje në qendër dhe zona të tjera në jug të vendit. Në këtë fazë, ne jemi ende duke vlerësuar situatën”, tha ai.

Ai u zotua se “ky sulm do të ketë pasoja”, duke shtuar: “Ne kemi plane dhe do të veprojmë në vendin dhe kohën që do të vendosim”.

Nuk ka raportime për ndonjë të lënduar pas breshërisë së raketave, tha shërbimi i ambulancës izraelite.

Presidenti i SHBA, Joe Biden udhëzoi ushtrinë amerikane që të ndihmonte Izraelin për të rrëzuar raketat e Iranit.

Joe Biden dhe Zëvendës Presidentja Kamala Harris ndodhen në Shtëpinë e Bardhë dhe po monitorojnë sulmin iranian kundër Izraelit.

Tetë persona kanë mbetur të vrarë dhe disa të tjerë të plagosur në një sulm me armë në Jaffa pranë Tel Avivit.

Shtatë persona janë plagosur, disa prej të cilëve janë në gjendje të rëndë.

Deputeti socialist Erion Braçe komentoi në Studio Live dhunën e opozitës dhe PD-së në seancën e fundit plenare, ku u dogjën dhe karriget e parlamentit. Në një intervistë për emisionin “Studio Live‘ për Report Tv Braçe thotë për Arbër Hitajn se në kohën e tyre në opozitë nuk kanë marrë kurrë benzinë me vete në sallën e parlamentit

‘Nuk mbaj mend të kemi hyrë me benzinë në parlament. Gjithë ata ishin në sallë dhe kishin shishe me benzinë. Një njeri që hyn në sallë me benzinë nuk vjen as për të folur, propozuar, debatuar as për të mbrojtur demokracinë. Vjen për të vrarë. Benzina e tillë është. Kur përdoret, dëgjova një kastravec më parë që aktet tona nuk rrezikojnë jetën e askujt. Ke ca nga këta që thonë zjarrin do ju vëmë. Cili hyn brenda sallës së kuvendit me shishe benzinë vjen për t’i vënë flakën kuvendit dhe për të vrarë njerëz.’

Braçe nuk e shikon të arsyeshme krahasimin e opozitës së PS-së dhe asaj të PD-së sot.

Skam asnjë lloj ndjesie të vesh lëkurën e tyre. Nuk jam personi që duhet tu jap mend atyre. Kryetarin e vet e ka pas nga ‘93 në ‘97 dhe nuk di që PS ti ketë vënë flakën sallës së kuvendit. Nuk më shkon ky si argument. Dëgjoj dhe ca që krahasojnë si jemi sjellë ne, kurrë nuk kemi ndezur zjarr brenda sallës së kuvendit. Nuk ka ndodhur kurrë që të kemi qëlluar me sende të forta kryetarin e kuvendit. Ka pasur një rast kur ish kryetari i LSI ka hipur mbi tavolinë dhe ka shkulur, është ky që është në koalicion me këta. Ishte ky atëherë me peshë të madhe trupore por jo politike.’

Më tej, lidhur me Salianjin, deputeti socialist nuk do të komentoj vendimin e gjykatave, ndërsa thekson se dhe ai ka qenë pjesë e shpifjeve të opozitës dhe Salianjit në kohën kur ishte zv.kryeministër.

‘Nuk dua të komentoj, vendimet e gjykatave. Ky vend duhet të bëhet normale, që respekton vendimet e gjykatave. Është themelore për një shoqëri që mbështetet tek e drejta. Kam një parim, që për njerëz që janë në vështirësi nuk komentoj. Në burg ndodhen 5 mijë e ca njerëz, nuk ja vlen të komentoj. Ky mund të jetë tipiku në atë sallë për shpifjen si fenomen politik. Duhet të marri fund, ka ardhur koha ku gjithsecili që ka të drejtën e fjalës ta ketë fjalën e shenjtë jo të shtrenjtë. Ka ca nga këta që e kanë bërë biznes fjalën. Sulmo atë se kështu. Jam njëri prej personave i sulmuar në këtë formë, i paguar për tu sulmuar. Isha njeriu që kisha njeriu që kishat pastruar lekët e Cosa Nostras me Rezart Taçin. Janë bërë dy gjyqe të qarta në themel dhe gjykata ende nuk ka provuar se kush ishte zv/kryeministri në atë moment.’

/a.r

Klevisa Ymeri, 29-vjeçarja shqiptare, e cila shkaktoi aksidentin me dy viktima në Kroaci, në prill të këtij viti, është dënuar me 4 vite burg. Si pasojë e aksidentit të rëndë vdiqën motër e vëlla, Katarina dhe Stjepan Derek.

Sipas mediave kroate, në gjyqin e sotëm, dëshmitari Jonuz Alija, pasagjer në veturën “Mercedes” të Ymerit, dëshmoi gjithashtu sot në gjyq.

“Unë dhe shoku im Armalindo Docano u nisëm nga Milano për në Shqipëri me një Mercedes. Me ne ishte Klevisa dhe gruaja e kushërirës së Armalindos, Diana. Këto të dyja po na ndiqnin pas më “BMW”. Klevisa mori drejtimin e mjetit Mercedez për shkak se shoferi u lodh. Po ecnim pas njëri-tjetrit, unë po flisja me familjen në celular, kur në një moment, në mënyrë refleksive ndjeva se makina kaloi shumë shpejt, dhe atëherë ngrita kokën dhe pashë tym. Kur arrita te makina e parë, dhashë ndihmën e parë, por shpejt kuptova se nuk mund të bëhej asgjë më shumë. Klevisa ka dalë nga makina dhe si pasojë e përplasjes ka rënë pa ndjenja”, tregoi Alija.

Në fjalën përmbyllëse, zëvendësprokurorja e shtetit Katarina Šosha dhe përfaqësuesi i familjes Đerek, avokati nga Zagrebi Zvonimir Bodrožić, njëzëri theksuan se e pandehura është fajtore.

Ndërkohë që avokati i shqiptares, theksoi se eksperti që ka qenë në vendin e ngjarjes, ka nënvizuar se Ymeri kishte tentuar që të mos parakalonte kur kuptoi se një tjetër mjet po i vinte përballë, por e kishte humbur kontrollin e mjetit. Ai po ashtu shtoi se klientja e tij ishte në gjendje shoku, gjë që është krejt normale për shkak të moshës, por edhe sepse nuk donte që të vriste askënd.

/a.r

Ish-drejtuesi i lartë i Policisë, Mit’hat Havari ka deklaruar në emisionin “Jetë Shqiptare” në RTSH1 se drejtuesit e policisë në qarqeve duhet të dalin vetë në terren pasi Shqipëria nuk e ka luksin që drejtuesi i policisë të qëndrojë në zyrë.

Duke folur për propozimin e ministrit të Brendshëm Ervin Hoxha, për emrin e Ilir Prodës në postin e kreut të Policisë së Shtetit, Havari theksoi se drejtuesit e policisë në qarqe duhet të shkojnë në terren dhe t’i mbështesin vartësit e tyre “në operacione të caktuara ai mund të jetë edhe vetë duke iu dhënë forcë dhe ka nën kontroll situatën”

“Nuk dua të paragjykoj askënd, po nuk është se ka dalë ndonjë në evidencë që është një zyrtar dinjitoz, prezent në problematikat që ka. Sepse ka edhe opinione të tilla si “jo po rri në zyrë ai se ka vartësit”.

Shqipëria nuk është në ato kushte luksi që drejtuesi i qarkut të rrijë në zyrë dhe të presë nga vartësit. Duhet të shkojë në terren dhe t’i mbështesë duke u dhënë moral dhe forcë, pasi një pjesë janë bërë edhe pesimistë.

Situatat politike në Shqipëri nuk është se janë shumë të bukura, qoftë edhe për vetë qeverinë. Vetëm e nderon që drejtuesi i policisë së Shtetit të zbresë në terren, në operacione të caktuara ai mund të jetë edhe vetë duke iu dhënë forcë dhe ka nën kontroll situatën”, tha Havari.

/a.r

Tkurret partia më e madhe në vend, ajo e Vetëvendosjes së kryeministrit Albin Kurti. Dy deputetë të saj, Eman Rrahmani dhe Visar Korenica kanë vendosur të shkëputen nga radhët e partisë për të krijuar Listën e re për Familjen, që do të garojë në zgjedhjet e 9 shkurtit në koalicion me Partinë e drejtësisë së Ferid Aganit dhe AKR e Behgjet Pacollit.

Dy deputetët kanë qenë të zëshëm kundër Kodit Civil që sipas tyre cenon familjen, ndërsa përmendën si arsye për largimin edhe koefiçentin e pagave dhe nepotizmin.

Rramani theksoi më tej se angazhimin si deputet do ta vazhdojë si më para, se do të mbështesë iniciativat e “dobishme” dhe do të kundërshtojnë ato të që janë të “dëmshme” për qytetarët e Kosovës”.

Rrahmani tha se pjesë e koalicionit do të jenë edhe personalitete publike.

/a.r

Ekonomia u rrit me 4.06 për qind në tremujorin e dytë të vitit. Ky është niveli më i lartë i dy viteve të fundit, dhe ndjeshëm më pozitiv se një vit më parë. Kontributin kryesor në këtë ecuri e dha sektori i ndërtimi bashkë me turizmin. Në zgjerimin e Prodhimit të Brendshëm Bruto në harkun e muajve prill-qershor ndihmuan edhe taksat, rritja e pagave, fitimet e bizneseve.

Rritje anemike me vetëm 0.17 për qind pësoi edhe bujqësia, ndërsa shitblerja e pronave që ka ngecur në pritje të rivlerësimi humbi peshën e dikurshme duke u zgjeruar me vetëm 0.13 për qind, raporton A2.

“Negativisht kontribuoi grupi: “Industri, Energji dhe Uji” me -0,96 pikë përqindje. Informacioni dhe Komunikacioni” me -0,11 pikë përqindje”, tha drejtoresha e INSTAT, Elsa Dhuli.

E reja në rritjen ekonomike në 3-mujorin e dytë të vitit është fakti se turizmi zëvendëson shitblerjen e pronave në hierarkinë e peshës së rritjes ekonomike me plotë 1.12 për qind.

“Turizmi është pjesë e grupit “Tregtia, Transporti, Akomodimi dhe shërbimi ushqimor” dhe rritja e tij është matur me këtë grup”, deklaroi shefja e INSTAT.

Sipas metodologjisë tjetër të Institutit të Statistikave, asaj të shpenzimeve, në rritjen ekonomike në tremujorin e dytë të vitit kontributin kryesor e dha administrata publike me rritjen e pagave

Në nivele të ngjashme paraqitet edhe konsumi i popullatës, ndikuar nga të huajt e ardhur si turistë. Me më pak se 5 për qind kontribuuan eksportet e mallrave dhe me 5.64 për qind importet, shkruan A2

“Prodhimi i Brendshëm Bruto me një mesatare mund të jetë 3.9 për qind. Kjo një shifër e përafërt. Gjithsesi INSTAT do të publikoj në vijim rritjen ekonomike 6-mujore”, sqaroi Dhuli.

Ministria e Financave dhe Banka e Shqipërisë presin që ekonomia e vendit të rritet mesatarisht me 3.8 për qind këtë vit, përcjell A2.

Disi më pesimiste janë institucionet Ndërkombëtare si Fondi Monetar Ndërkombëtar, Banka Botërore dhe ajo Europiane për Rindërtim dhe Zhvillim që presin zgjerim të Prodhimit të Brendshëm Bruto në mesatarisht 3.5 për qind.

/a.r

Shtetet e Bashkuara kanë indikacione se Irani po përgatitet të nisë një sulm me raketa balistike kundër Izraelit. Lajmi është bërë i ditur nga një zyrtar i lartë i Shtëpisë së Bardhë, citon Reuters. Shtetet e Bashkuara janë të gatshme të bëjnë gjithçka që munden për të ndihmuar Izraelin të ndalojë çdo gjë që Irani drejton rrugën e tij, tha një zyrtar amerikan për CNN. Këto përpjekje do të ishin të ngjashme me mënyrën se si SHBA ofroi ndihmën e saj në prill, kur Irani nisi një valë dronësh dhe raketash drejt Izraelit, shumica dërrmuese e të cilave u kapën me sukses, transmeton A2.

“Ne po mbështesim në mënyrë aktive përgatitjet mbrojtëse për të mbrojtur Izraelin kundër këtij sulmi. Një sulm i drejtpërdrejtë ushtarak nga Irani kundër Izraelit do të sjellë pasoja të rënda për Iranin”, tha në një reagim zyrtari i Shtëpisë së Bardhë, shkruan A2.

Menjëherë pas paralajmërimit, një zëdhënës i ushtrisë izraelite tha se sistemet e mbrojtjes ajrore izraelite janë plotësisht të përgatitura për çdo sulm nga Irani, por asnjë kërcënim nuk është identifikuar për momentin.

Lajmin se Irani mund të sulmojë Izraelin e ka konfirmuar edhe zëdhënësi i ushtrisë izraelite Daniel Hagari.

“Shtetet e Bashkuara kanë informuar Izraelin se Irani synon të lëshojë raketa kundër vendit. Për momentin ne nuk zbulojmë ende një kërcënim ajror që vjen nga Irani. Mbrojtja nuk është hermetike dhe rregullat e sigurisë duhet të respektohen”, deklaroi zëdhënësi Daniel Hagari, raporton A2.

Më tej Hagari theksoi se, “Për momentin nuk ka luftime të drejtpërdrejta” me Hezbollahun. Hagari, siguroi se ushtria izraelite është “gati për të luftuar” kundër organizatës libaneze, duke theksuar se ushtria nuk do të hyjë në Bejrut apo qytete të tjera në Libanin jugor.

Ushtria izraelite beson se një operacion më i madh tokësor do të jetë në gjendje të zbulojë dhe çmontojë më shumë infrastrukturë të Hezbollahut sesa sulmet e operacioneve speciale në shkallë më të vogël dhe ta bëjë këtë me një ritëm më të shpejtë.

/a.r

Deklaratës së Gazment Bardhit se ai është i shqetësuar për balancën mes pushteteve i është përgjigjur me ironi Edvin Kulluri.

Ky i fundit i përmend Bardhit situatën në PD prej 11 vitesh dhe Kodin Zgjedhor.

“Keta jane shume te shqetesuar per Balancen e Pushteteve! Aq shume jane te shqetesuar per demokracine saqe ne PD i kane sherbyer me nje zell te pabesueshem vjedhjes se votave, vendimeve personale te kryetareve dhe mos mbajatjes se pergjegjesise per cdo deshtim ne 11 vjet!

Keta nuk as turp e as nuk skuqen per qellime te vogla te tyret! Po te ishin te shqetesuar do kerkonin kthimin te Kushtetuta e “98 dhe Kodi Zgjedhor me Listat e Hapura!” – shkruan Kulluri në rrjetet sociale.

/a.r

Partia Socialiste ka kërkuar masë disiplinore për 24 deputetë të opozitës, pas dhunës dhe kaosit të shkaktuar në seancën plenare të së hënës.

Komisioni i Etikës pritet të vendosë masë disiplinore për 24 deputetët e Partisë Demokratike.

“Ju njoftoj se me anë të shkresës  nr. 3634 prot, datë 1.10.2024 të Grupit Parlamentar të Partisë Socialiste, është paraqitur kërkesa për marrje mase disiplinore ndaj 24 deputetëve:

Gazmend Bardhi, Flamur Noka, Bledion Nallbati, Edi Paloka, Saimir Korreshi, Lefter Geshtenja, Luan Baçi, Dashnor Sula, Agron Gjekmarkaj, Dhurata Çupi, Xhelal Mziu, Ina Zhupa, Zheni Gjergji, Helidon Bushati, Lindita Metaliaj, Ramadan Lika, Asllan Dogjani, Qani Xhafa, Flamur Hoxha, Isuf Çela, Kastriot Piroli, Lodovik Hasani, Kasem Mahmutaj, Edmond Spaho”, thuhet në njoftim.

“Të nderuar deputetë,

Bazuar në nenin 65/2 pika 2 të Rregullores së Kuvendit,

Ju njoftoj se me anë të shkresës  nr. 3634 prot, datë 1.10.2024 të Grupit Parlamentar të Partisë Socialiste, është paraqitur kërkesa për marrje mase disiplinore ndaj 24 deputetëve:

Gazmend Bardhi, Flamur Noka, Bledion Nallbati, Edi Paloka, Saimir Korreshi, Lefter Geshtenja, Luan Baçi, Dashnor Sula, Agron Gjekmarkaj, Dhurata Çupi, Xhelal Mziu, Ina Zhupa, Zheni Gjergji, Helidon Bushati, Lindita Metaliaj, Ramadan Lika, Asllan Dogjani, Qani Xhafa, Flamur Hoxha, Isuf Çela, Kastriot Piroli, Lodovik Hasani, Kasem Mahmutaj, Edmond Spaho.

Ju njoftoj se Sekretariati për Procedurat, Votimet dhe Etikën do të mblidhet ditën  e mërkurë, datë 2.10.2024, ora 15.00, për shqyrtimin e kësaj kërkese. Bashkëlidhur gjeni kërkesën për marrje mase disiplinore”, thuhet në njoftim.

/a.r

Kryetari i Bashkisë së Tiranës, Erion Veliaj, ka dhënë një lajm të rëndësishëm për fëmijët e kryeqytetit dhe ata me nevoja të veçanta. Duke nisur nga shtatori i vitit të ardhshëm, të gjithë nxënësit e Tiranës do të përfitojnë ushqim falas në shkollat publike. Ky vendim synon të sigurojë një fillim të barabartë për të gjithë fëmijët, pavarësisht gjendjes ekonomike të familjeve të tyre apo situatës familjare.

“Vendimi që kemi marrë është që, duke filluar nga Shtatori i vitit tjetër, në të gjitha shkollat e Bashkisë së Tiranës do të ofrojmë ushqim falas për fëmijët dhe nxënësit. Sepse besojmë fort që pavarësisht nëse prindërit i kemi me ndihmë ekonomike ose në gjendje të mirë ekonomike, pavarësisht nëse i ke të dy prindërit, apo nëse prej një fatkeqësie të mungon një nga prindërit, të gjithë duhet ta kenë fillimin e barabartë. Ne duam që fillimi, për të gjithë ata që vijnë në shkollat tona për të marrë vitaminat dhe vlerat ushqimore, të jetë njësoj”, tha Veliaj.

Në të njëjtën kohë, Veliaj njoftoi edhe për një projekt tjetër të rëndësishëm: ndërtimin e një qendre për fëmijët e spektrit autik dhe ata me sindromën Down. Kjo qendër do të ofrojë mbështetje të specializuar për fëmijët me nevoja të veçanta, duke u siguruar atyre një ambient të përkushtuar për zhvillimin dhe integrimin e tyre.

“Ne kemi marrë një vendim që, ashtu siç Piramida është qendra e ekselencës digjitale në të gjithë rajonin tonë, duam që tek prona ngjitur me Ambasadën Amerikane, në një nga pronat më të çmuara të Tiranës, të ngrejmë një qendër ekselence për të gjithë fëmijët e spektrit autik dhe sindromës Down. E meritojnë gjithë vëmendjen tonë. Dua të jemi të parët edhe për të ndihmuar engjëjt tanë me nevoja speciale, ashtu siç po kujdeseni pranë çerdheve, kopshteve, shkollave, ashtu të kemi edhe një qendër specifike edhe për pjesën mbas mësimit. Secili meriton të ketë një shans të përmirësohet, të ketë një shans të fluturojë dhe të ketë një shans që të shkëlqejë në Tiranë”, u shpreh Veliaj.

Ka përfunduar pas 3 orësh seanca në GJKKO për dosjen “Metamorfoza”. Gjyqi u shoqërua me debat mes dy prokurorëve Arben Kraja dhe Altin Dumani me avokatët e të pandehurve.

Sipas mbrojtësve ligjore, gazetari Igli Çelmeta bën me dije se pas më shume se një viti Prokuroria e Posaçme ka pranuar që provat e grumbulluara nga zbërthimi i Sky ECC nuk janë dokumente siç kanë pretenduar deri më tani, por janë përgjime.

Qëndrim të cilin e kanë mbajtur avokatët që prej ditës së parë kur ka nisur ky proces. Seanca e kësaj të marte u shty për nje ditë tjetër, për shkak të orarit të zgjatur.

Sa i përket Skyecc, biznesmeni Pëllumb Gjoka përmes avokatëve të tij ka depozituar në Gjykatën Kushtetuese padi, ku kërkon pavlefshmëri të komunikimeve Sky.

Padia ka kaluar në dhomë këshillimi, ndërsa pritet të caktohet një datë për shqyrtimin e saj nga anëtarët e Gjykatës Kushtetuese.

Personat nën akuzë kundërshtojnë mënyrën se si janë tërhequr aktet nga SPAK të vënë në dispozicion nga autoritetet belge e franceze.

SPAK nga ana tjetër kërkon që kushtetuesja ta rrëzoj ankimin duke lënë në fuqi masat e dhëna nga GJKKO dhe apeli i GJKKO që i konsideron prova të ligjshme.

/a.r