I gjithë populli i Izraelit i ka ndjerë pasojat e luftës që filloi një vit më parë. Shumë vetë kanë humbur të dashurit; të tjerëve iu shkatërruan shtëpitë dhe komunitetet gjatë sulmit të Hamasit më 7 tetor.

Për Talma Atzilin, koha u ndal më 7 tetor 2023. Djali i saj Aviv, u vra ndërsa luftonte me qindra militantë të armatosur të Hamasit, të cilët sulmuan kibucin e tij Nir Oz, më pak se një kilometër larg kufirit të Gazës. Eshtrat e Avivit mbahen ende në Gazë, kështu që për të është ngritur një varr i përkohshëm në kibuc.

“Plagët e komunitetit tonë janë ende të hapura. Është e vështirë si nga pikëpamja e sigurisë, ashtu edhe në aspektin e forcës emocionale që të kthehesh në një vend që ka përjetuar aq shumë humbje. Më pëlqente shumë të ecja zbathur, si brenda kibucit ashtu edhe në fusha. Por tani kam një ndjesi sikur toka është e mbushur me gjak dhe nuk mund të vazhdoj të eci zbathur”, thotë ajo për Zërin e Amerikës.

Një e katërta e banorëve të Nir Ozit u vranë ose u morën peng dhe më shumë se gjysma e shtëpive u shkatërruan. Në Kibucin Be’eri aty pranë, më shumë se 100 banorë u vranë, mes tyre Hagi Avni, baba i pesë fëmijëve dhe anëtar i Forcës së Sigurisë në Be’eri. Vajza e tij nëntëvjeçare, Eliel, shkruan emrin e tij në murin e dhomës së saj të dikurshme.

“Më mungon babi im. Doja t’i thoja lamtumirë shtëpisë sime para se ta shkatërrojnë dhe ta rindërtojnë”, thotë ajo.

Por shumë banorë të Beerit dhe komuniteteve të tjera pranë kufitare Gazës nuk besojnë se do të kthehen përsëri.

“Pyetja është – si të mund të jetojmë këtu me një lloj marrëveshjeje, si me Egjiptin dhe Jordaninë. Është e pamundur të vazhdosh të jetosh kështu pranë rrezikut gjatë gjithë kohës. Nuk e pranoj që pranë meje të ketë luftë pa fund.”

Një vit më pas, familjet e pengjeve ende organizojnë protesta masive duke kërkuar që qeveria izraelite të kthejë rreth 100 pengjet e mbetura. Avichai Brodutch nga Kibuci Kfar Aza filloi lëvizjen e protestave disa ditë pasi gruaja dhe tre fëmijët e tij u morën peng më 7 tetor.

Familja e tij u lirua pas një marrëveshjeje për pengjet në nëntor, por duke folur pranë rrënojave të kibucit të tij, Brodutch thotë se shoqëria izraelite ende e ndjen traumën.

“Si komb ne duhet ta kujtojmë këtë, si pjesë e historisë së hebrenjve që duhet mbajtur mend. Por personalisht, nëse më pyet mua, do të doja të jetoja jetën time, të shikoja përpara, të jetoja në paqe, pasi ne vuajtëm aq shumë. Mendoj se kemi një mundësi të mirë për ta bërë këtë tani, të dyja palët kanë vuajtur kaq shumë.”

Por një vit më pas, një armëpushim në Gazë dhe lirimi i pengjeve duken shumë larg. Për ata në Izrael që u mungojnë të dashurit dhe komunitetet e tyre të humbura, 7 tetori 2023 nuk ka fund./voa

Zëvendësndihmës Sekretari amerikan i Shtetit, Alexander Kasanof, pas vizitës që pati në Bosnjë do të shkojë në Serbi. Ai do të takohet mëngjesin e 9 tetorit me presidentin e Serbisë, Aleksandar Vuçiç.

Mirëpo, në një lidhje me Skype për “Ballkan Updtate“, Lisjan Perolli nga PSD, ka thënë se nuk asnjë njoftim zyrtar për ndonjë vizitë në Prishtinë.

Ai ka theksuar se qeveria e Kurtit e ka humbur mbështetjen nga bashkësia ndërkombëtare, Bashkimi Europian dhe SHBA.

“Deri më tani mes sa kam parë unë, nuk ka dalë ndonjë njoftim për vizitën e Kasanoff në Prishtinë, por ajo që mundemi të themi është që potecialisht është mesazhi i tij dhe i cilitdo të përfaqësuesve të bashkësisë ndërkombëtare, BE dhe SHBA. Është në njërën anë respektimi i marrëveshjes së arritur vitin e kaluar ose izolimi i Kosovës sa i përket marrëdhënien së saj me bashkësinë ndërkombëtare. Pra, është ky lloj udhëkryqi, nga i cili qeveria e tanishme nuk po del.

Mendoj që dhe po të mos jetë vizita e tij zyrtare fizikisht këtu, mesazhi tashmë qeveria e Kosovës dhe ne qytetarët këtu e kemi të qartë prej bashkësisë ndërkombëtare. E kemi të qartë prej SHBA dhe BE. Pra, është udhëkryqi, ose vendosja e asociacionit autonomi, krijimit të tij, ose izolimit sa i përket integrimeve europiane, takimeve diplomatike, financimit të Kosovës dhe plot gjërave të tjera rreth marrëdhënieve tona me bashkësinë ndërkombëtare”, u shpreh Perolli./abcnews.al

Qeveria e Federatës së Bosnjë-Hercegovinës, në një seancë urgjente, miratoi një vendim, ku shpalli 8 tetorin 2024 Ditë zie në Federatën e Bosnjë-Hercegovinës për shkak të përmbytjeve katastrofike në pjesë të caktuara të vendit. Të paktën 21 persona humbën jetën nga përmbytjet dhe 16 konsiderohen të zhdukur.

Lidhur me këtë ka folur në një lidhje me Skype për “Ballkan Update” nga Shoqata Shqiptare në Sarajevë, Elvira Dushi, e cila ka thënë se aktualisht situata paraqitet më e qetë dhe moti më i mirë. Ajo ka theksuar se shkëmbimi i mallrave për ndihma është i ulët,

“Situata sa i përket motit është shumë e mirë, moti është me diell dhe kështu të gjithë ata që janë mobilizuar për të aktivizuar qasjen nëpër fshatrat që janë ndërprerë me këto vërshime me rrugë, është iniciuar kontakti dhe një herë për një herë funksionimi i shkëmbimit të mallrave dhe ushqimeve është në nivel të ulët, mirëpo momentalisht ka qasje dhe gjëra ushqimore dhe nevoja të tjera për popujt që kanë mbetur të uzurpuar nga këto përmbytje”.

Sipas Dushit, zona e Jabllanicës është më e prekura nga përmbytjet.

“Këtu ishin pesë komuna të Bosnjes më të prekura nga përmbytjet, diku pak më shumë, dikur pak më pak, por më së shumti ka qenë më e prekur komuna e Jabllanicës, ku një fshat, i cili quhet Jabllanica e Poshtme, momentalisht është mbuluar me dhe, aty kanë pësuar më së shumti me viktima njerëzore.

Sa i përket, përpjekje më duhet të falenderoj ata që janë mobilizuar, duke filluar nga përpjekjet qeveritare dhe nivele joqeveritare, me të gjitha kapacitetet që kanë pasur në dispozicion, janë vendosur në shërbim të pastrimit të dëmeve katastrofale që i ka shkaktuar kjo përmbytje në bazë të shirave të mëdha”./abcnews.al

Çmimet e shërbimeve dhe të produkteve të shportës ushqimore janë ulur. Sipas të dhënave të INSTAT rezulton se indeksi i çmimeve të konsumit është ulur në 1.9%  nga 2% që ishte duke prekur nivelin më të ulët të regjistruar në tre vite ose që prej qershorit të vitit 2021.

Rritja vjetore e çmimeve në muajin gusht është ndikuar kryesisht nga grupi “Ushqime dhe pije joalkoolike” me  më pak se 1 % pasuar nga grupi “Qira, ujë, lëndë djegëse dhe energji” dhe çmimet e grupit “Mobilje, pajisje shtëpie dhe mirëmbajtje e shtëpisë”.

Ulja e inflacionit gjatë muajit shtator është një sinjal që Banka e Shqipërisë mund të vijoj me politikën e uljes së normave të interesit gjatë vjeshtës. Aktualisht norma bazë e interesit është 3% ndërsa është ndërmarrë vetëm një vendim për uljen e normave të interesit. Ulja e normave të interesit ka një impakt të rëndësishëm në këstet e pagesave të kredive në lekë si për qytetarët e bizneset./abcnews.al

Gripi ende nuk është izoluar, por në qendrat shëndetësore po kryhet vaksinimi kundër tij. Pas njoftimit të mjekut të familjes të moshuar dhe të sëmurë kronikë po marrin dozat e saj.

Sipas mjekëve ky është momenti më i përshtatshëm për të kryer vaksinë kundër gripit. Nuk ka viruse në qarkullim dhe vaksinës i duhet të paktën dy javë për të vepruar.

Këtë vit Ministria e Shëndetësisë ka siguruar 20 mijë doza më shumë se një vit më parë dhe në qendrat shëndetësore në të gjithë vendin ka shpërndarë 280 mijë doza anti-grip. Sipas një kalendari të përcaktuar vaksinën mund ta kryejnë falas personeli shëndetësor, mësuesit, policët, e personat mbi  60 vjeç./abcnews.al

Presidenti i Republikës, Bajram Begaj, mori pjesë në Samitin e Procesit të Brdo-Brijunit, që këtë vit u mbajt në qytetin malazez të Tivatit.

Në fokus të këtij samiti ishte forcimi i stabilitetit dhe bashkëpunimit rajonal, përshpejtimi i procesit të anëtarësimit në Bashkimin Evropian të vendeve të Evropës Juglindore, mbajtja e të rinjve përmes mundësive më të mira, si edhe përshtatja me qëllimet e Planit të Gjelbër Evropian.

Kreu i Shtetit konfirmoi qëndrimin se Shqipëria mbetet e palëkundur në angazhimin e saj për stabilitetin rajonal dhe zhvillimin e qëndrueshëm dhe se perspektiva e integrimit evropian mbetet në thelb të përpjekjeve tona.

“Bashkimi Evropian duhet të jetë proaktiv në adresimin e nevojave dhe sfidave specifike të Ballkanit Perëndimor”, vlerësoi Presidenti i Republikës në Samitin e Procesit të Brdo-Brijunit, duke thekuar se kjo përfshin përshpejtimin e projekteve infrastrukturore që lidhin rajonin më ngushtë me pjesën tjetër të Evropës, përmirësimin e marrëdhënieve tregtare dhe integrimin e ekonomive rajonale në tregun më të gjerë të BE-së.

Ndërsa theksoi rëndësinë e konferencës së dytë ndërqeveritare Shqipëri-BE, që do të mbahet më 15 tetor për kapitullin e parë të negociatave të anëtarësimit, Presidenti Begaj e vlerësoi atë si një sinjal inkurajues edhe për vendet e Ballkanit Perëndimor.

Gjithashtu, Presidenti i Republikës u shpreh se e ardhmja e rajonit tonë është e lidhur ngushtë me të ardhmen e brezave të rinj dhe se sfidat e kohës kërkojnë përpjekje të përbashkëta për të trajtuar në mënyrë efektive çështjen “Brain Drain”.

Edhe për çështje të tjera që ishin në fokus të Samitit të Procesit Brdo-Brijunit, Presidenti i Shqipërisë konfirmoi angazhimin e vendit për agjendën e ndërlidhjes si një nga prioritetet më të larta, si edhe inkurajimin e ekonomive “të gjelbra”.

Krerët e shteteve pjesëmarrëse në këtë samit arritën në një konkluzion të përbashkët për forcimin e bashkëpunimit dhe ecurinë e proceseve integruese të Ballkanit Perëndimor në Bashkimin Evropian si rruga më premtuese dhe e pazëvendësueshme drejt një Evrope të plotë, të lirë dhe në paqe. Gjithashtu, u theksua rëndësia e veprimeve të guximshme për të siguruar stabilitetin afatgjatë dhe krijimi i kushteve për të rinjtë, që ata të mund të qëndrojnë në vendet e tyre./abcnews.al

Popullsia e Mbretërisë së Bashkuar  u rrit me një rekord 1% nga mesi i vitit 2022 deri në mesin e 2023, i nxitur kryesisht nga emigracioni, ndërsa vdekjet tejkaluan lindjet për herë të parë në gati 50 vjet, sipas statistikave zyrtare të publikuara këtë të martë.

Vendi kishte 68.26 milionë banorë, sipas një vlerësimi të përkohshëm nga Zyra për Statistikat Kombëtare (ONS) për periudhën korrik 2022-qershor 2023, pra 662,440 më shumë në një vit.

Kjo është rritja më e madhe vjetore që kur ONS filloi mbledhjen e këtyre të dhënave në vitin 1971.

“Migrimi ndërkombëtar neto ishte kontribuesi kryesor në rritjen e popullsisë për të gjitha vendet e MB (Angli, Uells, Skoci, Irlandë Veriore)”, sqaron më tej zyra.

Mbi 1.18 milionë të huaj erdhën për t’u vendosur në vend gjatë kësaj periudhe, ndërsa 508.300 u larguan, duke e çuar migracionin neto në 677.300.

Në të njëjtën kohë, vendi regjistroi 16,300 vdekje më shumë se lindje në të njëjtën periudhë, për herë të parë që nga viti 1976, duke përjashtuar vitin 2020 që u shënua nga pandemia Covid-19. U regjistruan 664.400 lindje kundrejt 680.700 vdekjeve.

Çështja është e ndjeshme në Mbretërinë e Bashkuar pasi qeveritë e njëpasnjëshme pas Brexit kanë premtuar të reduktojnë nivelet e imigracionit, duke përfshirë qeverinë aktuale laburiste. Vendi përjetoi trazira shumë-ditore kundër emigrantëve këtë verë.

Ndërsa qytetarët e Bashkimit Evropian përbënin pjesën më të madhe të emigrantëve në Mbretërinë e Bashkuar deri në Brexit dhe përfundimin e lëvizjes së lirë në vitin 2021, emigrantët tani vijnë në 85% nga vendet jashtë BE-së./abcnews.al

Disa banorë në Dibër, mes tyre dhe të mitur kanë përfunduar në spital. Dyshohet se ata kanë simptoma të helmimit.

Si pasojë, grupi hetimor po punon për përcaktimin e shkakut të helmimit dhe zbardhjen e plotë të rrethanave.

Njoftimi i policisë:

Komisariati i Policisë Dibër, ka marrë njoftim se disa shtetas (mes tyre dhe disa të mitur), banorë të bashkisë Dibër, ishin paraqitur në spitalin rajonal të qytetit të Peshkopisë, për ndihmë mjekësore me simptoma si ata të helmimit.

Me marrjen e njoftimit, është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave dhe përcaktimin e shkakut të helmimit.

Në përfundim të hetimeve, do të ketë informacion më të detajuar./abcnews.al

Muaji i kaluar ishte shtatori i dytë më i ngrohtë i regjistruar globalisht në një vit që është “pothuajse e sigurt” se do të bjerë si më i ngrohti i regjistruar, tha Copernicus, programi i vëzhgimit të Tokës i Bashkimit Evropian.

Shtatori pati reshje ekstreme dhe stuhi shkatërruese në mbarë botën, ngjarje të motit që po ndodhin me ashpërsi dhe frekuencë më të madhe ndërsa temperaturat rriten për shkak të ndryshimeve klimatike.

Temperatura mesatare globale e muajit të kaluar ishte e dyta më e ngrohta që nga shtatori 2023 , sipas shërbimit Copernicus, i cili përdor miliarda matje nga satelitët, anijet, avionët dhe stacionet e motit për llogaritjet e tij.

Viti i kaluar ishte më i nxehti i regjistruar, por 2024 duket se do ta përsërisë atë rekord.

Ngrohja globale nuk nënkupton vetëm rritje të temperaturës, por edhe fenomenin e ngecjes së nxehtësisë së tepërt në atmosferë dhe oqeane. Ajri më i ngrohtë mund të mbajë më shumë avuj uji dhe oqeanet më të ngrohta sjellin më shumë avullim të ujit, gjë që ndikon në reshjet dhe rezulton në reshje më të mëdha dhe stuhi./abcnews.al

Kandidati republikan presidencial Donald Trump u intervistua nga producenti i radios Hugh Hewitt, i cili e pyeti nëse Rripi i Gazës, enklava bregdetare që u rrafshua nga ofensiva ushtarake e Izraelit, e cila filloi një vit pas sulmeve nga Hamasi, mund të bëhet një Monako i ri “nëse rindërtohet në mënyrën e duhur”.

“[Gaza] mund të jetë më e mirë se Monako,” u përgjigj Trump. “Ajo ka vendndodhjen më të mirë në Lindjen e Mesme, ujin më të mirë, gjithçka më të mirë”.

Një zyrtar i fushatës i tha gazetës se Trump po i referohej Izraelit, të cilin Trump e vizitoi (së bashku me Bregun Perëndimor) kur ishte president në 2017. Izraeli e ka mbajtur Gazën për dekada, por nuk është pjesë e vendit.

Komentet e Trump i bëjnë jehonë atyre të dhëndrit të tij Jared Kushner, i cili tha në shkurt se “prona në bregdetin e Gazës… mund të jetë shumë e vlefshme”.

Një vit pas ofensivës ushtarake të Izraelit, e cila përfshinte sulme ajrore dhe një pushtim tokësor, pjesa më e madhe e Gazës është kthyer në gërmadha, me një të katërtën e ndërtesave të saj të shkatërruara ose të dëmtuara rëndë, sipas Kombeve të Bashkuara.

Më shumë se 40,000 palestinezë janë vrarë dhe të paktën 75% e popullsisë së enklavës prej 2.3 milionë banorësh janë zhvendosur. OKB-ja dhe Banka Botërore vlerësuan koston e rindërtimit të infrastrukturës jetike të Gazës në prill në 18.5 miliardë dollarë./abcnews.al

Hulumtimi i bazuar në një sondazh të 760 departamenteve të burimeve njerëzore dhe 4,000 punëtorëve ka zbuluar se pothuajse gjysma e agjentëve të rekrutimit besojnë se kandidatët e moshës 57 vjeç janë shumë të vjetër për t’u konsideruar për këtë punë, pavarësisht se kompanitë përballen me një mungesë të konsiderueshme të punëtorëve të kualifikuar.

Një në pesë aplikantë për punë që janë mbi 50 vjeç thanë se nuk e shënojnë moshën e tyre në CV dhe një në shtatë thanë se ishin refuzuar nga një punë në mënyrë specifike për shkak të moshës së tyre.

Studimi tregoi se për shkak të këtij diskriminimi në moshë, shumë të moshuar hezitojnë të aplikojnë për punë.

U zbulua se dy nga pesë rekrutuesit ishin nën presion nga shefat e tyre për të punësuar kandidatë më të rinj, ndërsa pothuajse dy të tretat e menaxherëve të burimeve njerëzore pranuan se ata supozonin se kandidati ishte i mirë në bazë të moshës së tyre.

Gjithashtu, punëkërkuesit më të vjetër janë përballur me pyetje të papërshtatshme lidhur me moshën gjatë intervistave për punë./abcnews.al

Franca do të dërgojë avionë luftarakë të prodhimit vendas në Kiev gjatë gjysmës së parë të vitit të ardhshëm, njoftoi ministri francez i Mbrojtjes Sebastien Lecorne.

Ai tha në një intervistë se avionët Mirage 2000 “mund të fluturojnë në Ukrainë në gjysmën e parë të 2025”.

Në fillim të këtij viti, presidenti francez Emmanuel Macron u zotua të sigurojë avionë luftarakë Mirage 2000-5 për vendin e shkatërruar nga lufta dhe pilotët ukrainas tashmë po fluturojnë me General Dynamics F-16 të dhuruara nga vendet e Bashkimit Evropian, përfshirë Holandën dhe Danimarkën.

Lecorne shtoi se Franca po përshtat avionët e saj për t’i bërë ata më të përshtatshëm për luftën në Ukrainë.

Avionët Mirage 2000 fillimisht ishin projektuar kryesisht për luftime ajrore.

“Qëllimi është pajisja e tyre me mjete për luftimin ajër-tokë. Dhe për të forcuar sistemin e tyre të luftës elektronike. Por gjëja më e rëndësishme është trajnimi i pilotëve dhe mekanikëve, i cili vazhdon në Nancy”, tha ministri francez.

Siç u njoftua, data e saktë e dorëzimit të avionit në Ukrainë do të varet nga rezultatet e trajnimit dhe trajnimit.

Si Macron ashtu edhe Lecorne kanë refuzuar vazhdimisht të zbulojnë se sa avionë ushtarakë do të dërgohen në Ukrainë./abcnews.al

Profesorët John Hopfield dhe Geoffrey Hinton janë nderuar me çmimin Nobel të këtij viti në Fizikë, siç u njoftua mesditën e së martës nga Akademia Mbretërore Suedeze e Shkencave.

John Hopfield është profesor në Universitetin e Prestonit dhe Geoffrey Hinton në Universitetin e Torontos. Ata u shpërblyen për zbulimet dhe shpikjet themelore që mundësojnë mësimin e makinerive me rrjete nervore artificiale.”

BREAKING NEWS
The Royal Swedish Academy of Sciences has decided to award the 2024 #NobelPrize in Physics to John J. Hopfield and Geoffrey E. Hinton “for foundational discoveries and inventions that enable machine learning with artificial neural networks.” pic.twitter.com/94LT8opG79

— The Nobel Prize (@NobelPrize) October 8, 2024

Kujtojmë se çmimi vjen me një çmim në para prej 11 milionë korona suedeze (1.1 milionë dollarë), të cilin do ta ndajnë dy fituesit.

Akademia Mbretërore Suedeze i dha të hënën Çmimin Nobel në Fiziologji ose Mjekësi së bashku për Viktor Ambrose dhe Gary Rubkun “për zbulimin e mikroARN-së dhe rolin e saj në rregullimin e gjeneve pas transkriptimit”, tha faqja zyrtare e Çmimeve Nobel./abcnews.al

Read More...

Ka përfunduar në prangat e policisë së Mirditës Gjovalin Gjikolaj. Mësohet se 53-vjeçarit i është gjetur në banesë 1 armë zjarri pushkë dhe municion, të cilat u sekuestrua, me cilësinë e provës materiale.

Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

Njoftimi i Policisë: 

Si rezultat i punës së inteligjencës policore, finalizohet operacioni policor i koduar “Rural”, kundër armëmbajtjes pa leje.

Sekuestrohen 1 armë zjarri pushkë dhe municion. Kapet në flagrancë dhe vihet në pranga 53-vjeçari që i posedonte këto sende, pa leje, në banesën e tij në fshatin Kurbnesh.

Gjatë monitorimit të situatës në terren dhe punës së inteligjencës policore, të kryera në kuadër të megaoperacionit “Sundimi i ligjit”, është siguruar informacion se 1 shtetas mbante pa leje, në banesën e tij, në fshatin Kurbnesh, armë zjarri. Informacioni është administruar menjëherë nga Komisariati i Policisë Mirditë, i cili në kuadër të operacionit policor të koduar “Rural”, ka kryer kontrolle në banesën e sinjalizuar.

Nga kontrollet, në këtë banesë janë gjetur 1 armë zjarri pushkë dhe municion, të cilat u sekuestruan nga Policia, me cilësinë e provës materiale.

Në përfundim të veprimeve procedurale për rastin, u bë arrestimi në flagrancë i pronarit të kësaj banese, shtetasit Gj. Gj., 53 vjeç, për veprën penale “Mbajtja pa leje dhe prodhimi i armëve, armëve shpërthyese dhe i municionit”./abcnews.al

Ministri i Mbrojtjes i Koresë së Jugut, Kim Jong-hyun tha se është “shumë e mundshme” që ka ushtarë koreano-veriorë të vrarë në Ukrainë, ku ata u dërguan për të ndihmuar Rusinë.

Mediat ukrainase njoftuan këtë fundjavë se gjashtë oficerë të Koresë së Veriut u vranë në një sulm me raketa ukrainase pranë Donetskut, në Ukrainën lindore.

“Ne e vlerësojmë si shumë të mundshme që të ketë pasur viktima midis oficerëve dhe ushtarëve të Koresë së Veriut në Ukrainë,” tha një ministër i Koresë së Jugut në parlamentin në Seul.

Koreja e Jugut pret që Pheniani të dërgojë më shumë trupa në frontin ukrainas në mbështetje të Rusisë, e cila nisi një operacion ushtarak kundër Ukrainës në vitin 2022./abcnews.al

Read More...

Kryetari i Bashkisë së Mirditës, Albert Melyshi në mbledhjen me kryetarët e bashkive dhe disa ministra, e pyeti kryeministrin Edi Rama lidhur me të dëmtuarit nga tërmeti i viti 2019.

Si pasojë, Rama tha se do të përpiqen të bëjnë një projekt strehimi social për familjet në nevojë, duke gjetur kështu një mundësi për t’i ndihmuar.

“Nëse unë nuk jam gabim, bëhet fjalë për të dëmtuarit nga tërmeti i 2019. Nuk kemi vetëm rastin e Mirditës, kemi pasur dhe raste të tjera, të cilat i kemi lënë në përgjegjësinë e bashkive për  kushtet e strehimit sociale. Thënë kjo patjetër që duhet të bëjmë një diskutim, si të ndihmojmë bashkinë të bëjë një projekt të strehimit social. Do të përpiqemi të gjejmë një mundësi se nuk dua të them gjëra që mund të rezultojnë të pamundura”, u shpreh Rama./abcnews.al

Xhubleta shqiptare, aseti i rëndësishëm kulturor me vlera historike, është marrë nën mbrojtjen e UNESCO-s.

Studiuesja, Silvana Nini ka thënë në emisionin “Pas Mesnate” se po përpiqemi të dëshmojmë dijebërjen dhe detyra është rivitalizimi i xhubletës. Ajo ka theksuar se kjo veshje është në rrezik zhdukje dhe në vitet ’70.

“Ne zyrtarisht jemi në UNESCO, por kemi dhe ca rrugë të tjera, sepse xhubleta si dijebërje hyri pikërisht te lista në rrezik dhe i duhet kjo rruga që duhet të bëjë për të kaluar te lista prezantuese. Pra, duke kaluar te kjo listaprezantuese, pastaj sigurisht ka dalë nga rreziku. Lista në rrezik është gjithmonë aty për elementë kulturor që mund të mos jenë në rrezik, por duke mos u mirëmbajtur ato kalojnë në listën në rrezik. Pra, lista në rrezik është një moment alarmi, që tregon që ky element kulturor rrezikon. Çfarë rrezikon xhubleta? Sepse xhubleta nuk është futur si elementë material, por si dijebërje. Pikërisht, se është ajo dijebërje që i jep këtë formë kaq të veçantë xhubletës. Jemi që patjetër që sëbashku me dosjen e plotësuar u bë dhe projekti për të rivitalizuar dijebërjen, që sigurisht ishte shumë më mirë futja në rrezik duke ditur nivelet e dijebërjes sot të xhubletës. Gjë që jep shtysa dhe duhet të ndihmojë për të rivitalizuar këtë elementë kaq të rëndësishëm shpirtëror që ne kemi”, tha Nini.

Studiuesja zbuloi se vetëm një artizane në Shkodër realizon xhubletën shekullore, pasi në vendin tonë ka disa gra në moshë që realizojnë një të tillë, por jo të gjitha proceset.

“Xhubleta ka ndaluar së bëri gati dhe me daljen nga përdorimi. Por dhe një lloj nxitjeje, ndoshta jo me detyrim, por dhe një mënyrë që veshja të spostohej dhe të zëvendësohej patjetër me veshjen e re, qytetare moderne, që i jepte liri grave për të jetuar sipas sistemit komunist të kohës.

Sigurisht që gra që dinë si bëhet ka akoma, janë në moshë shumë të madhe, kalojnë të 70-tat, 80. Ka nga ato që e kanë parë si bëhet, ka nga ato që dinë disa procese, por nuk e dinë të tërë. Sepse ndahen në grupe.

Një artizane në Shkodër, File Kola, e bëri si dikur. Unë mendoj që dinte si bëhej, iu fut punës dhe e  riaktivizoj”, tha ajo./abcnews.al

Në një postim të shkurtër të shkruar në arabisht, Udhëheqësi Suprem i Iranit, Ali Khamenei kujtoi 1-vjetorin e pushtimit të Hamasit në Izraelin verior dhe masakrës së qindra civilëve.

“Operacioni ‘Al-Aksa Flood’ (siç e quajti Hamasi pushtimin e Izraelit) e ktheu regjimin sionist 70 vjet mbrapa”, shkroi Khamenei në Twitter, ndërsa Teherani përgatitet për një sulm të mundshëm izraelit dhe kërcënon të përgjigjet sërish edhe më fort nëse është e nevojshme.

מבצע “מבול אל-אקצא” החזיר את המשטר הציוני 70 שנים לאחור.

— Khamenei.ir (@khamenei_ir) October 7, 2024

/abcnews.al