Këtë të premte, drejtues politik i Partisë Demokratike për Qarkun e Tiranës, Belind Këlliçi, gjatë fjalës së tij në protestën që po zhvillohet para Bashkisë së Tiranës, nuk i ka kursyer akuzat ndaj Prokurorëve të SPAK.

Gjithashtu, Këlliçi ka hedhur akuza edhe ndaj Carlo Bollinos, i cili sipas tij është bërë pronar i mbi 4 mijë m2 në pronat e familjes Begeja.

Këlliçi tha se Bolino po na del edhe ndërkombëtar edhe tirons i vjetër, i cili sulmon pronarët legjitimë, sepse ka mentalitet komunist.

“Bolino është i vetmi ndërkombëtar që po sulmojmë ne, ai është italian, por po na del edhe tirons i vjetër, përderisa na del si pronar në mbi 4 mijë metra në pronat e familjes Begeja. Tani Bolino sulmon pronarët legjitimë në Tiranë, që kërkojnë pronën e tyre”, tha Këlliçi.

Mes të tjerash,  ai u shpreh se “Dritan Prençi, Prokurori i SPAK, i cili prej 4 vitesh ka nën hetim dosjen e inceneratorit të Tiranës, nuk e sheh ky firmën e Erion veliajt?”.

“Me çfarë i ushtron presion Erion Veliaj këtyre prokurorëve të SPAK? Mos vallë me dosjen e atij prokurorit të Vlorë që është arrestuar? Mos vallë në atë dosje kemi edhe emrat e prokurorëve të SPAK.

Flitet se janë paguar 3 mln euro që janë paguar për të shpëtuar Erion Veliajn. E kuptoni se për çfarë drejtësie flasim? Nuk kemi parë në drejtësi të tillë në asnjë vend të Botës, një drejtësi me dy standarde.

Prokurorët janë peng të Erion Veliajt. Kjo mënyrë vjedhjeje që ka instaluar Erion Veliaj në Bashkinë e Tiranës është i pashembullt në Botë, ndërsa Altin Dumani e quan krim intelektual dhe vazhdon të godasë opozitën”, tha Këlliçi.

Ai paralajmëroi vijimin e protestave të opozitës para Bashkisë së Tiranës, duke i cilësuar ato si një qëndresë e qytetarëve prej 26 javësh.

Këlliçi gjithashtu njoftoi se javën e ardhshme protesta para Bashkisë do të mbahet ditën e mërkurë, pasi besimtarët myslimanë e kanë kërkuar një gjë të tillë, për shkak se ditën e premte kryejnë ritin e faljes në xhami.

“Ne do e respektojmë këtë kërkesë të tyre”, u shpreh Këlliçi, duke bërë të ditur se javën e ardhshme protesta do të mbahet ditën e mërkurë.

The post Protesta para Bashkisë/ Këlliçi akuza SPAK: Jeni nën presionin e Erion Veliajt appeared first on Albeu.com.

Gazetarja e njohur Ola Xama, ka qenë e ftuar në emisionin “Të Paekspozuarit”, ku ka dhënë disa detaje të reja nga afera “5D” e drejtorëve të Bashkisë së Tiranës.

Xama tha se ka edhe drejtorë të tjerë, me komunikime të vazhdueshme me punonjës të “5D”, mes tyre edhe Elton Kacidhja, drejtor i Ujësjellësit të Tiranës.

“Janë gjetur nga gjykatësi te fashikujt që ka dorëzuar prokurori. Një pasazh lidhet me drejtorin e Ujësjellësit të Tiranës, nga rangu që ka, është aq i rëndësishëm sa një zv.kryetar bashkie.

Zoti Kacidhja është ende në detyrë. Ka komunikime në Whatsapp, ku si titullar i autoritetit kontraktor, ka nënshkruar kontratë për “5D” dhe ka komunikuar me Muhametllarin.

Shihet që zoti Kacidhja, kur ishte marrë vesh afera “5D”, takohej shpesh në takime brenda dhe jashtë institucionit me Nestor Muhametllarin”, tha Xama.

Lidhur me Veliajn, gazetarja shpjegoi se gjykata ka kërkuar verifikimin e të gjithë vendimarrjes së tij, pasi rezulton se Veliaj i ka dhënë gjashtë leje ndërtimi kompanisë së drejtorëve.

“Veliaj ka dhënë gjashtë leje për “5D” Konstruksion. Gjykatësi kërkon ezaurimin e të gjithë veprave dhe vendimarrjes se si janë dhënë këto leje nga Veliaj.

Edhe në një pasazh, rezulton se është një foto ku Veliaj shoqërohet nga Molla dhe Muhametllari në një kqyrje të punimeve.

Ajo që ka vënë në pah gjykatësi, janë shumë emra të tjerë drejtorësh të Bashkisë, dikush që ka qenë te parqet dhe rekreacioni, dikush te “Drejtoria 3” e punëve publike, shumë drejtorë që vijojnë të kenë pozicione në Bashki, kanë rezultuar me komunikime me punonjësit e “5D“, tha Xama.

The post Erion Veliaj i dha 6 leje ndërtimi kompanisë së drejtorëve të Bashkisë/ Flet gazetarja: Gjykata kërkoi hetime appeared first on Albeu.com.