Kryeministri Edi Rama ka ndarë foto nga takimi i tij me presidentin turk Rexhep Tajip Erdogan, gjatë punimeve të Asamblesë së Përgjithshme të OKB-së në Nju Jork.

Në këto imazhe, të publikuara nga Rama në rrjetet sociale, shihen dy liderët duke biseduar në një atmosferë miqësore, së bashku me delegacionet përkatëse të Shqipërisë dhe Turqisë.

Takimi vjen pas fjalimit të Ramës në Asamble, ku ai trajtoi tema të rëndësishme si paqja globale dhe toleranca fetare, përfshirë edhe propozimin për krijimin e një shteti sovran bektashi në Shqipëri, të ngjashëm me modelin e Vatikanit. Ky takim është parë si një tjetër sinjal i bashkëpunimit të ngushtë mes dy vendeve, të cilat vazhdojnë të forcojnë marrëdhëniet strategjike në nivele të ndryshme.

The post Rama takon Erdoganin në New York: Me Presidentin e Republikës së Turqisë (FOTO) appeared first on Albeu.com.

Kryeministri Edi Rama është takuar gjatë qëndrimit në Nju Jork me Presidentin e Turqisë, Recep Tayip Erdogan.

Takimi është zhvilluar me dyer të mbyllura dhe asnjë nga palët nuk ka dhënë detaje për bisedën. ©LAPSI.al

The post FOTO/ Rama, takim me dyer të mbyllura me Erdogan në Nju Jork appeared first on Lapsi.al.

Presidenti turk Rexhep Tajip Erdogan tha se Izraeli po përpiqet të zgjerojë konfliktin në të gjithë rajonin e Lindjes së Mesme.

“Përpjekjet e Izraelit për të zgjeruar konfliktet në rajon janë jashtëzakonisht të rrezikshme… përpjekjet për të ndaluar agresionin izraelit do të vazhdojnë,” tha Erdogan gjatë një bisede telefonike me kryeministrin libanez Nejib Mikati, tha Zyra e Bashkëpunimit Mediatik të Presidentit turk.

Udhëheqësi turk shprehu ngushëllimet e tij për “ngjarjet e fundit në Liban, humbjen e jetës” dhe u uroi të plagosurve “shërim të shpejtë”.

Më shumë se 2,000 njerëz në të gjithë Libanin, duke përfshirë anëtarë të grupit paraushtarak libanez Hezbollah dhe mjekë, u plagosën të martën kur pejgerët e përdorur nga militantët e Hezbollahut për të komunikuar shpërthyen në të gjithë vendin.

Pejgerët që u shpërthyen ishin të modelit më të fundit dhe Hezbollahu i kishte marrë ato muajt e fundit.

Ushtria izraelite refuzoi të komentojë përfshirjen në shpërthime./abcnews.al

Presidenti turk, Rexhep Tajip Erdogan tha të mërkurën se Turqia nuk do të ndalojë thellimin e lidhjeve me Lindjen, duke përfshirë grupin e kombeve BRICS dhe Organizatën e Bashkëpunimit të Shangait (SCO), edhe pse ajo vazhdon të përballet me Perëndimin.

Duke folur në një ngjarje në Ankara, Erdogan tha se debatet mbi një “zhvendosje boshti” ishin të pabaza, por se Turqia duhej të përshtatej me “qendrat e reja të pushtetit” që formoheshin në fushat e ekonomisë, prodhimit dhe teknologjisë, duke e mbajtur veten të hapur ndaj mundësive, shkruan Reuters.

“Kjo është qasja që qëndron pas vullnetit të vendit tonë për të zgjeruar bazën e dialogut me të gjithë ata, nga Organizata e Bashkëpunimit të Shangait te BRICS dhe ASEAN”, theksoi Erdogan.

Turqia, një anëtare e NATO-s, në muajt e fundit ka shprehur interes për t’u bashkuar me grupet BRICS dhe SCO, të cilat përfshijnë Kinën dhe Rusinë.

Kjo ka nxitur frikën e SHBA-së dhe Evropës se Turqia mund të jetë duke u larguar nga orientimi i saj gjeopolitik tradicional perëndimor, pavarësisht mohimeve të përsëritura nga Ankaraja./abcnews.al