SEUL, 9 tetor /ATSH-DPA/- Ushtria e Koresë së Veriut ka njoftuar planet për të ndërprerë të gjitha lidhjet rrugore dhe hekurudhore me Korenë e Jugut, njoftoi sot media shtetërore e Phenianit , KCNA.

Shtabi i përgjithshëm i Koresë së Veriut tha se kufiri do të përforcohet gjithashtu me “struktura të forta mbrojtëse” dhe masat do të hyjnë në fuqi menjëherë.

“Këto masa kanë për qëllim ruajtjen e sigurisë kombëtare dhe parandalimin e luftës”, tha Koreja e Veriut.

Media shtetërore raportoi se ushtria e Koresë së Veriut kishte njoftuar në orën 9:45 të mëngjesit me një mesazh telefonik forcat amerikane – për të shmangur çdo keqkuptim ose konflikt aksidental mbi procesin e fortifikimit.

Ushtria e Koresë së Jugut tha se në muajt e fundit, Koreja e Veriut kishte vendosur dhjetëra mijëra mina tokësore përgjatë kufirit.

Mbyllja e lidhjeve të mbetura rrugore dhe hekurudhore nga Koreja e Veriut konsiderohet kryesisht simbolike, pasi nuk ka pasur shkëmbim të drejtpërdrejtë përtej kufirit të militarizuar midis dy vendeve për disa vite.

Gjatë një periudhe të shkurtër afrimi në fillim të viteve 2000, Koreja e Veriut hapi zonën speciale Kaesong, ku kompanitë koreano-jugore punësuan punonjës koreano-veriorë për të prodhuar mallra si tekstile.

Koreja e Veriut mirëpriti gjithashtu mijëra turistë të Koresë së Jugut në malet piktoreske Kumgang.

Situata ka ndryshuar që atëherë. Në një takim të Partisë së Punëtorëve në pushtet në fund të vitit 2023, udhëheqësi i Koresë së Veriut Kim Jong Un i përshkroi marrëdhëniet ndërkoreane midis dy shteteve si ndërluftuese.

Ai gjithashtu bëri thirrje që Koreja e Jugut të caktohet si armiku kryesor në kushtetutën socialiste të vendit. //a.i/

The post FOKUS – Koreja e Veriut ndërpret të gjitha lidhjet rrugore dhe hekurudhore me Korenë e Jugut appeared first on Agjencia Telegrafike Shqiptare.

Udhëheqësi i Koresë së Veriut, Kim Jong Un, i ka dërguar një mesazh presidentit rus, Vladimir Putin, për ditëlindjen e tij të 72-të, duke e quajtur atë “shokun e tij më të ngushtë”.

Kim shprehu besimin se marrëdhëniet midis dy vendeve do të ngrihen në një nivel të ri.

Marrëdhëniet mes Phenianit dhe Moskës janë thelluar që nga fillimi i luftës në Ukrainë, një zhvillim që ka shqetësuar Perëndimin.

Në një deklaratë të ndarë, Kim njoftoi se vendi i tij do të përshpejtojë hapat për t’u bërë një superfuqi ushtarake me armë bërthamore.

Sipas Yonhap News, duke cituar median shtetërore të Koresë së Veriut, KCNA, Kim vlerësoi marrëdhëniet mes të dy vendeve si “të pathyeshme dhe të përjetshme”, që nga vizita e Putinit në Phenian në qershor.

Ai theksoi se takimet dhe lidhjet miqësore do të kontribuojnë pozitivisht në konsolidimin e miqësisë DPRK-Rusi.

Marrëdhënia midis Koresë së Veriut dhe Rusisë ka një histori të gjatë, duke u mbështetur që në kohën e Stalinit dhe Kim Il-sung, gjyshit të Kim Jong Un.

Bashkimi Sovjetik e ndihmoi Korenë e Veriut me armë dhe teknologji në ditët e para, dhe Pheniani shpesh ka preferuar ndihmën ruse përballë asaj kineze, për të cilën nuk ka besim të plotë.

LEXONI GJITHASHTU:

• Kriza në Lindjen e Mesme| Putin planifikon takim me homologun e tij iranian
• Shtatë të vdekur pas fundosjes së një cisterne në Japoni

The post “Shoku im më i ngushtë”, Kim Jong Un uron për ditëlindje aleatin e tij Putin appeared first on Euronews Albania.