Shefi i diplomacisë evropiane, Josep Borrell, do të zhvillojë një drekë pune me liderët e Ballkanit Perëndimor të mërkurën në Nju Jork. Lajmi u njoftua nga Komisioni Evropian, sipas të cilit takimi do të mbahet në kuadër të aktiviteteve të sesionit të 79-të të Asamblesë së Përgjithshme të OKB-së.

Sesioni do të ketë një delegacion të lartë nga BE-ja, përfshirë Borrell dhe presidenten e Komisionit Evropian, Ursula von der Leyen.

“Prioriteti i BE-së do të jetë adresimi i konflikteve dhe krizave në nivel global,” theksohet në njoftim.

/abcnews.al/

Autoritetet e Venezuelës njoftuan se kanë arrestuar tre shtetas amerikanë, dy spanjollë dhe një shtetas çek, të dyshuar për komplot për të destabilizuar vendin.

Ministri i Brendshëm Diosdado Cabello theksoi se qindra armë ishin konfiskuar dhe se të arrestuarit po përgatisnin komplot për të vrarë presidentin Nicolas Maduro dhe zyrtarë të tjerë të lartë.

Deklarata këto që janë hedhur poshtë nga SHBA dhe CIA.

Lidhur me këtë ngjarje ka reaguar edhe kreu i diplomacisë së Bashkimit Europian, Josep Borell. Ky i fundit e ka cilësuar qeverinë e presidentit venezuelian një “diktaturë”.

Borell kujtoi kohën kur edhe u zhvilluan zgjedhjet duke thënë se mbi 2000 njerëz në Venezuelë u arrestuan, pas këtyre zgjedhjeve. Dhe gjithashtu kreu i opozitës u detyrua të arratisej.

“Partitë politike janë subjekt i mijëra kufizimeve në aktivitetet e tyre”, tha Borell.

Ndërkohë kujtojmë se një pjesë e komunitetit ndërkombëtar, të udhëhequr nga SHBA, nuk e njeh rezultatin e zgjedhjeve presidenciale të 28 korrikut në Venezuelë, pas të cilave u shpall fitorja e Maduros.

/abcnews.al/