Pikërisht një muaj më parë, në një lëvizje befasuese, Memphis Depay vendosi të nënshkruajë si lojtar i lirë me Corinthians. Sulmuesi holandez, i cili në Europë kishte veshur fanellat e PSV, Manchester United, Lyon, Barcelona dhe Atletico Madrid, nuk kishte arritur të gjente marrëveshje të kënaqshme me asnjë klub elitar të kontinentit të vjetër dhe kishte vendosur të provonte një përvojë të re në Brazil.

Një eksperiencë, e cila sipas thashethemeve të fundit, tashmë mund të jetë në fund të saj. Timao, në fakt, po përballet me një problem të madh në lidhje me sponsorin kryesor dhe mund të mos ketë fonde për t’i paguar rrogën.

DEPAY-CORINTHIANS NË THYERJE TË RAPORTIT?

Një muaj pas mbërritjes së tij në Brazil, Depay duket se do të jetë i sakrifikuari. Sponsori kryesor i klubit, agjencia e basteve Esportes da Sorte, është përjashtuar nga lista e basteshkruesve të autorizuar për të operuar në Brazil dhe si rezultat mund të mos jetë në gjendje të respektojë marrëveshjen financiare të përcaktuar me Corinthians. Një marrëveshje trevjeçare me vlerë 309 milionë rea (rreth 51.3 milionë euro), nga e cila, sipas revistës Placar, nga kjo shumë, 57 milionë reai synojnë të mbulojnë një pjesë të pagesës së Depay.

Lexo më tej: Depay nuk njeh limite: ngacmon vajzën që kapte topat e grindet me një gazetar

Në rast të largimit të sponsorit kryesor, pasojat ekonomike për klubin e Sao Paulos do të ishin katastrofike. Sipas Paulo Vinicius Coelho, një gazetar dhe komentator i njohur sportiv, Corinthians mund të detyrohet të rinegociojë kontratën e Depay, ose edhe të marrë parasysh opsionet e tjera, duke përfshirë lirimin e lojtarit. Të ketë zgjatur vetëm një muaj “shëtitja” në Brazil e karizmatikut Memphis?

The post Nuk i paguajnë dot rrogën: pas vetëm një muaji Depay “fluturon” nga Corinthians appeared first on Lapsi.al.

Memphis Depay ka befasuar të gjithë javë më parë kur vendosi të transferohet në Superligën e Brazilit.

Sulmuesi holandez kishte oferta nga top klube evropiane, megjithatë ai vendosi që karrierën ta vazhdoj te skuadra e famshme braziliane Crointhians.

Depay ‘mund të largohet nga Corinthians ‘, raporton Paulo Vinicius Coelho i Finances of Sport (nëpërmjet Walter Zimmermann i Mundo Deportivo ).

Paga e holandezit vjen nga sponsori kryesor i klubit, Esportes da Sorte.

Kompania është në prag të kolapsit pasi është hetuar për ‘veprimtari kriminale’ nga qeveria braziliane; Corinthians mund të detyrohet të ndërpresë kontratën me Memphis për shkak të kësaj.

30-vjeçari do të qëndrojë në klub nëse e gjen veten një sponsor të ri, por kjo duket vërtet e vështirë për momentin.

Memphis iu bashkua Corinthians si lojtar i lirë në fillim të shtatorit.

Ai ka dy asistime në katër paraqitje për skuadrën braziliane deri më tani./Telegrafi/

The post Vetëm një muaj pasi iu bashkua, Depay pritet të largohet nga skuadra braziliane appeared first on Telegrafi.