Edhe kompania për organizimin e lojërave të fatit online “Megawin” do të mbyllet në seancën e ardhshme të Qeverisë dhe kështu nuk do të mund të organizojë askush lojëra të fatit online në Maqedoninë e Veriut. Kështu njoftoi zv.kryeministri i parë Izet Mexhiti.

Ai tha se me vendimin e parë të Qeverisë, fillimisht është prishur një kontratë për qirramarje mes Lotarisë dhe objektit të ish restorantit “Festina” në Vizbeg.

Më pas janë shfuqizuar koncesionet të cilat ishin dhënë në mënyrë joligjore për kazinot online dhe vendimi i tretë është për të luftuar organizimin e lojërave të fatit në të zezë.

“Ndërsa “MEGAWIN” është 100% shtetërore që organizon online dhe ka procedurë tjetër. Në mbledhjen e ardhshme të martën do të mbyllet edhe ajo dhe 100% online kazino do të jetë jashtë funksionit në RMV. Në të njëjtën kohë ka një vendim në Qeveri ku i është shpallur luftë e ashpër, sepse ka online kazinot që kanë qenë të organizuara nga ndërmarrja por ka online kazino në të zezë, në të egër që organizojnë biznesin e kazinove për shtetet tjera në rajon, për Turqi, Greqi e Shqipëri. Ka vendim të Qeverisë se do u shpallet luftë e ashpër edhe atyre me të gjitha instrumentet e shtetit”, tha Izet Mexhiti.

The post Mexhiti: Do të mbyllet edhe “Megawin”, është procedurë në vete appeared first on Telegrafi.

Koalicioni VLEN përmes komunikatave trumbeton se u realizua premtimi për mbylljen e lojërave të fatit online, ose siç shkruajnë, “për heqjen e bixhozit jashtë banesave të qytetarëve”. Madje shkruajnë se VLEN, “me veprime konkrete po merret me dukuritë devijuese që na la si trashëgimi regjimi i BDI-së”.

“Ky vendim i Qeverisë, është një fitore e moralit mbi vendimet e gabuara dhe korruptive të Artan Grubit dhe Përparim Bajramit për futjen e lojërave të fatit në internet, të cilat drejtpërsëdrejti i prek të rinjtë si një e keqe sociale”, thonë nga koalicioni VLEN.

Po sa në të vërtetë Qeveria, pjesë e së cilët është edhe VLEN, ka larguar në tërësi bixhozin nga shtëpitë e qytetarëve, pra nga interneti? Në fakt, del të mos jetë kështu, dhe se kompani për bixhoz online, e themeluar pikërisht kur drejtor i Lotarisë Shtetërore ishte Përparim Bajrami, ende është aktive dhe asaj nuk i është marrë licenca nga Qeveria, siç u bë me kompanitë e tjera për të cilat u njoftua pas seancës së 22-të qeveritare.

Ajo që kumtoi Qeveria është se për shkak të parregullsive, lëshimeve dhe dyshimeve të bazuara për punë joligjore, ka miratuar informacionin për nevojën për ndërprerjen e Shoqërisë për organizimin e lojërave elektronike të fatit, Video Lotaria e re shtetërore Lotaria NOVO VLT SHPK- Shkup dhe shoqërive për organizimin e lojërave të fatit onllajn, MOZZART SHPK Shkup, 77 BITS SHPK Shkup dhe VEZUV SHPK Shkup, në të cilën, siç shkruhet në njoftim, Lotaria Shtetërore është partner; dhe po ashtu të ndërmerren aktivitete për heqjen e platformës 2Win.mk për organizimin e lojërave onllajn të Shoqërisë Video Lotaria shtetërore CASINOS AUSTRIA SHPK- Shkup.

Por ajo që nuk thuhet dhe nuk trumbetohet si fitore në luftën ndaj bixhozit online është se në vend vepron edhe kompani tjetër në internet. Ajo është Megawin, për të cilën askund nuk shkruan se i është marrë ndonjë licencë apo se është miratuar ndonjë informacion për ndërprerjen e aktivitetit të saj. Pra nga kjo kuptohet se jo të gjitha faqet online të bixhozit ndalohen, por vetëm 4 prej tyre, ndërsa Megawin, që është themeluar në kohën kur drejtor i Lotarisë Shtetërore ishte Përparim Bajrami, vazhdon të mos preket. Tash drejtor i Lotarisë së shtetit është kuadër që vjen nga radhët e OBRM-PDUKM-së, Aleksandar Klimovski. Përndryshe, vetëm Lotaria shtetërore e ka të drejtën për dhënien dritë jeshile për bixhoz online. Bixhozi online ende është aktiv në Maqedoni./TV21/

The post Nuk mbyllen të gjitha kazinotë online në Maqedoni, Qeveria ndërpret 4 shoqëri, por jo edhe “MegaWin” appeared first on Telegrafi.