Kryeministri Edi Rama ka mbajtur fjalën e tij në asamblenë e OKB-së në Shtetet e Bashkuara të Amerikës.

Ai ka thënë se bota përballet me sfida të reja, të cilat kërkojnë angazhimin e përbashkët të të gjitha shteteve.

“Bota ka ndryshuar dramatikisht që kur OKB është themeluar 8 dekada më parë. Duhet të përpiqemi që të rimarrim ndjesinë e përbashksisë që ka humbur. Sfidat tona janë të ndërlidhura thellësisht dhe në qoftë se nuk përballemi me to me një reënd të ri, do të dështojmë të gjithë së bashku. Problemet që përballemi sot kërkojnë përgjigje kolektive”, tha Rama.
Ai shprehu gjithashtu mbështetjen e Shqipërisë për Paktin për të Ardhmen, teksa shtoi se vendi ynë ka treguar shembuj se si një vend i vogël mund të bëjë gjëra të mëdha, që nga strehimi i hebrenjve gjatë luftës së dytë botërore, te mikpritja e afganëve.

“Shqipëria mbështet plotësisht Paktin për të Ardhmen dhe angazhimet e saj. Por ato duhet të përmbushen, të zbatohen. Shqipëria mund të jetë një vend i vogël ,por i ka dhënë botës një shembull të mirë që është ccuar në mbrojtje të humanizmit.

Shqipëria pas rënies së Kabulit në duar të talebanëve, strehuam mijëra afganë. Shqipëria gjithashtu I ka dhënë botës shenjtoren më të re, Nënë Terezën”, tha Rama.

The post “Frymëzohemi nga Nënë Tereza”/ Rama fjalim në samitin e OKB: Shqipëria vend i vogël, por i ka dhënë botës një shembull të mirë appeared first on Albeu.com.

Pretendimi: Kjo foto tregon Nënë Terezën të armatosur dhe me shallin simbol palestinez

Verdikti: Foto e manipuluar

———————————————-

Në rrjetet sociale shqipfolëse po qarkullon një imazh që duket se tregon shenjtoren dhe nobelisten shqiptare Gonxhe Bojaxhi, njohur ndryshe si Nënë Tereza, duke mbajtur një automatik në dorë dhe një shall bardhë e zi, të quajtur keffiyeh, një simbol i rezistencës palestineze. 

Por, mjafton një kërkim për të konfirmuar se foto e mësipërme është e manipuluar.

Me anë të motorit të kërkimit pamor Google Reverse Image Search, Faktoje gjeti foton origjinale, e cila është shkrepur në 1969, dhe tregon aktivisten palestineze Leila Khaled.

Sipas përshkrimit, kjo foto tregon “Layla Khaled, një nga dy pengmarrësit e një avioni amerikan T.W.A në Damask duke buzëqeshur pasi u kthye në bazën e saj guerile në Jordani.”

Në 29 gusht 1969, Kahled dhe një tjetër anëtar i Frontit Popullor për Çlirimin e Palestinës (PFLF) morën peng fluturimin 840 të linjës TWA që udhëtonte nga Roma në Tel Aviv. 

Pengmarrësit e detyruan avionin të zbarkonte në Damask, Siri, ndërsa Khaled dha një fjalim ku shpjegoi se ata e kishin devijuar fluturimin “sepse TWA është një nga linjat ajrore amerikane më të mëdha që u shërben rrugëve ajrore izralite dhe, më e rëndësishmja, sepse është një avion amerikan.”
“Qeveria amerikane është mbështetësja më e vendosur e Izraelit. Ajo e furnizon Izraelin me armë për shkatërrimin tonë. Ajo u jep sionistëve dollarë amerikanë të pa taksuar. Ajo mbështet Izraelin në konferencat botërore. Ajo i ndihmon ata në çdo mënyrë. Ne jemi kundër Amerikës sepse ajo është një vend imperialist,” tha Khaled.

The post E manipuluar foto e Nënë Terezës me automatik në dorë appeared first on Faktoje.al.