Kryeministri Edi Rama u ka dhënë porositë e tij drejtuesve politike në qarqe dhe kryetarëve socialistë të bashkive, duke u thënë se duhet të punojnë maksimalisht për zgjedhjet e ardhshme parlamentare që do të mbahen në pranverën e vitit të ardhshëm. Burime nga mbledhja bëjnë të ditur se fokusi ka qene tek shqiptarët qe jetojnë

Socialistët vijojnë me përgatitjet dhe planin për zgjedhjet parlamentare që do të mbahen në pranverën e vitit të ardhshëm. Mbrëmjen e sotme është mbledhur Asambleja e PS-së për Tiranën për të prezantuar ministren e Arsimit, Ogerta Manastirliun, kryebashkiakun Erion Veliajn dhe kryetaren e Kuvendit, Elisa Spiropalin si drejtuesit politik të qarkut të Tiranës.

Mbledhja e mbajtur me dyer të mbyllura zgjati për rreth 1 orë e 40 minuta ku i pranishëm ishte edhe kryetari i Partisë Socialiste, Edi Rama. Gjatë kësaj mbledhje kryesocialisti dhe njëherësh dhe kryeministri i vendit, u ndau detyrat dhe porositë për punën që duhet bërë në terren për zgjedhjet parlamentare të cilat priten të mbahen në muajin maj të vitit të ardhshëm. Burime për mediat bëjnë me dije se Rama u ka kërkuar një angazhim më të madh në terren, koordinim me strukturat, përdorimin më shumë të rrjeteve sociale, sidomos TikTok-ut, si dhe afrimin e prurjeve të reja në PS.

The post Mblidhen socialistët e Tiranës, Rama prezanton drejtuesit e qarkut dhe lë porositë appeared first on Lapsi.al.