Ditën e sotme, një aksident midis dy mjeteve u regjistrua në autostradën Rrogozhinë-Lushnje, pranë mbikalimit të fshatit Zhamë.

Një mjet tip Volkswagen, i marrë me qira, në të cilin udhëtonin dy turistë polakë kanë goditur nga pas një automjet top Renault.

Si pasojë e goditjes kanë mbetur të plagosur dy turistët dhe drejtuesi i mjetit dhe që të tre janë transportuar me urgjencë në spitalin e Lushnjes.

Aktualisht, të lënduarit janë nën kujdesin e mjekëve dhe janë jashtë rrezikut për jetën. Si rezultat i përplasjes janë krijuar radhë të gjata.

Grupi hetimor në vendngjarje po dokumenton ngjarjen. Nga të dhënat paraprake mendohet se shkak i aksidentit ka qenë shpejtësia e lartë, me të cilën lëviznin shtetasit polakë dhe lagështia në rrugë.

Lagështia në rrugë dhe pakujdesia e drejtuesve, ka shkaktuar dhe dy aksidente të tjera një në hyrjen jugore të Lushnjes dhe një në unazën e re të qytetit, aksidente të cilat fatmirësisht kanë kaluar vetëm me dëme materiale.

The post Aksident në aksin Rrogozhinë-Lushnje, të lënduarit dërgohen me urgjencë në spital appeared first on Albeu.com.

Këtë të premte, një aksident i rëndë ka ndodhur në autostradën Rrogozhinë-Lushnje. Automjeti tip Mercedez me targa AA 334 RP, ka humbur kontrollin pasi ka kaluar barrierat e hekurta, duke përfunduar në kanalin anësor të autostradës.

Drejtuesi i automjetit Kristian Boçi, në momentin e aksidentit udhëtonte bashkë me dy fëmijët e mitur dhe pas aksidentit janë transportuar me urgjencë në spitalin e Lushnjes, ku ndodhen nën kujdesin e mjekëve.

Paraprakisht, dyshohet shkak eshte bere lagështia dhe shpejtësia e lartë. Pranë spitalit të Lushnjes mësojmë se dy fëmijët dhe drejtuesi, janë jashtë rrezikut për jetën.

Policia dhe grupi hetimor, janë në vendngjarje për të dokumentuar ngjarjen dhe shkaqet e aksidentit.

The post Aksident në aksin Rrogozhinë-Lushnje, plagoset Kristian Boçi dhe dy fëmijët e mitur appeared first on Albeu.com.

Mëngjesin e sotëm, një makinë e Repartit Ushtarak të Vaut të Dejës, është përplasur me një autobot në aksin rrugor Lezhë-Shkodër.

Si pasojë e aksidentit, gjashtë persona kanë mbetur të plagosur, ndërsa janë përplasur një automjet i Forcave të Armatosura dhe një autobot.

Aksidenti ka ndodhur në vendin e quajtur “Kryqëzimi i Dajçit”.

Si pasojë e aksidentit janë dëmtuar shtetasit Gj. H., 33 vjeç, R. D., 57-vjeçe, E. Q., 23-vjeç, J. B., 28-vjeç, D. L., 29-vjeç dhe D. K., 27-vjeç, banues në Shkodër (ushtarakë), pasagjerë në automjetin që drejtonte shtetas B. N., të cilët janë dërguar në spital, për ndihmë mjekësore, jashtë rrezikut për jetën.

Lezhë/Informacion paraprak

Rreth orës 05:30, në aksin rrugor “Lezhë-Shkodër”, në vendin e quajtur “Kryqëzimi i Dajçit”, automjeti i Repartit Ushtarak Vau i Dejës, me drejtues shtetasin B. N., është përplasur me automjetin autobot, me drejtues shtetasin N. P.

Si pasojë e aksidentit, janë dëmtuar shtetasit Gj. H., 33 vjeç, R. D., 57-vjeçe, E. Q., 23-vjeç, J. B., 28-vjeç, D. L., 29-vjeç dhe D. K., 27-vjeç, banues në Shkodër (ushtarakë), pasagjerë në automjetin që drejtonte shtetas B. N., të cilët janë dërguar në spital, për ndihmë mjekësore, jashtë rrezikut për jetën.

Automjeti i Repartit Ushtarak, ishte nisur në drejtim të Mirditës, për të ndihmuar në shuarjen e zjarreve.

Grupi hetimor në vendngjarje po punon për sqarimin e rrethanave të aksidentit.

The post Automjeti i ushtrisë përplaset me autobotin, raportohet për 6 ushtarakë të plagosur appeared first on Albeu.com.