Milani i jep vazhdimësi fitores në derbi, në javën e gjashtë të Serisë A mundi Leccen 3-0 në “San Siro”, duke kaluar të paktën një natë në krye të tabelës me Torinon.

Kuqezinjtë e Fonseca-s, pas 38 minutash me një ritëm të ngadaltë, e thyen ngërçin me Morata-n e më pas në pesë minuta mposhtën Lecce-n e Gotti-t: Hernandez dhe Pulisic firmosën për 3-0 që në pjesën e parë, duke e bërë formalitet pjesën e dytë. Bartesaghi u përjashtua nga loja në minutën e 80-të.

Milani ngjitet kështu në kuotën e 11 pikëve, ndërsa Lecce mbetet me 5 pikë.

The post Milani i dhuron vetes një natë në vend të parë appeared first on Albeu.com.

Duket se janë “ringjallur” dhe një efekt të madh e dha edhe fitorja në derbi përballë “Zikaltërve” të Inter.

“Djajtë” e Paulo Fonseca kanë arritur të fitojnë bindshëm edhe sfidën e radhës në Serie A, me skuadrën e Milan që triumfoi me shifrat 3-0 përballë “Puljezëve” të Lecce, duke ngritur goxha moralin e skuadrës para transfertës së vështirë të Bayer Leverkusen, në Champions.

Për vendasit në “San Siro” të tre golat e fitores erdhën që në pjesën e parë, me “yjet” Alvaro Morata, Theo Hernandez e Christian Pulisic që shënuan nga një gol në minutat 38’, 41’ e 43’, për të siguruar 3 pikë të arta.

Kështu, falë kësaj fitoreje, “Djajtë” e Milan ngjiten në vendin e dytë të tabelës, me 11 pikë, po aq sa Torino që ndodhet në vendin e parë, ndërsa pas tyre në renditje vijnë Napoli e Udinese me 10 pikë, Juventus dhe Empoli me 9 pikë, si dhe kampionët e Inter, me 8 pikë. /i.m /abcnews.al

Milan ka shënuar fitore me rezultat të thellë 3-0 ndaj Lecces në shtëpi në kuadër të javës së gjashtë në elitën e futbollit italian. 

Të gjithë golat që siguruan fitoren e ‘Rossonerëve’ u shënuan në pjesën e parë të takimit.

Fillimisht rrugën e rrjetës e gjeti Alvaro Morata (38′) i cili shënoi për 1-0, ndërsa pas tij shënoi Theo Hernandez (41′) për 2-0 dhe Christian Pulisic (43′) për 3-0.

Në pjesën e dytë u zhvillua lojë e barabartë, por asnjëra skuadër nuk arriti ta gjejë golin dhe ndeshja përfundoi me rezultatin e pjesës së parë.

Pas kësaj fitore Milani ngjitet në vendin e dytë me 11 pikë, ndërsa Lecce e 17-ta me pesë pikë.

Javën e ardhshme Milani do të luajë në udhëtim tek Fiorentina teksa Lecce po ashtu në udhëtim do të ballafaqohet me Udinesen./Telegrafi/

The post Milani vazhdon me fitore, mposht me lehtësi Leccen në shtëpi appeared first on Telegrafi.