Pasditen e sotme, një stuhi e fortë ka goditur një pjesë të konsiderueshme të vendit, duke shkaktuar probleme të shumta edhe në qytetin e Vlorës.

Shiu dhe era e fuqishme kanë krijuar vështirësi të mëdha, sidomos në zonat rurale dhe ato afër pyjeve.

Sipas raportimeve të fundit, një pishë e madhe ka rënë në pyllin e Sodës, duke bllokuar njërin sens të një rruge kryesore.

Fatmirësisht, rrëzimi i pishës ka ndodhur në një moment kur trafiku ishte i lehtë, duke shmangur kështu ndonjë aksident të mundshëm.

Shërbimet zjarrfikëse, janë angazhuar menjëherë për të pastruar rrugën. Ata kanë arritur në vendin e ngjarjes dhe kanë nisur operacionin për të hequr pemën nga rruga, duke e prerë atë në pjesë për të mundësuar rikthimin e qarkullimit normal.

The post Moti i keq mbërrin edhe në jug të vendit, bllokohet rruga në Vlorë pas rrëzimit të pemës appeared first on Albeu.com.

Ditën e sotme, Fredi Beleri, është paraqitur në Gjykatën e Shkallës së Parë të Juridiksionit të Përgjithshëm Fier, për të kërkuar lirimin me kusht.

Tre seancat e mëparshme, kanë dështuar për shkak të mungesës së dokumentacionit të nevojshëm.

Beleri përfaqësohet nga avokati Geni Gjyzari, teksa gjyqtar i çështjes është Alfred Konomi, dhe prokurorja Oljana Gjergjefi do të përfaqësojë akuzën.

Kjo seancë pritet të jetë vendimtare për fatin e Belerit.

Beleri po vuan një dënim me burg, i dënuar për korrupsion zgjedhor, teksa kandidonte për postin e kryetarit të Bashkisë Himarë.

The post Fredi Beleri kërkon lirimin me kusht, momenti kur mbërrin në gjykatë appeared first on Albeu.com.