Një ngjarje e rëndë është regjistruar në Shkodër, ku nusja ka dhunuar vjehrrën. Denoncimi në polici është bërë nga vetë vjehrra, 82 vjeçarja Nazmie Buci. Kjo e fundit po merr ndihmë mjekësore. Ndërkohë, policia ka ndaluar Elmira Bucin, 43 vjeçe.
NJOFTIMI I POLICISË:
“Komisariati i Policisë Shkodër ndaloi shtetasen E. B., 43 vjeçe, banuese në Shkodër, pasi ka kallëzuar vjehrra e saj 82-vjeçe, se 43-vjeçarja ka ushtruar dhunë fizike ndaj saj. 82-vjeçarja po merr mjekim në Spitalin Rajonal Shkodër.”
Sipas dëshmisë, nusja e goditi me bastunin me të cilin lëvizte e moshuara. Djali i Nazmie Bucit, Ylli Buci, 50 vjeç, pasi u kthye nga puna, nuk e dërgoi nënën e tij në spital dhe nuk njoftoi policinë për rastin. Përkundrazi, ai e kritikoi nënën duke e pyetur pse kishte diskutuar me nusen e tij.
”Kam ken në shpi, u kap nusja me mu. Unë mezi eci me shkop se jam me ishemi, edhe më ra, më goditi më muloi gjaku… shkova në banjë m’i ka hedhë tri kova me ujë, më ka zhvesh lakuriq më dha një kmishë nate. Ç’a me i thonë ajo gjysma jeme, unë 82 vjeç se kto s’marrin vesh… Më para m’i ka shkul flokët… Djali ka kenë n’punë kur erdhi i diktova.
M’tha nonë pse u kape me të ti e di që ajo është pak… unë s’u kapa isha t’u nejt… S’më çoi djali në spital veç më ka pastru ftyrën se kam kenë mulut ngjak… Ma morën telefonin prej durësh se desha me lajmëru policinë, dhe ma hodhën përtokë ma thyen.”
Ngjarja ka ndodhur që më 10 shtator. Nazmie Buci nuk kishte mundur të raportonte ngjarjen më herët, pasi nusja i kishte thyer celularin. Buci jetonte prej rreth pesë vitesh që nga martesa e djalit të saj me nusen.
The post E rëndë në Shkodër/ Nusja dhunon vjehrrën 82-vjeçare, dëshmia: Më mbuloi me gjak appeared first on iconstyle.al.
Login
