Kryeministri izraelit Benjamin Netanyahu u zotua se shteti i tij do të hakmerret ndaj sulmit me raketë që goditi pjesën qendrore të Izraelit.

Siç njofton korrespondenti i Zërit të Amerikës, Arash Arabasadi rebelët huthi, një grup nga Jemeni që gëzon përkrahjen e Iranit, morën përgjegjësinë për sulmin, i cili nuk pati pasoja tek banorët e zonës, ndërkohë që konflikti ndërmjet Izraelit dhe Hamasit vazhdon të zgjerohet.
Ky zjarr në afërsi të Modiinit, në pjesën qendrore të Izraelit, u shkaktua nga sulmi i rebelëve huthi në Jemen, një grup i lidhur me Iranin, që goditi Izraelin me raketë balistike hipersonike nga një distancë prej 2040 kilometrash.

Zëdhënësi i rebelëve huthi, Jahja Saree paralajmëroi sulme të tjera.

“Armiku izraelit të përgatitet për sulme të reja ndërsa i afrohemi përvjetorit të parë të operacionit të bekuar të tetorit. Ato përfshijnë operacione për përkrahje të vazhdueshme për palestinezët e shtypur”, deklaroi ai.

Ai iu referua sulmit terrorist të 7 tetorit të kryer nga Hamasi gjatë të cilit grupi militant vrau 1,200 persona në Izrael dhe rrëmbeu mbi 250 të tjerë.

Dhjetëra mijëra palestinezë janë vrarë gjatë kundër-ofensivës së Izraelit në Gazë.

Izraelit njoftoi se nuk kishte të lënduar nga sulmi me raketë i fundjavës, por Kryeministri izraelit Benjamin Netanyahu u zotua të hakmerrej gjatë takimit të kabinetit të tij.

“Jemi në një fushatë me shumë fronte kundër boshtit të së keqes… Deri më tani ata do të duhej ta kuptonin që do të paguajnë një çmim të ashpër për secilën përpjekje për të na dëmtuar… Hamasi tashmë po e kupton nga veprimet tona, që do të çojnë në shkatërrimin e tij dhe lirimin e pengjeve tona”, tha ai.

Përkundër zotimit të tij për të siguruar lirimin e pengjeve, shumë izraelitë thonë se kryeministri Netanyahu nuk po bën sa duhet.

“Ai nuk mërzitet nëse ata vdesin. Atij nuk i bëhet vonë për asgjë. Atij i intereson vetëm të vazhdojë të sundojë dhe në fakt as këtë nuk po e bën.

Ai nuk po menaxhon asgjë në Izrael. Izraeli është në anarki të plotë”, tha protestuesi Israel Charag.

Demonstratat kundër qeverisë së zotit Netanyahu nuk paraqesin risi në Izrael.

Por këto protesta masive kanë marrë hov javëve të fundit, pasi ushtria gjeti trupat e gjashtë pengjeve në Gazë.

Izraeli dhe Hamasi, të cilin qeveria amerikane e ka shpallur organizatë terroriste, vazhdojnë të fajësojnë njëri-tjetrin për mosarritjen e një armëpushimi që do të përfshinte lirimin e personave që vazhdojnë të mbahen peng./VOA

The post Izraeli zotohet se do të hakmerret për sulmin e rebelëve huthi appeared first on Albeu.com.

Kryeministri i Izraelit, Benjamin Netanyahu, tha se rebelët Huthi të Jemenit do të paguajnë një “çmim të rëndë”, pasi një raketë e hedhur nga ta, ra në Izraelin qendror.

Ushtria izraelite tha se raketa ra në një zonë të pabanuar të dielën dhe se sistemet e mbrojtjes ajrore nuk arritën ta shkatërronin përpara se të hynte në hapësirën ajrore izraelite.

Ajo shtoi se është duke hetuar incidentin.

Kjo është hera e parë që një raketë e lëshuar nga ky grup, arrin në Izraelin qendror, i cili është rreth 2.000 kilometra nga Jemeni.

Rebelët Huthi thanë se përdorën një lloj të ri rakete hipersonike për operacionin e tyre.

Ata janë një grup i armatosur, që pushtoi pjesën më të madhe të Jemenit, gjatë luftës së vazhdueshme civile në këtë vend.

Ata, po ashtu, e kanë deklaruar veten pjesë të “boshtit të rezistencës” – që udhëhiqet nga Irani – kundër Izraelit, SHBA-së dhe Perëndimit më gjerë.

Grupi tha se sulmi i së dielës u krye në solidaritet me palestinezët dhe se Izraeli duhet të presë edhe të tjera përpara përvjetorit të parë të sulmeve të 7 tetorit.

Më 7 tetor të vitit të kaluar, Hamasi – grup i shpallur terrorist nga SHBA-ja dhe fuqi të tjera – sulmoi Izraelin, duke vrarë rreth 1.200 njerëz dhe duke marrë qindra pengje, shkruan REL.

Në përgjigje, Izraeli vazhdon fushatën masive të sulmeve në Gazë – enklavë e populluar me palestinezë, nën kontrollin e Hamasit.

Sipas autoriteteve në Gazë, mbi 40.000 njerëz atje janë vrarë deri më tash.

LEXONI GJITHASHTU:

• Izraeli: Ka shumë mundësi që jemi përgjegjës për vrasjen e tre pengjeve në Gaza
• Turqia kërkon autopsinë e aktivistes së vrarë si provë kundër Izraelit

The post Izraeli zotohet se do t’i përgjigjet sulmit të rebelëve Huthi appeared first on Euronews Albania.

Zyrtari më i lartë i OKB-së që mbikëqyr ndihmën dhe rindërtimin në Gaza ka thënë për BBC se komuniteti ndërkombëtar po “lë në baltë” civilët e pafajshëm në territor. Sigrid Kaag, e cila u emërua nëntë muaj më parë, në mënyrë që të ndihmonte në përmirësimin e shpërndarjen e ndihmave të nevojshme, tha se një […]

The post Shefja e OKB-së për ndihmën në Gaza: Po i lëmë civilët në baltë! Situata është katastrofike appeared first on FaxWeb.

Galit Peleg, ambasadore e Izraelit në Shqipëri, në një intervistë për A2 CNN, zbuloi se ushtria izraelite ka zbuluar se punonjës të Organizatës së Kombeve të Bashkuara janë edhe anëtarë të Hamasit. “Kam lexuar raportin paraprak të ushtrisë së IDF dhe e di që ushtria i ka kërkuar OKB-së emrat e njerëzve që u vranë. […]

The post Ambasadorja izraelite: Kemi gjetur lista të punonjësve të OKB që ishin edhe anëtarë të Hamasit appeared first on BoldNews.al.

Kryeministri izraelit Benjamin Netanyahu ka deklaruar se Houthit e Jemenit do të paguajnë një “çmim të rëndë” pasi një raketë e lëshuar nga rebelët goditi Izraelin qendror.

Ushtria izraelite tha se raketa ra në një zonë të pabanuar, por se copëzat tregojnë se sistemet e mbrojtjes ajrore nuk kishin arritur ta shkatërronin atë përpara se të hynte në hapësirën ajrore izraelite.

Ajo shtoi se po hetonte se si raketa ishte në gjendje të arrinte deri në territorin izraelit.

Bëhet e ditur se sulmi shënon herën e parë që një raketë e lëshuar nga grupi arrin në Izraelin qendror, i cili është rreth 2,000 kilometra larg nga Jemeni.

Forcat e Mbrojtjes të Izraelit (IDF) thanë se kishte pasur përpjekje të përsëritura për të rrëzuar raketën, por që ka shumë të ngjarë të jetë fragmentuar në ajër, shkruan BBC, përcjell Telegrafi.

Ndërkohë, Houthit pretenduan se operacioni përdori një lloj të ri rakete hipersonike, e cila mund të ndihmojë në shpjegimin e dështimit të përpjekjeve për ta kapur atë.

Houthit në një deklaratë thanë se sulmi u krye në solidaritet me palestinezët dhe se Izraeli duhet të presë më shumë përpara përvjetorit të parë të sulmeve të 7 tetorit.

Siç raportohet, fragmentet ranë në një stacion hekurudhor në qytetin Modiin, duke shkaktuar disa dëme, dhe në terren të hapur pranë aeroportit kryesor ndërkombëtar të Izraelit në periferi të Tel Avivit.

Netanyahu tha se sulmi tregoi se Izraeli është në një “betejë me shumë fronte kundër boshtit të së keqes të Iranit”.

“Kushdo që na sulmon nuk do të shpëtojë nga krahët tanë”, paralajmëroi Netanyahu.

Ndryshe, kjo nuk është hera e parë që rebelët sulmojnë Izraelin.

Në korrik, një person u vra dhe tetë të tjerë u plagosën pasi një dron i Houthive u ul në Tel Aviv. /Telegrafi/

The post Netanyahu paralajmëron rebelët Houthi se do të paguajnë “një çmim të rëndë” për sulmin në qendër të Izraelit appeared first on Telegrafi.

Ushtria izraelite tha se “ka shumë mundësi” që tre pengjet që u gjetën të vdekur muaj më parë të jenë vrarë gjatë sulmeve ajrore izraelite.

Ushtria më 15 shtator publikoi gjetjet e hetimit të saj lidhur me vdekjen e Nik Beizer, Ron Sherman dhe Elia Toledano.

Ajo tha se hetimet kanë përcaktuar se të tre me gjasë u vranë gjatë një sulmi ajror në nëntor që po ashtu la të vrarë anëtarin e lartë të Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – Ahmed Ghandour.

Të tre pengjet ishin rrëmbyer gjatë sulmit të 7 tetorit që Hamasi kreu në jug të Izraelit. Trupat e tyre u tërhoqën në dhjetor, por shkaku i vdekjes së tyre u përcaktua së fundi.

Ushtria tha se “ka shumë mundësi” që ata u vranë gjatë sulmit ajror, bazuar në vendin ku u gjetën trupat e tyre, raporteve patologjike dhe informacioneve të tjera. Por, ushtria tha se “nuk ka gjasa të përcaktohen në mënyrë definitive rrethanat e vdekjes së tyre”.

Ky njoftim rrit presionin nga Qeverisë së Izraelit për të arritur një marrëveshje për kthimin e pengjeve të mbetura, që ende mbahen nga Hamasi. Kritikët kanë thënë se është shumë e rrezikshme të tentohet që ata të shpëtohen, shkruan REL.

Lufta në Gazë nisi më 7 tetor, pasi Hamasi sulmoi jugun e Izraelit duke vrarë afër 1.200 persona dhe duke rrëmbyer afër 250 të tjerë. Si pasojë e ofensivës izraelite, në Gazë janë vrarë më shumë se 41.000 persona dhe janë plagosur mijëra të tjerë.

LEXONI GJITHASHTU:

• Borrel për Izraelin: Po hap front të ri, qëllim kthimi i Bregut Perëndimor në ‘Gaza’
• Mbi 41 mijë persona kanë humbur jetën në Gaza që nga nisja e luftës

The post Izraeli: Ka shumë mundësi që jemi përgjegjës për vrasjen e tre pengjeve në Gaza appeared first on Euronews Albania.

Kryeministri izraelit Benjamin Netanyahu ka thënë se Houthi-t e Jemenit do të paguajnë një “çmim të shtrenjtë” pasi një raketë e lëshuar nga grupi ra në Izraelin qendror.

Ushtria izraelite tha se raketa ra në një zonë të pabanuar herët të dielën, dhe se sistemet e mbrojtjes ajrore nuk kishin arritur ta shkatërronin atë përpara se të hynte në hapësirën ajrore izraelite.

Ai shtoi se po hetonte se si raketa ishte në gjendje të arrinte deri më tani në territorin izraelit. Sulmi shënon herën e parë që një raketë e lëshuar nga grupi arrin në Izraelin qendror, i cili është rreth 2,000 km nga Jemeni.

Forcat e Mbrojtjes të Izraelit (IDF) thanë se kishte pasur përpjekje të përsëritura për të rrëzuar raketën të dielën, por që ka shumë të ngjarë të jetë fragmentuar në ajër.

Houthis pretenduan se operacioni përdori një lloj të ri rakete hipersonike, e cila mund të ndihmojë në shpjegimin e dështimit të përpjekjeve për ta kapur atë.

Huthi tha në një deklaratë se sulmi i së dielës u krye në solidaritet me palestinezët dhe se Izraeli duhet të presë më shumë përpara përvjetorit të parë të sulmeve të 7 tetorit.

Fragmentet e raketave ranë në një stacion hekurudhor në qytetin Modiin, duke shkaktuar disa dëme, dhe në terren të hapur pranë aeroportit kryesor ndërkombëtar të Izraelit në periferi të Tel Avivit. Sipas BBC, dëmi besohet të jetë shkaktuar nga vetë raketat interceptuese të Izraelit.

LEXONI GJITHASHTU:

• Rebelët Huthi sulmojnë me raketë Izraelin
• Ushtria amerikane shkatërron anije patrulluese të rebelëve të Huthit

The post “Do e paguani shtrenjtë”, Netanjahu kërcënon Huthit pas sulmit me raketa në Izrael appeared first on Euronews Albania.

Izraeli është në gatishmëri të lartë, pasi një raketë balistike e lëshuar nga më shumë se 1000 milje larg në Jemen, arriti për herë të parë në qendër të vendit.

Njerëzit u panë duke nxituar drejt strehimoreve ndërsa sirenat e sulmit ajror, u dëgjuan në rajonet qendrore të vendit rreth orës 6:30 të mëngjesit të së dielës, duke përfshirë në aeroportin ndërkombëtar Ben Gurion të Izraelit, transmeton Telegrafi.

Shpërthime të fuqishme të fuqishme janë dëgjuar, që ushtria izraelite thotë se erdhën si pasojë e raketave të tyre që interceptuan dhe tentuan ta rrëzojnë.

Zyrtarët izraelitë thanë se pjesë nga raketa ranë në një “zonë të hapur” të papopulluar në Kfar Daniel, rreth 7 kilometra nga aeroporti Ben Gurion dhe se nuk ishte raportuar për të lënduar.

Pjesë të tjera u ulën në një shkallë lëvizëse, në një stacion treni në qytetin qendror të Modiin. Ushtria izraelite tha se raketa “ka shumë të ngjarë të jetë fragmentuar në ajër”.

Një zëdhënës i Houthis, të cilët kontrollojnë zona të mëdha të Jemenit, mori përgjegjësinë dhe paralajmëroi Izraelin se duhet të presë “më shumë sulme dhe operacione specifike që do të vijnë”.

Incidenti i të dielës, besohet të jetë i parë nga një raketë tokë-tokë që u shkrep nga Jemeni dhe arriti në Izrael.

Zëdhënësi i Houthi-ve, Nasruddin Amer tha se arma e përdorur ishte një “raketë e re balistike hipersonike” që “sistemet e mbrojtjes së armikut nuk arritën ta kapnin dhe ta përballonin”.

Kryeministri izraelit Benjamin Netanyahu tha se Houthi do të paguajnë një “çmim të rëndë” për sulmin. Ai tha gjithashtu në një takim të kabinetit të dielën, se situata aktuale “nuk do të vazhdojë”. /Telegrafi/

The post Raketa balistike e lëshuar nga Houthi në Jemen, godet pjesën qendrore të Izraelit për herë të parë appeared first on Telegrafi.

Më shumë se 560,000 fëmijë të moshës nën 10 vjeç në Gaza kanë marrë të parën nga dy dozat e vaksinës së poliomielitit, ka njoftuar Organizata Botërore e Shëndetësisë (OBSH), pasi shkatërrimi i ujit dhe sistemeve sanitare nga Izraeli çoi në një rishfaqje të sëmundjes vdekjeprurëse në rripin e rrethuar.

Punëtorët e ndihmës arritën më shumë se 90% të mbulimit të synuar të vaksinës në fazën e parë të fushatës së udhëhequr nga OKB, sipas agjencisë së OKB-së për refugjatët palestinezë, UNRWA.

Ndërkohë, faza e dytë e vaksinimeve është planifikuar të bëhet pas katër javësh.

“Ne i admirojmë të gjitha ekipet shëndetësore, që kryen këtë operacion kompleks”, tha drejtori i përgjithshëm i OBSH-së, Tedros Adhanom Ghebreyesus.

“Ne u jemi thellësisht mirënjohës familjeve, për besimin dhe bashkëpunimin e tyre”, shtoi ai.

“Ky është një sukses masiv mes një realiteti tragjik të përditshëm të jetës në të gjithë Rripin e Gazës. Imagjinoni se çfarë mund të arrihet me një armëpushim”, vazhdoi Ghebreyesus.

Ndryshe, ofensiva e Izraelit në Gaza, e nisur pas sulmeve të 7 tetorit të udhëhequr nga Hamasi, ka nxitur një krizë humanitare dhe ka rrafshuar infrastrukturën kritike, shkruan CNN, përcjell Telegrafi.

Rreth 70% e të gjitha objekteve të ujit dhe kanalizimeve janë shkatërruar ose dëmtuar.

Ndërkohë, kufizimet e ndihmës izraelite kanë varfëruar rëndë rezervat e karburantit, klorit dhe pjesëve rezervë, duke mbytur prodhimin e ujit, pastrimin dhe pompimin e ujërave të zeza.

Fushata e poliomielitit të OKB-së, e lehtësuar nga një seri pauzash në luftime të miratuara nga Izraeli, erdhi pasi virusi shumë infektiv u gjet në mostrat e ujërave të zeza në qershor.

Më pas, në gusht, një djalë 11-muajsh u bë personi i parë në Gaza në 25 vjet që u diagnostikua me poliomielit.

Siç raportohet, Polio më së shumti prek fëmijët nën 5 vjeç dhe mund të shkaktojë paralizë të pakthyeshme dhe madje edhe vdekje.

Është shumë infektive dhe nuk ka shërim; mund të parandalohet vetëm me imunizimin, sipas OBSH-së. /Telegrafi/

The post Vaksinohen mbi 560 mijë fëmijë në Gaza kundër poliomielitit appeared first on Telegrafi.

Të paktën 14 persona janë vrarë pas sulmeve ajrore izraelite në qendër dhe jug të Gazës, kanë njoftuar zyrtarët palestinezë të mbrojtjes civile.

Një shtëpi ku strehoheshin 11 persona, përfshirë gra dhe fëmijë, u godit në sulmet në qytetin e Gazës, ndërsa një tendë ku strehoheshin palestinezët e zhvendosur nga lufta u godit gjithashtu në qytetin Khan Younis.

Bëhet e ditur se sulmet ajrore vijnë pas sulmeve të mëparshme vdekjeprurëse në fillim të javës – njëri goditi një kamp, tjetri një shkollë të Kombeve të Bashkuara që përdorej si strehë.

Lajmet për vdekjet e fundit erdhën ndërsa miqtë dhe anëtarët e familjes së aktivistes turko-amerikane Aysenur Ezgi Eygi, e cila u qëllua dhe u vra nga një ushtar izraelit, mbajtën funeralin e saj në Turqi, shkruan skynews, përcjell Telegrafi.

Siç raportohet, 26-vjeçarja nga Seattle, e cila kishte nënshtetësi amerikane dhe turke, u varros në vendlindjen e saj në Didim në Detin Egje.

Eygi ka të ngjarë të jetë qëlluar “indirekt dhe pa dashje” nga forcat izraelite në Bregun Perëndimor të pushtuar më 6 shtator, ka thënë ushtria izraelite.

Ndërkohë, Antony Blinken, Sekretari amerikan i Shtetit, tha se do të kishte “pasoja” për vrasjen e saj.

“Ne nuk do ta lëmë gjakun e vajzës sonë në tokë dhe kërkojmë përgjegjësi dhe llogari për këtë vrasje”, tha Numan Kurtulmus, kryetari i parlamentit të Turqisë.

Ndryshe, pavarësisht thirrjeve për një armëpushim, Izraeli dhe Hamasi kanë akuzuar vazhdimisht njëri-tjetrin për kërkesa të reja dhe të papranueshme.

Ministria e Shëndetësisë e Gazës thotë se më shumë se 41,000 palestinezë janë vrarë që nga fillimi i luftës, ndërsa rreth 90% e popullsisë së saj prej 2.3 milionë banorësh janë zhvendosur. /Telegrafi/

The post Të paktën 14 të vrarë pas sulmit të fundit izraelit në Gazë appeared first on Telegrafi.

Si pasojë e sulmeve ajrore izraelite që goditën pjesën qendrore dhe jugore të Gazës, u vrarë të paktën 14 persona. Njëmbëdhjetë prej viktimave ndodheshin në një shtëpi, mes tyre tre gra dhe katër fëmijë.

Një nga sulmet goditi një tendë në qytetin Khan Younis ku strehohen palestinezë të zhvendosur nga lufta bëri të ditur të shtunën Mbrojtja Civile e Gazës.

Sulmet e së shtunën pasojnë ato të kryera në fillim të kësaj jave, që goditën një kamp me tenda të martën dhe një shkollë të Kombeve të Bashkuara të mërkurën.

Ndërkohë në Turqi, u zhvillua ceremonia e varrimit të aktivistes 26 vjeçare turko-amerikane Aysenur Ezgi Eygi, e cila u varros në qytetin e saj të lindjes në Didim.

Ushtria izraelite tha se aktivistja, e cila jetonte në Siatëll të SHBA-së, ka të ngjarë të jetë qëlluar “indirekt dhe pa dashje” nga forcat izraelite në Bregun e pushtuar Perëndimor, më 6 shtator. Turqia njoftoi se do të kryejë hetimin e saj mbi rastin. Një protestuese izraelite, dëshmitare në vendngjarje tha se aktivistja u vra pas një demonstrate kundër vendbanimeve izraelite./VOA

The post Izraeli godet Gazën, 14 viktima appeared first on Lapsi.al.

Forcat e Mbrojtjes të Izraelit (IDF) thonë se kanë goditur objektet e Hamasit, të cilat janë shfrytëzuar për të kryer sulme dhe prodhuar armë pranë një shkolle në Gaza.

Aeroplanët luftarakë izraelitë goditën dy ndërtesa në lagjen Sheikh Radwan pranë një shkolle që përdoret si strehë për palestinezët e zhvendosur.

Ushtria pretendon se ndërtesat janë përdorur nga operativët e Hamasit për sulme të ndryshme dhe prodhimin e armëve.

آثار غارة الاحتلال التي استهدفت مصنعا لتدوير البلاستيك قرب مدرسة دار الأرقم شمال غربي مدينة غزة pic.twitter.com/8WY2nr0Dq1

— وكالة شهاب للأنباء (@ShehabAgency) September 14, 2024

IDF mohon raportet palestineze se objektivi i sulmit ishte një fabrikë karburanti në zonë, pranë shkollës Dar al-Arqam.

Mbrojtja Civile e drejtuar nga Hamasi raportoi se pesë persona u vranë në sulm.

Ndryshe, prej 7 tetorit të vitit 2023, mbi 40 mijë palestinezë dhe 1478 izraelitë janë raportuar si të vrarë në luftën Izrael-Hamas. /Telegrafi/

The post Izraeli thotë se ka goditur infrastrukturën e Hamasit appeared first on Telegrafi.

Ushtria izraelite vazhdon të sulmojë Rripin, duke vrarë disa palestinezë në sulmet në qytetin e Gazës dhe Khan Younis, një ditë pasi të paktën 19 persona u vranë. Ka përfunduar zyrtarisht faza e parë e fushatës së vaksinimit të poliomielitit të udhëhequr nga OKB. Gjatë 15 ditëve, rreth 560,000 fëmijë morën dozën e parë të […]

The post Njëmbëdhjetë të vrarë nga një një sulm në një shtëpi në Gaza appeared first on FaxWeb.

Sekretari i Përgjithshëm i OKB-së Antonio Guterres kritikoi sot Izraelin për “sabotim të përditshëm” të zgjidhjes me dy shtete dhe shprehu keqardhjen që, siç tha ai, politikanët izraelitë po shtrembërojnë fjalët e tij për të bërë të duket se ai mbështet Hamasin.

Në një intervistë me agjencinë spanjolle Efe, ai tha se mënyra se si Izraeli po e zhvillon luftën në Gaza është “plotësisht e papranueshme, me numrin më të madh të viktimave që ai ka parë gjatë mandatit të tij si kreu i OKB-së.

Guterres i karakterizoi ngjarjet në Bregun Perëndimor të pushtuar si “konfiskim të tokës palestineze”, që, sipas tij, përfaqëson “sabotim të përditshëm të zgjidhjes së nevojshme me dy shtete”.

/abcnews.al

Udhëheqësi i Hamasit, Yahya Sinwar, i ka shkruar një letër të rrallë shefit të Hezbollahut, Hassan Nasrallah, sipas grupit militant libanez, në të cilën ai rikonfirmon angazhimin e tij për të luftuar Izraelin dhe mbështetjen e aleancës së militantëve rajonalë të mbështetur nga Irani, të njohur si “Boshti i Rezistencës”.

Sinwar, udhëheqësi politik i Hamasit, i cili besohet se fshihet nën tokë në Gaza, raportohet se i tha Nasrallah se grupi është i përkushtuar ndaj rrugës së rezistencës të ndjekur nga paraardhësi i tij i vrarë Ismail Haniyeh dhe ndaj “unitetit të Umetit (kombit Islamik), në zemrën e të cilit është Boshti i Rezistencës, përballë projektit sionist.”

Bëhet e ditur se letra, e shpërndarë nga Hezbollahu, u shkrua për të treguar mirënjohjen për luftën e vazhdueshme të Hezbollahut kundër Izraelit, e cila filloi më 8 tetor, vetëm një ditë pasi militantët e udhëhequr nga Hamasi sulmuan Izraelin që shkaktoi një sulm shkatërrues izraelit në Gaza.

Një nga njerëzit më të kërkuar të Izraelit, Sinwar nuk është parë që nga lufta.

Ai gjithashtu nuk ishte dëgjuar publikisht për gati një vit – deri këtë javë.

Së fundmi, ai lëshoi ​​deklaratën e tij të parë që nga lufta, duke uruar presidentin algjerian Abdelmadjid Tebboune për fitoren e tij në zgjedhje.

Nuk vonoi shumë dhe zyra e tij tha se ai shkroi letra duke falënderuar ata që ofruan ngushëllime për vdekjen e Haniyeh.

Dhe të premten erdhi letra për Nasrallah, shkruan CNN, përcjell Telegrafi.

“Ai po përpiqet të thotë se jam këtu, jam gjallë, jam shumë i komanduar. Unë jam vazhdimisht i përditësuar dhe i vetëdijshëm për gjithçka që ndodh jashtë Gazës”, tha Muhammad Shehada, një shkrimtar dhe analist nga Gaza.

“Ai dëshiron të tregojë se është në gjendje të operojë në fronte të shumta, në frontin e brendshëm – në fushën e betejës në Gaza – dhe në frontin diplomatik – ndërmjetësime”, shtoi ai.

Audienca e synuar për letra të tilla, tha ai, është kryesisht e Izraelit, të cilit Sinwar po përpiqet t’i tregojë se pavarësisht përpjekjeve për ta gjetur atë, ai është ende në gjendje të vazhdojë të punojë pa ndërhyrje.

Objektivi tjetër, shtoi Shehada, është Hamasi, duke përfshirë “skeptikët nga brenda lëvizjes apo edhe ndërmjetës si Katari, SHBA-ja dhe Egjipti, të cilët dyshojnë se ai mund të jetë në gjendje të përmbushë rolin e tij udhëheqës nga tunelet në Gaza”.

Ndryshe, Sinwar u emërua lider politik i Hamasit pasi Haniyeh u vra në kryeqytetin iranian Teheran në korrik.

Ai shihet si më i ashpër se paraardhësi i tij në marrëdhëniet me Izraelin dhe favorizon bashkëpunimin dhe lidhjet më të ngushta me Iranin dhe grupet aleate islamike si Hezbollahu.

Shehada tha se Sinwar është “një nga avokatët më të fortë të një marrëdhënieje më të fortë me Hezbollahun dhe Iranin, dhe thellimin e aleancës me Boshtin e Rezistencës”.

“Ai perceptohet në lëvizje si pragmatik, por në të njëjtën kohë shumë i paparashikueshëm dhe impulsiv”, tha ai.

Në letrën e tij drejtuar Nasrallahut, Sinwar u zotua të vazhdojë të mbrojë vendet e shenjta islame, veçanërisht xhaminë Al Aksa të Jerusalemit “deri në dëbimin dhe zhdukjen e pushtimit nga toka dhe krijimin e shtetit të pavarur me sovranitet të plotë dhe kryeqytetin e tij Jerusalemin”. /Telegrafi/

The post Pas pothuajse një viti i fshehur nën tokën e Gazës, lideri i Hamasit thyen heshtjen appeared first on Telegrafi.

Të paktën 563 palestinezë kanë vdekur në sulmet që Izraeli ka kryer që nga 7 tetori 2023 e deri më tani ndaj shkollave që i përkasin Agjencisë së Kombeve të Bashkuara për Ndihmë dhe Punë për Refugjatët Palestinez në Lindjen e Afërt (UNRWA) në Gaza. Sipas deklaratës së bërë nga UNRWA më 11 shtator, 190 […]

The post Mbi 500 të vrarë deri më tani në sulmet e Izraelit ndaj shkollave të OKB-së në Gaza appeared first on FaxWeb.

Forcat e Mbrojtjes së Izraelit (IDF) u shprehën se rreth 20 raketa janë gjuajtur në qytetin verior izraelit, Safed gjatë natës, duke thënë se shumica janë kapur ose janë ulur në zona të hapura. IDF ka njoftuar se askush nuk është lënduar. Një fotografi e publikuar nga televizioni publik, Khan tregon dëme të vogla në […]

The post Konflikti/ Hezbollahu lëshon 20 raketa drejt territorit të Izraelit appeared first on FaxWeb.

Organizata Botërore e Shëndetësisë tha të enjten se kishte evakuuar rreth 100 njerëz, përfshirë dhjetëra fëmijë nga Gaza në Emiratet e Bashkuara Arabe, duke bërë thirrje që të rifillonin transferimet e rregullta mjekësore jashtë enklavës. “Ky ishte evakuimi më i madh deri më tani nga Gaza që nga tetori i vitit 2023,” tha për gazetarët […]

The post OBSH evakuon afro 100 pacientë nga Gaza në operacionin më të madh deri tani appeared first on FaxWeb.

Dhjetëra mijëra qytetarë dolën në rrugët e Melburnit, kryeqytetin e shtetit Victoria të Australisë duke protestuar kundër shitjeve të armëve nga qeveria ndaj Izraelit.

Sipas lajmit të “9newscom”, në Melburn dhjetëra mijëra demonstrues kundër luftës kanë mbajtur protestën më të madhe të viteve të fundit rreth zonës në të cilën që nga e shtuna mbahet Panairi i Mbrojtjes së Forcave Tokësore.

Protestuesit i bënë thirrje Australisë të mos i shesë armë Izraelit ndërsa masa të gjera sigurie u morën rreth zonës së panairit pasi numri i grupit arriti në dhjetëra mijëra.

Teksa pritet që protestat të vazhdojnë dhe numri i pjesëmarrësve të rritet, ministri i Thesarit të Shtetit Victoria, Tim Pallas tha se panairi në fjalë ishte planifikuar para ngjarjeve në Gaza. Ai vuri në dukje se për shkak të protestave janë mobilizuar mijëra policë dhe miliona dollarë fonde sigurie të financuara nga taksat.

Organizatorja e protestës, Nathalie Farah në një deklaratë për media tha se “Duam që Australia të mos bëhet partnere e krimit, sepse furnizimi i Izraelit me armë është në kundërshtim me ligjin ndërkombëtar”.

Kryeministrja e shtetit Victoria, Jacinta Allan tha se “nuk ka vend për sjellje shkatërruese” në Victoria, ndërsa deputetja e të Gjelbërve, Gabrielle de Vietri tha se ajo nuk do të shkonte në parlament për të marrë pjesë në protestë dhe se do të qëndronte pranë atyre që protestojnë kundër panairit të armëve.

The post Mijëra qytetarë protestojnë në Australi: Mos i shisni armë Izraelit appeared first on Albeu.com.

Dhjetëra mijëra qytetarë dolën në rrugët e Melburnit, kryeqytetin e shtetit Victoria të Australisë duke protestuar kundër shitjeve të armëve nga qeveria ndaj Izraelit.

Sipas lajmit të “9newscom”, në Melburn dhjetëra mijëra demonstrues kundër luftës kanë mbajtur protestën më të madhe të viteve të fundit rreth zonës në të cilën që nga e shtuna mbahet Panairi i Mbrojtjes së Forcave Tokësore.

Protestuesit i bënë thirrje Australisë të mos i shesë armë Izraelit ndërsa masa të gjera sigurie u morën rreth zonës së panairit pasi numri i grupit arriti në dhjetëra mijëra.

Teksa pritet që protestat të vazhdojnë dhe numri i pjesëmarrësve të rritet, ministri i Thesarit të Shtetit Victoria, Tim Pallas tha se panairi në fjalë ishte planifikuar para ngjarjeve në Gaza. Ai vuri në dukje se për shkak të protestave janë mobilizuar mijëra policë dhe miliona dollarë fonde sigurie të financuara nga taksat.

Organizatorja e protestës, Nathalie Farah në një deklaratë për media tha se “Duam që Australia të mos bëhet partnere e krimit, sepse furnizimi i Izraelit me armë është në kundërshtim me ligjin ndërkombëtar”.

Kryeministrja e shtetit Victoria, Jacinta Allan tha se “nuk ka vend për sjellje shkatërruese” në Victoria, ndërsa deputetja e të Gjelbërve, Gabrielle de Vietri tha se ajo nuk do të shkonte në parlament për të marrë pjesë në protestë dhe se do të qëndronte pranë atyre që protestojnë kundër panairit të armëve.