Pretendohet se kryeministri izraelit, Benjamin Netanyahu po mendon të shkarkojë ministrin e Mbrojtjes, Yoav Gallant për shkak se është kundër një sulmi të madh ndaj Libanit.

Në lajmin e publikuar në gazetën “Haaretz”, vihet në dukje se nga Zyra e Netanyahut kanë qarkulluar së fundmi mesazhe ku thuhet se kryeministri i ka bërë thirrje ushtrisë izraelite të sulmojë Libanin në shkallë të gjerë, por që ministri i Mbrojtjes e ka kundërshtuar këtë.

Në lajmin e bazuar në burime anonime politike, pretendohet se Netanyahu ka përgatitur terrenin për të shkarkuar Gallantin, pavarësisht nëse realizohet apo jo sulmi në Liban.

Gjithashtu edhe ministri i Sigurisë Kombëtare i ekstremit të djathtë të Izraelit, Itamar Ben-Gvir në postimin në llogarinë e tij në median sociale tha se prej muajsh i ka bërë thirrje Netanyahut të shkarkojë Gallantin dhe se ka ardhur koha që ta bëjë menjëherë këtë.

“Në veri duhet të jepet një vendim dhe Gallant nuk është njeriu i duhur për ta bërë këtë”, tha Ben-Gvir.

Televizioni shtetëror izraelit KAN raportoi se Zyra e Netanyahut e ka mohuar pretendimin në fjalë.

Ministri izraelit i Mbrojtjes, Yoav Gallant në bisedën me sekretarin amerikan të Mbrojtjes, Lloyd Austin, mbrojti idenë se është duke humbur mundësia për marrëveshjeje me Hezbollahun me të cilin vazhdon konflikti.

Në një deklaratë me shkrim nga Ministria izraelite e Mbrojtjes thuhet se Gallant zhvilloi bisedë telefonike me sekretarin amerikan të mbrojtjes, Lloyd Austin. Në bisedë thuhet se të dy palët kanë diskutuar përpjekjet për marrëveshje lidhur me lirimin e pengjeve izraelite në Rripin e Gazës.

Gallant pretendon se Huthit në Jemen “përbëjnë kërcënim rajonal” dhe se “Hezbollahu vazhdon të jetë i lidhur me Hamasin dhe se po humbet mundësia për marrëveshjeje me Hezbollahun” me të cilin vazhdon konflikti në veri.

Pasi Izraeli filloi sulme në Rripin e Gazës, që nga 8 tetori 2023 e deri më tani mbi “Vijën Blu” kanë vazhduar përleshjet e ndërsjella midis ushtrisë izraelite dhe grupeve libaneze e palestineze në Liban, veçanërisht Hezbollahut.

Sipas Institutit për Studimin e Luftës (ISW), forcat ukrainase kanë arritur përfitime në rajonin e Kurskut të Rusisë, duke pushtuar disa fshatra si pjesë e ofensivës së saj ndërkufitare në vazhdim.

Mediat e huaja thonë se raporti pretendon se trupat ukrainase përparuan në rrethin Glushkovo të shtunën, pranë fshatrave Tyotkino dhe Sudzha, duke cituar raporte nga burime ukrainase dhe ruse.

Për më tepër, blogerët ushtarakë rusë pranuan se forcat ukrainase kishin marrë kontrollin e Veseloye. Raportet nga burimet ushtarake ruse tregojnë se forcat ukrainase vazhduan operacionet sulmuese në disa zona, duke përfshirë Obukhovka dhe Novy Put, midis 13 dhe 14 shtatorit. Zyrtarët ukrainas kanë pohuar se shtytja agresive në territorin rus e ka detyruar Moskën të forcojë praninë e saj ushtarake në rajon.

Zëdhënësi i komandës operacionale të Ukrainës Pivnich (Veriu) Vadym Mysnyk tha të shtunën se Rusia ka rritur trupat e saj në rajonin e Kurskut nga 11,000 personel përpara inkursionit në gusht, në rreth 30,000 deri në 45,000 tani.

Më 6 gusht, Kievi filloi operacionin që dukej se kishte zënë në befasi presidentin rus Vladimir Putin – madje edhe aleatët e Ukrainës. Udhëheqësi i NATO-s, Jens Stoltenberg, theksoi se aleanca nuk mori asnjë paralajmërim për synimet e Ukrainës atje.

Dhe ISW ka lëshuar një hartë të përditësuar që thuhet se tregon shtrirjen e përparimit ukrainas në Kursk, duke treguar se ushtria po përparon në veri krahasuar me të mërkurën e kaluar.

Më 16 shtator shënohet dyvjetori i vdekjes së Mahsa Amini, vajzës 22-vjeçare që humbi jetën në Teheran, pasi u vu në paraburgim nga policia për shkak se ajo nuk mbante mbulesën e duhur , e cila ka qenë e detyrueshme në Republika Islamike, që nga themelimi i saj.

Ngjarja dhe vdekja e tij shkaktuan një valë protestash antiqeveritare, të cilat u përhapën nga kryeqyteti iranian në shumë qytete të tjera të Iranit dhe vazhduan për muaj të tërë, pavarësisht represionit të ashpër nga policia.

Rrethanat e vdekjes së të resë, e cila prej dy ditësh në momentin e vdekjes ishte në gjendje kome, mbeten të diskutueshme.

Sipas versionit zyrtar, vajza ka ndërruar jetë për shkak të komplikimeve të një operacioni kirurgjik që i ishte nënshtruar në fëmijëri, ndërsa sipas aktivistëve, Mahsa Amini ka ndërruar jetë si pasojë e goditjeve në kokë dhe organeve vitale të pësuar gjatë qëndrimit në paraburgim.

Sipas raporteve të agjencisë për aktivistët iranianë për të drejtat e njeriut ”Hrana”, gjatë protestave rreth 500 persona, kryesisht demonstrues, humbën jetën gjatë përleshjeve, ndërsa rreth 20 mijë u arrestuan dhe u dënuan me vdekje 9 persona, të cilët u varën.

Lëvizja ”Gruaja, Jeta, Liria” ka ripërcaktuar rolin e popullit përballë sundimit tiranik, duke imponuar një ndërgjegjësim të ri që ngjall frikë brenda këtij regjimi teokratik”, deklaroi fituesja e çmimit Nobel për Paqja Iraniane Narges Mohammadi, në një letër nga burgu Evin në Teheran, ku aktivistja ndodhet prej vitesh dhe ku dje 34 të burgosur filluan një grevë urie për të përkujtuar Mahsa Amini, dy vjet pas vdekjes së saj.

TIRANË- Në Shqipëri po zhvillon punimet Konferenca Ekonomike për Ballkanin Perëndimor, ndërsa në të mbajtën fjalën figura të ndryshme të politikës amerikane dhe jo vetëm.

Drejtuesja për Evropën Jugore e Qendrore në DASH, Colleen Hyland, tha se vendet e Ballkanit Perëndimor fillimisht duhet të unifikohen si një treg mes tyre dhe më pas të mund të bëhen pjesë  e një tregu më të gjerë, siç është ai i Bashkimit Evropian.

Ajo tha se SHBA do të jetë aty për të ndihmuar shtetet për ta çuar përpara iniciativën e tyre ekonomike.

Zyrtarja e DASH shtoi se vendet përkatëse duhet të bëjnë më shumë për të luftuar korrupsioni pasi integrimi në BE nuk është vetëm çështje dëshire, por një shpërblim që bazohet tek arritjet e secilit prej vendeve që aspirojnë familjen dhe vlerat perëndimore.

“Elementi tregtar është një nga tiparet e e zhvillimit të Ballkanin Perëndimor, jo vetëm si rajon, në fillim duhet të integrohen si rajon dhe më pas mund të bëhen pjesë integrale e tregut të Evropë.  Ju duhet ta bëni punën për të arritur aty. Ne si SHBA do t’ju ndihmojnë për të arritur atje. Korrupsioni duhet të mbahet nën kontroll dhe të gjitha këto duan kohë dhe fokus dhe ne jemi të gatshëm t’u mbështesim për këtë. Ajo që ne nxisim, është që Shqipëria të marrë në konsideratë cilësinë e investimeve që mund të vijnë në rrugë të saj, gjithashtu natyrën e qëndrueshëm të marrëdhënieve që zhvillohen dhe a ajanë ato në përputhje me idealet tuaja kombëtare, a ka ndonjë element të sigurisë kombëtare që duhet të merret parasysh?”, tha ajo./ abcnews.al

TIRANË- Nëntë persona janë arrestuar në flagrancë pasi kishin organizuar lojëra fati në kundërshtim me ligjin, në një lokal në Sharrë.

Policia e Tiranës thekson se është sekuestruar 1 tavolinë pokeri me çipsa, aparate celulare dhe një pajisje DVR. Grupi hetimoir ka nisur punën për zbardhjen e veprimtarisë së tyre./ abcnews.al

Është publikuar emri i të dyshuarit për atentatin në tentativë ndaj kandidatit republikan për president Donald Trump. New York Times dhe Fox News Channel njoftuan se ishte 58-vjeçari Ryan Wesley Routh nga Hawaii.

Një dëshmitar e pa sulmuesin dhe arriti të bënte një foto të makinës dhe targave të tij, gjë që bëri që zëvendësit e sherifit ta dallonin dhe ta ndalonin atë në një qark fqinj.

“Ai është aktualisht në paraburgim,” tha Sherifi i Qarkut Palm Beach, Ric Bradshaw.

Trump u dërgua në siguri sapo u vu re sulmuesi. Ai më pas ka bërë të ditur vetë në rrjetet sociale se është mirë.

Një zyrtar i policisë pa emër tha se Trump ishte 300-400 metra larg nga sulmuesi, domethënë një ose dy vrima në fushën e golfit.

Duke folur për mediat amerikane, djali i Routh, Oran, e përshkroi atë si një “baba të kujdesshëm dhe të dashur”. “Unë nuk e di se çfarë ndodhi në Florida dhe shpresoj se gjithçka është e ekzagjeruar. Ai nuk është një njeri që do të bënte diçka të tillë,” tha Oran në një deklaratë për CNN.

BBC Verify gjeti profile të mediave sociale që përputhen me atë emër. Ato tregojnë se Routh ftoi luftëtarët e huaj të shkonin në Ukrainë për të luftuar forcat ruse. Në profilin e tij ka gjithashtu mesazhe pro-palestineze, pro-Tajvani dhe anti-kineze, duke përfshirë akuzat për “luftë biologjike” kineze dhe referenca për Covid-19 si një “sulm”.

Routh, i cili nuk kishte përvojë ushtarake, i tha New York Times në vitin 2023 se ai udhëtoi për në Ukrainë menjëherë pas fillimit të pushtimit rus në 2022 për të gjetur rekrutë ushtarakë midis ushtarëve afganë që kishin ikur nga talebanët. “Ne ndoshta mund të blejmë disa pasaporta përmes Pakistanit pasi është një vend kaq i korruptuar,” tha ai.

Routh i tha gjithashtu Times se ai kishte një takim në Uashington me Komisionin e SHBA për Sigurinë dhe Bashkëpunimin në Evropë për të ndihmuar në sigurimin e më shumë mbështetje për Ukrainën.

Ai duket se ka qenë i përfshirë në rekrutimin që në fillim të kësaj vere, duke shkruar në Facebook në korrik: “Ushtarë, ju lutem mos më telefononi. Ne jemi ende duke u përpjekur që Ukraina të pranojë ushtarë afganë dhe shpresojmë të marrim disa përgjigje në afërsi. e ardhmja .. kërkoj durimin tuaj.”

Në qershor 2022, Routh foli gjithashtu me degën rumune të Newsweek, gjithashtu për përpjekjet për të rekrutuar vullnetarë për Legjionin e Mbrojtjes Ndërkombëtare të Ukrainës, një njësi e forcave tokësore të Ukrainës. “Për mua, shumë konflikte botërore janë gri, por ky është padyshim bardh e zi,” tha Routh në atë kohë. “Kjo është një histori e së mirës kundër së keqes.”

Raportet e hershme sugjeruan se Routh kishte një dosje kriminale. Sipas burimeve të CBS, Routh u akuzua dhe u dënua për krime të shumta në Guilford County, Karolina e Veriut midis 2002 dhe 2010.

Veprat penale përfshijnë mbajtjen e një arme të fshehur, rezistencën ndaj arrestimit, drejtimin e mjetit me patentë të pezulluar, vjedhjen dhe shkaktimin e një aksidenti dhe ikjen nga vendi i një aksidenti.

Duke nisur nga kjo e hënë (16.09.2024) policia e Gjermanisë do të kontrollojë jo vetëm personat, që hyjnë në kufijtë lindorë dhe jugorë të vendit, por edhe në kufijtë veriorë dhe perëndimorë. Kjo së paku për gjashtë muaj. Rregullorja e re prek kalimet kufitare nga Danimarka, Holanda, Belgjika, Luksemburgu dhe Franca.

Duke qenë se Gjermania ndodhet në mes të “zonës Shengen”, kontrollet shtesë mund të çojnë në vështirësimin e lëvizjes së njerëzve dhe mallrave. Kryeministri polak, Donald Tusk kritikoi se Gjermania do të rrezikonte të gjithë sistemin Shengen me kontrollet e saj të përgjithshme. Në fakt udhëtimi në zonën Shengen është i mundur pa kontrolle identiteti dhe pa radha pritjeje, pasaporta duhet të tregohet vetëm në kufijtë e jashtëm të saj dhe në aeroporte.

Shengen: kontrollet vetëm si mjeti i fundit

Kontrollet në kufijtë e brendshëm të zonës Shengen planifikohen vetëm në kushte të caktuara. Megjithatë janë vetë shtetet anëtare që vendosin, nëse kushtet janë përmbushur, dhe ata pastaj duhet t`i regjistrojnë kontrollet në Komisionin e BE në Bruksel.

Qendra e BE-së mund t`i kritikojë kontrollet kufitare, por këtë nuk e ka bërë asnjëherë deri tani. Vetëm ka theksuar se kontrollet kufitare duhet të jenë një përjashtim dhe “zgjidhja e fundit”, siç tha së fundmi Anitta Hipper, zëdhënësja e Komisionit të BE. Për më tepër sipas kodeksit kufitar të Shengenit, të ndryshuar së fundmi, kontrollet vendosen “përkohësisht”, më së shumti për tre vjet.

Këtë hap të Gjermanisë ministrja e Brendshme Nancy Faeser (SPD) e justifikon me numrin e lartë të emigrantëve, që hyjnë në vend ilegalisht dhe me mbingarkimin e sistemit të azilit.

Qindra përjashtime nga rregullorja e zonës Shengen

Gjermania nuk është e vetmja, që zgjeron kontrollet kufitare. Tetë anëtarë të tjerë të Shengenit kanë vendosur ndërkohë kontrolle në kufijtë e brendshëm. Që nga viti 2006 në shtetet e zonës Shengen janë regjistruar gjithsej 441 masa kontrolli. Franca kryeson. Që nga sulmet terroriste islamiste të viteve 2015 dhe 2016 Parisi i ka rezervuar vetes të drejtën për të kontrolluar vazhdimisht të gjithë kufijtë tokësorë. Kontrollet zgjaten shpesh për arsye të ndryshme, si kërcënimi i terrorizmit, presioni i migracionit, spiunazhi rus apo ngjarjet e mëdha sportive. Edhe Gjermania kontrollon kufirin me fqinjin e saj jugor Austrinë që nga viti 2015 me shpjegimin, se dëshiron të zvogëlojë numrin e azilkërkuesve që hyjnë në vend dhe rrezikun e terrorizmit. Austria nga ana tjetër kontrollon kufijtë e saj me Sllovakinë, Republikën Çeke, Hungarinë dhe Slloveninë për të njëjtat arsye.

Kontrollet arritën kulmin e tyre gjatë pandemisë së koronës katër vjet më parë, kur pothuajse të gjitha vendet e Evropës Qendrore donin të luftonin përhapjen e virusit përmes kontrolleve të pasaportave dhe mbylljes së pjesshme të kufijve. Në atë kohë pati bllokime të gjata trafiku dhe shumë pakënaqësi tek udhëtarët dhe spedicionet e mallrave.

Kontrolle sporadike në autostrada

Për shembull kontrollet mes landit gjerman të Bavarisë dhe Austrisë, sipas ministrit të Brendshëm bavarez Joachim Herrmann, kufizohen në inspektime vizuale dhe kontrolle sporadike në autostrada. Kjo do të thotë që jo çdo personi duhet t`i kontrollohen dokumentet. Vetëm automjetet, që duken të dyshimta, nxirren nga radha. Kontrollet në autostradat gjermane janë po ashtu të mundshme, thotë Hermann, por jo në të gjithë territorin dhe gjatë gjithë kohës.

Faeser synon të pengojë hyrjet

Ministrja e Brendshme Nancy Faeser dëshiron që me kontrollet e reja të zbulojë njerëzit, që përpiqen të hyjnë në vend “pa leje”. Megjithatë atyre mund t’u refuzohet hyrja në kufi vetëm, nëse nuk paraqesin kërkesë për azil. E parë teknikisht, në kufirin me Austrinë ata nuk do të hynin aspak në Gjermani, por do të vazhdonin të ishin në Austri. Prandaj refuzimi formal sipas rregullave të BE nuk është i nevojshëm në këto raste, argumenton ministri i Brendshëm bavarez Joachim Hermann. Megjithatë, kur bëhet një kërkesë për azil në kufi, autoritetet gjermane duhet të verifikojnë, nëse është në kompetencën e tyre apo nëse personi, që hyn në vend, ka bërë ose mund të kishte bërë një kërkesë për azil në një vend tjetër të BE.

Pastaj ky person mund të kthehej në vendin, ku ka aplikikuar fillimisht për azil ose ku ka prekur së pari zonën Shengen – nëse ai vend bie dakord. Këto procedura sipas të ashtuquajturave rregulla të Dublinit zgjasnin tani deri me muaj. Tani, siç kërkon ministrja e Brendshme gjermane Nancy Faeser, kërkimet në bazat e të dhënave të BE për azilin dhe negociatat me shtetet përkatëse të BE duhet të përshpejtohen. Kështu azilkërkuesit duhet të lihen pranë kufirit gjerman dhe madje të burgosen, nëse ekziston rreziku i arratisjes. Por landet gjermane duhet t’i ngrenë njëherë këto kampe pranë kufirit.

50 për qind nuk kanë mundur të hyjnë

Policia gjermane bën të ditur se nga janari deri në korrik të këtij viti 34.000 persona kanë dashur të hyjnë ilegalisht në Gjermani. 17.000 personave u është refuzuar hyrja menjëherë në kufi. Gjysma tjetër mundi të hynte në vend dhe rastet po trajtohen sipas rregullave të Dublinit. Vitin e kaluar policia gjermane kapi në kufi 127.000 persona, të cilët donin të hynin ilegalisht në vend. Një së katërtës iu refuzua hyrja që në kufi. Se sa i lartë është numri i tentativave të paraportuara për të kaluar kufitin dhe sa të tjerë mund të ishin zbuluar me më shumë kontrolle kufitare, është e paqartë.

Hungaria ndjen kënaqësi

Hungaria, e cila aktualisht ka presidencën e radhës të Këshillit të BE, u shpreh duke komentuar me njëfarë ligësie kontrollet kufitare gjermane. Për vite me radhë Hungaria është kritikuar dhe akuzuar për qëndrimin e saj të ashpër kundër migracionit të paligjshëm. “Tani duket se ata, që e kanë refuzuar gjithmonë qasjen tonë, po e ndjekin vetë atë. Është komike, sesi disa vite dhe një krizë migrimi mund ta ndryshojnë mendimin”, thuhet në një deklaratë për shtyp të qeverisë së djathtë populiste në Budapest./ DW

Kjo e hënë, datë 16 shtator, shënon Ditën Ndërkombëtare të Mbrojtjes së Shtresës së Ozonit.  Më 1994 Asambleja e Përgjithshme e Kombeve të Bashkuara vendosi 16 shtatorin si Ditën Ndërkombëtare të Mbrojtjes së Shtresës së Ozonit, e cila kujton datën e nënshkrimit, në 1987, të Protokollit në Montreal mbi substancat që e hollojnë shtresën e Ozonit.

Shtresa e Ozonit, një mburojë e brishtë e gazit, mbron Tokën nga pjesa e dëmshme e rrezeve të diellit, duke bërë ruajtjen e jetës në planetin Tokë.

Jeta në tokë do të ishte pothuajse e pamundur nga efekti shkatërrues i këtyre rrezeve. Dëmtimi i shtresës së ozonit ndikon në jetën në tokë duke krijuar efektin serë dhe ngrohjen globale, dhe shtresa më e përqendruar e ozonit shtrihet 20 – 40 km mbi sipërfaqen e tokës.

Si rezultat i masave të marra nga Protokolli i Montrealit, përqendrimi i substancave holluese të ozonit ka filluar të ulet dhe hollimi i shtresës së ozonit po vjen duke u pakësuar.

Një deklaratë mbresëlënëse i ka bërë vëzhguesit e hapësirës të mendohen: pohimi se njerëzit mund të zbarkojnë në Mars brenda katër viteve dhe të jenë duke jetuar atje në një qytet të vetëqëndrueshëm në 20 vjet të tjera.

Agjencia hapësinore e qeverisë amerikane, NASA, e cila po bashkëpunon me SpaceX për njohuri dhe teknologji për të çuar astronautët në planetin e kuq, beson se një ulje e parë me ekuipazh deri në vitin 2040 do të ishte “e guximshme”.

Por, nuk është hera e parë që miliarderi enigmatik Elon Musk ka paraqitur një plan të tillë. Në vitin 2016 ai tha se besonte se nisjet e para me ekuipazh në Mars mund të ndodhin brenda gjashtë viteve, edhe pse një raketë e rëndë për t’i fluturuar ato ishte ende në fazën e konceptit.

Nëse një vendbanim në Mars me një milion njerëz në dy dekada është një qëllim i pamundur, perspektiva e fluturimeve të rregullta të anijeve nga Toka në bordin e raketave Starship të gjeneratës së ardhshme të SpaceX, që transportojnë ngarkesa dhe eksploruesit e parë njerëzorë, është absolutisht e arritshme, thonë ata.

“Nëse do të diagnostikoja pse tani për të vendosur këtë afat kohor shumë agresiv për Marsin, është pjesërisht për të treguar se SpaceX nuk po ngadalësohet, dhe është ende startup-i inovativ”, tha Matthew Weinzierl, profesor i administrimit të biznesit në Shkollën e Biznesit të Harvardit, i specializuar në ekonominë e hapësirës.

Weinzierl vuri në dukje se të ardhurat nga operacionet e tjera të hapësirës komerciale të Musk, veçanërisht sistemi i internetit satelitor Starlink dhe rrjeti i tij simotër i militarizuar Starshield, janë thelbësore për financimin e objektivave të tij, shkruan the Guardian

Por, ngjashëm me raketat e riciklueshme Falcon dhe kapsulat Dragon që e kanë bërë transportin me kosto të ulët të astronautëve në Stacionin Ndërkombëtar të Hapësirës pothuajse rutinë, modeli i rinovimit dhe ripërdorimit të SpaceX mund të funksionojë edhe për Marsin.

“Është gjithmonë e vështirë të dihet saktësisht se si SpaceX po i llogarit këto gjëra sepse është private, por mund ta imagjinoni se si ata e mendojnë këtë si diçka që mund ta financojnë në mënyrë të pavarur me të ardhurat nga këto linja biznesi, të cilat ata do të përpiqen të vazhdojnë t’i rrisin me fonde shtesë nga investitorët dhe mbështetësit e tyre të shumtë, dhe potencialisht më shumë financime publike”, shtoi Weinzierl.

“Por vendosja e një milion njerëzve në Mars? Kjo është një pyetje krejtësisht tjetër”, vazhdoi ai.

Pushtimi i sfidave praktike dhe teknike të një sipërmarrjeje të tillë është një tjetër pengesë, duke qenë se Starship ka kryer vetëm katër fluturime testuese, ku dy të parat kanë përfunduar me shpërthime të zjarrta.

Një fluturim i pestë i planifikuar eksperimental u ndalua këtë javë të paktën deri në nëntor për shkak të shqetësimeve mjedisore.

Për më tepër, një anije kozmike cisternë ende e pazhvilluar do të nevojitet për të furnizuar me karburant Starship në orbitë, në mënyrë që të mund të mbajë një ngarkesë prej 100 tonësh, ose ekuipazhe prej 100 personash në një kohë, në udhëtimin për në Mars.

“Ju po flisni për një kohë të konsiderueshme zhvillimi. Ndonëse nuk është e pamundur që kjo të mund të bëhet në kohë për një nisje dy vjet nga tani, është paksa e zgjatur”, tha Robert Zubrin, autor i Bota e Re në Mars: Çfarë mund të krijojmë në Planetin e Kuq.

“Starship do të bëhet funksional, unë mendoj se ai ka arritur aq larg sa të jetë i sigurt për ta thënë këtë”, tha Zubrin.

Weinzierl, ndërkohë, thotë se SpaceX është rritur si kompani deri në pikën që, nëse Musk nuk do të drejtonte më operacionet, mund të mos kishte rëndësi.

“Ata thjesht kanë një aftësi të jashtëzakonshme për të tërhequr talente dhe kjo flet për një kulturë që ata kanë ndërtuar dhe mirëmbajtur shumë qartë, e cila mund t’i detyrohet shumë, të paktën fillimisht, Elon Musk. Nuk ka dyshim se ai është një forcë unike në firmë dhe në shoqëri”, tha Weinzierl.

SHQIPËRI- Sipas MeteoAlb, vendi ynë përgjatë gjithë 24-orëshit pritet të jetë nën dominimin e alternimeve të kthjellimeve të shkurtra dhe vranësirave të shpeshta në të gjithë territorin  ku më të dukshme do të jenë në zonat veriore dhe qendrore duke sjellë reshje të pakta shiu.

Ndërsa në orët e pasdites; vranësirat do të shpeshtohen në të gjithë vendin duke sjellë rrebeshe afat-shkurta shiu; më të theksuara në zonat Jugore si edhe zonat përgjatë kufirit Lindor.

E njëjta situatë e paqëndrueshme meteorologjike do të na shoqërojë deri vonë në mbrëmje.

Temperaturat e ajrit do të ulen lehtë në mëngjes, por rriten maksimumet duke luhatur vlerat ditore nga 6°C vlera minimale e shënuar në qytetin e Pukës deri në 26°C vlera maksimale e cila do të shënohet në Elbasan dhe Cërrik.

Era do të fryjë mesatarisht me shpejtësi 35 km/h nga drejtimi Veriperëndimor; për pasojë në brigjet e Adriatikut dhe Jonit do të gjenerohet dallgëzim mbi 2 ballë./ abcnews.al

DASHI

Ajo që do të fillojë do të jetë një javë premtuese për sa i përket punës. Dashuria? Sfera sentimentale mund të shënojë ende një reduktim të romantizmit, gjithsesi e kompensuar nga një kapacitet i fortë për dialog me partnerin.

DEMI

Sipas horoskopit të Paolo Fox (e hënë 16 shtator 2024), një vendosmëri e ripërtërirë do të na lejojë të rikuperojmë disa situata të mbetura pezull në kohët e fundit. Dashuria është sigurisht më romantike se në të kaluarën e afërt, por sfera fizike do të mbizotërojë, me një dëshirë shumë të fortë për erotizëm.

BINJAKËT

Dashuria është ende romantike, shumë romantike, por ana fizike e marrëdhënies mund të jetë zhgënjyese. Për sa i përket punës, është koha për të bërë një hap prapa nga kërkesat e bëra kohët e fundit, duke treguar aftësi më të mëdha komunikimi me kolegët dhe punëdhënësit.

GAFORRJA

Ju pret një javë disi e mërzitshme. Përsa i përket ndjenjave, periudha kërkon më shumë vëmendje, veçanërisht për nevojat e partnerit. Mos u shqetësoni: do të mbeten momente të papritura pasioni.

LUANI

Sipas horoskopit të Paolo Fox (e hënë 16 shtator 2024), po përjetoni një periudhë të dobishme për t’u rikuperuar pas disa javësh bajate. Dashuria është shumë romantike dhe mendore, ndërsa fusha më fizike e marrëdhënies kërkon ende pak stërvitje.

VIRGJËRESHA

Ajo që do të nisë do të jetë një javë plot pasion. Dashuria? Gjatë orëve në vijim do të shijoni momente intimiteti të madh, veçanërisht nga ana mendore, me partnerin. Ana më fizike e marrëdhënies, megjithatë, mund të vuajë nga një reduktim në vendosmërinë që ka në dispozicion.

PESHORJA

Ajo që po fillon për ju do të jetë një javë shumë interesante edhe pse me disa pengesa të vogla për të kapërcyer. Dashuria? Marrëdhëniet janë ende shumë romantike, sidomos për çiftet e qëndrueshme, ndërsa beqarët mund të nxjerrin armët më të fundit të miqësisë.

AKREPI

Sipas horoskopit të Paolo Fox (e hënë 16 shtator 2024), do të keni një buzëqeshje të madhe në fytyrë. Sfera sentimentale është shumë mendore dhe intime, por mund të mungojë impulsi më erotik që karakterizon zakonisht shenjën. Për sa i përket punës, do të ishte më mirë të shmangeshin grindjet dhe debatet: vendosmëria e mirë duhet të drejtohet drejt projekteve pozitive dhe proaktive.

SHIGJETARI

Ju pret një javë me fat, gati për lajme të shumta në ditët në vijim. Jeta e dashurisë është shumë e ëmbël dhe intime, por momentet e pasionit të papritur mund të mungojnë. Për sa i përket punës, yjet garantojnë fat dhe para, për një periudhë vërtet ideale për të nisur një projekt të ri.

BRICJAPI

Gjatë orëve të ardhshme sigurisht që nuk do të mungojë vendosmëria, edhe nëse do të duhet të drejtohet në mënyrën e duhur. Dashuria është pak e mërzitshme, edhe pse ende romantike, megjithatë yjet i shpërblejnë beqarët me takime të reja dhe të zjarrta.

UJORI

Sipas horoskopit të Paolo Fox (e hënë 16 shtator 2024), ju pret një javë veçanërisht me fat. Sfera e dashurisë kërkon ende pak durim, veçanërisht pasi marrëdhënia mund të rezultojë shumë më pak romantike se zakonisht. Ambienti i punës është shumë më interesant, sepse do të ketë mundësi për të bërë aleanca të reja…

PESHQIT

Ju presin ditë shumë të forta. Sfera sentimentale dominohet nga fiziku, me dëshirën për të vënë në jetë fantazitë e reja dhe të djallëzuara me partnerin. Për sa i përket punës, ajo kërkon pak më shumë vëmendje, sidomos përsa i përket komunikimit me kolegët.

Shangai ndaloi lidhjet e transportit, tërhoqi anijet dhe mbylli pikat turistike, duke përfshirë Shangai Disney Resort të dielën, ndërsa po përgatitej për tajfunin Bebinca, në atë që mund të jetë cikloni më i fortë tropikal që goditi qendrën financiare kineze që nga viti 1949.

Tajfuni i kategorisë 1, me shpejtësi maksimale rreth 144 kilometra në orë, ishte rreth 500 kilometra në juglindje të Shangait që nga ora 13:00. Pritet të zbresë në tokë përgjatë bregut lindor të Kinës pas mesnatës të së hënës.

Stuhia më e fortë që ka goditur Shangai në dekadat e fundit ishte tajfuni Gloria në vitin 1949. Shanghai u kërcënua për herë të fundit nga një goditje direkte në vitin 2022 nga tajfuni i fuqishëm Muifa, i cili në vend të kësaj u ul 300 kilometra larg në qytetin Zhoushan, në provincën Zhejiang.

Shangai zakonisht është i kursyer nga tajfunet e forta që goditën më tej në jug të Kinës, duke përfshirë Yagi, një stuhi shkatërruese e Kategorisë 4 që gjëmonte përtej provincës jugore Hainan javën e kaluar, shkruan Reuters.

Një shpërthim i kamionit me gaz në një rrugë në gadishullin jugor të Haitit të shtunën vrau 24 persona dhe la gjysmën e 40 të mbijetuarve të plagosur me djegie të shkallës së tretë, tha qeveria.

Kryeministri i Haitit, Garry Conille, vizitoi vendin, pranë qytetit bregdetar të Miragoane në departamentin e Nippes, dhe tha se disa nga viktimat më të plagosura rëndë u evakuuan me helikopter për të marrë kujdes të specializuar.

Ambulancat po dërgoheshin gjithashtu sa më shpejt që të ishte e mundur për të marrë ndihmën e të tjerëve me djegie të rënda dhe për të lehtësuar spitalet e mbipopulluara lokale.

“Është një skenë e tmerrshme që sapo kemi përjetuar. Dhjetëra viktima janë të plagosur, të djegur rëndë”, tha Conille në një video të shpërndarë nga qeveria.

Të plagosurit ishin kryesisht burra, si dhe tre gra dhe një fëmijë, sipas një raporti nga shërbimet e urgjencës të Haitit, të cilat nuk dhanë detaje për identitetin e të vdekurve, raporton Reuters.

MALËSI E MADHE- Dy grupe të Forcave Speciale RENEA kanë mbërritur ne Malësi të Madhe, ndërsa kanë nisur kërkimet për lokalizimin dhe gjetjen e autorit, i cili plagosi me armë zjarri pistoletë dy persona, mëngjesin e kësaj të diele.

Referuar hetimeve paraprake, autori i dyshuar është Lul Rakaj.

Të plagosurit Besmir Qofi dhe Avenir Hasanaj janë dërguar në spitalin rajonal të Shkodrës./ abcnews.al

Në foto (majtas Agron Tufa, djathtas Kejsi Hysa)

TIRANË- Për 52-vjeçarin shqiptar, Agron Tufa, i dënuar me 30 vjet burg për vrasje ka ardhur ora për t’u përballur me drejtësinë shqiptare.

Pas disa vitesh në arrati, Tufa u gjurmua dhe u kap në Itali në janar të këtej viti dhe sot iu dorëzua autoriteteve shqiptare në Rinas.

Gjykata e Krujës e gjeti fajtor atë duke e dënuar në mungesë me 30 vjet burg për vrasjes e Kejsi Hysës në korrik të vitit 2018.

Sipas hetimeve, ka rezultuar se Agron Tufa së bashku me Hysni Ramën kanë ekzekutuar me armë zjarri 34-vjeçarin Kejsi Hysa dhe më pas i kanë djegur trupin viktimës.

Trupi  i 34-vjeçarit,Kejsi Hysa, u gjet pas disa ditës i groposur në një parcelë, pranë lumit në Nikël.

Ngjarja e rëndë, e cila tronditi Niklën ndodhi më 5 korrik 2018, brenda një parcele të mbjellë me hashash.

Në atë kohë policia arrestoi për krimin Hysni Ramën ndërsa Agron Tufa arriti të largohej nga Shqipëria./ abcnews.al

SHQIPËRI- Ekstradohet nga Italia në Shqipëri, Agron Tufa, i dënuar me 30 vjet burgim, për vrasje me dashje. Shqiptari u kap në Bari të Italisë në janar të këtij viti, gjatë operacionit policor të koduar “Informacioni”.

Ky shtetas ishte shpallur në kërkim ndërkombëtar, pasi në vitin 2021, Gjykata e Krujës e ka dënuar me 30 vjet burgim, për vrasje me dashje të kryer në bashkëpunim dhe për armëmbajtje pa leje.

Shtetasi Agron Tufa, në bashkëpunim me një tjetër peron, ka vrarë me armë zjarri, në Nikël, shtetasin K. H., dhe më pas e kanë djegur trupin e tij./ abcnews.al

MALËSI E MADHE- ABC News ka siguruar pamje nga vendi i ngjarjes ku mbetën të plagosur me armë zjarri dy persona në Vrakë të Malësisë së Madhe.

Sipas policisë, Lul Rakaj, dyshohet se ka qëlluar me armë zjarri dhe ka plagosur dy persona të tjerë, përkatësisht Besmir Qofi dhe Avenir Hasanaj. Ngjarja ndodhi në hyrje të një lokali në fshatin Vrakë.

Aktualisht nuk dihen rrethanat e kësaj ngjarjeje të rëndë, kurse dy të plagosurit janë transportuar me urgjencë drejt spitalit rajonal të Shkodrës. Policia ka ngritur pika kontrolli dhe po punon për lokalizmin dhe kapjen e autorit./ abcnews.al

MALËSI E MADHE– Dy persona mbetën të plagosur me armë zjarri mëngjesin e së dielës në fshatin Vrakë të Malësisë së Madhe.

Abc News ka mësuar se të plagosurit janë Besmir Qofi dhe Avenir Hasanaj. Po ashtu është identifikuar autori i dyshuar, i cili është Lul Rakaj

Ata janë transportuar me urgjencë në spitalin rajonal, ndërsa policia dhe grupi hetimor kanë nisur punë për zbardhjen e rrethanave./abcnews.al