Presidenti rus Vladimir Putin nxori një dekret për të rritur numrin e anëtarëve të Forcave të Armatosura të Federatës Ruse për shkak të nevojës për t’iu përgjigjur kërcënimeve aktuale ndaj vendit, tha sot sekretari i shtypit i Kremlinit, Dmitry Peskov.

“Kjo për shkak të kërcënimeve për vendin tonë në kufijtë tanë”. Kjo është shkaktuar nga situata jashtëzakonisht armiqësore në kufijtë perëndimorë dhe paqëndrueshmëria në kufijtë lindorë”, tha Peskov në përgjigje të pyetjes së një gazetari për arsyet pse Putin nënshkroi dekretin për rritjen e numrit të Forcave të Armatosura të Rusisë.

Peskov deklaroi se për shkak të këtyre kërcënimeve është e nevojshme të merren masat e duhura.

/abcnews.al

Asambleja Kombëtare Franceze ka votuar me 12 vota pro dhe 10 kundër  kërkesën e deputetëve të së majtës, për nisjen e procesit të fajësimit të Emmanuel Macron.

Më pas do të ketë një debat në komisionin ligjor të Kuvendit Kombëtar.

Megjithatë, shumica e analistëve politikë francezë janë dakord me vlerësimin se është pothuajse e pamundur që ky proces të çojë në shkarkimin e presidentit aktual, i cili mund të kryhet vetëm në rast se miratohet nga dy të tretat e anëtarëve të Asamblesë Kombëtare dhe Senatit.

Kryeministri në detyrë Gabriel Atal deklaroi se kjo është një shpallje lufte ndaj institucioneve të Republikës Franceze, ndërsa nga e djathta ekstreme, Marine Le Pen tha se procesi i fajësimit të presidentit francez do të dështojë për shkak të përçarjeve të shumta tek e majta.

/abcnews.al

Katër persona humbën jetën nga zjarret që përfshinë pjesën qendrore dhe veriore të Portugalisë, ndërsa më shumë se 40 persona mbetën të plagosur.

Më shumë se 1000 zjarrfikës janë në luftë më flakët për të vënë në kontroll katër zjarre në lagjen veriperëndimore të Aveiro.

Situata ka të ngjarë të përkeqësohet për shkak të thatësirës dhe erërave me shpejtësi deri në 69 kilometra në orë, tha komandanti i Emergjencave Kombëtare dhe Mbrojtjes Civile Andre Fernandez.

Në të gjithë vendin, temperaturat arritën në 30 gradë Celsius gjatë fundjavës dhe priten të rriten edhe më shumë të martën.

/abcnews.al

Maria Ponomarenko, një gazetare siberiane që vuan dënimin me gjashtë vjet burg për shkak se u shpreh publikisht kundër luftës në Ukrainë, ka nisur një grevë urie, sipas medias për të cilën ajo punonte dhe një prej mbështetësve të saj.

46-vjeçarja u arrestua më pak se dy muaj pas fillimit të pushtimit rus në 2022 për akuzën e Forcave Ajrore Ruse për bombardimin e një teatri në qytetin ukrainas të Mariupol.

Ajo u shpall fajtore shkurtin e kaluar për përhapjen e lajmeve të rreme për ushtrinë ruse nga një gjykatë në qytetin e saj të lindjes Barnaul në Siberinë perëndimore.

Më shumë se 20,000 njerëz janë arrestuar në të gjithë Rusinë pasi kanë folur publikisht kundër luftës. Ndërsa shumica e të burgosurve gjobiten dhe lirohen menjëherë më pas, gazetarët e pavarur shpesh trajtohen më ashpër nga gjykatat.

Përfshirë Ponomarenko, gjithsej katër gazetarë nga RusNeës, një faqe interneti lajmesh që boton vetëm në rusisht dhe ka një audiencë të kufizuar jashtë vendit, janë në burg.

Shumica dërrmuese e mediave të pavarura tani operojnë nga jashtë, në mërgim. Ponomarenko tani po përballet me akuzat për sulm ndaj rojeve në burgun ku po mbahet.

Ponomarenko tha në një seancë dëgjimore muajin e kaluar se ajo do të priste venat e saj në shenjë proteste për shkak të kushteve të paraburgimit.

/abcnews.al

Presidenti i Venezuelës, Nicolas Maduro, ka dënuar atentatin e dytë për vrasjen e Donald Trump.

“Venezuela e dënon plotësisht këtë tentativë për vrasje të ish presidentit Donald Trump. Ju bëj thirrje që të kërkoni një hetim, të cilin, ju Donald Trump duhet të udhëhiqni personalisht për të mësuar të vërtetën se kush e urdhëroi dhe drejtoi atë, si dhe kush lëvizi gjërat në prapaskenë.

Ju meritoni shëndet të mirë dhe jetë të gjatë për të vazhduar projektet tuaja”, tha Maduro.

Presidenti foli dhe për ndalimin e dy shtetasve spanjollë në vend, duke pretenduar se janë të lidhur me shërbimin sekret të Madridit që planifikonin vrasjen e një kryebashkiaku. Në një shfaqje të pazakontë, Maduro doli dhe më një armë amerikane në duar në programin e tij javor televiziv, ndërsa tha se snajperi ishte pjesë e një ngarkese të sekuestruar.

“Ka një pamje teleskopike me rreze të mesme, është një pushkë sulmi e ndërtuar nga forcat ushtarake të Shteteve të Bashkuara dhe është për përdorim ekskluziv nga forcat ushtarake amerikane.

Tregtia dhe shitja e saj janë të ndaluara sepse janë vetëm për përdorim ekskluziv të Forcave ushtarake të Shteteve të Bashkuara. Ne kemi shumë nga këto armë. Këtu mund të shihni kalibrin 7.69 x 39 të armëve të futura nga CIA në Venezuelë për sulmet terroriste të kryera nga fashizmi”, tha ai.

Përveç dy spanjollëve, në Venezuelë janë arrestuar dhe 3 shtetas amerikanë dhe një çek mbi dyshimin se janë përfshirë në komplot për të rrëzuar qeverinë e Maduros.

/abcnews.al

Zimbabve planifikon të zhdukë 200 elefantë për të ushqyer komunitetet që po përballen me urinë akute pas thatësirës më të madhe të vendit në katër dekada.

Thatësira e shkaktuar nga fenomeni El Niño shkatërroi të korrat në rajonin jugor të Afrikës, duke prekur 68 milionë njerëz dhe duke shkaktuar mungesa ushqimore në të gjithë rajonin.

“Mund të konfirmojmë se po planifikojmë të therim rreth 200 elefantë në të gjithë vendin. Tani jemi duke përpunuar detajet se si do ta bëjmë këtë,” tha për Reuters zëdhënësi i Autoritetit të Parqeve dhe Jetës së Egër të Zimbabve (Zimparks), Tinashe Farao.

Mishi i elefantëve do të shpërndahet në komunitetet e goditura nga thatësira në Zimbabve.

Therja e elefantëve, e para në vend që nga viti 1988, do të bëhet në rrethet Hëange, Bire, Tsholocho dhe Shireji. Muajin e kaluar, Namibia fqinje vendosi gjithashtu të therte 83 elefantë dhe t’u shpërndante mishin e tyre njerëzve të prekur nga thatësira.

Më shumë se 200,000 elefantë vlerësohet të jetojnë në një zonë të mbrojtur që përfshin pesë vende në rajonin jugor të Afrikës, Zimbabve, Zambia, Botsvana, Angola dhe Namibia,  duke e bërë rajonin shtëpinë e një prej popullatave më të mëdha të elefantëve në botë.

Me një nga popullatat më të mëdha të elefantëve në botë, Zimbabve ka rreth 600,000 dollarë rezerva fildishi që nuk mund t’i shesë.

/abcnews.al

Ndërsa një botë e tërë mban frymën, në pritje të zgjedhjeve amerikane, le të kujtojmë një figurë të një kohe tjetër, i cili që sot, më 17 shtator, në vitin 1859, filloi mbretërimin e tij si perandori i parë (dhe i fundit) i Shteteve të Bashkuara të Amerikës.

Joshua Norton, ose Norton I, siç u bë i njohur më vonë, lindi në Londër në 1818. Kur ishte ende i ri, familja e tij u zhvendos në Kepin e Shpresës së Mirë, në rajonin e Gjirit Algoa të Afrikës së Jugut të sotëm.

Më vonë, në moshën 30-vjeçare, ai u nis për në Amerikë. Ai u zhvendos në San Francisko, një qytet me një popullsi të madhe emigrantësh kinezë, gjë që e bindi të merrej me tregtinë e orizit.

Gjatë 5 viteve të ardhshme, tregtari Norton bëri një pasuri të vogël. Por zbulimi erdhi atë ditë kur ai vendosi të investonte paratë e tij duke blerë të gjithë orizin në dispozicion, në mënyrë që të mund të kontrollonte çmimin.

Fatkeqësisht për të, dy anije mallrash japoneze mbërritën papritur në port të ngarkuara me oriz. Menjëherë çmimi i orizit ra dhe Norton u shkatërrua. Kreditorët e çuan në gjyq.

Ai u zhduk nga jeta publike për 2-3 vjet.

Ai u rishfaq më 17 shtator 1859, i veshur me një uniform ushtarake. Norton hyri në zyrat e Buletinit të San Franciskos dhe u kërkoi atyre të printonin një proklamatë.

“Unë, Joshua Norton shpall veten perandor të këtyre Shteteve të Bashkuara të Amerikës dhe nga autoriteti që më jepet, urdhëroj përfaqësuesit e Shteteve të Bashkimit të mblidhen në Sallën e Koncerteve të këtij qyteti për të ndryshuar ligjet për mirëqenien dhe integritetin tonë” .

Norton I jetonte në një shkollë me konvikt, në fakt në regjistrimin e vitit 1870 ai u rendit si ‘perandori që jetonte në Commercial Street, nr. 624″.

Ai hante falas në restorantet më të mira. Uniforma e tij u zëvendësua nga një mbledhje fondesh publike kur ai nuk mbante më arna dhe iu dha një biçikletë për udhëtimet e tij Perandorake.

Që të mos mendoni se ai nuk kishte fuqi, le të përmendim vetëm se ai shtypte paratë e tij, dollarët e qeverisë perandorake të Norton I, të cilat pranoheshin në dyqanet lokale.

Gjatë Luftës së Dytë Franko-Meksikane (1863), titulli dhe juridiksionet e tij u zgjeruan, pasi pas “Perandorit të SHBA” shtoi “dhe Mbrojtësi i Meksikës”.

Për sa i përket veprave dhe politikave të tij, Norton I ishte shumë përpara kohës së tij.

Herë pas here ai nxirrte dekrete të cilat shtypeshin në gazeta. Ndër to spikasin dekreti për shpërbërjen dhe shfuqizimin e Partisë Demokratike dhe Republikane si të dëmshme për qytetarin, dekreti për krijimin e Lidhjes së Kombeve për parandalimin e luftës dhe dekretin për mbështetjen financiare të zotit Marriott, një shpikës që donte të perfeksiononte një makinë fluturuese.

Norton I ndaloi në mënyrë eksplicite konfliktet midis feve, pasi ai ishte mbi të gjitha një pacifist. Perandori i parë (dhe i fundit) i Shteteve të Bashkuara dhe mbrojtësi i Meksikës u nda nga jeta më 8 janar 1880. Ai nuk la shumë pas.

Sigurisht, vlen të merret në konsideratë se, ndërkohë që një dollar zyrtar i 1870-ës ka humbur 99% të vlerës së tij për shkak të inflacionit, vlera e dollarëve të shtypur nga Norton I arrin në 15,000 dollarë në ankand.

Në funeralin e tij më 11 janar, kortezhi i varrimit ishte 2 milje i gjatë dhe 30,000 nga “vendasit” e tij i dhanë lamtumirën.

Në atë ditë ndodhi gjithashtu edhe eklipsi i diellit.

/abcnews.al

“Banorët e qytetit kufitar Frankfurt an der Oder, i cili ndahet vetëm nga një urë e vogël nga Polonia, janë të shqetësuar për kontrollet kufitare të vendosura nga Gjermania dhe për zgjedhjet”, sipas një raporti të Deutsche Welle.

Me të mbërritur në stacionin rajonal të trenit në qytetin e Frankfurtit an der Oder, gjëja e parë që hasni janë posterat e AfD-së së ekstremit të djathtë.

“Dëbojini tani.” Posterat shtohen ndërsa i afroheni urës që ndan Gjermaninë dhe Poloninë.

“Paqe tani”, lexohet në një tjetër poster të AfD-së.

Frankfurt an der Oder ndodhet në shtetin e Brandenburgut, i cili të dielën e ardhshme ka zgjedhje vendimtare.

Dhe aty kryeson AfD në sondazhet e opinionit.

Kontrollet e njerëzve dhe automjeteve në kufirin mes Gjermanisë dhe Polonisë kanë qenë në fuqi prej një viti. Banorët janë njohur me pezullimin de facto të marrëveshjes Shengen në rajon, edhe nëse zyrtarisht është me një kohëzgjatje të caktuar.

Një tjetër pensionist, i cili kalon urën çdo ditë për të shkuar në Poloni, gjithashtu është dakord me rritjen e kontrolleve kufitare tani në të nëntë kufijtë e vendit. “Më duket kënaqësi të vazhdoj kontrollet kufitare për një kohë të gjatë. Sigurisht për emigracionin e paligjshëm”, tha ai.

Duke pritur në kufi mund të shikosh imazhe të ndryshme, të cilat i referohen një ideje europiane që dikur dukej si shpresë dhe sot po vdes dalëngadalë.

Flamujt e Polonisë, Gjermanisë dhe BE-së valojnë pranë lumit Oder.

Radhët janë të gjata në orët e pikut. Punonjësit e policisë ndalojnë automjetet dhe këmbësorët për kontroll. I quajnë kontrolle në vend, por asgjë dhe askush nuk mund të kalojë në këtë pikë pa u regjistruar.

Një student turk që studion në të dy qytetet, në vijim të një programi të përbashkët universitar, thotë se prej një viti kontrollet edhe tek studentët janë thuajse të përditshme dhe irrituese, “duke shkaktuar dhimbje koke”, siç thotë ai.

Përsa i përket mënyrës se si funksionojnë, ai tha: “Nëse dikush është si unë, pra qytetar jo i BE-së me flokë pak të errët, atëherë zakonisht të kontrollon.

Me sinqeritet, këto kontrolle janë të njëanshme dhe të stresojnë.”

Për studentin turk është e kuptueshme që Gjermania dëshiron të kontrollojë emigracionin e paligjshëm dhe duhet të ketë kontrolle.

“Por ashpërsia dhe kohëzgjatja e këtyre kontrolleve janë të rëndësishme,” tha ai.

Një grup aktivistësh të rinj janë gjithashtu në kufi, duke luajtur muzikë dhe duke mbajtur pankarta me slogane në favor të kufijve të hapur.

“I shikoj me kritikë kontrollet, se nuk besoj se e zgjidhin problemin. Nuk i zgjidhin problemet në vend.

Na duhen shumë më tepër para për integrimin e refugjatëve, për ndërtimin e shtëpive dhe qirave të arsyeshme dhe për pensionet. Izolimi nuk na çon përpara”, tha njëri prej tyre.

“Asgjë nuk e justifikon dënimin kolektiv nga Izraeli ndaj popullatës së Rripit të Gazës, e cila po duron vuajtje të “paimagjinueshme”, tha  Sekretari i Përgjithshëm i Kombeve të Bashkuara, Antonio Guterres.

“Natyrisht, ne dënojmë të gjitha aktet terroriste të Hamasit, si dhe rrëmbimin e pengjeve, por, në çdo rast, e vërteta është se asgjë nuk justifikon dënimin kolektiv të popullatës palestineze, të cilën e shohim në mënyrë dramatike në Gaza”, nënvizoi ai, duke iu referuar vdekjes, shkatërrimit, urisë dhe sëmundjeve me të cilat përballen banorët e enklavës bregdetare të rrethuar.

“Mungesa e fondeve për misionin e mbështetjes shumëkombëshe të sigurisë, të cilin Kenia ka pranuar ta udhëheqë për të ndihmuar policinë në Haiti të përballet me fatkeqësinë e aktivitetit të bandave, është “absolutisht e papranueshme”, tha të hënën Sekretari i Përgjithshëm i Kombeve të Bashkuara, Antonio Guterres/

“Kur ka një luftë, paratë gjenden, kur kemi një krizë financiare, ose kur bankat duhet të shpëtohen, paratë gjenden.

Kur një popull i tërë po vuan një situatë kaq të dëshpëruar dhe ne kemi nevojë për një sasi relativisht të vogël, mendoj se është absolutisht e papranueshme që këto para të mos gjenden”, tha  Guterres.

/abcnews.al

In Albania, the international competition for the development of the first two projects of the Albanian Investment Corporation is being held. There are 10 prestigious studios in the competition, which will present to the international jury the project ideas for 4 new developments, which will pave the way for a new approach to the construction of offices and the creation of new contemporary service spaces for public administration.

The Prime Minister of Albania, Edi Rama, in his speech stated that these are developments and projects, which respond to the needs and vision of “Albania 2030”.

“There are ten finalists divided into two groups, five for each group, who will present their project ideas for four important developments, which are four developments that pave the way for a development and a new approach and a new role of the state’s approach to public property.

Public institutions pay several million euros in rent to exercise their activity, which are far from being worthy of our ambition Albania 2030, they are far from being worthy of the service and conditions in which state servants must work,” he said. He added that the architects were called before the international jury to reveal their ideas.

“Architects have been called to offer us their ideas and projects to give us the opportunity to build a large government complex, which will accommodate a significant number of institutions,” said Rama. Showing the specifics of this vision, Prime Minister Rama said that in this initiative it is foreseen that “the state makes public properties available and then invites local and foreign investors to the competition for the construction of projects, from which the state will benefit as the owner of the land a new infrastructure for public institutions that still live in rented premises or do not yet have their headquarters of the new century, such as the National Library”.

ANDREA CAPUTO (Italy) and SO-IL (USA) COLDEFY (France)

EMBT Architects (Spain)

SNOHETTA (Norway)

ZAHA HADID Architects (UK)

ARCHI-TECTONICS (USA)

ARCHITECTURE STUDIO (France)

BAUKUH (Italy)

COOK RESEARCH (England)

MAD Office (USA)

/abcnews.al

Sipas NASA-s, një asteroid gjigant pritet t’i afrohet Tokës të martën. Asteroidi 2024 ON është 290 metra i gjerë.

Ky asteroid u pa për herë të fundit pranë Tokës në vitin 2013 dhe do të kthehet përsëri në 2035 dhe po monitorohet nga afër nga Projekti i Teleskopit Virtual, i cili zbuloi asteroidin “potencialisht të rrezikshëm” më 9 shtator duke udhëtuar me rreth 40,000 kilometra në orë.

Megjithatë, siç raporton NASA, asteroidi që arrin një distancë minimale që është 2.6 herë më e madhe se distanca mesatare hënore, nuk përbën rrezik për Tokën.

/abcnews.al

Donald Trump ka përshkruar momentin kur u dëgjuan të shtënat me armë, duke thënë se agjentët e Shërbimit Sekret vrapuan menjëherë për ta mbrojtur sapo dëgjuan katër deri në pesë të shtëna armësh, ndërsa po luante golf.

“Gjithçka ishte e bukur, vend i këndshëm për të qëndruar kur papritur dëgjuam të shtëna në ajër, dhe  mendoj ndoshta katër ose pesë, dhe dukeshin si plumba, por çfarë di unë për këtë?

Por Shërbimi Sekret e kuptoi menjëherë se ishin plumba”, tha Trump.

Në daljen e tij të parë publike që nga atentati i dytë, Trump falënderoi Shërbimin Sekret.

“Shërbimi sekret bëri një punë të shkëlqyer, të gjithë bënë një punë të shkëlqyer,” tha ai.

Trump lavdëroi gjithashtu civilin që dha targën e të dyshuarit, gjë që ndihmoi autoritetet të gjurmonin makinën e tij.

 “Civili bëri një punë fenomenale”, tha ai.

Ndërkohë, detaje të reja janë bërë publike nga tentativa e dytë për atentat ndaj ish-presidentin Donald Trump.

Sipas dokumenteve, të cilat janë paraqitur në gjykatë, nga të dhënat telefonike është zbuluar se i dyshuari mund të ketë qëndruar në pritje për gati 12 orë të shtunën.

Më pas, shërbimi Sekret hapi zjarr pasi njëri prej agjentëve pikasi grykën e pushkës që dilte nga shkurret të dielën, mbi 300 metra pranë fushës ku ish-presidenti po luante golf. Fatmirësisht askush nuk u lëndua..

Një gjykatë federate ngriti akuza për armëmbajtje ndaj Ryan Ëesley Routh një ditë pasi ai u pikas ndërsa fshihej me një armë në shkurret përreth fushës së golfit të ish-presidentit në Florida.

Ndërkohë, djali i autorit të dyshuar thotë se babai i tij nuk është njeri i dhunshëm dhe as që e besonte se ai mbante armë.

/abcnews.al

Sean “Diddy” Combs është arrestuar në Nee York City me akuza të paspecifikuara federale, sipas autoriteteve. Arrestimi në Manhattan pasoi bastisjet në dy nga pronat e tij në Los Angeles dhe Miami në mars, si pjesë e një “hetimi në vazhdim”.

Avokati i Combs, Marc Agnifilo, tha se ata ishin të zhgënjyer nga arrestimi dhe klienti i tij ishte një “njeri i pafajshëm”.

Muzikanti është përballur me një sërë akuzash nga sulmi seksual deri te abuzimi, duke përfshirë edhe ish-partneren e tij Casandra “Cassie” Ventura. Ai ka mohuar të gjitha pretendimet ndaj tij.

Arrestimi i tij u bë në lidhje me një hetim në vazhdim nga zyrtarë të sigurisë kombëtare të SHBA-së, thanë burime të shumta të zbatimit të ligjit për CBS.

Prokurori i SHBA-së për Distriktin Jugor të Nju Jorkut Damian Ëilliams konfirmoi arrestimin në një deklaratë të hënën mbrëma.

Combs përballet me një sërë padish civile, duke përfshirë akuzat se ai përdhunoi një vajzë të mitur dhe u përpoq të detyronte një producent të bënte seks me një burrë tjetër.

/abcnews.al

Kamala Harris ka thyer heshtjen e saj, duke reaguar ndaj atentatit të dytë ndaj Donald Trump.

Zëvendëspresidentja, e cila do të përballet me kandidatin e republikanëve në zgjedhjet presidenciale të nëntorit, tha se ishte e lehtësuar që askush nuk u lëndua në tentativën për të vrarë rivalin e saj.

“Jam informuar për raportet e të shtënave me armë zjarri pranë ish-presidentit Trump dhe pronës së tij në Florida dhe jam e lumtur që ai është i sigurt. Dhuna nuk ka vend në Amerikë”, shkroi Harris në platformën X.

Shërbimi Sekret amerikan raportohet se ka qëlluar kundër personit të armatosur dhe një i dyshuar u kap më vonë në atë që zyrtarët besojnë se ishte një përpjekje për të vrarë ish-presidentin.

/abcnews.al