Posta e Kosovës ka lëshuar një njoftim të rëndësishëm për publikun, duke paralajmëruar qytetarët që të mos bien pre e një mashtrimi që po qarkullon përmes SMS-ve.

Sipas Postës së Kosovës, palë të panjohura po dërgojnë mesazhe telefonike, duke u paraqitur në emër të institucionit, me qëllim përfitimi të paligjshëm.

“Menjëherë pasi kemi marrë informata për këtë mashtrim, kemi njoftuar organet kompetente dhe po bashkëpunojmë ngushtë me to për të ndaluar këtë aktivitet të paligjshëm,” thuhet në njoftimin e Postës së Kosovës.

Institucioni thekson se komunikimi i tij zyrtar bëhet vetëm përmes kanaleve të verifikuara, duke përfshirë web-faqen zyrtare dhe platformat në rrjetet sociale si Facebook, Instagram dhe LinkedIn.

Numrat e kontaktit gjithashtu janë të publikuar zyrtarisht.

“Ju lutemi mos klikoni në asnjë link që mund të merrni përmes këtyre mesazheve dhe mos bashkëpunoni me numra të paidentifikuar që nuk janë zyrtarë të Postës së Kosovës. Në asnjë rast nuk do t’ju kërkojmë të dhëna personale apo numra të kartelave bankare,” paralajmëron Posta.

Posta e Kosovës ka theksuar përkushtimin e saj për të mbrojtur qytetarët dhe ka njoftuar se po bashkëpunon me autoritetet përkatëse për të ndjekur keqbërësit pas këtij incidenti.

Institucioni gjithashtu bëri të ditur se posta të tjera në rajon janë përballur me sulme të ngjashme nga mashtrues të panjohur. /Telegrafi/

The post Posta e Kosovës paralajmëron qytetarët për mashtrime me SMS: Mos ndani të dhëna personale appeared first on Telegrafi.

Me ftesë të Presidentes së Komisionit Evropian, Ursula von der Leyen, kryeministri i Kosovës, Albin Kurti udhëtoi sot për në Bruksel, ku mori pjesë në drekën e punës bashkë edhe me liderë të shteteve të Ballkanit Perëndimor.

Sipas njoftimit për media Kurti fillimisht uroi Von der Leyen për rizgjedhjen e saj si Presidente e Komisionit Evropian dhe u shpreh i gatshëm për ta vazhduar bashkëpunimin e afërt me qëllim avancimin e marrëdhënieve bilaterale ndërmjet Kosovës dhe Bashkimit Evropian dhe integrimin evropian të Kosovës.

“Theksoi se zgjerimi i Bashkimit Evropian, sidomos pas agresionit ushtarak rus në Ukrainë, është përgjigjja më e mirë për të gjithë ata që kërcënojnë paqen dhe unitetin e Evropës. Në këtë kontekst, kryeministri Kurti bëri thirrje që të trajtohet aplikimi i Kosovës në Bashkimin Evropian dhe Kosovës t’i jepet pyetësori dhe statusi i vendit kandidat për anëtarësim. Në të njëjtën kohë, kërkoi që masat restriktive mbi Kosovën, të cilat i quajti të padrejta dhe jo fer, të hiqen”, thuhet në njoftim.

Sa i përket Planit të Rritjes, Kurti u shpreh se Kosova ka qenë një ndër vendet e para që ka dorëzuar Agjendën e Reformave, duke treguar kështu përkushtimin e saj për Planin e Rritjes.

“Në prag të 10-vjetorit të Procesit të Berlinit, ai i konfirmoi mbështetjen për këtë proces, teksa shprehu angazhimin e tij dhe të Qeverisë së Republikës së Kosovës për marrëveshje të reja, dhe në të njëjtën kohë theksoi rëndësinë e zbatimit të plotë të katër marrëveshjeve të mobilitetet të nënshkruara në vitin 2022 në Berlin”, thuhet tutje në njoftim.

Çështje të tjera që u adresuan nga kryeministri gjatë drekës ishin edhe Programi i Transportit dhe Lehtësimit, tregu unik digjital, Zona e Përbashkët Evropiane e Pagesave (SEPA), Tregu i Përbashkët Rajonal dhe bashkëpunimi e siguria rajonale. /Telegrafi/

The post Kurti takon Von der Leyen, kërkon statusin e vendit kandidat për Kosovën dhe heqjen e masave restriktive appeared first on Telegrafi.

Në kuadër të përgatitjeve për pjesëmarrje në garën “Cambrian Patrol 2024”, skuadra e Forcës së Sigurisë së Kosovës dhe një skuadër nga Forcat e Armatosura të Republikës së Shqipërisë në koordinim me Ambasadën e Mbretërisë së Bashkuar dhe me qëllim vlerësimin e skuadrave pjesëmarrëse në garë, kanë realizuar ushtrimin fushor “ Camprep24”.

Skuadrat sipas FSK-së u testuan dhe kaluan sfidat e ngjashme që do të jenë gjatë realizimit të garës.

“Skuadrat treguan disiplinë, motiv e përkushtim të lartë, duke bërë më të mirën për të përfaqësuar vendet tona në garën më të madhe të ushtrive të botës siç është gara ‘Cambrian Patrol’, që realizohet çdo vit në Mbretërinë e Bashkuar dhe me pjesëmarrjen e një numri të madhe nga të gjitha vendet e botës”, thuhet në njoftimin e FSK-së. /Telegrafi/

The post ​FSK e gatshme për garën “Cambrian Patrol 2024” appeared first on Telegrafi.

Të mërkur në fshatin Izvor, Zveçan, njësia policore ndaloi një shtetas polak.

I njëjti dyshohet se kishte hyrë ilegalisht nga Serbia në Republikën e Kosovës.

Pas ndalimit, prokurori kujdestar urdhëroi që i dyshuari të lirohet, ndërsa rasti do të vazhdojë në procedurë të rregullt. /Telegrafi/

The post Shtetasi polak ndalohet në Zveçan për kalim ilegal të kufirit appeared first on Telegrafi.

Granata dore janë gjetur sot nga disa fëmijë në oborrin e ndërtesave në lagjen “Fidanishte” në Pejë.

Rastin për Telegrafin e ka konfirmuar zëdhënësi i policisë për rajonin e Pejës, Fadil Gashi.

Gashi ka thënë se policia ka pranuar informatën rreth orës 14:05 dhe policia menjëherë ka dalë në vendin e ngjarjes.

“Rreth orës 14:05 një qytetar ka njoftuar policinë se derisa ishte duke kaluar në rrugën “Mirvete Maksutaj”, pranë qendrës së mjekësisë familjare në Pejë, kishte hasur në disa fëmijë të cilët në dorë po mbanin një mjet shpërthyes, nga të cilët e kishte marrë atë dhe e kishte vendosur në një vend më të sigurt, e në vendin e ngjarjes kanë dalur njësitet kompetente për ta lokalizuar vendin dhe për të marr masat e nevojshme”, tha për Gashi.

Ndërkaq kryeprokurori i Prokurorisë Themelore në Pejë, Agim Kurmehaj ka thënë për Telegrafin se janë gjetur dy granta dore.

“Dy granta dore janë gjetur nga disa fëmijë. Rasti është lajmëruar dhe aktualisht njësitet përkatëse ndodhen në vendngjarje për të bërë largimin e tyre. Nuk ka ndonjë shpërthim”, tha ai. /Telegrafi/

The post Incident në Pejë, fëmijët gjejnë garanta dore – reagon policia appeared first on Telegrafi.

Banka Evropiane për Rindërtim dhe Zhvillim (BERZH) sot ka nisur linjën e re të kredisë për bankat vendase për kreditim të mëtejshëm të sipërmarrjeve të vogla dhe të mesme në kuadër të programit SME Go Green, me mbështetjen e BE-së.

Përmes këtij programi bizneset do të kenë mundësi për investime në ekonominë e gjelbër, duke përfshirë investimet me efiçiencë energjetike, energji të rinovueshme dhe efiçiencë të resurseve duke kontribuar në reduktimin e gazeve serrë.

Duke e cilësuar si një projekt të rëndësishëm për BERZH, Sergiy Maslichenko, shef i BERZH-it në Kosovë, Projekti Go Green është një instrument qenësor për investimet në energjinë e ripërtritshme në Kosovë.

Ai theksoi se si BERZH e ka ndihmuar shumë Kosovë për të krijuar pavarësi dhe siguri energjetike.

“Ne po ashtu financojmë energjinë e ripërtritshme dhe me aq sa e di unë rreth 50 mgë të projekteve që kemi ofrua përmes këtij programi dhe si BERZH jemi efektiv në projekte të mëdha në fermat e erës prej 150 mgë. Mendoj se kemi kontribuar mjaftë shumë në pavarësinë energjetike të Kosovës dhe sigurinë energjetike dhe mendoj se ky është një program unik meqë është kombinimi i parave natyrë e huave komerciale përmes këtyre granteve që jepet nga BE…

Për BERZH ky është programi kryesor tani për tani për ofrimin dhe kanalizimin e fondeve përmes bankave komerciale që të arrijnë sa më shumë klientë..03’05 Kosova është duke e rritur konkurrueshmërinë në biznese në NMV duke e ulur koston energjetike para se të gjitha dhe që t’u mundësoj atyre të bëhen më shumë eksportuese dhe konkurruese dhe pjesë e zinxhirit ndërkombëtar të vlerave”, tha ai.

Ministrja e Ekonomisë, Artane Rizvanolli theksoi se programi SME Go Green mundëson qëndrueshmërinë e ndërmarrjeve të mesme e të vogla.

Rizvanolli ndër të tjera theksoi se tashmë Kosova po punon drejt një të ardhme të gjelbër dhe nuk ka kthim prapa.

“Progresi i këtyre programeve ka rëndësi jetike për të mbështetur qëndrueshmërinë ose reziliencën e këtij sektori. Me mbështetjen e dhënë nga BERZH dhe BE ky program gjatë viteve që shkuan ka ofruar mbështetje të jashtëzakonshme financiare për NMV financiare dhe të konsulencës duke u ndihmuar bizneseve që të përafrohen me BE në fusha të ndryshme…Theksi i programit në teknologji të gjelbër dhe qëndrueshmëri i ka ndihmuar shumë NMV që të përqafojnë ekonominë e gjelbër dhe kam kënaqësinë që të vë theksin që ky program është përgjatë synimeve strategjike të Kosovës që ka përqafuar agjendën e gjelbër”, u shpreh ministrja Rizvanolli.

Johannes Stenbak Madsen, shef i Bashkëpunimit në Zyrën e Bashkimit Evropian theksoi se janë të përkushtuar ta ndihmojnë ekonominë kosovare drejtë energjisë së ripërtritshme.

Ai tha se programi SME Go Green synon t’i ndihmoj bizneset në Kosovë në reduktimin e ndotjes dhe qëndrueshmërinë e tyre.

“Si pjesë e këtij programi BE ka investuar 6 milionë euro për të dhënë grante apo 50% e huas për të marr një nga bankat partnere lokale dhe tri asistenca teknike për teknologji të re dhe përmirësimet e kapaciteteve. BE është e përkushtuar për të përmirësuar përkrahjen e drejtpërdrejtë për bizneseve dhe duke parë të ardhmen dua t’iu njoftoj se kjo iniciativë për përkrahjen e bizneseve në Kosovë do të vazhdoj nën ombrellën e programit rajonal të BE. Po ashtu ofrojmë NMV në Kosovë një mundësi unike për të përfituar prej një iniciative më të re nga BE dhe BERZH që është SME Go Green. Financimi nga ky program do të jetë plotësisht në sjelljen e atyre ekonomike dhe avancimin e energjisë efiçiente dhe energjisë së ripërtritshme”, theksoi ai.

Deri më tani nga ky projekt kanë përfituar 156 biznese, dhe mbi 80% e përfituesve janë jashtë Prishtinës./kp/

The post BERZH dhe BE investojnë në energji të ripërtritshme përmes programit “SME Go Green” në Kosovë appeared first on Telegrafi.