“EA Festival, liri dhe transformim” vjen në Shqipëri përgjatë Javës Kulturore Britanike, pjesë e Javëve Kulturore Ndërkombëtare, organizuar nga Ministria e Ekonomisë, Kulturës dhe Inovacionit.

Një festival idesh kuruar nga Lea Ypi, profesore në Teori Politike në Shkollën e Ekonomisë dhe Shkencave Politike në Londër, profesore Nderi në Filozofi në Universitetin Kombëtar Australian, autore e librit ‘Të Lirë’ përkthyer në 30 gjuhë të botës, vjen në Durrës e Tiranë më 21 dhe 22 shtator.
“Liri dhe Transformim” është një event dyditor kulturor që mbledh shkrimtarë, publicistë dhe mendimtarë do të diskutojnë mbi historinë, të drejtat e njeriut, çështjet e sigurisë dhe migracionit, politikën dhe poezinë.

“Nuk ishte e vështirë pjesa logjistike për mua pasi janë personazhe që i kam takuar në Angli në takime letrare. Ajo që është pak më e vështirë, është pjesa emocionale sepse unë jam nga Durrësi. Dita e parë e festivalit është në Durrës. Është qyteti i lindjes, i shumë kujtimeve dhe të kthehesh pas kaq shumë vitesh me një aktivitet kulturor në një qytet ku edhe je rritur nga ana kulturore, kthimi ka qenë më i vështirë. Janë dy ditë me debate me tema të ndryshme. Ideja ishte të sillnim disa personazhe të njohur të fushave letrare, filozofike , të shkencave politike, të të drejtave të njeriut që diskutojnë për librat e publikuara kohët e fundit dhe ja sjellin publikut durrsak me shpresën që do jetë fillimi i një dialogu interesant midis lexuesve dhe këtyre personazhe të jetës britanike”, tha autorja Lea Ypi.

Ypi u shpreh se “Shqipëria ka marrë gjithnjë e më tepër vëmendjen e të huajve. E keni parë edhe nga shifrat e rritjes turistike. Për mua një vend njihet më mirë kur njihet kultura e një vendi. Kultura e trojeve shqiptare është një pikë takimi interesant midis lindjes dhe perëndimit, midis kulturës islame dhe kristjane. Them se edhe për ata që e vizitojnë Shqipërinë e njohin më mirë nëse e qasin përmes kulturës”.

“Disa nga autorët që janë pjesë e këtij festivali, janë autorë që kanë trajtuar tema që kanë lidhje me Ballkanin, Shqipërinë. Kjo është hera e parë që provuam që ta sjellim dhe në Shqipëri. Varet nga publiku, debatet”, tha autorja Lea Ypi.

EA Festival ka realizuar me sukses dy bienale të festivalit “EA Festival” mbi letërsinë dhe idetë, dhe “EA Sustain” një ngjarje për ambientin, kulturën dhe sipërmarrjen.

Që prej fillimit në 2021, EA Festival është kthyer në një nga festivalet elitare për sa i përket ideve në Anglinë Lindore. Tashmë dy festivalet paraprake janë të mirënjohura për mprehtësinë e folësve dhe në rastin e EA Festival për qasjen kuratoriale.

The post “EA Festival” në Durrës, Lea Ypi: Kultura e trojeve shqiptare, pikëtakim interesant midis lindjes dhe perëndimit appeared first on Albeu.com.

Një aksident me një të plagosur ka ndodhur këtë pasdite në afërsi të fshatit Lumalas në aksin Korçë-Pogradec.

Sipas informacioneve nga policia një mjet tip Benz ka përplasur një këmbësore e cila aktualisht është transportuar në spitalin e Korçës për të marrë ndihmë mjekësore dhe sipas birimeve spitalore ndodhet jashtë rrezikut për jetën.
Policia ndërkohë është duke punuar për zbardhjen e shkaqeve të aksidentit.

Njoftimi i policisë:

Korçë/Informacion paraprak

Rreth orës 16:55, në aksin rrugor “Korçë-Pogradec”, në afërsi të fshatit Lumalas, automjeti tip “Benz”, me drejtues shtetasin T. I., 40 vjeç, ka përplasur këmbësoren, shtetasen L. M., 48 vjeçe, e cila është transportuar në spital dhe është në kujdesin e mjekëve.

Drejtuesi i automjetit është shoqëruar në Komisariatin e Policisë Korçë, për kryerjen e veprimeve të mëtejshme procedurale.

Ndërkaq, grupi hetimor është në vendngjarje, ku vijon punën për të përcaktuar shkakun e aksidentit.

The post Aksident në aksin Korçë-Pogradec/ Makina merr përpara këmbësoren, 48-vjeçarja transportohet në spital appeared first on Albeu.com.

Një sulm izraelit në një shkollë në veri të Gazës vrau të paktën 22 persona më 21 shtator, sipas Ministrisë së Shëndetësisë së Gazës.

Ushtria izraelite tha se kishte shënjestruar një qendër komanduese të Hamasit– grupit palestinez të shpallur organizatë terroriste nga SHBA-ja dhe BE-ja – në atë që dikur ishte një shkollë.
Sipas ministrisë, 30 të tjerë u plagosën në sulmin ndaj shkollës në zonën Zeitoun të Gazës. Shumica e viktimave ishin gra dhe fëmijë.

Ende nuk është e qartë në cilin spital janë dërguar të vdekurit dhe të plagosurit.

Ushtria izraelite deklaroi më parë se kishte goditur “qendrën komanduese dhe të kontrollit të Hamasit, që ishte vendosur brenda një kompleksi që më parë ka shërbyer” si shkollë.

Ata thanë se kishin marrë masa për të kufizuar dëmtimin e civilëve, përfshirë përdorimin e municioneve të sakta dhe mbikëqyrjen ajrore.

Që nga shpërthimi i luftës midis Izraelit dhe Hamasit, ushtria izraelite ka goditur disa shkolla, të mbushura me dhjetëra mijëra palestinezë të larguar nga shtëpitë e tyre për shkak të ofensivave dhe urdhrave të evakuimit të Izraelit.

Sipas Kombeve të Bashkuara, 90 për qind e palestinezëve në Gaza janë zhvendosur.

Ushtria izraelite vazhdimisht ka akuzuar Hamasin se operon nga brenda infrastrukturës civile në Gaza, përfshirë shkolla, objekte të OKB-së dhe spitale.

Më herët këtë muaj, një sulm izraelit goditi një shkollë në kampin e refugjatëve Nuseirat, duke vrarë 14 persona. Ushtria izraelite tha se po shënjestronte militantët e Hamasit që po planifikonin sulme nga brenda shkollës.

Në korrik, sulmet ajrore izraelite goditën një shkollë për vajza në Deir al-Balah, duke vrarë të paktën 30 njerëz që strehoheshin brenda.

Ushtria izraelite tha se kishte shënjestruar një qendër komanduese të Hamasit që përdorej për të drejtuar sulme dhe për të ruajtur “sasi të mëdha armësh”.

Lufta filloi kur luftëtarët e udhëhequr nga Hamasi vranë rreth 1.200 persona, kryesisht civilë, në një sulm më 7 tetor në Izraelin jugor.

Ata rrëmbyen rreth 250 njerëz dhe ende mbajnë peng rreth 100. Fushata e Izraelit në Gaza ka vrarë të paktën 41.000 palestinezë, sipas Ministrisë së Shëndetësisë së Gazës, e cila nuk bën dallim në shifra midis luftëtarëve dhe civilëve.

Gjithashtu të shtunën, Ministria e Shëndetësisë së Gazës tha se pesë punonjës të saj u vranë dhe pesë të tjerë u plagosën nga zjarri izraelit që goditi magazinat e ministrisë në zonën Musbah në jug.

Tensionet u rritën të premten pasi një sulm ajror izraelit në një lagje të Beirutit në Liban vrau dhjetëra njerëz, përfshirë civilë dhe Ibrahim Akilin, kreun e forcave elitë Radwan të Hezbollahut.

Po ashtu u vra edhe Ahmed Wahbi, një tjetër komandant i lartë në krahun ushtarak të grupit.

Sulmi ndodhi disa orë pasi Hezbollahu nisi një nga bombardimet më të ashpra ndaj veriut të Izraelit në gati një vit luftimesh. Sistemi i mbrojtjes me raketa “Iron Dome” i Izraelit arriti të ndalonte shumicën e raketave./REL

The post Ministria e Shëndetësisë e Gazës: Një sulm izraelit në një shkollë vrau 22 persona appeared first on Albeu.com.

Portalb.mk ka analizuar përdorimin e shqipes për një javë në komunikatat me mediat dhe ueb-faqet e Qeverisë së Maqedonisë së Veriut, Presidencës dhe Kuvendit, tani që me këto institucione kryesojnë njerëz të rinj.

Gjatë shtatë ditëve të analizuara (12-18 shtator) të komunikatave të këtyre tre institucioneve, vërehet që Presidenca nuk e përfill fare gjuhën shqipe, Qeveria dërgon komunikata edhe në shqip edhe pse me vonesë dhe jo të gjitha, ndërsa Kuvendi gjithmonë e zbaton gjuhën shqipe, përveç përjashtimeve tepër të rralla.

Gjatë shtatë ditëve të analizuara, presidenca nuk e ka dërguar as edhe një komunikatë në gjuhën shqipe, ndërsa praktikë të ngjashme ka pasur edhe gjatë kryesimit të këtij institucioni nga ish-presidenti Stevo Pendarovski.

Megjithatë sërish nuk ka qenë në këtë nivel. Edhe pse me raste shumë të rralla, dërgohej tek-tuk ndonjë komunikatë në gjuhën shqipe.

Kur bëhet fjalë për ueb-faqen, situata nuk është më e mirë, por përsëri është funksionale edhe në shqip. Megjithatë, nuk është përditësimi i njëjtë si në maqedonisht.

Për shembull, gjatë kontrollit të ueb-faqes nga redaksia jonë më 19 shtator, në versionin maqedonisht të ueb-faqes komunikata e fundit e Presidencës është e datës 18 shtator, ndërsa në versionin shqip është e datës 10 shtator, ndërkohë që mes datave 10-18 shtator ka pasur çdo ditë informacione në gjuhën maqedonase. Pra, për 8 ditë të plota, ueb-faqja nuk është përditësuar me asnjë informacion shqip.

Ndërkohë, në versionin shqip, pjesa e “Kategorive” është në gjuhën maqedonase, siç mund të vërehet në fotografitë e mëposhtme (djathtas):

Kuvendi i Maqedonisë së Veriut, në shtatë ditët e analizuara, pothuajse të gjitha komunikatat i ka dërguar në të dyja gjuhët, përveç një komunikate që është dërguar vetëm në maqedonisht.

Edhe sa i përket ueb-faqes së Kuvendit, njoftimet ditore dhe agjenda janë vazhdimisht të përditësuara me informacione të reja edhe në gjuhën shqipe. Ndërsa kur bëhet fjalë për të dhëna më të veçanta, nuk gjenden në versionin në shqip. Për shembull rubrika “Të dhëna të hapura” dhe “Regjistër për organizata”, nuk ndodhet në versionin shqip të ueb-faqes.

The post Ç’po ndodh në Maqedoninë e Veriut? Presidenca “nuk e njeh” gjuhën shqipe, Qeveria pjesërisht, ndërsa Kuvendi po appeared first on Albeu.com.

Aktivistët mjedisorë bllokuan portin kryesor të anijeve turistike në Francë, në qytetin jugor të Marsejës, më 21 shtator, për të protestuar kundër ndotjes së detit, ajrit dhe klimës të shkaktuar nga këto anije të mëdha.

Rreth 20 anëtarë të grupeve Extinction Rebellion dhe Stop Croisieres, me bazë në Marsejë, formuan një zinxhir kanoesh në ujë, duke bllokuar hyrjen në port, raportoi një korrespondent i agjencisë së lajmeve AFP.

Protesta bëri që një anije të kthehej mbrapa në orën 7:00 të mëngjesit dhe të ndalej më larg bregut. Anije të tjera mbetën në pritje jashtë portit deri rreth orës 9:30 të mëngjesit.

Aktivistët u larguan nga autoritetet, dhe porti u rihap më pas, sipas autoriteteve detare të cilat i folën AFP-së.

“Ajri ynë, detet tona dhe shëndeti ynë nuk janë të negociueshme”, tha grupi Stop Croisieres në faqen e saj të internetit.

Ata kritikuan anijen për përdorimin e madh të naftës, shkatërrimin e faunës së oqeanit dhe bregdetit, ndikimin e anijeve në klimë dhe kushtet e këqija të punës për punonjësit në bord.

Protesta ndaloi anijen Aidastella, që është në pronësi të një kompanie gjermane dhe që mban rreth 2.000 njerëz, të mbërrinte në port rreth orës 7:00 të mëngjesit.

Costa Smeralda dhe MSC World Europa gjithashtu u detyruan të prisnin para se të hynin në port.

MSC World Europa është anija e gjashtë më e madhe e udhëtarëve në botë.

Ajo mund të mbajë 6.000 pasagjerë dhe ka më shumë se 2.600 kabina, si dhe 13 restorante dhe një qendër tregtare.

Shoqata Ndërkombëtare e Linjave të Anijeve Turistike dënoi protestën si “të paligjshme dhe të rrezikshme”.

Në një email drejtuar AFP-së, ajo argumentoi se industria e anijeve turistike po përpiqet të ulë emetimet e gazeve serë që ngrohin klimën.

Marseja është qendra e një industrie të zhvilluar të anijeve turistike në Francë.

Mes viteve 2022 dhe 2023, numri i pasagjerëve të anijeve turistike që hynin në port u rrit nga 1.5 milion në 2.5 milion, sipas observatorit të turizmit në Marsejë./REL

The post Aktivistët e ambientit bllokojnë portin kryesor të anijeve turistike në Francë appeared first on Albeu.com.

Komiteti Ekzekutiv i FSHF-së u mblodh sot për të shqyrtuar një sërë propozimesh në lidhje me rregulloret e kampionateve, investimet në infrastrukturën sportive apo dhe sistemin VAR.

Anëtare e KE miratuan propozimin për ndryshime në Rregulloren e Aktivitetit të Kategorisë Superiore & Kategorisë së Parë si dhe Kategorisë së Dytë.
Më konkretisht, sipas këtij vendimi duke nisur nga muaji janar 2025 (me hapjen e merkatos së ardhshme të futbollit) klubet e kategorisë “Abissnet Superiore” dhe Kategorisë së Parë do të kenë të drejtën të aktivizojnë njëkohësisht 7 lojtarë të huaj në fushën e lojës gjatë ndeshjeve.

Ndërkaq, duke nisur nga sezoni 2025-2026, klubet e kategorisë “Abissnet Superiore” mund të aktivizojnë lojtarë të huaj pa limit, ndërsa për klubet e Kategorisë së Parë mbetet në fuqi rregulli me 7 lojtarë të huaj në fushë njëkohësisht.

Sa i përket Kategorisë së Dytë, KE vendosi të heqë kufizimin për numrin e lojtarëve që vijnë nga jashtë qarkut.

Komiteti Ekzekutiv ka miratuar gjithashtu çmimet e biletave për dy ndeshjet e ardhshme të Kombëtares ndaj Çekisë dhe Ukrainës, që luhen në muajin nëntor në Tiranë.

Gjithashtu, u diskutuan dhe u miratuan propozimet për rikonstruksionin e fushës me bar artificial në aneksin e stadiumit “Kastrioti” dhe për krijimin e një fushe të re me bar sintetik në “Shtëpinë e Futbollit”.

Sa i përket infrastrukturës sportive në Shkodër, FSHF në bashkëpunim me klubin Vllaznia dhe Bashkinë Shkodër kanë rënë dakord për konstruksionin e një fushe me bar natyral në njësinë administrative Postribë dhe për mbështetjen e projektit të rikonstruksionit të fushave tek“Kompleksi Sportiv Zmijani”.

Po në lidhje me infrastrukturën, u miratua edhe kërkesa për mbështetje financiare referuar projektit për rikonstruksionin e tapetit dhe dhomave të zhveshjes tek “Myslim Koci”, në Gramsh.

Gjatë mbledhje u diskutua dhe u miratuan propozimet për qendërzimin e sistemit VAR dhe propozimi për krijimin e një platforme televizive FSHF-TV.

The post Mblidhet Komiteti Ekzekutiv i FSHF-së, hiqet limiti për futbollistët e huaj në Superiore appeared first on Albeu.com.

Blogerja Sara Hoxha, duket se ka marrë vendimin e rëndësishëm për t’u shpërngulur në Tiranë pasi ndarjes nga Ledri Vula, i cili nisi një romancë me ish-shoqen e saj, Rina Zaiti.
Lajmin e ka bërë të ditur vetë Sara Hoxha, e cila ka zbuluar se ka blerë një apartament në kryeqytet, është në proçes e sipër duke u rregulluar. Blogerja, e cila është përfshirë së fundmi edhe në botën e aktrimit, ka publikuar pamjet nga banesa e saj, së bashku me vajzën, Poi.

“Poi dhe unë shkuam të shohim shtëpinë tonë të re,” shkroi ajo krahas imazheve.Mesa duket pas ndarjes nga reperi, Sara është larguar përfundimisht nga Prishtina dhe zgjedhur të jetojë në Tiranë, bashkë me vajzën e saj.

Kujtojmë se vetëm pak kohë më parë, “Panorama Plus”, zbuloi se Ledri ishte në një lidhje të re dashurie. Pas gati 1 vit nga ndarja me Sarën, reperi mesa duket ka gjetur sërish dashurinë. Dhe më në fund publikohen edhe imazhet e para çiftit.

Ledri është kapur mat gjatë pushimeve në jug të vendit me të dashurën e tij, e cila quhet Rina Zaiti. Fotoja e fundit tregon çiftin duke shijuar momente relaksi pranë detit, duke u ulur pranë shkëmbinjve të plazhit. Duket se Ledri po shijon një kohë të qetë larg zhurmës dhe angazhimeve të karrierës së tij muzikore.

Burime treguan se ata ishin gjatë gjithë kohës shumë afër duke shijuar kohën me njëri-tjetrin. Ndërsa lajmi se Ledri është në një romancë te re dashurie dhe e ka harruar plotësisht Sara Hoxhën po bën xhiron e rrjetit, u zbulua se kush ishte vajza në foton e publikuar nga paparaci. Të gjithë pyesin për Rina Zaitin, ja disa të dhëna për vajzën e cila aludohet t’i ketë ‘vjedhur zemrën’ reperit shqiptar.

Si fillim, Rina është motra e Ron Zaitit. Ron Zaiti është një këngëtar i ri, i cili famën më të madhe e mori në bashkëpunimin me Dafina Zeqirin, “Murder on the dancefloor”. Më pas ai bashkëpunoi me Semi Jaupajn në “All your lovin’”, me DJ Geek në “Ganja”, sërish me Dafinën me “Boma ni tel” e kështu me radhë.

Aktualisht ka vijuar me projektet e tij pasi siç dihet, bashkëpunimeve me Dafinën u erdhi fundi për arsye që nuk u bënë të ditura nga dyshja shkruan ‘Popart.’ Profesioni i Rinës është estetiste thonjsh. Ajo ka një studio me emër ku nuk mungojnë as klientet VIP. Sigurisht, gjatë kohës që vëllai i saj bashkëpunonte ende me Dafinën, artistja ia besonte asaj imazhin.

Dukej se vajzat kishin miqësi shumë të mirë, por më vonë nuk janë parë më bashkë. Rina ka pasur edhe një raport miqësor me Sara Hoxhën, ish-partneren e Ledrit. Interesant është fakti që vetëm një muaj më parë, Rina kishte komentuar në postimet e Sara Hoxhës, duke e përshkruar atë si “mama të bukur”. Ky koment ka tërhequr vëmendjen e publikut, pasi lidhja e Rinës me Ledrin është pranuar si e vërtetë nga ndjekësit, duke ngritur pyetje për lidhjen e saj me ish-partneren e reperit. Një tjetër element intrigues është lidhja e Rinës me Dafina Zeqirin, një mikeshë e ngushtë e saj dhe ish-partnere e Ledrit.

Kujtojmë se Dafina kishte pasur një debat publik virtual me Ledrin dhe Sarën kur ata ishin ende bashkë, dhe raportet mes Dafinës dhe Sarës ishin, gjithashtu, të ngarkuara. Megjithatë, edhe pse Sara dhe Dafina ishin mikesha të mirë për një kohë, miqësia e tyre u prish pas zënkës. Aktualisht Rina dhe Dafina nuk ndiqen në rrjete sociale. Kaq ka mjaftuar që rrjeti të ‘akuzojë’ Rinën si shkaktaren e ndarjes mes Ledrit dhe Sarës, ndonëse çifti ka shumë kohë që është ndarë dhe lidhja e re ka vetëm pak javë që ka nisur.

Prej gati 1 viti është bërë publike edhe ndarja e tij nga Sara Hoxha. Që prej asaj dite, çifti nuk është parë më bashkë dhe tashmë, me foton e fundit nuk ka më skeptik që kjo histori është pa kthim. Vetëm pak javë më parë, Ledri ‘u ngacmua’ duke u pyetur nëse ishte ‘single’. Pyetja, siç tha gazetarja ishte nga një grup i vajzave që ishin të pranishme aty.

“Kisha një grup të gocave që më thoshin pyete pak Ledrin a është ‘single’, a po jo”, e pyeti ajo reperin e njohur. Ledri më pas dha një përgjigje që shumë pak e pritën. “Hajde le të më pyesin vetë, po i pres atje”, ishte përgjigjja e tij. Videoja e publikuar në rrjetin social “Instagram” po bën xhiron më të madhe. Ledri është pyetur nga gazetarja për një frazë të një prej këngëve të tij: “Çfarë i banë kësaj dashnie”. “Çfarë i bëri Ledri dashnisë së tij?”, e pyet gazetarja.

“Kurrgjo hiç!” përgjigjet këngëtari, “Duhet t’i kisha bo diçka”, -vijon ai përsëri duke mos dhënë detaje të tjera si çdo herë.

Kjo deklaratë e reperit erdhi në mes të zërave për një ribashkim mes tij dhe Sarës. Ledri Vula dhe Sara Hoxha nuk kanë folur për raportin e tyre, por nga aludimet e fansave dhe sjelljet e ish-çiftit hera herës kanë lindur dyshime se ata mund t’i kenë dhënë një tjetër shans lidhjes së tyre.

Provë për këtë ishte rikthimi i fotografive të çiftit në profilin e Sarës, po ashtu edhe fakti që të dy ata ndiqen në rrjetet sociale. Gjithashtu, vihet re edhe prania e Poem Blu, vajzës së tyre dhe Sarës në një ndër koncertet që Ledri ka performuar së bashku me disa artistë të tjerë.

Ende nuk ka asnjë konfirmin nga secili prej tyre për ndarjen, apo nisjen e romancave të reja, megjithatë duhet se ata nuk do të jenë bashkë. /

The post FOTO/ Ledri Vula e “braktisi” dhe nisi romancën me shoqen e saj, Sara Hoxha merr vendimin e rëndësishëm! appeared first on Albeu.com.

Për nënkryetaren e Partisë së Lirisë, Erisa Xhixho, rritja me vetëm 25 lekë të reja shtesë në ditë, është diçka krejtësisht qesharake.
Xhixho: 25 lekë të reja shtesë në ditë, rritje qesharake e fyese për 700 mijë pensionistë që jetojnë në varfëri Pra, qeveria nuk ka shtuar lekë as sa për një kafe në ditë. 

The post Xhixho: 25 lekë të reja shtesë në ditë, rritje qesharake e fyese për 700 mijë pensionistë të varfër appeared first on Albeu.com.

Gjyqtarja femër Emanuela Rusta ka zbuluar se është e ngopur duke u referuar si ‘arbitja seksi’ pas gjykimit në Ligën e Kampionëve për femra.

Rusta, 30 vjeç, nga Shqipëria, u bë gruaja e parë që drejtoi një ndeshje të Superligës shqiptare, ndërsa ajo ka bërë hapin në skenën evropiane muajt e fundit.

Ajo ka qenë më parë aktive në rrjetet sociale, duke postuar foto magjepsëse me bikini dhe duke ushtruar në palestër, por tani ka mbyllur llogarinë e saj në Instagram për shkak të mesazheve seksiste në platformë.

Rusta, e cila do të gjykojë sonte ndeshjen e femrave të Ligës së Kampionëve mes Sporting Lisbonës dhe Real Madridit, beson se mbulimi mediatik i pamjes së saj e ka bërë të vështirë, që ajo të arrijë të njëjtin nivel me homologët e saj meshkuj.

“Ata duhet të fokusohen më shumë në profesionalizmin tim sesa në gjëra të tjera”, tha ajo për AFP.

Rusta, i është dashur të durojë titujt si ‘arbitrja seksi që ngre temperaturën’, ndërsa një raport tjetër në 2022 pretendonte se ajo ‘vodhi shfaqjen’ në një ndeshje të Ligës së Kampionëve, pavarësisht se ishte vetëm gjyqtarja e katërt.

Pavarësisht se duhet të përballet me komentet jashtë fushës për pamjen e saj fizike, Rusta ndjen se është e respektuar në fushë dhe shpreson të ketë më shumë mundësi emocionuese në profesionin e saj të zgjedhur.

“Arbitërimi nuk është çështje gjinie, por kompetence”, tha ajo.

The post FOTO/ Gjyqtarja shqiptare që arbitron ndeshjet e Champions-it: Më kanë mërzitur mesazhet se*ksiste appeared first on Albeu.com.

Dy shqiptarë dolën para Gjykatës së Qarkut Wil si pjesë të një bande shqiptare të drogës dhe u dënuan me burgim dhe dëbime nga vendi. Megjithatë, sanksionet ishin më të buta sesa kërkoi prokuroria.

Dy 23-vjeçarët udhëtuan për në Zvicër në nëntor 2023 – 24 ditë larg njëri-tjetrit. “Doja të punoja këtu, por shpejt kuptova se kjo nuk ishte e mundur pa dokumente të vlefshme,” shpjegoi njëri të mërkurën përpara gjykatës së rrethit Wil në Flawil. Tjetri qëndroi kryesisht i heshtur, por mohoi se i përkiste një rrjeti shqiptar të drogës.

Të rinjtë u takuan në komunitetin e Zuzwil, ku ata ndanin një dhomë në emër të një organizate shqiptare të trafikut të drogës. Që andej edhe ata u përpoqën me biznesin e tyre, ndonëse jo me shumë sukses.

Njëri prej tyre u arrestua nga policia gjatë pazarit të dytë të paligjshëm të drogës në Flawil. Kur personi tjetër u paralajmërua më pas nga organizata dhe u ngarkua të zhdukte drogën, “kurthi” u hap: pikërisht kur ai ishte gati të largohej nga shtëpia e tyre me një çantë shpine plot kokainë dhe heroinë.

Mbrojtja argumentoi se dyshja vepruan me iniciativën e tyre dhe filluan të tregtojnë në mënyrë të ngathët drogë pasi kuptuan se nuk mund të gjenin punë të rregullt në këtë vend. Gjyqtari nuk e besoi këtë. Përkundrazi, krimi i lidhur me bandat kundër ligjit për narkotikët, i cili rrezikon shëndetin e shumë njerëzve, ishte sigurisht i dhënë, sepse “të dy ishin të pranishëm si autorë dhe në sfond një bandë vëzhgonte operacionin dhe paralajmëroi njërin prej tyre. kur u kap tjetri”, argumentoi gjyqtari.

The post Dy të rinjtë shqiptarë dënohen dhe dëbohen nga Zvicra, ja arsyeja appeared first on Albeu.com.

Deputetja e Partisë Socialiste, Etilda Gjonaj prezantoi sot në Kuvend ndryshimet në projektligjin “Për një shtesë dhe disa ndryshime në ligjin nr. 60/2023 “Për trajtimin e veçantë të studentëve që ndjekin programin e integruar të studimit të ciklit të dytë “Mjekësi e Përgjithshme” në institucione publike të arsimit të lartë”.

Në fjalën e saj Gjonaj tha se “ndryshimet e parashikuara në këtë projektligj vijnë si reflektim i vendimit të Gjykatës Kushtetuese në 25 janar 2024 për ligjin “Për trajtimin e studentëve të mjekësisë”.

“Kjo iniciativë ligjore vjen pas shqyrtimit në 3 mbledhje radhazi në Këshillin e Legjislacionit, i cili më pas i ka paraqitur kryetarit të Kuvendit raportin dhe nismën legjislative dhe relacionin”, tha Gjonaj.

Gjonaj u shpreh se “ky ligj i është nënshtruar filtrit të Gjykatës Kushtetuese për të gjitha pretendimet që subjektet kanë kërkuar tek kjo e fundit duke përfshirë cenimin  e parimit të sigurisë juridike ,të drejtën për arsim të lartë, të drejtën për të zgjedhur punën, dhe testin e proporcionalitetit të këtyre parashikimeve ligjore”.

“Gjykata kushtetuese në vendimin e saj ka përcaktuar dy momente, të cilat i ka konsideruar se duhet të rishikohen, për të cilat ne si iniciatorë të këtij projektligji i kemi reflektuar ekzaktësisht në dispozitat dhe parashikimet ligjore që kanë ardhur në këtë projektligj”, nënvizoi Gjonaj.

E para, vijoi Gjonaj, lidhet me rishikimin e afateve të nenit 4 të ligjit me qëllim garantimin e parimit të proporcionalitetit të ndërhyrjes deri në një kufi jo më të gjatë se sa 3 vjet.

“Nisur nga efekti detyrues për zbatimin e vendimit në pjesën arsyetuese dispozitive kemi propozuar parashikimet e reja të dispozitave duke iu përmbajtur me përpikmëri këtyre detyrimeve. Në vendimin e saj Gjykata ka arsyetuar se e drejta për arsim të lartë është një e drejtë që orientohet nga shteti drejt krijimit, zhvillimit dhe mbrojtjes së dijeve kufijtë e të cilës mund të përcaktohen rast pas rasti edhe ne varësi të nevojave dhe interesave publike duke ruajtur balancën midis të drejtave”, nënvizoi Gjonaj.

Gjonaj tha se “interesi publik për të garantuar plotësimin e nevojave për burime njerëzore në kryerjen e shërbimeve të shëndetit publik në institucionet shëndetësore është mjaft i lartë, prandaj dhe dispozitat që përcillen janë hartuar në proporcion me nevojat e diktuara për përmbushjen e këtij interesi të lartë publik, në zbatim të dispozitivit të vendosur nga Gjykata Kushtetuese”.

Diskutimet në Kuvend për ligjin “Për trajtimin e veçantë të studentëve që ndjekin programin e integruar të studimit të ciklit të dytë “Mjekësi e Përgjithshme” në institucione publike të arsimit të lartë” rinisën pasi Gjykata Kushtetuese shfuqizoi pjesërisht ligjin për studentët e Mjekësisë.

Ndryshimet e propozuara në projektligj janë në përputhje me objektivat e parashikuara të nenit 59 të Kushtetutës. Me këto ndryshime ulen në 3 vitet e punës për studentë që fillojnë rishtas, për studentët e vitit të dytë e deri në atë të katërt në 2 vite dhe për studentët e vitit të pestë e të gjashtë në vetëm një 1.

The post Gjonaj: Ndryshimet në ligjin për studentët e mjekësisë, reflektim i vendimeve të Kushtetueses appeared first on Albeu.com.

Kryeministri Albin Kurti ka deklaruar se dialogu me Serbinë ka është në fazë të avancuar pasi mes palëve ka një marrëveshje që duhet të respektohet e të mos shkelet, si dhe të zbatohet pa vonesa.
Ai ka thënë se në drekën e shtuar të enjten nga kryetarja e Komisionit Evropian, Ursula von der Leyen, i ka përsëritur kërkesat e vazhdueshme të Kosovës.
Gjatë bashkëbisedimit që patëm në këtë drekë të shtruar nga Von der Leyen unë përsërita kërkesat e vazhdueshme të Kosovës që sa më parë të na dërgohet pyetësori nga Komisoni Evropian ndonëse është me mijëra pyetje, ne duam t’i përgjigjemi me durim dhe përkushtim.
Dialogu ka një fazë të avancuar që nuk duhet asnjëherë të harrohet fakti që kemi marrëveshje, pra Kosova dhe Serbia kanë një marrëveshje në rrugën për normalizim të marrëdhënieve, kjo marrëveshje quhet Marrëveshja Bazike nga shkurti i vitit të kaluar, që e ka edhe aneksin e zbatimit nga dakordimi në Ohër dhe ajo duhet bërë është të respektohet e të mos shkelet, si dhe të zbatohet pa vonesa.

Në thelb të asaj marrëveshje është së paku njohja reciproke de-facto dhe ajo i ndihmon bashkëpunimit tonë në integrimin evropian”, ka thënë Kurti në një adresim për media nga Brukseli.

Ai gjithashtu ka thënë se nga mjetet e ndara për rajonin e Ballkanit Perëndimor, pret që edhe Kosova ta marrë pjesën që i takon.

“Ne jemi shumë të kënaqur që plani i rritjes i dedikohet të gjitha shteteve të Ballkanit, ku edhe Kosova do ta marrë pjesën e saj. Jemi të kënaqur që BE-ja e ka rikthyer temën e zgjerimit në tryezë, kjo është përgjigja më e mirë për të gjithë ata që kërcënojnë paqen, sigurinë dhe unitetin në BE e natyrisht bit ë gjitha kundër Federatës ruse. Janë gjithsej 6 miliardë të ndara për rajonin tonë ku Kosova besoj që do të marrë së paku atë që i takon për nga madhësia dhe puna që kemi bërë, përafërsisht gjysma mund të jenë grante dhe gjysma kredi, por ne presim që të ndodhë qysh në këtë vit për të mos thënë në muajin e ardhshëm”, është shprehur Kurti.

The post Albin Kurti apel nga Brukseli: Marrëveshja Bazë të mos shkelet, të zbatohet pa vonesa appeared first on Albeu.com.

Drejtoria e Përgjitshme e Policisë së Shtetit përmes një komunikate zyrtare ka dhënë detaje lidhur me ekstradimin e Admit Tutaj të akuzuar nga drejtësia shqiptare për grup të strukturuar kriminal, trafik armësh, akuza për të cilat i është vendosur edhe masa e arrestit me burg.
Tutaj u ekstradua nga Kolumbia, ku sipas policisë është një operacion midis Interpol Bogota/Kolumbi dhe Interpol Tirana u bë i mundur arrestimi i tij në Kolumbi dhe ekstradimi në Shqipëri.
Interpol Tirana/ Mesditën e sotme, Interpol Tirana, në kuadër të operacionit policor të koduar “Para drejtësisë”, ka ekstraduar nga Kolumbia, shtetasin shqiptar A. T., 25 vjeç.

Ky shtetas ishte shpallur në kërkim ndërkombëtar nga Interpol Tirana, pasi Gjykata e Posaçme Kundër Krimit të Organizuar dhe Korrupsionit, me vendimin e datës 30.07.2024, i ka caktuar masën e sigurisë “Arrest në burg”, për veprat penale  “Trafikimi i armëve dhe municionit”, “Grupi i strukturuar kriminal” dhe “Kryerja e veprave nga grupi i strukturuar kriminal dhe organizata kriminale”.

Në muajin prill 2023, Policia e Shtetit organizoi një operacion në Pikën e Kalimit Kufitar në Portin e Durrësit. Në një automjet furgon tip “Benz”, u gjet dhe u sekuestrua në cilësinë e provës materiale një arsenal armësh që ishte fshehur në një tavolinë druri.Nga hetimet ka rezultuar se shtetasi A. T., në bashkëpunim me disa shtetas të tjerë, kishin siguruar arsenalin e armëve dhe kishin organizuan trafikimin e tyre në Mbretërinë e Bashkuar.

Si rezultat i bashkëpunimit midis Interpol Bogota/Kolumbi dhe Interpol Tirana u bë i mundur arrestimi i tij në Kolumbi dhe ekstradimi në Shqipëri.

The post Ekstradimi nga Kolumbia i Admir Tutaj/ Policia jep detaje nga operacioni appeared first on Albeu.com.

Ushtria izraelite tha të enjten se kreu sulme kundër shtatë pozicioneve të Hezbollahut në Libanin jugor, ndërsa njoftoi gjithashtu arrestimin e një shtetasi izraelit të dyshuar për përfshirje në një komplot të mbështetur nga Irani për të vrarë zyrtarë izraelitë.

Autoritetet izraelite thanë përmes një deklarate se personi i arrestuar ishte një biznesmen me lidhje në Turqi, i cili mori pjesë në të paktën dy takime në Iran dhe se objektivat e mundshëm të komplotit përfshinin kryeministrin Benjamin Netanyahu dhe ministrin e Mbrojtjes Yoav Gallant.
Arrestimi u bë muajin e kaluar, thuhet në deklaratë.
Përveç sulmeve izraelite të enjten, ushtria izraelite raportoi gjithashtu se disa dronë kishin kaluar nga Libani në territorin izraelit.

Sulmet e fundit ndërkufitare pasuan shpërthimet e radiove të dorës dhe pajisjeve të komunikimit “pager” të përdorura nga Hezbollahu në Liban, që shkaktuan vrasjen e të paktën 32 njerëzve dhe plagosjen e mbi 3,000 të tjerëve të martën dhe të mërkurën.

The post Ushtria izraelite njofton se ka sulmuar një numër pozicionesh të Hezbollahut në Liban appeared first on Albeu.com.

Presidentja e Komisionit Evropian, Ursula von der Leyen, u takua në Bruksel me liderët e vendeve të Ballkanit Perëndimor për një drekë pune.

Në këtë takim morën pjesë kryeministrat e Kosovës, Shqipërisë, Maqedonisë së Veriut, Malit të Zi dhe Bosnje e Hercegovinës, ndërsa Serbia u përfaqësua me presidentin e saj.
Në një shkrim në X pas takimit, Von der Leyen tha se gjashtë vendet e Ballkanit Perëndimor e kanë vendin në Bashkim Evropian.

“Sot i prita liderët e gjashtë partnerëve nga Ballkani Perëndimor. Që të gjitha gjashtë vendet e kanë vendin në Evropë. Pikërisht për këtë jemi duke punuar.

Njëkohësisht, ne jemi duke i sjell ekonomitë dhe tregjet e tyre më afër tonave me Planin tonë të Rritjes prej 6 miliardë eurosh për rajonin”, shkroi ajo.

Sipas burimeve në Komisionin Evropian, takimi i Von der Leyen me liderët e Ballkanit ishte informues lidhur me qëllimet dhe misionin që do të ketë KE-ja në pesë vjetët e ardhshëm, sa do të zgjasë mandati i saj i dytë në krye të këtij institucioni.

Von der Leyen ka caktuar kandidaten nga Sllovenia, Marta Kos, si komisionare për Zgjerim, që do të thotë se ajo do të merret edhe me raportet me rajonin e Ballkanit Perëndimor.

Von der Leyen me këtë takim po ashtu dëshmoi se edhe në mandatin e ri do t’i kushtojë kujdes të veçantë këtij rajoni dhe në përgjithësi procesit të zgjerimit të BE-së.

Në takim u diskutua edhe për “agjendën e reformave dhe rritjes”, të cilat tashmë i kanë dorëzuar në Komisionin Evropian të gjitha vendet e rajonit të Ballkanit, si parakusht për të pranuar pagesat e para nga Plani i Rritjes për Ballkanin Perëndimor. Bosnja e Hercegovina ka qenë e fundit që ka dorëzuar një dokument të tillë.

Von der Leyen personalisht ishte angazhuar për të promovuar këtë plan, ndërsa atë e ka mbështetur edhe Parlamenti Evropian edhe vendet anëtare në Këshillin e BE-së.

Ky plan, që është një paketë prej 6 miliardë eurosh, konsiderohet si plani më ambicioz financiar i BE-së për vendet e rajonit dhe ka për qëllim t’iu ndihmojë atyre të përshpejtojnë rritjen ekonomike, procesin e reformave dhe në këtë mënyrë të jenë më të gatshme për procesin e integrimit në BE.

Sipas një përllogaritje jozyrtare, Kosova do të mund të përfitojë mbi 880 milionë euro nga ky Plan i Rritjes.

Për Kosovën dhe për Serbinë, përveç kritereve të përgjithshme që kanë të bëjnë me sundimin e ligjit, kusht për të përfituar nga ky Plan i Rritjes është edhe angazhimi konstruktiv në procesin e normalizimit të raporteve mes tyre, që përfshin edhe zbatimin e të gjitha obligimeve nga procesi i dialogut të lehtësuar nga BE-ja.

Kryeministri i Kosovës Albin Kurti gjatë qëndrimit në Bruksel, përveç drekës së punës të organizuar nga presidentja e Komisionit Evropian, do të ketë edhe një diskutim në Qendrën e Politikave Evropiane (EPC)./REL

The post Von der Leyen takon liderët e Ballkanit Perëndimor: Të gjashtë vendet i përkasin Evropës appeared first on Albeu.com.

Nëse njerëzit ndihen të lumtur apo edhe të kënaqur me jetën e tyre, kjo vetëm ndihmon shëndetin mendor, por mund edhe të reduktojë rrezikun e atakut kardiak dhe hemorragjisë cerebrale.

Një studim i fundit, i botuar në Gazetën e Shoqatës Amerikane të Zemrës, tregoi se mirëqenia ul rrezikun e sëmundjeve kardiovaskulare.
“Gjetjet tona mbështesin një qasje ndaj kujdesit shëndetësor, ku rritja e mirëqenies mendore dhe emocionale të një individi konsiderohet si pjesë integrale e parandalimit të sëmundjeve të zemrës dhe hemorragjisë cerebrale,” pohoi autori kryesor i studimit Dr. Wen Sun.

Hulumtimi i drejtuar prej tij analizoi të dhënat e mbi 120 mijë pjesëmarrësve. Rezultatet treguan se personat me nivele më të larta të mirëqenies emocionale kishin një rrezik 44% më të ulët për arterie të bllokuara, 45% më të ulët për hemorragji cerebrale dhe 56% më pak për infarkt.

Studiuesit thonë se njerëzit që ndiheshin më të kënaqur me jetën, niveli i inflamacionit në trup ishte më i vogël. Ata rekomanduan përfshirjen e aktiviteteve fizike dhe menaxhimin e stresit në kujdesin shëndetësor të përditshëm.

The post Studimi: Lumturia ul rrezikun e atakut kardiak dhe hemorragjisë cerebrale appeared first on Albeu.com.

Presidenti i PL-së, Ilir Meta ka publikuar një video në rrjetet sociale ku tregohen kazanët e plehrave të tejmbushur tek sheshi ”Wilson”.

Meta shkruan se ky është kryeqyteti ku qytearët paguajnë më shumë se kudo në botë për pastrimin dhe për inceneratorin që nuk ekziston.
Ky është kryeqyteti ku qytetarët paguajnë më shumë se kudo në botë për pastrimin dhe për inceneratorin që nuk ekziston. Ja ku është përpara sheshit Wilson, tek “Tirana e Re”.

The post PLEHRAT, KAPICË/ Meta: Kryeqyteti ku qytetarët paguajnë më shumë se kudo në botë për pastrimin dhe për inceneratorin që nuk ekziston appeared first on Albeu.com.

Pamjet e Justin Bieber dhe Diddy janë bërë edhe një herë virale pas arrestimit të Diddy-t me akuza për trafik seksual dhe shantazh këtë javë. Diddy, aktualisht është në pritje të gjykimit pasi është paditur nga një juri e madhe ku ai vetë është deklaruar i pafajshëm dhe i mohon me forcë akuzat.

Dje (18 shtator) mesazhet që dyshohet se janë shkëmbyer mes 54-vjeçarit dhe një prej viktimave të dyshuara janë lexuar nga prokurorët në gjykatë.

U dëgjua se viktima e supozuar shkruante Combs ‘Ndjehem sikur po lexoj traumën time seksuale’, pasi ajo lexoi çështjen që ish e dashura e tij Cassie Ventura kishte ngritur kundër tij në nëntor të vitit të kaluar.

Ai aplikoi për lirim me kusht duke i ofruar sistemit gjyqësor një shumë marramendëse prej 50 milionë dollarësh, por ai u refuzua për herë të dytë dje pasi gjykatësi e quajti atë një “rrezik serioz”.

Avokati i tij Marc Agnifilo mbetet i bindur se vendimi për të arrestuar dhe akuzuar Combs është “i padrejtë”, duke i thënë UNILAD-it se klienti i tij “nuk është kriminel” dhe “pret me padurim të pastrojë emrin e tij në gjykatë”.

Pamjet e Combs kanë bërë xhiron e rrjeteve sociale, duke përfshirë një video të tij duke thënë lamtumirë Justin Bieber, i cili sapo ka mirëpritur fëmijën e tij të parë në botë.

Diddy mund të shihet në dukje duke përkëdhelur Bieber-in, me detektivët e mediave sociale që pretendojnë se ai po sigurohej që të mos ishte në përplasje me policinë, pra pretendohet se sipas tij Justin mbante nën rrobat e tij një pajisje përgjimi.

Një person shkoi në Twitter për të postuar videon, duke e mbishkrimin: “Diddy duket se po kontrollon Justin Bieber për të parë nëse ai ka veshur një tel në këtë video”.

Por kjo nuk ishte e vetmja video e të dyve që u bë virale, me një klip tjetër të cilësuar si ‘rrëqethës’ nga fansat që tregon një Combs atëherë 40-vjeçare me një Bieber 15-vjeçar.

Duke folur para kamerës, Combs thotë: “Aty ku po rrimë dhe çfarë po bëjmë, nuk mund ta zbulojmë vërtet, por është padyshim ëndrra e një 15-vjeçari.

“Për 48 orët e ardhshme, ai është me mua. Dhe ne do të jemi të plotë. Buck plotësisht i çmendur.”

Një person që ndau videon në Twitter komentoi: “Është super e frikshme të shohësh të gjitha këto video të Diddy që po dalin.”

Një tjetër shkroi: “Super skicë”.

Ndërsa një i tretë shtoi: “Çfarë 40-vjeçari dëshiron të ‘shoqëroj’ me një 15-vjeçar? Përveç nëse, sigurisht, është fëmija juaj ose një i afërm i ngushtë”.

The post Njerëzit të bindur! Diddy kontrolloi Justin Bieber nëse kishte pajisje përgjimi appeared first on Albeu.com.

Lady Gaga u shfaq në episodin e dytë të serialit Netflix What’s Next? E ardhmja me Bill Gates .

Ajo foli sinqerisht me Gates rreth thashethemeve që janë qarkulluar për të në vitet e mëparshme, veçanërisht ato që morën përsipër karrierën e saj të hershme.
Titujt e lajmeve po pyesnin vazhdimisht gjininë e Gaga-s dhe nëse ajo ishte në të vërtetë një burrë.

Në vitin 2011, ajo tha në mënyrë të famshme për CNN: “Pse dreqin do të humbas kohën time dhe do të jap një deklaratë për shtyp nëse kam apo jo penis?Fansave të mi nuk u intereson dhe as mua.”

Duke reflektuar për atë periudhë të karrierës së saj, ajo u hap me Gates se sa shpesh pyetej për gjininë e saj. Duke u hapur se pse nuk e adresoi kurrë, ajo shtoi: “Arsyeja pse nuk iu përgjigja pyetjes është sepse nuk u ndjeva viktimë me atë gënjeshtër dhe mendova: Po një fëmijë që akuzohet për këtë kush do të mendonte se një personazh publik si unë do të ndihej i turpshëm?”

The post Gaga zbulon arsyen pse ajo nuk i mohoi thashethemet që pretendonin se ishte burrë appeared first on Albeu.com.

Florence Pugh theu heshtjen për komentet që mori online për peshën e saj.

Në një bisedë të fundit me British Vogue, aktorja 28-vjeçare zbuloi se si u ndje kur u përball me komente negative për trupin e saj.
“Është shumë e vështirë,” tha aktorja e We Live in Time për kopertinën e tetorit. “Është vërtet e dhimbshme të lexosh se njerëzit janë të neveritshëm për vetëbesimin tim ose tregohen të keq për peshën time. Nuk ndihet kurrë mirë. E vetmja gjë që kam dashur gjithmonë të arrij ishte që të mos shisja kurrë dikë tjetër, diçka që nuk jam unë vërtet”.
Aktorja Florence Pugh ka thënë se “ngacmimi ndikoi”tek ajo dhe ish i dashuri Zach Braff po ashtu. Braff është një aktor që ka luajtur si zëri i Chicken Little dhe është shfaqur në Scrubs dhe Cheaper By The Dozen. Pugh tha se ishte “shumë e vështirë” për të lexuar komentet në kanalet e saj të mediave sociale. Ajo shtoi: “(Interneti) është një vend shumë i poshtër. Është me të vërtetë e dhimbshme të lexosh se njerëzit janë të neveritshëm për vetëbesimin tim ose të neveritshëm për peshën time. Nuk ndihem kurrë mirë. E vetmja gjë që kam dashur gjithmonë të arrija ishte të mos shisja kurrë dikë tjetër.”

The post Florence Pugh thyen heshtjen për komentet ‘e këqija’ për peshën e saj appeared first on Albeu.com.