Kamala Harris ka pranuar një ftesë nga CNN për të marrë pjesë në një debat të dytë presidencial, ka thënë ekipi i fushatës së saj.

Kandidati demokrat për president pranoi të merrte pjesë në debatin e gazetës më 23 tetor dhe i kërkoi Donald Trump të bënte të njëjtën gjë.

“Populli amerikan meriton një mundësi tjetër për të parë nënpresidenten Kamala Harris dhe Donald Trump të debatojnë përpara se të hedhin votën e tyre.

“Do të ishte e paprecedentë në historinë moderne që të kishte vetëm një debat të përgjithshëm zgjedhor. Donald Trump nuk duhet ta ketë problem të pajtohet me këtë debat”, tha ekipi i fushatës së saj në një deklaratë.

Ekipi tha se debati do të zhvillohej në “të njëjtin format dhe organizim si debati i CNN që ai mori pjesë dhe tha se fitoi në qershor”.

Kjo ishte kur Trump shkoi kokë më kokë me Joe Biden, përpara se presidenti amerikan të dilte nga gara dhe të zëvendësohej nga Harris.

Harris gjithashtu postoi në X në lidhje me debatin.

Trump nuk komentoi menjëherë publikisht për pjesëmarrjen dhe më parë ka thënë se nuk do të merrte pjesë në një debat tjetër.

Në fillim të këtij muaji, ai tha në një tubim se nuk kishte nevojë të debatonte përsëri, sepse ai fitoi “qartësisht“.

The post Zgjedhjet presidenciale në SHBA/ Kamala Harris pranon ftesën e CNN për debat, i kërkon Trumpit të bëjë të njëjtën gjë appeared first on Gazeta Shqiptare Online.

Një zjarr ra në banesën e Ardian Kecit në fshatin Mesul të Pukës, duke bërë që gjithçka të shkrumbohej në pak minuta.

Kryefamiljari ndodhej në spital i shtruar në QSUT në momentin që ka ndodhur ngjarja, ndërsa familja e tij kishin qenë duke ngrënë drekë kur kanë parë flakët në tavanin e banesës.

“Ishim duke ngrënë bukë dhe kemi parë zjarrin në tavan që kishte rënë, nuk e dimë nga erdhi. I kam marrë mamin, nënë dajën dhe i kam nxjerrë jashtë. Na janë djegur televizori, dushi, raftet, kolltuqet, frigoriferi, lavatriçja”, tha për News24, Geraldo Keci, djali i familjes.

Mungesa e rrugës automobilistike ka bërë të pamundur mbërritjen e zjarrfikëses, e për pasojë shtëpia u dogj e gjitha.

Pas ngjarjes, përfaqësues të Bashkisë së Pukës shkuan te shtëpia e djegur dhe ndër të tjera apeluan për ndihmë ndaj familjes.

“Dëmet janë të konsiderueshme. E gjithë banesa është jashtë funksionit pasi është e dëmtuar totalisht nga zjarri me të gjitha orenditë dhe pajisjet brenda. Fatmirësisht nuk kemi dëme në njerëz dhe kjo është fat, për pjesën tjetër na duhet i gjithë angazhimi i strukturave vendore, i shtetit, drejtorive përkatëse për t’i ardhur në ndihmë kësaj familje. Po ashtu i apeloj biznesit pukjan dhe kush ka mundësi ta ndihmojë në mënyrë që kjo familje ta kalojë sa më shpejt këtë situatë“, u shpreh Ferit Ringaj, nënkryetar i Bashkisë së Pukës.

The post “Ishim duke ngrënë drekë kur…”- Zjarri shkrumboi totalisht banesën në Pukë, familja në qiell të hapur appeared first on Gazeta Shqiptare Online.

Partizani dhe Tirana përballen sot në derbin e parë të sezonit mes tyre në Superiore, në një sfidë që ka rëndësi shumë të madhe për të dy ekipet. Të kuqtë duan të rigjejnë fitoret pas ndalesave radhazi në kampionat, ndërsa per bardheblutë kjo sfidë vjen pas 5 barazimesh radhazi.

Trajneri Veselinoviç ka bërë ndryshime në rreshtim, duke kthyer në formacion emra si Preka, Buxhelaj, Taipi e Bintsuka nga minuta e parë. Ndërsa Shkëmbi i beson përsëri fazën ofensive Abah dhe Zharmunit.

FORMACIONET ZYRTARE

PARTIZANI: Qirko, Preka, Sembene, Hadroj, Buxhelaj, Mehmeti, Taipi, Rrapaj, Zeka. Cara, Bintsuka.
Trajner: A. Veselinoviç.

TIRANA: Selmani, Mici, Kola, Dembele, Ismajli, Soler, Meta, Jonuzi, Haxhiu, Abah, Zharmuni.
Trajner: B. Shkëmbi

PANORAMASPORT.AL

The post Derbi i parë i sezonit me ndryshime te të dy skuadrat, publikohen formacionet zyrtare të Partizanit dhe Tiranës appeared first on Gazeta Shqiptare Online.

Produktet e qumështit shpesh konsiderohen si një zgjedhje e shëndetshme, por disa prej tyre mund të kenë një ndikim negativ në shëndetin tonë, veçanërisht në florën e zorrëve dhe peshën trupore.

Këtu janë tre produkte të qumështit që duhen shmangur ose konsumuar me moderim.

Qumësht i plotë

Qumështi i plotë mund të jetë i pasur me lëndë ushqyese, por edhe me yndyra të ngopura. Konsumimi i tepërt mund të kontribuojë në zhvillimin e obezitetit dhe të rrisë rrezikun e sëmundjeve të zemrës.

Përveç kësaj, disa njerëz mund të përjetojnë shqetësime në florën e zorrëve, të cilat mund të çojnë në probleme të tretjes.

Kos me aditivë

Shumë kos në treg përmbajnë sheqerna të shtuar dhe shije artificiale, të cilat mund t’i bëjnë të duken si një opsion i shëndetshëm, por në fakt mund të kenë një efekt negativ në shëndetin tuaj. Këto suplemente mund të shkaktojnë një çekuilibër në florën e zorrëve dhe të rrisin peshën trupore. Rekomandohet të zgjidhni kos me përmbajtje të ulët sheqeri dhe pa aditivë.

Kosi dhe djathërat kremoz

Kosi dhe djathërat krem ​​janë shpesh të pasura me yndyra të ngopura dhe kalori. Konsumimi i rregullt i tyre mund të kontribuojë në shtimin e peshës dhe përmbajtja e lartë e yndyrës mund të ndikojë negativisht në shëndetin e zemrës.

Gjithashtu, këto ushqime mund të shkaktojnë procese inflamatore në trup, të cilat mund të dëmtojnë më tej florën e zorrëve.

Edhe pse produktet e qumështit mund të jenë pjesë e një diete të ekuilibruar, është e rëndësishme të jeni të vetëdijshëm për ato që mund të jenë të dëmshme për shëndetin tuaj.

Qumështi i plotë, jogurtet me aditivë dhe djathërat krem ​​mund të kontribuojnë në problemet me florën e zorrëve dhe të rrisin në mënyrë të padukshme peshën e trupit.

Është gjithmonë më mirë të zgjidhni opsione natyrale, të papërpunuara dhe të konsumoni produktet e qumështit me moderim.

The post Tre produktet e qumështit më të dëmshme për shëndetin! Shkatërrojnë florën e zorrëve dhe ju bëjnë me shtresa dhjami pa e kuptuar appeared first on Gazeta Shqiptare Online.

Ministrja e Turizimit dhe Mjedisit, Mirela Kumbaro ka folur në lidhje me rastin e transportit të mbetjeve toksike, gjatë një interviste në emisionin ‘Kjo Javë’ në News 24.  

Kumbaro shpjegoi se të gjitha subjektet  prodhojnë mbetje dhe janë të pajisura me leje mjedisore ku kanë të përcaktuara sesi duhet të menaxhohen ato mbetje.

“Unë nuk shoh me shqetësim masiviteten e lajmit, unë ndjek me shqetësim punën tonë në të përditshme në sektorin e ndotjeve dhe mos ndotjeve në mjedis. Fakti që e bëjmë këtë punë përditë nuk përmban lajm. Të gjithë sektorët e bizneseve, është normale që të krijojnë mbetje. Por këto mbetje menaxhohen nga subjekti brenda rregullave të caktuara dhe pajisen me një dokument në momentin që hapin biznesin e tyre. Në lejen mjedisore janë të përcaktuara kushtet dhe modeli është europian.

Të rrezikshme nuk do të thotë automatikisht toksike. Mbetjet e rrezikshme mund të jenë si p.sh. ato të çelikut, magazinohen, grumbullohen, rikuperohen, përpunohen, asgjësohen dhe mund të eksportohen. E rëndësishme është të bëhen sipas lejes mjedisore”, tha Kumbaro.

Për rastin e kompanisë Sokolaj, ministrja tha se ka marrë licencën në vitin 2022 sipas ligjit, por nuk ka bërë kërkesë për një kod unik që e bën të gjurmueshëm.

“Fakti që merrni një licencë nuk ju bën automatikisht të ligjshëm, sepse duhet pajisur me një kod unik për tu bërë u gjurmueshëm.Subjekti në fjalë nuk e ka bërë dhe kjo nuk mjafton për të eksportuar mbetje. Eksporti është aktivitet i ligjshëm, por duhet kodi unik dhe një dosje komplekse me të dhëna përfshirë dhe analizën e mallit”, tha ajo.

Më tej shtoi se në kontejnerë nuk dihet ende çfarë mbetjesh ka. “Duhet të presim me durim rezultatin e organeve inspektuese dhe hetimore, për të mbërritur në një konkluzion përfundimtar çfarë ka në kontejnerë dhe çfarë hapash duhet të ndiqen”, tha Kumbaro.

“Kompania Sokolaj e ka marrë licencën në 2022 sipas ligjit. Fakti që merrni një licencë nuk ju bën automatikisht të ligjshëm, sepse duhet pajisur me një kod unik për tu bërë u gjurmueshëm. Subjekti në fjalë nuk e ka bërë dhe kjo nuk mjafton për të eksportuar mbetje. Eksporti është aktivitet i ligjshëm, por duhet kodi unik dhe një dosje komplekse me të dhëna përfshirë dhe analizën e mallit. Autorizime të tilla japim disa herë në vit, sepse tregu i shit-blerjes së mbetje është si një bursë ndërkombëtare.

Të gjitha janë të mundura nëse respektohet ligji dhe rregulli. Kompania në fjalë nuk është e pajisur me një autorizim eksporti, nuk ka bërë kërkesë për të eksportuar mbetje, nuk ka bërë deklarim të eksportit. Malli dhe mbetjet kanë mënyra të ndryshme sesi  trajtohen. Që në momentin e parë që kemi indicie, kemi ngritur një grup pune dhe jemi në bashkëpunim me Prokurorinë e Durrësit duke i vënë në dispozicion të gjitha informacionet. Në fund të procesit, organi i drejtësisë do të vendosë. Flitet për mbetje por nuk e dimë se çfarë kanë kontejnerët. Duhet të presim me durim rezultatin e organeve inspektuese dhe hetimore, për të mbërritur në një konkluzion përfundimtar çfarë ka në kontejnerë dhe çfarë hapash duhet të ndiqen”, tha Kumbaro.

The post Skandali me mbetjet/ “Të rrezikshme nuk do të thotë toksike”, Kumbaro: Ende nuk e dimë se çfarë ka në ato kontejnerë, presim Prokurorinë të dalë me konkluzione appeared first on Gazeta Shqiptare Online.

Sulmet ndaj Libanit këtë javë treguan se qeveria izraelite e kishte në plan ta përhapte luftën në rajon, tha të shtunën presidenti i Turqisë, Recep Tayyip Erdogan, duke u bërë thirrje vendeve perëndimore të marrin “masa parandaluese” kundër veprimeve të Izraelit.

Erdogan deklaroi në një konferencë për shtyp se lufta e Izraelit në Gaza do të jetë tema kryesore e fjalimit të tij në Asamblenë e Përgjithshme të OKB-së më 24 shtator.

“Që rajoni ynë të mos tërhiqet në një katastrofë të madhe, presioni mbi Izraelin duhet të rritet edhe më shumë”, tha Erdogan në një konferencë për shtyp në Stamboll.

Ai komentoi mbi sulmet në Liban këtë javë, përfshirë shpërthimin e pagerëve dhe radio-lidhjeve të anëtarëve të Hezbollahut që shkaktuan vdekjen e 39 personave.

Sulmet ndaj pajisjeve të komunikimit besohet gjerësisht se janë kryer nga Izraeli, që nuk e ka konfirmuar apo mohuar përfshirjen e tij.

“Është koha që të gjitha vendet me misionin e mbrojtjes së paqes botërore të gjejnë zgjidhje që do ta ndalë Izraelin”, tha Erdogan.

“Për ta ndalur këtë shtypje që po vazhdon prej gati një viti, për ta vendosur një armëpushim të përhershëm dhe për të siguruar rrjedhën e pakufizuar të ndihmave humanitare, të gjithë ne, bota e tërë dhe veçanërisht OKB-ja, kemi detyra të rëndësishme,” shtoi ai.

Turqia ka dënuar veprimet e Izraelit në Gaza, të cilat erdhën si përgjigje ndaj sulmit të Hamasit – grupit palestinez të shpallur organizatë terroriste nga SHBA-ja dhe BE-ja – më 7 tetor.

Izraeli thotë se rreth 1.200 njerëz u vranë dhe mbi 250 persona u morën peng në sulmin e Hamasit. Ofensiva e mëvonshme ushtarake e Izraelit në Rripin e Gazës ka vrarë më shumë se 41.000 palestinezë, sipas ministrisë së shëndetësisë së enklavës.

Ankaraja ka pezulluar tregtinë me Izraelin dhe ka paraqitur një kërkesë për t’u bashkuar në rastin e Afrikës së Jugut në Gjykatën Ndërkombëtare të Drejtësisë, duke akuzuar Izraelin për gjenocid. Izraeli i ka mohuar në mënyrë të përsëritur akuzat për gjenocid si të pabaza./rel

The post Shpërthimi i pagerëve në Liban, Turqia i kërkon Perëndimit të ndërmarrë masa ndaj Izraelit appeared first on Gazeta Shqiptare Online.

Ministrja e Turizmit dhe Mjedisit, Mirela Kumbaro është shprehur se ky sezon veror ka qenë i suksesshëm ndërsa bëri me dije se gushti u mbyll me 8.5 milionë vizitorë.

Kumbaro shtoi se numërimi i turistëve jo rezidentë që vijnë në vendin tonë, bëhet nëpërmjet sistemit TIMS.

“Ky sistem na ndihmon të caktojmë prejardhjen, moshën edhe nëse ka ardhur disa herë apo vjen për herë të parë”, tha ministrja.

“Deri në fund të gushtit mund ta konsiderojmë një sezon veror të suksesshëm. Nëse gushti u mbyll me 8.5 milionë vizitorë që e shprehur në përqindje krahasuar me të njëjtën periudhë të viti të kaluar, kemi rreth 20 përqind më shumë vizitorë të huaj. Pra e theksojmë vizitorë të huaj sepse është e vështirë për momentin të llogarisim turizmin vendas, por që është një tjetër fluks, jo vetëm i banorëve që jetojnë dhe janë rezidentë në Shqipëri, por edhe i shqiptarëve që kanë vendqëndrim dhe punë në shtete të tjera, kur futën në territorin tonë, futen me pasaportë shqiptare. Ata nuk i llogarisim dot në këtë shifër. Kriteri që kemi zgjedhur është që vizitorët që hyjnë në sistemin TIMS në të gjitha pikate kufirit me pasaportë të huaj, i llogarisim si turistë të huaj.

Sistemi TIMS është mënyra më e pagabueshme e përllogaritjes, sepse çdo gjë është elektronike dhe përcaktohet kollaj. Po ky sistem na ndihmon të caktojmë prejardhjen, moshën edhe nëse ka ardhur disa herë apo vjen për herë të parë.

Krahë saj është gjithë sistemi i statistikave të INSTAT të cilat vetëm nëse i nxjerrim numrin e vizitorëve të huaj ditët e para të muajit pasardhës, INSTAT ka një tjetër metodologji, llogarit netë-qëndrimet, preferencat për turizëm në mal apo fushë, sepse funksionojnë me kampione sondazhesh”, deklaroi Kumbaro në emisionin ‘Kjo Javë’ në Neës 24.

Ministrja gjithashtu u shpreh se të ardhurat e hyra në ekonominë shqiptare si pasojë e shtimit të numrit të turistëve, ka pasur një trend pozitiv rritjeje, duke bërë të ditur se në 6 muajt e parë të 2024 kemi një rritje nga 1.5 deri në 2 miliardë euro, krahasuar me të njëjtën periudhë të një viti më parë.

“Kemi më shumë të ardhura. Për të njëjtën periudhë, po rri tek 6 mujori i parë, sipas të dhënave nga Banka e Shqipërisë, tregon se janar-qershor 2023 të hyrat nga turizmi në ekonominë shqiptare ishin 1.5 mld euro. Ndërsa për të njëjtën periudhë në 2024, ishin 2 mln euro. 2022 u mbyll me 2.2 mld euro të hyra në ekonomi nga turizmi. 2023 me 4.2 mld euro të hyra. Në 6 muajt e parë të 2024 jemi në rritje nga 1.5 deri në 2 mld euro. Presim mbylljen e bilanceve, por deri tani janë të gjitha në trend rritës.

Në 6 muaj 200 mijë vizitorë vetëm në kalanë e Gjirokastrës, jo në qytet“, u shpreh Kumbaro.

The post “500 milionë euro më shumë hynë në ekonomi, krahasuar me vjet”- Kumbaro flet për turizmin: Kemi rreth 20% më shumë vizitorë të huaj, sistemi TIMS na ndihmon që të… appeared first on Gazeta Shqiptare Online.

Aksident me një të plagosur ka ndodhur këtë padite në afërsi të fshatit Lumalas në aksin Korçë-Pogradec.

Sipas informacioneve nga policia një mjet tip Benz ka përplasur një këmbësore e cila aktualisht është transportuar në spitalin e Korçës për të marrë ndihmë mjekësore dhe sipas birimeve spitalore ndodhet jashtë rrezikut për jetën.

Policia ndërkohë është duke punuar për zbardhjen e shkaqeve të aksidentit.

The post Aksident në Korçë-Pogradec, mjeti merr përpara këmbësoren appeared first on Gazeta Shqiptare Online.

Leon Gorecka përballet me një të ardhme të pasigurt në Bajern. Ndërsa 29-vjeçari e përjashtoi kategorikisht mundësinë e largimit nga Mynihu gjatë verës, mesfushori tani thuhet se ka mendime të dyta.

Sipas ish-mesfushorit të bavarezëve, Bastian Shvainshtaiger, Leon duhet të luftojë për vendin e tij në ekip. Ndërsa drejtuesit e Bajernit nuk duket se po planifikojnë më për Goreckan, Shvainshtaiger është i bindur se mesfushori nuk duhet të largohet nga Mynihu në dimër:

“Vazhdo të punosh shumë. Sezoni është i gjatë dhe keni nevojë për shumë lojtarë në një nivel të mirë. Leon Gorecka është ende një futbollist që Bajernit i duhet patjetër”, shpjegoi Bastian në periferi të “Laver Cup” në Berlin. Mikael Balak, ish-kapiteni i Gjermanisë dhe eksperti i “DAZN”, shprehu gjithashtu mbështetjen e tij dhe këshilloi Goreckan të “vazhdojë të shtyjë”.

Balak theksoi se mesfushori i bavarezëve, pavarësisht situatës së pasigurt dhe duhet të vazhdojë të luftojë me të gjitha forcat: “Unë mendoj se ai është 100 për qind i sigurt në performancën e tij, përndryshe nuk do ta kishte marrë këtë vendim”, tha Balak.

Leo Gorecka u përdor për herë të fundit në Champions kundër Dinamo Zagrebit në fazat mbyllëse të lojës dhe madje shënoi një gol. Megjithatë, në hierarkinë e mesfushës së Bajernit, 29-vjeçari është vetëm në vendin e katërt pas Joshua Kimish, Aleksandar Pavloviç dhe nënshkrimit të ri Zhoao Palhinja. Sipas raporteve të vazhdueshme të mediave, futbollisti me numër “8” dëshiron të rishqyrtojë situatën e tij në dimër. Nëse ai vazhdon të “lëngojë” mes tribunës dhe stolit zëvendësues, ai nuk mund të përjashtojë më një largim të hershëm nga Mynihu.

The post Legjendat e Gjermanisë, apel Goreckës: Qëndro te Bajerni appeared first on Gazeta Shqiptare Online.

Autoritetet italiane që hetojnë rrënojat e superjahtit Bayesian , i cili u fundos në muajin gusht në Sicili, duke lënë pas 8 viktima, përfshirë manjatin e teknologjisë britanike, Mike Lynch.

Sipas burimeve të CNN, prokurorët italianë që hapën një hetim penal për vrasje të shumëfishta dhe mbytje të anijes nga pakujdesia besojnë se fundosja e jahtit 56 metra mund të përmbajë të dhëna shumë të ndjeshme të lidhura me disa agjenci të inteligjencës perëndimore.

Mike Lynch ka pasur lidhje me agjencitë e inteligjencës britanike, amerikane dhe të tjera përmes kompanive të tij të ndryshme, duke përfshirë firmën e sigurisë kibernetike Darktrace.

Lynch ishte gjithashtu një këshilltar i kryeministrave britanikë David Cameron dhe Theresa May për shkencën, teknologjinë dhe sigurinë kibernetike gjatë kohës së tyre në detyrë, sipas të dhënave të qeverisë britanike.

Bayesian, e cila ishte në pronësi të kompanisë së gruas së Lynch, është zhytur në një thellësi prej rreth 50 metrash dhe besohet të ketë kasaforta të papërshkueshme nga uji që përmbajnë dy disqe të enkriptuara që përmbajnë informacione shumë të klasifikuara, duke përfshirë fjalëkalime dhe të dhëna të tjera të ndjeshme.

Sipas informacionit të cituar nga CNN, zhytës specialistë me kamera në distancë kontrolluan gjerësisht anijen.

Fillimisht, autoritetet lokale kishin frikë se hajdutët e mundshëm do të përpiqeshin të arrinin tek rrënojat për të gjetur bizhuteri të shtrenjta dhe sende të tjera me vlerë ende në jaht. Ata tani shqetësohen se pjesët e anijes, që pritet të hiqen në javët e ardhshme si pjesë e hetimit penal për tragjedinë, do të jenë gjithashtu me interes për qeveritë e huaja, duke përfshirë Rusinë dhe Kinën. Ata kërkuan që jahti të ruhej nga afër, si mbi ujë ashtu edhe nën mbikëqyrje nënujore.

“Një kërkesë zyrtare është pranuar dhe zbatuar për siguri shtesë të rrënojave derisa ato të mund të hiqen,” konfirmoi për CNN, Francesco Venuto, një zëdhënës i Agjencisë së Mbrojtjes Civile të Sicilisë.

Kostoja e tërheqjes së mjetit lundrues do të përballohet nga pronarja e mjetit lundrues, e veja e Lynch-it, siç përcaktohet nga ligji detar italian.

The post Fundosja e superjahtit Bayesian/ Informacioni sekret që mund të fshihet në kasafortat e papërshkueshme nga uji, mund të kenë interes për Rusinë dhe Kinën appeared first on Gazeta Shqiptare Online.

Grupi militant Hezbollah njoftoi se një komandant i dytë, i lartë, ishte në mesin e 16 anëtarëve të vrarë nga një sulm ajror izraelit në periferit të Bejrutit. Izraeli tha se sulmi i së premtes në periferitë jugore të kryeqytetit të Libanit eliminoi kreun e forcave elitare të Hezbollahut, Ibrahim Aqil, si dhe disa komandantë të tjerë. Sulmet e fundit kanë rritur frikën lidhur me mundësinë e zgjerimit të konfliktit ndërsa vazhdon lufta të Gazë.

Të paktën 31 persona vdiqën pas një sulmi ajror izraelit në periferi të Bejrutit të premten, njoftoi ministria libaneze e shëndetësisë, pas rreth një vit konflikti mes grupit militant Hezbollah dhe Izraelit.

Grupi militant Hezbollah njoftoi se 16 prej viktimave ishin anëtarë të këtij grupi, përfshirë dy udhëheqës të lartë, Ibrahim Aqil, dhe Ahmed Wahbi.

Për kapjen e Ibrahim Aqilit, Shtetet e Bashkuara kishin vendosur një shpërblim prej 7 milionë dollarësh, për shkak të lidhjeve të tij me bombardimin e përgjakshëm të ushatarëve amerikanë në Liban, në vitin 1983.

“Numri i të vdekurve nga ky sulm është 31, përfshirë 3 fëmijë të moshës 6, 4 dhe 10 vjeç dhe në mesin e tyre ka 7 gra. Mes viktimave janë dhe 3 sirianë. 68 të plagosur janë transferuar në 12 spitale, 53 prej të cilëve janë kthyer në shtëpitë e tyre dhe 15 të plagosur janë ende të pranishëm në këto spitale, me dy prej tyre në gjendje kritike”, tha Firass Abiad, Misnitër i Shëndetësisë i Libanit.

Ky ishte sulmi i dytë izraelit ndaj udhëheqjes ushtarake të Hezbollahut që nga fillimi i luftës në Gazë. Një sulm izraelit në Bejrut në korrik vrau komandantin e lartë ushtarak, Fuad Shukr.

Sulmi shënoi një tjetër goditje ndaj Hezbollahut pasi grupi u përball me një sulm të paprecedentë në fillim të kësaj jave, gjatë të cilit pajisje elektronike të njohura si bipër si dhe radio dore, të përdorura nga anëtarët e grupit shpërthyen, duke vrarë 39 persona dhe plagosur 3 mijë të tjerë.

Koordinatorja Speciale e OKB-së për Libanin, Jeanine-Hennis Plasschaert, tha të premten se sulmi në një zonë me popullsi të dendur në të Bejrutit ishte pjesë e “një cikli jashtëzakonisht të rrezikshëm dhune me pasoja shkatërruese”.

Ministri i Mbrojtjes,Yoav Gallant, tha se “armiqtë e Izraelit nuk do të gjejnë strehë, madje as në periferitë jugore të Bejrutit”.

Zëdhënësi i ushtrisë izraelite, Daniel Hagari, tha pas sulmit se Izraeli “nuk po synonte një përshkallëzim të gjerë në rajon”.

Nga ana tjetër Ministria e Jashtme e Iranit akuzoi Izraelin se kërkon të “përhapë konfliktin”.

Dhjetëra mijëra njerëz janë evakuuar nga shtëpitë në të dy anët e kufirit Izrael-Liban që kur Hezbollahu filloi të godiste Izraelin me raketa në muajin tetor, në shenjë mbështetjeje për palestinezët në luftën gati njëvjeçare të Izraelit kundër Hamasit në Gazë.

Në një tjetër zhvillim, autoritetet në Gazë që drejtohen nga Hamasi thanë se një sulm izraelit vrau të paktën 22 persona në një shkollë që strehonte personat e zhvendosur në qytetin jugor të Gazës të shtunën, ndërsa ushtria izraelite tha se sulmi kishte në shënjestër një qendër komanduese të grupit militant.

Ndërmjetësuesit ndërkombëtarë, përfshirë Shtetet e Bashkuara, janë përpjekur të ndalojnë përhapjen e luftës në një konflikt rajonal.

Konflikti mes Hezbollahut me Izraelin daton prej dekadash, por u ndez vitin e kaluar paralelisht me luftën në Gazë mes Izraelit dhe grupit të militantëve të Hamasit, duke rritur shqetësimet për një luftë të gjerë rajonale./voa

The post Sulmi izraelit në Bejrut vret një tjetër komandant të Hezbollahut appeared first on Gazeta Shqiptare Online.

Një nga problemet më të përhapura shëndetësore gjatë stinës së vjeshtës dhe dimrit janë infeksionet e bajameve dhe grykëve. Këto infeksione prekin kryesisht fëmijët por nuk përjashtohen as të rriturit.

Infeksionet e bajameve shkaktohen kryesisht nga bakteret nëpërmjet ushqimeve të konsumuara por edhe ajrit të ndotur. Sipas të dhënave bakteret përgjegjëse për këto infeksione janë kryesisht: stafilokoku, streptokoku, myku dhe virozat. Infeksionet shoqërohen me probleme si: vështirësia në gëlltitje, njolla të bardha në formë rrethore, dhe skuqja e bajameve. Simptomat më të zakonshme të problemeve me bajamet janë; djegia e fytit, humbja e oreksit, fryrje të gjëndrave limfatike në anë të qafës dhe fytit, ethe, temperatura dhe dhimbjet e fytit. Ekspertët nuk përjashtojnë as humbjen e dëgjimit, vështirësi në të folur, dhimbje të veshit dhe erë të keqe të gojës.

Kurat natyrale për shërimin e bajameve

Gjyshet tona kanë gjithnjë zgjidhje, që sado të çuditshme të tingëllojnë, funksionojnë me të vërtetë kundër këtyre infeksioneve të dhimbshme.

Gargarë me sodë buke

Ky trajtim është një ndër më të rëndësishmit për shërimin e bajameve tek të rriturit dhe fëmijët. Ju duhet të përzini 125 ml ujë të vakët me një lugë çaji me sodë buke. Përziejeni mirë dhe bëni gargarë duke e mbajtur kokën lart në mënyrë që tretësira të arrijë tek bajamet. Vërviteni në gojë tretësirën dhe më pas hidheni në lavaman. Kjo gargarë duhet bërë patjetër një herë në ditë.

Një alternativë tjetër shumë e praktikuar nga nënat shqiptare është lyerja e bajameve me sodë buke duke përdorur gishtin tregues. Por duart duhen dezinfektuar mirë me alkool para dhe pas aplikimit.

Mjaltë me hudhër

Për këtë trajtim ju nevojiten një lugë gjelle me mjaltë dhe 4 thelpinj hudhër të shtypur fort. Ato duhen përzier në 250 ml ujë. Kjo tretësirë duhet pirë 3 deri në 4 herë në ditë për 4 ditë me radhë. Në fillim duhet të pini gjysmën e gotës së lëngut dhe më pas të hani grimcat e mbetura në fund të gotës. Hudhra ju mbron me efikasitet ndaj infeksioneve dhe zbut ënjtjen e bajameve.

Borzilok dhe limon

Zieni 10 deri në 12 gjethe borziloku në rreth 400 ml ujë. Zërini të ziejnë për 10 minuta. Pasi ta keni kulluar, shtoni lëngun e një limoni, një lugë çaji me mjaltë dhe 2 gramë piper të zi. Kjo kurë duhet pirë tre herë në ditë për 2 deri në 3 ditë.

Kripë dhe piper të zi

Piperi i zi shpërbën me efikasitet sekrecionet dhe largon infeksionet. Kripa shërben si dezinfektues ndërsa limoni lufton bakteret. Në një tenxhere hidhni 250 ml ujë, shtoni një lugë gjelle me lëng limoni, një lugë çaji me piper kokërr dhe një majë luge çaji me kripë. Pasi të kenë zier së bashku për 5 minuta, kullojeni çajin dhe shtoni një lugë çaji me mjaltë. Ky çaj duhet pirë 3-4 herë në ditë, çdo ditë deri sa bajamet të shërohen plotësisht.

Një tjetër çaj i rekomandueshëm për shëndetin e bajameve është edhe ai me xhenxhefil, mjaltë dhe limon. Ky çaj lufton bakteret, inflamacionin dhe rrit rezistencën e trupit ndaj këtij problemi.

The post Shërimi i infeksioneve të bajameve nis në kuzhinë, ja se çfarë duhet të përdorni! appeared first on Gazeta Shqiptare Online.

Policia ka dalë me njoftim zyrtar në lidhje me zjarrin në një banesë në Pukë.

Sipas policisë, banesa është djegur plotësisht ndërsa nuk raportohet për persona të lënduar.

Paraprakisht dyshohet se shkak është bërë një shkëndijë elektrike, megjithatë hetimet kanë nisur për zbardhjen e plotë të shkakut.

Njoftimi i policisë:

Pukë/Informacion paraprak

Në fshatin Mesul, në banesën e shtetasit ka rënë zjarr dhe për pasojë  banesa është djegur plotësisht.

Nga zjarri nuk ka asnjë person të lënduar.

Paraprakisht dyshohet se zjarri ka rënë si pasojë e një shkëndije elektike.

Grupi hetimor po punon për zbardhjen e plotë të shkakut të rënies së zjarrit

The post Zjarri në Pukë, Policia: Banesa është djegur plotësisht, ja çfarë dyshohet se e ka shkaktuar appeared first on Gazeta Shqiptare Online.

Një banesë në fshatin Mesul të Pukës, është përfshirë nga flakët.

Nja zjarri mësohet se një asnjë persona nuk ka mbetur i lënduar, ndërsa dëmet materiale janë të konsiderueshme.

Zjarrfikësja dhe policia ndodhen në vendngjarje. Po punohet për shuarjen e flakëve dhe për zbardhjen e shkaqeve të zjarrit.

Njoftimi i Policisë:

Në fshatin Mesul, në banesën e shtetasit ka rënë zjarr dhe për pasojë  banesa është djegur plotësisht.

Nga zjarri nuk ka asnjë person të lënduar.

Paraprakisht dyshohet se zjarri ka rënë si pasojë e një shkëndije elektike.

Grupi hetimor po punon për zbardhjen e plotë të shkakut të rënies së zjarrit

The post Zjarr në një banesë në Pukë, raportohet për dëme materiale appeared first on Gazeta Shqiptare Online.

Të qenit i sinqertë nuk do të thotë gjithmonë se është e lehtë, por këta përfaqësues të zodiakut e bëjnë këtë me një lehtësi natyrore që i bën ata miq të besueshëm dhe aleatë të vërtetë në jetë.

Nëse po kërkoni njerëz që do t’ju thonë të vërtetën, pa rrotullime, këto shenja janë “përbindëshat” më të sigurt të së vërtetës që do të gjeni!

Dashi

Nëse ka një gjë për të cilën nuk mund të fajësoni një Dash, është ndershmëria e tij. Dashi nuk ka filtër dhe kjo është një nga pikat e tij më të forta. Kur bëni një bisedë me një Dash, prisni të vërtetat dhe kjo sepse ai nuk ka frikë të shprehë mendimin e tij në formën më të drejtpërdrejtë. Dashi është si miku juaj më besnik, i cili do t’ju thotë të vërtetën edhe nëse nuk doni ta dëgjoni – sepse ndershmëria është gjithçka për të!

Shigjetari

Shigjetari shquhet për thjeshtësinë dhe ndershmërinë e tij. Kjo shenjë nuk ka kohë për kuptime të fshehura apo agjenda të fshehta. Nëse diçka nuk i pëlqen ose sheh diçka që nuk është në rregull, ai e thotë atë në mënyrën më të qartë. Shigjetari preferon të jetë i sinqertë dhe t’i tregojë gjërat ashtu siç janë, në vend që të përpiqet të fshehë të vërtetën. Kjo mënyrë e hapur komunikimi e bën atë një mik të madh, edhe nëse ndonjëherë ju duhet të gëlltisni të vërtetën që ai ju ofron.

Luani

Luani e do të vërtetën dhe ndershmërinë sepse është pjesë e personalitetit të tij autentik. Luani nuk ka frikë të jetë i sinqertë – në fakt, ai e konsideron detyrën e tij ta bëjë këtë. Ashtu si dielli që nuk fshihet kurrë pas reve, Luani i shpreh ndjenjat dhe mendimet e tij me pasion dhe ndershmëri. Nëse keni nevojë për një mik që do t’ju thotë të vërtetën pa i grirë fjalët, Luani është zgjidhja më e mirë.

Virgjëresha

Virgjëresha mund të duket sikur fokusohet në detaje dhe përsosmëri, por ajo që i dallon ato është ndershmëria e tyre. Virgjëreshat nuk e kanë problem të tregojnë të vërtetën e zhveshur, veçanërisht kur bëhet fjalë për çështje që kërkojnë qartësi dhe saktësi. Ndershmëria e tyre nuk është vetëm për jetën e tyre personale, por edhe për jetën profesionale – ato nuk hezitojnë të vënë në dukje gabimet dhe të sugjerojnë korrigjime, sepse për to e vërteta është mjeti më i mirë për përmirësim.

Akrepi

Akrepi njihet për personalitetin e tij të fortë dhe aftësinë e thellë për të parë përtej sipërfaqes. Ndershmëria e Akrepit është e veçantë – është një kombinim i përkushtimit dhe perceptimit të mprehtë emocional. Kur Akrepi vendos të jetë i sinqertë, e bën këtë me forcën e një stuhie emocionesh. Kjo shenjë mund të mbajë sekrete, por kur bëhet fjalë për të vërtetat e veta, është aq reale dhe e qartë sa duhet për t’ju treguar realitetin, edhe nëse është i vështirë.

Ujori

Ujori është shenja që promovon ndershmërinë si pjesë e misionit të tij shoqëror. Për Ujorin, e vërteta nuk është vetëm personale – është sociale. Ai beson se e vërteta duhet të jetë e lirë dhe e padiskutueshme. Ujori nuk heziton të shprehë opinionet e tij novator dhe ndonjëherë jo konvencionale, sepse beson se ndershmëria është çelësi i përparimit dhe transparencës.

The post Njihuni  me “përbindëshat e së vërtetës” të zodiakut appeared first on Gazeta Shqiptare Online.

Sër Aleks Ferguson ka zbuluar se i mungon jeta si menaxher futbolli, në intervistën e tij të parë të zgjeruar në vite. Trajneri legjendar, sot 82 vjeç, u tërhoq nga menaxhimi në fund të sezonit 2012-13, pasi udhëhoqi Mançester Junajtid drejt titullit të 13-të kampion të Premier Ligës në atë që ishte viti i tij i 27-të në klub.

“Djajtë” kanë vuajtur për sukses që nga largimi i tij, me Sitin që është kthyer në superfuqinë e re të të dekadës së fundit.

Në intervistën e tij për “BBC Breakfast” për jetën pas daljes në pension, kur e pyetën se si është jeta, skocezi u përgjigj: “Mirë, unë kam dalë në pension prej 11 vitesh tashmë, kështu që ju gjeni një mënyrë për t’u përshtatur. Po, ndonjëherë më mungon. Mendoj se vitin e parë pas pensionit, shkova në finalen europiane dhe i thashë Ketit (gruas): ‘Kjo është ajo që më mungon’, ndeshjet e mëdha, ndeshjet europiane. Kështu që më pas shkova në shumicën e finaleve europiane, sepse gjej diçka me të cilën mund të lidhem, diçka që do të doja ta kisha bërë çdo ditë. Sepse këto janë ngjarjet e mëdha në të cilat Junajtid duhet të përfshihet gjithmonë”. Ai është parë në finalet e Ligës së Kampioneve gjatë dekadës së fundit, pavarësisht se “Djajtë e Kuq” nuk kanë shkuar kurrë atje pas tij. Gjatë karrierës së tij si trajner në “Old Trafford”, Junajtid fitoi Ligën e Kampioneve në vitin e tripletës historike në 1999 dhe e bënë përsëri në 2008. Junajtid, arriti gjithashtu në finale në 2009 dhe 2011, por humbi në të dyja rastet nga skuadra legjendare e Pep Guardiolës, Barcelona.

Fergi i ndjek rregullisht ndeshjet e Junajtidit si në shtëpi ashtu edhe jashtë saj, dhe në “Old Trafford” ai ka një tribunë me emrin e tij që nga viti 2011. Ai gjithashtu ka një statujë jashtë stadiumit, e cila u zbulua nga gruaja e tij e ndjerë, Keti. Ai e përshkroi ishbashkëshortin si “shkëmbin e tij”, ndërsa ajo u nda nga jeta në moshën 84-vjeçare tetorin e kaluar. “58 vjet është një kohë e gjatë, ajo ishte një grua e shkëlqyer, një nënë fantastike dhe një gjyshe e jashtëzakonshme. Ajo ishte liderja e orkestrës, nuk ka dyshim për këtë”.

Tetorin e kaluar legjenda Bobi Çarlton ndërroi jetë në moshën 86-vjeçare pas një beteje me demencën, ndërsa një tjetër legjendë si Lou vuan nga sëmundja e Alzhaimerit në moshën 84-vjeçare.

Duke folur për veten e tij, i cili gjithashtu pësoi një goditje cerebrale, Ferguson tha: “Unë jam 82 vjeç, padyshim që shqetësohem për këtë. Vërtetë kujtesa ime është mjaft e mirë, lavdi Zotit. Nuk e di nëse do të mbetet kështu. Por unë shqetësohem për këtë, 100%. Do të gënjeja nëse do të thosha se nuk ndihem kështu. Unë lexoj shumë, bëj kuice dhe mendoj se kjo më ndihmon. Ka kuice në ‘YouTube’ me 100 pyetje dhe nëse unë nuk përgjigjem saktë 70 për qind, e vuaj shumë”.

PANORAMASPORT.AL

The post Rrëfimi i trajnerit legjendar të Junajtidit, Ferguson: Më mungon futbolli, kam frikë nga demenca appeared first on Gazeta Shqiptare Online.

Tashmë nuk ka më surpriza, Heidi Baçi do të jetë në ekran sezonin e ardhshëm si moderatore e “Goca dhe gra”, një format ky që i kishte munguar ekranit në vitin e shkuar. Siç dihet tashmë, Bora Zemani do të ketë një program të ri game-show, “Piramida”, Kiara Tito dhe Nevina Shtylla në “Portokalli”, ndërsa Heidi Baçi në “Goca dhe gra”.

Kjo shënon edhe debutimin e Heidit si moderatore në një program televiziv. Po ashtu moderatorja Kaira Tito ka konfirmuar se këtë sezon do të rikthehet në ekran dhe do të jetë nën moderimin e spektaklit të humorit, “Portokalli”. Teksa i kthen përgjigje një ndjekësi në rrjetet sociale, Kiara Tito shprehet se kjo është një dëshirë që e ka shprehur vite më parë dhe më në fund iu realizua.

“Jam e lumtur që për këtë sezon rikthehem në sezonin e 42 të “Portokalli”. Një dëshirë e shprehur vite më parë, e cila më në fund u realizua”, ka shkruar Kiara. Një surprizë e vërtet është padyshim debutimi i Heidit në një ekran. “Goca dhe gra” do të vijë i transformuar këtë sezon, duke sjellë disa ndryshime në format. Kujtojmë se pak kohë më parë, u përfol se do të ishte Ilnisa ajo që do të drejtonte këtë emision.

Por si përfundim, ia ka dalë që të jetë Heidi ajo që do të shndërrohet në mikpritësen e formatit. Nga ana tjetër Ilnisa Agolli, e cila ka treguar më herët ambiciet për të qenë në televizion, ndërsa herë pas here ka folur edhe për projekte në TV, pa ndarë detaje. Së fundmi, Ilnisa ka postuar një foto në Instastory, duke treguar se mund të vijë me një projekt në sezonin e ri. Zërat thoshin se Ilnisa mund të ishte pjesë e emisionit “Goca dhe gra”, një emision i cili pritet të rikthehet pas disa kohësh mungesë, i riformatuar – ndonëse ende nuk është e konfirmuar.

Dyshimet i ka shtuar edhe më shumë vetë Ilnisa, përmes një fotoje të postuar së fundmi në Instastory. Një tjetër emër që përflitet tek “Goca dhe gra” është edhe Ina Kollçaku. Pas eksperiencës së saj si opinioniste në “Big Brother Club”, Ina tashmë ka kërkuar një format ku të ketë kohë më shumë në dispozicion.

Një surprizë është padyshim edhe rikthimin i Marinës. Moderatorja ka nënshkruar kontratën për të prezantuar programin “Shqiptarët për shqiptarët” me Elvis Naçin. Sipas tyre ajo ka nisur punën për programin i cili siç është lajmëruar do të nis së shpejti. Marina po ashtu ishte në bisedime për të moderuar programin e ri që do të realizohet në Klan’ nga treshja e “Promotor”, Pandi Laço, Bledar Laço dhe Adrian Hila, ku çdo javë artistët më të mirë shqiptarë do të interpretojnë ‘live’ në skenë hitet botërore. Por siç duket diçka ka shkuar keq dhe Marina ka ndërprerë marrëdhëniet, për t’u rikthyer edhe njëherë aty ku e nisi.

Ndërkohë në bisedime për një hapësirë është edhe Luana. Vetë moderatorja ka zhvilluar disa takime me producentët, për të diskutuar më tej idetë që ajo ka. Megjithatë, deri më tani, nuk ka një vendim që do ta rikthente sërish edhe Luanën.

Së shpejti, do të nisë një format i ri game show, ku moderatore do të jetë Bora Zemani, e cila rikthehet në një projekt të freskët dhe argëtues për shikuesit shqiptarë. Ky format do të sjellë një përzierje të ngazëllyer të lojës dhe argëtimit, duke sjellë në fokus shkathtësinë dhe mendjemprehtësinë e pjesëmarrësve. Formati i ri është patentë ndërkombëtare, “The Pyramid”, një seri game show e krijuar në SHBA nga Bob Stewart.

Shfaqja filloi më 26 mars 1973 në CBS me titullin “The $10,000 Pyramid” dhe më pas u zhvillua në disa versione të ndryshme ndërkombëtare. Pyramid përfshin dy ekipe të përbëra nga një personazh i famshëm dhe një garues, të cilët përpiqen të identifikojnë fjalë dhe fraza misterioze brenda një kategorie të caktuar, brenda një kohe të caktuar, për të fituar çmime të mëdha në para. Kjo lojë është e njohur për tabelën e saj të veçantë në formë piramide. Formati i Pyramid ka pasur një sukses të jashtëzakonshëm, duke fituar gjithsej nëntë çmime Emmy për game show më të mirë, vetëm pas Jeopardy, që ka fituar 13 Emmy. Teksa u zgjidh edhe dilema për drejtimin e emisionit të njohur “Fiks Fare”, reaguan edhe protagonistët që përfliteshin për këtë format.

Pas spekulimeve dhe aludimeve se drejtimi mund t’i jepej binjakeve Veshaj, Egla Cenos ose Jul Dedës, ky vendim ka sqaruar situatën. Për këtë ndryshim të rëndësishëm, Egla Ceno ka dhënë një reagim që ka tërhequr vëmendjen. Ajo duket se nuk është aspak e shqetësuar nga kjo situatë dhe është shfaqur e qeshur dhe e relaksuar në fotot e fundit nga një vizitë në qytetin e bukur të Korçës. Këto imazhe tregojnë një Egla Ceno të qetë dhe të lumtur, e cila vazhdon të jetë në qendër të vëmendjes, pavarësisht nga zhvillimet e fundit.

Ndërkohë që ende pa një emër ka mbetur edhe moderimi i “Big Brother Fun Club” Enxhi Nasufi nuk do të jetë më pjesë e këtij formati. Burime bëjnë me dije se Enxhi Nasufi mund të moderojë në sezonin e ri ‘The Voice’, një format që i ka munguar ekranit prej disa vitesh. Argjira Spanca është një nga moderatoret më simpatike të ekranit. Ajo ka qenë pjesë e “E diell” në rubrika të ndryshme si moderatore dhe autore. Mirëpo, duket se moderatorja nuk do të kthehet në “E diell” në sezonin e ri televiziv.

Kështu është shprehur Argjira teksa është pyetur lidhur me projektet e reja në një “Ask me” së fundmi me ndjekësit në Instagram. “Në muajt e ardhshëm nuk do jem me ndonjë projekt! Fokusi im do jetë më tepër te “Too cute” dhe disa gjëra të tjera! Shpresoj të shihemi shpejt me gjëra të bukura”, shkruan Argjira teksa tregon se nuk do të kthehet në ekran në shtator dhe se do i dedikohet biznesit të saj. Në javën e ardhshme pritet që të nisin disa nga emisionet kryesore, duke zbuluar më shumë rreth surprizave të reja që janë përgatitur për publikun.

The post Heidi Baci lë jashtë televizionit Ilnisa Agollin, rikthehen motrat Marina e Luana Vjollca, ja ku do t’i shohim vajzat VIP! Kush janë moderatoret që largohen nga ekrani appeared first on Gazeta Shqiptare Online.

Pasi ish-reperi Feronit Shabani, i njohur me emrin e artit si Fero, akuzoi ish-partneren e tij, Arbenita Ismajli, se i ka mohuar të drejtën për të takuar vajzën që kanë së bashku, Ninën, së fundmi ai shihet duke kaluar kohë me të voglën e tij.

Me anë të disa postimeve në InstaStory, Fero është parë me vajzën por nuk dihet ende se çfarë ka ndodhur dhe kush është vendimi i gjykatës.

Kujtojmë që disa ditë më parë ai ka thënë se është në depresion dhe sipas tij, gjendja e rënduar emocionale iu krijua pikërisht se nuk ka takuar të bijën për një periudhë të gjatë.

Pas këtyre deklaratave, reperi ka bërë një tjetër reagim, ku shprehu hidhërimin e tij për situatën në të cilën ndodhet.

Ai u shpreh se “di një mijë mënyra për të shkatërruar dikë”.

“Një njeri kur është i shkatërruar në një mijë mënyra, di një mijë rrugë për të rindërtuar veten edhe njëmijë mënyra të tjera, për të shkatërruar dikë,” shkroi ai së fundmi në Instagram.

Sipas Feros, pas ndarjes nga Arbenita, vendimet që janë marrë për të bijën gjatë procesit të divorcit nuk respektohen nga ana e modeles.

“Unë, si prind, po përjetoj padrejtësi të mëdha. Ka kohë që nuk më respektohen vendimet gjyqësore dhe nuk më lejohet të shoh vajzën time. Vajza udhëton në shtete të ndryshme pa lejen time, pa më informuar ku ndodhet. Sot, më është thënë se vajza ka ikur dhe nuk po marr asnjë informacion për të”, tha Fero.

Ish-reperi iu drejtua prokurorisë duke thënë që ndodhet në gjendje të rënduar dhe paralajmëroi “çfarë ndodh në nuk i kontrolloj emocionet e mia?”.

Më pas shtoi: “Po bëj një thirrje për Prokurorinë e Gjilanit, veçanërisht për prokuroren që e ka rastin tim. Nuk po di si ta shpjegoj ndryshe që jam në një gjendje shumë të rëndë. Çka ndodh nëse unë nesër nuk mund t’i kontrolloj emocionet e mia?”

Ndër të tjera Fero shprehet se nuk mund të flasë hapur lidhur me situatën, duke shtuar se “prokuroria mund të hakmerret dhe t’i heqë edhe ato pak ditë që i ka për të parë vajzën e tij”.

Kujtojmë që ish-çifti pësuan një ndarje aspak të mirë nga njëri-tjetri, kjo pasi artisti dhunoi dhe kërcënoi me jetë modelen, ndërsa kjo e fundit e denoncoi ish-bashkëshortin, të cili gjykata e la në paraburgim për 30 ditë. Ngjarja ka ndodhur pas një sherri në banesën e çiftit, ku Fero ka goditur me grusht modelen dhe i ka thyer telefonin, ndërsa pas kësaj ai ka ushtruar dhunë mbi ish-partneren dhe e ka kërcënuar atë se “do të vrasë nëse ma merr vajzën.”

/PANORAMAPLUS

The post “Kam 1 mijë mënyra për ta shkatërruar”- Akuzoi Arbenitën se i rrëmbeu vajzën, Fero bashkohet sërish me Ninën! Kërcënime e dhunë, brenda marrëdhënies së ish-çiftit appeared first on Gazeta Shqiptare Online.

Një grua e moshuar është dhunuar nga i biri dhe nusja e saj, rast të cilin e ka kallëzuar pranë Komisariatit të Policisë nr.5 me datë 19 shtator.

Denoncimi është bërë rreth orës 19:30, kur e moshuara Vjollca Murja është shprehur se i biri dhe bashkëshortja e tij e kanë dhunuar, ndaj ka kërkuar urdhër-mbrojtje prej tyre.

Në pranga ka rënë shtetasi Edmond Murja, 47 vjeç, djali i së moshuarës, i cili akuzohet për veprën penale “Dhunë në familje”.

Nga ana tjetër, bashkëshortja e tij, Fllanxa Murja, 48 vjeç, është lënë në gjendje të lirë për shkak të fëmijëve të mitur.

Kjo e fundit akuzohet për veprat penale “Dhunë në familje” dhe “Mbajtja e armëve të ftohta”.

E moshuara, pas një ekspertize mjeko-ligjore nga e cila rezulton se është dhunuar, i është dhënë urdhër-mbrojtja.

The post EMRAT/ E moshuara dhunohet nga i biri dhe nusja! Në pranga djali i saj ndërsa në gjendje të lirë 45 vjeçarja! Detaje nga ngjarja në Bathore appeared first on Gazeta Shqiptare Online.

The post E rëndë në Vlorë, kanosi me kallashnikov bashkëshorten dhe qëlloi në ajër duke rrezikuar banorët, në pranga 48 vjeçari! Tentoi të largohej me automjet, ja çfarë iu sekuestrua appeared first on Gazeta Shqiptare Online.