Shirat e dendur goditën rajonin verior qendror të Notos në Japoni më 21 shtator, duke shkaktuar rrëshqitje të dheut dhe përmbytje, që lanë një person të vdekur dhe disa të tjerë të zhdukur, thanë zyrtarët.

Shirat e rrëmbyeshëm bënë që lumenjtë e fryrë të dilnin nga shtrati, përmbytën shtëpi dhe bllokuan disa banorë në rajonin që ende po rikuperohej nga tërmeti vdekjeprurës i 1 janarit.

Në Suzu, një person humbi jetën dhe një tjetër u zhduk pasi u mor nga përmbytjet. Një tjetër person u zhduk në qytetin e afërt, Noto, sipas autoriteteve të prefekturës.

Në Wajima, katër persona u zhdukën pasi u raportua për rrëshqitjeje dheu. Ata ishin ndër 60 punëtorët që po riparonin një tunel të dëmtuar nga tërmeti i janarit, raportoi NHK, duke shtuar se edhe një person tjetër ishte zhdukur për shkak të përmbytjeve në një vend tjetër të qytetit.

Në qytetin Noto, dy persona u plagosën rëndë ndërsa po vizitonin shtëpinë e tyre të dëmtuar nga tërmeti kur një rrëshqitje dheu i goditi.

Të paktën 16 lumenj në Ishikawa kishin dalë nga shtrati deri të shtunën pasdite, sipas Ministrisë së Tokës dhe Infrastrukturës. Banorët u këshilluan të jenë jashtëzakonisht të kujdesshëm ndaj rrëshqitjeve të mundshme të dheut dhe dëmeve në ndërtesa.

Sugimoto Satoshi nga Agjencia Kombëtare e Meteorologjisë tha se “Ky nivel reshjesh nuk është përjetuar kurrë më parë në këtë rajon. Banorët duhet të sigurojnë menjëherë sigurinë e tyre. Rreziku për jetën e tyre është i pashmangshëm”.

Deri në pasditen e së shtunës, rreth 1.350 banorë po strehoheshin në qendrat e komunitetit, palestrat e shkollave dhe objekte të tjera të qytetit, thanë autoritetet./ REL

LEXONI GJITHASHTU:

• Japonia ngre alarmin pas përmbytjeve, 30 mijë njerëz evakuohen nga 2 qytete
• 25% e të moshuarve në Japoni punojnë, shkak plakja e popullsisë

The post Shirat e dendur godasin Japoninë, një i vdekur dhe disa të zhdukur appeared first on Euronews Albania.

Izraeli ka mbyllur hapësirën e tij ajrore në rajonin verior për shkak të shqetësimeve të sigurisë.

Ky veprim erdhi në mes të armiqësive midis Izraelit dhe Hezbollahut në Libanin jugor, me të dyja palët që kanë shkëmbyer zjarr në ditët e fundit.

Sulmi ajror ndodhi në mes të një valë të re të përshkallëzimit izraelit në Liban, me ministrin izraelit të Mbrojtjes Yoav Gallant që njoftoi të enjten se konflikti me Hezbollahun ka hyrë në “një fazë të re”.

Sipas Korporatës së Transmetimeve Publike të Izraelit, hapësira ajrore është mbyllur nga qyteti Hadera deri në kufirin libanez për 24 orë për shkak të përshkallëzimit të tensioneve në rajon.

Të premten, Izraeli vrau komandantin e lartë ushtarak të Hezbollahut, Ibrahim Aqil, së bashku me komandantë të lartë nga forcat elitare të grupit Radwan gjatë një sulmi ajror në periferinë jugore të Bejrutit.

Sulmi ishte i treti nga Izraeli në periferinë jugore që kur filloi një valë e vazhdueshme armiqësish gati një vit më parë.

LEXONI GJITHASHTU:

• Sulmet izraelite në Liban| Këshilli i Sigurimit të OKB-së mbledh seancë urgjente
• Sulmi i Izraelit në Berjut, numri i viktimave shkon në 12

The post Izraeli mbyll hapësirën ajrore në veri, shkak cënimi i sigurisë në rajon appeared first on Euronews Albania.

Eksperti i ekonomisë, njëkohësisht bashkëthemeluesi i Nismës “Thurrje”, Pano Soko ishte i ftuar në Euronews Weekend për të diskutuar rreth rritjes së pensioneve me 4.1%.

Ajo që spikati ishte forma me të cilën Soko nisi fjalën e tij, ku mbi tavolinën e studios vendosi një qese, e cila brenda kishte 3 domate, djath dhe bukë, gjest përmes të cilit, eksperti ironizoi vendimin e qeverisë lidhur me rritjen e pensionit të të moshuarve.

“E di çka bërë qeveria? Kjo është rritja e pensionit në një muaj(tregon 3 produktetet e ushqimit). Pra qeveria u mblodh në një muaj dhe arriti në kokluzionin se pensionistëve duhet t’ju japin kaq. Rritja në një ditë përkon me një të katërtën e fetës së bukës, pak gramë djath dhe 5 kafshata domate. Kjo është rritja që ata të mund të hanë bukë,” –u shpreh Soko, teksa fliste tregonte ushqimet në tavolinë.

Sipas tij, përveç vlerës shumë të ulët të një pensioni, ajo çka është e padrejtë lidhet me vlerën e ndryshme të pensioneve nga fshati në qytet, duke bërë një diferencim të madh me një pensionisti që jeton në fshat dhe një pensionisti në qytet.

LEXONI GJITHASHTU:

• “Leku i madh u mbylli sytë”- Soko debat me Brumbullin për mikrokreditë: U morën masa
• Rënia drastike e euros/ Pano Soko: Ja dy sektorët që e kanë stimuluar

The post Ekonomisti sjell bukë, djath e domate në studio: Kaq është rritja e pensionit! appeared first on Euronews Albania.

Në mbledhjen e parë të organizuar me strukturat e Partisë Demokratike në Lezhë, ku Sekretari i Përgjithshëm, Flamur Noka prezantoi përballë demokratëve të këtij qarku, drejtuesin e ri politik, Agron Gjekmarkaj, ka pasur debate dhe përplasje të forta.

Gjekmarkaj është kontestuar nga një numër i madh drejtuesish lokal të PD në Lezhë, të cilët kanë shprehur pakënaqësi ndaj tij.

Disa prej zyrtarëve lokal të PD në këtë qark kanë deklaruar se nëse Gjerkmarkaj do të vendoset përfundimisht si drejtues politik në Lezhë, ata nuk do të dalin në fushatë për të kërkuar vota për Partinë Demokratike.

Disa të tjerë mësohet që të kenë kërkuar respektimin e primareve, një parim që u premtua nga Sali Berisha në Kuvendin 11 dhjetorit 2021.

Agron Gjekmarkaj ka dalë deputet nga listat e PD në zgjedhjet e 25 prillit 2021, por atëherë ishte i dyti në listë pas Mark Markut, që ishte drejtues politik.

Kontestimi ndaj Gjekmarkajt në bazë lidhet me qëndrimet që ai mbajti gjatë 2 viteve përplasje të brendshme në PD.

Në fillim të kësaj përplasje Agron Gjekmarkaj ishte kundër lëvizjes së Sali Berishës, por në 12 muajt e fundit ndryshoi qasje, ku bashkë me disa deputetë të tjerë pjesë e “grupimit Bardhit” që u afruan në PD dhe morën disa poste drejtuese në parti dhe së fundmi në fillim të shtatorit, kryedemokrati Berisha iu besoi disa qarqe të rëndësishme, si Lezha, Kukësi, Fieri, Dibra apo Elbasani.

LEXONI GJITHASHTU:

• Noka dhe Gjekmarkaj në Himarë në mbështetje të Gjikurisë: Votoni birin tuaj
• Hija e zezë e rezolutës, Gjekmarkaj: Hetuesit e komunizmit flasin për drejtësi

The post Kontestime dhe përplasje në PD-në e Lezhës për Gjekmarkajn appeared first on Euronews Albania.

Një 48-vjeçar në Vlorë është arrestuar këtë të shtunë pasi ka kërcënuar me armë zjarri gruan e tij.

Bëhet me dije se ngjarja ka ndodhur në fshgatin Akërni, atje ku shtetasi me iniciale B.I ka qëlluar me një armë kallashnikov në ajër, duke rrezikuar gjithashtu edhe sigurinë e banorëve të zonës.

Ky persona ka marrë makinën dhe ka tentuar të largohej, por pas marrjes së njoftimit për kërcënim , Policia ka mundur të arrestojë personin në fjalë.

Gjatë kontrollit të automjetit, iu sekuestrua arma e zjarrit kallashnikov me të cilën ai kishte kërcënuar bashkëshorten.

Po ashtu, në stanin e tij u gjetën dhe u sekuestruan një sasi lënde narkotike cannabis dhe municion luftarak.

LEXONI GJITHASHTU:

• “Banjska si Lufta e Vlorës”- Eksperti: Vendosi fatin e Kosovës, jemi lojtarë seriozë
• Vodhi 4 celularë në dhomat e pacientëve në spitalin e Vlorës, arrestohet 38-vjeçari

The post Vlorë| Kanosi gruan me kallashnikov dhe u arratis, në pranga 48 vjeçari appeared first on Euronews Albania.

New York Times i ka kushtuar një artikull Shqipërisë, ku shkruan se kryeministri Rama është zotuar se do të ndërtojë brenda Tiranës një enklavë sovrane të stilit të Vatikanit, e cila do t’i përkasë komunitetit Bektashi.

Ky model i Vatikanit sipas Ramës lejon që kryeqyteti i vendit të ketë për Bektashinjtë një hapësirë sa 5 blloqe të New Yorkut.

Sipas kryeministrit në këtë hapësirë do të lejohet alkooli, gratë do të veshin çfarë të duan dhe nuk do të vendosen rregulla të stilit të jetesës.

NYT shkruan se nëse gjithçka shkon siç është planifikuar, enklava bektashie do të bëhet shteti më i vogël në botë dhe në krye do të jetë kleriku bektakshi, Baba Mondi.

“Shteti i tij mysliman i shpresuar në Tiranë, do të jetë një enklavë sovrane e stilit të Vatikanit që do të kontrollojë territorin me madhësinë e pesë blloqeve të qytetit të Nju Jorkut dhe do të lejojë alkoolin, do t’i lejojë gratë të veshin çfarë të duan dhe të mos vendosin rregulla të stilit të jetesës”, shkruan NYT.

“Zoti nuk ndalon asgjë; prandaj na dha mendjen”, tha Baba Mondi për New York Times, duke shpjeguar se si synon të sundojë mbi një copë toke prej 27 hektarësh që Shqipëria dëshiron ta kthejë në një shtet sovran me administratën e saj, pasaportat dhe kufijtë.

Kryeministri Edi Rama ka thënë për New York Times se në të ardhmen e afërt do të shpallë planet për entitetin, që do të quhet Shteti Sovran i Urdhrit Bektashi.

Vendodhja përfshin kryeqytetin shqiptar të Tiranës dhe Krujën.

“Të gjitha vendimet do të merren me dashuri dhe mirësi,” tha Baba Mondi.

Në intervistë, kryeministri Rama tha se qëllimi i shtetit të ri ishte të promovonte një version tolerant të Islamit me të cilin krenohet Shqipëria.

“Ne duhet të kujdesemi për këtë thesar, që është toleranca fetare dhe që nuk duhet ta marrim kurrë si të mirëqenë,” tha ai.

Një mikroshtet i moderuar islamik, tha kryeministri, do të dërgonte një mesazh: “Mos lejoni që stigma e muslimanëve të përcaktojë se cilët janë muslimanët”.

“Territori i shtetit të ri islamik të propozuar është një kompleks në një lagje banimi me qira të ulët në Tiranën lindore. Është vetëm një e katërta e madhësisë së qytetit të Vatikanit, aktualisht vendi më i vogël në botë, i qeverisur nga Papa, një monark absolut’, shkruan NY.

Baba Mondi tha se “madhësia nuk ka rëndësi”, duke shtuar: “Unë nuk kam nevojë të jem diktator”, megjithëse pranoi se i vetmi kufizim domethënës në autoritetin e tij do të jetë Zoti.

LEXONI GJITHASHTU:

• “Arsimi profesional prioritet”- Rama: Nxënësit do paguhen, rregullojmë konviktet
• Shqipëria e 7-a në botë për çmimin e naftës, Basha: Heqim taksën Rama 24 lekë

The post Rama për New York Times: Shqipëria planifikon shtet të ri mysliman brenda Tiranës appeared first on Euronews Albania.

Qeveria portugeze shpalli një ditë zie kombëtare të premten për shkak të zjarreve masive që vranë shtatë persona dhe plagosën 166 të tjerë që nga 14 shtatori.

Flamujt janë ulur në gjysmështizë në vend për shkak të zisë.

Si nderim për viktimat e zjarreve që kanë shkatërruar Portugalinë veriore dhe qendrore, Lisbona e shpalli të premten ditë zie kombëtare, sipas transmetuesit portugez RTP.

Portugalia po lufton aktualisht një nga zjarret e saj më të mëdha pyjore, me mbi 121,000 hektarë të djegur, që është një zonë dhjetë herë më e madhe se kryeqyteti i Lisbonës.

Zjarret kanë djegur gjithsej 83% të të gjithë territorit kombëtar, sipas sistemit evropian Copernicus.

Mësohet se deri më tani janë arrestuar pesë persona në hetimet për zjarret që kanë shkatërruar dhjetëra banesa në rrethet Aveiro, Porto, Vila Real, Braga, Viseu dhe Coimbra.

LEXONI GJITHASHTU:

• Peruja shpall gjendjen e jashtëzakonshme, shkak zjarret vdekjeprurëse
• Të paktën 2 të vdekur nga zjarret që goditën Portugalinë

The post Portugalia shpall Ditën Kombëtare të Zisë në nder të viktimave nga zjarret masive appeared first on Euronews Albania.

Gjykata e Apelit të Juridiksionit të Përgjithshëm ka lënë në burg efektivin e policisë Erjon Goxhara, i cili plagosi Lorenc Kostën.

Efektivi kishte kërkuar në Apel për zbutjen e masës së sigurisë “arrest në burg” në “arrest shtëpie”, por Apeli vendosi ta refuzojë.

Ngjarje, ku mbeti i palgosur Kosta, ka ndodhur rreth orës 14:00 të datës 19 gusht 2024 në zonën e “Komunës së Parisit”.

Goxhara qëlloi me 5 plumba drejtorin e Entit Rregullator të Energjisë, Lorenc Kosta, pasi ky i fundit dyshohet se kishte lidhje intime me bashkëshorten e ish-efektivit.

LEXONI GJITHASHTU:

• Plagosi me armë 45-vjeçarin për xhelozi, lihet në burg ish-efektivi Erjon Goxhara
• Vetëdorëzohet efektivi Erjon Goxhara, plagosi me armën e shërbimit Lorenc Kostën

The post Kërkoi zbutjen e masës së sigurisë, Apeli lë në burg ish-efektivin Erjon Goxhara appeared first on Euronews Albania.

Një 46 vjeçar nga Kruja është ekstraduar drejt Italisë këtë të shtunë, pasi ishte dënuar me 9 vite burg për grabitje me armë kryer në bashkëpunim.

Bëhet fjalë për shtetasin Valentino Gjeloshi alias Nino Gjeloshi, i cili ishte ishte i shpallur në kërkim ndërkombëtar nga Interpol Roma, pasi Gjykata e Apelit në Firence, në vitin 2022, e ka dënuar me 9 vjet burgim për veprën penale “Grabitje me armë”, kryer në bashkëpunim.

Sipas parashikimit të Kosit Penal Italian, këtij shtetasi i kanë mbetur për trë vuajtur edhe 5 vjet, 9 muaj e 16 ditë burg.

LEXONI GJITHASHTU:

• I akuzuar për kultivim bimësh narkotike, ekstradohet nga Italia 53-vjeçari (Emri)
• Në kërkim ndërkombëtar nga SPAK, ekstradohet nga Kolumbia 25-vjeçari shqiptar

The post Emri| Në kërkim për grabitje me armë, ekstradohet drejt Italisë 46-vjeçari appeared first on Euronews Albania.

Një 53 vjeçar është ekstraduar nga Italia pasi akuzohet se ka kultivuar 320 bimë narkotike cannabis sativa në vitin 2022, afër banesës së tij.

Bëhet fjalë për shtetasin Erjon Haxhiu., i cili ishte banues në Milot dhe është shpallur në kërkim ndërkombëtar nga Drejtoria e Interpolit, pasi Gjykata e Apelit Tiranë i caktoi masën e sigurisë “arrest me burg” në 31 maj të vitit 2022.

Haxhiu akuzohet se ka kultivuar në ambientet përreth banesës së tij 320 bimë narkotike cannabis, të cilat janë konstatuar nga shërbimet e Komisariatit të Policisë Kurbin, më 04.05.2022, dhe janë asgjësuar me anë të djegies.

Shtetasi i ekstraduar iu dorëzua Drejtorisë së Përgjithshme të Burgjeve.

LEXONI GJITHASHTU:

• Në kërkim ndërkombëtar nga SPAK, ekstradohet nga Kolumbia 25-vjeçari shqiptar
• EMRI/ I dënuar me 30 vjet burg për vrasje, ekstradohet nga Italia 52-vjeçari

The post I akuzuar për kultivim bimësh narkotike, ekstradohet nga Italia 53-vjeçari (Emri) appeared first on Euronews Albania.

Një sulm rus gjatë natës vrau tre civilë në Ukrainën qendrore, ndërsa sulmet me dronë ukrainas detyruan Rusinë të evakuojë banorët e një fshati kufitar.

Një djalë 12-vjeçar dhe dy gra të moshuara u vranë në qytetin Kryvyi Rih në “një sulm të tmerrshëm në mes të natës, kur qyteti ishte në gjumë,” shkroi guvernatori rajonal, Serhiy Lysak, në Telegram.

Ai tha se tre persona të tjerë u plagosën në sulm, i cili gjithashtu shkatërroi dy ndërtesa dhe dëmtoi pjesërisht 20 të tjera.

Mbrojtja ajrore ukrainase rrëzoi pesë raketa ruse dhe 11 dronë gjatë natës së 21 shtatorit, sipas një deklarate nga Forcat Ajrore të Ukrainës.

LEXONI GJITHASHTU:

• Çështje e sigurisë kombëtare, Ukraina ndalon përdorimin e Telegram, ja shkaku
• Ukraina i bashkohet NATO-s në stërvitje për testimin e sistemeve kundër dronëve

The post Sulmet me dronë rus në Ukrainë| Humb jetën një 12-vjeçar, dëmtohen 20 ndërtesa appeared first on Euronews Albania.

Aktivisti Luan Halluli ishte në një lidhje direkte mëngjesin e kësaj të shtune në Euronews Weekend ku bëri edhe një thirrje për politikanët shqiptar sa i takon votës së diasporës.

Përmes kësaj thirrje, ai shprehu perceptimine tij sa i takon vendsomërisë së shqiptarëve që jetojnë jashtë për të mos u korruptuar në procesin zgjedhor të vitit që vjen dhe gjithashtu kërkesën e tyre që diaspora të mund të ketë përfaqësues në këto zgjedhje.

“Shumë komplikacione do ketë, nuk është shumë e qartë se çfarë do ndodhë. Problemet e diasporës i ka ngrit diaspora, shoqata e avokatëve, shumë federata dhe mezi e bën edhe këtë. Ky rrugëtim problematik do jetë. I mblodhi kryetarët e bashkive ai kryeministri jonë dhe ju tha bëni çmos se nuk i kemi mirë punët, janë 1 milionë vota. Telefonatat nuk kanë filluar tani, kanë kohë. Ne nuk korruptohemi shumë lehtë, nuk korruptohemi fare. Ne jemi për drejtësid he kemi dëshirë të kemi përfaqëusesit tanë aty, kemi djem e vajza që kanë studjuara në gjithë universitetet e Evropës, me kulturë,” –tha Hallulli.

LEXONI GJITHASHTU:

• Çfarë duhet të dini për votimin e emigrantëve, si do të votojë diaspora
• Si mund të votojë diaspora? Ekspertja: Qeveria nuk mund të ofrojë siguri

The post ‘Diaspora nuk korruptohet!” Thirrja e aktivistit për politikanët shqiptarë appeared first on Euronews Albania.

Jay Emmanuel-Thomas, një futbollist që dikur luante për gjigantin e Premier League, Arsenal, është arrestuar pasi ju gjet kanabis me vlerë 795,300 dollarë në një aeroport britanik.

Agjencia Kombëtare e Krimeve të Mbretërisë së Bashkuar (NCA) tha të mërkurën se një burrë 33-vjeçar ishte arrestuar më herët atë mëngjes në Skoci, si i dyshuar për import kanabisi përmes aeroportit Stansted të Londrës.

Emmanuel-Thomas ishte deri të enjten duke luajtur për klubin skocez të nivelit të dytë Greenock Morton.

Në një deklaratë të postuar në X , i njohur më parë si Twitter, Greenock Morton tha të enjten se kishte ndërprerë kontratën e Emmanuel-Thomas “me efekt të menjëhershëm”, duke shtuar se nuk do të bënte asnjë koment të mëtejshëm mbi situatën.

Emmanuel-Thomas u dërgua në Carlisle në Angli për t’u marrë në pyetje.

Ai u paraqit në gjykatë të enjten në Carlisle i akuzuar për importimin e drogave të klasës B. Lirimi i tij me kusht u refuzua dhe ai do të paraqitet \në Gjykatën e Kurorës së Carlisle më 18 tetor.

LEXONI GJITHASHTU:

• Mbyllet java e parë e Champions: Mposhtet Barcelona, ngec Arsenali! Tabela e pikëve
• Risia e Champions League, luhet dhe të enjten. Në fushë zbresin Barcelona e Arsenal

The post Iu gjet kanabis me vlerë 800 mijë $ në aeroport, arrestohet ish-lojtari i Arsenal appeared first on Euronews Albania.

Policia e Tiranës ka hartuar plan masash për garantimin e rendit dhe sigurisë para, gjatë dhe pas zhvillimit të ndeshjes së futbollit midis ekipeve “Partizani” dhe “KF Tirana”, që do të zhvillohet ditën e sotme, në orën 20:00, në stadiumin “Air Albania”.

Në këtë kuadër do të ketë bllokime të disa segmenteve rrugore dhe itinerare të përcaktuara për lëvizjen e tifozëve të dy skuadrave.

Segmentet rrugore që do të jenë të bllokuara, nga ora 17:00 deri në përfundim të aktivitetit, janë:

– Rruga “Lek Dukagjini”, përreth stadiumit, rruga “Dervish Hima”, rruga “Gjergj Filipi”, rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania”, bulevardi “Dëshmorët e Kombit”, nga Presidenca deri te sheshi “Nënë Tereza”.

Rrugëkalimet e tifozëve do të jenë si më poshtë:

– Lëvizja e tifozëve të Partizanit do të bëhet nga kryqëzimi i rrugës “Muhamet Gjollesha” me rrugën “Artan Lenja”, përgjatë rrugës “Muhamet Gjollesha”, rruga “Sulejman Delvina”, “Libri Universitar”, rruga “Gjergj Filipi”(COIN) – stadium;

– Lëvizja e tifozëve të KF Tiranës do të bëhet nga sheshi “Skënderbej”, bulevardi “Dëshmorët e Kombit, rruga “Bajram Curri”, Rruga e Elbasanit rruga “Dervish Shima”, rruga “Sheh Ahmet Paza”- stadium.

Policia do të garantojë dhe do të sigurojë lëvizjen e tifozëve përgjatë rrugëkalimeve të caktuara dhe nuk do të lejojë grumbullim apo kalim të tifozëve, jashtë itinerarit të caktuar.

LEXONI GJITHASHTU:

• Ilir Daja debuton me barazim, derbi me Partizanin mbyllet me barazim me gola
• Askush si Manchester City në 4 ndeshjet e para, “lumë golash” nga Haland

The post Derbi Partizani-Tirana| Policia njofton planin e masave, rrugët që do të bllokohen appeared first on Euronews Albania.

The post Japonia ngre alarmin pas përmbytjeve, 30 mijë njerëz evakuohen nga 2 qytete appeared first on Euronews Albania.

The post Përmbytjet në Nigeri shkaktojnë 300 të vdekur, shtyhet viti i ri shkollor appeared first on Euronews Albania.

Qindra aktivistë protestuan të premten në Bruksel për të kërkuar “klimë dhe drejtësi sociale”.

Hana, në emër të Youth for Climate, tha se grupi doli në rrugë për t’u treguar njerëzve se klima është më e rëndësishme se kurrë.

Ajo vuri në dukje se demonstruesit duan që njerëzit, veçanërisht politikëbërësit t’i japin përparësi ndryshimit të klimës.

Dirk Van Esbroeck, nga grupi Gjyshërit për Klimën, tha se protestuesit duan të vendosin klimën në axhendën politike përpara zgjedhjeve lokale muajin e ardhshëm në Belgjikë.

Klimatologu belg Jean-Pascal van Ypersele mori pjesë dhe tha se klima dhe biodiversiteti, së bashku me çështje të tjera mjedisore dhe të zhvillimit të qëndrueshëm, duhet të kenë vërtet më shumë vëmendje.

“Nëse njerëzit nuk u kushtojnë më shumë vëmendje këtyre problemeve, gjeneratat e ardhshme do të paguajnë çmimin,” tha ai.

LEXONI GJITHASHTU:

• Mes luftës dhe krizës klimatike, UNICEF ngre alarmin për fëmijët në Sudan
• Kultivohet për herë të parë në juglindje fruti kurativ, aronia. Klima e favorizon

The post Bruksel/ “Brezat e ardhshëm do ta paguajnë”, qindra aktivistë protestojnë për klimën appeared first on Euronews Albania.

Këshilli i Sigurimit i OKB-së  thirri një seancë urgjente të premten në lidhje me shpërthimet vdekjeprurëse të pagerëve dhe pajisjeve radio në Liban.

Shefja e Çështjeve Politike të OKB-së, Rosemary DiCarlo, e quajti shkëmbimin e zjarrit midis Hezbollahut dhe ushtrisë izraelite një “shkelje të ndërprerjes së armiqësive dhe shkelje të rezolutës 1701”.

“Rreziku i zgjerimit të mëtejshëm të këtij cikli dhune është jashtëzakonisht serioz dhe përbën një kërcënim të madh për stabilitetin e Libanit, Izraelit dhe të gjithë rajonit”, tha DiCarlo në seancën, e cila u kërkua nga Algjeria.

DiCarlo vuri në dukje se “lufta shkatërruese në Gaza vazhdon”, duke i bërë jehonë kërkesës së Sekretarit të Përgjithshëm Antonio Guterres për armëpushim të menjëhershëm dhe lirimin e pengjeve në Gaza.

Duke vënë në dukje se “nuk është tepër vonë për të shmangur” “shkatërrime dhe vuajtje” të mëtejshme, DiCarlo kërkoi që diplomacia të përdoret pa vonesë.

LEXONI GJITHASHTU:

• Tensionet në Liban, zyrtari i OKB paralajmërim për Sirinë: Rrezik për luftë rajonale
• Votimi në Asamblenë e OKB, shumica kërkon armëpushim të menjëhershëm në Gaza

The post Sulmet izraelite në Liban| Këshilli i Sigurimit të OKB-së mbledh seancë urgjente appeared first on Euronews Albania.

Me rritjen eksponenciale të platformave të mediave sociale si TikTok, X (i njohur më parë si Twitter), Instagram dhe YouTube, gjenerata Z po i drejtohet gjithnjë e më shumë atyre për këshilla për karrierën.

Midis tyre, TikTok është shfaqur si një platformë popullore për këshilla për karrierën, duke krijuar një vend të veçantë #CareerTok. Sipas një studimi të EduBirdie të vitit 2023, 70% e GenZers(gjenrata Z) të anketuar iu drejtuan TikTok për këshilla për karrierë, me 19% që zbuluan se ishte burimi i tyre kryesor i këshillave për karrierën.

Hashtags si #Careers, #careertips, #jobsearchtips dhe #careersadvice ishin disa nga më të njohurit, me të tjerë si #worklife, #dreamjob, #Jobinterview dhe #Internship gjithashtu që kanë një numër të madh krijimesh.

Një numër i konsiderueshëm i GenZers i drejtohen TikTok pasi platforma është e shpejtë dhe falas.

Kjo u lejon atyre me shpresë të kenë akses në këshilla të ekspertëve në atë që ata e shohin si një treg pune gjithnjë e më konkurrues në të gjithë botën.

Rreth 46% e GenZers nga sondazhi EduBirdie zbuluan se TikTok ndikoi në zgjedhjen e tyre të profesionit, ndërsa 48% thanë se i kishte ndihmuar në një farë mënyre karrierën e tyre.

LEXONI GJITHASHTU:

• TikTok thotë se ndalimi i tij në SHBA kufizon lirinë e fjalës për çdo përdorues
• “15 minuta luftë për mbijetesë”, TikTok pritet të dalë para Gjykatës këtë javë

The post Sondazhi: Ja pse të rinjtë po i drejtohen TikTok-ut për këshilla karriere appeared first on Euronews Albania.

Analisti Arben Ratkoceri ishte në një lidhje direkte këtë të premte në emisionin Balkan Talks në Euronews Albania, për të analizuar ndikimin rus në Maqedoninë e Veriut dhe njëkoshësisht edhe në Serbi.

Në fjalën e tij, ai u shpreh se ashtu si Rusia ka shtrirë tentakulat e saj në ish-republikat sovjetike, por edhe vendet e Ballkanit, të njëjtën gjë po edhe Serbuia me Maqedoninë e Veriut.

Sipas analistit sondazhet kanë treguar se vetë populli maqedonas është shprehur se ndjen afërsi më tepër me popullin rus dhe atë serb, kjo për shkak të kontrollit që Serbia ka vendosur aty, duke shfrytëzuar poltika të buta edhe të anës kulturore.

“Bota serbë është një kopje e politikës ruse, karshi ish-republikave sovjetike, ku Rusia ka influencën e saj në bazës të jo vetëm pikëpamjeve kulturore, por edhe të pakicës ruse, e cila është e shpërndarë në një pjesë të ish-republikave të Bashkimit Sovjetik. I njëjti sistem është edhe nga Serbia. Ne e dimë ndikim e Serbisë në Bosnje-Hercegovinë përmes republikës Serbska, së fundmi përmes ndryshimeve në qeveri me ndihmën e zotit Abazoviç. Në ksovë kanë ushtruar kontroll përmes veriut të Kosovës, ndërsa në Maqedoni përmes politikave të buta dhe anës kulturore të komunitet maqedonas që është e lidhur me popullin serb. Në Maqedoni të gjitha sondazhet tregojnë që janë më të afërt me popullin serb dhe rus,” –u shpreh Ratkoceri.

LEXONI GJITHASHTU:

• Pse Rusisë i ineterson Ballkani? Ish-drejtori i SHISH zbardh arsyet
• “Serbia, krah i zgjatur i Rusisë në Ballkan”, gazetarja: Dilema për avionët luftarak

The post Përse maqedonasit i duan serbët? E zbulon analisti appeared first on Euronews Albania.