Asambleja e Përgjithshme e Kombeve të Bashkuara (OKB) e ka miratuar të mërkurën një rezolutë palestineze, e cila i kërkon Izraelit t’i japë fund “pranisë së jashtëligjshme në territoret e uzurpuara palestineze” brenda 12 muajve. Njëqind e njëzet e katër shtete votuan për këtë rezolutë, 43 të tjera abstenuan, ndërsa Shtetet e Bashkuara, Izraeli dhe […]

The post OKB i kërkon Izraelit t’i japë fund uzurpimit ‘joligjor’ appeared first on BoldNews.al.

Asambleja e Përgjithshme e Kombeve të Bashkuara (OKB) e ka miratuar të mërkurën një rezolutë palestineze, e cila i kërkon Izraelit t’i japë fund “pranisë së jashtëligjshme në territoret e uzurpuara palestineze” brenda 12 muajve.

Njëqind e njëzet e katër shtete votuan për këtë rezolutë, 43 të tjera abstenuan, ndërsa Shtetet e Bashkuara, Izraeli dhe 12 shtete të tjera votuan kundër.

Ky vendim e izolon Izraelin pak ditë para se liderët botërorë të mblidhen në Nju Jork për takimin vjetor të OKB-së. Kryeministri i Izraelit, Benjamin Netanyahu, pritet të mbajë fjalim në Asamblenë e Përgjithshme më 26 shtator, sikurse edhe presidenti i Autoritetit Palestinez, Mahmoud Abbas.

Rezoluta e së mërkurës pason një opinion këshillues në korrik nga Gjykata Ndërkombëtare e Drejtësisë se uzurpimi i territoreve palestineze nga Izraeli dhe ndërtimi i vendbanimeve janë të jashtëligjshme.

Ndërkohë, rezoluta e Asamblesë së Përgjithshme u bën thirrje gjithashtu shteteve që “të ndërmarrin hapa drejt ndërprerjes së importit të çdo produkti me origjinë nga vendbanimet izraelite, si dhe të mos i sigurojnë apo transferojnë armë, municione dhe pajisje të ngjashme Izraelit … kur ka arsye për të dyshuar se ato mund të përdoren në Territorin e Pushtuar Palestinez”.

Ambasadorja e SHBA-së në OKB, Linda Thomas-Greenfield, u bëri thirrje vendeve të votojnë kundër të mërkurën. Uashingtoni – një furnizues armësh dhe aleat i Izraelit – ka kundërshtuar prej kohësh masat e njëanshme që minojnë perspektivën e një zgjidhjeje me dy shtete.

Opinioni GJND-së nuk është detyrues, por ka peshë sipas ligjit ndërkombëtar dhe mund të ndikojë që mbështetja për Izraelin të zbehet.

As rezoluta e së mërkurës e Asamblesë së Përgjithshme të OKB-së nuk është detyruese, por ka peshë politike. Asnjë vend nuk ka të drejtë vetoje në Asamble.

“Çdo vend ka një votë dhe bota po na shikon,” tha ambasadori palestinez në OKB, Riyad Mansour, para Asamblesë së Përgjithshme të martën. “Ju lutemi qëndroni në anën e duhur të historisë. Me ligjin ndërkombëtar, me lirinë, me paqen.”
Ambasadori i Izraelit në OKB, Danny Danon, e kritikoi Asamblenë e Përgjithshme të martën për dështimin për të dënuar sulmin e 7 tetorit ndaj Izraelit nga militantët palestinezë të Hamasit – grupit të shpallur terrorist nga SHBA dhe BE – i cili e shkaktoi luftën e Izraelit në Rripin e Gazës.

Ai hodhi poshtë tekstin palestinez, duke thënë: “Le ta quajmë këtë ashtu si është: kjo rezolutë është terrorizëm diplomatik, duke përdorur mjetet e diplomacisë jo për të ndërtuar ura, por për t’i shkatërruar ato”.

Izraeli e pushtoi Bregun Perëndimor, Rripin e Gazës dhe Jerusalemin Lindor – zona të Palestinës historike të cilat palestinezët i duan për një shtet të vetin – në luftën e Lindjes së Mesme të vitit 1967 dhe prej atëherë ka ndërtuar vendbanime në Bregun Perëndimor dhe i ka zgjeruar në mënyrë të vazhdueshme ato.

Lufta në Rripin e Gazës filloi më 7 tetor 2023, kur militantët e Hamasit e sulmuan Izraelin jugor, duke vrarë rreth 1.200 njerëz dhe duke rrëmbyer rreth 250 të tjerë, sipas zyrtarëve izraelitë.

Prej atëherë, ushtria izraelite ka rrafshuar pjesë të enklavës palestineze, duke i zhvendosur nga shtëpitë e tyre pothuajse të gjithë 2.3 milionë banorët e Gazës. Më shumë se 41.000 palestinezë janë vrarë në Gazë prej tetorit, sipas autoriteteve shëndetësore palestineze./REL

Asambleja e Përgjithshme e Kombeve të Bashkuara (OKB) e ka miratuar të mërkurën një rezolutë palestineze, e cila i kërkon Izraelit t’i japë fund “pranisë së jashtëligjshme në territoret e uzurpuara palestineze” brenda 12 muajve.

Njëqind e njëzet e katër shtete votuan për këtë rezolutë, 43 të tjera abstenuan, ndërsa Shtetet e Bashkuara, Izraeli dhe 12 shtete të tjera votuan kundër.

Ky vendim e izolon Izraelin pak ditë para se liderët botërorë të mblidhen në Nju Jork për takimin vjetor të OKB-së. Kryeministri i Izraelit, Benjamin Netanyahu, pritet të mbajë fjalim në Asamblenë e Përgjithshme më 26 shtator, sikurse edhe presidenti i Autoritetit Palestinez, Mahmoud Abbas.

Rezoluta e së mërkurës pason një opinion këshillues në korrik nga Gjykata Ndërkombëtare e Drejtësisë se uzurpimi i territoreve palestineze nga Izraeli dhe ndërtimi i vendbanimeve janë të jashtëligjshme.

Ndërkohë, rezoluta e Asamblesë së Përgjithshme u bën thirrje gjithashtu shteteve që “të ndërmarrin hapa drejt ndërprerjes së importit të çdo produkti me origjinë nga vendbanimet izraelite, si dhe të mos i sigurojnë apo transferojnë armë, municione dhe pajisje të ngjashme Izraelit … kur ka arsye për të dyshuar se ato mund të përdoren në Territorin e Pushtuar Palestinez”.

Ambasadorja e SHBA-së në OKB, Linda Thomas-Greenfield, u bëri thirrje vendeve të votojnë kundër të mërkurën. Uashingtoni – një furnizues armësh dhe aleat i Izraelit – ka kundërshtuar prej kohësh masat e njëanshme që minojnë perspektivën e një zgjidhjeje me dy shtete.

Opinioni GJND-së nuk është detyrues, por ka peshë sipas ligjit ndërkombëtar dhe mund të ndikojë që mbështetja për Izraelin të zbehet.

As rezoluta e së mërkurës e Asamblesë së Përgjithshme të OKB-së nuk është detyruese, por ka peshë politike. Asnjë vend nuk ka të drejtë vetoje në Asamble.

“Çdo vend ka një votë dhe bota po na shikon,” tha ambasadori palestinez në OKB, Riyad Mansour, para Asamblesë së Përgjithshme të martën. “Ju lutemi qëndroni në anën e duhur të historisë. Me ligjin ndërkombëtar, me lirinë, me paqen.”

LEXONI GJITHASHTU:

• Hezbollahu fajëson Izraelin për shpërthimet që shkaktuan 9 viktima në Liban
• Izraeli: Qëllimet tona të luftës tani përfshijnë ndalimin e sulmeve të Hezbollahut

The post OKB i kërkon Izraelit t’i japë fund uzurpimit “joligjor” të territoreve palestineze appeared first on Euronews Albania.

Me një hap simbolik që tregon izolimin e vazhdueshëm ndërkombëtar të Izraelit, Asambleja e Përgjithshme e OKB-së ka votuar me shumicë dërrmuese një rezolutë që e urdhëron atë të largohet nga territoret e pushtuara palestineze brenda një viti.

Votimi jo-detyrues pason një vendim historik në korrik nga Gjykata Ndërkombëtare e Drejtësisë (ICJ) që i kërkon Izraelit të ndërpresë “praninë e tij të paligjshme në territorin e pushtuar palestinez sa më shpejt të jetë e mundur dhe të ndalojë menjëherë të gjitha aktivitetet e vendbanimeve atje”.

Rezoluta e së mërkurës u miratua me 124 vota pro, 14 kundër dhe 43 abstenime, duke u pasuar me duartrokitje në sallën e asamblesë së përgjithshme në Nju Jork. Shqipëria abstenoi së bashku me disa vende të tjera europiane ndërsa vetë Izraeli dhe SHBA votuan kundër rezolutës. Ky është një nga rastet e rralla ku Shqipëruia voton ndryshe nga SHBA në OKB. 

Rezolutat kundër Izraelit nga asambleja e përgjithshme janë të shpeshta, por kjo është e para që nga viti 1982 që shpreh hapur sanksionet kundër Izraelit. Rezoluta thotë: “Shqetësimet e Izraelit për sigurinë nuk mund të tejkalojnë parimin e ndalimit të përvetësimit të territorit me forcë”.

Kjo është gjithashtu rezoluta e parë e paraqitur nga Palestina që kur Asambleja e Përgjithshme e OKB-së votoi në maj me 143 vota pro dhe 9 kundër për të përmirësuar statusin e Palestinës si vëzhgues në OKB duke i dhënë delegacionit palestinez të drejtën për të paraqitur rezoluta. Ky votim erdhi pasi SHBA kishte përdorur veton e saj në Këshillin e Sigurimit të OKB-së në prill për të bllokuar Palestinën që t’i jepej statusi i plotë i OKB-së. ©LAPSI.al

#BREAKING

UN General Assembly ADOPTS resolution demanding that Israel “brings to an end without delay its unlawful presence” in the Occupied Palestinian Territory, and do so within 12 months

Voting result
In favor: 124
Against: 14
Abstain: 43 pic.twitter.com/hIwn7y6EY4

— UN News (@UN_News_Centre) September 18, 2024

The post OKB miraton rezolutën e Palestinës kundër Izraelit/ Zbulohet si votoi Shqipëria appeared first on Lapsi.al.

Shtetet anëtare të Organizatës së Kombeve të Bashkuara do të diskutojnë sot kërkesën e palestinezëve për t’i dhënë fund pushtimit izraelit të territoreve palestineze, brenda 12 muajve. Teksti i projekt-rezolutës, që është përballur me kritika të ashpra nga Izraeli, bazohet në një opinion këshillues të Gjykatës Ndërkombëtare të Drejtësisë, i cili e cilëson si “të […]

The post OKB diskutime për t’i dhënë fund pushtimit të territoreve palestineze appeared first on FaxWeb.

Zyrtari më i lartë i OKB-së që mbikëqyr ndihmën dhe rindërtimin në Gaza ka thënë për BBC se komuniteti ndërkombëtar po “lë në baltë” civilët e pafajshëm në territor. Sigrid Kaag, e cila u emërua nëntë muaj më parë, në mënyrë që të ndihmonte në përmirësimin e shpërndarjen e ndihmave të nevojshme, tha se një […]

The post Shefja e OKB-së për ndihmën në Gaza: Po i lëmë civilët në baltë! Situata është katastrofike appeared first on FaxWeb.

Galit Peleg, ambasadore e Izraelit në Shqipëri, në një intervistë për A2 CNN, zbuloi se ushtria izraelite ka zbuluar se punonjës të Organizatës së Kombeve të Bashkuara janë edhe anëtarë të Hamasit. “Kam lexuar raportin paraprak të ushtrisë së IDF dhe e di që ushtria i ka kërkuar OKB-së emrat e njerëzve që u vranë. […]

The post Ambasadorja izraelite: Kemi gjetur lista të punonjësve të OKB që ishin edhe anëtarë të Hamasit appeared first on BoldNews.al.

Ushtria izraelite vazhdon të sulmojë Rripin, duke vrarë disa palestinezë në sulmet në qytetin e Gazës dhe Khan Younis, një ditë pasi të paktën 19 persona u vranë. Ka përfunduar zyrtarisht faza e parë e fushatës së vaksinimit të poliomielitit të udhëhequr nga OKB. Gjatë 15 ditëve, rreth 560,000 fëmijë morën dozën e parë të […]

The post Njëmbëdhjetë të vrarë nga një një sulm në një shtëpi në Gaza appeared first on FaxWeb.

Emigracioni i lartë dhe plakja e popullsisë, do të çojnë popullsinë e Shqipërisë në rënie pa kthim në të gjithë skenarët.

Kombet e Bashkuara në projeksionet e reja “Rishikimi i Perspektivës së Popullsisë Botërore 2024”, e renditën Shqipërinë si vendin me rënien më të fortë të normave të lindshmërisë (fertilitetit) për grua me rreth 15% deri në vitin 2054 në rang global.

Pas Shqipërisë, vendet që do të kenë rënie të lartë të lindshmërisë do të jenë Armenia, Moldavia, Mali i Zi etj.

OKB vëren se niveli i fertilitetit, ose numri mesatar i lindjeve të gjalla për grua gjatë gjithë jetës, ka rënë ndjeshëm gjatë dekadave të fundit në shumë vende.

Aktualisht, shkalla globale e lindshmërisë është 2.25 lindje të gjalla për grua, një fëmijë më pak se një brez më parë.

Në Shqipëri aktualisht, niveli i lindshmërinë për grua është më pak se 1.2 fëmijë, shumë poshtë shkallës së zëvendësimit.

Në shumicën e shoqërive, fëmijët dhe të moshuarit konsumojnë mesatarisht më shumë sesa prodhojnë.

OKB këshillon se pothuajse në të gjitha vendet dhe zonat me popullsi që tashmë kanë arritur kulmin në madhësi të popullsisë, dritarja e mundësive për rritjen e përshpejtuar ekonomike të lidhur me një popullsi rinore është mbyllur.

Megjithatë, edhe në vendet ku pjesa e popullsisë në moshë pune (midis 20 dhe 64-vjeç) po zvogëlohet, ka mënyra për të nxitur rritjen ekonomike.

Një nga strategjitë që rekomandon OKB, është që vendet me rënie të popullsisë duhet të bëhen gjithëpërfshirës, duke futur në tregun formal të punës grupe që tradicionalisht janë përjashtuar, si gratë, të moshuarit dhe personat me aftësi të kufizuara.

Një qasje tjetër që rekomandohet është rritja e produktivitetit të punonjësve, duke investuar në formimin e kapitalit njerëzor dhe trajnimin e vazhdueshëm, duke përdorur teknologjisë, duke përfshirë robotikën, automatizimin dhe inteligjencën artificiale (AI).

Imigrimi (prurjet e emigrantëve) mund të ndihmojë gjithashtu, në zbutjen e mungesës së fuqisë punëtore të lidhur me plakjen e popullsisë, të paktën në afat të shkurtër.

Migrimi ndërkombëtar nuk mund të kompensojë rënien e popullsisë ose plakjen e popullsisë në terma afatgjatë, por nuk duhet parë si një “zgjidhje” për atë që në fund të fundit është një proces universal dhe i pakthyeshëm: tranzicioni demografik.

Në vendet ku nivelet e lindshmërisë janë tashmë nën zëvendësimin, emigrimi i njerëzve në moshën riprodhuese mund të kontribuojë në rënien e mëtejshme të popullsisë.

Në 62 për qind të vendeve dhe zonave të grupit që tashmë përjetojnë nivele të ulëta të lindshmërisë, emigracioni ka të ngjarë të kontribuojë në zvogëlimin e mëtejshëm të numrit të popullsisë nga tani deri në vitin 2054. Në këtë grup vendesh bën pjesë edhe Shqipëria.

Më herët, OKB, në projeksionet e reja për ecurinë e popullsisë së botës deri më 2054, referon se Shqipëria renditet në mesin e vendeve me rënien më të madhe të popullsisë ndërmjet 2024-2054 në rang global.

Raporti referon se grupi i vendeve ku përfshihet Shqipëria, Bosnjë dhe Hercegovina, Lituania, Porto Riko dhe Moldavia do të përballet me një rënie të popullsisë në nivelet 14% në 30 vitet e ardhshme. Këto vende do të kenë normat më të larta globale të rënies së popullsisë./Monitor

The post Çfarë po ndodh me popullsinë në Shqipëri? OKB: Ka rënien më të madhe të lindshmërisë në rang global deri më 2054 appeared first on Albeu.com.

Organizata e Kombeve të Bashkuara (OKB), në projeksionet e reja për ecurinë e popullsisë së botës deri më 2054, referon se Shqipëria renditet në mesin e vendeve me rënien më të madhe të popullsisë, ndërmjet 2024-2054 në rang global.

Raporti referon se grupi i vendeve ku përfshihet Shqipëria, Bosnjë dhe Hercegovina, Lituania, Porto Riko dhe Moldavia, do të përballet me një rënie të popullsisë në nivelet 14% në 30 vitet e ardhshme. Këto vende do të kenë normat më të larta globale të rënies së popullsisë.

Në 63 vende dhe zona te tjera, që zotërojnë 28% të popullsisë së botës popullsia e tyre arriti kulmin para vitit 2024. Ky grup përfshin Kinën, Gjermaninë, Japoninë dhe Rusinë.

Në 48 vende dhe zona, që përfaqësojnë 10% të popullsisë së botës në vitin 2024, numri i popullsisë parashikohet të arrijë kulmin midis 2025 dhe 2054.

Ky grup përfshin Brazilin, Iranin, Turqinë dhe Vietnamin. Numri i popullsisë në këto lokacione parashikohet të rritet me 5.3% në tridhjetë vitet në vijim.

Në 126 vendet dhe zonat e mbetura, popullsia ka të ngjarë të vazhdojë të rritet deri më 2054, potencialisht duke arritur një kulm pas vitit 2100.

Ky grup përfshin disa nga vendet më të populluara në botë: India, Indonezia, Nigeria, Pakistani dhe Shtetet e Bashkuara të Amerikës. Numri i njerëzve që jetojnë në këto lokacione, parashikohet të rritet me 38% deri 2054.

Në nëntë nga këto vende dhe zona, duke përfshirë Angolën, Republikën e Afrikës Qendrore, Republika Demokratike e Kongos, Nigeria dhe Somalia, rritja e popullsisë ka të ngjarë të jetë shumë e shpejtë, me dyfishimin e popullsisë midis 2024 dhe 2054. Këto vende do të çojnë popullsinë e globit drejt pikut referon OKB-ja.

Në vendet ku nivelet e fertilitetit, janë tashmë nën normën e zëvendësimit 2,1 fëmijë për grua dhe gjithashtu kanë emigrim të lartë të njerëzve në moshë riprodhuese, do të përballen me rënie popullsie. Në këtë grup bën pjesë edhe Shqipëria.

Migrimi ndërkombëtar gjithashtu, ndikon në mënyrë indirekte numri i lindjeve në vendet e destinacionit dhe në vendet e origjinës.

Në vende si Shqipëria, Armenia, Guadalupa apo Xhamajka, emigrimi i një numri të madh të grave në moshë riprodhuese mund të zvogëlojë numrin e lindjeve që ndodhin në ato vende, referon OKB teksa vë në dukje se në vende të tilla si Portugalia, Federata Ruse dhe Spanjë kthimi i emigranteve dha efektin e kundërt.

Nga një perspektivë demografike, lindjet “të humbura nga emigracioni” ose “të fituara nga imigracioni” i kanë të dyja pasojat afatshkurtra dhe afatgjata, pasi vajzat e lindura sot janë gra të moshës riprodhuese gjenerata e ardhshme.

Në vendet me shkallë të lartë emigracioni, nëse krijohen më shumë mundësi dhe sidomos punë të denjë promovimi i migrimit të kthimit, mund të jenë qasje për t’u eksploruar dhe mund të jenë më efektive në ngadalësimi i rënies së popullsisë në afat të shkurtër, se sa politikat që synojnë rritjen e niveleve të lindshmërisë.

Së fundmi, Censi i vitit 2023 i INSTAT, gjeti se popullsia e Shqipërisë ka zbritur në 2.4 milionë banorë, ose 420 mijë banorë më pak se në Censin e vitit 2011./Monitor

The post Shpopullimi/ OKB: Shqipëria në mesin e 6 vendeve me rënien më të madhe të popullsisë në botë appeared first on Albeu.com.

Sekretari i Përgjithshëm i Kombeve të Bashkuara Antonio Guterres lëshoi një alarm global të martën, duke thënë se temperaturat e oqeanit po rriteshin në Ishujt e Paqësorit me trefishin e normës mesatare globale.

Rritja e temperaturës bën që uji të zgjerohet, gjë që kontribuon në rritjen e nivelit të detit.

“Unë jam në Tonga për të lëshuar një alarm global për rritjen e nivelit të detit,” tha ai, ndërsa fliste në Forumin e Ishujve të Paqësorit.

Shefi i OKB-së tha se Ishujt e Paqësorit ishin “të ekspozuar në mënyrë unike” ndaj ndikimit të rritjes së nivelit të detit.

“Niveli mesatar global i detit po rritet me ritme të paprecedentë në 3000 vitet e fundit. Oqeani është i tejmbushur për shkak të ndryshimeve klimatike,” tha ai në një postim në X.

Guterres foli për gjetjet e një raporti që tregonte se Paqësori Jugperëndimor ishte goditur më keq nga rritja e nivelit të detit. Disa vende janë prekur nga më shumë se dyfishi i mesatares globale në tre dekadat e fundit.

Ai tha se ishujt e Paqësorit ishin vetëm një ose dy metra mbi nivelin e detit dhe për këtë arsye në mënyrë unike të cenueshme. “Gjysma e infrastrukturës është 500 metra larg detit”, shtoi ai.

Një raport i organit të OKB-së për monitorimin e klimës tha se detet ishin ngritur me rreth 15 centimetra në disa pjesë të Paqësorit në 30 vitet e fundit. Mesatarja globale ishte 9.4 centimetra.

“Arsyeja është e qartë: gazrat serrë – të prodhuara në masë dërrmuese nga djegia e lëndëve djegëse fosile – po gatuajnë planetin tonë. Dhe deti po merr nxehtësinë – fjalë për fjalë,” tha Guterres.

“Ngritja e deteve po përforcon frekuencën dhe ashpërsinë e stuhive dhe përmbytjeve bregdetare. Këto përmbytje kënetojnë komunitetet bregdetare, shkatërrojnë peshkimin, dëmtojnë të korrat, ndotin ujin e ëmbël. E gjithë kjo i vë në rrezik të madh kombet e ishullit të Paqësorit,” tha ai.

Nëse emetimet globale nuk reduktohen, Guterres paralajmëroi se Ishujt e Paqësorit mund të presin një rritje shtesë të nivelit të detit prej 15 cm deri në vitin 2050 dhe 30 ditë në vit me përmbytje bregdetare.

Guterres u bëri thirrje udhëheqësve globalë që të rrisin masivisht investimet e përshtatjes klimatike” në vendet e cenueshme . “Vendet e zhvilluara duhet të përmbushin angazhimet e tyre [financiare] – duke përfshirë angazhimin për të dyfishuar financimin e përshtatjes në të paktën 40 miliardë dollarë në vit deri në vitin 2025.

The post Shefi i OKB ngre alarmin global! Shprehet i shqetësuar për rritjen e nivelit të detit: Do ketë stuhi dhe përmbytje… appeared first on Albeu.com.