Pavarësisht se i kushtoi plot 55 milionë euro, “Djajve të Kuq” të Manchester United, “gardiani” kamerunas i portës nuk po arrin dot të shfaqë cilësitë e tij fantastike mes shtyllave, teksa deri më tani ka zhvilluar performanca që lënë me të vërtetë për të dëshiruar e për këtë arsye, “gjigantët” e Premier League i janë rikthyer “fiksimit” të vjetër.

Bëhet fjalë për 24-vjeçarin portugez, Diogo Costa, me “yllin” e “Dragonjve” të Porto, që prej kohësh ka “magjepsur” bordin e United, mirëpo klauzola prej 75 milionë eurosh konsiderohet si një shifër shumë e lartë nga “gjigantët” anglezë dhe në krahun tjetër, drejutesit e portugezëve nuk kanë ndërmend të nisin negociata për ulje të çmimit.

Ndërkaq, kujtojmë se Diogo Costa është një prej objektivave më të dëshiruar, të United, në verën që sapo lamë pas, mirëpo në fund “Djajtë” arritën të siguronin shërbimet e kamerunasit, me këtë të fundit, që sezonin e shkuar ka mbajtur vetëm 6 portën të paprekur, në 46 ndeshjet e zhvilluara deri në këtë pikë të sezonit. /i.m /abcnews.al

Me anësorin kanadez të mbrojtjes, Alphonso Davies, në prag largimi nga “Bavarezët” e Bayern Munich, këta të fundit janë hedhur menjëherë në sulm, për gjetjen e një emri të ri, e padyshim të madh, për krahun e majtë të mbrojtjes dhe duket se një emër të tillë e kanë gjetur në kampionatin elitar të Italisë, Serie A.

Sipas raportimeve më të fundit të mediave, një objektiv kryesor te “gjigantët” gjermanë është anësori francez, Theo Hernandez, me 26-vjeçarin, i cili prej disa sezonesh tashmë po shkëlqen me fanellën e Milan, duke qenë një nga lojtarët protagonistë, në “San Siro”, sidomos me kombinim e tij fantastik, me “yllin” portugez, Rafael Leao.

Megjithatë, kalimi i Hernandez në Bavari nuk është një mision i lehtë, me “Djajtë” e Milano, që nuk pranojnë një ofertë më të vogël se 100 milionë euro, për anësorin e krahut, ofertë kjo që do të rregullonte jo pak skuadrën, por do të dëmtonte shumë edhe arkën e një klubi të madh, ashtu siç janë edhe “Të Kuqtë” e Bayern Munich. /i.m /abcnews.al

Ishte padyshim një përballje e zjarrtë, ashtu siç pritej, por fitues nuk pati.

Partizani e Tirana e kanë mbyllur në barazimin “e bardhë”, pa gola, supersfidën e javës së gjashtës të Abissnet Superiore, ama dhuruan jo pak “shoë” e lojë të bukur, për 12 mijë tifozët e pranishëm në arenën e “Air Albania”.

Të shumta ishin rastet nga të dyja skuadrat për të gjetur golin në këtë sfidë, por më kot, pasi “gardianët” e të dyja skuadrave, Pano Qirko (Partizani) e Gentian Selmani (Tirana) ishin në super formë, duke mbajtur të paprekura rrjetat e skuadrave të tyre.

Falë këtij rezultati, Partizani ngjitet në kuotën e 9 pikëve, dhe pozicionohet në vendin e tretë, ndërsa Tirana siguron barazimin e gjashtë, në gjashtë javët e para të kampionatit. /i.m /abcnews.al

Ndeshjet e sotme të Kategorisë së Parë kanë sjellë edhe ndalesën e parë të Besës e cila deri tani kishte qenë e pagabueshme. Në javën e pestë, skuadra e Mirel Josës është ndalur përballë Lushnjës në një barazim pa gola mes dy skuadrave.

Kjo ka ndihmuar Vorën që t’i afrohet skuadrës që mban vendin e parë, pasi goli i shënuar që në minutat e parë nga Avdiu në ndeshjen kundër Korabit, ka mjaftuar për të marrë pikët e plota në këtë transfertë të komplikuar.

Një duel i luftuar mes dy skuadrave që luajnë për mbijetesën ishte ai mes Pogradecit dhe Erzenit, i zgjidhur me një gol në shtesë nga Panadiç i cili i dha tre pikët liqenorëve, ndërsa fundosi edhe më shumë shijakasit që janë me 0 pikë pas 5 ndeshjesh.

Kastrioti ndërkohë ka bërë një hap të rëndësishëm në renditje teksa ka mundur Burrelin, për të qenë më i qetë larg zonës së ftohtë të klasifikimit. /i.m /abcnews.la

Pas javës së gjashtë renditeshin në vendin e fundit me vetëm tre pikë, pas tre humbjeve dhe tre barazime.

Kjo është pasqyra e skuadrës së Laçit këtë sezon, me “Bardhezinjtë” që u mundën sërish pasditen e kësaj të shtune, kësaj here nga Skënderbeu dhe menjëherë pas këtij rezultati, tekniku Armando Cungu ka njoftuar largimin nga klubi, në konferencën për mediat.

Ish-tekniku, tashmë, i “kurbinasve” ka vënë fokusin në gjykimin tendecioz kundër ekipit të tij në fushën e blertë, teksa shton se është trajner që kalon ture në Evropë dhe nuk lufton për mbijetesën.

“Kur të jesh në fund të tabelës, nuk ka fjalë të tjera për të thënë. Përtej asaj, do të shoh pozicionin tim, do t’i komunikoj largimin drejtuesve. Nuk jam trajner për mbijetesë, e kam bërë me ekipin e zemrës Vllazninë, edhe vjet me Laçin, por është e pamundur të jem më për mbijetesë.

Humbëm këtë ndeshjen sot, një pjesë e parë zhgënjyese totalisht për ne, sikurse golat janë amatoreskë në veprime. I pari në goditje standarte pa asnjë lloj pretendimi nga një ekip si Korça që m’u duk shumë i dobët po që arrijnë të na shënojnë statik.

Nuk dua të diskutoj rastin e penalltisë, por është faull 100% ndaj lojtarit tonë në mesfushë si në disa raste të tjera të tilla. Te momenti i penalltisë që gjuhet, Korça gjen mundësinë që të shoqërojë portierin tonë e ne rrimë e shohim. Kjo nuk është nevoja që një trajner t’ia bëjë të ditur sportistëve, por kjo është situata.

Nuk është deklaratë emotive, është e sinqertë. E kam kërkuar largimin prej dy javëve për të qenë i sinqertë. Nervat ishin momentale gjatë lojës, por tani jam i qetë. Nuk e di pse, është e pamundur, pothuajse grupi i plotë i lojtarëve… Kjo është ndeshja e tretë radhazi që penalizohem me të verdhë, është turp se nuk jam person problematik. Kam luajtur 15 vite si futbollist e kam marrë vetëm një karton.

E për çfarë i marr? Për të drejtat tona. Kemi tre lojtarë me thyerje e trauma me Partizanin, protestojmë për të drejtën tonë dhe marrim të verdhë. Ndërsa edhe pse kundërshtarët ndonëse luajnë në mënyrë brutale, nuk marrin penalitete. Kjo është lojë nervash, unë nuk kam më nerva për lojëra të tilla.

Është një ekip i ri, me problemet e veta. Do të vijë ekipi gradualisht, nuk kam mundësi, ndoshta edhe shëndetësore për arsye stresi që të përballoj. Nuk jam trajner të vë emrin në listë për turp në futbollin shqiptar, për të hedhur ekipin në të dytën. Kam qenë në krye të tabelave, kam kaluar ture si askush më parë në Europë, duke fituar Kupa e Superkupa, në luftë për të fituar trofe. Por nuk mund të vazhdoj më, më vjen keq”,- u shpreh Cungu për mediat pas ndeshjes. /i.m /abcnews.al

Konsiderohet padyshim, një talent i madh i së ardhmes.

“Fantazisti” i mesfushës së Lecce, Medon Berisha është kthyer në një lojtar të pëlqyer si, në radhët e Kombëtares, ashtu edhe tek ekipi nga Pulja, teksa këtë sezon ka siguruar shumë më shumë minuta, krahasuar me sezonin e shkuar.

Mirëpo, duket se këto minuta do të ndalojnë për pak kohë.

Kjo për shkak se Berisha ka pësuar një dëmtim muskular vetëm pak orë, pas sfidës së kësaj të shtune, ndaj Parma, teksa sipas raportimeve më të fundit të mediave italiane talenti “kuqezi” ka pësuar një zgjatim muskular në kofshën e djathtë, gjë që do ta mbaj për disa kohë larg fushave. /i.m /abcnews.al

Pas shitjes së “yllit” të tyre, Alessandro Buongiorno, te Napoli, për plot 40 milionë euro, drejtuesit e “Demave” të Torino kanë filluar të kërkojnë një qendërmbrojtës të ri dhe një ndër emrat që pëlqehet shumë nga klubi i Serie A është Albian Hajdari, 21-vjeçari shqiptar, që aktualisht luan te Lugano, në elitën e futbollit zviceran dhe është pjesë e moshave të Kombëtares “Helvete”

“Dardani” i prapavijës ka qenë më parë pjesë e ekipit të të rinjve të Juventus, teksa konsiderohet si një lojtar me shumë potencial, ku përveç qendrës së mbrojtjes, Hajdari mund të aktivizohet edhe në krahun e majtë të repartit të prapavijës.

Presidenti Cairo pritet të përpilojë një ofertë zyrtare për kartonin e mbrojtësit potent, i cili do e priste me kënaqësi rikthimin në qytetin piemontez. Kartoni i tij vlerësohet maksimalisht 4 milionë euro dhe aktualisht pas tij janë vendosur edhe Augsburg e Girona. /i.m /abcnews.al

Pas dy humbjeve u rikthyen te fitorja.

“Bardhekuqtë” e Skënderbeut kanë hedhur pas krahëve dy humbjet ndaj Teutës e Dinamos duke arritur një fitore të madhe, ndaj “Bardhezinjve” të Laçit, me tabelën e rezultatit që mbante shifrat 2-1, pas përfundimit të kohës së rregullt.

Një gol në secilën pjesë nga Lucho Vazquez e Bismark mjaftuan për t’i dhënë fitoren skuadrës së Ivan Gvozndenovic, pavarësisht golit të Indrit Prodanit që barazoi lojën për vetëm pak çaste në minutën e 70’-të.

Falë kësaj fitoreje Skënderbeu ngjitet në vendin e pestë të tabelës, ndërsa Laçi mbetet ende në vendin e fundit e fundit me tre pikë, teksa ende nuk kanë gjetur fitoren e parë për këtë sezon. /i.m /abcnews.al

Është kthyer në një mjeshtër.

David Raya, dikur një portier jo shumë i njohur te Brentford, ku ndante kuadratin me “gardianin” e Kombëtares “kuqezi”, Tomas Strakosha, sot po cilësohet si njëri nga më të mirët e botës.

Përtej mrekullive që ka bërë në Evropë dhe Angli muajt e fundit, në sfidën e radhës në Champions, ai realizoi diçka të jashtëzakonshme, që nuk ka “shoqe” në histori.

Në ndeshjen Atalanta-Arsenal, Raya, bëri një pritje të dyfishte ndaj sulmuesit të Italisë, Matteo Retegui, ku sipas statistikave të probabilitetit, gjuajtja e dytë kishte 97 për qind shanse që të përfundonte në rrjetë.

Agjencia e statistikave, “Opta”, raporton se portieri spanjoll ka ndaluar 4 nga 8 penalltitë e fundit.

Tifozët shqiptarë e mbajnë mend sepse 29-vjeçari luajti titullar në ndeshjen ndaj Shqipërisë në grupet e Evropianit, duke bërë edhe një pritje të madhe ndaj Brojës.

Raya padyshim që ka hyrë në historinë e penalltive të shquara dhe të pritjeve të mëdha në futbollin botëror.

Ai është bashkuar me rekordmenë të tillë si Helmuth Duckadam i Steaua Bucuresti, që priti katër 11-metërsha në finalen e Championsit në 1986 ndaj Barcelonës.

Apo me gjermanin Manuel Neuer, që në gjysmëfinale të Champions League në 2012, ndaloi penalltitë e dy blerjeve më të shtrenjta të futbollit botëror në atë kohë, Cristiano Ronaldo dhe Kaka, i pari 94 milionë euro dhe i dyti 67.

Po ashtu, pritja e tij e dyfishtë rikujton një pritje të tillë dyshe të portierit të Liverpulit, polakut Jerzy Dudek, në finalen e paharrueshme të Champions League ndaj Milanit në 2005, ndonëse ato ishin pritje në aksion, jo me penallti. /i.m /abcnews.al

Prej kohësh tashmë, në mediat italiane e ato gjermane, po qarkullojnë gjithnjë e më shumë lajmë, që lidhin interesimin e “bavarezëve” të Bayern Munich, me një prej protagonistëve absolut të 19 herë kampionëve të Italisë.

Në “radarët” e “Bavarezëve” ka rënë një prej “yjeve” francez të “Djajve” të Milanos, me kampionët e Bundesliga që prej kohësh janë në kërkim të një “gardiani” të ri për portën dhe këtu hyn në skenë, Mike Maignan.

Francezi ka bërë paraqitje të shkëlqyera me “Kuqezinjtë” e Milanos dhe kjo ka tërhequr vëmendjen e “gjigantëve” të Mynihut, të cilët po kërkojnë një pasues të denjë për “legjendën” e portës, Manuel Neuer. /i.m /abcnews.al

Anglia mund të humbasë organizimin e Euro 2028 nëse qeveria do të vazhdojë me planet e saj për të krijuar një organ që rregullon aktivitetet futbollistike në vend, me rregulla krejtësisht të reja.

Mediat angleze kanë publikuar një letër që Sekretari i Përgjithshëm i UEFA-s, Teodor Teodoridis, i ka dërguar qeverisë angleze, duke e paralajmëruar për masat me të cilat mund të përballet.

Teodoridis përmendte në letrën e tij se ishte thelbësore që futbolli të mbetej i pavarur nga politika dhe ky parim i pavarësisë do të prishej nëse plani i qeverisë angleze do të zbatohej ashtu siç është ideuar, kjo për shkak të idesë së përshtatjes së klubeve me politikat e jashtme dhe tregtare.

Rregulla të tilla mund të shohin klubet të ndalohen të organizojnë ndeshje miqësore në shtete të caktuara “armiqësore” apo të mos lejohen të tërheqin fonde nga investitorë të vendeve të caktuara, sipas politikave të shtetit anglez.

“Sanksioni përfundimtar do të ishte përjashtmi i Federatës nga UEFA dhe të gjitha skuadrave të saj nga kompeticionet”,- shkruante Teodoridis në këtë letër që është shpërndarë në mediat angleze.

Ndërkaq, pjesë e masave sigurisht që do të ishte edhe ndalimi i zhvillimit të Euro 2028 në Britaninë e Madhe, me Anglinë që ka peshën kryesore të këtij turneu si pritës i numrit më të madh të ndeshjeve. /i.m /abcnews.al

Nuk është profili i një gjahtari.

Qazim Laçi më shumë njihet si shkatërrues dhe si “barrikadë”, por ja që ndodh që të shënojë, me mesfushorin e Kombëtares shqiptare hyri në histori sepse debutoi dhe realizoi gol në UEFA Champions League.

Ndeshja e parë në grupe, rrjeta e parë.

E vërteta është që jo vetëm për Laçin, por gola të tillë janë të rrallë për futbollistët shqiptarë në përgjithësi. Deri tani ia kanë dalë vetëm gjashtë lojtarë, dhe që të gjithë nga një herë të vetme.

I pari që ia doli ishte sulmuesi Besart Berisha, që ka qenë pjesë e kombëtares shqiptare.

Ai realizoi me fanelën e Hamburg ndaj rusëve të CSKA Moscow, gjithashtu në një ndeshje grupi në 6 dhjetor të vitit 2006. Hamburgu fitoi 3-2.

I dyti ishte ish-kapiteni i Shqipërisë, Lorik Cana. Mbrojtësi i qendrës pati një moment lavdie në grupet e Championsit në 16 shtator 2008, pasi realizoi në portën e Liverpool, në stadiumin “Velodrome” të Marsejës, mirëpo në fund “Të kuqtë” i mundën francezë me rezultatin, 2-1.

Më pas erdhi radha e sulmuesit Shkëlzen Gashi, njërit prej heronjve të kombëtares që u kualifikua në Euro 2016.

Gashi shënoi golin e tretë për zviceranët e Basel në fitoren 4-0 ndaj Ludogorets të Bullgarisë, në Zvicër në 4 nëntor 2014.

Traditën e vazhdoi mesfushori Taulant Xhaka, sërish në ndeshje të grupeve, dhe sërish për Basel. Ai shënoi në Moskë, në fitoren e zviceranëve 2-0 ndaj CSKA-së në 18 tetor 2017.

I fundit përpara Qazim Laçit ishte Myrto Uzuni. Sulmuesi beratas shënoi një gol të bukur në fushën e Juventusit, në grupe në 24 nëntor 2020, duke festuar si Cristiano Ronaldo. Ferencaros në fund u mund 2-1.

Vlen të theksohet se nga 6 lojtarët “kuqezinj”, shënues në Champions, katër janë nga Kosova dhe dy nga Shqipëria. /i.m /abcnews.al

Mund të konsiderohet një “mjeshtër” i vërtetë i merkatos. Giuseppe Marotta po bën një punë të magjishme, me “Zikaltërit” e Inter, teksa ishte pikërisht ai që ndërtoi këtë organikë fantastike, që siguroi dy tituj kampion, dy Kupa dhe tre Superkupa të Italisë, në vetëm katër sezone, pa llogaritur këtu finalen e UEFA Champions League të vitit të shkuar, e cila për fat të keq, nuk u arrit të fitohej përballë një kundërshtari si “Qytetarët” e Manchester City.

Ashtu, si në sezonet e tjera, edhe këtë sezon, Marotta ka afruar një sërë lojtarësh me parametra zero, siç janë edhe “arkitekti” polak i mesfushës së Napoli, Piotr Zielinski dhe “bomberi” iranian i “Dragonjve” të Porto, Mehdi Taremi, megjithatë duket se merkatoja nuk mbaron me kaq.

Sipas raportimeve më të fundit, të mediave gjerman, 20 herë kampionët e Italisë po mendojnë për transferimin e talentit gjerman të mbrojtjes, Karim Coulibaly, me 16-vjeçarin, pjesë e skuadrës së Hamburg, i cili i skadon kontrata në fund të sezonit dhe nuk ka sesi një lojtar i tillë, me goxha perspektivë t’i shpëtojë “strategut” të Inter. /i.m /abcnews.al

Në ishull e konsiderojnë si një lider të ardhshëm, në vijën e fundit të mbrojtjes, së Kombëtares së “Tre Luanëve”. “Shtatlarti” i Everton, Jarrad Branthwaite, po zhvillon një sezon të shkëlqyer në Premier Leauge, ndërsa, pritet ta nisë nga minuta e parë për Anglinë ndaj Belgjikës, ku pretendohet një fitore, pas humbjes në miqësoren e parë të luksit, ndaj Brazilit.

Falë performancave të tilla, 21-vjeçari anglez ka rënë në “radaraët” e “Qytetarëve” të Manchester City, me teknikun, Pep Guardiola, i cili pavarësisht se zotërn emra të mëdhenj në mbrojtje si Gvardiol, Ruben Dias, Stones e Walker, sërish dëshiron të forcojë repartin e prapavijës, me një tjetër talent të së ardhshmes.

Jarrad Branthwaite përmbush kriteret e duhura për të qenë një lojtar i City, pasi organizon shkëlqyeshëm lojën nga mbrojtja, ka ngjashmëri në aspektin teknik me John Stones dhe shquhet për superioritetin në duelet ajrore, gjë të cilët e ka treaguar sezonin e shkuar në Premier League, teksa ka luajtur në 25 ndeshje, ku ka shënuar edhe dy gola.

Interes për Jarrad Branthwaite ka shfaqur edhe Manchester United, Tottenham Hotspurs dhe Real Madrid dhe si rrjedhojë konkurrenca do të jetë e lartë për qendërmbrojtësin, me “Blutë” e Everton, që pritet të kërkojnë rreth 60 milionë paund për 21-vjeçarin, shifër kjo që nuk përbën aspak problem për sheikët e “Etihad”, gjë të cilën e kanë vërtetuar edhe në të kaluarën, me transferimet e kryera. /i.m /abcnews.al

Është rikthyer te golat radhazi, por sërish rrjetat e tij nuk mjaftojnë për të siguruar tre pikët.

“Fantazisti” i Kombëtares ka shënuar sërish emrin në listën e golashënuesve, këtë herë në barazimin, 2-2 përballë skuadrës së Malaga, duke arkëtuar një tjetër pikë në këtë sezon të LaLiga 2.

“Bomberi” nga Berati shënoi golin e dytë të Granada, mirëpo sërish nuk mjaftoi për të siguruar fitoren, që u mohua në minutën e 93′-të.

Falë këtij goli, Uzuni ngjitet në kuotën e 2 golave, pas pesë ndeshjesh, ndërsa skuadra e Granada ngjitet në vendin e 12-të me 6 pikë. /i.m /abcnews.al

Futbolli modern po bëhet gjithnjë e më i mërzitshëm, mirëpo, duket se këtij problemi Por këtij problemi i jep zgjidhje ish-presidenti i UEFA, Michel Platini me propozimet e tij.

Përtej mërzisë së një futbolli që është më shumë i vëmendshëm ndaj pasimeve, ish-“ylli” francez është shprehur se skuadra duhet të hyjnë në fushë me 10 lojtarë dhe në këtë mënyrë do të krijohen hapësira të reja në fushë dhe do t’u lejohet lojtarëve të vrapojnë më shumë.

“Nevojitet të hiqet një, e skuadrat të luajmë me dhjetë lojtarë. Në 1900, filloi të luhej me 11 lojtarë, por në atë kohë lojtarët vraponin më pak, ishin më të ngadaltë dhe gjithashtu më pak të fortë fizikisht. Kështu që mund të jetë një gjë e mirë të kufizohet numri i lojtarëve sepse do të lironte hapësira në fushë.

Njerëzit e brezit tim nuk shikojnë më futbollin që luhej më parë. Bëhen shumë pasime prapa se sa përpara. Nuk dua të bëhem kritik, por në epokën time kemi parë më shumë futboll sulmues”,- u shpreh Platini.

Në rast miratimi, ky propozim do të kishte efektin e një revolucioni në një sport të cilin “legjenda” holandeze, Marco Van Basten, si konsulent i FIFA-s, ishte përpjekur ta evoluonte me ide të ndryshme, duke modifikuar pozicionin jashtë loje, duke hequr kohën shtesë, duke vendosur një përjashtim të përkohshëm. /i.m /abcnews.al

Pasi arritën një fitore të madhe, në sfidën e parë të UEFA Champions League, përballë holandezëve të PSV, tashmë Juventus duhet të sfidojnë “Blutë” e Napoli, për të rigjetur 3 pikët në elitën e Serie A.

Siç e do zakoni një ditë para sfidës është zhvilluar edhe konferenca zytare për shtyp, nga ku tekniku i “Bardhezinjve”, Thiago Motta ka kërkuar nga skuadra e tij rikthimin te fitorja, pas dy barazimeve radhazi, si dhe ka lavdëruar jo skuadrën e Antonio Conte.

“Një ndeshje e shkëlqyer me lojtarë të fortë. Ne do të përballemi me shumë seriozitet dhe përgjegjësi, duke respektuar kundërshtarin dhe duke luajtur futbollin tonë.

Koha si futbollist me Conte? Ishte kënaqësi e madhe të punoja me të, patëm një Evropian të mrekullueshëm dhe dolëm kundër një ekipi shumë të fortë. Marrëdhënia me të ka qenë gjithmonë fantastike.

Napoli është një ekip i ndërtuar për të fituar titullin. Duhet të vazhdojmë rrugëtimin tonë ndeshje pas ndeshje me ambicien për t’u përmirësuar gjithmonë, duke u përpjekur të rritemi dhe t’i bëjmë tifozët tanë që të kenë një mbrëmje të mirë”,- u shpreh tekniku italo-brazilian. /i.m /abcnews.al

Klubi anglez i futbollit Leicester City fitoi apelin kundër vendimit që mund të kishte çuar në zbritje pikësh për shkelje të dyshuar të limitit të shpenzimeve në Premier League, konfirmoi skuadra.

Një bord i pavarur apeli anuloi vendimin e mëparshëm nga një komision që klubi ka tejkaluar pragun e humbjes prej 105 milionë funtesh për tri sezone në rregullat e përfitimit dhe qëndrueshmërisë së Premier League.

Ai zbuloi se periudha kontabël e Leicesterit përfundoi në të vërtetë më 30 qershor 2023, një muaj e dy ditë pasi ata u rrëzuan nga divizioni i parë, që do të thotë se Premier League nuk kishte juridiksion për të vendosur mbi këtë çështje.

“Për të shmangur çdo keqkuptim që mund të lindë në dritën e deklaratës që është lëshuar nga Premier League në përgjigje të vendimit të apelimit, Leicester City dëshiron të theksojë gjetjen e Panelit të Apelit që kur merret parasysh formulimi që përdoret në të vërtetë në rregullat e Premier League (në përputhje me parimet e vendosura të ligjit anglez), klubi nuk ka shkelur PSR-të e Premier League (rregullat e përfitimit dhe qëndrueshmërisë) për periudhën e vlerësimit që përfundoi më 30 qershor 2023”,- tha klubi në një deklaratë.

Klubi fillimisht iu referua një komisioni të pavarur nga Premier League në mars. Komisioni hodhi poshtë sfidën fillestare të klubit ndaj juridiksionit të tij për të dëgjuar çështjen. /i.m /abcnews.al

Pavarësisht se i kushtoi plot 55 milionë euro, “Djajve të Kuq” të Manchester United, “gardiani” kamerunas i portës nuk po arrin dot të shfaqë cilësitë e tij fantastike mes shtyllave, teksa deri më tani ka zhvilluar performanca që lënë me të vërtetë për të dëshiruar e për këtë arsye, “gjigantët” e Premier League i janë rikthyer “fiksimit” të vjetër.

Bëhet fjalë për 24-vjeçarin portugez, Diogo Costa, me “yllin” e “Dragonjve” të Porto, që prej kohësh ka “magjepsur” bordin e United, mirëpo klauzola prej 75 milionë eurosh konsiderohet si një shifër shumë e lartë nga “gjigantët” anglezë dhe në krahun tjetër, drejutesit e portugezëve nuk kanë ndërmend të nisin negociata për ulje të çmimit.

Ndërkaq, kujtojmë se Diogo Costa është një prej objektivave më të dëshiruar, të United, në verën që sapo lamë pas, mirëpo në fund “Djajtë” arritën të siguronin shërbimet e kamerunasit, me këtë të fundit, që sezonin e shkuar ka mbajtur vetëm 6 portën të paprekur, në 46 ndeshjet e zhvilluara deri në këtë pikë të sezonit. /i.m /abcnews.al

Ylber Ramadani është pa dyshim “maratonomaku” i skuadrës tonë kombëtare.

Mesfushori “kuqezi” është një prej lojtarëve që vërteton potencialin që ai ka në çdo ndeshje që luan me Shqipërinë. Ndoshta, kjo është edhe një nga arsyet se pse trajneri Silvinjo e ka kthyer në një pikë referimi dhe në një lojtar të pazëvendësueshëm për ekipin tonë kombëtar.

Në raportin e fundit teknik të skuadrave pjesëmarrëse në EURO 2024, të publikuar nga UEFA, Ylber Ramadani është një nga futbollistët që ka përshkruar më shumë kilometra në fushë në ndeshjet e zhvilluara me Shqipërinë në finalet e Kampionatit Evropian. Ka një mesatare prej 12.51 km për ndeshje dhe është renditur i pesti në klasifikimin e lojtarëve që ka vrapuar më shumë në fushë.

Djaloshi shqiptar ka lënë pas emra të mëdhenj të futbollit europian si Granit Xhaka, Declan Rice, Joshua Kimmich, Tomas Soucek dhe Giorgi Kochorashvili. Pa dyshim, një arritje për Ylber Ramadanin dhe përfaqësuesen tonë shqiptare. /FSHF