Gazeta Si – Le ta quajmë vala e gjatë e procesit të integrimit europian që krijoi fitues dhe humbës. Nuk e fshehim as faktin që me kalimin e viteve, megjithatë, është shndërruar në një vend, si të thuash, me taksa preferenciale.

Në të cilin gjigantët e mëdhenj të teknologjisë, të udhëhequr nga Amazon, por edhe zotërimet financiare dhe bankare, e kanë zhvendosur selinë e tyre në Luksemburg, edhe sepse janë tërhequr nga taksat më të ulëta në krahasim me vendet e tjera evropiane.

Megjithatë, ajo që është e vërtetë është se, pikërisht për këtë arsye, një pjesë minimale e territorit të vendosur midis Francës dhe Gjermanisë, një shtojcë e vendeve të Beneluksit që përfshin gjithashtu Belgjikën dhe Holandën, është ndër më të pasurat në botë dhe për këtë arsye tërheq talente për pagat e saj të larta.

Le të shohim pse mund të jetë një zgjedhje e mirë për të shkuar për të punuar atje.

Paga mesatare

Paga mesatare në Dukatin e Madh është 73,418 euro në vit, më shumë se dyfishi në krahasim me Italinë (ku arrin vetëm 30,284 euro bruto).

Mesatarisht, duke marrë parasysh 12 pagesa mujore në vit, do të thotë 6,118 euro në muaj, ndërsa paga minimale është 2,570.93 euro për një punëtor të pakualifikuar, një minimum i përcaktuar me ligj.

Por nuk është vetëm paga e lartë ajo që e bën Luksemburgun kaq tërheqës: duhet marrë parasysh se është gjithashtu e ndërlikuar të qëndrosh pa punë.

Shkalla e papunësisë është më e ulëta në të gjithë Eurozonën, me një përqindje prej vetëm 5.7%.

Sipas “Numbeo”-s, një faqe që merret me çmimet dhe tendencat e kostove të jetesës në vende të ndryshme, Luksemburgu është vendi në botë me cilësinë më të lartë të jetës ndonjëherë.

Profilet më të kërkuara

Por cilat janë profilet më tërheqëse? Luksemburgu tërheq njerëz që kërkojnë të punojnë në shumicën e sektorëve financiarë: nga shërbimet e fondeve dhe kontabiliteti, deri te sigurimet, bankat ose marrëveshjet e kapitalit privat.

Ka shumë faqe interneti që ofrojnë vende të lira pune në Luksemburg. Mënyra më e lehtë për të zbuluar punët e ofruara, është të abonoheni në disa prej tyre, duke përfshirë “jobs.lu”, “eFinancialCareers”, “JobFinder.lu”, “Monster”, “Moovijob” dhe shumë të tjera.

Luksemburgu ka gjithashtu një rrjet rekrutuesish aktivë që janë ekspertë në aftësitë e kërkuara në tregun e punës dhe që mund të ndihmojnë në kërkimin tuaj të punës.

Këto agjenci do të veprojnë (shpesh pa pagesë) si bashkëbisedues ndërmjet punëkërkuesve dhe kompanive në Luksemburg që kërkojnë të plotësojnë role të caktuara.

Roli i shoqatave

Ka shoqata që përfaqësojnë qendrën financiare të Luksemburgut, shumë prej të cilave gjithashtu ofrojnë lidhje me vepra të ndryshme, duke përfshirë ABBL, ALFI, LHoFT, LPEA, LSFI, LuxFLAG.

Roli kryesor i Agjencisë Kombëtare të Punësimit, është të sigurojë masa të ndryshme për të ndihmuar në inkurajimin e kthimit të punëkërkuesve në tregun e punës, jo vetëm nëpërmjet bordit të tyre të punës, por edhe duke ofruar ndihmë në planifikimin dhe trajnimin e karrierës.

Shtëpia e shumë institucioneve evropiane

Nuk mund të harrohet se Luksemburgu është shtëpia e institucioneve dhe agjencive të shumta evropiane, si dhe është një qendër financiare me rëndësi parësore.

Dhe që është një nga vendet themeluese të BE-së, mjafton të kujtojmë disa faza historike që e kanë shndërruar shtetin e vogël në atë që është tani: një nga gurët e themelit të një Evrope të bashkuar.

Në vitin 1952, qyteti i Luksemburgut u bë selia e Komunitetit Evropian të Qymyrit dhe Çelikut (CECA).

Anëtarësimi në Komunitetin Ekonomik Evropian (KEE) është pika fillestare e një zgjerimi ekonomik të karakterizuar nga imigrimi i fortë.

Në vitin 1985, qyteza e Shengenit fitoi famë ndërkombëtare në bazë të traktatit të nënshkruar nga disa vende evropiane dhe që është baza e lëvizjes së lirë të njerëzve brenda Bashkimit Evropian.

Tërheqja magnetike e gjigantëve të teknologjisë

Nuk mund as të harrojmë se çfarë ka ndodhur vitet e fundit, shifra e pashmangshme nga e cila mund të fillojmë, është ajo e Jean-Claude Juncker, ish-kryeministër i Dukatit të Madh dhe më pas president i diskutueshëm i Komisionit të BE-së për aftësinë e tij për të tërhequr në mënyrë magnetike teknologjinë e gjigantëve të mëdhenj, i cili ishte baza e një hetimi të bazuar në disa Laeks të publikuar nga shtypi ndërkombëtar që minuan autoritetin e tij.

Njëri pas tjetrit, në vazhdimësi të shpejtë duke filluar nga viti 2004, divizioni “iTunes” “i Apples”, “Microsoft”, “Cisco” dhe “eBay”, themeluan selitë e tyre evropiane në Luksemburg, një koleksion autentik gjigandësh në botën e teknologjisë së lartë të udhëhequr nga “Amazon” dhe “Aol”.

Ardhja e tyre u mirëprit si një tjetër triumf në rishpikjen ekonomike të një prej enklavave më të vogla sovrane të Evropës.

Rregullat për rikthimin e taksave

Megjithatë, me kalimin e kohës, BE-ja e ka vënë nën hetim këtë sistem trekëndëshi, i cili rrezikoi ta shndërronte vendin në një lloj parajse fiskale në zemër të Evropës.

Nuk mund të harrohen hetimet e BE-së për të konstatuar nëse regjimet tërheqëse të taksave preferenciale që Luksemburgu siguroi për dy kompani të mëdha të huaja – “Amazon” dhe “Fiat” – nuk ishin shumë të ëmbla.

Mijëra faqe të të ashtuquajturave vendime tatimore të zbuluara fshehurazi nga qeveria e Luksemburgut, kanë nxjerrë në pah se si qindra kompani të tjera kanë arritur të zhvendosen në Dukatin e Madh dhe kanë arritur të paguajnë taksa për shuma krejtësisht të papërfillshme.

Burimi: “Corriere della Sera”; Përshtati: Gazeta “Si”

The post Luksemburgu, vendi ku fitohet më shumë kërkon punëtorë (paga mesatare 6 mijë euro në muaj) appeared first on Gazeta Si.

Gazeta Si – Dënohen me nga 8 vite burg ish-shoqëruesi i Saimir Tahirit Paul (Agustin) Deda dhe dy persona të tjerë, të akuzuar për trafik droge dhe grup kriminal në operacionin e koduar “Shpirti”, në aksin Itali-Shqipëri.

Për të njëjtat vepra penale janë dënuar edhe Leonidha Sejdiaj dhe Hamit Seferi. Të dy do të vuajnë  nga 8 vjet burgim secili.

Trupa gjykuese pranoi pretencën e SPAK-ut dhe sot (20 Shtator) shpalli vendimin. Dosja ishte procedim i nisur në vitin 2017 në Itali dhe më pas në vitin 2019 nga SPAK.

12 vite izolim ishte vendimi i GJKKO për ish-shoqëruesin Agursin (Paul) Deda, por për shkak të gjykimit të shkurtuar do të vuajë 8 vite burgim.

Po këtë masë morën edhe dy të tjerët, Leonidha Sejdiaj dhe Hamid Seferi, po me nga 8 vite izolim secili, me gjykim të shkurtuar.

Ata u arrestuan nën akuzën për trafik droge nga Shqipëria në Itali, kur në pranga ranë dhe dhjetëra persona të tjerë, mes tyre zyrtarë të lartë të policisë.

The post Akuzohet për trafik droge dhe grup kriminal, dënohet me 8 vite burg ish-shoqëruesi i Saimir Tahirit appeared first on Gazeta Si.

Gazeta Si – Prokuroria e Kukësit ka kërkuar konfiskimin e pasurive të Fatjon Dautaj, i arrestuar në Londër për ‘Trafik droge’ e ‘Pastrim parash’.

“Prokuroria pranë Gjykatës së Shkallës së Parë të Juridiksionit të Përgjithshëm Kukës i ka kërkuar Gjykatës Kukës konfiskimin e pasurive të shtetasit F.D. dhe të afërmve të tij nën akuzë për veprën penale “Pastrim i produkteve të veprës penale ose veprimtarisë kriminale”, – thuhet në njoftimin për mediat.

Sipas organit të akuzës, Dautaj ka qenë i arrestuar nga policia Metropolitane e Londrës për veprën penale të “Vrasjes mbetur në tentativë”, si dhe ka qenë në hetim nga Agjencia Kombëtare kundër Krimeve në Angli për veprën penale “Trafik droge” dhe “Pastrim parash”.

Më datë 06.09.2013 në makinën e tij, janë gjetur 3 kg kokainë dhe më datë 05.03.2014 i janë gjetur 64 450 paund që dyshohet se kanë lidhje me trafikun e drogës.

Pas sekuestrimit të pasurisë për shtetasin në fjalë, më datë 19.09.2024 Prokuroria pranë Gjykatës së Shkallës së Parë të Juridiksionit të Përgjithshëm Kukës kërkoi konfiskimin e pasurive të mëposhtme:

– Pasuria e llojit “Njësi” me sip. 100m2;

– Pasuria e llojit “Truall” me sip. 64m2 dhe “ndërtesë” 64m2; si dhe

– Pasuria nr. 7/285-N3, me sipërfaqe 30m2.

Fatjon Dautaj u bë i njohur për publikun, kur shkelmoi një prej dyerve të selisë së Partisë Demokratike gjatë përplasjeve mes dy grupimeve të Sali Berishës dhe Lulzim Bashës në vitin 2022.

The post I arrestuar në Angli për vrasje në tentativë dhe trafik kokaine, Prokuroria e Kukës kërkon konfiskimin e pasurive të Fatjon Dautajt appeared first on Gazeta Si.

Gazeta Si – Tre të mitur, dyshohet se janë larguar nga ambientet e një qendre sociale në Elbasan dhe për këtë rast, përgjegjësi i qendrës ka denoncuar në polici.

Sipas një njoftimi për mediat, thuhet se ngjarja ka ndodhur të enjten dhe ka alarmuar autoritetet për sigurinë e fëmijëve, dy prej të cilëve janë 13 vjeç dhe njëri 14 vjeç.

Policia thotë se ka nisur puna për gjetjen e të miturve, me forcat e rendit dhe strukturat përkatëse që po angazhohen në këtë proces.

“Më datë 19.09.2024, ka kallëzuar shtetasi R. P., 37 vjeç, me detyrë përgjegjës i një qendre sociale në Elbasan, se ditën e djeshme, janë larguar nga ambientet e kësaj qendre, 3 shtetas të mitur (dy 13-vjeçarë dhe një 14-vjeçar). Vijon puna për gjetjen e tyre”, – thuhet në njoftimin e policisë së Elbasanit..

The post Tre të mitur largohen pa adresë nga qendra sociale në Elbasan, policia nis kërkimet appeared first on Gazeta Si.

Gazeta Si – Deputeti Ervin Salianji, i shoqëruar nga kolegë të Partisë Demokratike, është paraqitur këtë të premte në ambientet e Gjykatës së Apelit, ku ka ankimuar vendimin e 2019 të Shkallës së Parë që e dënoi atë me një vit burg për çështjen “Babale”.

Ndërsa pritet vendimi në Apel, avokatët Ledio Braho dhe Redi Ramaj, kërkojnë prishjen e vendimit të Shkallës së Parë ndaj Salianjit dhe deklarimin e pafajshëm të tij.

Kurse deputeti Ervin Salianji, në fjalën e tij mbrojtëse pretendoi se “nuk kishte bërë kallëzim të rremë” dhe se gjithnjë ka bërë denoncime ndaj njerëzve të pushtetit, duke vënë në dukje se po ashtu “gjithnjë i kam fituar gjyqet”. Ai pretendoi pafajësi dhe se dënimi ka qenë me prapavijë politike.

Në fjalën e tij ai ka përmendur emrat e zyrtarëve të denoncuar, nga Vangjush Dako, Arben Ndoka, Pjerin Ndodka, Artur Bushi, etj.

Mbrojtja në gjyq

Gjatë seancës në Apel, Salianji ka thënë se denoncimet e tij janë provuar, teksa ka shtuar: “Geron Xhafaj ishte i dënuar në Itali për drogë dhe ishte i lirë në Shqipëri dhe kishte vëllain ministër të Brendshëm. Ne nxorëm dokumentin dhe e denoncuam, por s’pati asnjë reagim. Pasi ai lëvizi i lirë për 8 vite pas denoncimit, u vetëdorëzua në Romë për të vuajtur dënimin. E çuan qëllimisht në Itali, Agron apo Geron Xhafajn që të mos merrej zëri original i tij. Zëri i tij u dorëzua me një USB nga avokati”.

Më tej, Salianji është shprehur se janë përdorur prokurorët dhe gjykatësit e çështjes: “Me Fredi Alizotin dhe Albert Veliun (Babalja) nuk kam asnjë njohje. Të gjithë prokurorët dhe gjyqtarët që janë përfshirë janë të gjithë të shkarkuar. I përdorën, i morën i hodhën. Gjyqtarët që janë marrë me çështjen janë të dy të shkarkuar”.

Gjatë fjalës së tij në gjykatë, Salianji ka deklaruar se nuk ka asnjë njohje me Fredi Alizotin dhe Albert Veliun (Babalja).

“Përkojnë qelizat telefonike për të tre. Si ka mundësi që qelizat pulsojnë te lokali i Geron Xhafës? Apo edhe këtë e manipuluam neve? Më akuzojnë që kam dhënë para, 200 mijë Euro. Sms e parë ishte nga Olldashi, del nga tabulatet e përgjimit, që del qartë se hetimi është bërë nga gazetari Olldashi”.

Salianji ka theksuar se denoncimin do ta bëjë prapë pasi detyra e tij është të mbrojë interesin publik. Një interes, për të cilin thotë se u mbrojt në momentin që Geron Xhafaj u arrestua.

“Denoncimin do ta bëj prapë se këtë punë kam, për të mbrojtur interesin publik. Dhe ky interes u mbrojt në momentin që ai (Geron Xhafaj) shkoi në burg. Pas regjistrimit i kam takuar në selinë e PD-së. Albert Veliu – Babalja e telefonoi Geron Xhafën në praninë time me një numër që ishte në dosje. Kishin marrëdhënie miqesore. Sa doli denoncimi, policia shkoi dhe mori djalin dhe gruan e Babales për t’i bërë presion”.

Sipas Salianjit, ky proces është i montuar për interes të Partisë Socialiste.

“Po sjell fakte sesi ky është një proces i montuar për interesa të partisë në pushtet. Geron Xhafa zërin e vet e përgënjeshtron me shkrim, nëse nuk ishte ai dilte me zë e figurë. Nuk del njeriu të përgënjeshtrojë veten, por del me shkrim. Domethënë, ky zërin e vet e përgënjshtron me shkrim, edhe duhet të dënohem unë”.

Dënimi dhe akuzat

Deputeti i selisë blu u shpall fajtor nga shkalla e parë me 1 vit burg për kallëzim të rremë në lidhje me çështjen “Babale”. Në apel çështja është dërguar dhe nga gazetari Jetmir Olldashi, i cili në shkallën e parë u dënua me 6 muaj burg të konvertuar në 100 orë shërbim komuniteti.

Në mbështetje të Salianjit ndodhen të pranishëm që prej mëngjesit të kësaj të premteje, deputetët e opozitës: Ferdinad Xhaferi, Emilja Koliqi, Saimir Korreshi, Elda Hoti, Agron Gjekmarkaj, Lefter Gështenja, Bledian Nallbati, Dhurata Çupi, Luan Baçi, Gazment Bardhi, Luçiano Boçi, Ludovik Hasani, Kastrioti Piroli, Dashnor Sula dhe Asllan Dogjani.

Deputeti demokrat u shpall fajtor nga shkalla e parë me 1 vit burg për kallëzim të rremë në lidhje me çështjen “Babale”.

Në apel çështja është dërguar dhe nga gazetari Jetmir Olldashi, i cili në shkallën e parë u dënua me 6 muaj burg të konvertuar  në 100 orë shërbim komuniteti.

Një vit burg për Ervin Salianjin, i akuzuar për kallëzim të rremë. Albert Veliu, i njohur ndryshe si “Babalja” është dënuar me 3 vite e 5 muaj burg për veprat penale “kalim i paligjshëm kufiri” dhe “kallëzim i rremë”.

Ndërsa Fredi Alizoti u dënua me 2 vite burg, ndërsa gazetari Jetmir Olldashi me 6 muaj burg që iu zëvendësua me 100 orë pune.

Sipas prokurorëve, të katër të akuzuarit, për qëllime politike kanë krijuar një provë të rreme përmes një audio-përgjimi se Geron Xhafaj, vëllai e ish-Ministrit të Brendshëm, Fatmir Xhafaj, ka kryer vepër penale të trafikimit të lëndëve narkotike.

The post Pritet vendimi në Apel për çështjen ‘Babale’, Salianji në gjykatë me deputetët demokratë: Denoncimet e mia janë provuar appeared first on Gazeta Si.

Gazeta Si – Denoncimi i një shtetasi nga Kosova në Agjencinë e Mbikëqyrjes Policore, u bë shkak për nisjen e hetimeve që çuan në 22 masa sigurie ndaj punonjësve të Policisë Rrugore në Kukës dhe Lezhë.

Pas verifikimit të rastit, AMP vendosi të bëjë inspektime në terren, punë kjo që më pas u finalizua me arrestime dhe ndalime.

Nga rezultatet e inspektimit, u zbulua se punonjësit, pasi konstatonin shkeljet tek makinat me targa të huaja, merrnin paratë nga drejtuesit e këtyre automjeteve dhe njoftonin edhe shefin, por në fakt nuk kryenin arkëtimet dhe nuk bënin pasqyrimet në sistemin elektronik të gjobave.

Sipas të dhënave, llogaritet rreth 160 masa administrative, ku varionin shuma të ndryshme që dyshohet se janë përvetësuar nga punonjësit e policisë.

Sipas burimeve, gjobat varionin nga 20 deri në 50 mijë lekë të vjetra dhe u vendoseshin kryesisht makinave me targa të huaja.

Përmes kësaj skeme vjedhjeje, hetuesit dyshojnë se efektivët kanë përvetësuar rreth 2.2 milionë lekë nga drejtuesit e makinave.

Një prej efektivëve kryesor, i përfshirë në skemë ishte Gramoz Dafku, i cili në atë kohë ishte shef i seksionit të qarkullimit për Rrugën e Kombit.

Vjedhja e gjobave dyshohet se ka ndodhur gjatë vitit 2023 dhe hetimet kanë zgjatur për rreth 9 muaj, teksa janë sekuestruar dhe disa prova materiale.

Agjencia e Mbikëqyrjes Policore njoftoi të enjten se ka ekzekutuar vendimin e Gjykatës së Kukësit, duke caktuar masa sigurie për 22 punonjës policie, të dyshuar për “Vjedhje duke shpërdoruar detyrën” dhe “Shpërdorim detyre”.

The post Hetimet për policët-hajdutë të gjobave / Merrnin paratë nga drejtuesit dhe njoftonin shefin, por nuk i kalonin në sistem appeared first on Gazeta Si.

Gazeta Si – Një person mbeti i vrarë dhe dy u plagosën rëndë nga një goditje me thikë në këmbët e urës Erasmus në Roterdam. 

Kështu ka raportuar policia e qytetit holandez, siç raporton gazeta “De Telegraaf”. I dyshuari u arrestua dhe ishte në mesin e dy të lënduarve, të cilët u dërguan në spital.

Dëshmitarët në skenën e sulmit thonë se i arrestuari ishte “qartë që synonte të shkaktonte shumë viktima”.

Sipas mediave, me sa duket kishte me vete dy thika të mëdha. Ndërsa sipas dëshmitarëve, burri goditi me thikë dikë që ndodhej aty, teksa bërtiste “Allah Akbar” (“Zoti është i madh”).

Zëdhënësi i policisë, Wessel Stolle, tha se kanë nisur hetimet dhe se ata po shqyrtonin “çdo skenar të mundshëm”.

Fraza e thënë nga i dyshuarugjatë sulmit po shqyrtohet nga hetuesit si “pjesë e hetimit”, shtoi ai, siç raporton agjencia e lajmeve “AP”.

Një instruktor fitnesi, i cili po mbante një orë mësimi pranë urës Erasmus ku ndodhi sulmi, tha se ai arriti ta rrëzonte agresorin, duke e lënë pa ndjenja, pasi e goditi me dy shkopinj.

Në atë moment kanë ndërhyrë edhe persona të tjerë për ta bllokuar, derisa ka mbërritur policia. “Pashë një burrë me dy thika të gjata duke goditur një të ri”, tha ai.

The post Sulm me thikë në Holandë, një i vdekur dhe dy të plagosur. Dëshmitarët: Autori bërtiste ‘Allahu akbar’ appeared first on Gazeta Si.

Gazeta Si – Një sasi lënde plasëse është hedhur në derën e jashtme të një banese në fshatin Dragoç, në Postribë të Shkodrës, duke shkaktuar vetëm dëme materiale.

Sipas policisë, në banesë prej vitesh nuk banon njeri, ndërsa ajo është në pronësi të shtetasit Lulëzim Hasaj 49 vjeç”, – njofton policia.

“Rreth orës 05:35, në fshatin “Dragoç”, Postribë të Shkodrës, në portën e jashtme të banesës së shtetasit L. H., 49 vjeç, në të cilën prej shumë vitesh nuk banon njeri, është hedhur një sasi e vogël, dyshohet lëndë plasëse. Si pasojë ka vetëm dëme të vogla materiale”, njofton policia.

Grupi hetimor nën drejtimin e Prokurorisë vijon veprimet për sigurimin e provave me qëllim identifikimin dhe kapjen e autorit/ve.

The post Tritol banesës së 49-vjeçarit në Shkodër, prej shumë vitesh ishte e braktisur appeared first on Gazeta Si.

Gazeta Si – Dy të rinj u plagosën me thikë mbrëmjen e të enjtes në Tiranë përballë një pastiçerie në zonën e Unazës së Re. Sipas policisë shkak u bë një konflikt për motive të dobëta, mes dy të plagosurve dhe një personi tjetër.

Të plagosurit, të moshës 18 dhe 20 vjeç, u dërguan në spital dhe ndodhen nën kujdesin e mjekëve. Ndërkohë policia vijon punën për kapjen e autorit të dyshuar të ngjarjes.

“Më datë 19.09.2024, rreth orës 22:50, përballë një pastiçerie në bulevardin e Kasharit, në Unazë të Re, gjatë një konflikti për motive të dobëta janë plagosur dyshohet me mjete prerëse shtetasit E. D., 18 vjeç, dhe E. M., rreth 20 vjeç. Dy të dëmtuarit janë dërguar në spital dhe ndodhen në kujdesin e mjekëve, ndërsa vijon puna nga shërbimet e Policisë për kapjen e autorit të dyshuar”, – njofton policia.

Grupi hetimor ndodhet në vendngjarje dhe po punon për sqarimin e rrethanave të saj.

The post Sherr me thika në Tiranë, plagosen 2 të rinj në bulevardin e Kasharit appeared first on Gazeta Si.

Gazeta Si- Janë mbyllur mesnatën e kësaj të enjteje aplikimet për postin e Drejtorit të Përgjithshëm të Policisë së Shtetit, ku në garë janë 15 kandidatë.

Emrat e tyre janë publikuar nga Ministria e Brendshme në faqen zyrtare të saj. Mes kandidatëve janë drejtues aktual të policisë në qarqe, drejtorë departamenti si dhe ish-punonjës policie.

Me shpalljen e listës, tashmë procesi hyn në një tjetër fazë, atë të vlerësimit të kandidatëve nga Komisioni i Posaçëm brenda një afati kohor prej 10 ditësh.

Më pas, një nga kandidaturat më të vlerësuara, përzgjidhet nga ministri i Brendshëm dhe i propozohet kryeministrit.

Në krye të policisë së shtetit është komanduar përkohësisht Sokol Bizhga pas dorëheqjes që dha Muhamet Rrumbullaku.

Lista me emrat e 15 kandidatëve sipas rendit alfabetik

Adriatik Tafçiu

Altin Mena

Ardian Çipa

Gentjan Shehaj

Hajrulla Xhivini

Ibrahim Disha

Idajet Faskaj

Ilir Proda

Lutfi Minxhozi

Neritan Nallbati

Pëllumb Seferi

Rebani Jaupi

Sami Rasha

Shemsi Prençi

Skënder Hita

The post Kush janë 15 kandidatët në garë për kreun e Policisë së Shtetit (lista) appeared first on Gazeta Si.

Gazeta Si – Një 50 vjeçar u arrestua në fshatin Shkallë të Durrësit, pasi ka qëlluar me armë ndaj disa personave.

Sipas policisë, i ndaluari është konfliktuar me tre kushërinj të tij (vëllezër me njëri-tjetrin) dhe një fqinj në rrugën e fshatit Manzë dhe më pas ka qëlluar me armë gjahu drejt tyre.

Nga të shtënat janë dëmtuar lehtë dy nga vëllezërit, 29 dhe 26 vjeç. Arma e gjahut që dyshohet se ka përdorur 50-vjeçari, u sekuestrua në cilësinë e provës materiale.

“Specialistët e Seksionit për Hetimin e Krimeve të Stacionit të Policisë Manzë arrestuan në flagrancë shtetasin N. D., 50 vjeç, banues në fshatin Shkallë, pasi në mbrëmje, në rrugën e këtij fshati, është konfliktuar dhe ka qëlluar me armë gjahu çifte drejt kushërinjve të tij, 3 vëllezërve, shtetasve K. D., 23 vjeç, M. D., 29 vjeç dhe Z. D., 26 vjeç, të tre banues në fshatin Shkallë, dhe ndaj fqinjit të tij, shtetasit B. S., 41 vjeç. Nga të shtënat janë dëmtuar lënduar lehtë shtetasit M. D. dhe Z. D”, njofton policia.

The post Sherr mes kushërinjve, 50-vjeçari qëllon me çifte tre të afërmit e tij dhe fqinjin appeared first on Gazeta Si.

Gazeta Si- Interpol Tirana, në kuadër të operacionit policor të koduar “Para drejtësisë”, ka ekstraduar nga Kolumbia, 25-vjeçarin shqiptar, Admir Tutaj.

I riu ishte shpallur në kërkim ndërkombëtar nga Interpol Tirana, pasi Gjykata e Posaçme Kundër Krimit të Organizuar dhe Korrupsionit, me vendimin e datës 30 Korrik i ka caktuar masën e sigurisë “Arrest në burg”, për veprat penale “Trafikimi i armëve dhe municionit”, “Grupi i strukturuar kriminal” dhe “Kryerja e veprave nga grupi i strukturuar kriminal dhe organizata kriminale”.

Në muajin prill 2023, Policia e Shtetit organizoi një operacion në Pikën e Kalimit Kufitar në Portin e Durrësit. Në një automjet furgon tip “Benz”, u gjet dhe u sekuestrua në cilësinë e provës materiale një arsenal armësh që ishte fshehur në një tavolinë druri.

Nga hetimet, doli se Tutaj në bashkëpunim me disa shtetas të tjerë, kishin siguruar arsenalin e armëve dhe kishin organizuan trafikimin e tyre në Mbretërinë e Bashkuar.

Si rezultat i bashkëpunimit midis Interpol Bogota/Kolumbi dhe Interpol Tirana, u bë i mundur arrestimi i tij në Kolumbi dhe ekstradimi në Shqipëri.

The post Ekstradohet nga Kolumbia 25-vjeçari shqiptar i shpallur në kërkim për trafik armësh appeared first on Gazeta Si.

Gazeta Si – Një 37-vjeçar, me iniciale D.B., është proceduar penalisht në gjendje të lirë këtë të enjte në Shkodër, pasi mbante në banesën e tij në kushte të papërshtatshme, një shpend hutë (Buteo buteo).

Sipas policisë, shpendi i rrallë dhe i mbrojtur me ligj, aktualisht po trajtohet nga specialistët e menaxhimit veterinar.

Ndaj 37-vjeçarit rëndon akuza për veprën penale “Dëmtimi i specieve të mbrojtura të florës dhe faunës së egër”.  

The post Mbante në kushte të papërshtatshme një hutë në shtëpi, procedohet 37-vjeçari në Shkodër appeared first on Gazeta Si.

Gazeta Si – Gjykata e Posaçme ka shtyrë për me 3 tetor seancën për dosjen “Sterilizimi”, ku nën akuzë mes disa personave është edhe ish-ministri i Shëndetësisë, Ilir Beqaj. Shkak u bë tejzgjatja prej 4 orësh e seancës dhe mosarritja që të ezaurohej leximi i akteve nga SPAK.

Ndërkohë, gjatë seancës pati një pretendim të ngritur nga Beqaj, i cili lidhet me thirrjen e tij në fillim të tetorit, në Komisionin Hetimor Parlamentar të ngritur për të njëjtën çështje.

“Jam thirrur në Komisionin Hetimor për të paraqitur pretendimet e mia dhe për të dhënë sqarime para deputetëve. Kam ndërkohë nga një tjetër trupë gjykuese një masë sigurie (për dosjen SASPAC), sa kohë do më jepet për të përgatitur qëndrimet e mia? Ky nuk është shqetësimi më i madh, pasi do duhet t’i zbërthej në komision të gjitha aktet dhe argumentet, një pjesë e të cilave përbëjnë sekret hetimor dhe deklarimet e mia atje mund të përbëjnë shkelje të vendimit të gjykatës për mosnxjerrje të sekretit hetimor. Dua të di qëndrimin e gjykatës”, u shpreh ish-ministri i arrestuar për një tjetër çështje, atë të fondeve të SASPAC.

Nga ana e prokurorëve iu bë me dije se për këtë çështje, Beqaj nuk ka masë sigurie të karakterit shtrëngues, çka do të thotë që nuk ka përse merr leje nga SPAK ose GJKKO, për t’ju përgjigjur thirrjes në Komision.

Çështja e “Sterilizimit” ka ngecur në seancë paraprake, për shkak të dosjes voluminoze, e ku mbrojtja ka kërkuar që SPAK ta lexojë në gjyq çdo akt, duke ngadalësuar kështu procesin.

Për dosjen e “Sterilizimit”, Beqaj akuzohet për “shpërdorim detyre”, ndërsa u la në masën detyrim paraqitjeje.

Ish-zëvendësi i tij, Klodian Rrjepaj dhe biznesmeni Ilir Rrapaj ndodhen në qeli, ndërsa masa sigurie u caktuan për anëtarët e komisionit të vlerësimit të ofertave. Të pandehurit akuzohen për koncesionin me vlerë 100 mln euro.

The post Hetimet për ‘Sterilizimin’, shtyhet seanca për Ilir Beqajn: Sa kohë do më jepet për qëndrimet e mia? appeared first on Gazeta Si.

Gazeta Si – Drejtoria e Përgjithshme e Burgjeve i ka dhënë leje të posaçme Klodian Rrjepajt, ish-zv.ministri i Shëndetësisë, për të dëshmuar të premten (20 shtator) në Komisionin Hetimor Parlamentar për çështjen e “Sterilizimit”.

Sips burimeve praprake, Prokuroria e Posaçme ka dhënë lejen që Rrjepaj të lërë qelinë e paraburgimit dhe paraqitet fizikisht në komision për t’u marrë në pyetje për koncesionin e “Sterilizimit” në Kuvend. Sipas protokollit ligjor, ai do të shoqërohet nga forcat e policisë.

LEXO EDHE:
‘Sterilizimi’, arrestohet ish-zv.ministri i Shëndetësisë, Klodian Rrjepaj. Në pranga edhe biznesmeni që fitoi koncesionin, 7 në arrest shtëpie dhe detyrim paraqitje

Kjo është hera e parë që një i paraburgosur merret në pyetje nga deputetët. Po ashtu, do merren në pyetje edhe dy prej anëtarëve të komisionit që shpalli fituesin e koncesionit, Marsela Serjani dhe Petro Mersini.

Të dy janë në masë “detyrim paraqitjeje”, por edhe për ta SPAK ka dhënë leje që të pyeten nga Komisioni.

Ndërkohë, më 3 tetor është parashikuar që të merret në pyetje edhe ish-ministri i Shëndetësisë, Ilir Beqaj, ndërsa pritet të dëshmojë edhe biznesmeni, Ilir Rrapaj.

Ish-ministri i Shëndetësisë, Ilir Beqaj është nën hetim nga SPAK prej një viti, si i dyshuar për shpërdorim detyre lidhur me 2 tendera të firmosura për “Sterilizimin” dhe “check”-up.

Deri tani, për koncesionin 100 milionë euro, në burg janë lënë ish-zv.ministri Klodian Rjepaj dhe biznesmeni Ilir Rrapaj.

Edhe Beqaj ndodhet në burg, por jo për këtë aferë, por për atë të shpërdorimit të fondeve të BE, “SASPAC”, një hetim i nisur edhe ky nga SPAK.

The post Nga qelia në Kuvend, ish-zv/ministri Klodian Rrjepaj dëshmon të premten për ‘Sterilizimin’ në Komisionin Hetimor appeared first on Gazeta Si.

Gazeta Si – Apeli i Gjykatës së Posaçme të Shkallës së Parë për Korrupsionin dhe Krimit të Organizuar, ka lënë në fuqi vendimin e 4 korrikut 2023 për shpalljen të pafajshëm të ish-kryebashkiakut të Pogradecit, Eduart Kapri.

Kapri dhe 5 ish-zyrtarë të kësaj bashkie u akuzuan së pari për shkelje në tenderin e blerjes së druve të zjarrit me 9.2 milionë Lekë të reja të zhvilluar në tetor të 2017-ës.

Një tjetër akuzë që rëndoi ndaj ish-kryebashkiakut ishte ajo e pengimit të zgjedhjeve lokale të 30 qershorit 2019, duke mbyllur me çelës në rrethin e jashtëm 3 shkolla dhe 1 kopsht në lagjet 2 dhe 5 të qytetit të përcaktuara nga KQZ si qendra votimi.

Akuza këto që kanë rënë poshtë edhe për 5 ish-zyrtarët e Bashkisë Pogradec, pasi Apeli i GJKKO i ka shpallur të pafajshëm.

The post Apeli i GJKKO lë në fuqi pafajësinë e ish-kryebashkiakut të Pogradecit, Eduart Kapri appeared first on Gazeta Si.

Gazeta Si- Mossad-i dhe kutitë kineze për të kapur në befasi Hezbollahun. Një taktikë e vjetër, ku një ekran i kompanive guackë të hapur nga inteligjenca izraelite përdorej për të shitur “pager”-at, që u vunë në kurth.

KONTRATA

Fraksioni, pasi pësoi shumë humbje për shkak të infiltrimit izraelit, urdhëroi kuadrot e tij të mos përdornin më telefonat dhe urdhëroi blerjen e “biperëve”.

Detyra iu besua – sipas Middle East Eye – një tregtari të besuar. i cili do të kishte fituar një përqindje të mirë nga marrëveshja.

Nuk është e qartë se si “lehtësuesi” mbërriti në BAC në Budapest, i cili mund të vepronte me licencë nga kompania “Gold Apollo” në Tajvan.

Por kompania hungareze do të vepronte vetëm si ndërmjetëse. Mediat hungareze thonë se furnizimi ishte i garantuar nga Norta Global me qendër në Sofje, në pronësi të një shtetasi norvegjez.

Dhe tashmë dje, Cristiana Arcidiacono, e cila duket se është kreu i BAC, e kishte sqaruar këtë për NBC, duke nënvizuar se kishte luajtur vetëm një rol ndërmjetësues.

Pikërisht brenda këtij trekëndëshi do të fillonte më pas dërgesa e mijëra pjesëve të destinuara për milicinë pro-iraniane.

PLANI

Harta ende konfuze e kontratës u pasua nga zbulimet e “New York Times”. Mossad – shkruan gazeta amerikane – punësoi të paktën dy kompani për të mashtruar kundërshtarin, kompani të cilat ia dorëzuan lëvizjes pajisjet e manipuluara.

Një taktikë e testuar në të kaluarën kundër programit bërthamor iranian. Ajatollahët blenë pajisje difektoze nga kompanitë që drejtoheshin nga inteligjenca izraelite. Me një operacion të ndodhur në Milano.

Sërish sipas gazetës amerikane, dërgesat e para të biperave filluan në verën e vitit 2022, por më pas fluksi u rrit ndjeshëm.

Për dy arsye. E para. Hezbollahu u alarmua, sepse kishte rrjedhur informacione për aftësitë e reja të Izraelit për përgjimin e komunikimeve. Misioni që përfshinte njësinë 8.200 të ushtrisë dhe spiunazhin hebre.

E dyta. Ekzistonte frika se rrjeti i brendshëm ishte komprometuar, dyshim që u forcua nga eliminimi i shumë oficerëve.

Dhe kështu ishte relativisht më e lehtë për të lëshuar karremin drejt guerilëve, nën presionin e liderit Hassan Nasrallah për të marrë kundërmasa efektive.

Kështu, duket se shtë ngritur kurthi i dyfishtë, me hapjen e kompanive të para dhe shndërrimin e biperëve në bomba.

Koha e kushtëzuar është një domosdoshmëri për çdo gjë, sepse gjithmonë ekziston “mjegulla e luftës” dhe historia nuk është mbyllur ende, shumëçka mund të ndryshojë.

RADIOT

Pas biperave radha ishte radiove me dy drejtime, të cilat shpërthyen në shumë vende në Liban të mërkurën pasdite, 18 shtator.

Shumë viktima u shënuan. Radiot japoneze IC-V82 të furnizuara për militantët shiitë shpërthyen, pajisjet që vinin nga fabrika e ICOM në Osaka.

Menaxherët e kompanisë nënvizuan se këto janë pajisje tashmë të ndërprera, të eksportuara në Lindjen e Mesme nga viti 2004 deri në tetor 2014.

Dje burime anonime pohuan se pajisjet i ishin shpërndarë Hezbollahut në të njëjtën periudhë me dorëzimin e biperave.

A ishin të dorës së dytë? Mbetet për t’u kuptuar se si Mossad i futi në Liban: ndoshta ka në mes ndonjë “hije” të përfshirë.

Përshtati: Gazeta “Si”

The post Si Mossad-i mashtroi (e befasoi) Hezbollahun dhe hodhi në erë biperat dhe telekomandat në Liban appeared first on Gazeta Si.

Gazeta Si – Cikloni “Boris” godet rajonin italian të Emilia-Romagna-s, duke shkaktuar një tjetër valë të rëndë nga moti të keq.

I gjithë rajoni është i rrënuar nga shira, stuhi dhe nivele të ujit të barabartë me dyfishin e atyre të regjistruar në një muaj të tërë.

Shkollat ​​në zonën e kuqe do të mbeten të mbyllura në shumicën e provincave. Alarmi, fillimisht portokalli, është rritur në të kuqe dhe do të qëndrojë i tillë deri në mesnatën e së enjtes.

A firefighter died last night in Italy after his vehicle was swept away by flash floods in the Foggia region https://t.co/9uXggMD02e

— climatenews (@climatenews__) September 19, 2024

Rritja e nivelit të përroit Savena është shqetësuese në Bolonjë ndërsa në Modigliana (Forlì-Cesena) përmbytja e përroit Tramazzo është e frikshme.

Castel Bolognese (Ravena) u përmbyt dhe Faenza u përmbyt, ku dolën nga shtrati lumenjtë Marzeno dhe Lamone.

Mbi një mijë njerëz janë zhvendosur në të gjithë rajonin. Lëvizja e shumë trenave është pezulluar. Në Ankona Aspio uji vërshon pa ndalim, duke përmbytur rrugë dhe izoluar zona të thella.

Gjithashtu edhe Niveli i përroit Savena, në Bolonja, ka arritur pikën kritike, ndërsa autoritetet kanë bërë thirrje njerëzve të evakuohen.

FAENZA FLOOD ALERT

BORGΟ UNDER WATER… AGAIN

– Third flood in 14 months
– Marzeno river overflow suspected
– Reinforced concrete wall breached
September 19.2024

#Borgo | #Faenza | #Italy

STAY INFORMED FOR UPDATES#Alluvione | #Bologna | #maltempo pic.twitter.com/hhGWi4ojby

— Weather monitor (@Weathermonitors) September 19, 2024

Në shumë qytete në veri të Italisë janë mbyllur shkollat, bizneset ndërsa transporti hekurudhor në disa zona është ndërprerë.

Përmbytjet në Emilia-Romagna në maj 2023 morën 17 jetë dhe shkaktuan dëme në vlerë prej 8,5 miliardë eurosh.

Që nga java e kaluar stuhia “Boris” ka sjellë përmbytje të përhapura dhe shira të rrëmbyeshëm në Republikën Çeke, Rumani, Poloni dhe Austri. Numri i të vdekurve u rrit në të paktën 24 të mërkurën.

The post Cikloni ‘Boris’ godet Italinë, evakuohen mijëra njerëz, mbyllen shkollat dhe bizneset (Video) appeared first on Gazeta Si.

Gazeta Si – “E vërteta është se kërcënimi për demokracinë nuk jam unë, por Kamala Harris dhe demokratët”.

Donald Trump e tha këtë gjatë një mitingu në Uniondale, Long Island (Nju Jork), në funksion të zgjedhjeve presidenciale të 2024-ës në SHBA: “Mjaft me gënjeshtra, mjaft me mashtrimet gjyqësore, mjaft thonë se do ta transformoj këtë vend në një diktaturë”, vazhdoi ai.

Ndërkohë, sipas një sondazhi të “Fox News”, zëvendëspresidentja Kamala Harris është përpara me dy pikë: 50% kundër 48% Trump. Është hera e parë që Harris e ka arritur këtë përqindje.

Republikanët “janë konservatorë, por mbi të gjitha ne jemi partia e sensit të shëndoshë”, deklaroi ish-presidenti. “Është koha për të punuar së bashku për popullin amerikan”.

Nuk mungoi edhe një sulm tjetër ndaj presidentit aktual amerikan. “Joe Biden po punon me Iranin që hakoi fushatën time”, tha ish-presidenti.

“Kamala, je pushuar nga puna!”. Gjatë mitingut në Uniondale, miliarderi përsëriti sloganin e “reality shoë”-t kushtuar atij, “The Apprentice”, për të sulmuar kundërshtaren e tij në garën për Shtëpinë e Bardhë.

“Kamala, je pushuar nga puna”, tha ai duke e vlerësuar emisionin e tij televiziv. “Ne do të shpëtojmë shtetin e madh të Nju Jorkut”, bërtiti Trump më pas triumfalisht.

“Nëse votoni për mua, unë do të ul taksat, krimin dhe nivelet tuaja të stresit. Unë kërkoj nga populli i shtetit të Nju Jorkut të votojë për mua, çfarë dreqin keni për të humbur me nivelet rekord të krimit dhe pushtimin e emigrantëve në rrugë?”.

Donald Trump njoftoi gjithashtu se ai do ta bëjë Ground Zero një “monument kombëtar”.

Vendi i sulmeve të 11 shtatorit aktualisht quhet “Memoriali dhe Muzeu Kombëtar i 11 Shtatorit”, kështu që është e paqartë se cili është ndryshimi midis përkufizimit aktual dhe atij të propozuar nga kandidati republikan.

“Unë do ta bëj zyrtarisht vendin e Qendrës Botërore të Tregtisë një monument kombëtar, në mënyrë që kujtimi i atyre që vdiqën atje të ruhet përgjithmonë”.

The post SHBA 2024, Trump: Kërcënimi për demokracinë është Kamala Harris, jo unë appeared first on Gazeta Si.

Gazeta Si – Dy persona, një 59-vjeçar me iniciale A.B., dhe 51-vjeçari me iniciale Sh.S., të 2 banues në Tiranë, janë arrestuar në Tiranë, pasi ishin shpallur në kërkim në Kosovë për trafik të lëndëve narkotike.

Ata ishin shpallur në kërkim ndërkombëtar pasi Gjykata Themelore e Gjakovës, Kosovë, me vendimin e datës 19.08.2024, i ka dënuar me 2 vjet burgim, për veprën penale “Prodhimi dhe shitja e lëndëve narkotike”, parashikuar nga Kodi Penal i Kosovës.

Vijon bashkëpunimi ndërmjet Interpol Tiranës dhe autoriteteve ligjzbatuese kosovare, për t’i ekstraduar këta shtetas, në Kosovë.

The post Në kërkim nga Kosova, kapen 2 persona të dënuar për trafik narkotikësh në Tiranë appeared first on Gazeta Si.