Të paktën 41,455 njerëz janë vrarë dhe 95,878 janë plagosur në sulmet ushtarake izraelite në Gaza që nga 7 tetori.

Kështu u shpreh Ministria e Shëndetësisë në Gaza, përmes një deklarate, shkruan Al Jazeera.

Në 24 orët e fundit, nga sulmet e Izraelit janë vrarë 24 persona, teksa 60 të tjerë kanë mbetur të plagosur.

Lufta Izrael-Hamas filloi kur luftëtarët e drejtuar nga Hamasi vranë rreth 1.200 persona, kryesisht civilë, në një sulm më 7 tetor në jug të Izraelit.

Ata rrëmbyen rreth 250 persona të tjerë dhe ende mbajnë rreth 100 pengje./abcnews.al

Eksportuesit e Eurozonës do të vazhdojnë të përballen me një situatë të vështirë dhe konkurrence te vazhdueshme edhe në vitet e ardhshme për shkak të kostove të larta të energjisë dhe rritjes së dobët të produktivitetit të punës.

Shqetësimi është ngritur nga Bankea Qendrore Europiane në një studim të bërë së fundmi, sipas të cilës eksportet e eurozonës kanë humbur një pjesë të mirë të tregut global pasi kostot e shtuara kanë bërë që shumë sektorë të zhyten në recesion të thellë.

“Sfidat e konkurrencën mund të vazhdojnë më tej pasi kostot e energjisë me shumë gjasa do të mbeten të larta dhe eurozona është ende e ndjeshme ndaj ndryshimeve të tregut global për shkak të varësisë së saj të vazhdueshme nga importet e energjisë”, thuhet në raportin e Bankës Europiane.

Krizat e fundit që nga pandemia e deri te pushtimi i Ukrainës nga Rusia kanë goditur tregtinë e jashtme të eurozonës dhe situata nënvizon Banka Qendrore Europiane mund të bëhet edhe më e vështirë edhe për shkak të tensioneve gjeopolitike.

Rritja e produktiviteti në ekonomitë e eurozonës është shumë pas Shteteve të Bashkuara të Amerikës dhe hendeku midis dy blloqeve është zgjeruar ndjeshëm në vitet e fundit. Kjo ka ndodhur kryesisht prej pandemisë fillimisht me skemat e bizneseve për të mbajtur në punë fuqinë punëtore mes vështirësive e më pas prej agresionit rus, që solli shtrenjtim të fortë të çmimit të energjisë duke rritur kostot për kompanitë.

Nga tremujori i katërt i vitit 2019 dhe deri në tremujorin e dytë të këtij viti, produktiviteti në eurozonë u rrit me vetëm 0.9%, ndërsa në Amerikë ky tregues ishte shumë më i lartë duke arritur në 6.7%./abcnews.al

Përmeti i Vjosës, luleve e njerëzve të ngrohtë ka pritur e përcjellë turistë nga anë e kënd botës këtë vit.

Sipas të dhënave qytetin e vogël në jug të vendit deri në fund të muajt gusht e kanë vizituar mbi 100 mijë vizitorë.

Këta të fundit nuk mungojnë as në vjeshtë.

Në Përmet ashtu siç vendasit thonë përveç detit mund të gjesh çdo gjë tjetër nga ujrat tremalë të Bënjes, lugina e Vjosës dhe objektet e kultit që në këtë qytet janë të shumta e të veçantë.

Përveç natyrës vizitorët i tërheqin edhe çmimet që mbeten të ulëta.

Në krahasim me vitin e shkuar rezulton se në Përmet numri i turistëve ka qënë afro 30 përqind më i lartë./abcnews.al

Read More...

Në Gaza lufta vdekjeprurëse vazhdon, ku dy sulme nga forcat izraelite këtë mëngjes kanë vrarë të paktën 10 palestinezë, sipas Reuters.

Mjekët i thanë agjencisë se një grua dhe katër fëmijë vdiqën në një sulm në një shtëpi në qytetin Deir Al-Balah.

Nuk kishte asnjë koment të menjëhershëm të ushtrisë izraelite për incidentin. 

Read More...

Kryeministri Edi Rama ka ndarë pamje në rrjetet sociale, të punimeve që po kryhen në kantierin e ujësjellësit të ri të Patosit.

Rama u shpreh se ky investim do të garantojë furnizim me ujë të pijshëm pa ndërprerje për banorët e qytetit dhe fshatrave përreth

“Kantieri i ujësjellësit të ri të Patosit, një investim i cili do të garantojë furnizim me ujë të pijshëm pa ndërprerje për banorët e qytetit dhe fshatrave përreth”, shkruan Rama në Facebook./abcnews.al

Korpusi elitar i Gardës Revolucionare të Iranit (IRGC) ka urdhëruar të gjithë anëtarët të ndalojnë përdorimin e çdo lloj pajisjeje komunikimi pasi mijëra pagera dhe radio radiofonike të përdorura nga aleatët e tij të Hezbollahut në Liban shpërthyen në sulmet vdekjeprurëse javën e kaluar.

Kështu u shprehën dy zyrtarë të lartë iranianë të sigurisë për Reuters.

Një nga zyrtarët e sigurisë tha se një operacion në shkallë të gjerë është duke u zhvilluar nga IRGC për të inspektuar të gjitha pajisjet, jo vetëm pajisjet e komunikimit. Ai tha se shumica e këtyre pajisjeve ishin ose të bëra vetë ose të importuara nga Kina dhe Rusia.

Irani ishte i shqetësuar për infiltrimin nga agjentët izraelitë, duke përfshirë iranianët në listën e pagave të Izraelit dhe një hetim i plotë i personelit tashmë ka filluar, duke synuar anëtarët e mesëm dhe të lartë të IRGC-së, shtoi zyrtari, i cili nuk pranoi të identifikohej për shkak të ndjeshmërisë së çështje.

“Kjo përfshin shqyrtimin e llogarive të tyre bankare si në Iran dhe jashtë vendit, si dhe historinë e tyre të udhëtimit dhe atë të familjeve të tyre,” tha zyrtari i sigurisë./abcnews.al

Meterelogia Lajda Porja thotë se gjatë kësaj jave do të kemi mot të kthjellët, por edhe temperatura të larta.

Porja u shpreh se të premten, temperaturat do të shkojnë deri në 32 gradë.

“Verë dhe vjeshtë përgjatë kësaj jave. Moti sot ka nisur me mot të kthjellët në pjesën më të madhe të territorit shqiptar. Në pjesën e dytë të ditës, vranësirat do të shtohen, duke bërë që sot gjatë natës dhe ditën e martë, të kemi reshje të pakta në veri dhe qendër, rrebeshe në zonat jugore. Parashikohet që edhe dita e mërkurë, të mbetet tipike vjeshte, me vranësira, me reshje ndonëse me sasi të pakta, megjithatë presim që temperaturat e ajrit sot 29 gradë, dita e martë dhe e mërkurë do sjellë një rënie të lehtë të tyre, vranësirat dhe reshjet do jenë prezente. Do përjetojmë të enjten dhe kryesisht të premten, ditë vere. Do kemi një ditë me diell dhe temperatura të larta, ku do të kulmojnë të premten deri në 32 gradë”, theksoi ajo./abcnews.al

Rezistenca Islamike në Irak tha në një deklaratë se ka kryer një sulm ndaj “bazës së vëzhgimit të Brigadës Golani” të ushtrisë izraelite në Palestinën e pushtuar me dronë.

Times of Israel, duke cituar ushtrinë izraelite, tha se “incidenti ka përfunduar [tani]”. Gazeta raportoi se alarmet për infiltrimin e dronëve kishin rënë në tre qytete në zonat jugore të Lartësive të Golanit të pushtuara nga Izraeli.

Nuk pati raportime të menjëhershme për viktima apo dëme.

Incidenti i fundit vjen pasi grupi irakian mori përsipër pesë sulme të ngjashme në territorin izraelit të dielën.

Izabel Dyle është një 10-vjeçare shqiptare e cila ka vendosur një rekord të pathyeshëm në Angli.

Në emisionin “ABC e Mëngjesit” në ABC News, Izabel u shpreh se ka lexuar 145 libra në 8 javë.

“145 libra për 8 javë. Kam lexuar 5-6 orë në ditë. Te telefoni rri kur jam pushim, kam lexuar më parë libra shqip. Por nuk i kam lexuar në garë. Kaloj shumë kohë në librari, librat që kam lexuar janë në anglisht”, tha ajo ndër të tjera.

“Izabel ka pëlqyer gjithmonë që të lexojë libra”, theksoi e ëma e Izabelit./abcnews.al

Ardit Kacorri është një kuzhinier shqiptar, i cili nisi punën në një restorant në Selanik, e tanimë po korr sukses në SHBA.

Në emisionin “ABC e Mëngjesit”, Kacorri u shpreh se plani i tij, është që të hapë në Florida një restorant me kuzhinë mesdhetare.

“Jo, nuk më ka rastisur. Edhe nga larg pak vështirë ta shikosh. Kam, kuzhinën e adhuroj, e bëj, por deri në një pikë të caktuar. I përkushtohesh, por brenda orareve të punës. Pas orarit të punës, mendon për gjëra të tjera. Unë mund të them, që gastronomia është diçka shumë e gjerë. E vërteta është që çdo shef është specifik. Nuk mund t’i bëjmë të gjithë që ta pëlqejnë kuzhinën tonë. Nuk jam marrë sakstësisht me gastronominë shqiptare, bëj atë mesdhetare. Për momentin jam në Florida, dua të vazhdoj të jem aty. Plani është të krijoj një restorant me kuzhinë mesdhetare”, theksoi ai./abcnews.al

Festivali ndërkombëtar i fotografisë mbylli punimet me natën finale në Fier.

“Prek me sy” ishte tema kryesore e këtij edicioni, që u zhvillua edhe me një risi, konkurimin në kategorinë e fotolajmit, çmimi i parë i së cilës u rrëmbye nga një shqiptar.

“Focus Awards tashmë eshte kthyer ne institucion. Jemi te kenaqur që presim kaq shume punime në lidhje me fotografinë, peisazhin. Eshtë e veshtirë të perzgjedhesh mes kaq shume punimeve sepse e perseris, ka kaq shume fotografi ne sasi dhe përmbajtje …”

Për organizatorët, aktiviteti që zhvillohet tashmë prej vitesh i ka kaluar të gjithë pritshmëritë.

“Une jam drejtor artistik i festivalit fotometria. Bashkëpunojme me focus aëards prëj tre vitesh. Pame shume punime nga shume njerëz nga gjithë  bota dje përzgjodhëm ato më të mirat. Ësjtë gjë e mire te behen të tilla aktivitet ne qytete si fieri dhe Tirana dhe shpresoj të vazhdojë kështu.”

Focus Award’s që shënoi këtë vit edicionin e 15-të, është festivali më i madh në vend i fotografisë. 644 fotografë nga 30 vende te botës aplikuan me punimet e tyre nga të cilet u përzgjodhën për konkurim 195. /abcnews.al

Kolosi muzikës folklorike mbarëshqiptare Sali Mani në 80 vjetorin e tij të lindjes u përkujtua në Malësinë e Madhe me një aktivitet të quajtur “Akademi për Sali Manin”.

Ai njihet si  një prej personaliteteve  më të shquara  të folklorit shqiptar ndërsa  ka krijuar me tekst e melodi 1300 këngë, një pjesë e të cilave kanë mbetur në memorien e kombit shqiptar.

Miqtë artistë të Sali Manit të ardhur nga gjitha trevat shqiptare e përkujtojnë atë si një prej këngëtarëve më të shquar të folklorit shqiptar….

Sali Mani është vlerësuar  me çmimin “Qytetar Nderi” i akorduar në 2019-ën nga Këshilli i Bashkisë Malësi e Madhe pas vdekjes.Sali Mani lindi në gusht të vitit 1944 në fshatin Dukë në Malësinë e Madhe ndërsa u nda nga jeta më 29 dhjetor të 2009-ës në moshën 65 vjeçare kur kishte ende shumë për të dhënë përmes artit të tij./abcnews.al

Një tërmet me magnitudë 6 ka goditur San Luis, rajonin e Argjentinës, ka njoftuar Qendra Sizmologjike Mesdhetare Evropiane (EMSC).

Bëhet e ditur se epiqendra ishte rreth 88 kilometra në veriperëndim të Villa General Roca dhe kishte një thellësi prej 129 kilometra.

Lëkundje janë ndjerë edhe në provinca të tjera si La Rioja, San Juan, Mandoza dhe Cordoba. Deri më tani, nuk ka pasur raporte për dëme apo viktima.

Megjithatë, mund të duhen disa orë derisa autoritetet të kryejnë vlerësimet gjithëpërfshirëse të dëmeve.

Read More...

Cilësohet sërish sfidë e së vërtetës.

Gjithsesi, derbi I Madoninës duhet të quhet seria zikaltër, pasi Interi ka 6 fitore radhazi në të gjitha konkurrimet.

Sonte, do të luhet sërish përballja më e ndjeshme në Itali, dhe nëse kampionët duan vazhdimin e triumfeve, Milani synon t’i japë fund mallkimit.

Mjafton të kujtojmë se sfida në fushën e Interit në “San Siro”, sezonin e kaluar në Serinë A, përfundoi 5-1.

Po kaq e madhe është edhe diferenca mes dy ekipeve.

Të besuarit e trajnerit Simone Inzagi u stërvitën me vetëbesim pas barazimit në Mançester ndaj Sitit në Champions, dhe ecurisë jo negative në kampionat.

Po ashtu, ata nuk kanë asnjë mungesë.

Inzagi pohon se derbi është I paparashikueshëm, dhe se do të duhet të luhet me kujdes në çdo detaj për t’u fituar.

Ai beson se Milani është shumë më I fortë dhe I rrezikshëm sesa e tregon gjendja e tanishme.

“Derbi I së vërtetës”, – titullon “La Gazeta delo Sport”, që shton: Interi për rekordin, Milani për ringjalljen!

Trajneri Inzagi kërkon fitoren e 7 radhazi të sfidës brenda qytetit.

“Il Korriere delo Sport”, për habi, titull kryesor ka ndeshjen pa gola Juve-Napoli, ndërsa për derbin shkruan se Milani mund të luajë me 4-4-1-1, ndërsa Inzagi synon fitoren e shtatë radhazi.

Kuqezinjtë kanë vetëm një fitore në 5 ndeshje këtë sezon, përfshi Italinë dhe Championsin.

Padyshim shumë pak, dhe pozitat e trajnerit Fonseka janë tronditur pas humbjes në shtëpi ndaj Liverpulit.

Fonseka bën thirrje për reagim dhe thotë se është I qetë, me besim, dhe se nuk ka frikë nga shkarkimi.

Milani ka disa dëmtime si Tio, Florenci, Benaser, Sportielo dhe Kalabria./abcnews.al

Një 26-vjeçar është ndaluar nga policia e Vlorës. Ky shtetas kishte thyer masën e sigurisë, “Arrest në shtëpi”.

I riu tentoi arratisjen, për t’u larguar nga Shqipëria, por u kap nga policia.

“Po ky komisariat ndaloi shtetasin D. A., 26 vjeç, banues në Vlorë, pasi është konstatuar nga shërbimet e DRKM Vlorë në dalje të RSh-së, duke thyer masën e sigurisë “Arrest në shtëpi”, të cilën ia kishte caktuar Gjykata e Shkallës së Parë të Juridiksionit të Përgjithshëm Vlorë”, thuhet në njoftimin e policisë./abcnews.al

Shqiptarët po blejnë gjithmonë e më shumë banesa me kredi.Gjatë pjesës së parë të këtij viti rezulton se kërkesa për blerje apartamentesh ka qenë më e lartë se një vit më parë.Në raportin e Bankës së Shqipërisë për Stabilitetin financiar theksohet se sektori bankar ka vijuar të mbështesë me financim blerjen e pasurive të paluajtshme rezidenciale nga individët.

Në periudhën janar-qershor rezulton se kredia  për këtë segment shënoi vlerën 180 miliardë lekë, duke u rritur me 13% krahasuar me një vit më parë.Aprovimi i huave ka qenë më i lartë edhe pse bankat  edhe pse ka pasur një shtërngim të kritereve si në normën e interesit po ashtu edhe në kërkesën për kolateral. Cilësia e kredisë së marrë për këtë qëllim mbetet e mirë, dhe raporti i kredive me probleme u ul në 1.7%, nga 2.2% një vit më pare.

Po ashtu edhe bizneset kanë marrë më tëpër hua për të blerë pasuri të paluajtshme .Stoku i kredisë për pasuri të paluajtshme dhënë biznesit arriti në 170 miliardë lekë në fund të periudhës janar-qershor , duke u rritur me 10% krahasuar me fundin e vitit të kaluar. Në ndryshim nga kredia për sektorin e individëve, 66% e së cilës përbëhet nga kredia në Lek, rreth 60% e kredisë së marrë nga bizneset për blerjen e pasurive të paluajtshme përfaqësohet nga kredia në monedhë të huaj.

Ndërkohë që agjentët raportojnë se ka rënë numri i pronave të pashitura .Gjithashtu, lejet e ndërtimit të shprehura tregojnë një rënie të sipërfaqeve të reja të ndërtimit./abcnews.al

Një aksident me pasojë vdekjen e një personi u regjistrua mesditën e së dielës në Fier, në rrugën “Skënderbej”.

Një këmbësor 81-vjeçar u godit nga një automjet dhe si pësojë e përplasjes së fortë mori dëmtime të rënda në kokë.

Ai u transportua me urgjencë në spitalin rajonal Fier, por nuk arriti t’i mbijetojë plagëve. Drejtuesi i mjetit, një 47-vjeçar është shoqëruar në komisariat.

Policia dhe grupi hetimor ndodhen në vendngjarje për të zbardhur dinamikën e aksidentit./abcnews.al