Lady Gaga po rrëfehet rreth planeve të saj që ka për martesë me partnerin Michael Polansky.

Ndërsa shfaqet në Jimmy Kimmel Livetë martën, më 1 tetor, fituesja e Grammy-t, 38 vjeç, tregoi se si ajo dhe i fejuari Michael Polansky kanë disa ide të vogla për ditën e tyre të shënuar.

“Ne në fakt flasim për të shkuar në gjykatë vetëm ne të dy dhe për të porositur ushqim kinez,” i tha Gaga prezantuesit Jimmy Fallon. “Por duke më njohur mua, gjithashtu, mund të bëhet si një cirk me njëbrirësh”, shtoi ajo me shaka.

Gaga, e cila ishte në shfaqje për të promovuar filmin e saj të ri Joker: Folie à Deux , zbuloi gjithashtu mënyrën romantike se si Polansky e bëri për vete.

“Ai më propozoi menjëherë pas ditëlindjes sime,” tha ajo. “Kështu që ditëlindja ime kaloi dhe unë thashë, Epo, mendova se ai do të fliste, por atëherë ndoshta …”

Gaga më pas tregoi se Polansky “më dha një darkë të bukur ditëlindjeje” dhe ata më pas “shkuan ngjitje shkëmbi” pasi kishin shkuar më parë së bashku “gjë që ishte shumë argëtuese”.

“Me të vërtetë? A ngjitesh në shkëmbinj?” pyeti Kimmel.

“Do të thotë, po tani”, tha Gaga, duke i shtuar audiencës teksa vendosi duart rreth gojës, “do të bëja gjithçka për dashurinë”, ndërsa qeshte.

The post Plane për dasmë? Rrëfehet Lady Gaga appeared first on iconstyle.al.

Telenovela e parë shqiptare “Njerëz dhe Fate” e mbajti ‘të mbërthyer’ publikun, jo vetëm se ishte risi, por edhe për shkak të historisë që ajo kishte, duke pasqyruar realitetin shqiptar të asaj kohe.

Ishin vitet 2002-2003 kur, “Njerëz dhe Fate” mbërtheu para ekranit të gjithë shqiptarët. Historia tragjike e një familjeje shqiptare që përballej me vështirësitë e asaj kohe, si dhuna në familje, trafikimi apo droga, tërhoqi vëmendjen e shqiptarëve që hasnin të njëjtat probleme të asaj kohe. Pas 20 vitesh ‘Njerëz dhe Fate 2’ po rikthehet sërish!

Traileri sapo ka dalë nga furra dhe që nga 1 Nëntori “Njerëz dhe Fate 2” do të jetë në të gjitha kinematë e rajonit.

View this post on Instagram

A post shared by Papadhimitri Production (@papadhimitriproduction)

The post Seriali fenomen i viteve 2000, ‘Njerëz dhe Fate’ rikthehet pas 20 vitesh! appeared first on iconstyle.al.

E ftuar në “Top Albania Radio” ka qenë aktorja e humorit, Esmeralda Metka e njohur si Cubi. Kjo e fundit është pyetur nga Salsano nëse do të kishte dëshirë të ishte pjesë e moderimit të emisionit të humorit “Portokalli” i cili nis më 6 tetor. Mirëpo me përgjigjen e saj, ajo i ka “habitur” të gjithë.

Pjesë nga biseda: 

Salsano: Do doje të ishe prezantuese e Portokallisë?

Cubi: Sigurisht që po! Por ma morën ma morën në moment të fundit. 

Elona Duro: Kush ta ka marrë Nevina apo Kiara?

Cubi: Kiara, kjo e reja. (qesh).

Elona Duro: Prandaj e dua Cubin unë, bam bam aty.

Salsano: Po ti e kishe shfaqur më përpara këtë dëshirë apo kurrë? 

Cubi: E kisha shfaqur nëpër ëndrrat e mia. Ja thash dikujt por s’ma dëgjoi…

Edhe përse Cubi e bëri deklaratën me shaka, shakaja është gjysma e së vërtetë.

The post Cubi “plas” bombën: Kiara më mori moderimin e “Portokallisë” appeared first on iconstyle.al.

Princesha Beatrice, mbesa e mbretëreshës së ndjerë Elizabeth, ka ndarë një lajm emocionues me publikun.

Beatrice dhe bashkëshorti i saj, Edoardo Mapelli Mozzi, janë në pritje të fëmijës së dytë së bashku.

Njoftimi u bë përmes një postimi zyrtar në Instagramin e Pallatit Buckingham, ku u theksua se të dyja familjet janë “të lumtura” nga lajmi.

Krahas fotove të Princeshës Beatrice dhe Edoardo Mapelli Mozzi, në njoftim thuhej:

“Lartësia e saj mbretërore Princesha Beatrice dhe z. Edoardo Mapelli Mozzi janë shumë të lumtur të njoftojnë se ata janë në pritje të fëmijës së tyre të dytë së bashku në fillim të vitit të ri; një vëlla e motra për Wolfie-n dhe Sienna-n.”

View this post on Instagram

A post shared by The Royal Family (@theroyalfamily)

The post Familja mbretërore jep lajmin e bukur, princesha në pritje të ëmbël appeared first on iconstyle.al.

Ndikimi i Taylor Swift sa vjen e rritet. Superylli i muzikës ka hyrë në ujërat politike edhe më parë, por përkrahja e saj e fundit ndaj kandidates demokrate Kamala Harris për presidente mund të ketë shkaktuar një reagim jo dhe aq të mirë mes fansave të saj.

Ky ndryshim shënon një moment të rëndësishëm për Swift-in, e cila, për pjesën më të madhe të karrierës së saj të hershme, i mbajti bindjet e saj politike private. Vendimi i saj për të përkrahur Harris erdhi vetëm disa ditë pas debatit presidencial Trump-Harris në fillim të shtatorit, një veprim që dukej i caktuar me kujdes.

Por pasojat, me sa duket, ishin të shpejta. Sipas të dhënave të publikuara nga Chartmetric, këngëtarja e famshme ka parë një rënie të dukshme në dëgjueshmërinë e saj në Spotify që kur e bëri publike përkrahjen e saj.

The post Bëri publike mbështetjen për Harris, bien shifrat e Taylor Swift në Spotify appeared first on iconstyle.al.

Një djalë 9-vjeçar është në mesin e 120 personave që po akuzojnë Sean “Diddy” Combs për sulm seksual dhe abuzim në proceset gjyqësore të afërta, thotë një avokat i akuzuesit.

Avokati me bazë në Houston, Tony Buzbee mbajti një konferencë shtypi të martën, më 1 tetor, duke pretenduar se Combs ka abuzuar seksualisht me të mitur të shumtë.  

Buzbee pretendoi se një djalë 9-vjeçar ishte abuzuar seksualisht pasi ai bëri audicionin në Studion Bad Boy Records në New York City.

“Djem të tjerë ishin gjithashtu atje për të audicuar,” tha Buzbee. “Të gjithë ata po përpiqeshin të arrinin një marrëveshje rekord. Të gjithë ishin të mitur. Ky individ [9-vjeçari] u abuzua seksualisht, dyshohet se nga Sean Combs dhe disa njerëz të tjerë në studio me premtimin ndaj prindërve dhe vetes së tij për të marrë një marrëveshje diskografike.”

Të martën, Buzbee tha se firma e tij ligjore, së bashku me AVA Law Group, u mbajtën nga të paktën 120 individë për të paraqitur padi civile kundër Combs. Njëzet e pesë nga viktimat e supozuara janë të mitur, tha Buzbee.

Sipas NBC News , Buzbee planifikon të ngrejë padi në shtete të ndryshme në 30 ditët e ardhshme.

The post Sean “Diddy” Combs akuzohet për abuzim seksual me një djalë 9-vjeçar appeared first on iconstyle.al.

Më shumë se 100 persona kanë paditur reperin Sean ‘Diddy’ Combs për sulm seksual, përdhunim dhe shfrytëzim seksual.

Lajmin për këtë e ka konfirmuar për mediat e huaja avokati amerikan Tony Buzbee, i cili do të përfaqësojë personat që pretendojnë se P Diddy i ka shfrytëzuar dhe abuzuar seksualisht me ta.

“Kjo është një çështje e rëndësishme që ne synojmë ta ndjekim në mënyrë agresive. Ne nuk do të lëmë pa lëvizur për të gjetur të gjitha palët potencialisht përgjegjëse, duke përfshirë çdo individ, që mori pjesë ose përfitoi nga kjo sjellje e egër”, tha Buzbee.

Pretendimet e supozuara të diskutuara në konferencë, duke përfshirë burra dhe gra nga mosha 9 deri në 38 vjeç, filluan në fillim të viteve 2000. Rikujtojmë që Diddy momentalisht gjendet përballë akuzave për trafik seksual dhe shantazh që përfshihen në një padi federale që pretendon se ai gjithashtu mori pjesë në rrëmbim, punë të detyruar, ryshfet dhe krime të tjera. Megjithatë, ai i mohon të gjitha akuzat për këto krime.

Arrestimi i tij u bë i mundur javën e kaluar dhe aktualisht është në paraburgim.

The post Më shumë se 100 persona kanë paditur reperin Diddy appeared first on iconstyle.al.

Vendi ynë do të vijojë të ndikohet nga kushte atmosferike të qëndrueshme për shkak të masave ajrore në qarkullim të thata me origjinë jugore.

Moti parashikohet i kthjellët në të gjithë territorin përjashtuar vranësirat e pakta kalimtare në orët e mesditës dhe pasdites të cilat vijnë në shtim gradual në orët e vona të mbrëmjes.

Era pritet të jetë me drejtim juglindje – jugperëndim me shpejtësi 1-10 m/sek, ndërsa përgjatë vijës bregdetare dhe lugina era hera-herës me rrahje dhe relativisht intensive dhe shpejtësi 12-16m/sek.

Temperaturat parashikohen:
në zonat malore 7 deri 25°C
në zonat e ulëta 9 deri 29°C
në zonat bregdetare 13 deri 29°C.

The post Kthjellime dhe vranësira të pakta/ Ja si do të jenë temperaturat për ditën e sotme appeared first on iconstyle.al.

Dashi

Shfrytëzoni këtë periudhë për të mos humbur përgjithmonë një rast për të qenë aty ku keni ëndërruar gjithmonë. Dashuria duket pasionante, por ju shpesh tërhiqeni në hije duke pritur që partneri të marrë të gjithë peshën e lidhjes. Puna ju ka dobësuar, mos shkoni kundër rrymës! Shëndeti mbetet i qëndrueshëm. Pika e dobët është misteri i pavend dhe çelësi i suksesit janë ca para që keni lënë mënjanë.

Demi

Forma e mirë fizike duhet harmonizuar me atë shpirtërore. Emocionet ju kanë zbutur ambiciet e kota që më parë ju ishin kthyer në prioritet. Familja është vlera juaj më e madhe. Puna po shkon mirë, por ekonomikisht çaloni tek investimet e mëdha, por ju dini të kënaqeni me pak. Shëndeti është I fortë, ruajeni! Pika e dobët është të ëndërruarit me syhapur, çelësi i suksesit është elasticiteti social.

Binjakët

Këto ditë do ju zhysin në një përrallë që vështirë se do mund të dilni dot lehtë. Jetoni bukur çdo çast në lidhjen tuaj dhe mos u rezervoni nëse dikush kërkon t’ju ktheje pas në kohën kur keni vuajtur për fajin e të tjerëve. Pika e dobët është afrimiteti i pajustifikuar me njerëz dembele e pa vizione, çelësi i suksesit; pasioni për të superuar idetë naïve të kolegëve, ecni përpara!

Gaforrja

Fat të madh keni sot. Keqardhja per kohën që iku duhet zhdukur krejtësisht pasi ditë të mrekullueshme ju ndrijnë në horizont. Letrat janë të hapura dhe ju duhet thjesht të shihni me kujdes se çfarë keni përqark. Frika mos humbisni durimin me persona kokëfortë ju ka stepur për të vendosur mbi një çështje madhore. Pika e dobët është rutina vanitoze, çelësi i suksesit është zgjuarësia për të dalë nga situata.

Luani

Adrenalinë, keni kaluar në një stad të ri energjik dhe nuk po ju njohin dot më. Shpesh rrëshkisni në delirim, por rrethanat ju riformatojnë me sforco. Disiplina është motivi juaj që duhet ta tradhëtoni pasi mund të humbisni gjithë sa keni me një komandë të vetme. Nuk ju shkon të ulni kokën para atyre që vibrojnë më ulët se ju, kapni majat! Pika e dobët janë fjalët e tepërta që nuk i kurseni aspak, ndërsa çelësi I suksesit; ngjyrat që ju mbushin e ju bëjnë të jeni më të mirët, të jeni thjeshtë; luanë!


Virgjëresha

Në mendjen tuaj kalojnë mijëra ide brenda pak sekondash. Ruani ekulibrin mes pasionit dhe racionales. Rrëfimet e ndjera të përvojave të të tjerëve po ju bëjnë më të ndjeshëm, ndaj ju duhet të ndryshoni atmosferë. Në punë po shkon çdo gjë siç dëshironit më herët. Mbi supe po mbani një peshë për të cilën do shpërbleheni në kohë. Pika e dobët është ndjeshmëria për detajet artistike dhe çelësi i suksesit; përshtatja me miq që rikthehen në jetën tuaj.

Peshorja

Yjet po shijojnë shkëlqimin tuaj. Gjithë kjo aurë që ju rrethon ju ka dhënë plot ngjyra në jetë. Dashuroni me zemër dhe mos u bëni të varur ndaj personave që simpatizoni. Matematicienë të frikshëm jeni në raporte sociale dhe keni kultivuar një mënyrë jetese që ju veçon nga të tjerët. Mirësjellja ju bën edhe më të bukur. Pika e dobët është kur mendoni se mund të zhdukni të shkuarën, çelësi i suksesit; arratisjet emocionale.

Akrepi

Një trashëgimi e madhe do ju kënaqë. Shpresat tuaja për të shkuar përtej mundësive ekonomike shpesh ju bëjnë qesharakë para atyre që jetojnë me laps në dorë. Priten takime pune dhe mbyllje çështjesh gjyqësore familjare. Delikate situata është në dashuri. Pika e dobët është superioriteti, çelësi i suksesit është racionaliteti.

Shigjetari

Përvoja të reja në dashuri do ju trakasin në shpirt. Do humbisni pas romancës e do shënoni vitin më të artë në jetën tuaj. Martesat nuk janë të papritura, me rëndësi është t’i organizoni bukur. Shëndeti është pak delikat, por gjithçka duket kalimtare. Mos u befasoni shumë nga thashethemet, por injorojini sikur të mos kishin ekzistuar kurrë. Pika e dobët është paraja, çelësi i suksesit; shpirti aventurës.

Bricjapi

Ju po dukeni në sytë e të tjerëve një strateg, kur në fakt ata nuk njohin një përmasë tjetër tuajën; pasionin. Kjo eufori ju mbush shpirtin dhe ju hedh në terrene që mund t’i zotëroni pa frikë. Logjika dhe racionaliteti ju bëjnë pak të ftohtë në raport me kolegët, por ata që janë profesionistë dinë të vlerësojnë kapacitete tuaja. Mos u bëni dhelpërakë në raportin sentimental, dashuria fundja fundit është ngrohtësi. Pika e dobët është të qenurit të prerë, çelësi i suksesit; siguria që dini të falni.

Ujori

Jeni duke jetuar ditë që do ju japin statusin e të qenurit përfundimisht më të përkëdhelurit. Fejesa, fëmijë, lajme të mira në familje, blerje, punë të mira… por kujdes me raportet me kolegët. Pika e dobët do jenë tekat e tëpërta në dashuri, çelësi i suksesit; sinqeriteti.

Peshqit

Po notoni në ujëra që nuk ju përkasin. Ruani qetësinë në çdo marrëveshje financiare dhe mos kërkoni më shumë nga çfarë mund të ktheni. Në dashuri do jeni me krahë dhe kjo do ju bëjë optimist. Pika e dobët është mania për të mos qenë të sinqertë, çelësi i suksesit; aftësia për të qenë estetikisht të bukur.

The post Horoskopi për ditën e sotme, 2 tetor 2024 appeared first on iconstyle.al.

U luajtën mbrëmjen e sotme prej orës 18:45, dy duelet e vlefshme për Champions League ku u shënuan në total 6 gola. Sparta e Pragës, siguroi 1 pikë të vyer në transfertë ndaj Shtutgartit, duke u ngjitur në kuotën e 4 pikëve. Çekët me Qazim Laçin dhe Albion Rrahmanin titullar barazuan 1-1, teksa në fushë nga stoli u hodh edhe Ermal Krasniqi në minutën e 81-të.

Ndërkohë në duelin tjetër mes Salcburgut dhe Brestit, skuadra franceze triumfoi me rezultatin 0-4 duke turpëruar kështu austriakët në shtëpi. Kjo është fitorja e dytë e francezëve në dy takimet e para në Champions, dicka historike për ta, që konfirmohen edhe një herë si surpriza më e bukur pas dy ndeshjeve të para, të formatit të ri të kompeticionit më të rëndësishëm në nivel klubesh në Europë./REFORMA

The post Champions League, Sparta Praga e shqiptarëve merr 1 pikë ndaj Stuttgart appeared first on iconstyle.al.

Dhjetori pritet të jetë një muaj emocionues për fanatikët e “Squid Game”, pasi pritet të dalë sezoni i dytë i këtij seriali të suksesshme. Me aktorë si Gong Yoo, pritshmëritë janë të larta për një sezon që do të vijë me shumë mister, aksion dhe tension. Data e premierës, 26 dhjetorit është e shumëpritur nga publiku, i cili është i gatshëm të bëjë një rrugë tjetër në botën e errët të “Squid Game”.

Ishte tetori i vitit 2024, kur “Squid Game” u shndërrua në një fenomen global, dy javë pas publikimit të heshtur në platformë, duke u bërë seria e parë koreane që arriti në vendin e parë në SHBA në Netflix.

Tani, pritshmëritë janë krejt të ndryshme për sezonin e dytë të “Squid Game”, që pritet të dalë për Krishtlindje. Ndryshe nga sezoni i parë, tashmë ekziston një strategji marketingu.

Disa javë më parë u publikua një trailer i parë që përqendrohet në Seong Gi-hun, të luajtur nga Lee Jung-jae, i cili kthehet në lojë, ndoshta për hakmarrje, duke përgatitur konfliktin e tij me Front Man-in. Megjithatë, Front Man nuk është i vetmi mister që mund të zbulojë sezoni i dytë, pasi krijuesi Hwang Dong-hyuk vazhdon të zgjerojë botën e “Squid Game”. Gjithashtu, kemi Shitësin, i njohur si “The Slapper”, që rekruton njerëz të cenueshëm në lojë. Një ‘teaser’ i ri për sezonin e dytë u publikua dje, me fokus të veçantë te ky personazh.

Në këtë video promocionale, Gong Yoo, aktori që luan Shitësin, është duke u përgatitur për ditën e tij. Ai pi kafe, shikon qytetin, vesh një kostum të rregullt dhe shkon në metro për punë… si shumë biznesmenë të tjerë në qytete të mëdha. Por puna e tij është më e errët, pasi ai rekruton njerëz në lojë, duke i shtyrë drejt vdekjes me premtime të shtrembëruara. Kjo është një metaforë e qartë për kapitalizmin e pakufizuar, temë që “Squid Game” e ka trajtuar që nga fillimi.

The post Detaje të reja nga “Squid Game 2” appeared first on iconstyle.al.

Pirja e çajit çdo ditë është një zakon që i bën shumë mirë zemrës. Këtë e thotë një studim, ku morën pjesë mbi 6500 të rritur të cilët në fillim të studimit nuk vuanin nga asnjë sëmundje e zemrës.

13% e tyre pranuan se pinin minimalisht një filxhan me çaj në ditë, ndërsa 51% e tyre pinin një ose më shumë filxhanë kafeje në ditë.

Në harkun kohor të 11 viteve, njerëzit që pinin çaj çdo ditë u përballën me një bllokim shumë të ngadaltë të enëve të gjakut.

Ata ishin 29% më pak të rrezikuar nga ataku në zemër, ishemia apo vdekja e parakohshme.

Njerëzit që pinin kafe çdo ditë nuk kishin asnjë prej këtyre përfitimeve.

Ndonëse pirja e çajit nuk është faktori i vetëm që ndikon në shëndetin e zemrës, ai është një kontribues i fortë për mirëqenien e këtij organi.

Çajrat më të mirë për zemrën

Kur vjen puna tek përfitimet për zemrën, lloji i çajit që zgjidhni ka shumë rëndësi, sidomos për mënyrën se si mund të ndërveprojë me ilaçet.

Kardiologët amerikanë thonë se çaji i zi, i bardhë dhe jeshil janë çajrat më të mirë për zemrë.

Çaji i zi

Çaji i Zi përmban shumë flavonoidë të mirë për zemrën.

Njerëzit që pijnë çaj të zit re herë në ditë kanë nivele më të ulëta të triglicerideve dhe kolesterolit.

Por çaji i zi përmban kafeinë e cila i bën keq zemrës, veçanërisht nëse vuani nga tensioni i lartë apo rrahjet e çrregullta.

Çaji jeshil

Çaji jeshil është zgjedhja më e mirë për zemrën.

Gjethet e tij nuk janë të oksiduara dhe ulin ndjeshëm kolesterolin e keq.

Pirja e këtij çaji ul rrezikun e sëmundjeve të zemrës dhe atakut në zemër.

Çaji i bardhë

Çaji i bardhë është më i pastri nga të gjithë çajrat.

Flavonoidët që gjenden tek ky çaj hollojnë gjakun, ulin tensionin, kolesterolin dhe përmirësojnë të gjithë qarkullimin e gjakut.

Megjithatë, nëse merrni ilaçe për hollimin e gjakut, ky çaj nuk është i duhuri për ju.

The post Studimi: Personat që pijnë çaj janë më pak të rrezikuar nga zemra appeared first on iconstyle.al.

Pas sulmit terrorist në Tel Aviv të Izraelit, konfirmohen tetë të vdekur dhe nëntë të plagosur.

Ngjarja ka ndodhur në zonën e Jaffës, ndërsa mësohet se dy autorët e sulmit janë ekzekutuar nga policia izraelite.

Dyshohet se dy autorët zbritën nga hekurudha dhe hapën zjarr me armë automatike mbi njerëzit që prisnin në stacionin e trenit.

The post Sulmi terrorist në Tel Aviv, konfirmohen 8 viktima dhe 9 të plagosur appeared first on iconstyle.al.

Prej ditësh është përfolur kudo nëpër rrjet se Salsano Rrapi nuk do të jetë pjesë e spektaklit të humorit “Portokalli”. Mirëpo lajmi është konfirmuar vetë faqja e Portokallisë teksa ka postuar një foto të moderatorit dhe nuk ka më vend për dyshime: Salsano do të jetë sërish pjesë e “Portokallisë” edhe këtë sezon.

“Me një eksperiencë 25 vjeçare, skenike, televizive dhe kinematografike, Salsano Rapi është pjesë e “Portokalli” prej 18 vitesh si aktor, moderator dhe skenarist. Gati për një tjetër sezon të suksesshëm!”, thuhet në postim.

Ai do të bashkëprezantojë spektaklin e humorit këtë sezon bashkë me Nevinën dhe Kiarën, e cila bashkohet për herë të parë me këtë program në vend të Xhemi Shehut.

The post S’ka vend për dyshime! Zbuloni nëse Salsano do të jetë ose jo pjesë e “Portokallisë” appeared first on iconstyle.al.

Rreth 500 raketa u lëshuan në Izrael të martën mbrëma nga Irani.

CEO i Magen David Adom, Eli Bin njoftoi se kishte një goditje të drejtpërdrejtë në një ndërtesë në veri të Tel Aviv, në rrugën George Weiss, megjithatë, MDA konfirmoi se ende nuk ka viktima. Ushtria izraelite thotë se raketat janë lëshuar nga Irani drejt Izraelit. Sikurse e përmendëm më sipër, ka pasur një shpërthim në Tel Aviv dhe tashmë sirenat paralajmëruese po bien në Jerusalem, sipas agjencisë së lajmeve.

Shumë rënie të tjera u regjistruan në Dimona, Nabatim, Hora, Hod Hasharon, Beer Sheva dhe Rishon Lezion.

Ben Gurion njoftoi se të gjitha uljet dhe ngritjet janë ndalur dhe të gjithë trenat janë ndalur. Avionët që ishin në ajër për ulje bënë një kthesë. Jordania dhe Iraku gjithashtu kanë mbyllur hapësirën e tyre ajrore.

תיעוד: נפילת שברי מיירטים וטילים בים המלח@rubih67
(צילום: יובל אפריאט) pic.twitter.com/ojN9RY8hGA

— כאן חדשות (@kann_news) October 1, 2024

The post Irani nis sulmin masiv ajror në Izrael, dërgon 500 raketa appeared first on iconstyle.al.

Bota feston sot Ditën Ndërkombëtare të Kafesë, si çdo vit, më 1 tetor. Kjo ditë synon të festojë dashurinë që kanë njerëzit për pijen e dashur, të pasur me kafeinë. Çdo vit, Dita Ndërkombëtare e Kafes përmban një temë dhe qëllim. Tema për këtë vit është “Kafja, rituali juaj i përditshëm, udhëtimi ynë i përbashkët”.

Kafeja është një nga pijet më të konsumuara në botë dhe studimet tregojnë se ka efekte të shumta shëndetësore, si dhe një ndikim të konsiderueshëm ekonomik. Një rishikim i gjerë i 127 studimeve tregon se konsumimi i rregullt i kafes mund të zvogëlojë rrezikun e kancerit, diabetit të tipit 2, sëmundjes së Parkinsonit dhe goditjes në tru, duke përmirësuar gjithashtu humorin dhe kujtesën.

Megjithatë, është e rëndësishme të mos kalohet konsumimi i më shumë se 400 mg kafeinë në ditë. Kjo mund të rritë ndjeshmërinë ndaj sëmundjeve kardiovaskulare.
Kafeja është më shumë se thjesht një pije. Është një fenomen kulturor që nxjerr si përfundim bashkësinë shoqërore dhe lidhjen e komunitetit. Në Paris, ka disa ceremoni të çuditshme etiopiane të kafesë dhe disa kafene të modës që e marrin kafen si një pjesë të domosdoshme të jetës së tyre të përditshme.

Kafeina, përveçse ofron energji, ndihmon në përmirësimin e mikrobiomës së zorrëve dhe stimulon rritjen e baktereve të dobishme. Një konsum optimal është 2-3 filxhanë në ditë, ndërsa shtimi i erëzave natyrale mund të përmirësojë shëndetin e kafesë. Kafeja e zezë preferohet më shumë, ajo përmban më shumë antioksidantë se variantet me qumësht dhe pjekjet më të lehta ruajnë më shumë përbërës të dobishëm.

Në vendin tonë, sektori i kafesë përballet me sfida të reja, duke përfshirë rritjen e çmimeve të produkteve ushqimore dhe ndryshimet në sjelljen e konsumatorëve. Në periudhën pas pandemisë përfaqësuesit e Shoqatës së Bareve dhe Restoranteve kanë theksuar se çmimet e produkteve bazë janë në rritje.

The post 1 tetor, Dita Ndërkombëtare e Kafesë appeared first on iconstyle.al.

Për shumë njerëz, shenja e parë e kancerit të gjirit është shfaqja e një kokrre (gunge) në gji. Mirëpo, simptomat e kancerit të gjirit janë të ndryshme – nga kokrra deri tek simptomat më pak të dukshme, siç janë ndryshimet në lëkurë. Nëse zbuloni ndonjë nga këto simptoma, nuk do të thotë automatikisht që keni kancer të gjirit, por është absolutisht thelbësore të vizitoni një mjek sa më shpejt të jetë e mundur.

Kanceri i gjirit duhet të identifikohet dhe trajtohet sa më shpejt që të jetë e mundur. Për pacientët me kancer të hershëm të gjirit kjo mund të ofrojë mundësinë më të mirë të shërimit ndërsa pacientëve, sëmundja e të cilëve është përhapur në organe të tjera do t’ ju mundësojë trajtimin e personalizuar, i cili do të sigurojë rezultatin më të mirë të mundshëm të mjekimit. Njihuni me simptomat e kancerit të gjirit dhe veproni menjëherë.

Ndryshimet në teksturën e lëkurës në ose rreth gjirit:
rrudhosja e lëkurës
formimi i gropëzave në lëkurë

Trashja e indit të gjirit
Shfaqja e erupsioneve lëkurore (ang. rash) ose përskuqja në thithkë ose në zonën përreth saj
Ndryshimet në thithkë të tilla si tërheqja e thithkës ose ndryshim i formës së saj
Venat e dukshme në gji
Ënjtje në sqetull

Kontrolloni rregullisht gjinjtë tuaj. Njihuni me simptomat e kancerit të gjirit. Kontaktoni menjëherë mjekun tuaj nëse vëreni ndonjë gjë të pazakontë. Diagnoza dhe trajtimi i kancerit të gjirit para se të përhapet ju jep mundësinë më të mirë të shërimit.

The post Zbuloni simptomat e kancerit të gjirit appeared first on iconstyle.al.

Këngëtarja e mirënjohur Cardi B ka zbuluar disa detaje më tepër lidhur me shtatzëninë e saj të tretë. Kjo gjë ndodhi në një video live në Instagram.

Cardi tha teksa ishte live në llogarinë e saj personale të Instagram-it se ajo e kuptoi menjëherë që ishte përsëri në pritje të ëmbël, nga një detaj i vetëm.

“Ishte rreth 20 mars ose 16 mars… ishte rreth atyre ditëve. U zgjova një mëngjes dhe goja ime kishte shije bakri. Fjalë për fjalë kishte shije si bakër. Kështu që unë thashë, ‘Oh zot. Kjo më ka ndodhur vetëm kur kam qenë shtatzënë’,” tha Cardi duke shtuar, “Kështu që unë e dija automatikisht që isha shtatzënë”.

Cardi zbuloi se sipas llogaritjeve të saj, ajo mendonte se ishte gjashtë ose shtatë javëshe shtatzënë, por vizita e saj me gjinekologen e la atë të tronditur.

“Ajo tha: “Ti nuk je shtatzënë në javën e shtatë apo në gjashtë të shtatzënisë. Ti je në javën e 17-të”. Dhe unë thashë, “Çfarë?”,”- kujton Cardi.

Për më tepër, Cardi tregoi se ajo u emocionua pasi pa sonografinë e bebit.

“Kur shikoj [sonografinë], ishte një foshnjë e formuar. Nuk ishte si një fasule e vogël. Ishte një foshnjë e madhe,” vazhdoi ajo. “Por unë nuk do të të gënjej, kur pashë atë sonogram dhe pashë që është si një fëmijë i formuar, pashë 10 gishta të këmbëve dhe 10 gishta të duarve, ndjeva menjëherë emocione të vërteta, të vërteta, të vërteta.”

The post Cardi B tregon momentin kur e kuptoi menjëherë se ishte shtatzënë,pa bërë asnjë test appeared first on iconstyle.al.

Michael Schumacher thuhet se u pa në publik për herë të parë pas shumë vitesh teksa mori pjesë në dasmën e vajzës së tij Gina-Maria.

Shtatë herë kampioni i botës në Formula 1, Schumacher, i cili pësoi lëndime që ia ndryshuan jetën gjatë një aksidenti në ski në vitin 2013, thuhet se ishte i pranishëm për të parë vajzën e tij të lidhte martesën me bashkëshortin e saj Ian Bethke, sipas The Mirror. Schumacher tregon kujdes gjatë gjithë kohës pas aksidentit të tij në Alpet Franceze më shumë se një dekadë më parë , pasi kishte goditur kokën në një shkëmb, pavarësisht se kishte veshur një helmetë ndërsa bënte ski me djalin e tij Mick.

Ai u transportua me helikopter në Spitalin e Grenoble ku iu nënshtrua dy ndërhyrjeve kirurgjikale përpara se të vendosej në koma të shkaktuar nga mjekësia për disa muaj.

55-vjeçari më vonë u kthye në shtëpinë e tij në Liqenin e Gjenevës në shtator 2014, ku për të është kujdesur nga gruaja e tij Corinna dhe ekipi i tyre i profesionistëve mjekësorë që atëherë.

The post Pas 11 vitesh, legjenda e “F1”,Michael Schumacher shfaqet për herë të parë në publik appeared first on iconstyle.al.

Gjatë një interviste, këngëtarja 31-vjeçare Ariana Grande, ka folur rreth spekulimeve për rinoplastikën dhe procedurat e tjera kozmetike, ndërsa ndau edhe rrugëtimin e saj drejt përqafimit të bukurisë natyrale.

Gjatë intervistës, Cynthia Erivo e pyeti drejtpërdrejt nëse ajo kishte bërë ndonjë ndërhyrje për t’u ndjerë më e pranuar apo e njohur. Grande shfrytëzoi rastin për të mohuar me humor pretendimet se ajo kishte një ndërhyrje në hundë ose gjoks, me poligrafin që konfirmonte sinqeritetin e saj.

“Jo, jo akoma,” tha Ariana me shaka kur u pyet për një ndryshim të fytyrës, duke shtuar se ajo është e hapur ndaj idesë në të ardhmen. 

Grande pranoi se kishte përdorur fillers dhe botox në të kaluarën, por zbuloi se ajo i ndërpreu të gjitha procedurat e tilla më shumë se katër vjet më parë. Këngëtarja theksoi mbështetjen e saj për këdo që zgjedh të përmirësojë pamjen në mënyra që i bëjnë të ndihen të bukur. Por tani ajo është e fokusuar në përqafimin e pamjes së saj natyrale, duke përfshirë linjat e saj të buzëqeshjes.

Duke reflektuar mbi përdorimin e fillerave të buzëve në të kaluarën, ajo shpjegoi se si ishte pjesë e një faze ku ndjeu nevojën për t’u përshtatur me standardet shoqërore të bukurisë. Që nga ndalimi i fillerave, ajo thotë se ndihet më e qetë me plakjen dhe pranimin e vetes së saj natyrale.

Madje, ajo shfrytëzoi rastin për të mohuar thashethemet se ajo kishte bërë një ngritje braziliane të të pasmeve (BBL), duke qeshur me idenë dhe duke konfirmuar se nuk është diçka që ajo do ta konsideronte ndonjëherë.

The post Ariana Grande rrëfehet mbi thashethemet për ndërhyrjet kozmetike appeared first on iconstyle.al.